Filmy Adda

బాలయ్య బాబు, బోయపాటి శ్రీను కాంబో అంటే అది ఎవర్ గ్రీన్. వీరిద్దరి కాంబో లో వచ్చిన లెజెండ్, సింహ సినిమాలు ఇప్పటికే హిట్ అయ్యాయి. మరో సారి వీరిద్దరూ కలిసి పనిచేస్తుండడం తో రాబోయే సినిమా పై అంచనాలు తారాస్థాయి కి చేరుకున్నాయి. తాజాగా, వీరిద్దరి కాంబో లో రాబోయే సినిమా కి “అఖండ” అనే టైటిల్ ను ఖరారు చేస్తూ.. ఓ వీడియో ను రిలీజ్ చేసారు.

ఈ వీడియో లో టైటిల్ తో పాటు బాలయ్యబాబు లుక్ ను కూడా రివీల్ చేసారు. ఈ టీజర్ ను బట్టి “అఖండ” సినిమా లో బాలయ్య బాబు సరికొత్త గా కనిపించబోతున్నారని తెలుస్తోంది. “అఖండ” టీజర్ లో బాలయ్య ఫుల్ ఎనర్జిటిక్ గా కనిపిస్తున్నారు. “కాలు దువ్వే నంది ముందు రంగు మార్చిన పంది..కారు కూతలు కూస్తే కపాలం పగిలిపోద్ది!” అంటూ బాలయ్యబాబు చెప్పే డైలాగ్ ఫాన్స్ కి పూనకాలు తెప్పిస్తోంది.

ప్రస్తుతం ఈ వీడియో నెంబర్ 1 ట్రెండింగ్ లో ఉంది. ఈ టీజర్ లో బాలకృష్ణ లుక్ పై చర్చలు కూడా జరిగేస్తున్నాయి. బాలయ్యబాబు చెప్పే డైలాగ్స్ ఒక లెవెల్ అయితే, తమన్ బ్యాక్ గ్రౌండ్ మ్యూజిక్ వేరే లెవెల్ లో ఉంది. మొత్తానికి ఈ టీజర్ ఇప్పటికే ఉన్న అంచనాలను మరింత పెంచేసింది. అయితే, ఈ టీజర్ లో ఈ నాలుగు విషయాలపై మీరు కూడా ఓ లుక్ వేయండి.

#1 ఈ టీజర్ ప్రారంభం లో బాలకృష్ణ రుద్రాక్ష మాలను పట్టుకుంటారు. సాధారణం గా రుద్రాక్ష దండలు మొత్తం రుద్రాక్షలతోనే కట్టబడి ఉంటాయి. కానీ, బాలయ్యబాబు పట్టుకునే రుద్రాక్ష దండకి మధ్యలో శివలింగం లాకెట్ లాగా ఉంటుంది.

#2 అలాగే బాలయ్యబాబు నుదిటిన విభూతి తిలకం కూడా డిఫరెంట్ గా ఉంటుంది. చాలామంది శైవులు మూడు అడ్డ విభూతి నామాలు పెట్టుకుంటారు. అదే వైష్ణవులు నిలువు తిలకం నామం పెట్టుకుంటారు. కానీ బాలయ్యబాబు రెండు కలిపి పెట్టుకుని కనిపిస్తారు. విభూతి నామాలు అడ్డంగా ఉండి, వాటిపై నిలువు తిలకం నామం కనిపిస్తుంది.

#3 ఇంకో విషయం ఏమిటంటే.. త్రిశూలం కూడా డిఫరెంట్ గానే ఉండడం. సాధారణం గా మూడు శూలాలు ఉంటాయి కాబట్టే దానిని త్రిశూలం అంటారు. కానీ బాలయ్య పట్టుకున్న త్రిశూలానికి మాత్రం ఐదు శూలాలను మనం చూడవచ్చు.

#4 ఇక నాలుగోది ఏంటి అంటే.. బాలయ్యబాబు గడ్డం. ఆయన జుట్టు మీసాలు మాత్రం యంగ్ ఏజ్ లో ఉన్నవారికి లాగ నల్లగా నిగనిగలాడుతూ ఉంటాయి. కానీ, గడ్డం మాత్రం బాగా పడిపోయినట్లు కనిపిస్తుంది. అయినా.. అభిమానులకు బాలయ్యబాబు ఎలా ఉన్నా నచ్చేస్తారు అనుకోండి..అది వేరే విషయం.

మన సినిమాల్లో మన హీరోలు ఎంతో మంది ఎన్నో రకాల పాత్రలు పోషిస్తారు. డాక్టర్లు, ప్రొఫెసర్లు, పోలీసులు ఇలా ఎన్నో రకాల పాత్రలను పోషిస్తారు. అలా మన హీరోలు కొంత మంది లాయర్ పాత్రను కూడా పోషించారు. ఆ హీరోలు ఎవరో, వారు లాయర్ పాత్రలు చేసిన సినిమాలు ఏవో ఇప్పుడు చూద్దాం.

#1 రాజేంద్ర ప్రసాద్ – చెట్టు కింద ప్లీడర్

రాజేంద్ర ప్రసాద్ గారు చెట్టు కింద ప్లీడర్ సినిమాలో లాయర్ పాత్రని పోషించారు.

#2 సందీప్ కిషన్ – తెనాలి రామకృష్ణ

కొంత కాలం క్రితం విడుదలైన తెనాలి రామకృష్ణ సినిమాలో సందీప్ కిషన్ లాయర్ పాత్రను పోషించారు.

#3 జూనియర్ ఎన్టీఆర్ – స్టూడెంట్ నెంబర్ 1

జూనియర్ ఎన్టీఆర్ – రాజమౌళి కాంబినేషన్ లో వచ్చిన మొదటి సినిమా స్టూడెంట్ నెంబర్ 1 సినిమాలో జూనియర్ ఎన్టీఆర్ లాయర్ పాత్రని పోషించారు.

#4 అక్కినేని నాగార్జున – అధిపతి

అక్కినేని నాగార్జున అధిపతి సినిమాలో లాయర్ పాత్రలో స్పెషల్ అప్పియరెన్స్ లో కనిపిస్తారు.

#5 శ్రీకాంత్ – రాధాగోపాళం

బాపు గారి దర్శకత్వంలో వచ్చిన రాధాగోపాళం సినిమాలో శ్రీకాంత్ లాయర్ పాత్రలో నటించారు.

#6 కృష్ణ – గూండా రాజ్యం

సూపర్ స్టార్ కృష్ణ గారు గూండా రాజ్యం అనే సినిమాలో లాయర్ పాత్ర పోషించారు.

#7 చిరంజీవి – అభిలాష 

మెగాస్టార్ చిరంజీవి అభిలాష సినిమాలో లాయర్ గా నటించారు.

#8 గోపీచంద్ – పక్కా కమర్షియల్

గోపీచంద్ – మారుతి కాంబినేషన్ లో రాబోతున్న పక్కా కమర్షియల్ సినిమాలో గోపీచంద్ లాయర్ పాత్ర లో  కనిపిస్తారు అని సమాచారం.

#9 వెంకటేష్ – ధర్మచక్రం

విక్టరీ వెంకటేష్ ధర్మచక్రం సినిమాలో లాయర్ పాత్రలో నటించారు.

#10 నందమూరి తారక రామారావు – లాయర్ విశ్వనాథ్

నందమూరి తారక రామారావు గారు లాయర్ విశ్వనాథ్ సినిమాతో పాటు ఇంకా కొన్ని సినిమాల్లో లాయర్ పాత్రలు పోషించారు.

#11 పవన్ కళ్యాణ్ – వకీల్ సాబ్

పవర్ స్టార్ పవన్ కళ్యాణ్ ఇటీవల విడుదలై బ్లాక్ బస్టర్ సాధించిన వకీల్ సాబ్ సినిమాలో లాయర్ గా నటించారు.

#12 అక్కినేని నాగేశ్వరరావు – సుడిగుండాలు

అక్కినేని నాగేశ్వరరావు గారు సుడిగుండాలు, ఆదర్శవంతుడు తో పాటు ఇంకా కొన్ని సినిమాల్లో లాయర్ పాత్రని పోషించారు.

#13 సత్యదేవ్ –  తిమ్మరుసు

2019 లో విడుదల అయ్యి సూపర్ హిట్ సాధించిన కన్నడ సినిమా బీర్బల్ తెలుగు రీమేక్ గా రాబోతున్న తిమ్మరుసు సినిమాలో సత్యదేవ్ లాయర్ పాత్రలో నటించారు.

చాలా మంది సినిమా అనగానే ఒక గ్లామర్ ప్రపంచం అనుకుంటారు. ఇంక హీరోయిన్స్ అంటే చాలా మందికి గ్లామరస్ రోల్స్ మాత్రమే గుర్తొస్తాయి. కానీ కొంత మంది హీరోయిన్స్ మాత్రం స్కిన్ షో కి దూరంగా ఉన్నారు. అలా ఉండి ఇండస్ట్రీలో రాణిస్తున్నారు కూడా. వారిలో కొంత మంది ఎవరో ఇప్పుడు చూద్దాం.

#1 కీర్తి సురేష్

కీర్తి సురేష్ మోడ్రన్ డ్రెస్సెస్ వేసుకున్నా కూడా స్కిన్ షో ఎక్కువ ప్రిఫర్ చేయరు. ఇదే విషయాన్ని కీర్తి సురేష్ అంతకు ముందు ఒక ఇంటర్వ్యూలో కూడా చెప్పారు.

#2 సాయి పల్లవి

ఫిదా సినిమా తోనే స్టార్ యాక్ట్రెస్ స్టేటస్ సంపాదించుకున్నారు సాయి పల్లవి. ఎంతో మంది స్టార్ హీరోలు కూడా సాయి పల్లవి నటనని, డాన్స్ ని ప్రశంసించారు. సాయి పల్లవి కూడా ఎక్స్ పోజింగ్ కి అలాగే ఆన్ స్క్రీన్ కిస్సింగ్ కి దూరంగా ఉంటానని ఒక ఇంటర్వ్యూలో చెప్పారు.

#3 ఐశ్వర్య రాజేష్

వరల్డ్ ఫేమస్ లవర్ సినిమా తో తెలుగు నాట బాగా ఫేమస్ అయిపోయిన అమ్మాయి ఐశ్వర్య రాజేష్. కౌసల్య కృష్ణమూర్తి సినిమా తో ఐశ్వర్య తెలుగు వారికీ దగ్గరైంది. తెలుగు అమ్మాయే ఐన ఐశ్వర్య పుట్టి పెరిగింది అంతా చెన్నై లోనే.. తమిళనాట ఆమె దాదాపు పాతిక సినిమా లు వరకు నటించింది. ఇవి కాక, ఒక హిందీ సినిమా తో పాటు రెండు మలయాళం సినిమాలు కూడా చేసింది. ఆమె కూడా గ్లామర్ పాత్రలకి దూరంగానే ఉన్నారు.

#4 లయ

స్వయంవరం, ప్రేమించు, పెళ్ళాంతో పనేంటి ఇలా ఎన్నో సినిమాలతో ఎంతో పేరు సంపాదించుకున్నారు మన తెలుగు అమ్మాయి లయ. లయ కొంత కాలం క్రితం విడుదలైన అమర్ అక్బర్ ఆంటోనీ సినిమాలో కూడా ఒక ముఖ్య పాత్రలో నటించారు. లయ కూడా ఎక్కువ గ్లామర్ రోల్స్ చెయ్యలేదు.

#5 నిత్యా మీనన్

ఇప్పుడు ఉన్న బెస్ట్ యాక్ట్రెసెస్ లో ఒకరు నిత్యా మీనన్. నిత్యా మీనన్ కూడా గ్లామర్ రోల్స్ కంటే యాక్టింగ్ కి స్కోప్ ఉన్న రోల్స్ కి ఎక్కువ ప్రాధాన్యత ఇస్తాను అని అంతకు ముందు ఎన్నో సార్లు చెప్పారు.

#6 నజ్రియా నజీమ్

మలయాళ నటి నజ్రియా నజీమ్ రాజారాణి సినిమాతో తెలుగు ప్రేక్షకులకు కూడా చేరువయ్యారు. ఇప్పుడు నాచురల్ స్టార్ నాని తో కలిసి అంటే సుందరానికి సినిమాలో నటిస్తున్నారు. నజ్రియా కూడా గ్లామర్ రోల్స్ చేయడానికి ఎక్కువగా ప్రిఫర్ చెయ్యలేదు.

