News

ఒకప్పుడు పెళ్ళంటే  “ఆత్మీయ వేడుక”. కానీ ఇప్పడు స్టేటస్ సింబల్. అప్పట్లో పెళ్లికి ఎంతమంది వచ్చారో లెక్కలేసుకుని సంతోషపడితే , ఇప్పుడు ఎంత గొప్పగా చేయాలో లెక్కలేసుకుని మురిసిపోతున్నారు. ఒకప్పుడు పెళ్లి భోజనం తినడానికి పోటీపడితే , ఇప్పుడు భోజనాల్లో ఎన్ని వెరైటీలు పెట్టాలా అని పోటీపడుతున్నారు. ఖర్చుకి వెనకాడకుండా కోట్లకి కోట్లు ఖర్చుపెడుతూ పెళ్లిళ్లు చేస్తున్నారు. ఆకాశమంత పందిరి, భూదేవంత పీట అనేవి కేవలం మాటల్లోనే ఉండేవి. కానీ నిజంగానే ఆకాశమంత పందిరి, భూదేవంత పీట టైపులోనే ఇప్పుడు పెళ్లిళ్లు చేస్తున్నారు. పెళ్లి కార్డు దగ్గరనుండి అన్ని ఆడంబరమే. కేవలం ఒక పెళ్లి కార్డుకే లక్ష ఖర్చుపెట్టిన వాళ్లున్నారు. ఇక పెళ్లిల్లు కోట్లలో ఖర్చు. అలా కోట్లకు కోట్ల ఖర్చుతో సినిమాని తలపించే రేంజ్ లో జరిగినదే  గాలి జనార్దన్ రెడ్డి ఇంట పెళ్లి. అయితే ఆ రికార్డ్‌ను బీట్ చేస్తున్నారట కర్ణాటక ఆరోగ్యమంత్రి శ్రీరాములు. తన కూతురు రక్షిత పెళ్లికి  ఇఫ్పటి వరకు ఎవరూ ఖర్చుపెట్టనంత ఖర్చుతో పెళ్లి చేస్తున్నారట. ఇంతకీ ఆ పెళ్లి ఖర్చెంతంటే అక్షరాల ఆరువందల కోట్లు . వరుడు ఎవరో కాదు హైదరాబాద్ కుర్రాడే, బంజారాహిల్స్‌‌కు చెందిన పారిశ్రామికవేత్తల కుటుంబంలో వ్యక్తి.

మార్చి ఐదవ తేదీన పెళ్లికి ఫిబ్రవరి 27 నుంచే పెళ్లిసందడి స్టార్ట్ అయింది. తొమ్మిదిరోజులపాటు జరిగే ఈ వివాహ వేడుకకి  రకరకాల ఈవెంట్లతో అదిరిపోయేలా ఏర్పాట్లు ప్రోగామ్‌లు చేసారు. ఇప్పటికే పెళ్లి కూతురితో బళ్లారి నాగమ్మ గుడిలో అట్టహాసంగా పూజలు చేయించారు.  నాలుగు ఎకరాల స్థలంలో సినిమా సెట్టింగులను తలపించేలా విరూపాక్ష దేవాలయం సెట్. మెల్కోటే గుడిలోని కళ్యాణి తరహాలో పెళ్లి జరిగే వేదిక సెట్ వేశార .

పెళ్లి కూతురు మేకప్ కోసం అయితే దీపికా పదుకునేకి మేకప్ చేసే స్టైలిస్ట్‌ని రప్పిస్తే , పెళ్లి కూతురు చీర కోసం ఎన్నో తర్జన భర్జనలు పడ్డారట. పెళ్లికూతురు చీరని కన్నడ సినిమా ఇండస్ట్రీలో పేరొందిన కాస్ట్యూమ్ డిజైనర్ సానియా డిజైన్ చేసారట.  ఫోటోలు, వీడియోలు అయితే ముఖేష్ అంబానీ కూతురు ఇషా అంబానీ పెళ్లికి పనిచేసిన టింని రప్పించారట .ఇక భోజనాలన్నీ ఉత్తర కర్నాటక స్టైల్  వెయ్యి మంది వంటవాళ్ల చేత చేయిస్తున్నారట. రాజకీయ నాయకులు , సినీ సెలబ్రిటీలు హాజరయ్యే ఈ పెళ్లికి  బెంగుళూరులోని దాదాపు అన్ని ఫైవ్ స్టార్ హోటళ్లనూ ఆల్రెడీ బుక్ చేసేశారు .

పెళ్లికి మండపం రెడీ అయిపోయింది . బంధువులంతా వచ్చేశారు . పెళ్లికొడుకు , పెళ్లి కూతురు మండపంలో కూర్చున్నారు . ఇరువైపుల కుటుంబాలు సంతోషంగా ఉన్నాయి . మరికాసేపట్లో వివాహఘట్టం ముగియనుంది . ఇంతలో హఠాత్తుగా ఆపండి అంటూ కేక వినపడింది . ఇదేదో సినిమా సీన్ కాదండీ , రియల్ గా జరిగిన ఘటన . ఇలాంటివి సినిమాల్లోనే జరుగుతుంటాయి . నిజజీవితంలో చాలా అరుదు . కానీ వనపర్తి జిల్లాలో ఒక వివాహవేడుకలో వధువు లవర్ చివరి నిమిషంలో పెళ్లి ఆగిపోయేలా చేశాడు. వివరాల లోకి వెళ్తే…

వనపర్తి జిల్లా కొత్తకోటకు చెందిన ఓ యువతికి తల్లిదండ్రులు పెళ్లి నిశ్చయించారు . కూతురు పెళ్లికి బంధువులందరిని ఆహ్మానించారు . పెళ్లి పనులు పూర్తి చేసుకున్నారు . పెళ్లి జరిగిపోతుంది ,కూతురు అత్తవారింటికి వెళ్లిపోతుంది , అంతా సంతోషంగా ముగుస్తుంది అనుకున్నారు . కానీ సరిగ్గా తాళి కట్టే ముహుర్తానికి ఎక్కడినుండో ఊడిపడ్డట్టు , ఒక కుర్రాడు వచ్చి పెళ్లిని ఆపమన్నాడు , వెంటనే పెళ్లికూతురు కూడా లేచి అతని దగ్గరికి వెళ్లి ఈ పెళ్లి నాకు ఇష్టం లేదంటూ మండపంలోనే బంధువులందరి ముందు చెప్పింది .

అయితే వధువు తల్లిదండ్రులు , కుటుంబంతో సహా కొద్ది రోజులు షోలాపూర్లో నివాసం ఉన్నారు. అక్కడ ఉన్నప్పుడే యువతికి ఒక యువకుడితో పరిచయం అయింది. అది ప్రేమగా మారింది. తెలుసుకున్న తల్లితండ్రులు. ఆ ప్రేమ పెళ్లి ఇష్టం లేకపోవడంతో తమ మకాం మార్చేశారు. షోలాపూర్ నుండి వచ్చి వనపర్తిలో నివాసం ఉంటూ , కూతురి పెళ్లి ఏర్పాట్లు చేసుకున్నారు . అంతా సవ్యంగా జరిగిపోతుందనుకున్న టైంలో ఎదురైన పరిణామానికి హతాశులయ్యారు.

పెళ్లి ఆగిపోయిందనే బాధ ఒకవైపు, బంధువులందరి ముందు పరువు పోయిందనే ఆవేదన మరోవైపు. దీంతో వెంటనే యువతి తరపు వాళ్లందరూ ఆ అబ్బాయి పైకి దాడికి దిగారు . అక్కడే ఉండడం మంచిది కాదనుకున్న భగ్న ప్రేమికుడు, బతికుంటే మళ్లీ ప్రేమించుకోవచ్చు అనుకున్నాడో ఏమో. ముందు ప్రాణాలు, తర్వాతే ప్రేమ అనుకుని అక్కడి నుండి పారిపోయాడు . అది మొత్తానికి  ప్రేమికుడు పారిపోయాడు, చుట్టాలు వెళ్లిపోయారు, చివరికి పెళ్లి ఆగిపోయింది.

