News

గత కొద్ది సంవత్సరాలుగా పూజ హెగ్డే తెలుగులో స్వర్ణ యుగం చూసిందని చెప్పాలి. ఆమె బిజీ షెడ్యూల్ చూసిన టాలీవుడ్ ప్రేక్షకులు మరికొన్నాళ్లు ఆమె ఇక్కడ తిరుగులేని తారగా వెలుగొందుతుంది అనుకున్నారు. కానీ అనూహ్యంగా ఆమె కెరియర్ ఫాల్డౌన్ అయిపోయింది. ఇలాంటి పరిస్థితి వస్తుందని ప్రేక్షకులే కాదు పూజ కూడా ఊహించి ఉండదు. పూజ హెగ్డే మూగమూడి అనే చిత్రం ద్వారా కోలీవుడ్ కి ఎంట్రీ ఇచ్చింది. ఆ చిత్రం నిరాశపరచడంతో అక్కడ ఎవరూ ఆమెని పట్టించుకోలేదు. అలాంటి సమయంలో టాలీవుడ్ ఆమెకు చేయూతనిచ్చింది.

అలవైకుంటపురం సినిమా ఆమెని తెలుగులో తిరుగులేని తారగా నిలబెట్టింది. తరువాత వరుసగా స్టార్ హీరోలు అందరి పక్కన నటించడంతోపాటు తమిళంలో విజయ్ తోను హిందీలో సల్మాన్ ఖాన్ తోను నటించింది. అయితే సినిమాలు వరుసగా ఫ్లాప్ కావడంతో పూజ హెగ్డే కు కష్టాలు మొదలయ్యాయని చెప్పవచ్చు. అదే సమయంలో గుంటూరు కారం, ఉస్తాద్ భగత్ సింగ్ లాంటి క్రేజీ ప్రాజెక్ట్ నుంచి అనూహ్యంగా బయటికి వచ్చేయటంతో ప్రస్తుతం ఆమె చేతిలో తెలుగు సినిమాలేవి లేకుండా అయిపోయాయి.

అయితే టాలీవుడ్ ఇండస్ట్రీని లైట్ తీసుకున్న పూజ హెగ్డే బాలీవుడ్ లో తన అదృష్టం పరీక్షించుకోవాలనుకుంది. కానీ అక్కడ కూడా కెరియర్ ఆశాజనకంగా లేకపోవడంతో మళ్లీ తెలుగు సినిమాల మీద ఫోకస్ పెట్టినట్లు సమాచారం. అందుకుగాను పూజా పాపా ఎన్నడూ నేను విధంగా రెమ్యూనరేషన్ విషయంలో బేరాలు సాగిస్తున్నట్లు సమాచారం.

ఇంతకుముందు మూడు కోట్లకు అటు ఇటుగా ఉండే ఈ భామ ఇప్పుడు అందులో సగం రెమ్యూనరేషన్ ఇచ్చినా సినిమా చేయడానికి సిద్ధంగా ఉంది. మిడ్ రేంజ్ సినిమాలు తీయడానికి కూడా ఆమె సిద్ధంగా ఉన్నట్లు సమాచారం. ప్రస్తుతం ఈ భామ సౌత్ సినిమాలకు తగినట్లుగా ట్రెడిషనల్ లుక్ తో ఎంతో అందంగా, ఆకర్షణీయంగా కనిపిస్తూ తెగ ఫోటో షూట్ లు చేస్తుంది. మరి తగ్గించుకున్న రెమ్యూనరేషన్ వల్ల పూర్వ వైభవం తిరిగి వస్తుందో లేదో వేచి చూడాల్సిందే.

బిగ్ బాస్ సీజన్ 6 కంటెస్టెంట్ వాసవి కృష్ణన్ గురించి ప్రత్యేకమైన పరిచయం అవసరం లేదు. తిరుపతికి చెందిన ఈ అమ్మాయి మోడల్ గా కెరియర్ ని ఆరంభించి సంపూర్ణేష్ బాబు నటించిన కాలీఫ్లవర్ లో హీరోయిన్ గా నటించింది. ఆ తర్వాత వాంటెడ్ పండుగాడు లో నటించింది. అయితే ఆ సినిమాల ద్వారా ఆమెకు తగినంత గుర్తింపు రాలేదనే చెప్పాలి.

అదే సమయంలో బిగ్ బాస్ సీజన్ సిక్స్ లో కంటెస్టెంట్ గా అడుగుపెట్టింది వాసవి. అతి తక్కువ సమయంలోనే హౌస్ నుంచి బయటకు వచ్చేసింది ఈ భామ. తర్వాత కూడా ఆమెకి సినిమా అవకాశాలు పెద్దగా లేకపోవడంతో సీరియల్స్ లో నటించి అలరించింది. ఇక ఆమె పర్సనల్ విషయానికి వస్తే ఆమెకి కాబోయే భర్త పవన్ కళ్యాణ్ సినిమాలలో చిన్న చిన్న క్యారెక్టర్లు వేస్తూ ఉంటాడు. అయితే వీరిద్దరూ కలిసి ఈ మధ్య ఒక యూట్యూబ్ ఛానల్ ఇంటర్వ్యూలో పాల్గొన్నారు.

ఇప్పుడు ఆ ఇంటర్వ్యూ తెగ వైరల్ అవుతుంది. అందుకు కారణం ఆమె కాబోయే భర్తతో ముద్దులతో రెచ్చిపోవడమే. ఇంతకీ ఆ ఇంటర్వ్యూలో ఏం జరిగిందంటే వాసంతి కృష్ణన్ వ్యక్తిగత, సినీ విశేషాలను చర్చించిన తరువాత యాంకర్ వారికి ఒక టాస్క్ ఇచ్చింది. బౌల్ లో ఉన్న ద్రాక్ష పళ్ళను చేతులతో పట్టుకోకుండా నోటితో ఒకరికి ఒకరు తినిపించుకోవాలి, అలా ఎక్కువగా ఎవరు తినిపిస్తే వాళ్ళు గెలిచినట్లు అని యాంకర్ చెప్పడంతో ముందుగా వాసంతి పవన్ కళ్యాణ్ కి నోటితో ద్రాక్ష పండుని అందించింది.

తర్వాత పవన్ కళ్యాణ్ కూడా అదే పని చేశాడు. అయితే ఈ వీడియో చూసిన నెటిజన్స్ మాత్రం షాక్ అయ్యారు. చాలామంది ఈ వీడియో పై ఫైర్ అయ్యారు కూడా. వాళ్ళు ప్రేమికులు అయినా, భార్యాభర్తలు అయినా సరే మీడియా ముందు ఇలాంటి పనులు చేయొద్దు అంటూ సలహా ఇస్తున్నారు. యూట్యూబ్ ఛానల్స్ కి సెన్సార్ షిప్ తీసుకురావాలి, అవి వాటి పరిమితిని దాటిపోతున్నాయి అని మరొక నెటిజన్ ఫైర్ అవుతూ కామెంట్ చేశాడు.

Telugu Media Channel Interview with Guests 😳😳😳😳

pic.twitter.com/GuFPhPvVm3

— GetsCinema (@GetsCinema) February 18, 2024

మొదటిసారి ఒంటరిగా రైలు ఎక్కిన ఒక యువతి అక్కడ జరిగిన దృశ్యాన్ని తన అక్కతో పంచుకోవడంతో వాళ్ళ అక్క దాన్ని సోషల్ మీడియాలో షేర్ చేసింది. దాంతో ఆ సంఘటనపై డైరెక్ట్ గా అధికారులే రంగ ప్రవేశం చేశారు. అసలు విషయం ఏంటంటే 20 సంవత్సరాల ఒక యువతికి పరీక్షలు ఉండడంతో ఒంటరిగా రైలు ప్రయాణం చేయాల్సి వచ్చిందట. చివరి నిమిషంలో టికెట్ కన్ఫర్మ్ అయిందంట.

ట్రైన్ మూడు గంటలు లేటుగా రావడంతో తను లోపలికి వెళ్లి తనకు కేటాయించిన సీట్లో కూర్చుందామని చూడగా అప్పటికే అక్కడ ఒక మధ్య వయసు ఉన్న యువకుడు తన కుటుంబంతో సహా కూర్చున్నారట. టికెట్టు లేకుండా వాళ్ళు ప్రయాణం చేస్తున్నారు, తన టికెట్ ని చూపించి తన సీట్ని ఖాళీ చేయమంటే ఆ యువకుడు యువతి మీద అరిచాడట. చేసేదేమీ లేక పై బెర్త్ ఎక్కి కూర్చుంది యువతి.

అక్కడ తనకి అనారోగ్యంగా కూడా ఉన్నది అని వాళ్ల అక్కతో తెలిపింది. ఈ విషయాన్ని తన సోదరితో చెప్పగా తన సోదరి ఈ చాటింగ్ ని స్క్రీన్ షాట్ లు తీసి సోషల్ మీడియాలో పెట్టింది. అది పెట్టిన కొన్ని నిమిషాలకే రైలు సేవ అధికారుల దృష్టిలో పడడంతో వాళ్లు వెంటనే ఆ ట్రైన్ లోకి వెళ్లి ఆ కుటుంబాన్ని ఖాళీ చేయించి ఆ యువతి సీటు తనకు ఇప్పించారట. కేవలం 20 నిమిషాల్లోనే సమస్యకు పరిష్కారం తెప్పించారు అని ఈ విషయాన్ని అంతటిని యువతి మళ్ళి సోషల్ మీడియాలో పెట్టి తన ఆనందాన్ని పంచుకుంది.

అత్యవసర సందర్భాలలో సోషల్ మీడియా చాలామంది బాధితులకు సహాయపడుతోంది. సోషల్ మీడియాలో వాళ్ల సమస్యలను షేర్ చేయడం ద్వారా డైరెక్ట్ గా అధికారులకు ఈ విషయం తెలియడంతో వాళ్లు వచ్చి దీని మీద స్పందించడం, ఎంత త్వరగా వీలైతే అంత త్వరగా పరిష్కారం ఇవ్వడం వంటి సందర్భాలు జరుగుతున్నాయి.

I contacted railmadad(139) and RPF went there and gave her the seat,within 20 minutes.
Now she is with me,safely!!
Thanks #IndianRailways #railmadad@RailMinIndia https://t.co/wKkJ45bRzG

— Potato!🚩 (@Avoid_potato) February 18, 2024

చర్లపల్లి నాలుగవ రైల్వే టెర్మినల్‌ స్టేషన్ గా సిద్ధం అవుతున్న విషయం తెలిసిందే.  మార్చి నుండి ఈ  సేవలు మొదలు కానున్నాయి.  ప్రధాని నరేంద్రమోడీ మార్చి తొలి వారంలో చర్లపల్లి టెర్మినల్‌ ను ప్రారంభించి, జాతికి అంకితం చేయనున్నారు.

సికింద్రాబాద్, కాచిగూడ, నాంపల్లి, స్టేషన్‌ల పై ఒత్తిడి పెరిగడంతో సౌత్ ఇండియన్ రైల్వే  221 కోట్ల రూపాయలతో చర్లపల్లి రైల్వే స్టేషన్‌ విస్తరణ చేపట్టింది. నిత్యం దాదాపు యాబై వేల మంది పాసింజర్లు రాకపోకలు సాగించే విధంగా చర్లపల్లి టెర్మినల్‌ను విస్తరింపచేశారు. అంతేకాకుండా సరుకు ట్రాన్స్ పోర్ట్ కు పార్శిల్‌ సెంటర్ ను కూడా ఏర్పాటు చేశారు.

సికింద్రాబాద్‌ రైల్వేస్టేషన్‌లో ప్రతి రోజుకు 200కు పైగా రైళ్లు రాకపోకలు సాగుతుంటాయి. అయితే అక్కడ ప్రస్తుతం పునరాభివృద్ధి వర్క్ కొనసాగుతున్న క్రమంలో కొన్ని ట్రైన్స్ రాకపోకలను నియంత్రించాల్సిన పరిస్థితి ఏర్పడింది. చర్లపల్లి టెర్మినల్‌ విస్తరణ పనులు పూర్తి  అవడంతో మార్చి నుండి కొన్ని రైళ్లను ఈ టెర్మినల్‌ నుండి నడిపేందుకు కావాల్సిన ఏర్పాట్లు చేస్తున్నారు.  దక్షిణ మధ్య రైల్వే అధికారులు చర్లపల్లి టెర్మినల్‌ నుంచి 25  ట్రైన్స్ ను నడపాలని నిర్ణయించారు. ఇందుకు సంబంధించిన పరిమిషన్స్ ఇవ్వాలంటూ  రైల్వేబోర్డుకు లెటర్ రాశారు.

ప్రస్తుతం అయితే 6 ఎక్స్ ప్రెస్ రైళ్లను చర్లపల్లి నుంచి నడిపేందుకు  అనుమతులు లభించాయి. ఇంకో 12 రైళ్లను చర్లపల్లిలో ఆపడానికి అనుమతులు లభించాయి. సౌత్ సెంట్రల్ రైల్వే జనరల్ మేనేజర్ తో సహా ఇతర జోన్లకు సంబంధించిన జనరల్ మేనేజర్లకు కూడా రైల్వే బోర్డు ఆర్డర్స్ జారీ చేసింది. అలాగే ఈ మార్పుల గురించిన సమాచారం కూడా ప్రజలందరు తెలుసుకునే విధంగా చర్యలు తీసుకోవాలని ఆఫీసర్లును ఆదేశించింది. చర్లపల్లిని  ఎప్పటినుంచి ఉపయోగించాలనే డిసిషన్  స్థానిక ఆఫీసర్లకే అప్పచెప్పింది.

చర్లపల్లి టెర్మినల్‌ నుంచి మొదలు కాబోతున్న రైళ్లు..

12603 ఎంజీఆర్ చెన్నై సెంట్రల్ – హైదరాబాద్ ఎక్స్‌ప్రెస్‌,

12604 హైదరాబాద్ – ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌,

12589/12590 గోరఖ్‌పూర్‌ – సికింద్రాబాద్‌ – గోరఖ్ పూర్,

18045 షాలిమార్‌ – హైదరాబాద్‌ ఈస్ట్‌కోస్టు ఎక్స్‌ప్రెస్‌,
18046 హైదరాబాద్ – షాలిమార్ ఈస్ట్‌కోస్టు ఎక్స్‌ప్రెస్‌,

చర్లపల్లిలో ఆగే రైళ్ళు..

17011/17012 హైదరాబాద్‌ – సిర్పూర్‌ కాగజ్‌నగర్‌ – హైదరాబాద్ ఎక్స్‌ప్రెస్‌,
17201/17202 గుంటూరు – సికింద్రాబాద్‌ – గుంటూరు గోల్కొండ ఎక్స్‌ప్రెస్‌,

12713/123714 విజయవాడ – సికింద్రాబాద్‌ – విజయవాడ శాతవాహన ఎక్స్‌ప్రెస్‌,

12757/12758 సికింద్రాబాద్‌ – సిర్పూర్‌ కాగజ్‌నగర్‌ – సికింద్రాబాద్ ఎక్స్‌ప్రెస్‌,
17233/17234 సికింద్రాబాద్‌ – సిర్పూర్‌ కాగజ్‌నగర్‌ – సికింద్రాబాద్ భాగ్యనగర్‌ ఎక్స్‌ప్రెస్‌,

12705/12706 గుంటూరు – సికింద్రాబాద్‌ – గుంటూరు ఎక్స్‌ప్రెస్‌,

Also Read: YS SHARMILA SON MARRIAGE PHOTOS: జోధ్ పూర్ ప్యాలెస్ లో ఘనంగా రాజారెడ్డి, ప్రియ వివాహ వేడుకలు… జగన్ వెళ్లలేదా,?

వైయస్ షర్మిల, బ్రదర్ అనిల్ కుమారుడి పెళ్లి జోధ్ పూర్ లో వైభవంగా నిర్వహిస్తున్నారు. రాజస్థాన్ జోధ్ పూర్ లోని ప్యాలెస్ లో షర్మిల కుమారుడు వైయస్ రాజారెడ్డి, అట్లూరి ప్రియల వివాహం వేడుకలు చేపట్టారు. ఇరువురి కుటుంబ సభ్యులతోపాటు అతి కొద్దిమంది సన్నిహితుల సమక్షంలో రాజారెడ్డి, ప్రియ వివాహ బంధంతో ఒకటయ్యారు. 16వ తేదీన సంగీత్, మెహందీ వేడుక నిర్వహించగా 17న సాయంత్రం ఐదున్నర గంటలకు వివాహం జరిగింది.18వ తేదీ ఉదయం 11 గంటలకు ప్రత్యేక ప్రార్థనలు జరిగాయి.

పెళ్లి వేడుకకు సంబంధించిన ఫోటోలను వైఎస్ షర్మిల సోషల్ మీడియాలో పోస్ట్ చేశారు. కొత్త దంపతులు షర్మిలను హత్తుకున్న ఫోటో పలువురిని ఆకర్షించింది. రాజస్థాన్ లోని వివాహం అనంతరం హైదరాబాదులో గ్రాండ్ గా రిసెప్షన్ చేయాలని ప్లాన్ చేశారు. హైదరాబాదులోని శంషాబాద్ ఫోర్ట్ గ్రాండ్ లో ఈ రిసెప్షన్ కు నిర్ణయించారు. రాజకీయ నేతలతో పాటు సినీ ప్రముఖులు, వ్యాపారవేత్తలు విందుకు హాజరుకానున్నారు.

ఈ కార్యక్రమాన్ని కూడా పూర్తి చేసుకున్న తర్వాతే రాజకీయ కార్యకలాపాలలో షర్మిల పాల్గొననున్నట్లు తెలుస్తోంది. అయితే ఈ వివాహ వేడుకకు సీఎం జగన్ దూరంగా ఉన్నారు. అయితే మేనల్లుడి నిశ్చితార్థం వేడుకలకు సతీ సమేతంగా హాజరైన వైయస్ జగన్మోహన్ రెడ్డి ఏపీలో ఎన్నికల వేడి పెరుగుతూ ఉండటంతో జగన్ బిజీ బిజీగా గడుపుతున్నారు.సిద్ధం పేరిట సభలను నిర్వహిస్తున్నారు.

ఈ క్రమంలోనే ఆయన తన మేనల్లుడు వివాహ వేడుకకు దూరంగా ఉన్నట్టు తెలుస్తుంది. అయితే రాజకీయ పరంగా చెల్లెలు తన మీద చేస్తున్న విమర్శలు కూడా ఒక కారణం అంటున్నారు రాజకీయ వర్గాల వారు. అయితే హైదరాబాదులోని శంషాబాద్ ఫోర్ట్ గ్రాండ్ లో నిర్వహించే రాజారెడ్డి వెడ్డింగ్ రిసెప్షన్ కు జగన్ హాజరయ్యే అవకాశం ఉంది. ఈ రిసెప్షన్ కు జగన్ హాజరైతే సరే సరి,లేదంటే అన్నాచెల్లెళ్ల మధ్య దూరం మరింత పెరిగిందని అనుకోవాలి.

ఉపాసన కొణిదెల గురించి ప్రత్యేకమైన పరిచయం అవసరం లేదు. ఉత్తమ భార్యగా, ఉత్తమ బిజినెస్ ఉమెన్ గా, ఉత్తమ కోడలిగా ఎప్పుడో తనని తాను నిరూపించుకుంది ఉపాసన. ఇప్పుడు మరో అడుగు ముందుకు వేసి తన అత్తగారి మీద ఉన్న అభిమానాన్ని మరొకసారి చాటుకున్నారు ఉపాసన. ఆవిడ వంటలు ప్రపంచానికి పరిచయం చేసే ఉద్దేశంతో, ఆ వంటకాలు అందరికీ రుచి చూపించేలా అత్తమ్మ కిచెన్ పేరుతో ఫుడ్ బిజినెస్ ని ప్రారంభించారు.

సురేఖ కొణిదెల పుట్టినరోజు సందర్భంగా వీటిని ప్రారంభించి అసలు సిసలైన అత్త కోడళ్ల బంధాన్ని చాటి చెప్పారు. ఇంటి నుంచి దూరంగా ఉన్న వ్యక్తులకు ఇంటి భోజనం మిస్ అవుతున్న ఫీలింగ్ రానివ్వకుండా ఈ అత్తమ్మ కిచెన్ చాలా ఉపయోగపడుతుంది. బిజినెస్ లో మంచి ప్రావీణ్యం ఉన్న ఉపాసన ఇప్పుడు ఈ వెంచర్లో తన ప్రావీణ్యం ఉపయోగించి మరింత డెవలప్ చేయడంలో ముఖ్య పాత్ర పోషించనున్నట్లు తెలుస్తోంది. అత్తమ్మ కిచెన్లో వండిన ఒక్కో వంటకం రుచిని ప్రతి ఒక్కరూ అనుభవించాలని ఆమె భావిస్తుంది.

మొత్తానికి అత్తా కోడళ్ళు ఇద్దరు చేయబోయే ఈ కొత్త ప్రయోగం ఎంతవరకు సక్సెస్ అవుతుంది? ఎందరి అభిమానాన్ని చూరగొంటుంది అనేది చూడాలి. ఇన్స్టా వేదికగా ఉపాసన పోస్ట్ చేసిన వీడియోలో ఈ వ్యాపారాన్ని ప్రారంభించినందుకు ఆనందంగా ఉంది, రుచి సాంప్రదాయం కలిసే చోట బంధాలు తరతరాలుగా నిలబడతాయి. సిద్ధంగా ఉన్న ఆహారాన్ని ఆస్వాదించండి నేరుగా మా వంటగది నుంచి మీ ఇంటికి అంటూ రాసుకొచ్చింది.

తన ఇన్స్టా లో ఇచ్చిన ఆన్లైన్ వెబ్సైట్ లింక్ ద్వారా ఈ వంటకాలను బుక్ చేసుకొని ఇంటికి తెచ్చుకోవచ్చని చెప్పింది. పూర్తి వివరాలను త్వరలోనే తెలియచేస్తానని చెప్పుకొచ్చింది. పనిలో పనిగా అమెరికాలో కూడా ఒక కౌంటర్ తెరుస్తారు. ఈ వెబ్సైట్లో ప్రస్తుతానికి నాలుగు రకాల రెసిపీలను మాత్రమే అందుబాటులో ఉంచారు. ఇందులో పొంగల్ మిక్స్, ఉప్మా మిక్స్, పులిహోర పేస్ట్, రసం పౌడర్ అందుబాటులో ఉన్నాయి.వాటిని విడివిడిగా కొనుక్కోవడం కుదరదు కాంబో ఆఫర్ లో మాత్రమే కొనుగోలు చేయాల్సి ఉంటుంది.

దీని ధర 1,099.00 రూపాయలు ఉంది. ఇవి 700 గ్రాములు ఉంటాయి. ఇలా చూస్తే ఒక్కొక్కటి 250 ఉన్నట్టు లెక్క. బయట మార్కెట్ లో ఎన్నో పెద్ద పెద్ద బ్రాండ్స్ ఇలాంటి ప్రొడక్ట్స్ విక్రయిస్తున్నారు.కానీ వాటి ధర మాత్రం సామాన్య ప్రజలకు కూడా అందుబాటులో ఉండే అంత తక్కువగానే ఉంటుంది. ఎంత పెద్ద బ్రాండ్ అయినా కూడా, ఎంత నాణ్యమైన పదార్థాలు ఉపయోగించినా కూడా ఇలాంటివి సామాన్యులు కూడా ఎక్కువగా ఉపయోగించాలి అని ఆశిస్తారు కాబట్టి వాటి ధరలు అంత ఎక్కువగా అయితే ఉండవు.

“దాంతో ఈ ఆలోచన మంచిది కానీ, ధర ఇంకొంచెం తక్కువగా ఉండి ఉంటే బాగుండేది” అని చాలా మంది కామెంట్స్ చేస్తున్నారు. మరి కొంత మంది మాత్రం, “ప్యాకేజ్ ఫుడ్ ని ఎందుకు ప్రమోట్ చేస్తున్నారు?” అని అంటున్నారు. “ఇంత ధర పెట్టి కొనుక్కునే బదులు స్వయంగా ఇంట్లోనే తయారు చేసుకొని తింటే ఇంకా తక్కువ ధర అవుతుంది” అని కామెంట్స్ చేస్తున్నారు.