News

ప్రస్తుతం భారత దేశం అత్యంత క్లిష్ట పరిస్థితులు ఎదురుకుంటుంది… కరోనా మహమ్మారి ఉప్పెన లాయావత్ భారత దేశాన్ని కబళించింది.గత ఏడాది కంటే కూడా ఈ ఏడాది అంటే సెకండ్ వేవ్ అత్యంత దారుణంగా విరుచుకుపడుతుంది.రోజు దాదాపుగా 2 నుంచి 3 లక్షల పోస్టివ్ కేసులను ఎదురుకుంటుంది భారత దేశం.

ambulance

.ఇందుకు గాను ఒక్కసారి ఎక్కడలేని ఆక్సిజన్, అంబులెన్సులు,మందుల కొరత ఏర్పడింది.వైద్య సిబ్బంది కూడా రాత్రి పగలు అంటూ తేడా లేకుండా కృషి చేస్తున్నారు.ఇదే అదునుగా చూసుకున్న కొందరు ఇష్టానుసారంగా దోచుకుంటున్నారు.కష్టాల్లో ఉన్న ప్రజలకి సహాయ పడాల్సిన వారే దోచుకుంటున్నారు.ఢిల్లీలోని ఒక అంబులెన్స్ డ్రైవర్ ఏకంగా పది వేల రూపాయలు డిమాండ్ చేసాడు అది కూడా కేవలం 4 కిలోమీటర్ల ప్రయాణం కోసం మాత్రమే.దీని కి సంబంధించి ఒక రెసిప్ట్ ని షేర్ చేసారు ఐ పీ యస్ ఆఫీసర్ అరుణ్ బోత్రా. ప్రపంచం మన నైతిక విలువలని గమనిస్తుంది అంటూ పోస్ట్ పెట్టారు.

Ten thousand rupees for a distance of four kms. Ambulance rental in Delhi.

The world is watching us today. Not only the devastation but also our moral values. pic.twitter.com/dZoJpSbF6c

— Arun Bothra 🇮🇳 (@arunbothra) April 28, 2021

భార్యాభర్తల బంధం ఎంతో సున్నితమైనది. ఇద్దరి మధ్య సఖ్యత కుదరడం ఒక్కటే ప్రధానం కాదు.. ఇరువురికి ఒకరిపై ఒకరికి గౌరవం ఉండాల్సిన అవసరం ఎంతైనా ఉంది. అది అర్ధం చేసుకుని మసలుకున్న వారు అదృష్టవంతులే. కానీ, దురదృష్టవశాత్తు మన దేశం లో గృహ హింస కేసులు ఎక్కువ అవుతున్నాయి.

భర్తని అనే అహంకారం తో.. భార్యను ఏమి చేసినా భరించాలని భావించే వారు హెచ్చు సంఖ్యలోనే ఉన్నారు. ఈ క్రమం లో గృహ హింస కి గురి అవుతూ అనేక కష్టాలు పడుతున్న ఆడువారు ఎంతమందో ఉన్నారు. కొందరు పైకి చెప్పలేక ఆత్మహత్యలకు పాల్పడుతున్నారు. ఇటీవల, ఓ గృహిణి భర్త పెట్టె హింస భరించలేక ఆత్మహత్య చేసుకుంది..

“నా భర్తను చంపేయండి.. అతను కొట్టే దెబ్బలు తట్టుకోలేకపోతున్నా..” అంటూ ఓ వివాహిత లేఖ రాసి ఆత్మహత్య చేసుకోవడం స్థానికం గా సంచలనం రేపింది. డైలీ హంట్ – ఆంధ్రజ్యోతి కథనం ప్రకారం యూసఫ్ గూడ, ఎస్ ఆర్ హిల్స్ కు సమీపం లో ఆంజనేయులు, విజయ దంపతులు నివసిస్తున్నారు. భర్త ఆంజనేయులు రోజు తన భార్యని చిత్ర హింసలకు గురి చేసేవాడు.. వీరిద్దరూ 14 సంవత్సరాల క్రితం ప్రేమ వివాహం చేసుకున్నారు. ఇద్దరు పిల్లలు కూడా ఉన్నారు. అకారణం గా మొదలైన మనస్పర్థలు వీరిద్దరి మధ్య దూరాన్ని పెంచాయి.

దీనితో ఆంజనేయులు విజయను చిత్రహింసలకు గురి చేయడం మొదలు పెట్టాడు.. దానికి తోడు ఆంజనేయులు సోదరుడు చంద్రయ్య కూడా ఆమెను చంపివేయాలంటూ ప్రోత్సహించేవాడట. ఈ మేరకు ఆమె లేఖలో పేర్కొంది. తనను వదిలించేసుకుంటే.. ఆంజనేయులుకి మరో పెళ్లి చేయాలనీ పధకం పన్నేవాడట. తన పిల్లల పోషణను తన తల్లి, సోదరులు తీసుకోవాలని ఆమె కోరింది. మృతురాలి తల్లి ఫిర్యాదు ఇవ్వగా జూబ్లీహిల్స్ పోలీసులు ఈ కేసు నమోదు చేసుకుని దర్యాప్తు చేస్తున్నారు.

ఇల్లరికం వచ్చిన ఓ అల్లుడు చేసిన పనికి ఆ అత్తింటివారు ఆశ్చర్యపోయారు. ఇల్లరికం వచ్చిన అల్లుడు జల్సాలకు అలవాటు పడ్డాడు. అతనికి ఇంత డబ్బు ఎక్కడనుంచి వస్తుందో కూడా వారికి అంతుపట్టేది కాదు. చివరికి పోలీసులు అక్కడకి వెళ్ళినప్పుడు అతని బండారాన్ని బయట పెట్టారు. అసలు కథ ఏంటో చూడండి.

న్యూస్ 18 కధనం ప్రకారం, మలికిపురం మండలం కత్తిమండ గ్రామానికి చెందిన బాలకృష్ణ ఇల్లరికం అల్లుడు గా వచ్చాడు. ఏ పని చేయకుండా జల్సాలకు బాగా అలవాటు పడ్డాడు. మద్యం, బెట్టింగులు వంటి వాటికి బానిస అయ్యాడు. అందుకోసం అప్పులు కూడా చేసాడు. చివరకు డబ్బు లేక పోవడం తో.. అత్తారింటి వారిని అడగడానికి ఆత్మాభిమానం అడ్డొచ్చి అడ్డదారిలో డబ్బు సంపాదించాలనుకున్నాడు. అందుకోసం, బైక్ దొంగతనాలను చేయడం ప్రారంభించాడు.

చివరకు 27 బైక్ లను దొంగతనం చేసేసాడు. అలా దొంగతనం చేసే బైక్ లను తాకట్టు పెట్టి సొమ్ము చేసుకునేవాడు. నకిలీ తాళం చెవులను ఉపయోగిస్తూ.. బైక్ లను దొంగతనం చేసేవాడు. ఇలా దొంగతనం చేసిన బైక్ లను తెచ్చి అత్తారింటికి ఎదురుగా ఉన్న ఖాళీ స్థలం లో పెట్టేవాడు. ఇప్పటివరకు 12 బైక్ లను అలా తాకట్టు లో పెట్టాడు. మిగిలినవి ఖాళీ స్థలం లోనే ఉంచాడు.

గత నెల 24 న ప్రశాంత్ కుమార్ అనే వ్యక్తి శ్రీనివాస థియేటర్లో సినిమాకి వెళ్లారు. బండిని పార్కింగ్ ప్లేస్ లోనే ఉంచినా కనిపించక పోవడం తో.. అతను రాజోలు పోలీస్ స్టేషన్ లో కంప్లైంట్ ఇచ్చాడు. వరుస దొంగతనాలు జరుగుతున్నాయని గమనించిన పోలీసులు అలెర్ట్ అయ్యారు. ఈ కేసు విచారణ కోసం రెండు బృందాలుగా ఏర్పాటై నిందితుడిని పట్టుకున్నారు. బాలకృష్ణను అదుపులోకి తీసుకుని.. అత్తారింటికి ఎదురుగ ఉన్న ఖాళీ స్థలం లో ఉన్న బైక్ లను కూడా స్వాధీనం చేసుకున్నారు.

ప్రస్తుతం దేశమంతా కరోనా ఉద్ధృతి ఎలా ఉందో చూస్తూనే ఉన్నాం.. మహారాష్ట్ర లో దేశం లో అన్ని రాష్ట్రాల కంటే హెచ్చు స్థాయిలో కరోనా కేసులు నమోదు అవుతున్నాయి. ముంబై లో పరిస్థితి మరీ దారుణం గా ఉంది. ఈ క్రమం లో ముంబై లో కూడా కర్ఫ్యూ అమలు లో ఉంది. అయితే.. ఈ పరిస్థితి లో ఓ ప్రేమికుడు తన గర్ల్ ఫ్రెండ్ ని ఎలా కలవాలి అంటూ పోలీసులను ప్రశ్నించాడు.

