News

ప్రస్తుతం కరోనా మహమ్మారి విజృంభిస్తోంది. హెచ్చు సంఖ్యలో కేసులు నమోదు అయ్యి కలవర పెడుతున్నాయి. అయితే.. పరిస్థితి ఎలా మారుతున్నా.. చాలా మంది మాస్క్ లు పెట్టుకోవడానికి ఇష్టపడటం లేదు. కారణం ఏంటి అని అడిగితె.. విచిత్రమైన సమాధానాలు చెబుతున్నారు. ఇటీవల హెచ్ ఎం టివి కి చెందిన ఓ విలేఖరి పూలు అమ్ముకుంటున్న ఈ అక్కను మాస్క్ ఎందుకు పెట్టుకోలేదు అని అడగ్గా.. ఆమె ఇచ్చిన సమాధానం అందర్నీ ఆశ్చర్యపరిచేలా ఉంది..

మాస్క్ ఎందుకు పెట్టుకోలేదమ్మా..? అంటే.. భయపడిన వాళ్ళకే కరోనా ఎక్కువ వస్తోంది.. అందుకే అప్పటినుంచి నేను మాస్క్ పెట్టుకోవడం మానేసాను అని చెపుతోంది.అలా అని ఎవరు చెప్పారు అంటే.. నేనే అనుకుంటున్నా అని సమాధానం ఇచ్చింది. మరీ ఇంత అమాయకం గా ఎలా ఉన్నారు అని అనిపిస్తోందా..? దయచేసి ఇలాంటి లాజిక్ లను ఫాలో అవ్వకుండా.. విధిగా మాస్క్ ధరించి , శానిటైజ్ చేసుకుంటూ మీ జాగ్రత్తలు మీరు తీసుకోండి.

watch video:

https://www.instagram.com/p/CO-m5F7JYys/

ప్రస్తుతం దేశమంతా పరిస్థితి ఎలా ఉందొ చూస్తూనే ఉన్నాం.. కరోనా కారణం గా ఎందరో ప్రాణాలు కోల్పోతున్నారు. మరికొందరు ఆసుపత్రుల్లో బెడ్స్ దొరక్క చావు బతుకుల మధ్య కొట్టుమిట్టాడుతున్నారు. ఈ పరిస్థితిల్లో కర్ణాటక హోమ్ మినిస్టర్ బసవరాజ్ బొమ్మై హవేరి జిల్లాలోని షిగ్గావ్ పట్టణంలోని తన ఇంటినే కోవిడ్ కేర్ సెంటర్ గా మార్చేశారు.

షిగ్గావ్ అసెంబ్లీ నియోజకవర్గానికి ప్రాతినిధ్యం వహిస్తున్న బసవరాజ్ బొమ్మాయి నివాసం యొక్క ప్రాంగణం లో ఇప్పుడు 50 మంది రోగులకు సరిపడా బెడ్స్ ఉన్నాయి. రోగుల సంరక్షణ కోసం వైద్యులు, వైద్య సిబ్బందిని కూడా మంత్రి నియమించారు. “50 పడకలతో పాటు.. అందుకు అవసరమైన ఆక్సిజన్ కాన్సన్ట్రేటర్స్ ని కూడా ఏర్పాటు చేసాము. ప్రభుత్వ మరియు ప్రైవేట్ వైద్యులు మరియు నర్సులతో సహా వైద్య నిపుణుల బృందం కోవిడ్ -19 రోగులకు చికిత్స చేస్తుంది” అని కర్ణాటక మంత్రి పేర్కొన్నారు. వాస్తవానికి బసవరాజ్ బొమ్మై తన కుటుంబం తో కలిసి హుబ్బల్లిలో నివసిస్తుంటారు. తన నియోజకవర్గానికి వచ్చిన సమయం లోనే షిగ్గావ్ లోని నివాసానికి వస్తుంటారు. ఈ నివాసాన్ని ప్రస్తుతం కోవిడ్ కేర్ సెంటర్ గా మార్చేశారు.

స్వేచ్ఛగా గాలి పీల్చుకుని బతికే మనకు మాస్క్ పెట్టుకుని తిరగడం మొదట్లో ఇబ్బందిగానే ఉండేది. కానీ.. పరిస్థితి విషమిస్తోంది. మాస్క్ ధరించడం తప్పనిసరి. మన ప్రాణాలను కాపాడుకోవడం కోసం మాస్క్ పెట్టుకోక తప్పదు. మరి మహిళలు అలంకార ప్రియులు అన్న సంగతి తెలిసిందే. మహిళలు అందం గా ఉండడం కోసం ముక్కెర తగిలించుకుంటూ ఉంటారు.

