Human angle

ప్రేమ అంటే ఏంటి అని ఎవరినైనా అడిగితే ఎవరి నుండి సరైన సమాధానం రాదు. ఎందుకంటే అసలు డెఫినేషన్ ఏంటో ఎవరికీ తెలియదు కాబట్టి. అందరి ప్రేమకథలు పెళ్లి వరకు వెళ్లకపోవచ్చు.

ఎక్కడో కొంతమంది మాత్రమే వాళ్లు ప్రేమించిన వాళ్ళని పెళ్లి చేసుకోగలుగుతారు అని అంటారు. ఇది నిజంగా ఒక వ్యక్తికి సంబంధించిన చాలా పర్సనల్ విషయం కాబట్టి వాళ్లు తీసుకున్న నిర్ణయాల వెనుక ఉన్న కారణాల గురించి ఎక్కువగా చర్చించుకోలేము.

ఇదిలా ఉండగా, కొంతకాలం క్రితం కోరా లో ఒక వ్యక్తి “మీ బెస్ట్ కపుల్ పిక్చర్ చూపించగలుగుతారా?” (Do you mind if I see your best couple picture?) అని అర్థం వచ్చేలాగా ఒక ప్రశ్న పోస్ట్ చేశారు. దానికి రంజిత్ మిశ్రా అనే ఒక వ్యక్తి ఈ విధంగా సమాధానం ఇచ్చారు. ఆ సమాధానం రంజిత్ మిశ్రా మాటల్లోనే చదువుదాం.

“నా బెస్ట్ కపుల్ ఫోటో చూపించడానికి నాకు ఎలాంటి ప్రాబ్లం లేదు. నా ఇంగ్లీష్ మీకు ప్రాబ్లం అవ్వకపోతే చాలు. మా మొదటి మీటింగ్ నుంచి మొదలు పెడదాం. నవంబర్ 2015. మా ఇద్దరికీ మొదటి ఉద్యోగం ఒకటే ఇన్స్టిట్యూట్ లో, ఒకటే డిస్ట్రిక్ట్ లో వచ్చింది. మేము ఉద్యోగం చేయాల్సిన ప్రదేశం మేము ఉండే చోట కి (డిస్ట్రిక్ట్ కి) దూరంలో ఉంది.

ఒకరోజు సాయంత్రం మేము వెళ్లాల్సిన ట్రైన్ కోసం ఎదురు చూస్తున్నప్పుడు కలిశాం. పిల్లర్ నెంబర్ 9. ఇది నేను తనకు తెలియకుండా తీసిన ఫోటో. కానీ ఈ ఫోటో చూసిన తర్వాత తను కూడా ఫోటోకి రెడీగా ఉందేమో అనిపిస్తుంది.

అలా రైల్వే స్టేషన్ లో మా ప్రయాణం మొదలైంది. ఇంకొక విషయం ఏంటంటే నేను తనని ప్రపోజ్ చేసింది కూడా రైల్వే స్టేషన్ లోనే. మా లవ్ ట్రైన్, రైల్వే స్టేషన్ నుండి

రెస్టారెంట్స్ కి,

మాల్స్ కి,

పార్క్స్ కి,

సినిమా హాల్స్ కి,

మా పెళ్లి షాపింగ్ వరకు సాగి

మా ఇంటి దగ్గర ఆగింది.

థాంక్యూ” అని సమాధానం ఇచ్చారు రంజిత్ మిశ్రా.

credits: quora/ranjit mishra

బరువు అంటే మనకి భౌతికంగా కనిపించేది మాత్రమే కాదు. మన మానసికంగా కూడా మనకు తెలియకుండా ఎంతో బరువును మోస్తూ ఉంటాం. ఒకసారి ఈ కథ చదివితే అసలు విషయం ఏమిటో మీకే అర్థమవుతుంది.ఇద్దరు బౌద్ధ సన్యాసులు ఎక్కడికో ప్రయాణిస్తున్నారు. దారి మధ్యలో వాళ్లు ఒక నదిని దాటాల్సి ఉంది. ఆ ఇద్దరు బౌద్ధ సన్యాసులు నదిని దాట బోతు ఉండగా వాళ్లకి ఒక పిలుపు వినిపించింది. వెనక్కి తిరిగి చూస్తే పిలిచింది ఒక యువతి.

వీళ్ళిద్దరూ ఆ యువతి వాళ్లని పిలవడానికి గల కారణం ఏంటి అని అడిగారు. వాళ్ళు అడిగిన ప్రశ్నకి ఆ యువతి తనకి నది దాటాలి అంటే భయంగా ఉంది అని వాళ్ళని సహాయం చేయమని అడిగింది.ఇదంతా విన్న ఆ బౌద్ధ సన్యాసుల లో ఒక అతను ఆ యువతికి సహాయం చేయాలి అంటే సంకోచించాడు. కానీ ఇంకొక బౌద్ధ సన్యాసి మాత్రం ఆ యువతికి సహాయం చేస్తానని చెప్పాడు. ఆ యువతిని తన భుజాలమీద ఎక్కించుకొని నది దాటేందుకు సహాయం చేశాడు. దాంతో ఆ యువతి అతనికి కృతజ్ఞతలు చెప్పి వెళ్ళిపోయింది.

