News

ఈ లాక్ డౌన్ పీరియడ్ చాలా కష్టంగా ఉంది. ఫ్రీడమ్ దొబ్బింది. బయటకి వెల్దామంటే పోలీసులు లాఠీలతో కొడుతున్నారు. తెచ్చిన సరుకులు ఎన్ని రోజులు వస్తాయో తెలీదు. మనలాంటి కష్టాలే చాలామందికి ఉన్నాయి. సరదాగా కొన్ని చెప్తాను. సిరియాలో 2011 నుండి 2019 వరకు వార్ జరిగింది. చాలా సిటీస్ లేవు. లక్షల మంది చనిపోయారు. అక్కడ ప్రజలు ఎక్కడ వెళ్లాలో తెలియక బిక్కుబిక్కుమంటూ బతుకుతున్నారు. 2014 లో అమ్మాయిలని తీసుకెళ్లిపోయారు. 2019 లో ఇళ్ళకి చేరారు. అన్ని సంవత్సరాలు వారు ఎంత ఏడ్చి ఉంటారు. కొంతమంది వేరే కంట్రీ కి వెళ్తుంటారు. బోర్డర్స్ లో ఇరుక్కుపోతారు. పూరి గారు ఇంకేం చెప్పారో వీడియోలో చూడండి.

watch video:

జనతా కర్ఫ్యూ సమయంలో కూడా తన స్టైల్ లో సలహా ఇచ్చారు పూరి…‘‘ఎందుకు చెప్పారో.. మన ప్రధానమంత్రి గారు చెప్పిన మాట విందాం. ఆదివారం అందరం ఇంట్లోనే ఉందాం. ఇలా ఉంటే ఆ కరోనా వైరస్ తాలూకు చైన్ కట్ అవుతుందని పెద్దలందరి అభిప్రాయం. సో.. వారి మాటను గౌరవించి ఇంట్లోనే ఉందాం. ఇవాళ కరోనా లేని ప్లేస్‌లోకి ఎవరైనా వెళ్లాలి అనుకుంటే.. ఒక ఊరు ఉంది. ఆ ఊరు పేరు ఏంటంటే వూహాన్. చైనాలో కరోనా వస్తే.. కంట్రీ మొత్తం కట్టగట్టుకుని కరోనాని చావకొట్టారు. సో.. మనం కూడా ఆ పని చేయాలనుకుంటే.. చెప్పిన మాట వినండి.

కొంత మంది నేను ఇంట్లో ఉండలేను అని నెగిటివ్‌గా మాట్లాడేవాళ్లకి, ఫ్రస్టేట్ అయ్యేవాళ్లకి నా సలహా ఏమిటంటే.. ఆదివారం ఉదయం లేవగానే నాలుగు స్ఫూన్లు ఆముదం తాగండి. మోషన్స్ అవుతాయి. ఇక ఆ పనిలో బిజీగా ఉంటారు. సాయంత్రం అయిపోతది. హ్యాపీగా ఉంటది. సో.. ఇలాంటి టైమ్‌లో నెగిటివ్‌గా లేకుండా చెప్పిన మాట వినండి. రేపందరూ ఇంట్లోనే ఉండండి. లవ్ యు ఆల్..’’ అని చెప్పారు పూరి. కాబట్టి మనం కూడా లాక్ డౌన్ తప్పనిసరిగా పాటిద్దాము. దేశాన్ని కాపాడుకుందాము.

కరోనా వైరస్ ప్రభావం ఆర్థిక వ్యవస్థపై తీవ్ర ప్రభావం చూపుతుందనే ఆందోళనతో జర్మనీలోని హెస్సే రాష్ట్ర ఆర్దికమంత్రి థామస్ షపెర్ ఆత్మహత్య చేసుకున్నారు. తీవ్ర ఒత్తిడికి లోనైన షపెర్ రైలు కింద పడి బలవన్మరణానికి పాల్పడ్డారు.  రెండు దశాబ్దాలకు పైగా రాజకీయాల్లో ఉన్న ఆయన, దాదాపు పదేళ్లు ఆర్దిక మంత్రిగా పనిచేసిన థామస్ మరణ వార్త అందరిని కలచివేస్తుంది.

