Human angle

కరోనా వైరస్ నేపథ్యంలో ఎవరికీ తోచిన సహాయం వారు చేసి మానవత్వాన్ని చాటుకుంటున్నారు.అయితే తాజాగా పూణే లో ఓ 30 యేళ్ళ ఆటోడ్రైవర్ చేస్తున్న సహాయం వెలుగులోకి వచ్చింది.అతని పేరు అక్షయ్ కోటవల.అక్షయ్ తన వివాహం కోసం రెండు లక్షల రూపాయలు దాచుకున్నాడు.అయితే ఇప్పుడు తన దాచుకున్న డబ్బునంతా కూడా కరోనా లాక్ డౌన్ లో ఆహారం లేకుండా బాధపడుతున్నవారికి ఉపయోగిస్తున్నారు.

అక్షయ్ కోటవల ఇంతటితో ఆగిపోకుండా తన ఆటోలో ముసిలివారిని మరియు గర్భిణీ స్త్రీలను డబ్బులు తీసుకోకుండా ఆటో లో వారికీ అవసరమైన చోట దింపుతున్నాడు.అతని ఆటోలో మైక్ పెట్టుకొని అందరూ సామాజిక దూరం పాటించండి కరోనా పై పోరాడండి అని చెపుతూ కరోనా గురించి ప్రజలకు అవగాహనా కల్పిస్తున్నాడు.అక్షయ్ తన స్నేహితులతో కలిసి ఆహారాన్ని సిద్ధం చేసి రోడ్ల మీద నిరాశ్రయంగా ఉన్న పేద వారికి దాదాపు రోజుకి 400 మందికి ఆహారాన్ని అందచేస్తున్నరు.

ఈ లాక్ డౌన్ సమయంలో ఇలా సహాయం చెయ్యగలుగుతున్నందుకు చాలా సంతోషంగా ఉంది అని అంటున్నారు అక్షయ్.తన వివాహం మే 25 వ తారీఖున జరగాల్సి ఉంది కానీ ప్రస్తుత పరిస్థితులలో వివాహాన్ని వాయిదా వేసుకోవడం మంచిది అని ఆ మేరకు నిర్ణయం తీసుకున్నట్లు అక్షయ్ తెలిపారు.మా స్నేహితులందరం కలిసి ఒక వంటశాల ను ఏర్పాటు చేసాం అందులో చపాతీ ,కూరగాలయాల కూర తయారుచేస్తున్నాం అని అక్షయ్ తెలిపారు.చపాతీ లకు ఎక్కువ ఖర్చు కావడంతో ప్రస్తుతం వెజిటల్ బిర్యానీ ని తయారుచేసి పంచిపెడదామని నిర్ణయం తీసుకున్నట్లుగా అక్షయ్ తెలిపారు.

మా దగ్గర ఉన్న డబ్బుతో మే 31 వరకు ఆహారం అందించగలమని అన్నారు అక్షయ్.అంతేకాకుండా రోడ్ల మీద ఉన్న పేదవారికి మరియు వలస కూలీలకు మస్క్లు మరియు శానిటైజర్ లు పంచిపెడుతున్నారు అక్షయ్ మరియు అతని స్నేహితులు.గత సంవత్సరం మహారాష్ట్ర లో వచ్చిన వరదల సందర్భంలో కూడా చాలా మందికి ఆహారం అందచేశారు అక్షయ్.కాగా ఒక ఆటోడ్రైవర్ అయినాసరే అతను చేస్తున్న సేవ మాములు విషయం కాదు అని పలువురు నెటిజన్లు సోషల్ మీడియాలో అక్షయ్ మీద ప్రశంసల వర్షం కురిపిపిస్తున్నారు.

తల్లి ప్రేమికి మించింది ఏది లేదు ఈ లోకంలో అలాగే తల్లి లేని లోటు కూడా ఎవరు తీర్చలేనిది.ఈ సృష్టిలో అందరికి కూడా తల్లి మీద ప్రేమ అధికంగా ఉంటుంది.అయితే కొందరికి మాత్రం తల్లి లేని లోటు ఉంటుంది వారిని మళ్ళీ తల్లిలా చూసేవారు ఎవరూ ఉండరు ఈ లోకంలో.అయితే మేడిపల్లి లో ఓ విషాదం చోటు చేసుకుంది.అనుకోకుండా తల్లి మరణించడంతో ఆ కొడుకు కూడా ఆత్మ హత్య చేసుకున్నాడు.వివరాల్లోకి వెళ్తే..

శివకుమార్ అనే వ్యక్తికీ చిన్నతనంలోనే తండ్రి దూరం అయ్యాడు.పైగా పేద కుటుంబం దీంతో శివకుమార్ తల్లి కూలి పనులకు వెళ్తూ కుటుంబాన్ని పోషించింది.తండ్రి లేని కుమారుడు కావడంతో మరి ప్రేమగా చూసుకుంది తల్లి విజయ.ఎప్పుడూ కూడా తండ్రి లేని లోటు తెలియకుండా కొడుకును పెంచింది.శివకుమార్ 10 వ తరగతి దాక చదివాకా పెయింటర్ గా పనిచేస్తున్నారు. అయితే ఈ నెల 16 వ తారీఖున అనుకోకుండా వాటర్ మోటర్ ఆన్ చేస్తూ హఠాత్తుగా కరెంటు షాక్ కి గురయ్యి మరణించారు విజయ.దీంతో చిన్నతనం నుండి తనను ఎంతో ప్రేమతో చూసుకున్న తల్లి దూరం అవ్వడంతో శివకుమార్ మొన్నటిదాకా తీవ్రంగా రోదిస్తున్న ఉన్నారు.

representative image

నువ్వు లేని లోకంలో నేను ఉండీ ఉపయోగం ఏంటమ్మా అంటూ కన్నీటి పర్యంతం అయ్యారు.దగ్గర ఉన్నవాళ్లు ఎవరూ కూడా శివకుమార్ ను ఓదార్చలేకపోయారు. దీంతో తీవ్రమైన డిప్రెషన్ కు లోనయ్యారు శివకుమార్.అయితే మరుసటి రోజు తల్లి కర్మకాండ కార్యక్రమం అనగా ముందురోజు పెయింట్ లో వాడే ఒక కెమికల్ తో నిప్పు అంటించుకొని ఆత్మహత్య చేసుకున్నారు శివకుమార్.

ఆటోడ్రైవర్ అయిన తండ్రి కాలికి గాయం కావడంతో  ఏ పనికి వెళ్లలేని పరిస్థితి.. బతకడానికి వచ్చిన ఊరిలో లాక్ డౌన్ కారణంగా పనులు కూడా లేవు..సొంత ఊరికి వెళ్దామంటే తండ్రి నడవలేడు..దీంతో ఒక సైకిల్ కొని తండ్రిని వెనక కూర్చొబెట్టుకుని ఢిల్లి శివార్లలోని గురుగ్రామ్ నుండి బీహార్ లోని స్వగ్రామానికి బయల్దేరింది జ్యోతి..మొత్తం 1200కిమి ఏడు రోజుల్లో చేరుకుని అందరిని ఆశ్చర్యపరిచిన జ్యోతికి CFI (భారత సైక్లింగ్ సమాఖ్య) బంపర్ ఆఫర్ ప్రకటించి తనని ఆశ్చర్యపరిచింది.

బీహార్లోని దర్భాంగ్ కి చెందిన మోహన్ పాశ్వాన్ పొట్టకూటి కోసం ఢిల్లిలోని గురుగ్రామ్ కి వచ్చాడు.. అక్కడే కిరాయికి ఆటోరిక్షా తీసుకుని నడుపుకుంటూ కుటుంబాన్ని పోషించుకునేవాడు.లాక్ డౌన్ కారణంగా పనులు లేవు, కిరాయి కట్టలేదనే ఆటోరిక్షా కూడా లాక్కుపోయాడు ఓనర్.. ఏ పని చేయలేని పరిస్థితుల్లో ఇంటి అద్దె కట్టలేక అక్కడే ఉండి పస్తులుండే కంటే ఊరికి వెళ్లిపోవడం బెటర్ అనుకున్నాడు..చేతిలో ఉన్న 1000రూపాయల్లో 500తో ఒక పాత సైకిల్ కొన్నాడు..తండ్రిని వెనుక కూర్చొబెట్టుకుని జ్యోతి ప్రయాణం ప్రారంభించింది.

మద్యమద్యలో ఆగుతూ, రాత్రిపూట పెట్రోల్ బంక్స్ లో పడుకుంటే..ఎవరైనా దాతలు ఆహారం అందిస్తే దాన్నేతింటూ మొత్తానికి ఊరుచేరుకుంది..ఊరికి చేరుకోగానే తండ్రి కూతుర్లకు క్వారంటైన్ పరీక్షలు చేయగా నెగటివ్ వచ్చింది..ప్రస్తుతం ఇద్దరూ హోం క్వారంటైన్లో ఉన్నారు..జ్యోతి సాహసం సోషల్ మీడియాలో వైరల్ కావడంతో. కంటే కూతుర్నే  కనాలి అని మరోసారి నిరూపించింది అంటూ నెటిజన్లందరూ తనల్ని ప్రశంసల్లో ముంచెత్తారు..అయితే భారత సైక్లింగ్ సమాఖ్య తన ప్రతిభను గుర్తించి లాక్ డౌన్ తర్వాత ట్రయల్స్ కోసం ఢిల్లికి రావాలని కోరింది.ట్రయల్స్ లో తన టాలెంట్ నిరూపించుకుంటే జాతీయ సైక్లింగ్ అకాడమీలో శిక్షణ ఇస్తామనే ఆఫర్ ప్రకటించింది.

జ్యోతి ప్రయాణానికి, వసతికి అయ్యే పూర్తి ఖర్చు ఫెడరేషనే భరిస్తుంది.. అంతేకాదు జ్యోతితో పాటు మరొకరు వస్తే వారి ఖర్చులు కూడా పూర్తిగా తామే భరిస్తామని ప్రకటించింది..  ఢిల్లీలో జరిగే ట్రయిల్ లో జ్యోతి పాస్ అయినట్లయితే… న్యూఢిల్లీలోని IGI స్టేడియం కాంప్లెక్స్  దగ్గరున్న స్టేట్ ఆఫ్ ది ఆర్ట్ నేషనల్ సైక్లింగ్ అకాడమీలో ట్రైనీగా జ్యోతి సెలక్ట్ అవుతుంది. అకాడమీలో ఉన్న కంప్యూటరైజ్డ్ సైకిల్ పై తనకు పరీక్ష పెట్టి, ఎంపిక చేస్తారు..అక్కడ తనని తాను ప్రూవ్ చేస్కుంటే తర్వాత ట్రైనీలలో తను ఒకరిగా ఉంటుందని, తన ట్రైనింగ్ కి జ్యోతి నుండి ఒక్క రూపాయి కూడా తీసుకోమని CFI ప్రకటించింది.

జ్యోతికి ఈ ఆఫర్ ని ప్రకటించడం గురించి క్వశ్చన్ చేయగా. “జ్యోతిలో ఏదో తెలియని టాలెంట్ దాగి ఉంది.  1200 కి.మీ సైక్లింగ్ చేయడం మామూలు విషయం కాదు. జ్యోతి తప్పనిసరిగా బలం మరియు శారీరక ఓర్పు కలిగి ఉండడం మూలంగానే అది సాధ్యం అయిందని మేం నమ్ముతున్నాం.అందుకే తనని పరీక్షించాలనుకుంటున్నాం” అని CFI చైర్మన్ ఓనార్క్ సింగ్ అన్నారు..

వారం క్రితం వరకు ఆ అమ్మాయెవరో మనకి తెలీదు..ఇప్పుడు సోషల్ మీడియాలో తనొక స్టార్..లాక్ డౌన్ ఎత్తేశాక తనకొచ్చిన సదవకాశాన్ని వినియోగించుకుంటే తనెక్కడుటుందో కూడా మనం చెప్పలేం.. ఏం చెప్తున్నానో అర్దం కావట్లేదా..తండ్రి పట్ల తన ప్రేమను చాటుకున్న కూతురికి CFI ప్రకటించిన అవకాశాన్ని సద్వినియోగం చేసుకుంటే భవిష్యత్లో మనం జ్యోతిని ఊహించని స్థానంలో చూడవచ్చు..కంగ్రాట్స్ అండ్ ఆల్ ది బెస్ట్ జ్యోతి…

చాలా మంది సమస్యలకు భయపడి ఆత్మహత్య చేస్కుంటుంటారు..నిజానికి తమ ప్రాణాన్ని తీసుకునే హక్కు ఏ మనిషికి లేదు..అది చట్టరిత్యా నేరం కూడా.. కానీ ఏదైనా అనారోగ్య రీత్యా ఇక బతకడం అసాధ్యం అనుకుంటే, చావే శరణ్యం అనుకునే పరిస్థితిల్లో న్యాయస్థానం అనుమతి ద్వారా మెర్సీకిల్లింగ్ కి వెళ్లవచ్చు.. కానీ ఇది ప్రతి కేసుకి వర్తించదు..ప్రస్తుతం ఉన్న పాండమిక్ సిట్యుయేషన్లో నర్సులపై ఎటువంటి ఒత్తిడి ఉంటుందనేది జౌనిత నిట్ల అనే నర్సు బిబిసితో స్వయంగా పంచుకున్నారు.

రోగి ట్రీట్మెంట్ కి సహకరించకపోతే, మేమే స్వయంగా వెంటిలేటర్ తీసేస్తాం అని ప్రకటించారు… కానీ ఈ ప్రకటణ వెనుక ఎంతో వేదన ఉంది..అది ఎంత సుదీర్ఘమైన ప్రక్రియ..అది వారి రోజువారి జీవితంపై ఎలాంటి ప్రభావం చూపుతుంది..అనే ప్రతి విషయాన్ని పంచుకున్నారు..తన అనుభవాలు.. జౌనిత మాటల్లోనే.. “”వెంటిలేటర్లని తొలగించడం మానసికంగా చాలా బాధాకరంగా ఉంటుంది. ఒక్కొక్కసారి రోగి మరణానికి నేనే కారణమేమో అనిపిస్తూ ఉంటుందని” జౌనిత నిట్ల చెప్పారు. ఆమె లండన్ రాయల్ ఫ్రీ హాస్పిటల్‌లో ప్రధాన నర్స్ గా పని చేస్తున్నారు.

కరోనా శ్వాససంబంధమైన సమస్యలను కలిగిస్తుందని, రోగి సొంతంగా శ్వాస తీసుకోలేని పరిస్థితుల్లో ఊపిరితిత్తుల్లోకి ఆక్సిజన్ పంపించి, కార్బన్ డయాక్సైడ్‌ని బయటకి తెచ్చే పనిని ఈ వెంటిలేటర్లు చేస్తాయి. అలా అని కేవలం వెంటిలేటర్లు రోగి ప్రాణాన్ని కాపాడలేవు. కానీ కొన్ని ప్రత్యేక పరిస్తితుల్లో వెంటిలేటర్లను తొలగించాల్సిన కఠిన నిర్ణయాలు ఉన్నాయి. ఈ వెంటిలేటర్లు తొలగించడం అనేది వారి డ్యూటిలో ఒక భాగంగా చెప్పారు జౌనిత.

వెంటిలేటర్ తొలగించే ముందు, తర్వాత ఏం చేస్తారంటే..

గత నెలలో  నిట్ల పొద్దునే డ్యూటీకి వెళ్ళేటప్పటికి ఐసీయూలో చికిత్స పొందుతున్న ఒక కోవిడ్-19 రోగికి వెంటిలేటర్ తొలగించమని ఆదేశాలు అందాయి.ఆ రోగి కూడా కమ్యూనిటీ వైద్యంలో నర్సుగా పని చేసేవారు. వెంటనే నిట్ల ఆ రోగి కూతురితో మాట్లాడారు. “ఆమె ఆఖరి కోరికలు కానీ, మతపరంగా పాటించాల్సిన అంశాలు ఏమన్నా ఉన్నాయేమోనని అడిగి తెలుసుకున్నారు.

ఐసీయూలో  ఆ రోగితో పాటు, మరో ఎనిమిది మంది ఉన్నారు..వారెవరూ స్పృహలో లేరు.. రోగి చుట్టు ఉన్న అన్ని కర్టెన్లు వేసేసి, అలారం ఆపేసాను. నేను ఆ పని చేసేటప్పుడు “వైద్య బృందం అంతా ఒక్క క్షణం మౌనంగా ఉంటారు. మా రోగుల సౌకర్యం కూడా మాకు ముఖ్యమే” అని నిట్ల చెప్పారు.తర్వాత “నేను నెమ్మదిగా ఫోన్ రిసీవర్‌ను రోగి చెవి దగ్గర పెట్టి వాళ్ళ అమ్మాయిని మాట్లాడమన్నాను”. నిజానికి వాళ్లు వీడియో కాల్ చేయమని అడిగారు, కానీ ఐసియు మొబైల్స్ అనుమతించరు. రోగి కుటుంబం కంప్యూటర్లో ఒక మ్యూజిక్ ని ప్లే చేయమని అడిగారు.. తన ప్రాణం వదిలే వరకు నేను ఆమె చేతిని పట్టుకుని పక్కనే నిల్చున్నాను… “వెంటిలేటర్ తొలగించిన ఐదు నిమిషాల్లోనే ఆ రోగి మరణించారు”. రోగి వాళ్లమ్మాయి తనతో మాట్లాడుతూనే ఉంది “నాకు అదొక ఫోన్ కాల్ మాత్రమే , కానీ అది ఆ రోగి కుటుంబానికి చాలా ముఖ్యమైన క్షణం.

“నేను ఐసీయూలో మానిటర్ మీద ఫ్లాష్ లైట్లని చూసాను. గుండె కొట్టుకునే వేగం సున్నాకి పడిపోయింది. స్క్రీన్ మీద ఫ్లాట్ లైన్ కనిపించింది”. రోగికి ఉన్న మత్తుమందు ట్యూబ్ లను తొలగించి, ఒక కొలీగ్ సాయంతో ఆమెకి మంచం మీదే స్నానం చేయించి తెల్లని వస్త్రంలో చుట్టాం. ఆమె నుదుటి మీద సిలువ గుర్తు పెట్టి ఆమె శరీరాన్ని బ్యాగ్‌లో పెట్టాం” అప్పటికి తన కూతురు ఫోన్లో మాట్లాడుతూనే ఉంది..అప్పుడు రిసీవర్ తీసుకుని తన తల్లి మరణించిందని చెప్పాను.

కరోనా రోజుల్లో ఇలాంటి పరిస్థితి వస్తే కనీసం రోగులను చూడడానికి కుటుంబ సభ్యులను అనుమతించేవాళ్లం, కానీ ఇప్పుడు ఆ సదుపాయం కూడా లేదు అని భారమైన హృదయంతో నిట్ల చెప్పారు. నా కళ్లముందే కొందరు శ్వాస ఆడక ఇబ్బంది పడుతూ, చివరిశ్వాస విడుస్తారు.. అలాంటివి రాత్రిపూట భయం కలిగిస్తుంటాయి..కాని అది కూడా నా డ్యూటిలో భాగం అని ధైర్యం చెప్పుకోవడానికి  ప్రయత్నిస్తాను..ప్రస్తుతం ఉన్న పాండమిక్ సిట్యుయేషన్లో మాకు మేమే ధైర్యం చెప్పుకుంటున్నాం..కానీ మాట్లాడుకునేప్పుడు మాటల్లో వచ్చే వణుకుని బట్టి అందరూ భయంతోనే గడుపుతున్నారనేది అర్దం అవుతుంది అని తమ పరిస్థితిని వివరించారు జౌనిత నిట్ల.

source: bbc