అప్పుడు పక్కనే ఉన్న మరొక బౌద్ధ సన్యాసి ఇతనిని తాము ఆడవాళ్ళని ముట్టుకోవడం అనేది తప్పు కదా? ఇప్పుడు ఇతను చేసిన పని ఆధ్యాత్మిక సూత్రాలకి వ్యతిరేకంగా ఉంది కదా? అని అడిగాడు.ఈ ప్రశ్న విని ఆ బౌద్ధ సన్యాసి ఈ విధంగా సమాధానం చెప్పాడు ” మిత్రమా! నేను తనని ఇందాకే మోసి సహాయం చేశాను. నువ్వు ఇప్పటికి కూడా తనని నీ ఆలోచనల రూపంలో ఇంకా మోస్తూనే ఉన్నావు” అని సమాధానం ఇచ్చాడు. ముందు చెప్పిన తెలియకుండానే బరువు మోయడం అంటే ఏంటి అనే విషయం ఈపాటికి మీకు అర్థమయ్యే ఉంటుంది.

యూపీఎస్సీ 2019 ఫలితాలు ఇటీవల విడుదలయ్యాయి. ఇందులో మిస్ ఇండియా ఫైనలిస్ట్ ఐశ్వర్య షియోరన్ ఉత్తీర్ణులు అయ్యారు. ఐశ్వర్య ఆల్ ఇండియా స్థాయిలో సివిల్ సర్వీసెస్ ఎగ్జామినేషన్ లో 93 ర్యాంక్ సాధించారు. 2020 ఆగస్టు 4 న ఫలితాలు విడుదలైన తర్వాత నుంచి గ్లామర్ ప్రపంచం నుండి సివిల్ సర్వీసెస్ ర్యాంకర్ అయిన ఐశ్వర్య కథ అందరి దృష్టిని ఆకర్షించింది.

ఐశ్వర్య ఢిల్లీలో నిర్వహించిన టైమ్స్ ఫ్రెష్ ఫేస్ కాంటెస్ట్ ద్వారా తన కెరీర్ ను ప్రారంభించారు. తర్వాత వేరే మోడలింగ్ అసైన్మెంట్స్ కూడా రావడం మొదలయ్యాయి. ఐశ్వర్య కు మిస్స్ ఇండియా కాంపిటీషన్ లో పాల్గొనమని సలహా ఇవ్వడంతో ఐశ్వర్య మిస్ ఇండియా లో పాల్గొన్నారు. ఐశ్వర్య తల్లి ఐశ్వర్య ని మోడల్ గా చూడాలి అనుకున్నారు. అందుకే హీరోయిన్ ఐశ్వర్యారాయ్ పేరుమీద ఐశ్వర్య కి ఆ పేరు పెట్టారు.

ఐశ్వర్య కి చిన్నప్పటి నుంచి చదువు అంటే చాలా ఆసక్తి. ఎప్పుడూ చదువులో ముందుండేవారు. యూపీఎస్సీ కి కూడా అంతే శ్రద్ధగా చదివేవారు ఐశ్వర్య. 2018 లో యుపిఎస్సి కి ప్రిపేర్ అవ్వడం మొదలు పెట్టారు.

యుపిఎస్సి కి ప్రిపేర్ అయ్యేటప్పుడు ఐశ్వర్య సోషల్ మీడియా జోలికి వెళ్లలేదట. ఐశ్వర్య సివిల్స్ కి ప్రిపేర్ అయ్యే సమయంలో ఒక ఫార్ములా పాటించే వారట.

అదేంటంటే 10+8+6. అంటే 10 గంటల ప్రిపరేషన్, 8 గంటల నిద్ర, 6 గంటలు ఇతర యాక్టివిటీస్.

ఇంకొక విషయం ఏంటంటే ఐశ్వర్య బయట ఎక్కడా కోచింగ్ తీసుకోకుండా తనంతట తానే చదువుకొని యూపీఎస్సీ పరీక్షలు పాసయ్యారు. ఐపీఎస్ మహేష్ భగవత్ ఐశ్వర్యకు సహాయం చేశారట. స్టడీ మెటీరియల్ లో, మోక్ టెస్ట్ లో ఐశ్వర్యని గైడ్ చేశారట.

ఐశ్వర్యకు ఇంటర్వ్యూ ఎలా అవుతుందో అని భయం ఉండేదట. మహేష్ భగవత్ సహాయం వల్ల ఎటువంటి ఇబ్బంది లేకుండా ఇంటర్వ్యూ ఇవ్వగలిగారట ఐశ్వర్య. యూపీఎస్సీ పరీక్ష పాస్ అవ్వాలంటే ముందు మనల్ని మనం తెలుసుకోవాలి అని,

ఇతర విషయాలను, ముఖ్యంగా మనల్ని మానసికంగా ఒత్తిడికి గురి చేసే విషయాలను అయితే అసలు పట్టించుకోకూడదు అని, కేవలం చదువు పై మాత్రమే శ్రద్ధ పెట్టాలి అని, అలా అయితే మనం సాధించలేనిది అంటూ ఏదీ లేదు అని ఐశ్వర్య అన్నారు.