Health Adda

ఈ మధ్య కాలంలో అనారోగ్య సమస్యలు బాగా ఎక్కువైపోయాయి. ఏది ఏమైనా సరే ఆరోగ్యాన్ని సరిగ్గా చూసుకుంటూ ఉండాలి లేదంటే మనం జీవితంలో ఎన్నో ఇబ్బందులు ఎదుర్కోవాల్సి వస్తుంది. మన శరీరంలో అంతర్గతంగా ఉండే అవయవాల్లో లివర్ అతి పెద్ద అవయవం.

లివర్ చాలా పనులను పూర్తి చేస్తుంది. తినే ఆహారంలోని పోషకాలను అది శరీర భాగాలకి ఇస్తుంది. అలానే ఒంట్లో ఉండే చెడు పదార్థాలను కూడా తొలగించి బయటకు పంపిస్తుంది. అయితే లివర్ చెడిపోతే ఎలా మనకి తెలుస్తుంది అనే దాని గురించి ఆరోగ్య నిపుణులు చెప్పారు. మరి వాటి కోసమే ఇప్పుడు చూద్దాం.

#1. లివర్ చెడిపోతే కాళ్ల మీద వాపులు వస్తాయి. ఒకవేళ కనుక వాపును నొక్కితే అది గుంతలా ఏర్పడుతుంది. పైగా అది అలాగే ఉంటుంది. ఇలా మనం లివర్ చెడిపోయిందని తెలుసుకో వచ్చు.
#2. లివర్ చెడిపోతే శరీరం పసుపు రంగులోకి మారిపోతుంది. చర్మం, కళ్లు పసుపు రంగులోకి వస్తాయి.
#3. అలాగే లివర్ చెడిపోయిన వారు ఎక్కువగా కంగారు, ఆందోళన పడతారు. చిరాకుగా కూడా ఉంటారు.

#4. లివర్ చెడిపోతే ఏ ఆహారం సరిగ్గా జీర్ణం అవ్వదు. పైగా ఆకలి కూడా అస్సలు ఉండదు.
#5. లివర్ సమస్య ఉంటే పొట్ట కూడా ఉబ్బిపోతుంది. కడుపుబ్బరం వచ్చినట్లు అనిపిస్తుంది.
#6. లివర్ సమస్యలు ఉంటే రక్తస్రావం సులభంగా అవుతుంది. ఏదైనా చిన్న గాయం అయినా సరే ఎక్కువ రక్తం కారుతుంది.

#7. అలానే లివర్ సమస్య ఉంటే దురదలు, వాపులు ఉంటాయి. కడుపులో నొప్పి, కుడివైపు ఊపిరితిత్తుల కింద భాగంలో నొప్పి ఉంటుంది.
#8. లివర్ సమస్య ఉంటే వికారం, వాంతులు కూడా ఉంటాయి.

ఇలా ఈ లక్షణాలను బట్టి లివర్ చెడిపోయిందని మనం తెలుసుకోవచ్చు.

వారమంతా కష్టపడి పని చేసి వీకెండ్ కోసం ఎదురు చూస్తున్నారా..? అయితే ఈ ఆర్టికల్ మీ కోసమే. చాలా మంది వర్కింగ్ డే లో బాగా స్ట్రెస్ అవుతూ ఉంటారు. ఇక స్టూడెంట్స్ సంగతి అయితే చెప్పాల్సిన అవసరమే లేదు. ఆదివారం ఎప్పుడొస్తుందా? ఎప్పుడు రిలాక్స్ అవుదామా..? అని ఎదురు చూస్తూ ఉంటారు.

కానీ.. కొన్ని పనులను ముందుగానే చేసి పెట్టేసుకోవడం వల్ల వర్కింగ్ డేస్ లో స్ట్రెస్ అవ్వాల్సిన పని లేదు. ప్రతి రోజుని రిలాక్స్డ్ గా హ్యాపీగా గడిపేయచ్చు. అయితే ఇలా గడపడానికి ముందు మనం చేసే తప్పులేంటో తెలుసుకోవాలి.

చాలా మంది రాత్రి సమయాల్లో మొబైల్ చూస్తునో, సినిమాలు చూస్తునో లేట్ గా పడుకుంటూ ఉంటారు. అయితే.. ఈ ప్రభావం మరుసటి రోజుపై పడుతుంది. ఉదయాన్నే త్వరగా లేవలేకపోతారు. లేచినా ఉత్సాహం ఉండదు. బద్ధకంగా, మత్తుగా అనిపిస్తూ ఉంటుంది. ఇక మహిళలకైతే ఇంటి పనులు సరేసరి. అందుకే మరుసటి రోజు చేయాల్సిన పనుల గురించి రాత్రి పడుకునే ముందు ఓ సారి ఆలోచించుకోవాలి.

