News

ఆంధ్రప్రదేశ్, తమిళనాడు మరియు కర్ణాటక రాష్ట్రాలలో పలు ప్రాంతాలలో భారీగా వర్షాలు పడుతున్నాయి. దాంతో లోతట్టు ప్రాంతాలు జలమయం అవుతున్నాయి.  వరదలు చోటు చేసుకోవడం వల్ల ఎటువంటి సదుపాయాలు లేకపోవడంతో చాలా మంది ఇబ్బందులు పడుతున్నారు.

ఈ విధంగానే రాయలచెరువు వద్ద కూడా భారీ వర్షాలు పడటంతో పరిసర ప్రాంతాలకు ప్రమాదం ఉంటుందని ముందుగానే అధికారులు చర్యలు తీసుకున్నారు.

సుమారుగా పది రోజుల వరుసగా భారీ వర్షాల కారణంగా రాయలచెరువుకు చిన్న గండి పడింది దాంతో ఎన్డీఆర్ఎఫ్ బృందాలు మరియు అధికారులు కలిసి ఆ నీరుని ఆపేందుకు ఇసుక బస్తాలను ఉపయోగించి అడ్డుకట్ట వేశారు. అయినా సరే ప్రమాదం తగ్గలేదు, చుట్టుపక్కల ఉండే ప్రాంతాలు నీటిమట్టం అయిపోయాయి. లోతట్టు ప్రాంతాలలో ఉండే ఇల్లులు నీటితో మునిగిపోయాయి.

దాంతో అక్కడ అధికారులు ప్రజలను సురక్షితమైన ప్రాంతాలకు తరలించి వారికి వసతితో పాటుగా ఆహారాన్ని కూడా అందించారు. ఇంత తీవ్రమైన పరిస్థితి 1991 లో వచ్చిందట, ఆ తర్వాత ఇదే రావడం. నీరు ఎక్కువగా ఉండడంతో రోడ్లు కూడా బ్లాక్ చేయడం జరిగింది. డాబా ఇల్లులు ఉన్నవారైనా కూడా ఫస్ట్ ఫ్లోర్ కి వెళితేగాని సురక్షితమని భావించట్లేదు. అలాంటిది చిన్న ఇల్లు ఉన్న వారి పరిస్థితి ఎంత విషమంగా ఉంటుందో మనమే అర్థం చేసుకోవాలి.

రాబోయే రెండు మూడు రోజుల వరకు ఇదే పరిస్థితి ఉండవచ్చని అక్కడి ప్రజలు భావిస్తున్నారు. అయితే ఇళ్లలో ఉండే సామాన్లను, ప్రజలను వేరే ప్రదేశాలకి చేర్చడానికి తెప్పను ఉపయోగిస్తున్నారు.  ఇంత దారుణమైన పరిస్థితి గురించి అందరికీ తెలియాలని ప్రముఖ సీరియల్ నటి మాధురి రెడ్డి గారు ఒక వీడియో ద్వారా అందరితో పంచుకున్నారు. అయితే ఈ వీడియో నెట్టింట్లో వైరల్ గా మారింది.

Featured image source: Madhureddy official Youtube channel

గత వారం రోజులుగా ఆంధ్రప్రదేశ్ లోని పలు ప్రాంతాలు వరద భీభత్సంతో అల్లాడుతున్న సంగతి తెలిసిందే. వరసగా వర్షాలు పడుతుండడంతో వరద తలెత్తి రాష్ట్రంలో పలు చోట్ల ఇబ్బందికర పరిస్థితులు నెలకొన్నాయి. ఇవి ఇంకా సద్దుమణగనే లేదు అప్పుడే మరో ఇబ్బందికర పరిస్థితి రాబోతోంది.

తాజాగా వెదర్ మ్యాన్ ఇచ్చిన రిపోర్ట్ చూస్తే కొంతైనా అలజడి కలగక మానదు. మరో మూడు రోజుల్లో పరిస్థితి మరింత ఇబ్బందికరంగా మారొచ్చని వెదర్ మ్యాన్ చెబుతున్నారు. మరో మూడు రోజుల్లో ఊహించని విధంగా వర్షాలు కురిసే అవకాశం ఉందని పేర్కొన్నారు.

బంగాళాఖాతంలో ఏర్పడ్డ అల్పపీడనం ప్రభావంతో నవంబర్ 27 నుంచి అతిభారీ వర్షాలు కురిసే అవకాశం ఉందని పేర్కొన్నారు. నెల్లూరు, చిత్తూరు, కడప, ప్రకాశం జిల్లాలలో కుండపోత వర్షాలు కురిసే అవకాశం ఉందన్నారు. అనంతపురం, గుంటూరు- కోస్తా, కృష్ణా- కోస్తా జిల్లాలో కూడా ఓ మాదిరి భారీ వర్షాలు కురిసే అవకాశం ఉందన్నారు. ఇప్పటికే కురిసిన వర్షాల వలన చెరువుల్లోనూ, వాగుల్లోనూ, బావుల్లోనూ నీరు అలానే ఉంది. చాలా ప్రాంతాల్లో రోడ్లపై నీరు ఇంకా ఇంకిపోలేదు.

ఈ క్రమంలో తిరిగి వర్షాలు పడితే.. పరిస్థితి మరింత ఇబ్బందికరంగా మారే అవకాశం ఉంది. అందుకే కనీసం పది రోజులకు సరిపడా అవసరమైన సరుకులు తెచ్చిపెట్టుకోవాలని, ముఖ్యమైన పనులు ఉంటె నవంబర్ 26 లోపు పూర్తి చేసుకోవాలని వెదర్ మ్యాన్ చెబుతున్నారు. అలాగే మీ చుట్టూ ఉండే అధికారుల నంబర్లు, వారు ఎక్కడ అందుబాటులో ఉంటారో తెలుసుకోవాలని చెబుతున్నారు.

ఈ మూడు రోజులు మీరు చేయాల్సిన పనులు –
====
1) మీ చుట్టూ ఉండే అధికారుల నంబర్లు, వారు ఎక్కడ అందుబాటులో ఉంటారో తెలుసుకోండి.
2) వరద తీవ్రత ఎక్కువగా ఉంటుంది కాబట్టి పడవ అందుబాటులో ఉంచుకోవడం మంచిది.

(1/2)

— Andhra Pradesh Weatherman (@APWeatherman96) November 23, 2021