News

అనుకున్నంతా జరుగుతోంది.. కరోనా కేసులు ముదురుతుండడంతో ప్రజలు భయాందోళనలతో ఏం చేస్తారో అని భయపడినంతా జరుగుతోంది.. లాక్ డౌన్ నేపధ్యంలో ఏం చేయాలో పాలుపోక ఏం చేస్తారో అని టెన్షన్ పడినదంతా జరిగేలా ఉంది. మనుషులు ఉన్మాదుల్లా మారతారేమో అని అనుకున్నదంతా జరిగేలా ఉంది..ఈ వార్త చదివితే కరోనా కంట్రోల్ కాకపోతే మనుషుల పరిస్థితి ఏంటా అని మనకు వెన్నులో వణుకొచ్చేలా ఉంటుంది.

ప్రపంచం మొత్తం ఇప్పుడు కరోనా ఆధినంలో ఉంది.దాంతో దేశాలన్ని లాక్ డౌన్ ప్రకటించుకుని ఎటూ కదలకుండా ఉన్నాయి. అమెరికా, ఇటలీ,  ఆస్ట్రేలియా అయితే ఏకంగా ఆరునెలలు లాక్ డౌన్ ప్రకటించింది. మన దేశం కన్నా ముందే శ్రీలంక లాక్ డౌన్ ప్రకటించేసింది. శ్రీలంకలో ఎక్కువగా నివసించేది మన తమిళ్ వాళ్లే..లాక్ డౌన్ ప్రకటించడంతో అందరూ సొంత ప్రాంతానికి వచ్చేశారు. శ్రీలంక నుండి వచ్చిన వారికి కూడా పరీక్షలు నిర్వహించి సీరియస్ గా ఉన్నవాళ్లకి ఐసోలేషన్ కి, మరికొంతమందిని హోం క్వారంటైన్ కి పంపించారు అధికారులు.

గతవారం శ్రీలంక నుండి తమిళనాడులోని థేని జిల్లకు వచ్చిన ముఫ్పై నాలుగేళ్ల వ్యక్తికి కరోనా పాజిటివ్ నిర్దారణ అయింది. లక్షణాలు మైల్డ్ గా ఉండడంతో సమస్య ఏం లేదని హోం క్వారంటైన్లో ఉండమని ఆదేశించారు.మనోడు ఒకట్రెండు రోజులు బాగానే ఉన్నాడు. తర్వాత వింతవింతగా ప్రవర్తించడం స్టార్ట్ చేశాడు. ఒకరోజు అర్దరాత్రి ఒంటిపై బట్టల్లేకుండా వీధుల్లో తిరుగుతూ, ఒక ముసలమ్మ మెడ కొరకేశాడు.

వృద్దురాలి కేకలు వినపడడంతో చుట్టపక్కల వాళ్లు వచ్చి విడిపించి వాన్ని పోలీసులకి పట్టించారు. తొంభై ఏళ్ల ముసలమ్మ రక్తస్రావం ఎక్కువ జరగడంతో హాస్పిటల్ కి తీస్కెళ్లేలోపు చనిపోయింది.ఉన్మాదిలా ప్రవర్తించిన వాడికి ముందు నుండి మానసిక సమస్యలు ఉన్నాయిని చుట్టుపక్కలవారి సమాచారం. ఈ ఘటన అంతా చూస్తే ఐ యామ్ లెజెండ్ మూవీలో జాంబిస్ గుర్తొస్తున్నాయా?

ఐసోలేషన్లో ఉండడం అంటే మామూలు విషయం కాదు.. ఒక్కరే ఒంటరిగా గడపాలి..అది నరకంలా ఉంటుంది. ఇక కరోనా లక్షణాలు ముదిరితే ఆ ఇబ్బంది మామూలుగా ఉండదు. సోషల్ డిస్టెన్సింగ్ ద్వారానే మనం కరోనాని జయించగలం. నిజానికి రోజు ఉరుకుల పరుగుల జీవితం గడిపిన మనిషి ఇప్పుడు ఒక్క దగ్గరే కట్టిపడేసినట్టు ఉండాలంటే ఇష్టపడడు. కాబట్టి వీలైనంతవరకు ఆరోగ్యాన్ని మెరుగుపరుచుకోవడానికి, అన్నింటికంటే ముఖ్యంగా ఈ ఒత్తిడి కాలంలో మానసికంగా ప్రశాంతంగా ఉండడానికి ప్రయత్నించండి.

