News

ఒకప్పుడు పెళ్లిళ్ల పేరయ్యలు వివాహ సంబంధాలు చూసేవాళ్ళు.అప్పట్లో ఒక్కో పెళ్లిళ్ల పేరయ్య జీవితంలో కొన్ని వేల పెళ్లిళ్లు చేయించి ఇరు కుటుంబాల మధ్యలో వారధిగా ఉండేవాళ్ళు.ఎటువంటి సమస్య వచ్చిన పెళ్లిళ్ల పేరయ్యలే బాధ్య వహించేవాళ్ళు.కానీ మారుతున్న సమాజాల్లో ఇప్పుడు ఆన్లైన్ వివాహ వేదికలు ఎక్కువ అవుతున్నాయి.అయితే ఆన్లైన్ మ్యారేజ్ వెబ్ సైట్స్ లో మోసపోయినవాళ్లు ఎందరో ఉన్నారు.అయితే తాజాగా మ్యారేజ్ వెబ్సైటు లో నాలుగు పదుల వయసు దాటినా ఓ మహిళా ఎంతో చాకచక్యంతో ఓ ఎన్ఆర్ఐ ను బోల్తా కొట్టింది ..పూర్తి వివరాల్లోకి వెళ్తే ..

కాలిఫోర్నియా లో సెటిల్ అయినా వరుణ్ అనే అతను ఆన్లైన్ మ్యారేజ్ వెబ్సైటు లో తన ప్రొఫైల్ ను క్రియేట్ చేసుకున్నాడు.తనకి తగిన వధువు కోసం వేచి చూస్తూ ఉన్నాడు.అయితే రంగారెడ్డి జిల్లా కు చెందిన 43 యేళ్ళ మాధవనేని మరియు తన కుమారుడు అయినా 22 యేళ్ళ ప్రణవ్ లక్సరీ లైఫ్ కు అలవాటుపడ్డారు.కష్టపడకుండా ఈజీ గా వచ్చే మనీ కోసం ఎదురుచూసేవాళ్ళు.అందుకోసం మాధవనేని ఆన్లైన్ మ్యారేజ్ వెబ్ సైట్ లో కీర్తి అని ఒక ఫేక్ ఖాతాను సృష్టించి వరుణ్ అనే ఓ ఎన్ఆర్ఐ తో పరిచయం ఏర్పర్చుకుంది.దీంతో వరుణ్ కి తియ్యటి కబుర్లు చెప్పి రోజంతా గడిపేసేది.కొంచెం పరిచయం పెరగగానే నేను చాలా డబ్బున్న అమ్మాయిని అని మా తండ్రికి నేను ఒక్కదాన్నే కూతుర్ని అని మాకు చాలా కోట్ల ఆస్థి ఉందని నమ్మించింది.

representative image

కాకపోతే మా ఆస్తులు అన్ని కోర్ట్ లో కొన్ని వివాదాల్లో ఉన్నాయని వాటి కోసం ముందుగా కొంత డబ్బు ఖర్చుపెట్టాల్సి ఉంటుందని నా దగ్గర ఇప్పుడు డబ్బులు లేవని మాధవనేని వరుణ్ తో చెప్పింది.దీంతో మాధవనేని ని నమ్మిన వరుణ్ 65 లక్షలు మాధవనేని ఖాతాలో జమ చేసాడు.కొన్ని రోజుల తర్వాత మోసపోయానని వరుణ్ కి అర్ధం అయింది.దీంతో జూబ్లీ హిల్స్ పోలీసులను ఆశ్రయించారు వరుణ్.కాగా మాధవనేని మరియు అతని కుమారుడిని పోలీసులు అదుపులోకి తీసుకున్నారు.అయితే మాధవనేని పై ఇదివరకు కూడా పలు పోలీస్ స్టేషన్ లలో చాలా కేసులు నమోదు అయినట్టు జూబ్లీహిల్స్ సిఐ వెల్లడించారు .