అవి తింటే లక్ష రూపాయలు మీవే !
ఎప్పుడు చుసిన తినడం తప్ప పైసా సంపాదన లేదు అని తిడుతూ ఉంటారు. కానీ ఇప్పుడు అదే తిండి తిని మీరు సంపాదించొచ్చు కూడా !
పరోటాలు అంటే ఎవరికీ ఇష్టం ఉండదు చెప్పండి. అలాంటి రుచికరమైన పరోటాను చేయడంలో హర్యానా రోహతక్ లోని హోటల్ తపస్య చాలా ఫేమస్. అయితే వీరు ప్రతి సంవత్సరం ఒక విచిత్రమైన పరోటాల పోటీలు నిర్వహిస్తున్నారు.

50 నిమిషాల్లో మూడు పరోటాలను తిన్న వారికీ అక్షరాలా 1 లక్ష రూపాయల బహుమానం తో పాటు, జీవితాంతం ఉచితంగా ఆహారాన్ని అందించారు. రెండు కిలోల ఆలూ కుర్మా మధ్యలో కలిగిన ఈ పరోటాలు రెండున్నర అడుగులు ఎత్తు కలిగి ఉంటాయి. వీటి ధర ₹300 గా ఉంది. 2006 వ సంవత్సరం నుంచి పోటీలు నిర్వహిస్తున్నప్పటికీ ఇప్పటివరకు గెలిచింది మాత్రం ఇద్దరి. ఈ పోటీలో పాల్గొనడానికి, ఆ పరోటాల రుచి చూడడానికి చుట్టుపక్కల ప్రాంతాలు నుంచి జనం తండోపతండాలుగా వెళ్తూ ఉంటారు..

ఒకప్పుడు సోషల్ మీడియాలో ట్రెండ్ సెట్టర్ గా పిలవబడిన నరేంద్ర మోడీ గారు ఇప్పుడు ఎవరూ ఊహించని ఒక అనూహ్యమైన నిర్ణయం తీసుకోబోతున్నారు. ఫేస్ బుక్ లో అందరికన్నా అత్యధికంగా 4 కోట్ల 40 లక్షల ఫాలోవర్స్, ట్విట్టర్ లో 5 కోట్ల 33 లక్షల ఫాలోవర్స్, యూట్యూబ్ లో 30 లక్షల సబ్‌స్క్రైబర్లను ఉన్న మోడీ గారు ఇకపై తను సోషల్ మీడియాలో కొనసాగాలా వద్దా అనే నిర్ణయాన్ని వచ్చే ఆదివారం లోపు తీసుకుంటానని ప్రకటించారు.

దీనికి గల కారణాలను ఆయన ఇంకా వివరించనప్పటికీ ఇటీవల కాలంలో ఢిల్లీలో జరిగిన అల్లర్లు, సోషల్ మీడియాలో జరుగుతున్న తప్పుడు ప్రచారాల వల్ల ఆయన ఈ నిర్ణయానికి వచ్చి ఉండొచ్చని పలువురు ప్రముఖులు అభిప్రాయపడుతున్నారు. ఇంకా ఈ విషయంపై చర్చలు కొనసాగుతూనే ఉన్నాయి. ఏది ఏమైనప్పటికీ మోడీ గారు ఎలాంటి నిర్ణయం తీసుకుంటారో దానికి గల కారణాలు తెలుసుకోవడం కోసం అందరూ ఉత్కంఠగా ఎదురు చూస్తున్నారు.

మనకి ఏదైనా కష్టం వచ్చిన దానికన్నా , మనకి కావలసిన వాళ్లు కష్టాల్లో ఉన్నారని తెలిసినప్పుడు కలిగే బాధ ఎక్కువ . అది తల్లిపిల్లల విషయంలో ఇంకా ఎక్కువగా కనిపిస్తుంది . ఏ తల్లైనా తనెన్ని కష్టాలైనా పడడానికి సిధ్దపడ్తుంది కాని బిడ్డలు చిన్న బాధ పడినా తట్టుకోలేదు . అందుకే ప్రపంచంలో అమ్మ ప్రేమది ప్రత్యేక స్థానం . కేవలం మనుషుల్లోనే కాదు నోరు లేని మూగ జీవులు సైతం తమ పిల్లలకి ఏదైనా ఆపద వస్తే ప్రాణాలకు తెగించి మరీ రక్షించుకుంటారు . అందుకు ప్రత్యక్ష ఉదాహరణ ఈ వడ్రంగి పిట్ట స్టోరీ.

అవతల వాళ్లు ఎంత బలవంతులైనప్పటికి తన బిడ్డ జోలికొస్తే ఏ తల్లి ఊరుకోదు . ఒక వడ్రంగి పిట్ట కూడా తన బిడ్డల జోలికొచ్చిన విషసర్పంతో యుద్దానికి దిగింది . తన బిడ్డల్ని రక్షించుకుంది . సోషల్ మీడియాలో వైరలైన వడ్రంగి పిట్ట వీడియో నెటిజన్లను అబ్బురపరుస్తుంది.

ఒక వడ్రంగి పిట్ట చెట్టు తొర్రలో గుడ్లను పెట్టింది . ఆహారం కోసం బయటికి వెళ్లింది . దీన్ని గమనించిన ఒక పాము మెల్లిగా చెట్టుపైకి పాకి మెల్లిగా తొర్రలోకి ప్రవేశించింది. కాసేపటికి అక్కడికి చేరుకున్న వడ్రంగి పిట్ట తన గుడ్లను తినేస్తుందని భయపడింది . కానీ పదడుగుల విషపు సర్పాన్ని చూసి వెనక్కి తగ్గలేదు . నోటితో పదేపదే పామును పొడిచింది . తొర్రలోనుండి బయటికి వచ్చిన పాము నోట కరచి వడ్రంగి పిట్టని విసిరికొట్టింది . ఇలా రెండింటి మధ్య కాసేపు  చిన్నపాటి యుధ్దమే జరిగింది. పదేండ్ల క్రితం జరిగిన ఈ ఘటన తాలుకు వీడియో ఇప్పుడు సోషల్ మీడియాలో వైరల్ అవుతుంది .

All the forces on this planet, will never beat that of a mothers love.
Wood pecker saving its chicks after a fierce air duel with the snake pic.twitter.com/mvBo7OWN74

— Susanta Nanda IFS (@susantananda3) March 1, 2020

ప్రపంచంలో తల్లిని మించిన యోదులు ఎవ్వరూ లేరనేది అక్షరాల నిజం . ఈ వీడియో చూస్తే మీకే అర్దం అవుతుంది . వీడియో చూసిన నెటిజన్ ఒకరు కన్నీరు ఆపుకోలేకపోయానంటూ కామెంట్ చేస్తే , మరొకరు అమేజింగ్ అంటూ కామెంట్ చేశారు . గంటకుపైగా ఫైట్ చేసినప్పటికి పాము కాటుకి బలై ఆ వడ్రంగి పిట్ట చనిపోవడం విషాదం . నెటిజన్ల చేత కన్నీరు పెట్టిస్తున్న వడ్రంగి పిట్ట వీడియో మీరూ చూడండి.

కరోనా వైరస్ హైదరాబాద్ లోనూ కలకలం రేపింది. మన దేశంలో కొత్తగా రెండు కరోనా కేసులు నమోదయ్యాయని కేంద్ర వైద్యఆరోగ్యశాఖ ప్రకటించింది. దుబాయ్ నుంచి హైదరాబాద్‌కి వచ్చిన ఓ వ్యక్తికి కరోనా వైరస్ ఉందని తెలిపింది. అంతేకాదు ఢిల్లీలో మరో వ్యక్తికి కూడా కరోనావైరస్ వచ్చిందని కేంద్రం ఒక ప్రకటనలో తెలిపింది. కరోనావైరస్ సోకిన ఢిల్లీ వ్యక్తి ఇటలీ నుంచి వచ్చాడని పేర్కొంది. ప్రస్తుతం వారిద్దరికి ఐసోలేషన్ వార్డుల్లో చికిత్స కొనసాగిస్తున్నారు.

సికింద్రాబాద్‌కు చెందిన సాఫ్ట్‌వేర్ యువకుడికి కరోనా వైరస్ సోకింది అనే వార్త నిన్న వచ్చింది. అతను దుబాయ్ వెళ్లిన సమయంలో ఈ వైరస్ సోకినట్టుగా భావిస్తున్నారు. తెలంగాణకు చెందిన 24 ఏళ్ల యువకుడు బెంగళూరు నుంచి ఫిబ్రవరి 17వ తేదీ దుబై వెళ్లాడు. దుబాయ్ లో హొంగ్ కాంగ్ కి చెందిన వ్యాపారవేత్తలతో అతను మీట్ అయ్యాడు. ఆ సమయంలోనే కరోనా వైరస్ అతని శరీరం లోకి ప్రవేశించి ఉంటుంది అంటున్నారు వైద్యులు.ఆ తర్వాత దుబాయ్ నుండి బెంగళూరు వచ్చారు. అక్కడ మూడు రోజులు ఆఫీస్ కి వెళ్ళాడు. బెంగళూరు లో అతని ఫ్రెండ్ తో రూమ్ లో ఉన్నారు. ఫిబ్రవరి 22వ తేదీ బెంగళూరు నుంచి హైదరాబాద్ చేరుకున్నాడు. అనంతరం జ్వరం రావడంతో సికింద్రాబాద్‌లోని అపోలోను సంప్రదించాడు. కానీ అక్కడ నుంచి హైదరాబాద్ గాంధీ ఆస్పత్రికి తరలించారు వైద్యులు.

అక్కడ పరీక్షలు నిర్వహించడంతో వైరస్ ఉన్నట్లు తేలింది. కన్ఫర్మేషన్ కోసం బ్లడ్ శాంపిల్ ను పూణే లోని ల్యాబ్ కి మంచి పంపించారు. పాజిటివ్ రావడంతో ఐసొలేషన్ లో పెట్టారు. ప్రస్తుతం ఆ యువకుడు గాంధీ ఆస్పత్రిలోని ఏడో అంతస్తులోని కరోనా వార్డులో చికిత్స పొందుతున్నాడు. ప్రస్తుతం బెంగళూరు లోని అతని రూమ్ మేట్ కూడా బెంగుళూరు లోని హాస్పిటల్ లో చేరారు.

ఇంకా హైదరాబాద్ టెక్కీతో పాటు కాంటాక్టులో వున్న దాదాపు 80మందిని గుర్తించేందుకు ఆరోగ్య శాఖ అధికారులు ప్రయత్నిస్తున్నారు. ఈ 80మందిలో కుటుంబ సభ్యులు, బస్సు ప్రయాణీకులు వున్నారు. హైదరాబాదు బస్సులో ప్రయాణించడమే కాకుండా. బెంగళూరులోని అతని కార్యాలయంలో మూడు రోజుల పాటు ఉద్యోగిగా బాధ్యతలు నిర్వర్తించాడు. దీంతో అతని ఆఫీస్ వాళ్ళకి కూడా టెస్టులు చేస్తున్నారు. ప్రస్తుతం ఆ టెక్కీ ఆరోగ్యం కుదుటగానే ఉన్నట్టు వైద్యులు తెలిపారు. కాబట్టి మనం భయపడకుండా తగిన జాగ్రత్తలు తీసుకోవడం మంచిది.

శాస్త్రవేత్తలకె సవాల్ విసిరిన కరోనా వైరస్ ఇప్పుడు సాఫ్ట్ వేర్ ప్రపంచాన్ని కూడా వణికిస్తుంది. ఇప్పటికీ కరోనా గురించి పూర్తి వివరాలు తెలుసుకోలేక పోయినప్పటికీ అది మాత్రం ప్రపంచవ్యాప్తంగా అత్యధిక వేగంగా వ్యాపిస్తుంది. ఇప్పటికే దీని ప్రభావాన్ని 20 దేశాలలో గుర్తించారు.