రేపటికి ఏమి చేసుకోవాలి.. ఏ టైం లో చేసుకోవాలి అన్నది ఒక ఐడియా ఉంచుకోవాలి. రాత్రి త్వరగా పడుకోవాలి. ఉదయాన్నే లేవగానే చేతిలోకి మొబైల్ తీసుకోకూడదు. ముందుగా మీరు నిద్ర లేచేటపుడు మీ కుడి వైపు నుంచి మంచం దిగాలి. అలాగే.. లేవగానే మీ అరచేతులను చూసుకోవాలి. ఆ తరువాత మీ బాల్కనీ గాని, బయట కానీ, గార్డెన్ కి కానీ వెళ్ళాలి.

పచ్చని చెట్లను ఎక్కడ వీలైతే అక్కడ కూర్చుని చూస్తూ ఒక్క ఐదు నిముషాలు గడపాలి. ప్రకృతి నుంచి వచ్చే ఫ్రెష్ ఎయిర్ ను ఉదయాన్నే తీసుకోవడం వలన మీ మైండ్ కూడా ఫ్రెష్ గా ఉంటుంది. ఉదయాన్నే మంచి మూడ్ డెవలప్ అవుతుంది. ఆరోజు ఎన్ని పనులు వచ్చిన చేసేయగలం అన్న ధీమా కలుగుతుంది. ఒక పది నిమిషాల తరువాత మీ దినచర్యని ప్రారంభించాలి. త్వరగా నిద్ర లేవడం వలన మీకు కావాల్సినంత సమయం ఉంటుంది. కాబట్టి మీరు పనులు చేసుకునేటప్పుడు టెన్షన్ పడరు. ఎన్ని పనులు ఉన్న కూల్ గా చేసుకుంటూ వెళ్ళిపోతారు. అందుకే ఉదయాన్నే మంచి మూడ్ ని డెవలప్ చేసుకోవడం చాలా అవసరం.

మనకు ఏదైనా స్పష్టత లేనప్పుడు సందేహాలు రావడం సహజమే. కొన్ని అనుమానాలు కూడా మనకి మంచి చేస్తూ ఉంటాయి. అయితే అదేపనిగా ప్రతి చిన్న విషయానికి మీకు అనుమానం కలుగుతోంది అంటే అది ఆలోచించాల్సిన విషయమే. నిజానికి అనుమానం అనేది పెనుభూతం. ఒకసారి మనసులో అనుమానం అనే చీడ పురుగు పుట్టిందంటే అది మనసుని తొలిచేస్తుంటుంది.

తోటివారితో మనకి ఉండే సత్సంబంధాలను తునాతునకలు చేసేస్తుంటుంది. వీరు సంతోషంగా ఉండలేరు.. వీరి పక్కన వారిని సంతోషంగా ఉంచలేరు. నిజానికి ఇదేమి చిన్న విషయం కాదు. ఇదోరకమైన మానసిక జబ్బు. దీనినే డెల్యూషన్ డిజార్డర్ అని కూడా అంటుంటారు.

ఓ అంచనా ప్రకారం ప్రతి వంద మందిలో కనీసం ఒక్కరైనా అనుమాన రోగంతో సతమతమవుతూ ఉంటారట. తన చుట్టూ ఉన్న వారు తన ఓటమి కోరుతున్నట్లు, తమ జీవిత భాగస్వామి తమని మోసం చేస్తున్నట్లు, తమకేదో అన్యాయం జరిగినట్లు.. ఇలా చెప్పుకుంటూ పోతే అనుమానం ఏ రూపంలో అయినా ఎలా అయినా కలుగుతూ ఉండొచ్చు. ఇలా అనుమాన రోగం కలిగిన వారు తమని తాము తక్కువ చేసుకుంటూ ఉంటారు. లేకపోతే తమంతట వారెవరూ లేరనుకుని విర్రవీగుతుంటారు.