దానికి ముంబై పోలీసులు కూడా కూల్ గా రిప్లై ఇచ్చారు. ముంబై పోలీసులు ఇచ్చిన సమాధానాన్ని చూసి నెటిజన్లు ఫిదా అవుతున్నారు. ఇంతకు అసలు విషయం ఏంటి అంటే.. కర్ఫ్యూ టైం లో కేవలం అత్యవసరమైన సేవలకు మాత్రం పోలీసులు అనుమతులు ఇచ్చారు. అంబులెన్స్, వైద్యులు, మీడియా, ఫార్మసీ, వాక్సిన్ సిబ్బంది, డయాగ్నోస్టిక్ సెంటర్లు … ఇలా అవసరమైన వారికి మాత్రమే అనుమతులు ఇచ్చారు. అయితే.. వీరి వాహనాలను గుర్తించడానికి వీలుగా… వారి వాహనాలపై కలర్డ్ స్టిక్కర్స్ ను అంటిస్తూ వస్తున్నారు.

నిత్యావసరాల వస్తువులు తీసుకొచ్చే వాహనాలకు గ్రీన్ స్టిక్కర్లు, అంబులెన్స్, డాక్టర్లు, క్లినిక్స్, డయాగ్నోస్టిక్ సెంటర్లు వంటి ఫ్రంట్ లైన్ వారియర్స్ కు రెడ్ స్టిక్కర్లు, మీడియా, మునిసిపాలిటీ, ప్రభుత్వ వాహనాలు వంటి వాటికి యెల్లో కలర్ స్టిక్కర్లను అంటిస్తూ వస్తున్నారు. అత్యవసరం కాకుండా.. ఎవరు బయటకు రావద్దని సూచనలు చేస్తున్నారు. ఈ క్రమం లో ఓ ప్రేమికుడు.. తనకు తన గర్ల్ ఫ్రెండ్ ను కలవాలని ఉందని.. అందుకు ఏ కలర్ స్టిక్కర్ వేసుకోవాలని డైరెక్ట్ గా పోలీసులనే అడిగాడు.

అందుకు వారు..” మీకు ఈ విషయం ముఖ్యమైనదే కావచ్చు. కానీ.. మా అత్యవసరాల జాబితా లో ఇది లేదు. కాబట్టి.. మీరు అర్ధం చేసుకోవాలని కోరుతున్నాం. దూరం మనసుని మరింత విశాలం చేస్తుంది. మీరు ప్రస్తుతం ఆరోగ్యం గా ఉన్నారు.. అలానే.. మీరిద్దరూ జీవితాంతం కలిసుండాలని మేము కోరుకుంటున్నాం..” అంటూ సమాధానం ఇచ్చారు. ఇప్పుడు ఇది నెట్టింట్లో వైరల్ అయింది. ముంబై పోలిసుల సమాధానానికి నెటిజన్లు ఫిదా అవుతున్నారు.

We understand it’s essential for you sir but unfortunately it doesn’t fall under our essentials or emergency categories!

Distance makes the heart grow fonder & currently, you healthier

P.S. We wish you lifetime together. This is just a phase. #StayHomeStaySafe https://t.co/5221kRAmHp

— Mumbai Police (@MumbaiPolice) April 22, 2021

ఇది కూడా చదవండి : బాహుబలి 2 సినిమాను ఇన్ని సార్లు చూసాం.. కానీ ఈ 30 తప్పుల్ని ఎప్పుడైనా గమనించారా..?

కరోనా కారణంగా ఎంతో మంది తమ ప్రాణాలను కోల్పోతున్నారు. ఆరోగ్యపరంగా ఎన్నో సమస్యలను ఎదుర్కొంటున్నారు. కేవలం సాధారణ ప్రజలు మాత్రమే కాకుండా వైద్య రంగంలో ఉండే వారు, ముఖ్యంగా డాక్టర్లు కూడా కరోనా బారిన పడి ఇబ్బందులు ఎదుర్కొంటున్నారు. అయితే ఇటీవల ఒక డాక్టర్ కరోనా వల్ల తన ప్రాణాలను కోల్పోయారు.

వివరాల్లోకి వెళితే 51 సంవత్సరాల మనీషా జాదవ్, సెవ్రీ టీబీ హాస్పిటల్ లో సీనియర్ మెడికల్ ఆఫీసర్ గా చేస్తున్నారు. అయితే గత ఆదివారం మనీషా తన ఫేస్ బుక్ టైం లైన్ మీద ఒక నోట్ పోస్ట్ చేశారు. అందులో “బహుశా తనకి అది చివరి మార్నింగ్ అని, మళ్లీ ఫేస్ బుక్ అనే ప్లాట్ ఫామ్ మీద తను అందరినీ కలవలేకపోవచ్చు అని, అందరినీ జాగ్రత్తగా ఉండమని, శరీరం కి చావు ఉంటుంది కానీ ఆత్మకి కాదు. ఆత్మకి చావు వుండదు” అని అర్థం వచ్చేలాగా రాశారు.

ఈ పోస్ట్ చేసిన 36 గంటల తర్వాత గత సోమవారం నాడు మనీషా జాదవ్ మరణించారు. ప్రస్తుతం మనీషా యాదవ్ ఫేస్ బుక్ లో చేసిన ఈ పోస్ట్ చర్చలో ఉంది. కరోనా వైరస్ విషయానికొస్తే ప్రస్తుతం మళ్లీ కరోనా వ్యాప్తి ఎక్కువ అవడంతో చాలా చోట్ల లాక్ డౌన్ విధించారు. అలాగే చాలా చోట్ల “ఇలాంటి సమయంలో పాటించాల్సిన నిబంధనలు ఏంటి?” అనే విషయం కూడా చెప్పారు. ప్రజలను అత్యవసరమైతే తప్ప బయటకు రావద్దు అని ఆర్డర్ జారీ చేశారు.

నాలుగేళ్ళ క్రితం పెళ్లి చేసుకున్న ఓ జంటకి ఓ బాబు ఉన్నాడు. ఆ వ్యక్తి మైలాన్ పరిశ్రమలో పని చేస్తున్నాడు. అతని భార్య టెక్ మహీంద్రా లో సాఫ్ట్ వేర్ గా పని చేస్తోంది. ఆమె చెల్లి కూడా సాఫ్ట్ వేర్ గా పని చేస్తూ.. వారితోనే ఉంటోంది. ముగ్గురు మంచి ఉద్యోగాలు చేసుకుంటూ.. ఆర్ధిక పరమైన ఇబ్బందులేవీ లేకుండా హ్యాపీ గా ఉంటున్నారు.

హటాత్తు గా వారిపై విధి దాడి చేసింది. కరీం నగర్ రామగుండం మండలం దద్దోజిపేట కు చెందిన శ్రీధర్ (34) , అతని భార్య దీపికా (28) హైదరాబాద్ లో నివాసం ఉంటున్నారు. ఇద్దరు ఉద్యోగాలు చేసుకుంటున్నారు. వీరికి హనీష్ (3) అనే బాబు కూడా ఉన్నాడు. దీపికా చెల్లి కూడా వీరితోనే ఉంటోంది. శనివారం సాయం సమయం లో చిన్న పని ఉందని, తిరిగి వచ్చే వరకు బాబును చూసుకోవాలని మరదలికి అప్ప చెప్పి భార్య భర్తలు ఇద్దరు బయటకు వెళ్లారు.

తిరిగి వస్తున్నా సమయం లో అల్వీన్ కాలనీకి వెళ్లే రహదారి కూడలి వద్ద అనుకోని ఘోరం జరిగిపోయింది. అతివేగం తో వెళ్తున్న టిప్పర్ లారీ ఒకటి వీరి బైక్ ను గుద్దడం తో శ్రీధర్ అక్కడికక్కడే మృతి చెందాడు. దీపికా కు తీవ్రం గా గాయాలవడం తో ఆమెను పఠాన్ చెరు ఆసుపత్రికి తీసుకెళ్లారు. ఆమె చికిత్స పొందుతూ మృతి చెందింది. ఈ ఘటన పై పోలీసులు కేసు నమోదు చేసారు. వారి కుటుంబ సభ్యులు అక్కడకు చేరుకున్నారు. ఆ పసివాడు అమ్మా, నాన్న అంటూ పిలుస్తుంటే.. స్థానికుల హృదయాలు ద్రవించిపోయాయి.