News

సుఖీభవ సుఖీభవ అంటూ ఓ షార్ట్ వీడియో తో “శరత్” అనే కుర్రాడు బాగా పాపులర్ అయ్యాడు. ఓ యాడ్ ను తీసుకుని ఆ డైలాగ్స్ తో అతను చేసిన వీడియో నెట్టింట్లో ప్రేక్షకుల్ని బాగా ఆకర్షించింది. రెడ్ లేబుల్ యాడ్ లో ఓ అమ్మాయి ట్రాఫిక్ సిగ్నల్ వద్ద ఆగిన ప్రయాణికులకు టీ ఇస్తూ ఉంటుంది. వారు తిరిగి డబ్బులు ఇవ్వబోతే తీసుకోదు.. “వద్దమ్మా.. పక్కనే టీ కొట్టు పెట్టాను.. డబ్బులు వద్దు కానీ.. మీ ఆశీర్వాదం ఇవ్వండి..” అని అడుగుతుంది.

ఓ కార్ లో ఉన్న పెద్దావిడ ఆమెని సుఖీభవ అని దీవిస్తుంది. దీనిని ఈ శరత్ అనే కుర్రాడు ఫన్నీ వీడియోలాగా చేసి వైరల్ చేసాడు. చివర్లో “సుఖీభవ.. సుఖీభవ..” అంటూ అతను చేసిన డాన్స్ చూసి నెటిజన్లు నవ్వకుండా ఉండలేకపోయారు. రెండురోజుల్లో అతని పేరు, అతని వీడియో ఎక్కడ చూసినా మారుమ్రోగిపోయింది. అయితే.. నిన్న రాత్రి అతనిపై దాడి జరిగింది. అతన్ని దారుణంగా కొట్టారు. ఎవరో హిజ్రాలపై అతను కామెంట్స్ చేయడం వల్ల.. ఆ హిజ్రాలే శరత్ ను కొట్టి ఉంటారు అంటూ మీడియాలో వార్తలు వచ్చాయి.

అయితే ఈ వార్తలన్నీ అవాస్తవాలు అని శరత్ స్పందించారు. తాజాగా.. ABN మీడియా తో మాట్లాడిన శరత్ తనపై దాడికి గల కారణాన్ని వివరించారు. గతం లో నా చెల్లిని వేధిస్తున్న సాయి, హరి వర్గం వ్యక్తులపై దాడి చేసానని.. ఈ కేసు విషయమై జైలు కూడా వెళ్లాలని చెప్పుకొచ్చాడు. జైలు నుంచి బయటకు రాగానే నాకు రెండు సినిమాలలో ఆఫర్స్ రావడంతోనే నా వ్యతిరేక వర్గం వారు నాపై దాడికి పాల్పడ్డారు అని శరత్ వివరించారు. ఓ వైపు శరత్ పై దాడి జరిగితే.. అందుకు కూడా అతన్ని ట్రోల్ చేస్తూ మీమ్స్ వచ్చాయి. అతనికి ఉన్నట్లుండి పాపులారిటీ రావడం వల్ల గిట్టనివారు ఇలా విమర్శిస్తున్నారు అని శరత్ పేర్కొన్నారు. కాగా.. తనపై దాడి చేసిన వ్యక్తుల గురించి శరత్ పోలీస్ స్టేషన్ ఫిర్యాదు చేశారట.

ఆధార్ కార్డు ను భారత పౌరుల గుర్తింపు కోసం రూపొందించిన సంగతి తెలిసిందే. పౌరుల గుర్తింపు కార్డు.. అన్ని ప్రభుత్వ పధకాల లబ్ది కి ఈ కార్డు తప్పని సరి గా ఉండాల్సిందే. అయితే.. డిజిటల్ గానో.. లేక ప్రభుత్వ ఉద్యోగుల పొరపాట్ల కారణం గానో కార్డు ముద్రణ లో జరిగే దోషాలు సామాన్యుల పాలిట శాపాలవుతున్నాయి. ఓ ఆధార్ కార్డు లో జరిగిన పొరపాటు ఓ బామ్మ పాలిట శాపమైంది.

పూర్తి వివరాల్లోకి వెళితే, అనంతపురం జిల్లా ఉరవకొండ పట్టణానికి చెందిన గాంధీ చౌక్ ఏరియా లో షేక్ అమ్మి నబి అనే బామ్మ గత యాభై ఏళ్లుగా అదే స్థలం లో నివాసం ఉంటున్నారు. ముప్పై సంవత్సరాల క్రితం ఆమె భర్త మరణించాడు. ఉన్న నగదు ను సరిపెట్టి కూతురికి పెళ్లి చేసింది. ఆ తరువాత నుంచి..దాదాపు ఇరవై సంవత్సరాలు గా పెన్షన్ పైనే ఆధారపడి జీవిస్తోంది.

మొదట్లో రెండు వందల రూపాయల పెన్షన్ వచ్చేది. ఆ తరువాత చంద్రబాబు నాయుడు హయాం లో రెండువేల నగదు, ప్రస్తుతం రెండువేల రెండొందల యాభై రూపాయల పెన్షన్ తో ఆమె బతుకుని వెళ్లదీస్తోంది. ఉన్నట్లుండి.. గత రెండు నెలలు గా ఆమెకు పెన్షన్ రావడం ఆగిపోయింది. ఎందుకు ఆగిపోయిందో చెప్పాలంటూ ఆమె అధికారులను నిలదీసింది.

అయితే, అధికారులు ఆమె ఆధార్ ప్రూఫ్ ని పరిశీలించి.. మీ వయసు ప్రభుత్వ రికార్డు లలో కేవలం పదహారేళ్లు ఉందని చెప్పారు. ఆధార్ కార్డు తో పాటు.. వారి రికార్డ్స్ లో 16 సంవత్సరాల వయసు ఉండడం వల్లే పెన్షన్ ఆగిపోయిందని చెప్పారు. దీనితో ఆ బామ్మ షాక్ అయింది. ఇరవై ఏళ్ళు గా పెన్షన్ ఇస్తూ..ఇప్పుడు ఈ కారణం తో పెన్షన్ ను ఆపేయడం అన్యాయం అని ఆ బామ్మ ఆవేదన చెందుతోంది. వయసు మార్చమని అడిగిన.. అందుకు ఆధారాలు ఇవ్వాలని అడుగుతుండడం తో.. ఆమెకు ఏమి చేయాలో పాలుపోవడం లేదు. ఎవరో చేసిన తప్పు.. ఆమె పాలిట శాపమైంది. ఆమె ఆధార్ లో వయసు తప్పు ఉండడం వల్లనే ఆమెకు ఇన్ని ఇక్కట్లు ఎదురయ్యాయి.

Watch Video: