Human angle

ఎక్కడైనా ఏదైనా ప్రమాదం జరుగుతూ ఉంటే, కొంత మంది తమ ప్రాణాలను కూడా లెక్క చేయకుండా వెళ్లి ఆ ప్రమాదం బారిన పడకుండా ఎంతో మందిని రక్షిస్తారు. వారిలో ఒకరు జ్యోతి. జ్యోతి దంతెవాడకు చెందిన వారు. 2010 లో జ్యోతి నర్సింగ్ చదువుతున్నారు. జనవరి 3వ తేదీన హాస్టల్ నుండి ఇంటికి బస్ లో బయలుదేరారు. అదే బస్సులో వికాస్ కూడా ఉన్నారు.

వికాస్ కేరళలోని పాలక్కాడ్ కి చెందినవారు. అక్కడ సెంట్రల్ ఇండస్ట్రియల్ సెక్యూరిటీ ఫోర్స్ లో ఉద్యోగం చేస్తున్నారు. వికాస్ విండో సీట్ దగ్గర కూర్చున్నారు. విండో కడ్డీల మీద తలవాల్చి నిద్రపోతున్నారు. వికాస్ వెనకాల జ్యోతి కూర్చుని ఉన్నారు. అంతలో ఒక లారీ అదుపుతప్పి వేగంగా వస్తోంది. లారీ విండో వైపు రావడం గ్రహించిన జ్యోతి వికాస్ ని లాగారు.

ఇందులో జ్యోతి చేతికి బలమైన దెబ్బ తగిలి కుడి చేయి కుడి భుజం దిగువ వరకు తొలగించారు. తనకి పునర్జన్మను ఇచ్చిన జ్యోతిని ప్రేమించారు వికాస్.  జ్యోతి కూడా వికాస్ ని ప్రేమించారు. కానీ జ్యోతి తండ్రి వీరి ప్రేమని అంగీకరించలేదు. జ్యోతి ఇల్లు విడిచి పాలక్కాడ్ కి వెళ్లిపోయారు. 2011 లో జ్యోతి, వికాస్ పెళ్లి చేసుకున్నారు. వికాస్ ఉద్యోగరీత్యా దేశమంతటా ప్రయాణిస్తూ ఉన్నా, జ్యోతి పాలక్కాడ్ లో నివసిస్తున్నారు.

వారికి ఇద్దరు పిల్లలు. ఒక బాబుకి 8 సంవత్సరాలు ఇంకొకరికి 4 సంవత్సరాలు. కేరళ స్థానిక ఎన్నికల్లో సరైన మహిళా అభ్యర్థుల కోసం వెతుకుతున్న పార్టీ, జ్యోతిని సంప్రదించడంతో జ్యోతి సరే అన్నారు. జ్యోతి  పాలక్కాడ్‌లో కొల్లన్‌గోడే బ్లాక్‌ నుంచి పంచాయతీ ఎన్నికల్లో పోటీ చేస్తున్నారు.

కరోనా సమయంలో ఎంత మంది ఎన్ని ఇబ్బందులు ఎదుర్కొన్నారో ప్రత్యేకంగా చెప్పాల్సిన అవసరం లేదు. అనారోగ్య సమస్యల తర్వాత ప్రజలు అంతగా ఇబ్బంది పడింది ఆర్థిక సమస్యల కారణంగానే. ప్రపంచం మొత్తం ఆర్థికంగా ఎంతో నష్టపోయింది. ఎన్నో సంస్థలు ఆర్ధికంగా వెనకబడ్డాయి. ఎంతో మంది తమ ఉపాధిని కోల్పోయారు. ఆదాయం కంటే ఎక్కువ ఖర్చు ఉండేది.

ఈ కారణాల వల్ల ఎంతో మంది తమ మానసిక ప్రశాంతతకు దూరమయ్యారు. కరోనా సమయంలో ఉపాధి కోల్పోయిన వారిలో మహేంద్ర వర్మ ఒకరు. జాబ్ కోల్పోవడంతో మహేంద్ర వర్మకి రెండు, మూడు నెలలు ఇంట్లోనే ఉండాల్సి వచ్చింది. డబ్బులు లేక చాలా ఇబ్బందులు ఎదుర్కొన్నారు.

దాంతో టీ అమ్మకాల రూపంలో తన ఉపాధిని ఏర్పరచుకున్నారు మహేంద్ర వర్మ. ఢిల్లీలోని టికరీ బార్డర్ ప్రాంతంలో పాత సైకిల్ వెనుక ఒక ట్రే ఏర్పాటు చేసి, వాటిలో టీ ఫ్లాస్క్ లు పెట్టి ఐదు రూపాయలుకి టీ, పది రూపాయలకి కాఫీ విక్రయిస్తున్నారు. ఇది చలికాలం కావడంతో టీ, కాఫీ తాగే వారి సంఖ్య కూడా పెరిగింది. దాంతో విక్రయాలు కూడా పెరిగాయి.

దీనిపై మహేంద్ర వర్మ మాట్లాడుతూ 10 గంటల పాటు ఉద్యోగం చేస్తే నెలకి 12000 జీతం వచ్చేది అని, అదే ఇప్పుడు సైకిల్ పై టీ అమ్మితే నెలకు 40000 వస్తున్నాయని, ఉద్యోగం పోయినా కూడా టీ అమ్ముతూ డబ్బులు సంపాదిస్తున్నాను అని గర్వంగా చెప్పుకుంటున్నారు మహేంద్ర వర్మ. మనం ఏ పని చేస్తున్నాము అనేది ముఖ్యం కాదు, మనం మన పనిని ఎంత గౌరవిస్తున్నాం అనేది మాత్రమే ముఖ్యం అనే దానికి ఉదాహరణగా నిలిచారు మహేంద్ర వర్మ.

మనిషికి కనీస అవసరాలు ఉండటానికి ఇల్లు, ఆహారం, బట్టలు. ఒక మనిషి ఎంత కష్టపడినా కూడా వీటి కోసమే. మనిషికి మనిషే సహాయం చేస్తారు అని అంటారు. ఎంతో మంది వ్యక్తులు ఇతరులకి కనీస అవసరాలు కూడా లేనప్పుడు సహాయం చేస్తూ ఉంటారు. అందులో ముఖ్యంగా ఆహారం. అలా ఒక వ్యక్తి గత పది సంవత్సరాల నుండి ఎంతో మందికి ఉచితంగా ఆహారం అందిస్తున్నారు.

source : ANI

ఆయన పేరు మొహమ్మద్ ఆసిఫ్ హుస్సేన్ సోహైల్. హైదరాబాద్ కు చెందిన ఆసిఫ్ హుస్సేన్ సోహైల్, తన తండ్రి అఫ్జల్ హుస్సేన్, కూతురు సకినా, జ్ఞాపకార్థం 2010 లో సకినా ఫౌండేషన్ ఏర్పాటు చేశారు. లాక్ డౌన్ సమయంలో, మూడు నెలల పాటు ఎన్నో వేల మందికి డైలీ బేసిస్ మీద భోజనానికి అవసరమయ్యే పదార్థాలని, భోజనాన్ని అందించారు.

source : ANI

హైదరాబాద్ ని నాలుగు జోన్లుగా డివైడ్ చేసి అనేక ఏరియాలలో కిచెన్స్ ఏర్పాటు చేశారు. అలా చాలా మందికి ఆహారం అందుబాటులో ఉండేలా చేశారు. ఆసిఫ్ హుస్సేన్ సోహైల్ కుటుంబ సభ్యులు కూడా ఈ అన్నదాన కార్యక్రమాల్లో పాలుపంచుకుంటున్నారు.

source : ANI

ప్రతిరోజు మధ్యాహ్నం 2 గంటల నుండి 3 గంటల సమయంలో ఆహారాన్ని అందిస్తున్నారు. జాతి, కులం, మతం లాంటి ఎటువంటి భేదాలు లేకుండా అందరికీ ఈ సేవలు అందుబాటులో ఉండేలా చూసుకుంటున్నారు. ఆహారాన్ని ఒక ప్యాకెట్ లో ప్యాక్ చేసి, ఆ ప్యాకెట్స్ అన్నిటినీ ఒక చోట పెడతారు. వాటి నుండి ఎంతమందికి ఎంత ఆహారం కావాలో చూసుకొని తీసుకోవచ్చు.

source : ANI

ఆహారంతో పాటు మాస్క్ లేని వారికి మాస్క్ లను కూడా అందిస్తున్నారు. అలాగే స్లమ్ ఏరియాస్ లో కోవిడ్ 19 గురించి అవగాహన కల్పిస్తున్నారు. హైదరాబాద్ లోని వెస్ట్ జోన్ ఏరియాలో వేలాది మంది వలస కూలీలకు భోజనం మరియు రాత్రిపూట ఆహారం (డిన్నర్) అందించినందుకు ఆసిఫ్ హుస్సేన్ సోహైల్, వెస్ట్ జోన్ కమిషనర్ ఎ.ఆర్.శ్రీనివాస్ నుండి లెటర్ ఆఫ్ అప్రిసియేషన్ అందుకున్నారు.

watch video :

#Telangana man provides free food to the poor through a foundation he established in the memory of his wife and daughter.

"We've been doing it for the last 10 years, we serve food to thousands now as the number added up with time," says Asif Sohail, founder of the organisation. pic.twitter.com/6lmKWKMcHs

— ANI (@ANI) November 16, 2020

యూరోప్ దేశాలలో ప్రధాన దేశమైన బ్రిటన్ లో కరోనా కల్లోలం అంతాఇంతా కాదు ..అక్కడ కరోనా మృతుల సంఖ్య  చూస్తూ ఉంటే పరిస్థితి ఏంత  ఘోరంగా ఉందొ మనకు తెలుస్తుంది ..ఈ కరోనా ని ఆపాలంటే వున్న ఏకైక మార్గం సామజిక దూరం అని దానితోనే మనం కరోనా ని తరిమికొట్టగలమని శాస్త్రవేత్తలు చెప్తున్నారు ..కరోనా కారణంగా సాధారణ ప్రజలే కాకుండా వైద్య  బృందం కూడా ఈ మహమ్మరి బారిన పడి ప్రాణాలు పోగొట్టుకోవడం కలవరం రేపుతోంది . నస్రిన్ అనే నర్స్  కరోనా వలన మృతి చెందింది ..చనిపోయే సమయాన ఆమె భర్త ఆవిడ పక్కనే ఉండగా నస్రిన్ ఆయనతో చెప్పిన మాటలు కళ్ళు చెమర్చేలా చేస్తాయి ..

నస్రిన్ (38 )పాకిస్తాన్ కు చెందిన వ్యక్తి. చాలా ఏళ్ళగా బ్రిటన్‌లోని ఓ ఆసుపత్రిలో హెల్త్ కీపర్ గా ఎన్నో సేవలను అందిస్తూ నర్స్ మీద వున్నా ఆశక్తితో నర్సింగ్ కోర్స్ పూర్తి చేసి అదే ఆసుపత్రిలోనర్స్ గా  జాయిన్ అయ్యింది నస్రిన్ …ఆమెకు భర్త ముగ్గురు పిల్లలు ఉన్నారు.తాజాగా కరోనా బ్రిటన్ లో విలయ తాండవం చేస్తుండడంతో నస్రిన్ రోగుల సేవలో మునిగిపోయింది. తన భాద్యత మరిచిపోకుండా కరోనా సోకిన వ్యక్తులకు సేవ చేయడంలో తన వంతు ఉపకారం అందించింది.ఈ నేపథ్యంలో ఆమె కరోన సోకింది..కాగా ఆమె పరిస్థితి బాగుండక పోవడంతో డాక్టర్లు బ్రతకడం కష్టం అని చెప్పేసారు ..

విషయం తెలుసుకున్న భర్త   నస్రిన్ ను చూసేందుకు  భర్త హాస్పిటల్ కు వచ్చాడు ..తన ఆరోగ్య పరిస్థితి బాగోకపోవడంతో మాట్లాడలేని పరిస్థితిలో తన భర్తతో పిల్లలు జాగ్రత్త అంటూ తన సైగలా ద్వారా చెప్పింది ..దింతో ఆమె భర్త దగ్గరకి వెళ్లి నువ్వు ఏమి బాధపడకు నీకంటే బాగా పిల్లలను చూసుకుంటాను అని చెప్పాడు …ఆ తర్వాత కొద్దీ క్షణాలకే నస్రిన్ ప్రాణాలు కోల్పోయింది ..నస్రిన్ కు ఆ హాస్పిటల్ కు చాల సుదీర్ఘ సంబంధం ఉండడంతో అంత కన్నీటి పర్యంతమయ్యారు …ఈ విషయం తెలిసిన వారు అందరూ కన్నీరు పెట్టుకున్నారు.

ఏదైనా జడ్జ్ చేయాలంటే జడ్జ్ అవ్వాల్సిన అవసరం లేదు. ముఖ్యంగా ఒక మనిషిని జడ్జ్ చేయడంలో అయితే అందరికీ చాలా అనుభవం ఉంటుంది. ఒక మనిషి సైలెంట్ గా ఉంటే చాలా మంచి వ్యక్తి, తన పని తాను చేసుకుంటున్నాడు అనుకుంటాం. అదే ఒక మనిషి వచ్చి ఎక్కువగా మాట్లాడుతూ ఉంటే అన్ని విషయాలు వాళ్లకే కావాలి అనుకుంటాం.

అవతల వ్యక్తి నీట్ గా డ్రస్ చేసుకుని ఉంటే చదువుకున్న వాడు అని, ఇస్త్రీ లేని చిరిగిన బట్టలు వేసుకుంటే చదువు లేని వాడు అని అంచనా వేసేస్తాం. అలా ఒక వ్యక్తిని చూడగానే ఒక అంచనాకు రావడం అన్నిసార్లు కరెక్ట్ అవ్వదు అనే విషయం చాలా సందర్భాల్లో రుజువైంది. ఇప్పుడు అలోక్ సాగర్ కథ వింటే ఈ విషయం మళ్ళీ ఇంకొకసారి అర్థమవుతుంది. ఆరేళ్ల క్రితం మధ్యప్రదేశ్ లో అసెంబ్లీ ఎలక్షన్స్ జరుగుతున్నాయి.

ఒక వ్యక్తి షర్ట్ లేకుండా, మాసిపోయిన గడ్డంతో గిరిజన గ్రామంలో సంచరిస్తున్నాడు. ఎన్నికల సమయంలో భద్రతా ఏర్పాట్లు చూడడానికి ఐపీఎస్ ఆఫీసర్ బేతుల్ జిల్లాలోని అటవీ ప్రాంతానికి వెళ్లారు. ఎన్నికల ఏర్పాట్లను పరిశీలిస్తుండగా, ఆ వ్యక్తి పట్టించుకోకుండా సైకిల్ మీద వెళ్ళిపోతున్నారు. అతని గురించి గ్రామస్తులను అడగగా ఆయన పేరు అలోక్ సాగర్ అని, ఆయన వాళ్ళ ఊరిలోనే ఉంటారు అని చెప్పారు. అంతకుమించి ఎక్కువ తెలియదు అని అన్నారు.

పోలీసులు అలోక్ సాగర్ ని కలిసి వివరాలు అడిగారు. పేరు అడిగితే అలోక్ సాగర్ అని చెప్పారు. ఐడెంటిటీ ప్రూఫ్ అడిగితే తెచ్చుకోలేదు అని, తాను భారతీయుడినే అని, సాధారణ జీవితం జీవిస్తున్నాను అని చెప్పారు. పోలీసులకు అనుమానం వచ్చి దర్యాప్తు లోకి తీసుకున్నారు.

పోలీసులు అలోక్ సాగర్ ని వివరాలు చెప్పమని అడిగితే, ఏ భాషలో కావాలి అని, తనకి ఎనిమిది భాషలు తెలుసు అని, తాను ఒక ప్రొఫెసర్, అమెరికాలో పి హెచ్ డి చేశాను అని, మాజీ ఆర్బిఐ గవర్నర్ అయిన రఘురాం రాజన్ తన శిష్యుడు అని, కావాలి అంటే ఫోన్ చేసి కనుక్కోమని ఇంగ్లీష్ లో చెప్పి అక్కడ నుంచి వెళ్ళిపోయారు అలోక్ సాగర్.

తర్వాత వివరాలు తెలుసుకొని నిజంగానే అలోక్ సాగర్ ప్రొఫెసర్ అని తెలిసిన పోలీసులు వెళ్లి అలోక్ సాగర్ కి క్షమాపణలు తెలిపారు. అలోక్ సాగర్ 32 సంవత్సరాలుగా మధ్యప్రదేశ్ లోని మారుమూల గిరిజన గ్రామాలలో నివసిస్తున్నారు అలాగే అక్కడ నివసిస్తున్న ప్రజలకు సేవ చేస్తున్నారు. అలోక్ సాగర్ చదువు చెప్పిన వాళ్లలో ఎందరో గొప్ప వాళ్ళు ఉన్నారు.

గత 26 సంవత్సరాలుగా 750 మంది గిరిజనులు ఉన్న, రోడ్లు సరిగా లేని, కేవలం ఒక్క ప్రాథమిక పాఠశాల మాత్రమే ఉన్న కొచాము అనే మారుమూల గ్రామంలో నివసిస్తున్నారు. అలోక్ సాగర్ ఇప్పటివరకు 50 వేల చెట్లను నాటారు. “భారత దేశంలో మనం ఎన్నో సమస్యలను ఎదుర్కొంటున్నాం. కానీ చాలా మంది వాళ్ల తెలివిని జనాలకి సేవ చేయడంలో కాకుండా, కేవలం డిగ్రీలు చూపించడానికే పరిమితం చేస్తున్నారు” అని అంటారు అలోక్ సాగర్.

అలోక్ సాగర్ దగ్గర ఒక సైకిల్ ఇంకా 3 కుర్తాలు ఉన్నాయి. గిరిజనుల్లో విత్తనాలను పంపిణీ చేస్తూ, అలాగే తాను కూడా సేకరిస్తూ తన రోజుని గడుపుతారు. అలోక్ సాగర్ ఈ ప్రాంతంలోని గిరిజనులు ఉపయోగించే అనేక భాషలు మరియు మాండలికాలను (యాస) మాట్లాడగలరు. శ్రామిక్ ఆదివాసి సంగథన్‌తో దగ్గరి సంబంధం ఉన్న అలోక్ సాగర్, వారి అభ్యున్నతి కోసం ఎక్కువ సమయం కేటాయిస్తారు.

నవంబర్ 10వ తేదీన గ్వాలియర్ ఉప ఎన్నికల ఓట్ల లెక్కింపు జరిగింది. భద్రత వ్యవస్థను పర్యవేక్షించే బాధ్యతను డిఎస్పిలు అయిన రత్నేష్ సింగ్ తోమర్, విజయ్ బదౌరియాలకు అప్పగించారు. అర్ధరాత్రి 1:30 ప్రాంతంలో విజయీ జులూస్ మార్గంలో డ్యూటీ చేస్తున్న వాళ్ళిద్దరికీ చలిలో వణుకుతూ ఒక బిచ్చగాడు కనిపించాడు. వారిద్దరూ ఆ బిచ్చగాడి పరిస్థితి చూసి జాలిపడి ఒకరు బూట్లను, ఇంకొకరు జాకెట్ ని ఇచ్చారు.