దుబాయ్ లో ఉద్యోగం చేస్తున్నాడు యువకుడు విజయ్ అతని వయసు 24 సంవత్సరాలు. హఠాత్తుగా ఇండియాకి బయలుదేరి మధురై ఎయిర్ పోర్టులో దిగాడు. దిగీదిగగానే ఎనిమిది మంది పోలిసులతో కలిసిన బృందం అడ్డుకొని బుధవారం ఐసొలేషన్ వార్డుకు పంపారు ..కాగా అతని గర్ల్ ఫ్రెండ్ అక్కడకి అతి చేరువలో వున్నా శివగంగ అనే గ్రామంలో ఉండగా తనను కలిసేందుకు చాకచక్యంగా ఐసొలేషన్ నుండి తప్పించుకున్నాడు ..పోలీసులు అంతకంటే చాకచక్యంగా సెల్ ఫోన్ సిగ్నల్స్ ఆధారంగా ట్రాక్ చేసి పట్టుకున్నారు.

స్థానికులను ఆరతియ్యగా వారు ఇచ్చిన సమాచారం ప్రకారం ప్రేమ వ్యవహారమని అందునా అమ్మాయి తల్లితండ్రులు ఒప్పుకోలేదని దాంతో యువతీ దుబాయ్ లో వున్నా విజయ్ కి ఇన్ఫర్మేషన్ ఇచ్చిందని ..ఇద్దరు ఒకచోట రహస్యంగా కలుద్దామని తదుపరి అటు నుండి ఎక్కడికైనా వెళ్లి పెళ్లి చేసుకుందామని నిర్ణయించుకున్నారు … ఐసొలేషన్ నుంచి అకస్మాత్తుగా కనిపించకపోవడంతో సమాచారం అందుకున్న పోలీసులు సెర్చ్ ఆపరేషన్ మొదలుపెట్టారు .

విజయ్ …..తన లవర్ నుండి ఫోన్ కాల్ కోసం ఎదురుచూస్తూ ఫోన్ స్విచ్-ఆఫ్ చెయ్యకుండా ఉంచాడు ….దీనితో పోలీసులకి విజయ్ ఫోన్ ట్రాక్ చేసి తాను వున్నా ప్రదేశాన్ని గుర్తించడం సులభం అయింది …యువతీ తల్లితండ్రులు విజయ్ తో ప్రేమ వ్యవహారానికి ఒప్పుకోకుండా వేరే వివాహం చేసేందుకు సిద్దపడడంతో విరిద్దరు పారిపోయి పెళ్లి చేసుకోవడానికి ప్లాన్ చేసుకున్నట్లు పోలీసులు దర్యాప్తులో తెలుసుకున్నారు.

పెళ్లంటే నూరేళ్లు కలిసి జంటగా ఆనందంగా బ్రతకాలని కోటి ఆశలతో పెళ్లి చేసుకుంటారు ..కానీ పెళ్లి అయినా 48 గంటలు దాటకముందే జంటగా ముగింపు పలికేసారు ఈ నవదంపతులు . ఆఖరిసారిగా రైల్వే ట్రాక్ పై సెల్ఫీ తీసుకుని వీడ్కోలు పలికేసారు ..తమిళనాడులో చోటుచేసుకున్న ఈ సంఘటన విషాద ఛాయలు అలముకొంది …పెళ్లి అయినా రెండురోజులకే దంపతులిద్దరూ ఆత్మహత్య చేసుకోవడం అందరి కళ్ళు చెమెర్చేల చేసింది ..

