Human angle

కరోనా మహమ్మారి కారణంగా ప్రపంచ వ్యాప్తంగా అన్ని దేశాలలో లాక్ డౌన్ విధించిన విషయం తెలిసిందే .భారత దేశంలో కూడా గత నెల రోజుల నుండి లాక్ డౌన్ అమలులో ఉంది.కరోనా వైరస్ వ్యాప్తి చెందకుండా ఉండాలని సామాజిక దూరం ప్రతీ ఒక్కరు పాటించాలని కేంద్ర ,రాష్ట్ర ప్రభుత్వాలు పిలుపుని ఇచ్చాయి ..దీంతో ప్రజలు తీవ్ర ఇబ్బందులు ఎదుర్కొంటున్నారు .ఈ నేపథ్యంలో ప్రతీ ఒక్కరు ఇళ్లకే పరిమితమయ్యారు .

అకస్మాత్తుగా విధించిన లాక్ డౌన్ తో ఎక్కడి వారు అక్కడ చిక్కుకుపోయారు ..దీంతో వేరు వేరు ప్రాంతాల నుండి వచ్చి పని చేసుకుంటున్న వలస కూలీలు తమ సొంత ప్రాంతానికి వెళ్ళడానికి వీలు లేక చాలా ఇబ్బందులు ఎదుర్కుంటున్నారు ..లాక్ డౌన్ కారణంగా రోజుకో కధ వెలుగులోకి వచ్చి కన్నీరు పెట్టిస్తుంది.ఈ మధ్య కాలంలో సొంత ఊరు చేరేందుకు రవాణా మార్గాలు లేనందున నడుచుకుంటూ వెళ్లిన బాలిక మధ్యలో మృతి చెందిన విషయం తెలిసిందే ..ఈ నేపథ్యంలో ముంబై లో ఉంటున్న ఓ యువకుడు సైకిల్ పై తన స్వస్థలానికి చేరేందుకు 1300 కిలోమీటర్లు ప్రయాణించాడు..ఆ వివరాలేంటో ఇప్పుడు చూద్దాం .

లాక్ డౌన్ కారణంగా వలస కూలీలు తమ స్వస్థలానికి చేరుకునేందుకు వివిధ మార్గాలను ఎంచుకుంటున్నారు ..ఈ నేపథ్యంలో సంజయ్ రాంపాల్ స్వస్థలం హర్యానా లోని చార్కిడల్లో ఒంటరిగా తన తల్లితో నివాసం ఉంటున్నాడు .మూడు నెలల క్రితం సంజయ్ రామ్ పాల్ సినిమాలలో అవకాశం కోసం ముంబై వచ్చాడు.మొదటసారి లాక్ డౌన్ ఎత్తివేస్తారని ఇంటికి వెళ్ళడానికి టికెట్ బుక్ చేసుకున్నాను కానీ లాక్ డౌన్ పొడిగించడంతో ఇంటికి వెళ్ళలేకపోయాను అని సంజయ్ రాంపాల్ తెలిపారు.

representative image

ఎలా  అయినా ముంబై నుండి హర్యానా కి వెళ్లి తన తల్లి ఈ లాక్ డౌన్ పరిస్థితులలో ఎలా నివసిస్తుందో చూడాలని నిశ్చయించుకున్నాను ..దాని కోసం ఓఎల్ఎక్స్ లో సైకిల్ తీసుకోని 1300 కిలోమీటర్లు ప్రయాణించి  నా తల్లి వద్దకు చేరుకున్నాను .రోజుకి ఎనభై నుండి తొంబై కిలోమీటర్లు సైకిల్ మీద ప్రయాణిస్తూ 16 రోజులకు ఇంటికి చేరుకున్నానని సంజయ్ తెలిపారు .

ఎంత సొంత వారికైనా డబ్బులు ఇవ్వాలంటే లక్ష సార్లు ఆలోచిస్తారు.కానీ కర్ణాటకకు చెందిన ఇబ్బరు అన్నదమ్ములు మాత్రం తన సొంత స్థలాన్ని అమ్మి మరీ పేదలకు సహాయం చేస్తున్నారు ..కరోనా వైరస్ వలన విధించిన లాక్ డౌన్ వలన ప్రజలు ఎన్నో సమస్యలను ఎదుర్కుంటున్నారు .ఇలా ఇబ్బందులు పడుతున్నవారికి సహాయం చెయ్యాలని అనుకున్నారు కర్ణాటక కోలార్ జిల్లాకు చెందిన తాజుమ్ముల్ పాషా మరియు ముజిమ్మిల్ పాషా అనే ఇద్దరు వ్యాపారవేత్తలు .లాక్ డౌన్ వలన కష్టాలు ఎదుర్కుంటున్న ప్రజలకు తమ భూమి 25 లక్షల రూపాయలకు అమ్మి ఆ డబ్బుతో అవసరం ఉన్న ప్రజలకు సాయం అందిస్తున్నారు .