#7 నివేతా థామస్

జెంటిల్మెన్, నిన్నుకోరి, బ్రోచేవారెవరురా వంటి చిత్రాలతో తెలుగు ప్రేక్షకులకు ఎంతో చేరువయ్యారు నివేతా థామస్. నివేత ఇప్పటివరకు నటించిన దాదాపు అన్ని సినిమాలు నటనకి స్కోప్ ఉన్నవే.

#8 రేవతి

సీనియర్ నటి రేవతి గారు కూడా ఎక్కువగా నటనకి ఇంపార్టెన్స్ ఉన్న పాత్రల్లో మాత్రమే నటించారు.

#9 సౌందర్య

తెలుగు, తమిళ్, కన్నడ, హిందీ ఇలా ఎన్నో భాషల్లో నటించిన సౌందర్య గారు కూడా ఎక్కువగా నటనకు ప్రాధాన్యత ఉన్న పాత్రల్లో మాత్రమే నటించారు. ఇప్పటికి కూడా సౌందర్య గారి సినిమాలు చూస్తే సౌందర్య గారు ఎంత గొప్ప నటో మనకి అర్థమవుతుంది.

#10 అనుపమ పరమేశ్వరన్

ప్రేమమ్, శతమానం భవతి, తేజ్ ఐ లవ్ యు, రాక్షసుడు, కృష్ణార్జున యుద్ధం ఇలా ఎన్నో తెలుగు సినిమాలతో ఎంతో గుర్తింపు తెచ్చుకున్నారు అనుపమ పరమేశ్వరన్. ప్రస్తుతం నిఖిల్ తో 18 పేజెస్ అనే సినిమాలో నటిస్తున్నారు. అనుపమ పరమేశ్వరన్ కూడా ఇప్పటి వరకు సినిమాల్లో  మోడ్రన్ దుస్తుల్లో కనిపించారు కానీ గ్లామర్ డోస్ ఎక్కువగా ఉన్న సినిమాల్లో నటించలేదు.

నితిన్, సమంత లు హీరో హీరోయిన్లు గా నటించిన “అ ఆ” సినిమా గుర్తుంది కదా.. “త్రివిక్రమ్” అనే మాటల మాంత్రికుడి కలం నుంచి జారిపడ్డ మరో ఆణిముత్యం ఇది. ఈ సినిమా కాన్సెప్ట్ చాలా చిన్నదే. కానీ, డైరెక్ట్ చేసిన విధానం, ఆకట్టుకునే డైలాగు లు ఈ సినిమా కి ప్రధాన ఆకర్షణ. అనుపమ పరమేశ్వరన్ కూడా ఈ సినిమా లో మరో హీరోయిన్ గా నటించారు. అప్పటికే మలయాళ ప్రేమమ్ సినిమా అనుపమ ని తెలుగు వాళ్ళకి పరిచయం చేసేసింది. ఈ సినిమా తో, అనుపమ తెలుగు ప్రేక్షకులకు కూడా దగ్గరైపోయింది.

ఈ సినిమా కి డైలాగ్ లు కాకుండా మరో ప్రధాన ఆకర్షణ సమంత. అనసూయ రామలింగం గా ఆమె పాత్ర ను ప్రత్యేకం గా తీర్చిదిద్దారు. గొప్పింటి కుటుంబం లో పుట్టి పెరిగిన అనసూయ రామలింగం ను, వారి కుటుంబం తో గొడవలున్న అనసూయ కు వరసకు బావ అయ్యే ఆనంద్ విహారి (నితిన్) ఒక పది రోజుల పాటు వారింటికి తీసుకెళ్తాడు. ఐతే, అనసూయ తల్లికి ఈ విషయం తెలియకుండా జాగ్రత్తపడతారు.

అనసూయ, ఆనంద్ విహారి ఇంట్లో ఉన్నన్ని రోజులు ఏమి జరిగింది.. ఈ విషయం వాళ్ళ అమ్మకి తెలిసిందా…? ఈలోపు ఆనంద్ అనసూయను ఇంట్లో ఎలా దించాడు..? అనసూయ, ఆనంద ల ప్రేమను అనసూయ తల్లి ఒప్పుకుందా..? తన ప్రేమను ఆనంద్ ఎలా గెలిపించుకున్నాడు..? అన్న ప్రశ్నలకు సమాధానమే ఈ సినిమా. ఎంతగానో ఆకట్టుకునే విధం గా ఈ సినిమా ను రూపొందించారు. అయితే, ఈ సినిమాను ఎంతో అద్భుతం గా రూపొందించినప్పటికీ.. అక్కడక్కడా చిన్న చిన్న మిస్టేక్స్ జరిగాయి. అవేంటో.. మీరూ ఈ కింద వీడియో లో చూసేయండి.

watch video:

https://youtu.be/GFGG9K34eV4

ఏప్రిల్ 9. ఈ రోజు రెండు విషయాలు ట్రెండింగ్ లో ఉన్నాయి. ఒకటి IPL. ఇది సరే. దీనికంటే కూడా ఇప్పుడు ఎక్కువ ట్రెండ్ అవుతోంది ఒకే ఒక్కటి. పవర్ స్టార్ పవన్ కళ్యాణ్ వకీల్ సాబ్. మూడు సంవత్సరాలుగా అందరం పవన్ కళ్యాణ్ ని బిగ్ స్క్రీన్ మీద చూడడానికి ఎదురు చూస్తున్నాం. ఇవాళ ఏప్రిల్ 9 రానే వచ్చింది. ఈ సినిమా పింక్ రీమేక్ అయిన సంగతి అందరికీ తెలుసు. కానీ పవర్ స్టార్ పవన్ కళ్యాణ్ కమ్ బ్యాక్ సినిమా గానే మనం గుర్తు పెట్టుకుంటాం.

మరి మూడు సంవత్సరాల తర్వాత వచ్చిన పవన్ కళ్యాణ్ వకీల్ సాబ్ ప్రేక్షకులను అలరించిందా? ఎక్స్పెక్టేషన్స్ రీచ్ అయ్యిందా? ఖచ్చితంగా అయ్యింది. పవర్ స్టార్ పవన్ కళ్యాణ్ కి పర్ఫెక్ట్ కమ్ బ్యాక్ సినిమా సినిమా వకీల్ సాబ్. ఈ సినిమాకి పవర్ స్టార్ పవన్ కళ్యాణ్ పెర్ఫార్మెన్స్ హైలైట్ గా నిలిచింది.

అయితే అంతకుముందు కూడా కొన్ని పవన్ కళ్యాణ్ సినిమాలు ఏప్రిల్ నెలలో విడుదల అయ్యాయి. వాటిలో కొన్ని విజయం సాధించగా ఇంకొన్ని ఆశించిన ఫలితాన్ని ఇవ్వలేదు. ఆ సినిమాలు ఏవో ఇప్పుడు చూద్దాం.

#1 బద్రి – ఏప్రిల్ 20, 2000 – HIT

#2 జానీ – ఏప్రిల్ 25, 2003 – FLOP

#3 తీన్ మార్ – ఏప్రిల్ 14, 2011 – FLOP

#4 ఖుషి – ఏప్రిల్ 27, 2001 – HIT

#5 సర్దార్ గబ్బర్ సింగ్ – ఏప్రిల్ 8, 2016 – FLOP

#6 జల్సా – ఏప్రిల్ 2, 2008 – HIT

#7. వకీల్ సాబ్ – ఏప్రిల్ 9, 2021 – HIT

తెలుగు సినిమా ఇండస్ట్రీలో ఉన్న హిట్ డైరెక్టర్ హీరో కాంబినేషన్ల లో పవన్ కళ్యాణ్ కరుణాకరన్ కాంబినేషన్ ఒకటి. వాళ్ళ ఇద్దరి కాంబినేషన్ లో వచ్చిన తొలి ప్రేమ చిత్రం అటు పవన్ కళ్యాణ్ కి ఇటు కరుణాకరన్ కి ఇద్దరికీ హిట్ ఇవ్వడమే కాకుండా మన ఇండస్ట్రీలో వచ్చిన ప్రేమకథల్లో బెస్ట్ గా నిలిచిపోయింది.

