News

మహేష్ బాబు కెరీర్ లో ఎన్ని హిట్ సినిమాలు ఉన్న “ఒక్కడు “చిత్రానికి ఉన్న ప్రత్యేకతే వేరు .ఎందుకంటే ఒక్కడు చిత్రంతోనే మహేష్ బాబు ఒక్కసారిగా మాస్ స్టార్ డామ్ అందుకున్నారు.గుణశేఖర్ ఈ చిత్రానికి దర్శకత్వం వహించగా మణిశర్మ ఈ చిత్రానికి సంగీతం అందించారు.అయితే ఈ చిత్రంలో ధర్మవరపు సుబ్రహ్మణ్యం పాస్ పోర్ట్ ఆఫీసర్ గా కనిపిస్తారు.

అయితే ధర్మవరపు సుబ్రహ్మణ్యం తన మొబైల్ నెంబర్ 9848032919 అని మొదటగా నా భార్య కి కూడా చెయ్యకుండా నీకె చేస్తున్నాని అని చెప్తూ ఒక అమ్మాయితో మాట్లాడే సన్నివేశం నేటికీ హైలైట్ గా నిలుస్తుంది..ఇంతకీ ఆ మొబైల్ నెంబర్ ఎవరిదీ ? ఎందుకు ఈ నెంబర్ ఆ సన్నివేశం లో ఉపయోగించారు ? దాని వెనక ఆసక్తికర కథ ఉంది. అదేంటో చూడండి.

ఈ చిత్రంలో మహేష్ బాబు ,భూమిక ను రహస్యంగా అమెరికా కు పంపించాల్సి ఉంటుంది.దానికోసమే పాస్ పోర్ట్ అవసరం ఉంటుంది కనుక పాస్ పోర్ట్ ఆఫీసర్ ధర్మవరపు శ్రీనివాస్ ను మీట్ అవుతారు మహేష్ బాబు.అయితే ఆ సమయంలో ధర్మవరపు సుబ్రహ్మణ్యం తన నెంబర్ 9848032919 అని ఒక అమ్మాయితో చెప్పడం మహేష్ బాబు విని ఆ నెంబర్ కు రాంగ్ కాల్స్ చేసి విసిగిస్తాడు.దీంతో ధర్మవరపు సుబ్రమణ్యం ఫోన్ పగలకొట్టేస్తారు.ఈ నేపథ్యంలో కొరియర్ లో ఇవ్వవలసిన పాస్ పోర్ట్ డైరెక్ట్ గా ఇచ్చేస్తారు ధర్మవరపు సుబ్రహ్మణ్యం.

ఆ రోజుల్లో ధర్మవరపు సుబ్రహ్మణ్యం చెప్పే ఆ ఫోన్ నెంబర్ బాగా పాపులర్ అయ్యింది.దీంతో చాలామంది ప్రేక్షకులు ప్రతి రోజూ ఆ మొబైల్ నెంబర్ కు లక్షల్లో ఫోన్ చేసేవారు.దీంతో ఆ వ్యక్తి తన మొబైల్ నెంబర్ మార్చేసుకున్నారు.ఇంతకీ ఆ వ్యక్తి ఎవరో కాదు ఈ చిత్ర నిర్మాత ఎం.ఎస్ రాజు గారు.అయితే “ఒక్కడు” షూటింగ్ సమయంలో ఒక ఫాన్సీ నెంబర్ ధర్మవరపు సుబ్రహ్మణ్యం చెప్పాల్సి ఉండగా…..ఎవరి నెంబర్ చెబుదామా అని చిత్ర బృందం చర్చించుకుంటూ ఉంటే… ఎం.ఎస్ రాజు గారి నెంబర్ కంటే ఫాన్సీ నెంబర్ ఏముంటుంది అని చిత్ర బృందంలో ఓ వ్యక్తి అనడం వలన ఇలా జరిగిందంటా.

“గీతాంజలి”  ఎప్పుడో ముఫ్పై ఏళ్ల క్రితం వచ్చిన సినిమా అయినా ఇప్పటికి ప్రేక్షకులకు ఆ సినిమా అంటే ప్రత్యేక అభిమానం..మూసధోరణిలో పోకుండా భిన్న కథల్ని పాత్రల్ని ఎంచుకుంటూ  శివ,  గీతాంజలి, అన్నమయ్య లాంటి చిత్రాలతో ట్రెండ్ సెట్ చేశారునాగార్జున. మణిరత్నం దర్శకత్వం,  మ్యూజిక్ మ్యాస్ట్రో ఇళయరాజా కాంబోలో వచ్చిన సూపర్ డూపర్ హిట్ మూవీ గీతాంజలి నాగార్జున ని “మన్మధుడి”ని చేసింది.. మరి నాగార్జున సరసన నటించిన ఆ హీరోయిన్ ఏమైపోయింది.. ఇప్పుడు ఎక్కడ ఉంది.. ఏం చేస్తోంది..

గీతాంజలి సినిమాలో  టైటిల్ పాత్ర పోషించిన నటి పేరు గిరిజ .. గీతాంజలి సినిమాలో కళ్లతోనే హావభావాలు పలికించిన గిరిజ అసలు పేరు కూడా చాలా మందికి తెలీదు..కేవలం గీతాంజలి హీరోయిన్ గానే ప్రేక్షకుల మనసుల్లో చోటు దక్కించుకున్నారు. గిరిజ పూర్తి పేరు గిరిజా ఎమ్మా జేన్ షెత్తార్..తండ్రి కర్ణాటకకి చెందిన వైధ్యుడు , తల్లి ఇంగ్లాండ్ వాసి..ఇంగ్లాండ్లో పుట్టి పెరిగిన గిరిజ తన పద్దెనిమిదవ ఏట దక్షిణ భారత శాస్త్రీయ నృత్యాన్ని అభ్యసించడానికి ఇండియాకి వచ్చింది.

గీతాంజలిలో ఆఫర్ ఎలా వచ్చిందంటే??
క్రికెటర్ శ్రీకాంత్ చెల్లెలితో కలిసి మణిరత్నం, సుహాసినిల పెళ్లికి గిరిజ అటెండ్ అయింది. ఆ పెళ్లిలో గిరిజని చూసిన మణిరత్నం తన సినిమాలో యాక్ట్ చేయాల్సిందిగా కోరారు, తర్వాత రెండు నెలల పాటు నటనలో శిక్షణ ఇప్పించి అప్పుడు గీతాంజలి షూటింగ్ స్టార్ట్ చేశారు. ఆ చిత్రంలో  నాగార్జున మనసు మాత్రమే కాదు, ఆ చిత్రంలో తన నటనతో, అల్లరితో ప్రేక్షకుల మనసు గెలుచుకున్నారు.. ఆ చిత్రం తర్వాత రెండు మూడు చిత్రాల్లో నటించిన గుర్తింపు రాలేదు..

అమీర్ ఖాన్ తో సినిమా ఛాన్స్ మిస్…

అమీర్ ఖాన్ , అయేషా జుల్కా జంటగా నటించిన జో జీతా వోహీ సికందర్ మూవీలో ముందుగా కథానాయిక పాత్రకి గిరిజనే ఎంపిక చేశారు..కాని తర్వాత అయేషా జుల్కాని తీసుకున్నారు.. ఆ చిత్రంలో ఒక పాటలో గిరిజ అమీర్ ఖాన్ తో నటించారు. ఆ సినిమా తర్వాత గిరిజ తిరిగి లండన్ కి వెళ్లిపోయారు.

ప్రస్తుతం ఏం చేస్తున్నారు..

గిరిజ ప్రస్తుతము రచయితగా లండన్లో స్థిరపడింది. ఈమె నటనపై ఇప్పటికీ తన అధ్యయనము కొనసాగిస్తూ ఇతర నటులు, సినీ నిర్మాతలతో పనిచేస్తూనే ఉంది. 2005 నుండి లండన్ లో ఆరోగ్య సంబంధ విషయాల జర్నలిస్ట్ గా పనిచేస్తున్నది.

మే 19,1989లో రిలీజైన గీతాంజలి చిత్రం ఇప్పటికి ముప్పై ఏళ్లు పూర్తి చేసుకుంది..ఈ సంధర్బంగా అప్పటి చిత్ర పోస్టర్లను వాటిని ట్వీట్ చేయడంతో అనూహ్యంగా గిరిజ మళ్లీ వార్తల్లో వ్యక్తిగా మారిపోయింది..ఇన్నేళ్ల తర్వాత మళ్లీ గిరిజను చూసిన సినిమా ప్రేమికులు తనని చూసి ఆశ్చర్యపోతున్నారు.కొందరు నటనే ప్రాణంగా సినిమాలే ప్రపంచంగా బతికేస్తూ సినిమాల్లోకి వస్తారు. అలాంటి వారు అందరికి గుర్తుంటారని చెప్పలేం..మరికొందరు చేసింది ఒకే సినిమా అయినా గుర్తుండిపోతారు..అలాంటి వారిలో గిరిజ ఒకరు..