Human angle

మనం చేసే మంచి మనల్ని వెతుక్కుంటూ వస్తుంది అంటే మీరు నమ్ముతారా? ఇది ఒట్టి సామెత అని మీరు కొట్టిపారేస్తారా? అయితే ఈ సంఘటన చూడండి తప్పకుండా మీ అభిప్రాయం మారుతుంది.కేరళలోని తిరుపత్తూర్ జిల్లా పరిధిలో ఉండే తిరువల్లులో నివసిస్తున్న సుప్రియ అనే మహిళ స్థానికంగా జోయ్ ఆలుక్కాస్ సంస్థలో పని చేస్తుంది.

10 రోజుల క్రితం సుప్రియ ఓ అంధుడిని బస్సు ఎక్కించేందుకు బస్సు వెనకాలే పరిగెత్తి ఆ బస్సును ఆపి అతడిని బస్సు ఎక్కించి పంపింది.ఇదంతా అక్కడే ఉన్న సిసిటివి కెమెరా లో రికార్డ్ అయ్యింది.తాజాగా ఆ వీడియోను తిరుపత్తూరు జిల్లాకు చెందిన ఐపీఎస్ అధికారి విజయ్ కుమార్ తన ట్విట్టర్ ఖాతాలో షేర్ చేశారు.ఆ వీడియో ఇంటర్నెట్ లో బాగా వైరల్ అయ్యింది.

దాన్ని చూసిన జోయ్ ఆలుక్కాస్ గ్రూప్ ఛైర్మన్ ఆమెను అభినందించేందుకు వచ్చేవారం త్రిస్సూర్‌కు రావాల్సిందిగా ఆహ్వానించారు.ఆయన ఆహ్వానాన్ని మన్నించి వెళ్ళిన సుప్రియకు ఆయన ఓ ఇల్లు బహుమానంగా ఇచ్చారు.చిన్న ఇంట్లో అద్దెకు ఉంటున్న సుప్రియ జోయ్ ఆలుక్కాస్ గ్రూప్ ఛైర్మన్ బహుమానం చూసి ఆశ్చర్యపోయింది.అలాంటి బహుమతిని ఇచ్చిన ఆమె బాస్ కు కృజ్ఞతలు తెలిపింది.

she made this world a better place to live.kindness is beautiful!😍

உலகம் அன்பான மனிதர்களால் அழகாகிறது#kindness #love pic.twitter.com/B2Nea2wKQ4

— Vijayakumar IPS (@vijaypnpa_ips) July 8, 2020

మామూలుగా ఎవరినైనా తెలివిగలవాళ్ళు లేదా తెలివి లేని వాళ్ళు అని పరిగణించాలి అంటే ముందుగా ప్రాముఖ్యతను ఇచ్చేది వాళ్ళకు వచ్చిన మార్కులకే. ఒక మనిషికి ఎక్కువ మార్కులు వస్తే తెలివిగలవాడు అని లేదా తక్కువ మార్కులు వస్తే తెలివి లేని వాళ్ళు అని ముద్ర వేస్తారు.

ఎంతో గొప్ప స్థాయిలో ఉన్న వాళ్ళు ఎన్నో సార్లు చెప్పారు ఒక మార్క్ షీట్ ఆ మనిషి యొక్క భవిష్యత్తును నిర్ణయించలేదు అని. కానీ అది ఎంతవరకు నిజం? ఇప్పుడు ఉన్న ఎడ్యుకేషన్ సిస్టం ఇదే పద్ధతిని పాటిస్తోందా?

ఇటీవల CBSE ఇంటర్మీడియట్ ఫలితాలు విడుదలయ్యాయి. ఫలితాలను చూసి ఆందోళన చెందవద్దు అని ఐఏఎస్ నితిన్ సంగ్వాన్ ట్విట్టర్ లో పేర్కొన్నారు. అంతేకాకుండా తనకి 12వ తరగతిలో ఎన్ని మార్కులు వచ్చాయో చెబుతూ మార్క్ షీట్ కూడా పోస్ట్ చేశారు.

“నాకు 12వ తరగతిలో కెమిస్ట్రీలో 24 మార్కులు వచ్చాయి. పాస్ మార్కుల కంటే ఒక్క మార్కు ఎక్కువ. అంతే. కానీ ఆ మార్కులు నేను భవిష్యత్తులో ఏం చేయాలనేది నిర్ణయించలేకపోయాయి. మీ పిల్లలపై మార్కులు అనే భారాన్ని వేయకండి. ఈ పరీక్షలు, మార్కుల కంటే కూడా జీవితం ఎంతో పెద్దది. ఈ పరీక్ష ఫలితాలు మీ పిల్లలని పరిశీలించడం కోసం ఒక అవకాశం అనుకోండి అంతేకానీ విమర్శించకండి” అని ఆ పోస్ట్ కింద రాసిన క్యాప్షన్ లో పేర్కొన్నారు.

గత ఏడాది మార్కులు సరిగా రాలేదు అని ఎంతో మంది ఆత్మహత్య చేసుకున్నారు. అప్పుడు మరొక ఐఏఎస్ ఆఫీసర్ అశ్విన్ శరణ్ ఫేస్బుక్ లో ఈ ఘటన గురించి మాట్లాడుతూ ” ఇటీవల వెల్లడించిన పరీక్ష ఫలితాల్లో మార్కులు సరిగా రాలేదని ఒక వ్యక్తి ఆత్మహత్య చేసుకున్నాడు అని చదివాను.

పరీక్షల ఫలితాలను అంత సీరియస్ గా తీసుకోవద్దు అని నేను విద్యార్థులకు, తల్లిదండ్రులకు విజ్ఞప్తి చేస్తున్నాను. అవి కేవలం అంకెలు మాత్రమే. భవిష్యత్తులో మీ ప్రతిభను నిరూపించుకోవడానికి ఇంకా ఎన్నో అవకాశాలు వస్తాయి. నేను నా 10 వ తరగతి ఇంకా 12 వ తరగతి మార్క్ షీట్ ని షేర్ చేస్తున్నాను” అని అన్నారు.

వీళ్లే కాదు చరిత్రలో తమకంటూ పేరు సంపాదించుకున్న వాళ్లలో కూడా పరీక్షల్లో సరిగా మార్కులు తెచ్చుకొని వాళ్ళు ఇంకా ఎంతోమంది ఉన్నారు. ఏదేమైనా ఒక మనిషి భవిష్యత్తును నిర్ణయించేది తన ఆలోచనలు, ప్రతిభ మాత్రమే మార్కులు కావు.

సినిమాలంటే ఆసక్తి ఉన్నవాళ్ళకి చదువు బుర్రకు ఎక్కదు అని అంటూ ఉంటారు. కానీ అది తప్పు అని నిరూపించింది అనుష్క సేన్. బాలనటిగా సీరియల్స్తో పరిచయమయ్యి, మహేంద్ర సింగ్ ధోనీ తో పాటు ఒక ఫ్యాన్ అడ్వటైజ్మెంట్ లో నటించిన అనుష్క తర్వాత ఝాన్సీ కి రాణి, దేవోంకే దేవ్ మహాదేవ్ సీరియల్స్ లో నటించింది.

ప్రస్తుతం ఎన్నో మ్యూజిక్ వీడియో లలో కూడా నటిస్తోంది అనుష్క. ఇది ఇలా ఉంటే అనుష్క 12వ తరగతి పరీక్షలు రాసింది. CBSE బోర్డు ఇటీవల ఫలితాలను విడుదల చేసింది. అందులో అనుష్క 89.4 శాతం మార్కులు సాధించింది. సోషల్ మీడియా వేదికగా ఈ వార్తను అందరితో పంచుకుంది అనుష్క.

ఈ వార్తను చూసిన నెటిజన్లు నటనలోనే కాకుండా చదువులో కూడా ముందున్నందుకు అనుష్క ను ప్రశంసిస్తున్నారు. అంతేకాకుండా చదువుకి నటనకి ఒకే రకంగా ప్రాధాన్యత ఇవ్వడం గొప్ప విషయం అని అభినందిస్తున్నారు.

ఈ విషయంపై అనుష్క మాట్లాడుతూ ” నిజానికి ఇంకా ఎక్కువ మార్కులు వస్తాయి అనుకున్నాను. కానీ షూటింగ్ లో బిజీ గా ఉండటంవల్ల అనుకున్నంత సాధించలేకపోయాను. కానీ ఏదేమైనా ఇంత మంచి ఫలితం వచ్చినందుకు ఆనందంగా ఉంది.

ఇందుకు సహకరించిన మా స్కూల్ యాజమాన్యం, ప్రిన్సిపాల్, టీచర్లకు నేను కృతజ్ఞతలు చెప్తున్నాను. అంతేకాకుండా ఇంత బిజీ షెడ్యూల్లో కూడా నేను చదువుకునేందుకు సహకరించిన నా సీరియల్ యూనిట్ కి కూడా ధన్యవాదాలు తెలుపుతున్నాను. వీళ్ళ అందరి ప్రోత్సాహం తో  నేను నా స్కూల్ చదువు పూర్తి చేసి  కాలేజ్ చదువు ప్రారంభించబోతున్నాను” అని చెప్పింది.

కరోనా వల్ల ఇప్పటికే అన్ని రంగాల కి చెందిన కంపెనీలకు అధికంగా నష్టం రావడంతో కొంతమందిని ఉద్యోగాల్లో నుండి తీసేస్తున్నారు. దాంతో చాలా మంది ఉద్యోగాలు కోల్పోయి ఇబ్బందులు ఎదుర్కొంటున్నారు. ఇది ఒక్క భారత దేశంలోనే కాదు ప్రపంచవ్యాప్తంగా జరుగుతూనే ఉంది. ఇలాంటి కష్టమైన పరిస్థితులలో యునైటెడ్ కింగ్‌డమ్ లో స్థిరపడ్డ కేరళకు చెందిన ఒక జంట కు మాత్రం అదృష్టం వరించింది.

యునైటెడ్ కింగ్‌డమ్‌లోని నాటింగ్‌హామ్‌లో నివసించే షిబు పాల్ మరియు లిన్నెట్ జోసెఫ్ కి కారు కొనాలని ఎప్పటినుండో ఉందట.ముందు వీళ్ళిద్దరూ కేంబ్రిడ్జిలో నివసించే వాళ్ళు. కానీ అక్కడ కాస్ట్ ఆఫ్ లివింగ్ ఎక్కువ ఉండడంతో నాటింగ్‌హామ్ కి వచ్చేశారు.

ప్రస్తుతం లిన్నెట్ నాటింగ్‌హామ్ సిటీ హాస్పిటల్‌లో స్టాఫ్ నర్సుగా పనిచేస్తున్నారు. షిబు బెస్ట్ ఆఫ్ ద బెస్ట్ అనే లాటరీ కాంటెస్ట్ అప్లికేషన్ నింపారట. అలా మూడు సార్లు అప్లికేషన్ నింపారు. చివరిది ఎయిర్ పోర్ట్ లో నింపారు. ఆ తర్వాత అసలు ఆ కాంటెస్ట్ సంగతే మర్చిపోయారు.

కానీ ఆ లాటరీలో షిబు నింపిన అప్లికేషన్ ఎంపికయింది. దాంతో వాళ్ళకి లాటరీలో లాంబోర్గినీ కారు వచ్చి వాళ్ళ ఇంటి ముందు ఆగింది. దాన్ని ఆ కంపెనీ యొక్క ప్రతినిధులు వచ్చి షిబు మరియు లిన్నెట్ జంటకు అందించి వెళ్లారు. దాంతో ఆ జంట ఆనందానికి అవధులు లేవు. అదృష్టం తలుపు తట్టడం అంటే ఇదే ఏమో కదా?

ఎన్నో ఏళ్ల నుంచి కలరిజం మీద జరుగుతున్న పోరాటానికి తమ వంతు మద్దతిస్తూ ఇటీవల హిందుస్థాన్ యూనిలీవర్ ఫెయిర్ అండ్ లవ్లీ లో నుండి ఫెయిర్ ని తీసేసింది. ఫెయిర్ అండ్ లవ్లీ వాళ్ళ నిర్ణయం ఈ ఉద్యమానికి కొంత ఉత్సాహాన్నిచ్చింది. కానీ రంగుకి ప్రాముఖ్యత ఇచ్చే రంగాలు ఇంకా చాలా ఉన్నాయి.

అందులో ఒకటి మ్యాట్రిమోనియల్ వెబ్సైట్స్. అందులో కూడా షాదీ డాట్ కాం అనే వెబ్సైట్ ముందుకు వచ్చి వాళ్ళ దాంట్లో ఉన్న కలర్ ఫిల్టర్ని తీసేసింది. మ్యాట్రిమోనియల్ వెబ్సైట్లు వారి తప్పుని తెలుసుకోవడం వెనక కూడా ఒకళ్ళు ఉన్నారు. తనే మేఘన్ నాగ్‌పాల్.

టొరంటో కి చెందిన మేఘన్ షాదీ డాట్ కామ్ లో ఒక యూజర్. తను ఆ వెబ్ సైట్ లో ఉన్న కలర్ ఫిల్టర్ చూసి షాక్ అయ్యింది. ఈ జనరేషన్లో కూడా ఇలా ఆలోచించే వాళ్లు ఉంటారా? అని అనుకుంది. వెబ్సైట్ వాళ్లకి ఆ ఆప్షన్ ని తీసేయమని మెయిల్ పెట్టింది.

దానికి వాళ్ళు ఇచ్చిన సమాధానం ఇంకా షాకింగ్ గా ఉంది. అది ఏంటంటే మేఘన్ పంపిన మెయిల్ కి వెబ్ సైట్ వాళ్ళు ఆప్షన్ తీయడం కుదరదు అని ఎందుకంటే చాలామంది తల్లిదండ్రులు ఈ ఆప్షన్ కి ప్రాముఖ్యత ఇస్తున్నారు అని చెప్పారు.

ఇదంతా మేఘన్ సోషల్ మీడియాలో పోస్ట్ చేసింది. మేఘన్ చేసిన పోస్ట్ డల్లాస్ కి చెందిన హేతల్ లఖానీ దృష్టిలో పడింది. మేఘన్ చెప్పిన మాటలని ఏకీభవిస్తూ హేతల్ కలర్ ఫిల్టర్ తీసేయమని ఆన్లైన్ పిటిషన్ తయారు చేసింది. ఆ పిటిషన్ సోషల్ మీడియా అంతా కార్చిచ్చులా పాకింది. 14 గంటల వ్యవధిలో దాదాపు 1500 మందికి పైగా ఈ పిటిషన్ మీద సైన్ చేశారు.

twitter/MeghanSNagpal

ఇదంతా 80 వేల మంది ఫాలోవర్లు ఉన్న బ్లాగర్ రోషిని పటేల్ చూసింది. షాదీ డాట్ కామ్ వెబ్ సైట్ వాళ్లకి ఇదంతా అగౌరవపరిచే ఎలాగా ఉంది అని, ఇంక ఇలాంటి ఆలోచనలు ఉన్న వాళ్ళని చూసి భవిష్యత్తు తరాల వాళ్ళు ఏమి నేర్చుకుంటారు? అని ట్వీట్ చేసింది.

twitter/MeghanSNagpal

దానికి షాదీ డాట్ కాం వాళ్లు తాము ఎవరినీ వాళ్లకి ఎలాంటి రంగు వాళ్ళు కావాలి అనేది అడగమని ప్రేమకి రంగుతో ఆకారంతో సంబంధం లేదు అని రిప్లై ఇచ్చారు. దానికి రోషిని మరి ఆ ఫిల్టర్ ఎందుకు ఉంది అన్న దానికి వివరణ ఇవ్వమని అడిగింది. అప్పుడు షాదీ డాట్ కాం వాళ్ళు ఇకపై నుండి  ప్రొఫైల్లో ఫోటోలు ఫిల్టర్ చేసే ఆప్షన్ తీసేసాం అని ట్వీట్ చేశారు.తర్వాత ఇదంతా చూసిన జీవన్ సాథీ డాట్ కాం కూడా తమ వెబ్సైట్లో ఉన్న కలర్ ఫిల్టర్ ని తీసేసిన విషయం ట్విట్టర్లో ప్రకటించింది.

twitter/MeghanSNagpal

ఈ నిరసనని బహిరంగంగా వ్యక్తం చేసిన ముగ్గురు మహిళలకు వ్యక్తిగతంగా పరిచయం లేదు. కానీ ఇలాంటి వెబ్ సైట్ వాళ్ళు చేస్తున్నవి ఎంత తప్పో చెప్పడానికి ముగ్గురు ఒకరికొకరు మద్దతుగా నిలబడ్డారు. ఆ పిటిషన్ మీద 1500 మంది సైన్ చేసి ఆ ముగ్గురు మాట్లాడేది నిజం అని నిరూపించారు.

twitter/MeghanSNagpal

కానీ ఎంతమంది మద్దతిచ్చినా కూడా మేఘన్,హేతల్, రోషిని మాత్రం ఎంతో ధైర్యంగా ఎన్నో ఏళ్ల నుండి ఆచారం పేరుతో జనాలు సొంతంగా నిర్మించుకున్న ఒక లక్షణం (క్రైటీరియా) ని కొంతవరకు తీసేయడం లో విజయం సాధించారు. ముందు ముందు భారతదేశం రంగు అనేది అదేదో సమస్యలా కాకుండా సాధారణమైన విషయం లాగా పరిగణించే స్థాయికి ఎదగాలని ఆశిద్దాం. అసలు రంగు అనేది ఏ రంగంలోనూ ముఖ్యమైనది కాకూడదు అని కోరుకుందాం.