పారామెడికల్ సిబ్బంది  హొచీమ్ పట్టణంలో హై స్పీడ్ రైల్వే లైన్‌ పై ఒక డెడ్ బాడీని  గుర్తించారు .వెంటనే రైల్వే ట్రాక్‌ పై  పడి ఉన్న డెడ్ బాడీ గురించి  పోలీసులకు సమాచారం అందించారు.  మృతదేహాన్ని పరిశీలించిన తర్వాత చనిపోయింది థామస్ అని గుర్తించారు.బలవనర్మరణానికి పాల్పడే ముందు థామస్ సూసైడ్ నోట్ రాసినట్లు  సమాచారం . థామస్ షపెర్ జర్మనీ ఛాన్సలర్ ఏంజెలా మెర్కెల్‌కు చెందిన క్రిస్టియన్ డెమొక్రాట్స్ (సీడీయూ) పార్టీకి చెందిన నాయకుడు.

ప్రస్తుత స్టేట్ ప్రీమియర్ వోకర్ బౌఫీయర్ కి షపెర్ వారసుడిగా భావించేవారు. ప్రీమియర్ అంటే మన దగ్గర సిఎం పదవి లాంటిది. వచ్చే ఎన్నికల్లో థామస్ ప్రీమియర్ గా ఎన్నికవుతారనే అనుకున్నారందరూ కాని ఇంతలో థామస్ ఆత్మహత్య చేసుకోవడంతో అందరూ షాక్ కి గురయ్యారు. జర్మనీ ఆర్థిక రాజధాని ఫ్రాంక్‌ ఫర్ట్ నగరం కూడా హెస్సే రాష్ట్ర పరిధిలోనే ఉంది. కోవిడ్ మహమ్మారి కారణంగా షఫెర్ తీవ్ర ఒత్తిడికి లోనయ్యారని బౌఫీయర్ తెలిపారు.

కరోనా వైరస్ వ్యాప్తి నేపధ్యంలో తరచుగా ప్రజల మద్య కనిపించిన షపెర్ సంక్షోభసమయంలో ఆర్ధిక సాయం ఎలా ఉండబోతుంది అనే సమాచారం కూడాప్రజలకు ఇచ్చారు. ఆర్థిక సాయం పట్ల ప్రజలకు ఉన్న అంచనాలను  అందుకోవడం ఎలా అనే ఆందోళనతో, తీవ్ర మనస్తాపానికి గురైన థామస్ ఆత్మహత్యకు పాల్పడ్డాడని  సమాచారం.

ఇప్పటివరకు జర్మనీలో 58 వేల మందికిపైగా కోవిడ్ బారిన పడగా 455 మంది ప్రాణాలు కోల్పోయారు . కరోనా  వైరస్ వ్యాప్తి నేపద్యంలో ప్రపంచదేశాలన్ని తీవ్రంగా భయపడుతున్నాయి. అన్ని దేశాలు లాక్ డౌన్ ఏర్పరచుకున్నాయి. ప్రపంచదేశాలన్ని ఆర్దికంగా తీవ్ర నష్టాన్ని చవిచూడనున్నాయి. ఈ సంధర్బంలో షపెర్ మరణం అందరిని భయాందోళనలకు గురిచేస్తోంది.

ఆశ క్యాన్సర్ ఉన్నోన్ని కూడా బతికిస్తుంది, కాని భయం అల్సర్ ఉన్నోన్ని కూడా చంపేస్తుంది అని ఏదో సినిమా డైలాగ్ ఉంటుంది. ఇప్పుడు మనకి కావల్సింది ధైర్యమే.  కరోనా వచ్చి పోయేకంటే, ఎక్కడ వస్తుందో అనే భయంతోనే పోయేలా ఉంది మనలో చాలామంది పరిస్థితి..మనం చేస్తున్నది పోరాటం.ఈ పోరాటం మన ఒక్కరికోసమే కాదు, మన తోటివాళ్లందరి కోసం, ఈ పోరాటంలో గెలవాలంటే మనకి కావలసింది ధైర్యం అని పదే పదే చెప్పుకుంటునే ఉన్నాం. అయినా కూడా భయపడుతూనే ఉన్నారు. ఒక జంట అయితే ఆత్మహత్య చేసుకున్నారు.

రాజమండ్రికి చెందిన రమేశ్, అతని భార్య వెంకటలక్ష్మీ తామిద్దరికి కరోనా సోకిందేమో అనే భయంతో, కిరోసిన్ పోసుకుని నిప్పటించుకుని ఆత్మహత్య చేసుకున్నారు. వివరాల్లోకి వెళ్తే ఆటో డ్రైవర్ గా పనిచేసేవాడు రమేశ్, వెంకటలక్ష్మీ ఇళ్లల్లో పనులు చేస్తుంది. పదిహేనేళ్ల క్రితం పెళ్లైన వీరిద్దరికి ఇప్పటివరకు పిల్లలు లేరు. పిల్లలు లేకపోయినప్పటికి ఒకరికొకరు అన్యోన్యంగా ఉండేవాళ్లు.  ఇద్దరూ వారి ఇంటికి సమీపంలోని పొదల్లోకి వెళ్లి ఆత్మహత్యకి పాల్పడ్డారు.

ఆత్మహత్య చేస్కున్న స్థలంలో  లెటర్  దొరికింది. వారికి  కొన్ని అప్పులున్నాయని, ఇప్పుడు కరోనా సోకిందేమో అని భయంగా ఉందని అందుకే చనిపోతున్నామని రాసి ఉన్నట్టు సమాచారం.  కరోనా సోకిందేమో అనే భయంతో చావులు, కరోనా సోకింది కాబట్టి చుట్టుపక్కల వాళ్లేమనుకుంటారో అనే భయంతో దాచిపెట్టడం, లేదా చనిపోవడం లాంటి పిచ్చిపనులు చేయకండి.

కరోనా లక్షణాలైనా దగ్గు, జలుబు , తలనొప్పి , జ్వరం లాంటివి ఉంటే ముందుగానే ఒక నిర్ణయానికి వచ్చేయకండి, మామూలు జ్వరం, తలనొప్పి కూడా కావొచ్చు . కాబట్టి మీకు ఆ లక్షణాలు కనపడితే భయపడకుండా, జాగ్రత్త పడండి, ప్రభుత్వ హాస్పిటల్ కి వెళ్లి టెస్టులు చేయించుకోండి. రోగం నిర్దారణ కాకముందే మీకు మీరే మీ జీవితానికి చెక్ పెట్టుకోకండి. . అయినా కరోనా వైరస్ సోకినంత మాత్రానా చనిపోరు , మనం ఆరోగ్యంగా ఉన్నంత కాలం ఏ వైరస్ మనల్ని ఏమీ చేయలేదు.. ధైర్యంగా ఉండండి..

ఒకటి రెండు కాదు ఏకంగా అరవై రోజులపాటు హోం క్వారంటైన్లో ఉన్న ఊహాన్ నగరం ఇప్పుడిప్పుడే వెలిగిపోతుంది, రెండు నెలలు ఎక్కడికక్కడ క్లోజ్ అయిపోయి చీకటిలో గడిపిన నగరం ఇప్పుడు ఒక్క కరోనా కేసు లేకుండా ఊపిరి పీల్చుకుంటుంది అని మొన్ననే చదివాం . కాని  ఆ సంతోషం మూడు రోజులు కూడా నిలవలేదు. వుహాన్ సిటిలీ కరోనా మళ్లీ బయటపడుతుంది.. వైరస్ ప్రభావం నుండి కోలుకున్న వారిలో మళ్లీ పాజిటివ్ లక్షణాలు కనపడుతూ కలవరపెడుతున్నాయి.

రెండు నెలల తర్వాత లాక్ డౌన్ నుండి బయటికి వచ్చిన చైనా ప్రభుత్తవం పనులు ప్రారంభించింది . కరోనా పేషెంట్స్ కోసం నిర్మించిన వెయ్యి పడకల హాస్పిటల్ నుండి చివరి పేషెంట్ ని డిశ్చార్జి  చేసి హమ్మయ్య అని అనుకుంది. అనుకున్నట్టుగానే మరుసటి రోజు ఒక్క కేసుకూడా నమోదు కాలేదు. సంతోషం.. కానీ  ఇతర దేశాల్లో చిక్కుకుపోయిన చైనీయులంతా తిరిగి స్వదేశానికి చేరుకుంటున్న సమయంలో కొత్త కేసులు నమోదు కావడం, కోలుకున్న కరోనా బాధితుల్లో కొందరికి మళ్లీ పాజిటీవ్ లక్షణాలు ఉన్నట్టు నిర్ధారణ కావడంతో దిగ్బ్రాంతికి గురైంది.

