Health Adda

చాలా మంది శరీరం పై కనిపించే అవాంఛిత రోమాలను పూర్తి స్థాయి లో తొలగిస్తూ ఉంటారు. వీరు తమ ముక్కు లోపల కూడా వెంట్రుకలు ఉండడానికి ఇష్టపడరు. అలా ఉంటే అపరిశుభ్రం గా ఉన్నామని భావిస్తూ ఉంటారు. అలా వెంట్రుకలు ఉంటే తాము అందవిహీనం గా ఉన్నామని భావిస్తూ ఉంటారు. కానీ.. ఇలా వెంట్రుకలు తీయడం వలన ప్రాణాల మీదకు వస్తుందని మీకు తెలుసా..?

వాస్తవానికి ముక్కులో ఉండే వెంట్రుకలు మన చుట్టూ వాతావరణం లో ఉండే దుమ్ము, ధూళి, ఇతర సూక్ష్మ జీవులను మన శరీరం లోపలకి ప్రవేశించకుండా అడ్డుకుంటాయి. ఎప్పుడైతే.. ఇవి అందానికి అడ్డు వస్తున్నాయని పీకేస్తామో అప్పుడు మన శరీరం లోకి బాక్టీరియా ప్రవేశించి ఇన్ఫెక్షన్ ను కలుగచేస్తూ ఉంటాయి. కొంతమంది కి ముక్కు రంధ్రాల వద్ద మొటిమలు లాంటివి వస్తూ ఉంటాయి. దానికి కూడా ఇన్ఫెక్షన్ రావడమే కారణం.

ముక్కులో ఉండే ఈ వెంట్రుకలు తేమను ఏర్పరుస్తాయి. ఈ తేమతో ఓ ఉచ్చు లా ఏర్పాటు చేసి బాక్టీరియా ను రాకుండా అడ్డుకుంటాయి. ఈ బాక్టీరియా లోపల పేరుకున్నప్పుడు మనకు తుమ్ము వచ్చి.. తద్వారా ఈ బాక్టీరియా లోపలకు వెళ్లకుండా బయటకు వచ్చేస్తుంది. ఎప్పుడైతే.. ఈ వెంట్రుకలను తీసేస్తామో.. అప్పుడు బాక్టీరియా కు లోపలకి వెళ్ళడానికి మార్గం సుగమం అవుతుంది.

ఐతే నాసికా రంధ్రాల వద్ద వెంట్రుకలు ఉంటే.. ముక్కు లోపలి భాగాలలో ఇన్ఫెక్షన్ ఏర్పడకుండా ఉంటుంది. ఈ వెంట్రుకలని కత్తిరించడం లేదా వ్యాక్సింగ్ చేయడం వలన బాక్టీరియా లోపలకి ప్రవేశించడానికి మార్గం ఏర్పడుతుంది. అవి సులభం గా ఊపిరితిత్తులకు చేరిపోతాయి. అప్పుడు తీవ్ర ఆరోగ్య సమస్యలు ఎదురయ్యే అవకాశం ఉంటుంది. క్లీన్ గా ఉండాలి అని భావించి కొత్త ఆరోగ్య సమస్యలు కొనితెచ్చుకోవద్దు.

చాలా మందిలో కరోనా వచ్చి వెళ్లిన తరువాత ఇతర ఆరోగ్య సమస్యలు కూడా ఎదురవుతున్నాయి. కరోనా నుంచి కోలుకున్నప్పటికీ.. వారు పూర్తి స్థాయిలో మునుపు ఉన్నంత గా ఆరోగ్యం గా, ఉత్సాహవంతం గా పని చేయలేకపోతున్నారు. కొంతమంది వ్యక్తులైతే కరోనా నుంచి కోలుకుని ఏడాది గడుస్తున్నా.. వారి పరిస్థితి ఇబ్బందికరం గా ఉంటోందని తేలింది. కరోనా వచ్చి వెళ్లిన తరువాత చాలా మంది రోగులలో జుట్టు రాలడం కూడా ప్రధాన సమస్య గా కనిపిస్తోంది.

