Human angle

ఒక మహిళ కారులో ప్రయాణిస్తుండగా టైర్ పంచర్ అవడంతో కారు ఆగిపోయింది. ఆమె వద్ద స్టెఫిని ఉంది, కానీ ఆమెకు దాన్ని మార్చడం రాదు. దాంతో ఎవరైనా సహాయం చేస్తారని ఎదురు చూస్తోంది. ఆ సమయంలో సెల్ ఫోన్ కూడా పని చేయడం లేదు. దాంతో ఆమె కారు పక్కనే నిలబడి పోయింది.

చాలా సమయం తర్వాత ఒక వ్యక్తి బైక్ పై అదే దారిలో వెళ్తూ వెనక్కి వచ్చి ఆమె దగ్గర ఆగాడు. అతన్ని చూసి ఆ మహిళా భయపడింది. ఆ వ్యక్తి ఒక మెకానిక్. సాయం చేయడానికి వచ్చాను అని చెప్పడంతో ఎంతో సంతోషపడింది. కారు డిక్కీలో నుండి కావలసిన సామాను తీసుకుని టైర్ మార్చాడు. అయితే తారు రోడ్డు వలన చేతులకు కొన్ని దెబ్బలు తగిలాయి.

representative image

ఆమె కొంత డబ్బులు ఇవ్వబోయింది. అయితే అతను డబ్బులు తీసుకోలేదు. మీకు సహాయం చేయాలనిపిస్తే కష్టాల్లో కనిపించిన వారికి నా పేరు చెప్పి సహాయం చేయండి అని చెప్పాడు. కొంత దూరం వెళ్లాక ఆకలి వేయడంతో హోటల్ కి వెళ్ళింది. అక్కడ ఒక గర్భిణీ మహిళ సర్వ్ చేస్తోంది. అయితే ఆమెను చూసి ఎంతో బాధ కలిగింది.

అవసరం ఉంటే కానీ ఆమె పనిచేయదు కదా అని భావించి భోజనం అయ్యాక వెయ్యి రూపాయలు టేబుల్ పై పెట్టి వెళ్ళిపోయింది. మహిళ తిరిగి వచ్చి చూసేసరికి ఒక గ్లాసు కింద నాలుగు వెయ్యి నోట్లు తో పాటుగా ఒక కాగితం ఉంది. నీకు ఎంతో అవసరం ఉంటే కానీ ఈ విధంగా పని చేయవు కదా, నాకు ఒకరు సహాయం చేశారు దాన్ని తలుచుకుంటూ నేను నీకు సాయం చేసి ఆనందిస్తున్నాను. నువ్వు కూడా ఇదే విధంగా సహాయం చేయాలని కోరింది.

ఆ హోటల్ లో పని చేసే మహిళ ఇంటికి వెళ్లి, చేతులకు దెబ్బలు తగిలించుకున్న భర్త తో మన కష్టాలు తీరిపోయాయి, భగవంతుడు మనకు సాయం చేశారు అని చెప్పింది. అంటే మనం ఎవరికైనా మనస్ఫూర్తిగా సహాయం చేస్తే అది ఎప్పటికీ వృధా అవ్వదు. మనం కష్టాల్లో ఉన్నప్పుడు ఆ సాయం మనకు దక్కుతుంది.

NOTE: All the images used in this article are just for representative purpose only. But not the actual characters

సమాజం ఎంత ముందుకు వెళుతున్నప్పటికీ తల్లిదండ్రులకి మగ పిల్లల మీద ఆశ చావటం లేదు. ఎంతమంది ఆడపిల్లలు ఉన్నా పర్వాలేదు కానీ ఒక్క మగపిల్లాడు ఉంటే జన్మ ధన్యమైపోతుంది అనుకునే తల్లిదండ్రులు ఇప్పటికీ ఉన్నారు. వాళ్ల కళ్ళముందే ఆడవాళ్లు ఎన్నో విజయాలను సాధిస్తూ గౌరవప్రదమైన జీవితం గడుపుతున్నప్పటికీ ఎందుకో తల్లిదండ్రుల దృష్టిలో ఆడపిల్ల వెనకనే ఉంటుంది. వరుసగా ఇద్దరు ఆడపిల్లలు పుట్టేసరికి అమ్మో ఆడపిల్లల అంటూ సానుభూతి చూపించడం ప్రారంభిస్తారు. అయితే అందరి తల్లిదండ్రులు అలా ఉండకపోవచ్చు కానీ కొందరు మాత్రం ఒక మగపిల్లాడి కోసం ఎంతమంది ఆడపిల్లలనైనా కనటానికి వెనకాడటం లేదు.