సౌత్ చైనా మార్నింగ్ చేసిన ఒక పోస్టు ఏం చెప్తుందంటే కరోనావైరస్ నుండి కోలుకున్న వారిలో  10 శాతం మందిలో మళ్లీ కరోనా పాజిటివ్ లక్షణాలు కనపడ్డాయి.ఇప్పటి వరకు వైరస్ బారిన పడిన వారిలో 90 శాతం మంది రోగులు కోలుకొని, పది శాతం మంది అనగా 4,300 మంది మాత్రమే  చికిత్స పొందుతున్నారు. కోలుకున్న వారిలో 3 నుండి 10 శాతం మంది మళ్లీ వైరస్ బారిన పడ్డారు. కోలుకున్న రోగులపై హెల్త్‌కేర్ ప్రొవైడర్లు న్యూక్లియిక్ యాసిడ్ పరీక్షలు నిర్వహించగా ఈ విషయం బయట పడింది. కోలుకున్న రోగులపై వైరస్‌ను గుర్తించడంలో న్యూక్లియిక్ యాసిడ్ పరీక్షల పనితీరుని చాలా మంది ప్రశ్నిస్తున్నారు.

ఇప్పటివరకు 80 నుండి 90 శాతం మందిలో కోలుకున్న ఒక నెల తర్వాత వారి రక్తంలో వైరస్ లేదని తేలింది. అయినప్పటికి కూడా వారిని ఒక నెల పాటు క్వారంటైన్ లో ఉంచి, మళ్లీ టెస్టులు నిర్వహించాలనుకుంటున్నారు. దీనికి కారణం పదిశాతం మందిలో మళ్లీ పాజిటివ్ లక్షణాలు కనపడడమే. అయితే, వైరస్ తిరగబెట్టిన వారి నుంచి ఇతరులకు కరోనా వైరస్ సోకుతుందా? లేదా అనేదానికి ఇంకా సమాధానం దొరకలేదు.

ఎందుకంటే కోలుకున్న వారిలో పాజిటివ్ నిర్దారణ జరిగింది కానీ, వ్యాధి లక్షణాలు కనపడలేదు. అంతేకాదు వారి కుటుంబ సభ్యులకు సోకిన లక్షణాలు కూడా కనపడలేదు. ఇదొక ఆశాజనకమైన విషయం.. అందుకే ఈ పది శాతం మందిలో ప్రైమరీ టెస్టుల ద్వారానే ఒక నిర్దారణకి రావడం కష్టం, మరికొన్ని టెస్టులు చేసాక నిర్దారించాల్సిన అవసరం ఉంది. మరో వైపు  ఈ వ్యాధి గురించి ఇంకా పూర్తి స్థాయిలో అధ్యయనం జరగాల్సి ఉందనేది ఆరోగ్య నిఫుణులు సూచిస్తున్నారు.

సోషల్ మీడియాలో ఫేక్ మెసేజ్ లు విపరీతంగా వస్తున్నాయి. ముఖ్యంగా వాట్సాప్ లో అయితే నిజమో కాదో తెలియకుండా ఫార్వార్డ్ చేస్తూనే ఉన్నారు. లాక్ డౌన్ నేపథ్యంలో అందరు ఆన్లైన్ లో ఎక్కువగా ఉంటారని అలుసుగా తీసుకొని కొందరు ఇలాంటి ఫేక్ న్యూస్ ఫార్వార్డ్ చేస్తున్నారు. తాజాగా రేపటి నుంచి వైన్‌షాపులు ఓపెన్‌ చేస్తున్నారనే ఫేక్ న్యూస్ వాట్సాప్ లో ఫార్వార్డ్ అవుతుంది.