చిన్న వి అయితే పర్లేదు కాదు.. పెద్ద ముక్కెరలు ధరించాల్సి వచ్చినపుడు ఆ పైన మాస్క్ ధరించడం ఇబ్బంది గా ఉంటుంది. అయితే.. దానికి ఈ మహిళా ఓ సొల్యూషన్ కనిపెట్టేసింది. ఏకం గా మాస్క్ పైనే ముక్కెరను ధరించింది. ఆమె పేరు కవిత. ఇటీవల ఆమె ఓ వివాహ వేడుకకు హాజరు అయింది. ఈ సందర్భం గా ఆమె మాస్క్ పైనే అలంకారం చేసుకుంది. ఈ సందర్భం గా ఆమె తీసుకున్న ఫోటో నెట్టింట్లో వైరల్ అవుతోంది. ఆమె ఫోటో ను ఐపీఎస్ అధికారి దీపాంశు కబ్రా ట్విట్టర్ లో షేర్ చేసారు.

ఈ ఫోటో వైరల్ కావడం తో స్పందించిన కవిత.. తానూ ఇంటికి పెద్దదాన్ని అని.. కచ్చితం గా సంప్రదాయం ప్రకారం ముక్కెర ధరించాలని ఆమె పేర్కొంది. తానేమీ షో కోసం ధరించలేదని.. అయితే.. మాస్క్ లోపల ధరించడానికి ఇబ్బందిగా ఉన్న కారణం గా మాస్క్ పైనే ధరించినట్లు” చెప్పుకొచ్చింది..

#JewelleryJugaad level “Super Ultra Pro Max…” ??? pic.twitter.com/2JV0NpX2v3

— Dipanshu Kabra (@ipskabra) May 7, 2021

ఇటీవల ఆత్మహత్యలు ఎక్కువ అవుతున్నాయి. చిన్న వయసులోనే.. క్షణికావేశాలకు ప్రాణాలు బలిచ్చేస్తున్నారు. తాజాగా.. బోయినపల్లి గ్రామానికి చెందిన 14 సంవత్సరాల సాభావత్ శిల్ప అనే బాలిక ఆత్మహత్య చేసుకుంది. ఆమె మూడు చింతలపల్లి మండలం పోతారం గ్రామంలో కూరగాయల తోటలో కూలి గా పనిచేస్తూ ఆమె జీవిస్తోంది. ఈ క్రమం లో ఆమెకు మధు అనే అబ్బాయి తో పరిచయం అయింది. వీరిద్దరి మధ్య స్నేహం ఫోన్ నంబర్లు మార్చుకునే వరకు వచ్చింది. ఇద్దరు చాటింగ్ లు.. ఫోన్ లో ముచ్చట్లు చెప్పుకునేవారు.

అయితే.. తమ స్నేహం గోప్యం గానే ఉంచాలని శిల్ప మధుని కోరింది. అందుకు మధు కూడా ఒప్పుకున్నాడు. వీరిద్దరూ మధు ఫోన్ లో ఫోటోలు దిగేవారు. కానీ.. అవి ఎవ్వరికి చూపించేవారు కాదు. ప్రతి రోజూ రొమాంటిక్ లవ్ సాంగ్స్ స్టేటస్ గా పెట్టె మధు ఓ రోజూ శిల్ప ఫోటో ను స్టేటస్ లో షేర్ చేసాడు. అది చూసి శిల్ప షాక్ అయింది. తన కాంటాక్ట్స్ లో అందరు చూస్తారని.. ఈ అమ్మాయి ఎవరు అంటూ అడుగుతారని శిల్ప బాధపడింది. మధు సర్దిచెప్పే ప్రయత్నం చేసినా.. శిల్ప వినిపించుకోలేదు. క్షణికావేశం లో తోటలోని పురుగుల మందు తాగి ఆత్మహత్య చేసుకుంది. శిల్ప ఆత్మహత్య కు మధునే కారణం అంటూ శిల్ప తల్లి జయమ్మ పోలీసులకు ఫిర్యాదు చేసింది. పోలీసులు కేసు నమోదు చేసుకుని దర్యాప్తు చేస్తున్నారు.