తిరుపత్తూర్‌ జిల్లావాసి అయిన రామదాసుకు పూంగులమ్‌పుదూర్‌కు చెందిన నందిని ఫేస్‌బుక్‌లో పరిచయం అయ్యింది .కూలిపని వృత్తిగా జీవనం సాగిస్తూ ఉండేవాడు రామదాసు. కాగా నందిని ఒక ప్రైవేట్ కంపెనీ ఉద్యోగి …నందిని భర్తకు దూరమైన ఒంటరి మహిళ …విరిద్దరికి ఫేస్ బుక్ లో పరిచయం ఏర్పడి ఇద్దరి మనసులు కలవడంతో అది ప్రేమగా మారింది ..దీంతో ఒంటరిగా జీవనం సాగిస్తున్న నందినికి ఒక తోడుగా ఉండేందుకు రామదాసు సంసిద్దుడయ్యాడు . అదేవిదంగా ఇద్దరు పెళ్లి చేసుకొని ఒకటి అవ్వడానికి నిశ్చయించుకున్నారు ..కానీ వీళ్ళందరూ ఒకటి అవ్వడానికి కులం అడ్డురావడంతో ఇంటి నుంచి పారిపోయి పెళ్లి చేసుకున్నారు ..

దీంతో వీరి రెండు కుటుంబల మధ్య గొడవలు నెలకొన్నాయి …దీంతో వారి వివాహాన్ని పెద్దలు ఒప్పుకోరని భావించిన విరిద్దరు వీరవర్‌ ఆలయానికి దగ్గరలో వున్నా రైల్వే ట్రాక్ పై చివరిసారిగా సెల్ఫీ తీసుకున్నారు ..ఆత్మహత్య చేసుకున్న కొద్దిసేపటి తర్వాత విషయం తెలుసుకున్న పోలీసులు సంఘటన స్థలానికి వచ్చి మృత దేహాలను స్వాధీనం చేసుకున్నారు ..పోస్ట్ మార్టనికి మృత దేహాలని పంపించి ఇంట్రాగేషన్ మొదలుపెట్టారు పోలీసులు.

ఈ లాక్ డౌన్ పీరియడ్ చాలా కష్టంగా ఉంది. ఫ్రీడమ్ దొబ్బింది. బయటకి వెల్దామంటే పోలీసులు లాఠీలతో కొడుతున్నారు. తెచ్చిన సరుకులు ఎన్ని రోజులు వస్తాయో తెలీదు. మనలాంటి కష్టాలే చాలామందికి ఉన్నాయి. సరదాగా కొన్ని చెప్తాను. సిరియాలో 2011 నుండి 2019 వరకు వార్ జరిగింది. చాలా సిటీస్ లేవు. లక్షల మంది చనిపోయారు. అక్కడ ప్రజలు ఎక్కడ వెళ్లాలో తెలియక బిక్కుబిక్కుమంటూ బతుకుతున్నారు. 2014 లో అమ్మాయిలని తీసుకెళ్లిపోయారు. 2019 లో ఇళ్ళకి చేరారు. అన్ని సంవత్సరాలు వారు ఎంత ఏడ్చి ఉంటారు. కొంతమంది వేరే కంట్రీ కి వెళ్తుంటారు. బోర్డర్స్ లో ఇరుక్కుపోతారు. పూరి గారు ఇంకేం చెప్పారో వీడియోలో చూడండి.

watch video:

జనతా కర్ఫ్యూ సమయంలో కూడా తన స్టైల్ లో సలహా ఇచ్చారు పూరి…‘‘ఎందుకు చెప్పారో.. మన ప్రధానమంత్రి గారు చెప్పిన మాట విందాం. ఆదివారం అందరం ఇంట్లోనే ఉందాం. ఇలా ఉంటే ఆ కరోనా వైరస్ తాలూకు చైన్ కట్ అవుతుందని పెద్దలందరి అభిప్రాయం. సో.. వారి మాటను గౌరవించి ఇంట్లోనే ఉందాం. ఇవాళ కరోనా లేని ప్లేస్‌లోకి ఎవరైనా వెళ్లాలి అనుకుంటే.. ఒక ఊరు ఉంది. ఆ ఊరు పేరు ఏంటంటే వూహాన్. చైనాలో కరోనా వస్తే.. కంట్రీ మొత్తం కట్టగట్టుకుని కరోనాని చావకొట్టారు. సో.. మనం కూడా ఆ పని చేయాలనుకుంటే.. చెప్పిన మాట వినండి.