ఏకంగా ఎక్సైజ్‌ అండ్‌ ప్రొహిబిషన్‌ డిపార్ట్‌మెంట్ పేరుతో ఓ ఫేక్‌ జీఓను తయారు చేసి సోషల్‌ మీడియాలో షేర్‌ చేశారు. ఈ న్యూస్ పై పోలీసులు సీరియస్ గా ఉన్నారు. ఈ ఫేక్ మెసేజ్ సృష్టించిన వారికోసం దర్యాప్తు చేస్తున్నారు. దయచేసి ఇలాంటి ఫేక్ న్యూస్ లు ఫార్వార్డ్ చేయకండి.

source: namasthe telangana

ప్రపంచ దేశాల ప్రభుత్త్వాలన్నిటిని కరోనా వైరస్ కలవరపెడుతుంది.అగ్రరాజ్యం అమెరికా సైతం గజగజ వణికిపోతోంది . చైనాలో మొదలైన ఈ పెనుభూతం ప్రపంచ దేశాలకు విస్తరిస్తుంది . ప్రతిరోజు లక్షల సంఖ్యలో కేసులు నమోదు అవ్వడంతోపాటు వేలాది మంది మరణిస్తున్నారు .ఇదిలా ఉండగా ఇప్పుడు అందరి ద్రుష్టి ఆ చిన్న దేశం మీదే ..ఎందుకంటే ఆ దేశం కారోనా మహమ్మారిని దీటుగా ఎదురుకోగలిగింది. పైగా ఆ దేశం చైనాకి అత్యంత చేరువలో వుంది .

ఇక్కడ కేసులు ఏమి లేకపోలేదు. వున్నాయి, కానీ అవి అత్యంత తక్కువగా.. అంటే వందల సంఖ్యలో ఉండడం.. పైగా మరణాల సంఖ్య పూర్తిగా లేకపోవడంతో ప్రపంచం ద్రుష్టి ఆ దేశంపై పడింది .ఆ దేశమే వియత్నాం ..వియత్నాం అధికార కమ్యూనిస్ట్ పార్టీ పెద్దలు తీసుకున్న తక్షణ చర్యల వలన ఆ దేశ ప్రజలు సురక్షితంగా వున్నారు .అసలు ఈ కారోనా వైరస్ ని ఎలా ఏ విధంగా అదుపు చేయగలిగింది అనే విషయాలు తెలుసుకోవడానికి ప్రపంచ ప్రభుత్త్వాలన్నీ తెగ ప్రయత్నిస్తున్నాయి.

వియత్నాం ..ఇక్కడ వైద్య బృందం మరియు వైద్య సదుపాయాలు చాలా తక్కువ .కేవలం 8 మిలియన్ల జన సాంద్రత కలిగిన నగర రాజధాని హొచిమిన్ .చైనాలో ప్రఖ్యాత నగరమైన వుహాన్ లో 2019 చివరిలో మొదలైంది కరోనా వైరస్ . అసలే వైద్య సదుపాయాలు తక్కువగా ఉండడంతో చాల ముందుగానే జాగ్రత్తలు తీసుకుంది వియత్నాం ప్రభుత్వం .

చైనాలో జనవరి 20నుండి పూర్తి లాక్ డౌన్ ప్రకటించగా అంతకంటే 19 రోజుల ముందు వియత్నాం లాక్ డౌన్ చేసారు . పక్కనే వున్నా చైనాలో పుట్టిన కరోనా వైరస్ తమ దేశంలో ఎవరికీ సోకింది అని దానిపై ఆరాతీసి వారికోసం గాలింపు చర్యాలు ముమ్మరం చేసారు. దీనిలో అధికార కమ్యూనిస్ట్ పార్టీ పెద్దలు కీలక పాత్రా వహించారు .

ఒక విధంగా చెప్పాలంటే ఒక హాంటింగ్ సెర్చ్ ఆపరేషన్ లా జరిగింది. మొదట కారోనా వ్యాధిగ్రస్తులను గుర్తించి వారిని నిర్బంధించారు. తరువాత వీరు ఎవరిని కలిశారు ఎవరితో సన్నిహితంగా వున్నారు అని తదితర అంశాలను తెలుసుకొని వారిని కూడా ఎక్కడికి వెళ్లకుండా నిర్బంధించారు.

కరోనా బాధితులు తిరిగిన ప్రదేశాలని కలిసిన వ్యక్తులని నాలుగు భాగాలుగా విభజించారు . వాళ్లందరికీ కరోనా పరీక్షలు చేసి పాజిటివ్ వచ్చినవారిని హౌస్ అరెస్ట్ చేసి వైరస్ విజృంభించకుండా కట్టడి చేసారు .తదుపరి చాలా ప్రాంతాలలో లాక్ డౌన్ విధించారు . మూడు వారలు , నెల రోజులు దీనిని అమలు జరిపారు . లాక్ డౌన్ విధించడం వలన ఆర్ధిక రంగంపై నెగిటివ్ ఇంపాక్ట్ పడుతుంది అని కొత్తగా కేసులు నమోదు కాని ప్రాంతాలలో లాక్ డౌన్ ఎత్తి వేశారు .

అసలు ఈ వృత్తాంతంలో ప్రధానమైంది ఏంటంటే ముందుగానే వ్యాధిగ్రస్తులను గుర్తించి నిర్బంధించి వారు కలిసిన వారికి కూడా పరీక్షలు చేసి పాజిటివ్ వచ్చినవారిని హౌస్ అరెస్ట్ చేసి సరైన సమయంలో లాక్ డౌన్ విధించి జనాలకు అవగాహన కల్పించి విపరీతంగా మాస్క్ లు, శానిటైజర్లు పంపిణి చేసింది.ఇలా అనేక ముందస్తు చర్యలతో ఆ దేశ ప్రజలకు వైరస్ వ్యాప్తి చెందకుండా బాగానే అరికట్టింది .మొత్తం మీద ఆ దేశానికీ ముందు చూపు బాగా వర్క్ అవుట్ అయింది .

కరోనా కి అందరు సమానులే …చిన్న పెద్ద కులం మాత్రం వుందంటా . కరోనా ఆడవారిపై కంటే మగవారిపైనే ఎక్కువగా ప్రభావం చూపుతుంది అంటా .నిపుణులు ఆడవారికి ఎంత మందికి సోకింది మగవారికి ఎంతమందికి సోకింది అనే డేటాపై ఆరతియ్యగా స్త్రీల కంటే మగవారిపై దీని ప్రభావం ఎక్కువగా వుంది అని తెలిసింది .

.పురుషులు ఆడవారిలో మరణాల సంఖ్య డాటాను పరిశీలించగా ఆడవారికంటే మగవారిపై ఈ వ్యాధి ఎక్కువగా ప్రభావం చూపుతుంది అని డేటా తెలిపింది . ప్రపంచ వ్యాప్తంగా ఇప్పటిదాకా మరణించిన వారిలో ఆడవారితో పోలిస్తే మగవారే ఈ వ్యాధి బారిన పడినవారు ఎక్కువ అని నమూనాలు తెలుపుతున్నాయి.

కరోనావైరస్ వ్యాప్తి ఇంకా ప్రారంభ దశలోనే ఉండగా.. ఇటలీ, చైనా, జర్మనీ, స్పెయిన్, ఇరాన్, దక్షిణ కొరియా, ఫ్రాన్స్, నెదర్లాండ్స్, పోర్చుగల్, డెన్మార్క్ మరియు స్వీడన్‌లలో వైరస్ బారిన పడి మరణించిన వారిలో పురుషులే ఎక్కువగా ఉన్నారు.

హృదయ సంబంధిత రోగాలు సామాన్యంగానే ఆడవారి కంటే పురుషులలో ఎక్కువగా ఉండడం.పొగత్రాగే వారు కూడా ఆడవారిలో కంటే మగవారిలో ఎక్కువ ఉండడం దీనికి కారణం కావచ్చు కానీ దీనికి ప్రత్యేకమైన కారణాలు ఏమి ఇప్పటికి శాస్త్రవేత్తలు ప్రత్యేకంగా ఏమి చెప్పలేకపోతున్నారు ..ఈ అలవాట్లే మగవారిలో ఎక్కువ మరణాలకు కారణం అని చెప్తున్నారు …కరోనా మొదలైన దేశంలో మగవారి మరణాల రేట్ 2.8 శాతం ఉండగా ఆడవారి మరణాల రేట్ 1.7 మాత్రమే ..కరోనా బారినపడి మరణించిన వారు చైనాలో 68 శాతం మగవారు మరియు ఇటలీలో 71 శాతం వున్నారు .

అంతేకాకుండా స్వతహాగా పరిశుభ్రత , వైద్యుల సలహాలు కచ్చితంగా పాటించే గుణం మగవారికంటే ఆడవారిలో ఎక్కువగా ఉండడం వల్లనే ఆడవారు ఈ వ్యాధిబారిన తక్కువగా పడుతున్నారు అని కొంతమంది అభిప్రాయపడుతున్నారు.