ఇప్పటికీ దీనికి సరైన చికిత్స విధానాన్ని అన్ని కనుగొన లేక పోవడంచేత, తగినన్ని జాగ్రత్తలు తీసుకోవడం వీలైనంతగా జన సంచారంజనసంచారం నికి కి దూరంగా ఉండటమే దీనికి ప్రస్తుత పరిష్కారంగా భావిస్తున్నారు. ఇదే ఉద్దేశంతో ప్రముఖ మైక్రో బ్లాగింగ్ సైట్ అయిన ట్విట్టర్ ఒక నిర్ణయం తీసుకుంది. అందరికీ వర్క్ ఫ్రమ్ హోమ్ సదుపాయం కల్పిస్తున్నట్లు ట్విట్టర్ ఉన్నత అధికారి జెన్నిఫర్ క్రిస్టి తెలియజేశారు. తమ ఉద్యోగుల అందరి రక్షణ కొరకు డీప్ క్లీనింగ్ డ్రైవ్ నిర్వహిస్తున్నట్లు ట్విట్టర్ ప్రకటించింది. దక్షిణ కొరియా, జపాన్ దేశాలో పనిచేస్తున్న తమ ఉద్యోగులు ఇంటి నుండి పని చేస్తాం అని కోరారని, ఈ సదుపాయంని ప్రపంచవ్యాప్తంగా ఉన్న తన ఉద్యోగులందరికీ కల్పిస్తున్నట్లు ట్విట్టర్ పేర్కొంది. ప్రపంచ వ్యాప్తంగా ఉన్న తమ కార్యాలయాలన్ని తెరిచే ఉంటాయని ఈ వర్క్ ఫ్రమ్ హోమ్ అనేది తప్పనిసరి కాదని ఉద్యోగుల అనుకూలతను బట్టి కార్యాలయం నుంచి లేదా హోమ్ నుంచి వర్క్ చేయవచ్చు అని తెలిపింది

దొంగతనానికి వెళ్లేవాళ్లు ఎంత అలర్ట్ గా ఉండాలి. ప్లాన్ చేసినప్పటి నుండి దొంగతనం పూర్తయ్యేవరకు ప్రతి విషయం పట్ల ఎంత జాగ్రత్తగా ఉండాలి . అన్ని పక్కాగా ప్లాన్ చేసుకున్నాకే రంగంలోకి దిగాలి . దొరికిపోకుండా ఏ ఏ జాగ్రత్తలు తీసుకోవాలో అన్నింటిని పాటించాలి . అలా కాకుండా ఒక్కటి మిస్ చేసినా , పొరపాటున దొరికిపోయామో అంతే సంగతులు . ఏంటి దొంగతనం చేయడంలో ఫర్ఫెక్ట్ అన్నట్టు ఇంత బాగా చెప్తున్నారు అనుకుంటున్నారా? ఎన్ని సినిమాల్లో చూడం అండీ. సరే అసలు విషయానికొద్దాం. మీరిప్పటివరకు దొంగతనానికి వచ్చి , వచ్చిన పని చూసుకుని పోయే దొంగనే చూసుంటారు , కానీ మన స్టోరీలో దొంగ మాత్రం ఎంచక్కా నిద్రపోయాడు . తర్వాత ఏం జరిగిందో చదవండి.

source

కర్నాటకలోని దక్షిణ కన్నడ జిల్లా ఉల్లాస్ జంక్షన్ దగ్గర ఈ వింత ఘటన జరిగింది. ఆ దొంగ పేరు అనిల్ సహాని. మనోడు మంచి మందు ప్రియుడు  , అదేనండి తాగుబోతు . మొన్నీమధ్య ఒక రోజు దొంగతనం చేయాలని ఫిక్సయి , అర్దరాత్రి  ఎంతో కష్టపడి ఇంటి పైకప్పు తొలగించి లోపలికి వెళ్లాడు . మనోడి అదృష్టం బాగుండి టీవీ స్టాండ్ దగ్గరే తాళాలు కనిపించాయి , వెంటనే తాళాలు తీసుకుని విలువైన వస్తువులన్నీ మూటకట్టాడు . ఎంచక్కా వాటినన్నింటి తీసుకుని బయటపడాలని ప్లాన్ వేశాడు .మనోడు అప్పటికే మందుకొట్టి ఉన్నట్టున్నాడు, కిక్కు ఎక్కువైందో మరే కారణమో కానీ నిద్ర ముంచుకొచ్చినట్టైంది .

source

ముందు నిద్ర ,  తర్వాతే దొంగతనం అని  ఆ ఇంట్లో ఓ మూలన కనిపించిన సోఫాలో హాయిగా నిద్రపోయాడు. అతడు ఎంత డీప్ స్లీప్ లోకి వెళ్లాడంటే చూస్తుండగానే, తెల్లవారినా కానీ మెలకువ రానంత . ఉదయం ఇంటి పైకప్పు తొలగించి ఉండడం చూసిన యజమాని సుదర్శన్‌ షాక్ అయ్యాడు. గదిలో చూస్తే చక్కగా సోఫాలో గుర్తు తెలియని ఓ వ్యక్తి పడుకోవడం చూసి మరింత కంగుతిన్నాడు. అతను కచ్చితంగా దొంగే అని గ్రహించి వెంటనే పోలీసులకు ఫోన్ చేశాడు. ఆ తర్వాత ఓ కర్ర తీసుకుని వచ్చి సోఫాలో డీప్ స్లీప్ లో ఉన్న దొంగను కొట్టి లేపాడు. ఎవరో తనను లేపుతున్నట్టు అనిపించి దొంగ కళ్లు తెరిచాడు. అంతే.. షాక్ కి గురయ్యాడు.

source

తాను అడ్డంగా దొరికిపోయానని తెలుసుకుని నిర్ధాంతపోయాడు. అతడి నోట మాట రాలేదు. ఇంతలో అక్కడికి చేరుకున్న పోలీసులు దొంగను అదుపులోకి తీసుకున్నారు. అతడిపై కేసు నమోదు చేసి విచారణ చేపట్టారు. దొంగను బీహార్‌ కి చెందిన అనిల్ సహానీగా పోలీసులు గుర్తించారు. అతను మద్యం మత్తులోనే దొంగతనానికి పాల్పడ్డాడని.. మత్తెక్కి నిద్రపోయాడని పోలీసులు తెలిపారు. ఈ దొంగ కథ సోషల్ మీడియలో వైరల్ అయి వీడేం  దొంగరా బాబూ అంటూ నెటిజన్లంతా  నవ్వుకుంటున్నారు . మొత్తానికి ఈ దొంగతనంతో మనోడు సోషల్ మీడియాలో బాగా వైరల్ అయ్యాడు.

సినిమా హీరోయిన్ అయినా,సీరియల్ హీరోయిన్ అయినా అసలెలా ఉండాలి..తెల్లటి తెలుపు, కోటేరుముక్కు, గులాభిపెదాలంటూ మనకు మనం ఒక ప్రొఫైల్ పెట్టుకున్నాం..అసలు అమ్మాయిలు కూడా అలాగే ఉండాలి అనుకుంటున్నారు..నలుపు రంగుకి ప్రాధాన్యత తక్కువ అనేది అనేక సంధర్బాల్లో స్ఫష్టమయింది..ఇప్పుడు దానిపై కూడా వ్యతిరేకత వస్తుంది అది వేరే విషయం.నలుపుగా ఉన్న కళ ఉండేవాళ్లు చాలా మందే ఉన్నారు..తెల్లగా ఉన్నా వికారంగా కనపడే వారూ ఉన్నారు..నలుపుగా ఉన్నాకూడా తన నటనతో నవ్వుతో కట్టిపడేస్తుంది ప్రేమి విశ్వనాధ్.

