Human angle

సాధారణంగా తాము ప్రేమించాలి అనుకునే వ్యక్తిలో కొన్ని లక్షణాలు ఉండాలి అని, అమ్మాయిలు కానీ, అబ్బాయిలు కానీ అనుకుంటూ ఉంటారు. అమ్మాయిలు ఎలాంటి అబ్బాయిలని ఇష్టపడతారు అనే విషయం గురించి ఎక్కువగా మాట్లాడుతుంటారు. కానీ అబ్బాయిలు అసలు ఎలాంటి అమ్మాయిని ఇష్టపడతారు, ఎలాంటి లక్షణాలు ఉన్న అమ్మాయిలని దూరం పెడతారు అనే విషయం గురించి చాలా తక్కువగా మాట్లాడుతారు. అబ్బాయిలకి కూడా అమ్మాయిల నుండి కావలసిన లక్షణాలు కొన్ని ఉంటాయి. వద్దు అనుకునే లక్షణాలు కూడా కొన్ని ఉంటాయి. అలా అబ్బాయిలకి అమ్మాయిలలో నచ్చని లక్షణాలు ఏంటో ఇప్పుడు చూద్దాం.

#1 రహస్యాలని రహస్యంగా ఉంచని అమ్మాయిలని అబ్బాయిలు ఇష్టపడరు. ఏదైనా ఒక విషయాన్ని చెప్పి, అది ఎవరికీ చెప్పొద్దు అని చెప్పిన తర్వాత కూడా కొంత మంది అమ్మాయిలు అది అందరికీ చెప్తూ ఉంటారు. ఒకవేళ అలా వారి వ్యక్తిగత విషయాలు ఏమైనా ఒక అమ్మాయికి చెప్తే, ఆ అమ్మాయి ఆ విషయాన్ని ఇతరులకి చెప్తే అలాంటి లక్షణాలు ఉండే అమ్మాయిలని అబ్బాయిలు ఇష్టపడరు.

#2 ఒకవేళ తను తప్పు చేస్తే అది ఒప్పుకోకుండా అహంకారం చూపించే అమ్మాయిలను కూడా అబ్బాయిలు ఇష్టపడరు. ఎప్పుడైనా ఏదైనా తప్పు జరిగితే, లేదా గొడవ జరిగితే, అప్పుడు కాకపోయినా కొంత సమయం తర్వాత తన తప్పు తెలుసుకోవాలి. ప్రతిసారి తప్పు అబ్బాయి వైపు నెట్టేసే అమ్మాయిలని అబ్బాయిలు అసలు దగ్గరికి కూడా రానివ్వరు.

#3 సెల్ ఫోన్ చెక్ చేయడం. ఈ విషయం మీద ఒక్కొక్కరికి ఒక్కొక్క రకమైన అభిప్రాయం ఉండొచ్చు. అయితే, సాధారణంగా కొంత మంది అమ్మాయిలు అబ్బాయిల ఫోన్ లు చెక్ చేస్తూ ఉంటారు. అలా చేసే అమ్మాయిలని అబ్బాయిలు ఇష్టపడరు. ఎంత స్నేహంగా ఉన్నా కూడా ప్రైవసీ అనేది ఒకటి ఉంటుంది. దాన్ని గౌరవించాలి. ఒకవేళ అలా గౌరవించని వారు ఉంటే వాళ్లని ఇష్టపడరు.

#4 అది చెయ్యి. ఇది చెయ్యి. అది చెయ్యకు. ఇది చెయ్యకు. ఆ అమ్మాయితో మాట్లాడకు. వాళ్లకి దూరంగా ఉండు. ఇలా చెప్పే అమ్మాయిలని అబ్బాయిలు దూరంగానే పెడతారు. ఎవరైనా వాళ్లని ఇబ్బంది పెడుతూ ఉంటే, వాళ్లకి దూరంగా ఉండు అని చెప్తే ఆలోచిస్తారు కానీ, ఎక్కువగా కంట్రోల్ చేయాలి అని ట్రై చేసి, లైఫ్ స్టైల్ తనకి అనుగుణంగా మార్చడానికి ప్రయత్నించే అమ్మాయిలని అబ్బాయిలు ఇష్టపడరు. ప్రేమించడానికి కూడా సుముఖత వ్యక్తం చేయరు.

#5 తాను ఎలా అయినా ఉండొచ్చు. కానీ అబ్బాయి మాత్రం కొన్ని లిమిట్స్ లోనే ఉండాలి అని అనుకునే కొంత మంది అమ్మాయిలు ఉంటారు. ఒకవేళ అబ్బాయి ఆ అమ్మాయిని ప్రశ్నిస్తే వాళ్ళు దానికి బాధపడతారు. కానీ అబ్బాయి కూడా అలా లిమిట్స్ విధిస్తే బాధపడతారు అని అర్థం చేసుకోరు. అలా ఉన్న అమ్మాయిలను కూడా అబ్బాయిలు ఇష్టపడరు.

అబద్ధాలు చెప్పడం, తనని తాను గొప్పగా అనుకోవడం, పక్కన వాళ్ళని చులకనగా చూడటం, తను ప్రేమించిన వారి మీద అందరి ముందు జోక్ లు వేసే అమ్మాయిలకు కూడా అబ్బాయిలు ఇష్టపడరు. ఇలాంటి లక్షణాలు ఉన్న అమ్మాయిలు అందరికీ అబ్బాయిలు దూరంగా ఉంటారు.

విడాకులు.. ఇప్పుడు ఈ పదం ఎంత కామన్ అయిపోయిందంటే ప్రతి చిన్న విషయానికి విడాకులు సొల్యూషన్ అనే స్టేజ్ కి వచ్చేసారు నేటి జనరేషన్. ఒకప్పుడు మూడు ముళ్ళతో ఒకటైన జంటని చావు తప్పితే వేరేది దూరం చేసే శక్తి ఉండేది కాదు. కానీ ఆ పరిస్థితి ఇప్పుడు కనుమరుగైపోయింది. అయితే విడాకులు యొక్క ప్రభావం ఇద్దరు వ్యక్తులపైనే కాకుండా వారి పిల్లల పైనా, ఇరు కుటుంబాల పైనా పడుతుంది.