వీరి లక్షణాలు ఎలా ఉంటాయంటే.. వీరికి ఊరకనే కోపం వచ్చేస్తుంది. ప్రతి చిన్న దానికి భయపడుతుంటారు. ఎవరో పిలుస్తున్నట్లు, ఏదో జరిగిపోతున్నట్లు ఊహించేసుకుంటూ ఉంటారు. విపరీతంగా ఆలోచనలు చేస్తూ ఉంటారు. వంశపారంపర్యంగా కూడా అనుమాన రోగం వచ్చే అవకాశం ఉంటుంది. వీరికి మనుషులపై నమ్మకం పోతుంది. నిరాశగా ఉండిపోతుంటారు. స్నేహితులు, బంధువుల వలన మోసపోవడం వలన కూడా ఈ అనుమాన రోగం వచ్చే అవకాశం ఉంటుంది. ఏది కోరుకున్నా దక్కకపోవడం వలన వీరిలో క్రమంగా అనుమానం పెరుగుతుంటుంది.

దీనికి ప్రధాన పరిష్కారం ఏమిటంటే వైద్యులను సంప్రదించడం. వీరిని దండించడం, కోప్పడడం కాకుండా వారి దారిలోకి వెళ్లి స్నేహపూర్వకంగా నచ్చచెప్పడం వలన ఈ రోగం నుంచి బయటపడేయచ్చు. సైక్రియాట్రిస్టును సంప్రదించి మందులు వాడుతూ ఉండాలి. దాని వలన నయం కాకపోతే స్పీచ్ థెరపీ, బిహేవియర్ థెరపీని కూడా తీసుకోవాలి.

చాలా మంది ఈ మధ్య కాలంలో చాలా సమయం స్మార్ట్ ఫోన్లను వినియోగిస్తున్నారు. పొద్దున్న లేచిన దగ్గర నుండి రాత్రి పడుకునేవరకు స్మార్ట్ ఫోన్లను వాడుతూనే ఉన్నారు. వెబ్ షోలు, ఓటీటీలో సినిమాలు, సోషల్ మీడియా వంటి వాటి కోసం మొబైల్స్ నే ఎక్కువగా వాడుతున్నారు. పడుకునే ముందు మొబైల్ చూడడం ప్రమాదకరం అని ఒక పరిశోధనలో తేలింది.

ఆ పరిశోధనలో నిద్రపోయే ముందు స్మార్ట్ ఫోన్ ఉపయోగించడం వల్ల కలిగే సమస్యల గురించి వెల్లడించారు. నిద్రపోయే ముందు ఫోన్ వాడటం వల్ల వచ్చే సమస్యలు ఏమిటో ఇప్పుడు చూద్దాం..
1. చేతి నొప్పి:
నిద్రపోయే ముందు మొబైల్ ను ఉపయోగించినపుడు మన చేతుల ఎక్కువ సేపు ఒకే పొజిషన్ లో ఉంటాయి. ఇలా ఇబ్బందికరంగా ఎక్కువ కాలం చేయడం వల్ల చేతుల పై ప్రెజర్ పడుతుంది.
2. మెడ నొప్పి:
ఒకే పొజిషన్ లో మొబైల్ ను ఎక్కువసేపు చూడటం వల్ల మెడ పట్టేస్తుంది. మొబైల్ తెరను చూడడం కోసం మెడను చాలా సమయం ముందుకు తిప్పడం వల్ల సర్వైకల్ స్ట్రెయిన్ వస్తుంది. ఈ నొప్పి రాకుండా ఉండాలి అంటే వెన్నెముకను నిటారుగా పెట్టి దిండును వాడాలి.
3. కళ్ళ పై ఒత్తిడి:
నిద్రపోయే ముందు లైట్స్ ఆపేసి చీకట్లో ఎక్కువ సమయం మొబైల్ ను చూడటం వల్ల కాంతి పై ఒత్తిడి పడుతుంది.
4. కళ్ళు ఎర్రగా మారటం:
రాత్రి పడుకునే ముందు లైట్స్ ఆఫ్ చేసి మొబైల్ చూడడం వల్ల కళలు పొడిబారడం, దురద, చికాకు, కళలు ఎర్రబడటం వంటి సమస్యలు వస్తాయి. ఇవి కాంతి చూపు పై ప్రభావం చూపిస్తాయి.
5. ఒత్తిడి:
రాత్రి పూట స్మార్ట్ ఫోన్ ఎక్కువగా వాడటం వల్ల ఒత్తిడి పెరుగుతుంది. ఇది డిప్రెషన్ కి దారి తీస్తుంది. డిప్రెషన్ వల్ల పలు అనారోగ్య సమస్యలు వచ్చే అవకాశం ఉంది.
6. నిద్రలేమి:

రాత్రి సమయంలో చాలా సేపు మొబైల్ చూడటం వల్ల సరిగ్గా నిద్ర పట్టదు. ఇది కంటి పై ప్రెజర్ తీసుకురావడం వల్ల మెదడును మేల్కోనేలా చేస్తుంది. అందువల్ల నిద్రలేమి సమస్యలు వస్తాయి.
ఈ సమస్యల నుండి బయట పడాలంటే రాత్రి సమయంలో మొబైల్ చూడటం మానేయలి. నిద్రను మెరుగు పరిచే మెడిటేషన్ లాంటివి చేయాలి. మనసును ప్రశాంతంగా ఉంచుకోవాలి.

Also Read: వర్కౌట్లు చేస్తున్నపుడు ఈ లక్షణాలు కనిపించినట్లయితే గుండె సమస్యలు ఉన్నట్లే..!

వ్యాయామం చేసే అలవాటు చాలా మందికి ఉంటుంది. వ్యాయామం చేయడం వల్ల యాక్టివ్ గా, ఫిట్ గా ఉంటారు. ఆరోగ్యానికి మంచిది. అయితే ఈ మధ్య కాలంలో వర్కౌట్లు చేస్తుండగా గుండెపోటుతో చనిపోతున్నారు. కన్నడ పవర్ స్టార్ పునీత్ రాజ్ కుమార్ కు వర్కౌట్లు చేస్తున్నపుడే గుండెపోటు వచ్చింది.

ఇలా ఆయన ఒక్కరే కాకుండా ఈ మధ్య కాలంలో వర్కౌట్ చేస్తున్న సమయంలో గుండెపోటుతో మరణించిన వారి సంఖ్య ఎక్కువగానే ఉంది. వ్యాయామం చేస్తున్నప్పుడు ఈ లక్షణాలు కనిపించినట్లయితే గుండె సమస్యలు ఉన్నట్లే అని నిపుణులు చెబుతున్నారు. అవి ఏమిటో ఇప్పుడు చూద్దాం..
గుండె వేగంగా కొట్టుకోవడం:

వర్కౌట్  చేసేటపుడు గుండె కొట్టుకునే వేగం పెరుగుతుంది. చెస్ట్ పెయిన్ వస్తుంది. అసౌకర్యంగా అనిపించినపుడు కొంత సమయం విశ్రాంతి తీసుకోవడం మంచిది. గుండె వేగం సాధారణ స్థితికి వచ్చిన తర్వాత కొద్దిగా వర్కౌట్ చేస్తే మంచిది.

విపరీతమైన అలసట:

వర్కౌట్  చేసే సమయంలో చాలా అలసటగా ఉంటుంది. విపరీమైన అలసట వస్తే మాత్రం వారికి గుండె సమస్య ఉందని అర్ధం. రక్తనాళాలను చెడు కొలెస్ట్రాల్ నిరోధించడానికి వర్క్ చేస్తుంది. బ్లడ్ ప్రెజర్ ను ప్రభావితం చేస్తుంది.

డీహైడ్రేషన్:

వర్కౌట్  చేస్తున్నప్పుడు కొందరు డీహైడ్రేషన్ కి లోనవుతారు. ఇలాంటి సమయంలో ద్రవాలను, పొటాషియం,  ఎలక్ట్రోలైట్లు, సోడియంను కోల్పోతారు. దీంతో హార్ట్ బీట్ కి ఇబ్బంది కలుగుతుంది.

శ్వాస తీసుకోవడంలో ఇబ్బంది:

వర్కౌట్ చేస్తున్నప్పుడు శ్వాస తీసుకోవడం ఇబ్బందిగా మారవచ్చు. ఇది గుండె సమస్యను సూచిస్తుంది.  అందువల్ల శ్వాస తీసుకోవడం ఇబ్బందిగా అనిపించినపుడు కాసేపు వ్యాయామాన్ని ఆపాలి.

ఛాతి నొప్పి:

గుండెపోటు రావడానికి ముందుగా ఛాతిలో నొప్పి వస్తుంది. వర్కౌట్ చేస్తున్నప్పుడు కనుక ఛాతినొప్పి వస్తుంటే తేలిగ్గా తీసుకోకూడదు. అది ఒక లక్షణంగా భావించాలి.