వాళ్ళిద్దరు వెళ్ళిపోతుండగా ఆ బిచ్చగాడు ఆ అధికారులని పేరు పెట్టి పిలిచాడు. వాళ్ల పేర్లు ఆయనకి ఎలా తెలుసు అని అనుకున్న అధికారులు ఆశ్చర్యంతో వెనక్కి వెళ్లి చూస్తే అప్పుడు వాళ్ళకి ఆయన ఎవరో తెలిసింది. ఆయన వాళ్ళ బ్యాచ్ కి చెందిన సబ్ ఇన్స్పెక్టర్ మనీష్ మిశ్రా. మనీశ్ మిశ్రా 1999 లో మధ్య ప్రదేశ్ పోలీస్ విభాగంలో అధికారిగా ఉన్నారు. ఆయన చాలా మంచి షూటర్.

రత్నేష్ సింగ్ తోమర్, విజయ్ బదౌరియాలతో పాటు 1999 లో మనీష్ మిశ్రా కూడా సబ్ ఇన్స్పెక్టర్ ఉద్యోగంలో చేరారు. 2005 సమయంలో మనీశ్ మిశ్రా దతియా జిల్లాలో పోలీసు శాఖలో పని చేశారు. ఆ తర్వాత ఆయన మానసిక పరిస్థితి క్షీణించింది. మొదట్లో ఐదు సంవత్సరాలు ఆయన ఇంట్లోనే ఉన్నారు. ట్రీట్మెంట్ కోసం ఆశ్రమాల్లో, చికిత్స కేంద్రాల్లో చేర్చిన కూడా అక్కడి నుండి పారిపోతూ ఉండేవారు.

మనీశ్ మిశ్రా ఎక్కడికి వెళ్లారో కుటుంబ సభ్యులకు కూడా తెలిసేది కాదు. తర్వాత కుటుంబ సభ్యులు కూడా ఆయన మానాన ఆయనని వదిలేశారు. భార్యతో విడాకులు అయ్యాయి. మనిషి మనీష్ మిశ్రా ని అలా రోడ్డు మీద దీన స్థితిలో చూసిన ఆ ఇద్దరు అధికారులు, ఆయనని తమతో పాటు తీసుకువెళ్లడానికి ప్రయత్నించారు కానీ, మనీష్ మిశ్రా అందుకు ఒప్పుకోలేదు.

తర్వాత ఒక స్వచ్ఛంద సేవా సంస్థ సహాయంతో మనీష్ మిశ్రా ని స్వర్గ్ సదన్ ఆశ్రమంలో చేర్చారు. ప్రస్తుతం మనీష్ మిశ్రా అక్కడ ట్రీట్మెంట్ పొందుతున్నారు. మనీష్ మిశ్రా శివపురిలో ఉండేవారు. ఇప్పుడు ఆయన తల్లిదండ్రులు అక్కడే ఉంటున్నారు. తోబుట్టువులు చైనాలో ఉద్యోగం చేస్తున్నారు. ఆశ్రమ సంచాలకులు సూర్య వంశీ మాట్లాడుతూ “మనీష్ మిశ్రా సోదరి మాట్లాడారు అని, వీలైనంత త్వరగా తాను వస్తాను అని, మనీష్ మళ్లీ తిరిగి మామూలు మనిషి అవ్వడానికి తనకు చేతనైనంత సహాయం చేస్తానని చెప్పారు అని,

శివపురి లో ఉన్న మనీష్ కుటుంబాన్ని సంప్రదించడానికి ప్రయత్నించినా కూడా సాధ్యపడలేదు అని, మనీష్ స్నేహితులైన ఆ ఇద్దరు అధికారులు ఆయనని చూసి వెళుతూ ఉండడం మాత్రమే కాకుండా మనీష్ మళ్లీ తిరిగి సాధారణ జీవితం ప్రారంభించడానికి కావలసిన సహాయం చేయడానికి సిద్ధంగా ఉన్నారు” అని తెలిపారు సూర్య వంశీ.