కరోనా కారణం గా తీవ్ర ఒత్తిడి కి గురి అయ్యి.. తిరిగి సాధారణ స్థితి కి చేరుకోవడం వలన కలిగే సైడ్ ఎఫెక్ట్స్ లో జుట్టు రాలడం కూడా ఒకటి. ఒత్తిడి కి గురి అవ్వడం వలనే జుట్టు రాలుతూ ఉంటుంది. తలలో ఇన్ఫెక్షన్ ఏర్పడడం, మంట గా అనిపించడం వంటి లక్షణాలు కూడా ఉంటాయి. శరీరం లో విటమిన్ బి 12 మరియు విటమిన్ డి స్థాయి తగ్గడం కూడా ఇందుకు కారణం కావొచ్చు. కాబట్టి కరోనా తగ్గిన తరువాత కూడా తగినంత పోషకాహారం తీసుకుని, జుట్టుని కాపాడుకోవడం కోసం తగినన్ని జాగ్రత్తలు తీసుకోవాలి.

ఈ మధ్య కాలం లో ఎక్కువ మందికి కీళ్ల నొప్పులు, డయాబెటిస్ వంటి సమస్యలు ఎదురవుతున్నాయి. ముప్పై ఐదు దాటాయంటే.. ఎక్కువగా ఇలాంటి సమస్యల బారిన పడుతున్నారు. వీటిని తగ్గించుకోవడం కోసం ఎక్కువ మందులు వాడడం కంటే.. ఆహరం లో మార్పులు చేసుకోవడం ద్వారా తగ్గించుకోవడం మంచిది. ఈ చిన్న టిప్.. కీళ్ల నొప్పులను, డయాబెటిస్ ను తగ్గించడానికి దోహదం చేస్తుంది.

ఒక బౌల్ లో ఒక స్పూన్ అల్లం తురుము, ఒక స్పూన్ తేనే కలిపి తీసుకోవాలి. ఉదయం, సాయంత్రం సమయాల్లో దీనిని ప్రతి రోజు తీసుకోవడం వలన డయాబెటిస్ కు చెక్ పెట్టొచ్చు. అలాగే ఇది ఇన్ఫెక్షన్ ను, గొంతు నొప్పిని కూడా తగ్గిస్తుంది. జీర్ణ సమస్యలను కూడా అల్లం తేనే మిశ్రమం క్రమబద్ధీకరించి మలబద్ధకం బారిన పడకుండా కాపాడుతుంది.

ప్రపంచం ఎంతో ముందుకు వెళ్ళింది. టెక్నాలజీ ద్వారా ఎన్నో కొత్త విషయాలను కనుగొన్నాం. ఎన్నో వ్యాధులకు కూడా మందులను కనుగొన్నారు. కానీ ఇప్పటివరకు జలుబుకి మాత్రం సరైన మందు రాలేదు. ఇందుకు కారణం ఏంటో ఇప్పుడు తెలుసుకుందాం. జలుబు రైనో వైరస్ అనే బ్యాక్టీరియా ద్వారా వస్తుంది. ఇందులో ఒకటి కాదు రెండు కాదు ఏకంగా 200 వైరస్ లు ఉంటాయి.

అందుకే ఇప్పటి వరకు దాదాపు 70 సంవత్సరాల నుండి ఎన్నో ఫార్మా సంస్థలు జలుబుకి మందు కనుక్కోవడానికి ప్రయత్నిస్తున్నా కూడా ఒక్క సరైన మందు కూడా దొరకలేదు. జలుబుకి కారణమైన వైరస్ అనేది మన గొంతు భాగంలో చేరుకొని అక్కడి నుండి వ్యాపిస్తూ ఉంటుంది. అలా మన శరీరంలో జలుబు లక్షణాలు కనిపించినప్పుడు మన శరీరమే జలుబుకి వ్యతిరేకంగా పోరాడడానికి ప్రయత్నిస్తుంది.

సరైన మందు లేకపోయినా కూడా మనం కొన్ని జాగ్రత్తలు తీసుకుంటే జలుబు అనేది ఖచ్చితంగా తగ్గుతుంది. జలుబు చేసినప్పుడు సాధారణ సమయం కంటే ఎక్కువ సేపు నిద్ర పోవాలి. నిద్రపోతున్న సమయంలో మన శరీరం ఇంకా బలంగా ఇన్ఫెక్షన్లతో పోరాడగలుగుతుంది. తక్కువ వ్యాయామం చేయాలి. పోషకాహారం తీసుకోవాలి. ముఖ్యంగా మన శరీరంలో రోగనిరోధక శక్తిని పెంచుకోవాలి.