తల తిరగడం:

గుండెపోటు వచ్చే ముందుగా  తల తిరగడం, కళ్ళు తిరుగుతున్నటుగా అనిపిస్తుంది.  ఇలాంటి సమస్యలు వచ్చినపుడు వెంటనే వర్కౌట్ మానేయాలి.

వర్కౌట్ చేస్తున్నప్పుడు పైన చెప్పిన  ఆరు లక్షణాలు కనిపించినట్లయితే సంబంధిత నిపుణులను వెంటనే సంప్రదించడం మంచిది.

Also Read: ఉపవాసం నిజంగా ఆరోగ్యానికి మంచిదేనా?

ఉపవాసం అంటే ఆహారం తీసుకోకపోవడం. అయితే చాలా మంది కొన్ని ప్రత్యేకమైన రోజుల్లో ఉపవాసం చేస్తుంటారు.  పండుగల, పర్వదిన సమయంలో ఉపవాసం చేస్తుంటారు. ప్రస్తుతం చాలామంది ఆరోగ్య ప్రయోజనాల కోసం ఉపవాసం చేస్తున్నారు.

అసలు ఉపవాసం చేసినపుడు మన శరీరంలో ఎలాంటి మార్పులు జరుగుతాయి. ఫాస్టింగ్ లో ఎన్ని రకాలున్నాయి. ఫాస్టింగ్ ఆరోగ్యాన్ని ఎలా మెరుగుపరుస్తుంది. ఫాస్టింగ్ ఎవరు చేయకూడదు. ఫాస్టింగ్ వల్ల కలిగే లాభాలు ఏమిటో ఇప్పుడు చూద్దాం..
ఉపవాసం చేయడం వల్ల శరీరాన్ని సమతుల్యం చేయడానికి దోహదపడుతుందని పరిశోధనలు చెబుతున్నాయి. అంతే కాదు ఫాస్టింగ్ ఇన్సులిన్ ఉత్పత్తిని కంట్రోల్ చేస్తుంది. మనం ఆహారం తీసుకున్న ప్రతీ సారీ ఇన్సులిన్ ఉత్పత్తి అవుతుంది. ఇన్సులిన్ తీసుకున్న ఆహారంలో నుండి రిలీజ్ అయిన చక్కెరలను 2 రకాలుగా శరీరంలో నిల్వ చేయడానికి సహకరిస్తుంది. శరీర అవసరాలకు సరిపోయిన తరువాత మిగిలిన చక్కెరలను ‘గ్లైకోజెన్’ గా కాలేయంలో, శరీర కండరాల్లో నిల్వ చేస్తుంది. అయితే దీనికి ఒక లిమిట్ అనేది ఉంది. దానికి మించి గ్లైకోజెన్ గా మార్చలేదు.పరిమితిని దాటిన గ్లూకోజ్ ను గ్లైకోజెన్ లా కాకుండా కొవ్వు రూపంలో లివర్ లో నిల్వ చేస్తుంది. అంతే ఇక కొవ్వు పెరుగుతున్న కొద్దీ వివిధ శరీర భాగాలలో నిల్వ చేయబడుతుంది. ఫాస్టింగ్ చేసినపుడు ఆహారం తీసుకోము కాబట్టి శరీరంలో నిల్వ చేయబడిన కొవ్వుని వాడుకుని శక్తి విడుదల అవుతుంది.
ఉపవాసంలో మూడు రకాలు ఉన్నాయి..

1. 5:2 ఆహారం అంటే ఈ ఉపవాసం చేసేవారు వారానికి 5 రోజులు ఆహారం తీసుకుంటారు. మిగతా 2 రోజులు ఫాస్టింగ్ చేస్తారు.

2. 16:8 ఫాస్టింగ్ ఈ పద్ధతిలో ఒకేరోజులో 8 గంటలలోపు ఆహారం తీసుకుని, మిగతా  16 గంటల పాటు ఉపవాసం ఉండాలి. దీనిని ఇంటర్మిటెంట్ ఫాస్టింగ్ అంటారు.