కొంత మంది నేను ఇంట్లో ఉండలేను అని నెగిటివ్‌గా మాట్లాడేవాళ్లకి, ఫ్రస్టేట్ అయ్యేవాళ్లకి నా సలహా ఏమిటంటే.. ఆదివారం ఉదయం లేవగానే నాలుగు స్ఫూన్లు ఆముదం తాగండి. మోషన్స్ అవుతాయి. ఇక ఆ పనిలో బిజీగా ఉంటారు. సాయంత్రం అయిపోతది. హ్యాపీగా ఉంటది. సో.. ఇలాంటి టైమ్‌లో నెగిటివ్‌గా లేకుండా చెప్పిన మాట వినండి. రేపందరూ ఇంట్లోనే ఉండండి. లవ్ యు ఆల్..’’ అని చెప్పారు పూరి. కాబట్టి మనం కూడా లాక్ డౌన్ తప్పనిసరిగా పాటిద్దాము. దేశాన్ని కాపాడుకుందాము.

కరోనా వైరస్ ప్రభావం ఆర్థిక వ్యవస్థపై తీవ్ర ప్రభావం చూపుతుందనే ఆందోళనతో జర్మనీలోని హెస్సే రాష్ట్ర ఆర్దికమంత్రి థామస్ షపెర్ ఆత్మహత్య చేసుకున్నారు. తీవ్ర ఒత్తిడికి లోనైన షపెర్ రైలు కింద పడి బలవన్మరణానికి పాల్పడ్డారు.  రెండు దశాబ్దాలకు పైగా రాజకీయాల్లో ఉన్న ఆయన, దాదాపు పదేళ్లు ఆర్దిక మంత్రిగా పనిచేసిన థామస్ మరణ వార్త అందరిని కలచివేస్తుంది.

పారామెడికల్ సిబ్బంది  హొచీమ్ పట్టణంలో హై స్పీడ్ రైల్వే లైన్‌ పై ఒక డెడ్ బాడీని  గుర్తించారు .వెంటనే రైల్వే ట్రాక్‌ పై  పడి ఉన్న డెడ్ బాడీ గురించి  పోలీసులకు సమాచారం అందించారు.  మృతదేహాన్ని పరిశీలించిన తర్వాత చనిపోయింది థామస్ అని గుర్తించారు.బలవనర్మరణానికి పాల్పడే ముందు థామస్ సూసైడ్ నోట్ రాసినట్లు  సమాచారం . థామస్ షపెర్ జర్మనీ ఛాన్సలర్ ఏంజెలా మెర్కెల్‌కు చెందిన క్రిస్టియన్ డెమొక్రాట్స్ (సీడీయూ) పార్టీకి చెందిన నాయకుడు.

ప్రస్తుత స్టేట్ ప్రీమియర్ వోకర్ బౌఫీయర్ కి షపెర్ వారసుడిగా భావించేవారు. ప్రీమియర్ అంటే మన దగ్గర సిఎం పదవి లాంటిది. వచ్చే ఎన్నికల్లో థామస్ ప్రీమియర్ గా ఎన్నికవుతారనే అనుకున్నారందరూ కాని ఇంతలో థామస్ ఆత్మహత్య చేసుకోవడంతో అందరూ షాక్ కి గురయ్యారు. జర్మనీ ఆర్థిక రాజధాని ఫ్రాంక్‌ ఫర్ట్ నగరం కూడా హెస్సే రాష్ట్ర పరిధిలోనే ఉంది. కోవిడ్ మహమ్మారి కారణంగా షఫెర్ తీవ్ర ఒత్తిడికి లోనయ్యారని బౌఫీయర్ తెలిపారు.

కరోనా వైరస్ వ్యాప్తి నేపధ్యంలో తరచుగా ప్రజల మద్య కనిపించిన షపెర్ సంక్షోభసమయంలో ఆర్ధిక సాయం ఎలా ఉండబోతుంది అనే సమాచారం కూడాప్రజలకు ఇచ్చారు. ఆర్థిక సాయం పట్ల ప్రజలకు ఉన్న అంచనాలను  అందుకోవడం ఎలా అనే ఆందోళనతో, తీవ్ర మనస్తాపానికి గురైన థామస్ ఆత్మహత్యకు పాల్పడ్డాడని  సమాచారం.