చేతులను ఎప్పటికప్పుడు శుభ్రంగా కడుక్కుంటూ ఉండాలి. ముక్కు, నోరు, కళ్ళని ఊరికే ముట్టుకోకూడదు.అంతే కాకుండా నీళ్లు ఎక్కువగా తాగాలి. ఈ కారణంగా మనలో ఉండే మ్యూకస్ అనేది పల్చబడిపోతుంది. తొందరగా బయటికి వచ్చేస్తుంది. ఇలా చేస్తే జలుబుని తొందరగా నివారించవచ్చు.

భారత కిచెన్ లో జీలకర్ర లేని వంటకాలు తక్కువే. మసాలా దినుసు గా జీలకర్ర కు చాలానే ప్రత్యేకత ఉంది. అయితే.. ఇది అందించే లాభాలు కూడా ఎక్కువ గానే ఉన్నాయండోయ్. మన జీర్ణవ్యవస్థను మెరుగు పరచాలంటే జీలకర్ర రోజు కొద్దీ పరిమాణం లో తీసుకుంటే చాలు. జీలకర్రను నములుతూ ఉంటె మన నోరు ఫ్రెష్ గా ఉండడమే కాదు.. జీర్ణవ్యవస్థ కూడా చురుకుగా పనిచేస్తుంది. అంతే కాదు బరువు తగ్గించడం లో కూడా ఇది ఎంత గానో ఉపయోగపడుతుంది.

జీలకర్ర లో ధైమోల్ అనే హార్మోన్ ఉంటుంది. ఇది క్లోమం నుంచి పిత్తాన్ని విడుదల చేయించి కొవ్వులు, కార్బోహైడ్రేట్లు కరగడానికి సహాయపడుతుంది. అలాగే.. వేగం గా బరువు తగ్గే విధం గా జీవక్రియను ప్రభావితం చేస్తుంది. అలాగే.. ఎక్కువ గా ఆకలి వేయకుండా దోహదం చేస్తుంది. ముందు రోజు రాత్రి జీలకర్రను నీటిలో నానబెట్టి.. ఉదయాన్నే అందులో కొద్దీ గా దాల్చిన చెక్క నీటిని కలిపి తీసుకోవడం వలన వేగం గా బరువు తగ్గుతారు. అలాగే జీలకర్ర నానబెట్టిన నీటిలో నిమ్మరసం వేసుకుని తాగడం వలన కూడా త్వరగా తగ్గుతారు.

చాలా మంది బరువు తగ్గుడం అనుకోగానే మొదట చేసే పని పొద్దున్నే నిమ్మకాయ నీటిని తాగడం. వేడి నీటిలో నిమ్మకాయ పిండుకుని.. అందులో కొంచం తేనే వేసుకుని తాగేస్తూ ఉంటారు. దీనివలన నిజం గానే బరువు తగ్గుతారా..? అంటే నిమ్మకాయ బరువు తగ్గడానికి దోహదం చేస్తుంది తప్ప పూర్తి గా బరువు తగ్గించదు.

అంటే.. మీరు శారీరకం గా చెమటలు చిందిస్తూ.. ఉదయాన్నే నిమ్మకాయ నీటిని తీసుకుంటే త్వరగా బరువు తగ్గుతారు. నిమ్మకాయ లోని విటమిన్ సి జీర్ణ వ్యవస్థను మెరుగుపరుస్తుంది. నిమ్మకాయ నీటిని తీసుకోవడం తో పాటు గా యోగా, నడక, జాగింగ్, జిమ్ వంటివి చేస్తూ ఉంటె.. బరువు తగ్గడం తేలిక అవుతుంది. అలాగే నిమ్మ నీటిలో ఉండే పెక్టిన్ అనే పదార్ధం ఎక్కువ గా ఆకలి వెయ్యనివ్వదు. ఫలితం గా తినే తిండి పై కూడా కంట్రోల్ ఉంచుతుంది.