అలాంటి ఒక తండ్రి కధే ఇప్పుడు మనం చెప్పుకుంటున్నాము. బీహార్ లోని సరన్ జిల్లాకు చెందిన రాజ్ కుమార్ సింగ్ పిండి మిల్లి కార్మికుడు. ఈయన కూడా అందరిలాగా తనకి వారసుడు పుట్టాలని కలలు కన్నాడు. మొదటి కాన్పులో ఆడపిల్ల పుట్టడంతో మహాలక్ష్మి వచ్చిందనుకున్నాడు, ఆ తర్వాత వరుసగా ఆరుగురు ఆడపిల్లలే పుట్టారు. ఏడుగురు ఆడపిల్లల్ని కన్న రాజకుమార్ సింగ్ ఆడపిల్లలని భయపడలేదు, ఒక వయసు వచ్చాక ఒక అయ్య చేతిలో పెట్టేసి చేతులు దులిపెసుకుందాం అనుకోలేదు.

అందరినీ శివంగుల్లాగా పెంచాలనుకున్నాడు. తన తాహతకు మించి ఏడుగురిని ఉన్నత చదువులు చదివించాడు. చుట్టుపక్కల వాళ్ళు సింగ్ కూతుర్ల పెళ్లిళ్ల ప్రస్తావన తెచ్చినా పెద్దగా పట్టించుకునేవాడు కాదు. కూతుళ్లు వాళ్ళ కాళ్ళ మీద వాళ్ళు నిలబడగలిగేలా పెంచితే చాలు అనే సూత్రాన్ని గట్టిగా నమ్మాడు. ఆ నమ్మకాన్ని కూతుర్లు నిజమయ్యేలాగా చేశారు. అందరూ ప్రభుత్వ ఉద్యోగాలు సాధించి ఆ తండ్రి గౌరవాన్ని నిలబెట్టారు. పెద్ద కూతురు రాణి బీహార్ ఉమెన్ పోలీస్ స్టేషన్లో కానిస్టేబుల్ గా పనిచేస్తుంది .

రెండవ కుమార్తె హనీ ఎస్ ఎస్ బి లో ఉద్యోగం చేస్తుంది. మూడవ కుమార్తె సోనీ సిఆర్పిఎఫ్ కానిస్టేబుల్, నాలుగవ కూతురు ప్రీతి క్రైమ్ బ్రాంచ్ కానిస్టేబుల్, ఐదవ కూతురు పింకీ ఎక్సైజ్ శాఖలో కానిస్టేబుల్, ఆరవ కూతురు బీహార్ పోలీస్ శాఖలో కానిస్టేబుల్, ఏడవ కూతురు రైల్వే శాఖలో కానిస్టేబుల్. ఇప్పుడు రాజ్ కుమార్ సింగ్ ఇరుగుపొరుగువారు అతనిని ఆదర్శంగా తీసుకొని వారి ఆడబిడ్డలను కూడా ఉన్నత చదువులు చదివించే దిశగా అడుగులు వేస్తున్నారు.

ప్రజలు తమకు మంచి చేసిన వారు ఎవరైనా బాగా గుర్తుపెట్టుకుంటారు. తమ కోసం మంచి పనులు చేస్తున్నవారికి అండగా నిలబడతారు, వారికోసం ఎవరితో అయినా పోరాడడానికి కూడా వెనుకాడరు. అది పొలిటికల్ లీడర్లు లేదా అధికారులు కూడా కావచ్చు.