ఇప్పటివరకు జర్మనీలో 58 వేల మందికిపైగా కోవిడ్ బారిన పడగా 455 మంది ప్రాణాలు కోల్పోయారు . కరోనా  వైరస్ వ్యాప్తి నేపద్యంలో ప్రపంచదేశాలన్ని తీవ్రంగా భయపడుతున్నాయి. అన్ని దేశాలు లాక్ డౌన్ ఏర్పరచుకున్నాయి. ప్రపంచదేశాలన్ని ఆర్దికంగా తీవ్ర నష్టాన్ని చవిచూడనున్నాయి. ఈ సంధర్బంలో షపెర్ మరణం అందరిని భయాందోళనలకు గురిచేస్తోంది.

ఆశ క్యాన్సర్ ఉన్నోన్ని కూడా బతికిస్తుంది, కాని భయం అల్సర్ ఉన్నోన్ని కూడా చంపేస్తుంది అని ఏదో సినిమా డైలాగ్ ఉంటుంది. ఇప్పుడు మనకి కావల్సింది ధైర్యమే.  కరోనా వచ్చి పోయేకంటే, ఎక్కడ వస్తుందో అనే భయంతోనే పోయేలా ఉంది మనలో చాలామంది పరిస్థితి..మనం చేస్తున్నది పోరాటం.ఈ పోరాటం మన ఒక్కరికోసమే కాదు, మన తోటివాళ్లందరి కోసం, ఈ పోరాటంలో గెలవాలంటే మనకి కావలసింది ధైర్యం అని పదే పదే చెప్పుకుంటునే ఉన్నాం. అయినా కూడా భయపడుతూనే ఉన్నారు. ఒక జంట అయితే ఆత్మహత్య చేసుకున్నారు.

రాజమండ్రికి చెందిన రమేశ్, అతని భార్య వెంకటలక్ష్మీ తామిద్దరికి కరోనా సోకిందేమో అనే భయంతో, కిరోసిన్ పోసుకుని నిప్పటించుకుని ఆత్మహత్య చేసుకున్నారు. వివరాల్లోకి వెళ్తే ఆటో డ్రైవర్ గా పనిచేసేవాడు రమేశ్, వెంకటలక్ష్మీ ఇళ్లల్లో పనులు చేస్తుంది. పదిహేనేళ్ల క్రితం పెళ్లైన వీరిద్దరికి ఇప్పటివరకు పిల్లలు లేరు. పిల్లలు లేకపోయినప్పటికి ఒకరికొకరు అన్యోన్యంగా ఉండేవాళ్లు.  ఇద్దరూ వారి ఇంటికి సమీపంలోని పొదల్లోకి వెళ్లి ఆత్మహత్యకి పాల్పడ్డారు.

ఆత్మహత్య చేస్కున్న స్థలంలో  లెటర్  దొరికింది. వారికి  కొన్ని అప్పులున్నాయని, ఇప్పుడు కరోనా సోకిందేమో అని భయంగా ఉందని అందుకే చనిపోతున్నామని రాసి ఉన్నట్టు సమాచారం.  కరోనా సోకిందేమో అనే భయంతో చావులు, కరోనా సోకింది కాబట్టి చుట్టుపక్కల వాళ్లేమనుకుంటారో అనే భయంతో దాచిపెట్టడం, లేదా చనిపోవడం లాంటి పిచ్చిపనులు చేయకండి.

కరోనా లక్షణాలైనా దగ్గు, జలుబు , తలనొప్పి , జ్వరం లాంటివి ఉంటే ముందుగానే ఒక నిర్ణయానికి వచ్చేయకండి, మామూలు జ్వరం, తలనొప్పి కూడా కావొచ్చు . కాబట్టి మీకు ఆ లక్షణాలు కనపడితే భయపడకుండా, జాగ్రత్త పడండి, ప్రభుత్వ హాస్పిటల్ కి వెళ్లి టెస్టులు చేయించుకోండి. రోగం నిర్దారణ కాకముందే మీకు మీరే మీ జీవితానికి చెక్ పెట్టుకోకండి. . అయినా కరోనా వైరస్ సోకినంత మాత్రానా చనిపోరు , మనం ఆరోగ్యంగా ఉన్నంత కాలం ఏ వైరస్ మనల్ని ఏమీ చేయలేదు.. ధైర్యంగా ఉండండి..