గతేడాది జనవరి నుంచి ప్రపంచ దేశాలు కరోనా కారణం గా అవస్థ పడుతున్నాయి. ఈ మహమ్మారి వచ్చినప్పటి నుంచి లాక్ డౌన్ విధించడం తప్ప వేరే మార్గం లేకపోయింది. ఫలితం ప్రజల మానసిక ఆరోగ్యాలు, దేశ ఆర్థిక పరిస్థితులు దెబ్బతిన్నాయి. ఎన్ని జాగ్రత్తలు తీసుకున్నా.. కోవిడ్ మాత్రం పెరుగుతూనే ఉంది. కరోనా నుంచి కోలుకునే వారు ప్రస్తుతం ఎక్కువ గానే ఉండడం కొంత ఉపశమనం కలిగించే విషయం.

10 టీవీ కథనం ప్రకారం… చాలా మందిలో కరోనా వచ్చి వెళ్లిన తరువాత ఇతర ఆరోగ్య సమస్యలు కూడా ఎదురవుతున్నాయి. కరోనా నుంచి కోలుకున్నప్పటికీ.. వారు పూర్తి స్థాయిలో మునుపు ఉన్నంత గా ఆరోగ్యం గా, ఉత్సాహవంతం గా పని చేయలేకపోతున్నారు. కొంతమంది వ్యక్తులైతే కరోనా నుంచి కోలుకుని ఏడాది గడుస్తున్నా.. వారి పరిస్థితి ఇబ్బందికరం గా ఉంటోందని తేలింది. ఈ విషయమై ఇటీవలే లాన్సెట్ లో ఓ అధ్యయనం ప్రచురించబడింది.

ఈ సర్వే ప్రకారం కరోనా నుంచి కోలుకున్న వ్యక్తులను ఏడాది తరువాత పరిశీలించగా.. వారు ఏదో ఒక సమస్య తో బాధపడుతున్నారని తేలింది. ఈ సర్వే లో చైనా లోని వుహాన్ లో దాదాపు 1276 మంది కరోనా నుంచి కోలుకున్న వ్యక్తులను అధ్యయనం చేయగా ఈ విషయం బయటపడింది. వీరిలో చాలా మంది జనవరి 20 , 2020 నుంచి మే 29 2020 వ సంవత్సరం లోపు డిశ్చార్జి అయినవారే. దాదాపు ఏడాది పైనే కావొస్తోంది.

వీరిలో 831 (68 శాతం)మంది కరోనా నుంచి కోలుకున్న ఆరునెలల తరువాత కూడా పోస్ట్ కోవిడ్ లక్షణాలతోనో, ఏదో ఒక అనారోగ్య సమస్యతోనో బాధపడుతూనే ఉన్నారు. ఇక 620 (42 శాతం) మంది ఏడాది గడిచినా అనారోగ్య సమస్యలతో సతమవుతూ ఉన్నారు. సర్వే లో పాల్గొన్న వారిలో 53 % మంది మొదటి ఆరునెలల్లో అలసట, కండరాల బలహీనత వంటి ఇబ్బందులతో బాధపడ్డారు. ఏడాది గడిచేసరికి ఈ శాతం 20 కి పడిపోయింది. కోవిడ్ నుంచి కోలుకున్న వారిలో 26 శాతం మంది శ్వాస ఇబ్బందులు ఎదుర్కొన్నారు. ఐతే ఏడాది గరించేసరికి ఈ సంఖ్య ముప్పై శాతానికి పెరిగింది.

వెంటిలేటర్ సపోర్ట్ తో కోలుకున్న వారు ఏడాది గడిచినా శ్వాస సమస్య తో ఇబ్బందులు పడుతున్నారని తేలింది. 349 రోగులు శ్వాస సమస్యలను ఎదుర్కోగా.. వీరిలో 244 మందికి ఏడాది గడచినా కూడా వారి ఊపిరితిత్తులలో ఎటువంటి మెరుగైన పనితీరు కనిపించలేదు. మొత్తం 353 మంది రోగులు 12 నెలల పాటు సిటీ స్కాన్ చేయించుకున్నారని తేలింది. వీరిలో 52.7 % మందికి ఏడాది తరువాత ఊపిరితిత్తుల పనితీరులో మార్పు కనిపించిందని తేలింది.

ఈ అధ్యయనం లో పాల్గొన్న రోగుల సగటు వయసు 57 సంవత్సరాలు గా ఉంది. వీరిలో 53 శాతం మంది ఉద్యోగం నుంచి పదవి విరమణ పొందారు. మిగిలిన 479 మందిలో 88 శాతం మంది తిరిగి తమ విధులలో చేరారని తెలుస్తోంది. తిరిగి ఉద్యోగం చేరిన వారిలో దాదాపు 76 శాతం మంది పూర్వ సామర్ధ్యం తో పని చేయగలుగుతున్నారు. పురుషులతో పోలిస్తే స్త్రీలు ఎక్కువ గా కండరాల బలహీనత, అలసట, డిప్రెషన్ వంటి సమస్యలతో బాధపడుతున్నారు. ఈ పరిశోధనలతో తేలింది ఏమిటంటే.. కరోనా నుంచి కోలుకున్న.. తిరిగి ఆసుపత్రికి వచ్చే రోగులకు చికిత్స అందించాల్సి ఉంటుంది.

మనం హెల్ది గా మన రోజుని ప్రారంభించాలంటే.. ఆరోగ్యకరమైన ఆహరం తప్పనిసరి. అయితే.. ఉదయం నిద్ర లేవడం ఏ మాత్రం ఆలస్యమైనా చాలా మంది బ్రేక్ ఫాస్ట్ ను స్కిప్ చేయడమో.. లేక అందుబాటులో ఉన్న ప్యాకెడ్ ఫుడ్ తినేయడమో చేస్తుంటారు. ఇది అస్సలు మంచిది కాదు. ఈ ఐదు ఆహారాలను మీరు ఉదయం సమయం లో తీసుకుంటుంటే.. తప్పని సరిగా ఈ అలవాటు కు చెక్ పెట్టండి. ఇక ఆ ఐదు ఆహారాలు ఏంటో ఓ లుక్ వేయండి.

ప్రొసెస్డ్ ఫుడ్: ఉదయాన్నే ప్రాసెస్ చేయబడ్డ ప్యాకెజీ ఫుడ్ ను తినడం మంచిది కాదు. ఇది శరీరం లో కొవ్వుని మరింత గా పెంచుతుంది. వీటిల్లో ఉండే నూనె, ఇతర పదార్ధాలు శరీరానికి హాని చేస్తాయి. చిప్స్, పాప్ కార్న్ లాంటివి అస్సలు తినకండి.

కేక్స్: ఆయిల్ ఉండదు గా, టేస్టీ గా ఉంటుంది అనుకుంటూ ఇలాంటి పదార్ధాలను తీసుకోవడం కూడా మంచిది కాదు. చక్కర, పిండి పదార్ధాలు ఎక్కువ గా కలిగిన ఈ ఆహార పదార్ధాలు ఉదయాన్నే తీసుకోవడం మంచిది కాదు.

నూడుల్స్: ఇవి బ్రేక్ ఫాస్ట్ గా కంటే సాయంత్రం స్నాక్స్ గా తీసుకోవడమే మేలు. ఉదయాన్నే నూడుల్స్, మ్యాగీ లాంటివి తినడం మంచిది కాదు.

ఫ్రూట్ జ్యూస్: ఫ్రూట్ జ్యూస్ లను చేసుకోవడం ఈజీ నే కానీ ఉదయాన్నే తీసుకోవడం అంత మంచిది కాదు అని అంటున్నారు. మీరు ఫ్రూట్స్ తింటే ఎటువంటి ఇబ్బంది ఉండదు. కానీ వీటిని జ్యూస్ గా చేసుకుని అందులో చక్కర కలుపుకుని తాగడం అయితే మంచిది కాదు.

పూరి, పరోటా: పూరి అందరి ఫేవరెట్ ఫుడ్. కానీ ఉదయాన్నే నూనెలో వేయించిన పూరి, పరోటా వంటి ఫుడ్ లు తిరగడానికి ఎక్కువ సమయం తీసుకుంటాయి. జీర్ణ వ్యవస్థపై ఒత్తిడి పెంచుతాయి. కాబట్టి ఉదయాన్నే తేలిక పాటి ఆహారాన్ని తీసుకోవడం మంచిది.