ముఖ్యంగా పిల్లలు వారి తల్లిదండ్రులు విడిపోవటాన్ని తట్టుకోలేరు. అప్పటివరకు తల్లిదండ్రులతో కలిసి ఉన్న పిల్లలు ఇప్పుడు ఏ ఒక్కరి దగ్గరో ఉండాలంటే అంత త్వరగా అలవాటు పడలేరు. కాబట్టి తల్లిదండ్రులు సహనంగా ఉండి వాళ్ల మీద ఎక్కువ శ్రద్ధ చూపించే సమయం ఇది. విడాకులు తీసుకున్న జంటలు పిల్లల కోసం స్నేహితులుగా మారవచ్చు. ఆ స్నేహ బంధమే మీ పిల్లలకు తల్లిదండ్రుల దూరమయ్యారనే బాధని లేకుండా చేస్తుంది.

అలాగే మీరు విడాకులు తీసుకోవడానికి గల కారణాలు అర్థమయ్యేలాగా పిల్లలకి చెప్పండి. మీరు మీ జీవిత భాగస్వామికి దూరమయ్యారు కాబట్టి మీ పిల్లలని కూడా దూరం చేసే ప్రయత్నం చేయకండి. వీలైనంత వరకు పిల్లల పుట్టిన రోజులు, స్కూల్ ఫంక్షన్స్ కలిసి అటెండ్ అయ్యేలాగా ప్లాన్ చేసుకోండి. వారి జీవితానికి సంబంధించిన నిర్ణయాలను వారితోపాటు మీ ఇద్దరు కలిసి కూర్చొని చర్చించుకోవడం ద్వారా పిల్లలు యొక్క భవిష్యత్తు, మానసిక స్థితి సరైన పద్ధతిలో ఉంటుంది.

లేదంటే పిల్లల మనసులో వివాహ వ్యవస్థ మీద చెడుముద్ర పడుతుంది. ఒకవేళ తప్పనిసరి పరిస్థితులలో మీ పిల్లలకి దూరంగా ఉండవలసిన పరిస్థితి ఏర్పడితే వారు మిమ్మల్ని మిస్ అవ్వకుండా రోజు ఫోన్లో మాట్లాడటం, వీడియో కాల్స్ చేయడం వంటివి చేయండి. కుదిరితే చిన్న వెకేషన్ ప్లాన్ చేసుకోండి. అలాగే విడాకులు తీసుకున్న ఫ్రస్టేషన్ లో ఉన్న పేరెంట్స్ వారి యొక్క ఒత్తిడిని పిల్లలపై చూపించకుండా జాగ్రత్త పడండి.

సాధారణంగా మనవాళ్లు అనుకుంటే ఏదైనా మాట్లాడొచ్చు అని ఒక స్వాతంత్రం ఉంటుంది అని అనుకుంటాం. కానీ అది అబద్ధం. అసలు నిజం కాదు. మన వాళ్ళ దగ్గర అన్ని మాట్లాడలేం. ఒకవేళ అలా మాట్లాడితే అది వాళ్ళకి తప్పుగా అర్థం అయితే తర్వాత చాలా గొడవలు అవుతాయి. ఇప్పుడు నా పరిస్థితి అలాగే జరుగుతుంది. నా పేరు రవి. ఒక చిన్న ఊర్లో పెరిగాను. తర్వాత సిటీలో చదువుకున్నాను. అక్కడే ఉద్యోగం కూడా తెచ్చుకున్నాను. ఇన్ని చేశాక ఇంట్లో వాళ్ళు సైలెంట్ గా ఎందుకు ఉంటారు. నాకు పెళ్లి సంబంధాలు చూడడం మొదలుపెట్టారు. నాకు ఎలాంటి అమ్మాయి కావాలి అని అడిగారు.

ఎంత సిటీలో ఉన్నా కూడా నా ఊరి వాళ్ళని మిస్ అయిన ఫీలింగ్ నాకు ఉంటుంది. అందుకే మా ఊళ్లోనే పెరిగిన అమ్మాయి అయితే బాగుంటుంది అని నేను అనుకున్నాను. ఆ అమ్మాయి ఇక్కడ నాతో ఉంటే మా ఊరి వాళ్ళు నాతో ఉన్నట్టే అనిపిస్తుంది అనే ఒక ఆలోచన వచ్చింది. ఇదే విషయాన్ని ఇంట్లో చెప్పాను. మా వాళ్లు కూడా ఊర్లో అయితే తెలిసిన వాళ్ళు ఎక్కువగా ఉంటారు అని, కాబట్టి వాళ్ళకి నన్ను ఇచ్చి పెళ్లి చేయడం అనే విషయం గురించి సులభంగా మాట్లాడే అవకాశం ఉంటుంది అని అనుకున్నారు.

కొంత కాలం వెతికి వెతికి ఒక అమ్మాయిని తీసుకొచ్చారు. తన పేరు సుజాత. ఇంటర్ వరకు చదువుకొని ఆపేసింది. పెళ్లి చూపులకు వెళ్లి నేను ప్రైవేట్ గా మాట్లాడాను. తనకి నాతో సిటీకి వెళ్లినా కూడా ఎటువంటి ఇబ్బంది ఉండదు అని, తన వాళ్ళని ఎప్పుడు కలవాలి అనుకుంటే అప్పుడు వెళ్లే ఏర్పాటు చేస్తాను అని చెప్పాను. సుజాత, తనకి సినిమాలు చూడడం చాలా ఇష్టం అని చెప్పింది. రోజంతా టీవీ చూస్తూ ఉంటాను అని చెప్పింది. దాని వల్ల నాకు ఎటువంటి సమస్య లేదు అని నేను చెప్పాను. సీరియల్స్ కూడా చాలా చూస్తాను అని చెప్పింది. దాని వల్ల కూడా నాకు సమస్య లేదు అని చెప్పాను.