కార్తీక దీపం సీరియల్ టీవీలో అన్ని షోస్ ని దాటేసింది. ఎంత కొత్త సినిమా వచ్చినా, ఎన్ని స్పెషల్ ప్రోగ్రామ్స్‌ వచ్చినా కార్తీక దీపం సీరీయల్‌ చూడకుండా ఉండలేకపోతున్నారట జనం. అంతలా మెప్పించిన కార్తీక దీపం సీరీయల్‌కు వంటలక్క పాత్ర కీలకమైంది. జనం ఆమె యాక్టింగ్‌కు టీవీలకు అతుక్కుపోతున్నారు.మన ఆడియన్స్ అయితే వంటలక్కను తమ ఇంట్లో మనిషిగా భావిస్తున్నారు.

ఇప్పుడు దీపక్క ఫాన్స్ కి ఓ చేదు వార్త. వంటలక్క ప్రేమి విశ్వనాథ్ స్థానంలో మరో నటిని తీసుకోబోతున్నారనే ఈ వార్త టీవీ ఛానెల్ వర్గాల్లో హాట్ టాపిక్ గా మారింది.బుల్లితెర మీద 740 ఎపిసోడ్లు దాటి జాతీయ స్థాయిలో టీఆర్పీ రేటింగుల్లో ఆదరగోట్టేస్తోంది ఈ సీరియల్. ఈ సీరియల్ ప్రారంభంలో తక్కువ రెమ్యునరేషన్ కి పని చేయడానికి ఒప్పుకున్నారట ప్రేమి విశ్వనాధ్. అయితే ఇప్పుడు ‘కార్తీకదీపం’ అంచనాలకు మించి క్రేజ్ సంపాదిస్తూ టాప్ ప్లేస్ కి చేరుకుంది. దీంతో ఆమె రెమ్యూనరేషన్ ఏకంగా నాలుగు రేట్లు పేచేసింది అంట.

అంతేకాదు ఆమెకి వేరే ఆఫర్ లు కూడా బాగా రావడంతో…చేసేదేమీ లేక మరో నటిని తీసుకోవాలని ‘కార్తికదీపం’ టీం ఆలోచనలో పడిందట. మరి ఈ వార్త చూసి వంటలక్క ఫాన్స్ పరిస్థితి ఏంటో? మరో టాలీవుడ్ సీనియర్ నటిని వంటలక్క పాత్ర కోసం తీసుకోవాలనుకున్నట్లు టాక్. అభిమానులు మాత్రం ఆమె ప్లేస్ లో మరొకరిని ఊహించుకోలేము అంటున్నారు. మరి ఏం జరుగుతుందో వేచి చూడాలి.

ఇది ఇలా ఉండగా…మనం వంటలక్క సీరియల్ లో ఉంటుందా లేదా అనుకుంటున్నా సమయంలో. వంటలక్క మరో పని చేసింది. ఇటీవలే ప్రేమి విశ్వనాథ్ బెంజ్ కార్ కొన్నారు. ఎమోషనల్ గానే కాకుండా డిఫరెంట్ హావభావాలతో ఎంటర్టైన్ చేయగల వంటలక్క బ్రాండ్ ఇప్పుడు మాములుగా లేదు. 60 లక్షల ఖరీదైన బెంజ్ suv కారును కొనుగోలు చేసింది. KL 43L 3444 నెంబర్ తో ఉన్న తన కారు ఫోటోలను కూడా సోషల్ మీడియాలో పంచుకుంది. సాదరంగా ఈ కారు పెద్ద హీరోలు మాత్రమే వాడుతారు. ఈపాటికే మీకు అర్ధం అయ్యి ఉండాలి వంటలక్క రేంజ్ ఏంటి అని. ప్రేమి ఈ కార్ కొనేసరికి ఇతర సీనియర్ ఆర్టిస్ట్ లు అందరు అవాక్కయ్యారంట. సినిమా వాళ్ళ రేంజ్ ని దాటేసింది గా ప్రేమి అని అనుకుంటున్నారు అంట.