ప్రస్తుత పరిస్థితులలో లాక్ డౌన్ వలన రిజిస్ట్రేషన్ ఆఫీసులు తాత్కాలికంగా నిలిపి వేయడంతో తమ స్నేహితుడికి బాండ్ పాపేరుపై భూమిని రాసి ఇచ్చి అతని దగ్గర నుంచి 25 లక్షల రూపాయలు తీసుకున్నామని పాషా బ్రదర్స్ తెలిపారు ..లాక్ డౌన్ గడువు ముగిసాక రెజిస్ట్రేషన్ ఆఫీస్ తెరవగానే ఆ భూమిని తన స్నేహితుడికి రాసి ఇస్తామని తెలిపారు ..

పాషా బ్రదర్స్ ప్రస్తుతం అరటి సాగు మరియు రియల్ ఎస్టేట్ బిజినెస్ లు చేస్తున్నారు ..వీరి బాల్యంలోనే తల్లితండ్రులను కోల్పోయారు .ఆ సాయమానికి తాజుమ్ముల్ కు ఐదు సంవత్సరాలు ,ముజమ్మిల్ కు మూడు సంవత్సరాలు.తల్లితండ్రులను కోల్పోవడంతో అన్నదమ్ములిద్దరూ చిన్నతనంలోనే అమ్మమ్మ ఊరైన కోలార్ కు వచ్చేసారు ..

‘మేము తల్లితండ్రులను చిన్నతనంలోనే కోల్పోయాం . దాంతో మేం చిక్‌బాలాపూర్ నుంచి కోలార్‌లోని మా అమ్మమ్మ ఇంటికి వచ్చాం. అలా వచ్చినప్పుడు ఇక్కడి స్థానికులైన హిందువులు, సిక్కులు, ముస్లింలు ఎటువంటి కుల ,మత,ప్రాంత బేధాలు లేకుండా మాకు సహాయం చేశారు. అందుకే ఈ సమయంలో వారికీ సాయపడాలని మేం నిశ్చయించుకున్నాం . లాక్డౌన్ కారణంగా రోజువారీ కూలీలు, కార్మికులు మరియు వారి కుటుంబాలు తీవ్ర ఇబ్బందులు ఎదుర్కోవడం చూసి.. మా భూమిని అమ్మాలని నిర్ణయించుకున్నాం. ఆ భూమి అమ్మగా వచ్చిన డబ్బుతో పేద ప్రజలకు అవసరమైన ఆహార ధాన్యాన్ని కొనాలని నిర్ణయించుకున్నాం’ అని తాజమ్ముల్ పాషా తెలిపారు.

సోదరులిద్దరూ భూమిని విక్రయించగా వచ్చిన డబ్బుతో ధాన్యంతో పాటు నిత్యావసర సరుకులను కొన్నారు. తమ ఇంటి పక్కనే టెంట్ వేసి కూలీలు మరియు నిరాశ్రయులకు భోజన సదుపాయం కూడా కల్పిస్తున్నారు. ఇప్పటివరకు ఆ ఇద్దరు సోదరులు 3 వేలకు పైగా కుటుంబాలకు ఆహార ధాన్యాలు, నూనె, చక్కెర మరియు ఇతర నిత్యావసరాలను అందించారు . అంతేకాకుండా హ్యాండ్ అవసరమైన వారికీ 0 శానిటైజర్లు మరియు మాస్కులు కూడా అందిస్తున్నారు . ఈ పంపిణీ జరగడానికి కోలార్ అధికారులు పాసులు జారీ చేశారు. దాంతో ఎటువంటి సమస్య లేకుండా ప్రతిరోజూ సరుకులు మరియు ఆహార పంపిణీ చేస్తున్నారు.