సాధారణంగా రాజకీయ నాయకుల కోసం ప్రజలు రోడ్ల పైకి రావడం అనేది చూస్తుంటాము. కానీ ఆఫీసర్ల కోసం చాలా అరదుగా ప్రజలు రోడ్ల పైకి వస్తుంటారు. అలాంటి వారిలో ఐఏఎస్ ఆఫీసర్ రోహిణి సింధూరి ఒకరు. ఆమె కోసం ప్రజలు రోడ్లపై ధర్నాలు చేశారు.  ఆమె ఐఏఎస్ ప్రయాణం గురించి ఇప్పుడు చూద్దాం..

రోహిణీ సింధూరి 1984 లో హైదరాబాద్ లో మే 30న శ్రీలక్ష్మీరెడ్డి, దాసరి జయపాల్‌రెడ్డి దంపతులకు జన్మించింది. ఆమె సొంతూరు ఖమ్మం జిల్లాలోని రుద్రాక్షపల్లి గ్రామం. రోహిణి ఇంజనీరింగ్‌ దాకా హైదరాబాద్ లో చదువుకుంది.  అందరి తల్లితండ్రుల వలె ఆమె తల్లితండ్రుల కూడా కుమార్తెను మంచి స్థితిలో చూడాలని, ఇంజనీరింగ్ తరువాత రోహిణిని పై చదువుల గురించి ఫారెన్ పంపించాలని భావించారు.  కానీ రోహిణి చిన్నతనం నుంచి తల్లి చేసే సేవా కార్యక్రమాలు చస్తూ పెరిగిన ఆమె, తల్లి లాగే తాను జనాలకు సేవ చేయాలనుకున్నారు.

విదేశాలకు వెళ్లమంటే వద్దని, కలెక్టర్‌ అవుతానని పట్టుబట్టి రోహిణి తన కలను నెరవేర్చుకుంది. లక్ష్య సాధనలో శ్రీలక్ష్మి తన కుమార్తెకు అండగా నిలబడింది.  ఐఏఎస్ కావడానికి చాలా కష్టాలు, సమస్యలు ఎదుర్కొన్నారు.  హిమాయత్‌నగర్‌లో ఉన్న  ఆర్‌.సి.రెడ్డి కోచింగ్‌ సెంటర్‌లో కోచింగ్ తీసుకుంది.  ఆ తరువాత మెయిన్స్ కోసం ఢిల్లీ వెళ్లి,  2009లో యూపీఎస్సీపరీక్షల్లో 43వ ర్యాంకు సాధించింది. ఆమెకు కర్ణాటక కేడ‌ర్‌లో జాయిన్ అయ్యింది. అక్కడి ప్రజలని కలుస్తూ వారి సమస్యలను పరిష్కరిస్తూ, సాగుతోంది. ఈ క్రమంలో అక్కడి ప్రజలలో ఆమెకు పెద్ద సంఖ్యలో ఫ్యాన్ ఫాలోయింగ్ ఏర్పడింది.

ఈ మధ్యకాలంలో  ఏర్పడిన రెండు, మూడు సమస్యలలో కర్ణాటక మంత్రులు రోహిణితో విభేదించి, ట్రాన్స్ఫర్ చేయాలని చూశారు. ఆమెకు ట్రాన్స్ ఫర్ ఆర్డర్స్‌ సైతం వచ్చాయి. కానీ ఈ విషయం తెలిసిన అక్కడి ప్రజలు రోహిణి బదిలీ చేయకూడదంటూ గవర్నమెంట్ కు వ్యతిరేకంగా నిరసనలు చేశారు. ప్రజలు ఉద్యమాలు, చేయడంతో 3 సార్లు ఆమె బదిలీని ప్రభుత్వం  నిలిపివేసింది. నిజాయితీ గల ఐఏఎస్ ఆఫీసర్ ని ఇబ్బందిపెడితే, ప్రజల ఎలా స్పందిస్తారో రోహిణి విషయంలో కర్నాటక గవర్నమెంట్ కూడా చూసింది.

Also Read: గొప్ప మనసున్న నటుడు నందు.. ఏకంగా 800 మందికి వండి వడ్డించిన ఘనుడు!

ఓ సాధారణ గృహినికి వచ్చిన ఆలోచన ఈరోజు నలబై మందికి ఉపాధి కలిగేలా చేసింది. తమకు వచ్చిన విద్యతోనే ఆ మహిళలు లక్షలు సంపాదించే మార్గాన్ని తెలిపింది. అది కూడా సంప్రదాయ వంటకాలతో సరదాగా మొదలుపెట్టిన ఫుడ్ బిజినెస్ ఇప్పుడు ఆ మహిళల కుటుంబ భారాన్ని కూడా మోసే రేంజ్ కి చేరుకుంది.

మొన్నటివరకు కిచెన్ కే పరిమితమైన ఈ మహిళలు ప్రారంభించిన ఫుడ్ గార్డెన్, ఇప్పుడు నెలకు పన్నెండు లక్షల రూపాయల టర్నోవర్ కు చేరుకుంది.  విజయనగరం జిల్లా పార్వతీపురంకు చెందిన కన్యాకుమారి తనతో పాటు తోటి గృహిణులకు ఉపాధి కల్పిస్తూ, సంప్రదాయ వంటల బిజినెస్ లో ఆరితేరారు.

పార్వతీపురంకు చెందిన కన్యాకుమారి పదేళ్ళ క్రితం వరకు సాధారణ గృహిణి. ఇంట్లో ఖాళీగా ఉండే సమయంలో ఏదైనా చేయాలని అనుకునేవారు. ఆ క్రమంలో మెల్లగా పిండివంటలు, స్వీట్స్, బేకరీ ఐటమ్స్ చేయడం మొదలుపెట్టారు. తనకు తోడుగా పక్కనే ఉన్న మహిళను తీసుకొచ్చారు. అలా క్రమంగా ఆమెకు నలబై మంది వరకు తోడు అయ్యారు. ఇంటి పై ప్రాంగణాన్ని కన్యాకుమారి సంప్రదాయ వంటకాలు మరియు  బేకరీ ఐటమ్స్ తయారు చేయడం కోసం అనువుగా మార్చారు.

ఆమె బెంగళూరుకు వెళ్ళి  కొన్ని రోజుల పాటు ట్రైనింగ్ తీసుకుని,  తోటివారిలో  నైపుణ్యం పెంచుతున్నారు. అరకేజీ  మినప ఉండలతో ప్రారంభం అయిన”ఫుడ్ గార్డెన్” ప్రస్తుతం 300 రకాల వంటకాలకు చేరింది. నెలకు 6  వేల రూపాయలు   పెట్టుబడితో మొదలయిన  ఈ వ్యాపారం పన్నెండు లక్షల రూపాయలకు వృద్ధి చెందింది. ఫుడ్ గార్డెన్‌లో తయారు చేసిన వంటకాలు చుట్టుప్రక్కల గ్రామాల ప్రజలకి అందుబాటులో ఉండేందుకు  పార్వతీపురంలో కూడా షాప్ ను నిర్వహిస్తున్నారు. వ్యాపారాభివృద్ధికి ఇంటర్నెట్ ద్వారా ప్రయత్నిస్తున్నట్లు కన్యాకుమారి చెప్పారు.

ఈ రోజుల్లో చాలామంది ప్రజలు సంప్రదాయక వంటకాల తయారీని, టేస్ట్ ను మరచిపోతున్నారు. అందుకే తెలుగు సంప్రదాయ వంటలు రుచి చూపించడం కోసం ఈ ఫుడ్ గార్డెన్ ను మొదలుపెట్టము. ఈ బిజినెస్ మొదలుపెట్టిన కొత్తలో వంటలు సరిగ్గా కుదరక పలు ఇబ్బందులు కూడా పడ్డాం. అప్పుడు వాటిని కొనేవారు కాదు. పోనూ పోనూ వంటలు నేర్చుకున్నాము. ప్రస్తుతం మా వంటలుబాగా ఇష్టపడుతున్నారని కన్యాకుమారి చెప్పుకొచ్చారు.

Also Read: గొప్ప మనసున్న నటుడు నందు.. ఏకంగా 800 మందికి వండి వడ్డించిన ఘనుడు!

ఎన్నో సంవత్సరాల నుండి చాణక్య నీతి అనేది జీవన విధానానికి ఒక నిఘంటువులాగా పనిచేస్తుంది. చాణుక్యుడు ఎన్నో విషయాలని చెప్పారు. అవి వృత్తిపరమైన జీవితంలో, వ్యక్తిగత జీవితంలో కూడా ఒక మనిషికి ఎన్నో రకాలుగా ఉపయోగపడతాయి. అలా చాణుక్యుడు పెళ్లికి సంబంధించిన కొన్ని విషయాలను కూడా చెప్పారు.

సాధారణంగా పెళ్లికి ముందు ఒక అబ్బాయి గురించి ఒక అమ్మాయి, అమ్మాయి గురించి ఒక అబ్బాయి తెలుసుకోవడం అనేది చాలా ముఖ్యమైన విషయం. అయితే అమ్మాయిల గురించి మాత్రం అబ్బాయిలు ఇలాంటి విషయాలు తప్పక తెలుసుకోవాలి అని చెప్పారు. అవేంటో ఇప్పుడు చూద్దాం.

# ఒక అమ్మాయి సౌందర్యాన్ని చూసి అసలు పెళ్లి చేసుకోవద్దు. ఒక అమ్మాయి తెలివి, ఆమెకి ఉన్న ప్రతిభ కూడా చాలా ముఖ్యం. కేవలం అందం మాత్రమే చూసి అయితే అసలు పెళ్లి చేసుకోవద్దు.

# ముందుగా ఆ అమ్మాయి వారసత్వాన్ని తెలుసుకోవాలి. అమ్మాయి కుటుంబ నేపథ్యం ఏంటి? ఆర్థికంగా అమ్మాయి ఎలా నడుచుకుంటుంది అనే విషయాలన్నీ తెలుసుకోవాలి. అలాగే అమ్మాయికి సామాజిక బాధ్యత ఎంత వరకు ఉంది అనే విషయాన్ని కూడా తప్పకుండా తెలుసుకోవాలి. ఎందుకంటే ఒకవేళ భాగస్వామి కుటుంబం అనేది తక్కువగా లేదా ఎక్కువగా ఉన్నప్పుడు సమస్యలు ఎదుర్కొంటారు.

# అబద్ధాలు చెప్పే అమ్మాయిలని అసలు పెళ్లి చేసుకోవద్దు. ఈ అబద్ధాలు చిన్న చిన్న వాటితో మొదలు అయ్యి, తర్వాత పెద్ద వాటి వరకు వెళ్తాయి. కాబట్టి అబద్ధాలు ఆడే అమ్మాయిని పెళ్లి చేసుకోవద్దు.

# అమ్మాయికి సాహసం, పట్టుదల కచ్చితంగా ఉండాలి. కష్ట సమయాల్లో కుటుంబాన్ని జాగ్రత్తగా చూసుకోవాలి. కుటుంబానికి అండగా నిలబడాలి. కోపం తక్కువగా ఉండాలి. సహనం ఎక్కువగా ఉండాలి. ఇలాంటి అమ్మాయిని పెళ్లి చేసుకోవాలి.

# మీ భాగస్వామి ఆధ్యాత్మిక కార్యకలాపాల్లో ఎంత వరకు పాల్గొంటారు కూడా తెలుసుకోవడం ముఖ్యమైన విషయం. ఆధ్యాత్మికత ఎక్కువగా ఉన్నవారు గౌరవప్రదంగా ఉంటారు. అలాంటి వారి కుటుంబాన్ని కూడా బాగా చూసుకుంటారు. కాబట్టి ఆధ్యాత్మికత ఉన్న అమ్మాయిని పెళ్లి చేసుకోవాలి.

భార్య భర్తల బంధం అనేది ఎంత దృఢంగా ఉంటే వారి భవిష్యత్తు కూడా అంత బాగుంటుంది. కాబట్టి ఒక వ్యక్తి తనకి కాబోయే భార్యని ఎంచుకునే ముందు ఇవన్నీ కచ్చితంగా చూడాలి అని చాణుక్యుడు చెప్పారు.