ఆ ఇద్దరు అక్క చెల్లెళ్ళు అన్నిటి తో పాటు మొగుడిని కూడా పంచుకున్నారు. వారిద్దరూ ఒకే వ్యక్తి ని పెళ్లి చేసుకోవాలని నిర్ణయించుకున్నారు. కర్ణాటక లోని కోలార్ లో ఈ ఘటన చోటు చేసుకుంది. ఈ కరోనా కాలం లో పెళ్లిళ్లే ఆగిపోతున్నాయి. చేసుకున్న ఒక్క అమ్మాయిని పెళ్లి చేసుకోవడానికి ఇబ్బంది పడుతున్నారు. ఇలాంటి పరిస్థితి లో ఆ అక్క చెల్లెళ్లను పెళ్లి చేసుకోవడానికి ఉమాపతి అనే వ్యక్తి ముందుకొచ్చాడు. ఇంతకీ ఆ అక్క చెల్లెళ్ళ కథ ఏంటో చూడండి.

తిమ్మరావుతనహళ్ళి గ్రామ పంచాయతీ వేగమడుగు గ్రామం లో రాణెమ్మ, నాగరాజప్ప లది రైతు కుటుంబం. వీరికి ఇద్దరు ఆడపిల్లలు. ఈ అక్క చెల్లెళ్ళు ఎంతో ప్రేమగా పెరిగారు. అయితే చెల్లెలు లలిత పుట్టకతోనే మూగ, చెవుడు సమస్య తో బాధపడుతోంది. దీనితో.. ఆమెకు పెళ్లి ఎలా అవుతోంది అని అక్క బాధపడేది. అయితే.. తామిద్దరం ఒకరినే పెళ్లాడాలని నిర్ణయించుకున్నారు. దీనితో..వీరికి పెళ్లి చేయడం తల్లి తండ్రులకు ఇబ్బందికరం గా మారింది. ఈ క్రమం లో భాగేపల్లి కి చెందిన ఉమాపతి సుప్రియను పెళ్లి చేసుకోవడానికి ముందుకొచ్చాడు. ఆమె తన చెల్లిని కూడా పెళ్లి చేసుకోవాలని.. లేకుంటే ఈ పెళ్లి జరగదని.. అతడిని ఒప్పించింది. అలా పెద్దల సమక్షం లో.. అందరి అంగీకారం తో వారిద్దరి తో ఉమాపతి వివాహం జరిగింది. ఈ సంగతి తెలియకుండానే.. ఈ ఫోటో వైరల్ అయింది. మరో వైపు లలిత కు 18 సంవత్సరాలు నిండకపోవడం తో.. పోలీసులు ఉమాపతి తో పాటు మరో 7 గురి పై కేసు నమోదు చేసారని తెలుస్తోంది.

ప్రస్తుతం యావత్ భారతాన్ని వేధిస్తున్న సమస్య కరోనా.. హోమ్ ఐసోలేషన్ లోనే చికిత్స తీసుకోవడం మంచిది అని అందరు భావిస్తున్నా.. భారత్ లో చాలా మందికి ఇంట్లోనే ఐసొలేట్ అయి ఉండే పరిస్థితులు లేవు. మధ్య తరగతి కుటుంబాల్లో కూడా చాలా మంది రెండు గదులలోనే సంసారాన్ని నెట్టుకొచ్చే వారు ఉన్నారు.

ఇలాంటి కుటుంబాలలో ఎవరికైనా కరోనా సోకితే వారి పరిస్థితి ఏంటి..? ఆసుపత్రిలో బెడ్స్ కొరత ఉండడం, పట్టించుకునే వారు లేకపోవడం వంటి కారణాల వలన ఇంట్లోనే ఉండి ట్రీట్మెంట్ తీసుకోవాలని భావించే వారు కోకొల్లలు. కానీ.. వారికి అనువైన వసతి ఇంట్లో లేకపోవడం కొంత ఇబ్బంది గా పరిణమిస్తోంది. అయితే… ఈ కుర్రాడు మాత్రం తాను ఐసొలేట్ అయి ఉండడానికి కొత్త మార్గాన్ని ఎంచుకున్నాడు.

ఇంటి వద్దనే.. ఒక చెట్టు పైన కర్రలతో చిన్న మంచం లాగా..అతను పడుకోవడానికి ఏర్పాటు చేసుకున్నాడు. గత తొమ్మిది రోజులుగా అతను ఆ చెట్టుపైనే ఐసొలేట్ అయి ఉంటున్నాడు. అతని ఇంట్లో ఒక్క గదే ఉండడం తో ఇంట్లో వారికి సోకకుండా ఉండేందుకు ఈ ఏర్పాటు చేసుకుని కరోనా కు చెక్ పెడుతున్నాడు. రోజూ అతని కుటుంబ సభ్యులు చెట్టు వద్దకే ఆహారాన్ని అందిస్తున్నారు. అతను మందులు వేసుకుంటూ జాగ్రత్తగా ఉంటున్నాడు. మనసుంటే మార్గాలనేకం అనడానికి ఇతనే ఓ ఉదాహరణ.

watch video :