తను మాట్లాడే విధానం చూస్తే చాలా అమాయకంగా అనిపించింది. చాలా మంచి అమ్మాయి అని అక్కడే అర్థం అయిపోయింది. తనకి కూడా నేను నచ్చడంతో మా పెళ్లి జరిగింది. కొన్నాళ్లు బాగా ఉన్నాం. వీకెండ్ వస్తే తనని బయటికి తీసుకెళ్లే వాడిని. సిటీ కొత్త కాబట్టి ప్రతి ప్రదేశాన్ని వింతగా చూసేది. అవన్నీ చూస్తూ ఆనందపడేది. తనకి ఒక స్మార్ట్ ఫోన్ కొనిచ్చాను. సుజాత వాళ్ళ పుట్టింటికి కూడా అలాంటి ఒక స్మార్ట్ ఫోన్ పంపించాను. వాళ్లతో రోజు వీడియో కాల్ మాట్లాడుతూ ఉండేది. ఇలా ప్రశాంతంగా సాగిపోతున్న జీవితంలో ఒకసారి మా ఇద్దరి మధ్య ఏదో ఒక చిన్న విషయానికి గొడవ అయ్యింది.

ఆ తర్వాత నేను ఆఫీస్ కి వెళ్ళిపోయాను. కానీ నేను ఇంటికి వచ్చి చూసేటప్పటికి సుజాత ఏడుస్తూనే ఉంది. ఈ గొడవ గురించి నేను ఎప్పుడో మర్చిపోయాను. కానీ తను అలా ఏడవడం చూసి నాకు బాధగా అనిపించింది.  “ఇలాంటి చిన్న వాటికి బాధపడకు” అని నేను తనకి చెప్పాను. తర్వాత అంతా మామూలు అయిపోయింది.  మరుసటి రోజు నాకు మా ఇంటి నుండి కాల్ వచ్చింది. మామూలుగా కాల్స్ మాట్లాడుతూ ఉంటాను కాబట్టి అలాగే వాళ్లతో మాట్లాడటం మొదలుపెట్టాను.కానీ మా అమ్మ మాత్రం నన్ను తిట్టిన తిట్టు తిట్టకుండా తిట్టింది. అందుకు కారణం సుజాత ముందు రోజు జరిగిన గొడవకి బాధపడి, వాళ్ళ పుట్టింటికి వీడియో కాల్ చేసి ఏడుస్తూ కూర్చుంది.

అది చూసి వాళ్ళ అమ్మ వాళ్ళు భయపడి, మా అమ్మ వాళ్ళకి చెప్పారు. వాళ్లు నన్ను తిట్టారు. కొత్త కదా. అందుకే ఇలా బాధపడి ఉంటుంది అని అనుకున్నాను. పెళ్లై సంవత్సరమైనా కూడా ఇది మారలేదు. మా ఇంట్లో ఏ చిన్న విషయం అయినా కూడా వాళ్ళ అమ్మ వాళ్ళకి చెప్తుంది. మా ఇద్దరి మధ్య ఉండాల్సిన కొన్ని విషయాలు కూడా వాళ్లకి చెప్తుంది.వాళ్లు అక్కడితో ఆగకుండా వెళ్లి మా అమ్మ వాళ్లకు చెప్తారు. మాది చిన్న ఊరు. ఎవరి ఇంట్లో ఏ విషయం అయినా కూడా చుట్టుపక్కల ఉన్న వాళ్ళందరికీ తెలిసిపోతుంది.

నేను సిటీలో ఉంటూ చేసే పనులన్నీ, మా ఇద్దరి మధ్య జరిగే గొడవలు అన్నీ కూడా మా ఊర్లో వాళ్ళకి తెలుస్తున్నాయి. ఈ విషయం మీద నేను సుజాతతో మాట్లాడడానికి ప్రయత్నిస్తే, “నా పుట్టింటి వాళ్ళకి నేను ఏ విషయం చెప్పకుండా ఎలా ఉంటాను? ఇక్కడికి వచ్చాను అని చెప్పి వాళ్ల గురించి పట్టించుకోవడం వదిలేయలేను. అలా అని వాళ్ళ దగ్గర నేను అన్ని రహస్యాలు పెట్టలేను. వాళ్లు కూడా నాకు చాలా ముఖ్యమైన వారు” అని ఏదో ఎమోషనల్ గా చెప్పింది. కానీ అసలు నేను చెప్పిన దానికి, తను ఇచ్చిన సమాధానానికి పొంతన లేదు.

మ్యారేజ్ కౌన్సిలింగ్ లో ఇలాంటి విషయాల మీద అవగాహన వచ్చేలాగా చెప్తారు అని విన్నాను. ఇద్దరం కలిసి ఒకసారి కౌన్సిలర్ దగ్గరికి వెళ్లి ఈ విషయాల గురించి తెలుసుకుందాం అని సున్నితంగా చెప్పడానికి ప్రయత్నించాను. అప్పుడు కూడా ఏడ్చి, గొడవ చేసి, “నాకేమైనా పిచ్చి అనుకున్నావా? అందుకే ఇలా చెప్పి నన్ను ట్రీట్మెంట్ కి తీసుకెళ్తున్నావా? నువ్వు మనిషివేనా? నన్ను అర్థం చేసుకోలేవా?” అని తిట్టింది. ఈ విషయం నాకు చాలా చిరాకు తెప్పిస్తోంది. ఇంటి నుండి ఫోన్ వస్తుంది అంటేనే భయం వేస్తుంది. ఇలా జరుగుతుంది అనుకుంటే నేను అసలు మా ఊరి అమ్మాయిని పెళ్లి చేసుకునే వాడిని కాదు. ఈ సమస్యకి పరిష్కారం లేదా. ఇంటికి వెళ్లాలన్నా కూడా ఇంతే చిరాకుగా అనిపిస్తోంది.