ALSO READ : కుమారి ఆంటీ తర్వాత ఫుడ్ బిజినెస్ లో ఫేమస్ అయిన మరొక ఆవిడ ఎవరో తెలుసా..? ఇక్కడ ఒక ప్లేట్ ధర ఎంతంటే..?

అందరి జీవితాలు ఒకేలాగా ఉండవు. కొంత మందికి పెళ్లి తర్వాత ఆనందంగా ఉండే జీవితం లభిస్తుంది. కానీ మరి కొంత మంది మాత్రం పెళ్లి తర్వాత కొన్ని ఇబ్బందులు ఎదుర్కొంటారు. సాధారణంగా అడ్జస్ట్ అవడంలో ఇబ్బందులు ఎదుర్కోవడం సహజంగా జరిగే విషయం.

కానీ అలా కాకుండా ఒక సమయంలో భార్య భర్తల ఇద్దరి మధ్య గొడవలు అయ్యి, ఆ తర్వాత వాళ్లు విడిపోవడం వరకు వెళుతుంది. లేదా కలిసి ఉన్నప్పుడు కూడా గొడవలు అవుతాయి. అలా ఒక వ్యక్తి తన జీవితానికి సంబంధించిన ఒక సంఘటన గురించి కోరా ద్వారా షేర్ చేసుకున్నారు.

ఆమె పేరు బొజ్జ రమణ. సూర్యాపేటలో ఉంటున్నారు. బొజ్జ రమణ తనకి పెళ్లయ్యాక తన జీవితం ఎలా ఉందో వివరిస్తూ ఒక పోస్ట్ చేశారు. అందులో ఈ విధంగా రాశారు. ఆ పోస్ట్ లో, “మాకు పెళ్లి అయిన 1 సంవత్సరానికి విడిపోయాయి, మా బాబు కోసం నేను వేరే పెళ్లి చేసుకోలేదు. కానీ నా భర్త రెండో పెళ్లి చేసుకొని ముగ్గురు పిల్లల్ని కన్నారు. కానీ వాళ్ళకి ఏం గొడవలు జరిగాయో తెలియదు. కానీ ఆమె వేరే అతనితో వుంటుంది. ఈ మధ్య మా భర్త చనిపోయాడు. మేము వెళ్ళాము. ఆమె కూడా వచ్చింది. నేను మళ్ళీ పెళ్ళి చేసుకోలేదు. కాబట్టి బొట్టు, గాజులు తీయాలి అన్నారు.”

“తీయకపోతే కన్న పిల్లలకి మంచిది కాదు అన్నారు. నేను బొట్టు గాజులు తీశాను. కానీ అతని రెండో భార్య ముగ్గురు పిల్లల కోసం అయినా తీయలేదు. నా మనసుకు నేను అనుకున్నాను. ఒక తల్లిగా గెలిచాను. ఒక భార్యగా గెలిచాను. అది నా జీవితం” అని రాశారు. చాలా మంది బొజ్జ రమణ పోస్ట్ కి మద్దతు తెలుపుతూ కామెంట్స్ చేశారు. ఆమె ఈ పోస్ట్ తో పాటు తన ఫోటో కూడా షేర్ చేశారు. ఆమె కథ ఇదే అంటూ పోస్ట్ రాశారు. ఆమెకి మంచి జరగాలి అని, ఆమె సంతోషంగా ఉండాలి అని కోరుకుంటూ కామెంట్స్ పెట్టారు.

ALSO READ : కుమారి ఆంటీ తర్వాత ఫుడ్ బిజినెస్ లో ఫేమస్ అయిన మరొక ఆవిడ ఎవరో తెలుసా..? ఇక్కడ ఒక ప్లేట్ ధర ఎంతంటే..?

పెళ్లి అంటే నూరేళ్ళ పంట అని చెబుతారు. వివాహం అనేది ఒక వ్య‌క్తిని ఎంచుకుని పెద్ద‌ల స‌మ‌క్షంలో వివాహ  బంధంలోకి అడుగుపెట్టే సంప్ర‌దాయమైన వేడుక. ఈ మధ్యకాలంలో ప్రేమ వివాహాలు ఎక్కువగా జరుగుతున్నాయి. ఈ క్రమంలో చాలా మంది ప్రేమించి, వివాహం చేసుకోవాలా?