3. 18:6 ఫాస్టింగ్ ఈ పద్ధతిలో 6 గంటలలోపు ఆహారం తీసుకుని, 18 గంటలు ఫాస్టింగ్ చేస్తారు.
ఆరోగ్య ప్రయోజనాలు: 

• ఉపవాసం చేస్తే వృద్ధాప్య ఛాయలు తొందరగా రావని, లైఫ్‌స్పాన్‌ పెరుగుతుందని ఓ పరిశోదనంలో వెల్లడించింది.
• బరువు తగ్గించే ప్రక్రియను పెంచుతుందని  పరిశోధనలు చెబుతున్నాయి. ఉపవాసం వల్ల శరీరంలో పేరుకుపోయిన కొవ్వును కరిగిస్తుందని బరువు తగ్గుతారు.
• మంచి కొలెస్ట్రాల్‌ స్థాయిని పెంచి, చెడు కొలెస్ట్రాల్‌ను తగ్గిస్తుంది. ఉపవాసం చేస్తే హైపర్‌టెన్షన్‌ నియంత్రణలో ఉంటుంది.  ట్రైగ్లిజరైడస్‌ స్థాయులు తగ్గి,  గుండెకు మేలు చేస్తాయి.
• ఉపవాసం వల్ల  శరీరంలోని ఇన్సులిన్ ను గ్రహించే స్వభావం మెరుగవుతుందని, రక్తంలో గ్లూకోజ్ నిల్వల పై నియంత్రణ పెరిగి, టైప్ టూ డయాబెటిస్ కంట్రోల్ అవుతుంది.
• ఉపవాసం చేయడం వల్ల ఏకాగ్రత పెరుగుతుందని, బ్రెయిన్ పనితీరు మెరుగవుతుంది.
• ఉపవాసం చేయడం వల్ల శరీరంలోని కణాలను దెబ్బతీసే ఆక్సిడేటివ్ స్ట్రెస్ తగ్గుతుంది. దానివల్ల క్యాన్సర్ లాంటి అనారోగ్య సమస్యలు వచ్చే ముప్పు తగ్గుతుంది.
• ఉపవాసం ఉన్నవారిలో రక్తపోటు స్థాయిలు తగ్గుతాయి. ఎందుకంటే ఫాస్టింగ్ పారాసింపథెటిక్ కార్యకలాపాలను పెంచుతుందని పతద్వారా రక్తపోటును తగ్గించడంలో సాయపడుతుంది.
• ఫాస్టింగ్ వల్ల శరీరంలో ఇమ్యూనిటీ పెరుగుతుందని, జీర్ణ వ్యవస్థ పనితీరు కూడా మెరుగవుతుందని నిపుణులు చెబుతున్నారు.
• శరీరంలోని విషపదార్థాలు తొలగించబడుతాయి.
  ఫాస్టింగ్ ఎవరు చేయకూడదు..
• ఏవైనా అనారోగ్య సమస్యలు ఉన్నవారు.
• గర్భవతి లేదా పాలిచ్చే తల్లులు.
• 65 ఏళ్ల వయసు పైబడిన వారు.
• చిన్నపిల్లలు
• తక్కువ రక్తపోటు సమస్య ఉన్నవారు.
• మందులు వాడేవారు.Also Read: జీడిపప్పు ఎవరు తినచ్చు? ఎవరు తినకూడదు? షుగర్, హార్ట్ ప్రాబ్లెమ్ ఉంటే తినకూడదా..?

భారతీయ వంటల్లో ముఖ్యంగా దక్షిణ భారత వంటల్లో ఆవాలు కీలక పాత్ర పోషిస్తాయి. ఏ వంటకి అయినా పోపులో ఆవాలు లేనిదే రుచి రాదు. మరి ఆవాలు కూడా కల్తీ అవుతాయా..? అని డౌట్ వచ్చిందా..? నిజమే. ఆవాలు కూడా కల్తీ అయ్యే అవకాశం ఉంది.

క్వాలిటీ విత్తనాలు కాకుండా కల్తీ అయిన విత్తనాలు వాడి పండించే పంట కల్తీనే అవుతుంది. వాడే విత్తనాలు విషపూరితమైనవి అయితే ఆ ఆవాలు కల్తీవే అవుతాయి. అలాంటి వాటిని ఆహారంలో తీసుకోవడం వలన ఎక్కడలేని అనారోగ్య సమస్యలని కొని తెచ్చుకున్నట్లు అవుతుంది.

మరి దీనిని ముందే ఎలా గుర్తించాలి..? అనారోగ్యం బారిన పడకుండా ఎలా కాపాడుకోవాలి అన్న సంగతి ఇప్పుడు చూద్దాం. ఈ మధ్య విత్తనాలు కూడా అర్జిమోన్ విత్తనాలతో కల్తీ అవుతున్నాయి. వీటిని గుర్తించడం కోసమే ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా ట్విట్టర్ మాధ్యమంగా ఓ వేదికను ప్రారంభించింది. ప్రతి వారం ఈ అంశం పై ప్రజలకు అవగాహనా కల్పించే విధంగా పోస్ట్ లు చేస్తున్నారు.

అర్జెమోన్ విత్తనాలు ఆవాల గింజలలాగా ఉంటాయి. దీని వలన ఎలాంటి సైడ్ ఎఫెక్ట్స్ ఉంటాయో తెలుసా..? ఈ గింజలలో 30-35% నూనె ఉంటుంది. డీహైడ్రోసాంగ్వినారైన్, బెంజోఫెనాంత్రిడిన్ ఆల్కలాయిడ్స్ సాంగునారిన్ వంటి టాక్సిక్స్ ఉంటాయి. ఈ గింజలు లేదా నూనెని తీసుకోవడం వలన ఎడెమా వచ్చే అవకాశం ఉంటుంది. ఎర్ర రక్తకణాలు చనిపోతాయి. ఫలితంగా ఒత్తిడి పెరగడం, రక్త హీనత, చివరికి రక్త ప్రసరణ కూడా ఆగిపోయి గుండె ఆగిపోయే ప్రమాదం ఉంటుంది.

వీటిని గుర్తించడం తేలికే. ఒక ప్లేట్ లో ఆవాలను తీసుకుని వాటిని గమనించండి. వాటిల్లో ఆవాలు ఉపరితలంలో మృదువుగా ఉంటాయి. అలా కాకుండా గరుకుగా ఉండి, పూర్తి నలుపు రంగులో కనిపిస్తే మాత్రం అనుమానించాలి. కాబట్టి మీరు ఏవైనా వాడేటప్పుడు గమనించండి. FSSAI ద్వారా ధృవీకరించబడిన ఆహారపదార్ధాలను మాత్రమే ఉపయోగించండి.

జీడిపప్పు చాలా రుచికరంగా ఉంటుంది అందుకే అందరూ తినేందుకు ఇష్టపడుతుంటారు. జీడిపప్పుని ఫ్రై చేసి ఉప్పు కారం వేసుకుని చాలా మంది తింటూ ఉంటారు. అలానే కూరల్లో వాటిల్లో కూడా వేసుకుంటూ ఉంటారు. జీడిపప్పును ఇష్టపడని వాళ్ళు వుండరు. కానీ జీడిపప్పులో కొలెస్ట్రాల్ ఉండడం వలన చాలామంది జీడిపప్పుని తినకుండా దూరం పెడుతూ ఉంటారు.

జీడిపప్పు వలన హృదయ సంబంధిత సమస్యలు వస్తాయా..?

హృదయ సంబంధిత సమస్యలు ఎదుర్కోవాలని జీడిపప్పు తీసుకోరు కానీ నిజానికి జీడిపప్పులో జీరో కొలెస్ట్రాల్ ఉంటుంది ఇది హృదయ సంబంధిత సమస్యలను తీసుకురాదు. అయితే కొవ్వు కొలెస్ట్రాల్ కొవ్వు రెండు వేరువేరు. 100 గ్రాముల జీడిపప్పులో 47 గ్రాముల కొవ్వు ఉంటుంది. కొలెస్ట్రాల్ కాదు.

జీడిపప్పును ఎవరు తినకూడదు..? ఎవరు తినొచ్చు..?

#1. అధిక బరువు సమస్యతో బాధపడే వాళ్ళు జీడిపప్పును తీసుకోకుండా ఉండడం మంచిది. ఎందుకంటే జీడిపప్పులో కొవ్వు ఎక్కువ ఉంటుంది. కాబట్టి బరువు తగ్గాలనుకుంటే జీడిపప్పు పనికిరాదు. ఒకవేళ తిన్నా చాలా కొంచెం తినాలి.
బరువు తగ్గాలని చూసేవారు క్యాలరీలు ఎక్కువగా ఉంటాయి కాబట్టి అతిగా తీసుకోకూడదు.

#2. జీడిపప్పులో కార్బోహైడ్రేట్స్ ఉండవు. కనుక షుగర్ ఉండే వాళ్ళు తీసుకున్నా పరవాలేదు. అయితే షుగర్ ఉండే సన్నగా ఉండే వాళ్ళు సామర్థ్యాన్ని పొందడానికి జీడిపప్పును తీసుకోవచ్చు.