సాధారణంగా చాలా మంది భార్యలు తమ భర్తలని ఎక్కువగా కోరికలు కోరుతారు అని అంటారు. “అది కావాలి”, “ఇది కావాలి” అని అడుగుతూ ఉంటారు అని, స్తోమతకు మించి ఎక్కువ ఖర్చు పెట్టిస్తారు అని అంటారు. ఇవన్నీ చూసి నాకు పెళ్లి చేసుకోవాలి అంటేనే భయం వేసింది. అయినా కూడా వయసు పెరుగుతుంది కాబట్టి ఇంట్లో వాళ్ళు బలవంతం మీద పెళ్లి చేసుకోవాలి అని అనుకున్నాను. కానీ పెళ్లి చేసుకుంటే ఆ అమ్మాయి ఎలా ఉండాలి అనే విషయాల మీద మాత్రం అవగాహన ఉంది. నా పేరు రమేష్. హైదరాబాద్ లో ఒక మల్టీ నేషనల్ కంపెనీలో పని చేస్తున్నాను.

నాకు 25 సంవత్సరాలు వచ్చినప్పటినుండి ఇంట్లో పెళ్లి గోల మొదలుపెట్టారు. కానీ చుట్టుపక్కల ఉన్న పరిస్థితులను చూసి చేసుకోవాలి అంటే భయం వేసింది. అలా లాగి, లాగి నాకు కూడా 30 సంవత్సరాలు వచ్చాక పెళ్లి చేసుకోవాలి అని అనుకున్నాను. అప్పటి నుండి మా ఇంట్లో వాళ్ళు పెళ్లి సంబంధాలు చూడడం మొదలుపెట్టారు. నాకు 32 వచ్చినా కూడా పెళ్లి కాలేదు. కానీ నేను చేస్తున్న ఉద్యోగంలో ప్రమోషన్ లు వచ్చి, జీతం కూడా పెరిగింది. దాంతో హైదరాబాద్ లోనే ఒక ఇల్లు కొని, ఊర్లో ఉండే అమ్మానాన్నలను కూడా ఇక్కడికి తీసుకొచ్చేశాను. పెళ్లి కాలేదు అనే ఒక్క విషయం తప్ప, మిగిలిన అన్ని విషయాల్లో మేము అభివృద్ధి చెందిన తీరు చూస్తే నా మీద నాకే గర్వంగా అనిపించేది.

అలా చూసి, చూసి ఒక అమ్మాయికి నేను నచ్చాను అని పెళ్లి చూపులకు పిలిచారు. అమ్మాయి అసలు మాట్లాడలేదు. నేనేమో మాట్లాడుతూనే ఉన్నాను. అయినా కూడా ఆ అమ్మాయి ఒక్క మాట మాట్లాడలేదు. భయపడుతోందా? సిగ్గుపడుతోందా? అనే విషయం నాకు అర్థం కాలేదు. నేనేం లోపలికి తీసుకెళ్లి మాట్లాడలేదు. అందరి ముందే మాట్లాడాను. ఎందుకంటే నాకు అలా ప్రైవేట్ గా కూర్చుని మాట్లాడే అంత పెద్ద కోరికలు ఏం లేవు. తర్వాత అమ్మాయికి నేను నచ్చాను అని చెప్పడంతో నా పెళ్లి జరిగింది. నా భార్య పేరు దేవి. పెళ్లయ్యాక నాకు అర్థమైన విషయం ఏంటి అంటే దేవికి సిగ్గు ఎక్కువ.

ఎక్కువ ఎవరితో మాట్లాడదు. తనని కూడా నేను ఎప్పుడూ ఏమీ అడిగే వాడిని కాదు. అన్ని తను చెప్పకుండానే నేను అర్థం చేసుకునే వాడిని. అలా పెళ్లి జరిగి రెండు సంవత్సరాలు అయిపోయాయి. మా రెండవ యానివర్సరీ పార్టీ రోజు అందరినీ పిలిచి, “నా భార్య నాతో ఎప్పుడూ ఎక్కువగా మాట్లాడింది లేదు. నేను కూడా తనకి అది కావాలా? ఇది కావాలా? అని అడిగింది లేదు. అన్ని నేనే అర్థం చేసుకొని, తనకి ఏం కావాలో అది ఇస్తాను. అందుకే మేం రెండు సంవత్సరాలు చాలా సంతోషంగా ఉన్నాం” అని చెప్పాను. ఒక రోజు దేవి ముభావంగా ఉండడం నేను గమనించాను. ఆ రోజు సాయంత్రం నేను ఆఫీసు నుండి వచ్చాక కూడా తను అలాగే ఉంది. దాంతో, “ఏమయింది?” అని అడిగాను. దేవి ఏడుస్తోంది. నాకేం అర్థం కాలేదు.

నేను ఎప్పుడూ తనని ఇబ్బంది పెట్టలేదు. తను ఎందుకు బాధపడుతోంది అనే విషయం నాకు అర్థం కాలేదు. అప్పుడు దేవి మాట్లాడింది. “మొన్న యానివర్సరీ పార్టీలో నాకు ఏం కావాలో అడగలేదు అని చెప్పావు. అదేమైనా గొప్ప విషయం అనుకుంటున్నావా? ఒక్కసారైనా నాతో మాట్లాడి, నాకు అసలు ఏం కావాలి, నాకు ఏం అంటే ఇష్టం అనే విషయాన్ని తెలుసుకోవడానికి ప్రయత్నించావా? పెళ్లయిన కొత్తలో అంటే నాకు కూడా ఏం అర్థం కాక అడ్జస్ట్ అవ్వడానికి సమయం పట్టింది. అలా సంవత్సరం గడిచిపోయింది. రెండవ సంవత్సరంలో అయినా ఏదైనా మారుతుంది అనుకుంటే అది కూడా లేదు.”