లేక పెద్ద‌లు కుదిర్చిన వ్యక్తిని పెళ్లి చేసుకోవాలా అని ఆలోచిస్తున్నారు. జీవితాంతం తమతో క‌లిసి న‌డిచే వ్యక్తిని ఎంపిక చేసుకోవడంలో ఇటువంటి  కన్ఫ్యూజన్ ఉండ‌డం స‌హ‌జ‌మే. మరి ప్రేమ పెళ్లి, పెద్దలు చేసిన పెళ్లి, రెండింటిలో ఏది మంచిదో? నిపుణులు ఏం చెబుతున్నారో ఇప్పుడు చూద్దాం..1. ప్రేమ పెళ్లి:

ప్రేమ పెళ్లి ద్వారా ప్రేమించుకున్న ఇద్దరు ఒకరి గురించి మరొకరు ఎక్కువగా తెలుసుకుని, అర్ధం చేసుకుని ఇద్దరు కలిసి బ్రతకాలని నిర్ణయించుకుని పెళ్లితో ఒకటి అవుతారు. వీరు పెళ్లి చేసుకోవడం కోసం కులం, మతం, ఆర్ధిక స్థితి వంటి వాటిని చూడకుండా ప్రేమ వివాహం చేసుకుంటారు. ఈ వివాహంలో తమకు ఏం కావాలో తెలుసుకుని, వివాహ బంధంలోకి వెళతారు. ప్రేమ వివాహంలో చాలా కాలం నుండి ప్రేమించుకుంటున్నారు కాబట్టి ఒకరి అభిరుచుల గురించి మరొకరికీ తెలియడం వల్ల అర్ధం చేసుకునే అవకాశం ఎక్కువగా ఉంటుంది. సమస్యలు వచ్చినపుడు కలిసి ప‌రిష్క‌రించుకుంటూ, ముందుకెళ్తారు.
2. పెద్ద‌లు కుదిర్చిన పెళ్లి:

ఈ పెళ్లి కులం, మతం, ఆర్ధిక స్థితి వంటి అంశాల ఆధారంగా ఇద్దరు వ్యక్తులు వారి పెద్దలు కుదిర్చడం ద్వారా పెళ్లి చేసుకుంటే దానిని అరెంజ్ మ్యారేజ్ అంటారు. ప్రేమ వివాహంలో పెళ్ళికి ముందు ప్రేమించుకుంటే, అరెంజ్ మ్యారేజ్ లో పెళ్లి అయిన తరువాత ప్రేమించుకుంటారు. పెద్దలు కుదిర్చిన పెళ్ళిలో ఒక‌రి గురించి మరొక‌రు తెలుసుకుంటూ, స‌మ‌స్య‌లు ఏవైనా వ‌చ్చిన‌ప్పుడు తమ పెద్ద‌ల సహాయంతో ప‌రిష్క‌రించుకుంటూ, ఒకరి గురించి మరొకరు కొత్త విష‌యాలు తెలుసుకుంటూ మరింత అన్యోన్యంగా ఉంటారు.ప్రేమించి వివాహం చేసుకున్నా లేదా పెద్ద‌లు కుదిర్చిన పెళ్లి చేసుకున్నా కూడా ఆ బంధం అనేది నిలబడాలంటే  అది ఆ భార్యా భ‌ర్త‌ల‌ మీదనే ఆధార‌ప‌డి ఉంటుంది. ఇద్దరి మ‌ధ్య ఉండే న‌మ్మ‌కం, ప్రేమానురాగాలు పెళ్లి నిలబడడంలో కీల‌క పాత్రను పోషిస్తాయి. మరిన్ని వివరాలు తెలుసుకోవాలి అంటే ఈ క్రింది వీడియో చూడండి..

watch video: 

Also Read: భార్యలు తమ వైవాహిక జీవితంపై ఆసక్తి కోల్పోవడానికి ముఖ్య కారణాలు ఇవే..!

భారత దేశ స్వాతంత్య్రం పోరాటంలో ప్రధాన పాత్ర పోషించిన గాంధీజీని నాథూరామ్ గాడ్సే 1948లో జనవరి 30న తుపాకీతో కాల్చి చంపిన విషయం తెలిసిందే. ఢిల్లీలో బిర్లా హౌస్‌లో మహాత్మా గాంధీ ప్రార్థనా మందిరంకు  వెళ్తున్న సమయంలో నాథూరామ్ గాడ్సే గాంధీజీ కి ఎదురుగా వచ్చి పిస్టల్‌ను తన జేబులోంచి బయటకి తీసి, మహాత్మా గాంధీని 3 సార్లు కాల్చాడు. దాంతో పదిహేను నిమిషాల్లో గాంధీ కన్నుమూశారు.

ఘటనా స్థలంలోని సైనికులు గాడ్సేను పట్టుకుని, తుపాకి లాకున్నారు. అంతలోనే ప్రజలు  గాడ్సేను చితకబాదారు. ఆ తరువాత గాడ్సేను పోలీసు స్టేషన్‌ కు తరలించారు. ఈ సంఘటనకు ముందు మహాత్మా గాంధీ ఆఖరి రోజు ఎలా గడిచిందో ఇప్పుడు చూద్దాం..
బీబీసి న్యూస్ తెలుగు కథనం ప్రకారం, 1948లో జనవరి 30న (శుక్రవారం) ఎప్పటిలానే గాంధీజీ రోజు మొదలయ్యింది. తెల్లవారుఝామున 3:30 గంటలకే నిద్ర లేచారు. ప్రార్థన పూర్తి చేసుకుని, 2 గంటలు కాంగ్రెస్ పార్టీ నూతన బాధ్యతలు మరియు విధానాల పైన దృష్టి పెట్టారు. ఇతరులు లేచేలోపు, 6 గంటలకి గాంధీజీ మళ్ళీ నిద్ర పోయి, 8 గంటలకు లేచారు. ఆ తరువాత నిత్యం లాగే నూనెతో మాలిష్ చేయించుకున్నారు. స్నానం చేసి, మేక పాలు, ఉడికించిన కూరగాయలు తీసుకున్నారు. ముల్లంగి, ఆరెంజ్ జ్యూస్ త్రాగారు.
అయితే అదే టైమ్ కి , డిల్లీ ఓల్డ్ రైల్వే స్టేషన్ లోని వెయిటింగ్ రూమ్‌లో నారాయణ్ ఆప్టే, నాథూరాం గాడ్సే, విష్ణు కర్కరే నిద్రలో ఉన్నారు. బిర్లా హౌజ్ లో గాంధీ అల్పాహారం చేసిన తరువాత, తనని కలిసేందుకు వచ్చిన ఓల్డ్ ఫ్రెండ్ రుస్తమ్ సోరాబజీతో కొంత సమయం మాట్లాడారు.ఆ తరువాత డిల్లీలో  ముస్లిం నాయకులను కలిసి ‘మీ సమ్మతి లేకుండా వార్ధా వెళ్ళలేను’ తెలిపారు.గాంధీజీని ఆయన సన్నిహితులు ప్యారేలాల్, సుధీర్ ఘోష్ లండన్ టైమ్స్‌లో ప్రచురించిన ‘నెహ్రూ, పటేల్ మధ్య అభిప్రాయబేధాలు’ అనే వార్త గురించి మాట్లాడమని కోరారు. అందుకు గాంధీజీ సాయంకాలం ఈ విషయం గురించి  వారిద్దరి ముందు ప్రస్తావిస్తానని అన్నారు. సాయంత్రం 4 గంటల సమయంలో వల్లభాయ్ పటేల్, తన కుమార్తె మనుబెన్‌తో పాటు గాంధీని కలిసారు. వారు ప్రార్థనా టైమ్  5 గంటల దాటే వరకూ సంభాషించారు. అయితే మరో వైపు బిర్లా హౌస్‌కి గాడ్సే, అతని స్నేహితులు టాంగాలో బయలుదేరారు. హౌస్‌కి 2 వందల గజాల దూరంలో టాంగా ఆపి, అక్కడే దిగారు.