మనుషులకు  హ్యాండ్ శానిటైజర్లతో పాటు, మెదడులో ఉన్న చెత్తని క్లియర్ చేసే బ్రెయిన్ శానిటైజర్లు కూడా కావాలి అని ఎక్కడో చదివా..ఈ వార్త చూస్తే బ్రెయిన్ శానిటైజర్ల అవసరం చాలా ఉంది అనిపిస్తుంది..కరోనా వచ్చిందో లేదో తెలియదు..వచ్చినా కూడా వైద్య సదుపాయాలు అందుబాటులోనే ఉన్నాయి..అవన్నింటిని పక్కన పెట్టి కరోనా ఉందంటూ కన్నతల్లిని ఇంట్లోకి రానివ్వని ఘటన అందరిని విస్తుపోయేలా చేస్తోంది..

కరీంనగర్ జిల్లాకు చెందిన శ్యామల అనే 70ఏళ్ల మహిళ, రెండు నెలల క్రితం మహారాష్ట్రలోని షోలాపూర్లో బంధువుల ఇంటికి ఫంక్షన్ కి వెళ్లింది.. ఫంక్షన్ అయిపోయాక తిరిగి వచ్చేద్దామనుకునేసరికి లాక్ డౌన్ ప్రకటించారు..చేసేదేం లేక రెండు నెలల పాటు బంధువుల ఇంట్లోనే ఉండిపోయింది..ఇటీవల లాక్ డౌన్ సడలింపు ఇచ్చేసరికి వెంటనే పయనమైంది.మహారాష్ట్ర నుండి హైదరాబాద్ కి అక్కడి నుండి బస్ లో కరీంనగర్ కి వెళ్లింది.అక్కడ నుండి కిసాన్ నగర్ ప్రాంతంలో కొడుకుల ఇంటికి వెళ్లింది..

ఇన్ని రోజులకు తనను చూసిన కొడుకులు సంతోషపడతారు.. అష్టకష్టాలు పడి వచ్చిన తన కష్టాన్ని గుర్తిస్తారనుకున్న తల్లి ఆశలు అడియాశలయ్యాయి.. నీకు కరోనా ఉంది ఇంట్లోకి రాకు అంటూ కొడుకులు తలుపులు పెట్టేసారు.. కొడుకులు అంటే అలా చేశారు.. ఇద్దరు కోడళ్లది ఇదే వరస.. మహారాష్ట్రలో కేసులు ఎక్కువగా ఉన్నాయి నీకు కూడా కరోనా వచ్చుంటుంది..ఇక్కడ నుండి వెళ్లిపో అని రోడ్డుపైకి గెంటేశారు.ఏం చేయాలో పాలుపోక ఇంటి ముందే రోడ్డుపై కూలబడిపోయింది శ్యామల..ఒక వైపు ప్రయాణం చేసొచ్చిన అలసట, మరోవైపు మండుటెండ..చేసేదేంలేక అక్కడే కూర్చుండిపోయింది.నాకు దగ్గు, జ్వరం లాంటివి ఏం లేవు, ఇప్పుడు ఇంట్లోకి రానివ్వకపోతే ఎక్కడికి పోనూ అంటూ ఆ తల్లి కంటతడి పెట్టుకుంది.

అయినా కరోనా ఉంటే హాస్పిటల్ కి తీస్కెళ్లాలి కానీ ఇంటి నుండి గెంటేయడం ఏంటి విడ్డూరం..కన్నతల్లిపట్ల వ్యవహరించాల్సిన తీరేనా ఇది అంటూ స్థానికులు ముక్కున వేలేసుకున్నారు..తీరా కొందరు తిట్టడంతో తల్లిని ఇంట్లోకి రానిచ్చారు. ఎండలో రోడ్డుపై కూర్చున్న శ్యామలమ్మ వీడియో తీసి ఎవరో సోషల్ మీడియాలో పోస్టు చేశారు..ప్రస్తుతం ఆ వీడియో సోషల్ మీడియాలో వైరలవుతోన్న ఆ వీడియో చూసిన నెటిజన్లు ఆగ్రహం వ్యక్తం చేస్తున్నారు…ఈ ఘటన చూస్తుంటే ముందు కరోనాకి వ్యాక్సిన్ కాకుండా,జనాలకి  అవగాహన పెంచే మందు కనిపెడితే బాగుంటుంది అనిపిస్తోంది.