“నీకేంటి? పొద్దున వెళ్తావు. రాత్రికి ఇంటికి వస్తావు. రోజంతా ఇంట్లో ఉండాల్సింది నేను. అసలు నేను పెళ్లికి ముందు చేసే ఉద్యోగం మానేసి ఇంట్లో ఎందుకు ఉంటున్నాను అని ఒక్కసారి అయినా అడిగావా? రోజంతా ఇంట్లో ఉండి మీ అమ్మానాన్నలని చూసుకుంటాను. ఒక్కసారైనా ఈ విషయాన్ని గుర్తించావా? నువ్వు గుర్తించవు. మీ అమ్మానాన్నలు అయితే అసలు నేను పని చేయడానికి ఉన్నట్టు చూస్తారు. నేను తిన్నానా? తినలేదా? అని అడిగే వాళ్ళే లేరు. అసలు నా ఇష్టాలే నీకు తెలియదు. ఇంక నా గురించి ఏం అడుగుతావు? పెళ్లికి ముందు మా అమ్మ నాన్నలు నా ఇష్టాలని ప్రోత్సహించలేదు.”

“పెళ్లయ్యాక అసలు నువ్వు అడగడం కూడా అనవసరం అనుకున్నావు. మీ అమ్మానాన్నలు అయితే నువ్వు వెళ్లిన తర్వాత నుండి పిల్లలు కను అని అంటూ ఉంటారు. రోజంతా ఆ మాటలు వినలేకపోతాను. నేను ఎందుకు ఉన్నాను? నా జీవితానికి ఒక కారణం లేదా? సరే, ఇవన్నీ వదిలేసి, నేను ఉద్యోగం చేసుకుందామా అని అనుకుంటే, ఇంట్లో అత్తమామలని వదిలేసి బయట తిరుగుతోంది అని నాకు ఒక పేరు పెడతారు. ఒక్కదాంట్లో సహాయం చేయవు. అసలు నాకు ఇన్ని పనులు చేయడం ఇష్టమేనా కాదా అని కూడా అడగవు. ఇంట్లో పనిమనిషి కూడా లేదు. మొత్తం పని నేనే చేస్తున్నాను.”

“ఇంక నా వల్ల ఇది కాదు. నేను నీతో వేరుగా ఉండాలి అనుకుంటున్నాను. నా ఉద్యోగాన్ని తిరిగి మొదలు పెట్టుకోవాలి అనుకుంటున్నాను. కావాలంటే మీ అమ్మానాన్నలకి దగ్గరలోనే ఇల్లు తీసుకొని ఉందాం. కానీ ఈ రెండు సంవత్సరాలు అయినట్టే తర్వాత కూడా కొనసాగితే మాత్రం మన మధ్య మనస్పర్ధలు వస్తాయి. నువ్వేంటో నాకు తెలియదు. నేనేంటో నీకు అసలే తెలియదు. ఇప్పుడైనా మనం ఒకరిని ఒకరు అర్థం చేసుకోవాలి అంటే విడిగా ఉండాలి” అని చెప్పింది. రెండు సంవత్సరాలు అసలు మాట్లాడని భార్య ఇప్పుడు మాట్లాడింది అని ఆనందం లేదు. బాధగా అనిపిస్తోంది.

మనసులో ఇంత దాచుకుందా అని అనుకున్నాను. కానీ ఇప్పుడు నేను నా తల్లిదండ్రులని వదిలి వెళ్ళలేను. వాళ్లకి ఏదైనా అవసరం అయితే, వాళ్ల దగ్గర నేను లేకపోతే, లేదా దేవి కూడా లేకపోతే కష్టం అవుతుంది. ఈ సమస్యకి పరిష్కారం ఏంటో నాకు తెలియట్లేదు. కానీ తన మాటలు విన్న తర్వాత మాత్రం నేను తనని అసలు అర్థం చేసుకోలేదు అని అనిపించింది.

సాధారణంగా పెళ్లి చేసుకోవాలి అంటే అవతలి వ్యక్తిలో కొన్ని లక్షణాలు ఉండాలి అని చాలా మంది అనుకుంటారు. అలాంటి లక్షణాలు ఉన్న వారిని పెళ్లి చేసుకోవాలి అని అనుకుంటారు. అయితే కొంత మంది లక్షణాలు మాత్రం మరి విపరీతంగా ఉంటాయి. వాటికి పరిష్కారం ఏంటో కూడా అర్థం కాదు. అలాంటి ఒక పరిస్థితి ఒక వ్యక్తికి కలిగింది. ఆమె ఈనాడులో వసుంధరకి తన కూతురు ఇలా అడుగుతోంది అంటూ ఒక ప్రశ్న రాశారు. ఈనాడులో వసుంధర పేపర్ లో ఆడవారు కొన్ని ప్రశ్నలు అడిగితే దానికి నిపుణులు సమాధానం చెప్తూ ఉంటారు. అలా జానకి గారు, మానసిక నిపుణురాలు అయిన డాక్టర్ మండాది గౌరీ దేవి గారిని ఈ ప్రశ్న అడిగారు.

జానకి గారు తన ప్రశ్నలో ఈ విధంగా రాశారు. ఈ ప్రశ్నలో జానకి గారు, “మా అమ్మాయి వయసు 22. డిగ్రీ పూర్తయింది. తను కొరియన్ సిరీస్ లు పిచ్చిగా చూస్తూ ఉంటుంది. ప్రతి విషయాన్ని వాళ్ళతో పోల్చుకుంటోంది. ఇప్పుడు తనకి పెళ్లి సంబంధాలు చూస్తున్నాం. తనేమో కొరియన్ యువకుడిని తప్ప మరెవరిని పెళ్లి చేసుకోను అని మొండికేస్తోంది. ఎలా నచ్చచెప్పాలో తెలియడం లేదు. సలహా ఇవ్వగలరు” అని రాశారు. ఇందుకు గౌరీ దేవి గారు, సాధారణంగా యుక్త వయసులో ఉన్న ఎంతో మంది ఇలా సినిమాలు సిరీస్ చూసి ప్రభావితులు అవుతూ ఉంటారు అని, దానికి థెరపీ అవసరం అని చెప్పారు.