తొలిప్రేమ సినిమా వచ్చి 22 ఏళ్ళు అయినా కూడా ఇప్పటికీ ఆ సినిమా అంటే అదో రకమైన క్రేజ్ ఉంది. తర్వాత వాళ్ళిద్దరి కాంబినేషన్ లోనే బాలు సినిమా వచ్చింది. భారీ అంచనాల నడుమ విడుదలైన బాలు ప్రేక్షకుల ఆదరణ అందుకుంది. ఫ్లాష్ బ్యాక్ లో ఒక రౌడీగా, తర్వాత గతాన్ని వదిలేసి మరొక చోటికి వచ్చి కొత్త జీవితం మొదలు పెట్టిన వ్యక్తి బాలు గా రెండు షేడ్స్ ఉన్న క్యారెక్టర్లో పవన్ కళ్యాణ్ అద్భుతంగా నటించారు.

ఈ సినిమాకి మణిశర్మ సంగీతం, శ్రీయ, జయసుధ కూడా ప్లస్ పాయింట్స్. బాలు సినిమాలో మెరిసిన ఇంకొక క్యారెక్టర్ ఫ్లాష్ బ్యాక్ లో బాలు ప్రేమించే వ్యక్తి ఇందిరా ప్రియదర్శిని. అమాయకంగా, అన్నిటికీ భయపడుతున్నట్లు ఉంటూనే తన వాళ్ళ కోసం ధైర్యంగా నిలబడే ఇందిరా పాత్రను పోషించారు నేహా ఒబెరాయ్. సినిమాలో ఇందిర క్యారెక్టర్ చనిపోయినప్పుడు మాత్రం చాలామంది బాధపడ్డారు. ఆ పాత్ర మనకు అంతగా కనెక్ట్ అయింది.

బాలు నేహా ఒబెరాయ్ మొదటి సినిమా. బాలీవుడ్ లో ఎంతో పేరుపొందిన నిర్మాత ధరమ్ ఒబెరాయ్ కూతురు నేహ. షూటౌట్ ఎట్ లోఖండ్ వాలా, కాబిల్, షూటౌట్ ఎట్ వదాలా వంటి ఎన్నో విజయవంతమైన సినిమాల కు దర్శకత్వం వహించిన దర్శకుడు, నిర్మాత, స్క్రీన్ రైటర్ సంజయ్ గుప్తా కూడా నేహకి బంధువు అవుతారు.

నేహా ఒబెరాయ్ మళ్లీ ఎప్పుడెప్పుడు  సినిమా చేస్తుందా అని బాలు సినిమా తో తనకి అభిమానులైన చాలామంది ఎదురు చూశారు. నేహా కూడా బాలు తర్వాత జగపతి బాబు తో బ్రహ్మాస్త్రం అనే సినిమాలో నటించింది. బ్రహ్మాస్త్రం చిత్రం అంతగా ప్రజాదరణ పొందలేదు.

తర్వాత హిందీలో కూడా దస్ కహానియా,ఈ ఎం ఐ,వుడ్ స్టాక్ విల్లా, ఆస్మాన్ చిత్రాల్లో నటించారు నేహ. వుడ్ స్టాక్ విల్లా బాక్సాఫీసు దగ్గర విజయం సాధించకపోయినా కానీ ఈ సినిమాలో తన నటనకు నేహ ఎంతగానో ప్రశంసలు అందుకున్నారు. 14 డిసెంబర్ 2010 లో డైమండ్ వ్యాపారి అయిన విశాల్ షా ని పెళ్లి చేసుకున్నారు నేహ.

నేహ ప్రస్తుతం నోయిడా లో ఉన్న ఇంటర్నేషనల్ ఫిల్మ్ అండ్ టెలివిజన్ క్లబ్ ఆఫ్ ఏషియన్ అకాడమీ ఆఫ్ ఫిల్మ్ అండ్ టెలివిజన్ కి మెంబర్ గా ఉన్నారు. భూమిక, జ్యోతిక లాంటి ఎంతో మంది హీరోయిన్లు మంచి పాత్రలతో ఇండస్ట్రీలోకి మళ్లీ  కం బ్యాక్ ఇచ్చారు. అదేవిధంగా నేహ కూడా తిరిగి ఇండస్ట్రీకి వచ్చి మళ్లీ ప్రేక్షకులందరినీ అలరించాలని ఆశిద్దాం.