ప్రభుత్వం  లాక్ డౌన్ సడలించి అవసరమైనప్పుడు ప్రజలు బయటికి వచ్చి వారి పనులను పూర్తి చేసుకొని వెళ్లొచ్చు అని ఆదేశం జారీ చేసింది. షాపుల ముందు క్యూ పద్ధతి పాటించాలి అని, మనిషికి మనిషికి మధ్య ఆరు అడుగుల దూరం ఉండాలి అని కూడా హెచ్చరించింది. కానీ ఆ దూరం తో కూడా మనిషి నుండి మనిషికి వ్యాధులు సోకే ప్రమాదం ఉంది అని సైన్స్ చెబుతోంది.

ఈ మధ్య చేసిన ఒక సర్వే లో “ఆరడుగుల సామాజిక దూరం సరిపోదు  అని, ఎందుకంటే మనిషి దగ్గితే 4 నుండి 15 కి.మీ వరకు గాలిలో ఆ దగ్గు ప్రభావం ఉంటుంది. అలా దగ్గినప్పుడు నోట్లో నుండి వచ్చే  ఉమ్ము 18 అడుగుల వరకు వ్యాపించే అవకాశం ఉంటుంది.” అని తాలిబ్ డ్బౌక్ మరియు డిమిట్రిస్ డ్రికాకిస్ అనే ఇద్దరు శాస్త్రవేత్తలు రీసెర్చ్ చేసి కనుగొన్నారు..

ఆ దగ్గిన మనిషి చుట్టుపక్కల చిన్నపిల్లలు , వృద్ధులు ఉంటే వారికి ఇంకా వేగంగా వ్యాపించే అవకాశాలు ఉన్నాయి అని చెప్పారు.“మనం ఎంత గట్టిగా దగ్గితే అంత ఎక్కువగా చుట్టుపక్కల వ్యాపిస్తుంది. అప్పుడు ఆ దగ్గులో ఉన్న ప్రెజర్, వెలాసిటీ  వల్ల ఉమ్ములో ఉండే కణాలు  ఆవిరి లా మారి దగ్గు ప్రభావం ఎక్కువ దూరం  విస్తరించి వ్యాధులు సోకే సూచనలు పెరుగుతాయి. “ అని ఆ ఇద్దరు శాస్త్రవేత్తలు అన్నారు .

ఇంకా ఉష్ణోగ్రత, భూమి ఉపరితలం, ఇండోర్ వాతావరణాలు, కూడా పరిశీలించి అధ్యయనం చేయాల్సిన అవసరం ఉంది. ఒక్క దగ్గు వల్లే కాదు ఇంకా చాలా రకాలుగా మనకి తెలియకుండానే మనం అంతగా శ్రద్ధ తీసుకునే అవసరం లేకుండా చేసే చిన్న చిన్న పనులు, అలవాట్ల వల్ల కూడా వ్యాధులు సోకే అవకాశాలు ఉన్నాయి.

Protection, Prevention of Corona virus Covid-19

ఈ పరిశోధన ఎంతో ముఖ్యమైనది ఎందుకంటే ఇది ఆరోగ్యం మరియు భద్రత కు సంబంధించినది ప్రజలలో అవగాహన నూ అభివృద్ధి చేస్తుంది. రీసెర్చ్ ద్వారా వచ్చే ఫలితాల ఆధారంగా ముందు జాగ్రత్త చర్యలు రూపొందించడం లో ఉపయోగపడుతుంది డ్రికాకిస్ చెప్పారు.

source :https://timesofindia.indiatimes.com/life-style/health-fitness/health-news/six-feet-may-not-be-far-enough-for-safe-social-distancing-study/articleshow/75860507.cms