ఒకవైపు కరోనా.. మరోవైపు ఆకలి..చేయడానికి పనులు లేవు, చేతిలో చిల్లిగవ్వ లేదు.. రెక్కాడితే కాని డొక్కాడని పరిస్థితి.. ఇంట్లో మతి భ్రమించిన అమ్మ, అవిటి చెల్లి.. వారి కడుపు నింపడానికి దొంగతనానికి తెగించాడు ఆ అన్న . పోలీసులకి దొరికిపోయాడు, చివరికి న్యాయస్థానంలో అతడి కథ విన్న న్యాయమూర్తి అతడికి శిక్ష వేయకుండా పరిహారంగా తిరిగి తనే కొన్ని సరుకులు కొని పంపించాడు..ఇది ఏ సినిమా కథో కాదు. నిజంగా జరిగిన కథ..ఈ కరోనా కాలంలో మనుషుల్ని కదిపితే మనసుల్ని కదిలించే ఇలాంటి కథలెన్నో.

representative image

బీహార్ కి చెందిన 16ఏళ్ల కుర్రాడు ఇస్లాంపూర్ మార్కెట్లో పనిచేసేవాడు. లాక్ డౌన్ విధించడంతో పని లేకుండా పోయింది. దాంతో తిండిలేక తీవ్ర ఇబ్బందులు పడాల్సి వచ్చింది, ఎక్కడ పనికి వెళ్దామనుకున్నా కరోనా భయంతో ఎవరూ పనిలో చేర్చుకోలేదు..దాంతో గత నెల మార్కెట్లో ఒక మహిళ పర్సు దొంగతనం చేశాడు. సిసి టివి పుటేజ్ ఆధారంగా పోలీసులు ఆ కుర్రాన్ని పట్టుకుని  నలందాలో న్యాయస్థానంలో ప్రవేశ పెట్టారు.

representative image

అక్కడి మేజిస్ట్రేట్ మన్వేంద్ర మిశ్రా దొంగతనం ఎందుకు చేశావాని కుర్రాణ్ని ప్రశ్నించగా.. “తండ్రి కొన్నేళ్ల క్రితమే చనిపోయాడు, తల్లి మానసికంగా కృంగిపోయింది. 12ఏళ్ల తమ్ముడు ఉన్నాడు.వాళ్లిద్దరికి తిండి పెట్టాల్సిన బాధ్యత నాదే. పనులు దొరకకపోవడంతో, వారి ఆకలి తీర్చడానికి దొంగతనం చేశానని చెప్పుకొచ్చాడు. కుర్రాడి మాటలు విన్న జడ్జి చలించిపోయి, కుర్రాణ్ని క్షమించి వదిలేయడమే కాకుండా తన సొంత డబ్బులతో ఆ పిల్లాడి కుటుంబానికి కావలసిన నిత్యావసర సరుకులు కొనాల్సిందిగా కోర్టు సిబ్బందిని అభ్యర్దించారు.

representative image

ఇవే కాదు కాలు విరిగి, సరైన ట్రీట్మెంట్ లేక కర్రల సాయంతో నడుస్తున్న ఆ కుర్రాడికి కుడికన్ను కనిపించదు, గులకరాళ్లు తగిలి దృష్టిపోయింది. కుర్రాన్ని తీసుకుని, జడ్జి ఆ కుర్రాడి కుటుంబానికి ఇవ్వమన్న నిత్యావసర సరుకులని తీసుకుని వారి ఇంటికి వెళ్లిన పోలీసులను చలింపచేసేలా అక్కడ పరిస్థితులు ఉన్నాయి. ఆ బాలుడి కుటుంబం ఉంటున్న ఇంటికి గోడలు తప్ప, ఇల్లు అనడానికి ఏ వస్తువులు లేవు.. అత్యంత పేదరికంలో ఆ కుర్రాడు చేసిన పనికి వారెవరికి కోపం రాకపోగా, బాధతో కన్నీళ్లొచ్చాయి.

representative image

ఆ కుర్రాడి కుటుంబానికి రేషన్ కార్డు, ఆధార్ కార్డు లేదు. భవిష్యత్తులో ఈ కుర్రాడి కుటుంబం ఆకలితో ఉండకూడదని, అర్హత ఉన్న అన్ని సంక్షేమ పథకాల ప్రయోజనాలను కూడా పొందేలా చర్యలు తీసుకోవాలని న్యాయమూర్తి మిశ్రా స్థానిక అధికారులను ఆదేశించారు. జడ్జి ఆదేశాల మేరకు అక్కడికి చేరుకుని , పరిస్థితులను గమనించిన అధికారులు తొందరలోనే వారి కుటుంబానికి రేషన్ కార్డు,ఇతర సంక్షేమ పథకాలు అందేలా చూస్తామని అన్నారు..