అయితే, ఇది కేవలం ఇక్కడ చెప్పిన అమ్మాయి గురించి మాత్రమే కాదు. అసలు అమ్మాయిల గురించి మాత్రమే కాదు. చాలా మంది యువతీ యువకులు ఇలాగే సినిమాలు చూసి, లేదా సిరీస్ చూసి నిజ జీవితంలో అలాగే ఉంటారు అని అనుకుంటున్నారు. అందుకే వాళ్ల జీవితం కూడా అలాగే ఉండాలి అని ఆశపడుతూ ఉంటారు. ఒకవేళ అలా లేకపోతే దానికి చాలా బాధపడుతూ ఉంటారు. ఈ విషయాన్ని కోరాలో గణ గారు షేర్ చేశారు.

నాన్నా,

ఎలా ఉన్నావ్? ఫోన్లు చేసే జనరేషన్ లో, ఈ ఉత్తరం రాస్తున్నాను ఏంటి అని ఆలోచిస్తున్నావా? మాట్లాడే ధైర్యం లేదు నాన్నా నాకు. ఇవన్నీ నీతో మాట్లాడాలంటే భయం. ఒకరకంగా చెప్పాలి అంటే ఇగో ఏమో. కానీ ఇవన్నీ నీకు చెప్పాలి అని ఉంది. అందుకే ఉత్తరం రాస్తున్నాను. ముందుగా థాంక్యూ. ఇవాళ నేను ఈ స్థాయిలో ఉన్నానంటే దానికి కారణం నువ్వు. ఈ మాట నేను నీకు ఎప్పుడూ చెప్పలేదు. కానీ ఎన్నో సంవత్సరాల నుండి ఈ మాట నీకు చెప్పాలి అని అనిపించింది. చిన్నప్పుడు నేను ఏదైనా అడిగితే కొనివ్వడానికి ఆలోచించేవాడివి. నీకు నేనంటే ఇష్టం లేదు అని అనుకునేవాడిని. మన పరిస్థితి అలా ఉండేది అని నాకు మాత్రం ఏం తెలుసు? తర్వాత మన పరిస్థితులు ఏంటో తెలిసి వచ్చాక నువ్వు పడుతున్న కష్టం అర్థం అయ్యింది.

ఏదో ఒకటి చేసి నీ బాధ్యతని పంచుకోవాలి అనుకున్నాను. అందుకే కష్టపడి ఉద్యోగం సంపాదించి ఇప్పుడు ఈ పొజిషన్ కి వచ్చాను. నాకు స్వాతి నచ్చింది అని ఇంటికి తీసుకు వచ్చినప్పుడు, అమ్మ కోప్పడింది. నాతో మాట్లాడలేదు. కానీ నువ్వు అలా చేయలేదు. నాకు సపోర్ట్ చేశావు. “వాడు ఒక అమ్మాయిని పెళ్లి చేసుకోవాలి అనుకుంటున్నాడు అంటే, అన్ని ఆలోచించే ఇలాంటి నిర్ణయం తీసుకొని ఉంటాడు” అని అమ్మకి చెప్పావు. ఈరోజు మీ నమ్మకాన్ని నిలబెట్టినందుకు నాకు గర్వంగా అనిపిస్తుంది. పదేళ్ల తర్వాత ఉద్యోగం మానేసి సినిమాల వైపు వెళ్తాను అని చెప్పాను.

అప్పుడు కూడా అమ్మ, “డైరెక్టర్ అవడం అంటే మామూలు అనుకున్నావా?” అంటూ బాధపడింది. “మేం చదివించిన చదివంతా వృధా అయిపోయినట్టేనా?” అని నా మీద నాకే ఏదో ఒక తప్పు చేసిన భావన వచ్చేలాగా మాట్లాడింది. కానీ నువ్వు మాత్రం, “చదువు అనేది జీవితంలో ముందుకు వెళ్లడానికి ఉపయోగపడాలి కానీ కలలు వదిలేసుకోవడానికి కాదు. వాడికి ఎన్నో సంవత్సరాల నుండి సినిమాల వైపు వెళ్లాలని ఉన్నా కూడా మనం ఆర్థికంగా స్థిరపడ్డాక మాత్రమే అటువైపు వెళ్ళాలి అని ఇన్ని సంవత్సరాలు ఆగాడు. ఈరోజు మనం ఇంత సంతోషంగా బతకడానికి వాడి కష్టం కూడా ఉంది. అలాంటిది మనం వాడి కలని సపోర్ట్ చేయకపోతే ఎలా? నువ్వు వెళ్ళరా. ఓపికతో కష్టపడు” అని చెప్పావు.

అప్పుడు నా కళ్ళల్లో నీళ్ళు వచ్చాయి. అసిస్టెంట్ డైరెక్టర్ గా నా పేరు సినిమాలో రావడం చూసి ఫోటో తీసి పంపావు. అసలు సినిమాలకే వెళ్లని నువ్వు నాకోసం సినిమాకి వెళ్ళావు. చాలా మంది తమ కుటుంబం అంగీకారం లేకపోవడం వల్ల ప్రేమించిన వారిని, ఇష్టమైన కెరీర్ ని వదులుకుంటారు. కానీ అలంటి ముఖ్యమైన వాటిలోనే నువ్వు నాకు అండగా నిలబడ్డావు. ఇప్పుడు నేను కూడా తండ్రయ్యాక నీ కష్టం తెలుస్తోంది నాన్న. ఏదైనా కొనాలి అంటే ఎందుకు ఆలోచించేవాడివో ఇప్పటికి అర్ధం అయ్యింది. నీ లాగా నేను కూడా నా కొడుకుని పెంచాలి అని అనుకుంటున్నా. నువ్వు నా మీద పెట్టుకున్న నమ్మకాన్ని నిలబెట్టుకుంటాను.

ఇట్లు
రాజేష్

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. చాణక్య నీతి ప్రతి అంశాన్ని కూడా ఎంతో అద్భుతంగా వివరించింది.

చాణక్య నీతి భర్త భార్యతో ఎలాంటి విషయాలను చెప్పుకోకూడదు అనే దాని గురించి చెప్పారు. ఎట్టి పరిస్థితుల్లోనూ భర్త భార్యకి వీటిని చెప్పడం మంచిది కాదని చాణక్య నీతి అంటోంది. అయితే మరి ఆ విషయాలు ఏమిటి అనేది ఇప్పుడు చూద్దాం.

#1. బలహీనత:

భర్త యొక్క బలహీనత భార్యకి అసలు చెప్పకూడదు. ఒకవేళ భార్యకి భర్త యొక్క బలహీనత తెలిస్తే దాని గురించి పదే పదే భార్య మాట్లాడుతుంది. అలాగే బలహీనత తెలుసు కాబట్టి భర్త దాని నుండి బయట పడాలని ప్రయత్నించినా కూడా అడ్డు పడుతుంది. కాబట్టి భర్తలు ఈ విషయాన్ని భార్యలకు చెప్పకూడదు.

#2. ఆదాయం:

ఆదాయాన్ని కూడా భర్త భార్యకి చెప్పకూడదు. భర్త కనుక భార్యకు ఈ విషయాలు చెబితే అనవసరమైన ఖర్చులు పెడుతుంది భార్య. కనుక దీనిని కూడా ఎప్పుడు చెప్పకూడదు.

#3. అవమానం గురించి:

అవమానం గురించి కూడా భర్త భార్యకి చెప్పకూడదు. ఒకవేళ చెప్తే చులకనగా చూడడం, పదేపదే దాని గురించి మాట్లాడటం చేస్తుంది. కాబట్టి భర్త పొందిన అవమానం గురించి కూడా భర్త భార్య కి చెప్పకూడదు.

#4. సహాయం:

భర్త ఏదైనా సహాయం చేయాలని అనుకున్న కూడా భార్య అడ్డుపడుతుంది. కాబట్టి అతను చేయాలనుకునే సహాయం గురించి కూడా భార్యతో చెప్పడం మంచిది కాదు.

ప్రేమికుల రోజు న ప్రేమలో ఉన్నవారు, యువతీ యువకులు ఎంతో ఆనందంగా సెలబ్రేట్ చేసుకుంటున్నారు. ఒకరికి ఒకరు గిఫ్ట్లు ఇచ్చుకుంటూ కొందరు, లవ్ ప్రపోజ్ చేస్తూ మరికొందరు తమ వాలెంటైన్స్ డే ని ఎంజాయ్ చేస్తున్నారు. అంతా బానే ఉంది కానీ ప్రేమలో విఫలమైన వాళ్ళు, ప్రేమలో ఉంటూ కూడా ఒంటరితనాన్ని అనుభవించే వాళ్ళు కొంచెం బాధపడే సమయం ఇది.

అయితే కొందరు మాత్రం వారు ఉన్న రిలేషన్ లో క్లారిటీ తెలియక సతమతమవుతూ ఉంటారు. వాళ్లని భరించాలా లేక బ్రేకప్ చెప్పాలా అనే సందిగ్ధంలో కొట్టుమిట్టాడుతూ ఉంటారు. మీ పార్టనర్ లో ఇలాంటి లక్షణాలను గమనించినట్లయితే అలాంటి వారికి బ్రేకప్ చెప్పటంలో ఏమాత్రం సంకోచించకండి. ఆ లక్షణాలు ఏంటో ఇప్పుడు చూద్దాం. సరదాగా తీసుకోవలసిన విషయాలను సీరియస్గా తీసుకోవడం, మీ భావాలను గౌరవించకపోవడం, రోజులు తరబడి కాల్ చేయకపోయినా పట్టించుకోకపోవడం.

తను తరచుగా ఫోన్ చేయకపోవడం, నీ ఇష్టాలకు ఏమాత్రం ఇంపార్టెన్స్ ఇవ్వకపోవడం, మీరు కష్టంలో ఉన్నప్పుడు మీకు సపోర్ట్ ఇవ్వకపోవడం, నీ బంధం గురించి మీ భవిష్యత్తు గురించి ఆలోచించకపోవడం ఇలాంటి లక్షణాలు ఉన్న వ్యక్తికి ఎంత త్వరగా బ్రేకప్ చెప్తే అంత మంచిది. అంతే కాదు తనకి టైం ఉన్నప్పుడు దానికి అవసరం అయినప్పుడు మీ తోడుని కోరుకున్న వ్యక్తిని అసలు దగ్గరికి రానీయకండి.

చిన్న విషయాలకి గొడవలు పడటం, ఫ్రెండ్స్ ముందు మిమ్మల్ని తక్కువ చేసి మాట్లాడటం చేస్తున్నాడంటే అతను మీ బంధానికి విలువ ఇవ్వడం లేదని అర్థం చేసుకోండి. మీరు భవిష్యత్తులో ఎదగాలనుకున్న సమయంలో మీకు సపోర్ట్ ఇవ్వవలసింది పోయి డిస్కరేజ్ చేస్తున్నాడు అంటే మీ రిలేషన్ ప్రమాదంలో ఉందని అర్థం చేసుకోండి. ఒక రిలేషన్ శాశ్వత బంధంలోకి మారిన తర్వాత బాధపడటం కంటే ముందే ఆలోచించి నిర్ణయం తీసుకోవటం చాలా అవసరం.

ఏదైనా సినిమాలోని సన్నివేశాన్ని చూసి మీకు ఎప్పుడైనా ఇదే సంఘటన నా జీవితంలో కూడా జరిగిందే అని అనిపించిందా..? ఒక్కొక్కసారి మనకి ఏదైనా సినిమాలో సన్నివేశం కానీ లేదంటే ఎవరైనా చెప్పినప్పుడు కానీ నా జీవితంలో కూడా ఇలాగే జరిగిందబ్బా అని అంటూ ఉంటాము. మీకు కూడా అలా ఏదో ఒకటి జరిగే ఉండి ఉంటుంది. ఈ ప్రశ్నకి ఒక కోరా యూజర్ ఇచ్చిన జవాబు ఇది.

”ఒక సంఘటన కాదు చాలాసార్లు నాకు నా జీవితంలో అనిపించింది. సినిమాలో జరిగే సన్నివేశాలు చాలా నా జీవితంలో జరిగాయి.

“ఇష్టం లేకపోయినా కూడా అమ్మ కోసం నేను ఇంజనీరింగ్ చేశాను. తర్వాత నాకు ఇష్టమైన గవర్నమెంట్ జాబ్ కోసం ప్రిపేర్ అయ్యి సంవత్సరంలోనే ఉద్యోగం తెచ్చుకున్నాను. ట్రైనింగ్ టైం లో గ్రూప్ ల కింద డివైడ్ చేశారు. అప్పుడు ఒక అబ్బాయిని నాతో పాటు వేశారు. తనకి నిజాయితీ ఎక్కువ. నెమ్మది నెమ్మదిగా తన మీద ఉన్న గౌరవం కాస్త ప్రేమగా మారింది. తను ఎక్కువ మాట్లాడేవాడు కాదు. నేను చెప్పాలంటే మా కులం వేరు.. ప్రాంతం కూడా వేరు.. మా ఇంట్లో అబ్బాయిలు ప్రేమించి పెళ్లి చేసుకుంటేనే ఒప్పుకోరు.”

ఇక నేను ఈ విషయాన్ని మర్చిపోయా ట్రైనింగ్ అయిపోయింది, ఎవరికి నచ్చిన దారిలో వాళ్ళు వెళ్లిపోయాము. కొన్ని రోజులు ఫోన్లో మాట్లాడుకున్నాము ఒకరోజు అతని ఫోన్ స్విచ్ ఆఫ్ వచ్చింది. నాకు ఇంట్లో పెళ్లి సంబంధాలు చూస్తున్నారు. ఆ అబ్బాయి కోసం నేను వెళ్లలేకపోయాను…. ఇంట్లో చెప్పినట్లు నేను పెళ్లి చేసుకోవాల్సి వచ్చింది.  పెళ్లిలో ఆనంద్ సినిమాలో లాగే గొడవలు చేసారు. కానీ ఆ సినిమాలో హీరోయిన్ లాగ నేను పెళ్లి ఆపలేదు. నాకు తప్పలేదు.

పెళ్లి చేసుకున్నాను రెండు నెలల తర్వాత అమెరికా వెళ్ళిపోయాను. నా భర్త నాతో ఎక్కువ మాట్లాడేవాడు కాదు వేరే గదిలో ఉండే వాళ్ళం. ఒకరోజు అడిగాను ఎందుకు మీరు ఇలా ఉంటున్నారు అని… అప్పుడు అతను నేను అనుకున్నట్లుగా నువ్వు లేవు అని సమాధానం చెప్పాడు. నాకు భార్య అంటే ఐఐటి చదువుకుని ఉండాలి. ఆర్థికంగా నాకంటే బాగా ఉండాలి. కానీ నువ్వు అలా లేవు అని చెప్పాడు. మీకు ముందు తెలియదా అని అడిగాను.

మా ఇంట్లో వాళ్ళు బలవంతంగా పెళ్లి చేశారు అని అతను నాకు సమాధానం చెప్పాడు. ఇండియా వచ్చి నేను కేసు పెడతాను ఏమో అని భయపడి ఫోన్ లాప్టాప్ ని తీసేసుకున్నాడు. ఆఫీస్ కి వెళ్లేటప్పుడు బయట తాళం వేసేవాడు. అతను ఉన్నప్పుడే ఫోన్ చేసి మా వాళ్ళతో మాట్లాడమని చెప్పేవాడు. ఆరు నెలల పాటు నరకం చూసాను. ఒక రోజు ఆయన ఫ్రెండ్ అలానే అతని భార్య మా ఇంటికి వచ్చారు. నా బాధని అర్థం చేసుకునే ఆమె నాలుగు రోజులు వాళ్ళ ఇంటికి తీసుకువెళ్తానని అమెరికాలో ఉండే మా అన్న ఇంటికి తీసుకు వెళ్ళింది.

అక్కడి నుండి ఇండియా వచ్చేసాను. తర్వాత విడాకులు కూడా తీసుకున్నాను. 2017 లో ఒక పెళ్ళిలో నేను ప్రేమించిన వ్యక్తి కలిశాను. పెళ్లి అని ఎందుకు చెప్పలేదు అని నన్ను తిట్టాడు. ఫోన్ స్విచ్ ఆఫ్ ఎందుకు చేసావ్ అని నేను అడుగుతే ఫోన్ పోయింది ఈమెయిల్ చేశానని చెప్పాడు. అయిందేదో అయిపోయింది పెళ్లి చేసుకుందాం అని చెప్పాడు. నేను వద్దు అని చెప్పాను కానీ వినలేదు అందర్నీ ఒప్పించే పెళ్లి చేసుకున్నాడు” అని ఈ కోరా యూజర్ సమాధానం ఇచ్చారు.