#3. కండ పట్టడానికి వ్యాయామం చేసేవారు, ఆటలు ఆడుకునే పిల్లలు ఎక్కువగా తీసుకున్నా పర్వాలేదు.

#4. వెయిట్ లిఫ్ట్ చేసే వాళ్ళు బాడీ బిల్డింగ్ కోసం ప్రయత్నం చేసేవారు జీడిపప్పును ఎక్కువగా తీసుకోవచ్చు.

#5. గర్భిణీలు బాలింతలు కూడా జీడిపప్పును ఎక్కువగా తీసుకోవచ్చు.

#6. ఎక్కువ పని చేసే వారు కూడా జీడిపప్పుని ఎక్కువగా తింటూ ఉండొచ్చు.

#7. తేలికగా అరుగుతుంది కాబట్టి వృద్ధులు కూడా తీసుకోవచ్చు.

జీడిపప్పుని తీసుకోవడానికి మంచి పద్ధతి..?

సాధారణంగా ఎక్కువ మంది జీడిపప్పుని వేయించి ఉప్పు,కారం వేసుకుని తింటూ ఉంటారు. అలా కాకుండా జీడిపప్పుని నీళ్లలో కాసేపు నానబెట్టి.. నానబెట్టిన జీడిపప్పును తీసుకుంటే లభ్లను పొందొచ్చు. ఇలా చేయడం వలన త్వరగా జీర్ణం అవుతుంది కూడా. పైగా జీడిపప్పులో వుండే పోషకాలను మీరు పొందాలంటే కచ్చితంగా నానబెట్టుకుని తీసుకోవాలి.

హిస్టరీని మనం చూసుకుంటే అత్యంత అందమైన మహిళ ఎవరో మీకు తెలుసా..? ఆమె ఎవరో కాదండీ ఆమె క్లియోపాత్ర, చరిత్రలో గొప్ప అందగత్తె ఈమె. ఈమె ఈజిప్ట్ కి చెందిన వారు.

ఈమె ముక్కు కొంచెం పొడవుగా ఉంటుంది. పైగా ఈమె చూడడానికి చాలా అందంగా ఉంటారు. అందువల్లే ఆమెని ఎంతో మంది రాజులు కూడా కోరుకోవడం జరిగింది.

క్రీస్తు పూర్వం 48 వ సంవత్సరంలో ఈజిప్టును పరిపాలన మహి మహారాణిగా క్లియోపాత్రకు పేరుంది. పైగా ఇంత అందమైన మహిళ వెనుక ఒక సౌందర్య రహస్యం దాగి వుంది. ఇక దాని కోసం చూస్తే.. ఆమె వాడే సౌందర్య ఉత్పత్తుల గురించి వస్త్రధారణ గురించి ఎన్నో విషయాలు చర్చించడం జరిగింది. ఆమె వయసు పెరిగే కొద్దీ ఆమె అందం కూడా పెరుగుతూనే ఉందట.

ఆమె అందం అలా పెరగడానికి గల కారణం ఒక మసాలా నూనె. అదే కలోంజి. కలోంజీ ఎప్పటి నుంచో ఉంది. శతాబ్దాలుగా దీనిని ఆసియా, ఉత్తర ఆఫ్రికా మరియు అరబ్ దేశాలలో వాడుతూ వున్నారు. ఆయుర్వేదంలో కూడా దీనిని వాడుతూ ఉంటారు. మూడు వేల సంవత్సరాల క్రితమే ఈజిప్టు పాలకులు దిష్టిబొమ్మలు లేదా మమ్మీలతో ఉంచవలసిన మరణాంతరం ముఖ్యమైన పదార్థం లో ఇది చేర్చబడింది.

కలోంజీ వలన ఎన్నో అద్భుతమైన లాభాలని మనం పొందొచ్చు. జలుబు, తలనొప్పి, ఎలర్జీలు, ఇన్ఫెక్షన్లు వంటి వాటి నుంచి ఇది బయట పడేస్తుంది. అలానే కలోంజిని లోషన్స్, క్రీమ్స్ వంటి వాటిని తయారుచేయడం కోసం కూడా వాడతారు. బ్యూటీ ఆయిల్స్ కోసం కూడా వాడుతుంటారు. అంతే కాకుండా ఇది అలసటని, బలహీనతని కూడా తొలగిస్తుంది. అలానే శ్వాసకోశ వ్యవస్థని కూడా మెరుగుపరుస్తుంది.