కరోనా వైరస్ ని అదుపు చెయ్యాలంటే వున్నా ఏకైక మార్గం సోషల్ డిస్టెన్స్ అని డాక్టర్స్ చెప్తున్నా కారణంగా వేరే ఏ విదంగాను ఈ మహంమారిని అదుపు చెయ్యలేమని దేశ ప్రభుత్త్వాలన్నీ కంప్లీట్ లాక్ డౌన్ చేసిన విషయం తెలిసిందే .స్కూల్ లు ,కాలేజీలు ,ఆఫీసులు ,సినిమా హాల్ లు , బార్లు షాపింగ్ మాల్స్ అని తేడా లేకుండా అన్నిటికి సెలవు ప్రకటించారు ..రైల్వే బస్సు మార్గాలన్నిటిని పూర్తిగా ఆపేసారు దీనితో ప్రజలు నిత్యా అవసర వస్తువలకి కనీసం బయటకి వెళ్లి కూల్ డ్రింక్ త్రాగడానికి కూడా అవకాశం లేక చాలా బాధపడుతున్నారు..ఇదిలా ఉండగా వివరాల్లోకి వెళ్తే …

కరోనా కారణంగా మద్యం దుకాణాలు కూడా మూసి వెయ్యడంతో తీవ్ర మనోస్థాపానికి గురి అవుతున్నారు మందుబాబులు …మద్యం రేట్లు బారి స్థాయిలో పెంచక కూడా మందుబాబులని అదుపు చెయ్యడం ఎవరి వలన కాలేదు . తినడానికి లేకున్నా ఇంట్లో అవసరాలున్న మానుకొని మద్యం తాగేవారు కానీ ఇప్పుడు మద్యం దొరకకపోవడం తో మధ్యపాన ప్రియులందరికీ చెప్పుకోలేని కష్టం వచ్చిందని గతంలో ఎప్పుడు మేము మద్యం మొదలు పెట్టక ఇంత గ్యాప్ ఎప్పుడు రాలేదని వాపోతున్నారు .

లాక్ డౌన్ నేపథ్యంలో మందు దొరకక ఆల్కహాల్ ఎడిక్ట్స్ వింత వింతగా ప్రవర్తిస్తున్నారు ..వింత ప్రవర్తన చుసిన కుటుంబ సభ్యులు హాస్పిటల్ లో చేరుస్తున్నారు ..కామారెడ్డి లో ఒకతను మందు లేక మత్తు కోసం ఏకంగా ఫినాయిల్ తాగాడు .కుటుంబ సభ్యులు చూసి సకాలంలో గుర్తించడంతో హాస్పిటాలిజ్డ్ చేయగా ప్రాణాపాయం తప్పింది ..ఇలా చాలామంది మందు దొరకక చుట్టూ వున్నావాలని తిట్టడం అనవసరం గ కోపపడడం , కొట్టడం లాంటివి చేస్తున్న సంగటనలు రాష్టంలో రోజురోజుకి నమోదు అవుతున్నాయి .

ఈ విషయంపై మానసిక వైద్య నిపుణులు ఏమంటున్నారంటే మత్తుకి బానిసైన ఆల్కహాల్ ఎడిక్ట్స్ అయినవారు ఇలా ప్రవర్తించడం సహజమేనని ..మొదటిగా విరిలో కాళ్ళు చేతులు వణకడం , దడదడగ అనిపించడం , కొంతమందిలో ఫీట్స్ రావడం జరుగుతాయని అన్నారు . మద్యానికి బానిస అయినవారి బ్రెయిన్ లో కెమికల్స్ న్యూరాన్స్ మద్యం తాగితే గాని నిద్రరాని స్థితికి మారిపోతాయని దానివలన మద్యానికి బానిసైనవారికి ఆల్కహాల్ లేకుండా నిద్ర రాదని అందువలన మానసిక సమస్యలు తలెత్తడం సహజమేనని అన్నారు .లాక్ డౌన్ కారణంగా మందు దొరకక రోజుకి పాదుల సంఖ్యలో ఇలాంటి కేసులు నమోదు అవుతున్నాయి అన్నారు.పాపం ఎవరి కష్టాలు వారివిలాగా మందుబాబులు కరోనా కారణంగా చాల కష్టాలు పడుతున్నారు.

watch video: