News

దుక్కి దున్ని, పొలంలో పంట పండించే ఒక రైతు ఎంత కష్టజీవో అందరికీ తెలిసిందే. ప్రస్తుతం ఉన్న పరిస్థితుల్లో అందరికీ భోజనం పెట్టే రైతుకు భోజనం దొరకడం కష్టమైపోతుంటే.. ఒక సాధారణ రైతు ఆడి కార్లో వచ్చి మరి కూరగాయలు అమ్మడం అందరినీ ఆశ్చర్యానికి గురి చేస్తుంది. నమ్మశక్యం కాని ఈ సంగతి ఒకవేళ మీకు కనిపిస్తే ఎలా రియాక్ట్ అవుతారు…? రైతే రాజు అనేది కేవలం రాజకీయ నాయకులు మాత్రమే చెప్పే ఒక కొటేషన్…ఎక్కడో వేల ఎకరాలు ఉండి.. అది కూడా వేరే వాళ్ల దగ్గర సాగు చేస్తూ అజమాయిషి చేసే వ్యక్తులైతే కార్లు ,బంగ్లాలు ఉన్నాయని నమ్మవచ్చు.

అలా ఉండడం అందరికీ సాధ్యం కాదు కదా… అనుకుంటున్నారా. మన సమాజంలో నార్మల్ గా ఒక సాఫ్ట్వేర్ ఇంజనీర్ లేక బిజినెస్ మాన్ అంటే నీట్ గా సూటు బూటు వేసుకొని ఆఫీస్ కి వెళ్తారు అన్న అభిప్రాయం ఉంది. అలాగే రైతు అనగానే ఏదో లుంగీ , దోవతి కట్టుకొని తలపాగా పెట్టుకొని మాసిన బట్టలతో తిరుగుతారు అని అనుకుంటారు. మనం చేసే పనిని బట్టి మన వేషధారణ ఎలా ఉండాలి అనే విషయానికి కొన్ని సోషల్ స్టాండర్డ్స్ ని మనమే ఏర్పాటు చేసుకున్నాం. అయితే ప్రస్తుతం కొందరు ఈ స్టాండర్డ్స్ ని ఉల్టా పుల్టా చేస్తున్నారు. మరి ఇంతకీ వాళ్ళు ఎవరో అసలు ఈ సంగతి ఏంటో ఒక లుక్ వేద్దాం పదండి..

రైతు అంటే పంచ కట్టుకుని ..సైకిల్ లేక ఎద్దుల బండి మీద ఎందుకు వెళ్లాలా. ఖరీదైన కారులో ఎందుకు వెళ్ళకూడదు…కూరగాయలు ఎందుకు అమ్మకూడదు.. అంటున్నాడు కేరళకు చెందిన సుజిత్ అనే ఒక యువ రైతు. సరియైన పద్ధతిలో సాగు చేసుకుంటే ఒకరి కింద పని చేయడం కంటే కూడా పదిమందికి అన్నం పెట్టే రైతు అవ్వడమే ఎంతో మేలు అని నిరూపిస్తున్నాడు సుజిత్.

ప్రస్తుతం మార్కెట్ లో ఉన్న లగ్జరీ కార్స్ లో ఒకటైన ఆడి A4 లో మార్కెట్ కు వెళ్లి…తన తోటలో పండించినటువంటి ఎర్ర పాలకూరను నీటుగా అమ్ముకొని వస్తున్నాడు. అతని కేవలం పాలకోరే కాదండోయ్ పలు రకాల కూరగాయలను … రకరకాలుగా పండిస్తున్నాడు. అలాగే తనలాంటి యువతకు ఎందరికో ఆదర్శంగా కూడా నిలుస్తున్నాడు. అతనికి సంబంధించిన ఎన్నో వీడియోలు సోషల్ మీడియా లో హల్చల్ చేస్తున్నాయి. కష్టపడి పని చేయాలి కానీ చేసే వృత్తికి ఎటువంటి నామోషి ఉండదు అని మాటకు నిలువెత్తు నిదర్శనంగా నిలుస్తున్నాడు సుజిత్.

watch video:

ఆంధ్రప్రదేశ్ లోని ఏలూరు జిల్లాలో ఒక వివాహిత కాలువలోకి దూకడం కలకలం రేపింది. ఆ సమయంలో ఆమె భర్త పక్కనే నిల్చుని ఫోన్ మాట్లాడుతుండగా ఈ సంఘటన చోటు చేసుకుంది.

ఉంగుటూరు మండలంలోని అక్కుపల్లి గోకవరం గ్రామానికి చెందిన శ్రీనివాసరావు టీచర్ గా పనిచేస్తున్నారు. అతనికి  తూర్పుగోదావరి జిల్లాలోని కొవ్వూరు గ్రామానికి చెందిన కస్తూరి అనే అమ్మాయితో ఈ ఏడాది మొదట్లో జనవరిలో పెళ్లి జరిగింది.

శ్రీనివాసరావు తూర్పుగోదావరి జిల్లాలోని వెలివెన్ను గ్రామంలో ఒక ప్రైవేటు స్కూల్లో టీచర్‌గా వర్క్ చేస్తున్నాడు. అతని భార్య కస్తూరి గృహిణి, ఆమె అత్తగారింటిలో ఉంటోంది. అయితే కొన్ని రోజులుగా భార్యాభర్తల మధ్యన మనస్పర్థలు రావడంతో తరచుగా గొడవలు జరుగుతున్నాయి. ఈ క్రమంలో గురువారం నాడు రాత్రి కూడా భార్యాభర్తల మధ్య మళ్ళీ గొడవ జరిగింది. దాంతో శ్రీనివాసరావు తల్లిదండ్రులు కస్తూరిని కొద్ది రోజులు కొవ్వూరులోని ఆమె పుట్టింట్లో ఉంచమని  చెప్పారు.

శ్రీనివాసరావు శుక్రవారం పొద్దున్నే భార్య కస్తూరిని కొవ్వూరులోని పుట్టింట్లో దించేందుకు ఆమెను తీసుకుని బైక్‌ మీద బయలుదేరాడు. నల్లజర్ల మండలంలోని అనంతపల్లి పోలవరం కుడి కాలువ బ్రిడ్జ్ దగ్గరకు వచ్చేసరికి శ్రీనివాసరావుకు కాల్ వచ్చింది. వెంటనే అతను బైక్‌ ఆపి ఫోన్ మాట్లాడుతున్నప్పుడు చెప్పు పడిపోయిందని దాన్ని తెచ్చుకుంటానని చెప్పి, వెనక్కి వెళ్లి కస్తూరి భర్త కళ్లముందే కాలువలోకి దూకింది.

కాలువలో కస్తూరి కొట్టుకుపోతున్నా కూడా ఆమెను కాపాడేందుకు ఎవరూ ప్రయత్నం చేయలేదని తెలుస్తోంది. కొంత దూరం వరకు నీళ్లపై కనిపించిన ఆమె ఆ తర్వాత నీటిలో మునిగిపోయింది. ఆమె భర్త నలజర్ల పోలీసులకు కంప్లైంట్ ఇచ్చారు. మిస్సింగ్ కేసుగా రిజిస్టర్ చేసుకున్న పోలీసులు గజ ఈతగాళ్లతో వెతికించారు. అయినా కస్తూరి ఆచూకీ దొరకలేదు. కొంతకాలం నుండి భార్యా భర్తల మధ్య తరచూ జరుగుతున్న గొడవల నేపథ్యంలోనే కస్తూరి కాలువలో దూకేసి ఉండవచ్చని సందేహిస్తున్నారు.

Also Read: ఎటువంటి గాయలు లేవా..? భవ్యశ్రీ కేసులో పోలీసులు బయటపెట్టిన నిజాలు ఏంటంటే..?

తెలంగాణలో గణపతి ఉత్సవాలకు ప్రత్యేకత ఉంది. ఇండియాలో భారీగా గణేష్ ఉత్సవాలు జరిగేది ముంబైలో ఆ  తరువాత హైదరాబాద్‌లోనే. లక్షలాది వినాయకుడి విగ్రహాలను చవితినాడు ప్రతిష్టించి, నవరాత్రులు భక్తి నిష్టలతో గణపతికి పూజలు చేస్తారు. నవరాత్రుల తర్వాత వినాయకుడిని నిమజ్జనం చేస్తారు.

హైదరాబాద్ లో ట్యాంక్ బండ్ పరిసరాల్లో వినాయక నిమజ్జనం చూడటానికి లక్షలాది భక్తులు వస్తారు. ఇక గణేష్ నిమజ్జనంలో యూత్ చాలా ఉత్సాహంగా పాల్గొంటారన్న విషయం తెలిసిందే. అయితే తాజాగా జరిగిన గణేష్ నిమజ్జనంలో కొందరు చేసిన పనుల వల్ల భక్తులు ఇబ్బందిపడ్డారు. ఆ వివరాలు ఇప్పుడు చూద్దాం..
వినాయకచవితి వేడుకలను భక్తులు ఘనంగా జరుపుకున్నారు. గణేష్ నిమజ్జన సందర్భంగా జరిగే ఊరేగింపులో ఎటువంటి అవాంఛనీయ ఘటనలు చోటు చేసుకోకుండా పోలీస్ అధికారులు ప్రతి ఏడాది మందు షాపులను క్లోజ్ చేస్తూ ఉంటారు. ఎప్పటిలానే ఈ సంవత్సరం కూడా 3 రోజుల పాటు అంటే 26, 27, 28 మందు షాపులను మూసేయాలని తెలంగాణ గవర్నమెంట్ ఉత్తర్వులు ఇచ్చింది. అంటేకాకుండా మద్యం సేవించి నిమజ్జంలో పాల్గొనటాన్ని కూడా నిషేధించారు.
అయితే కొందరు మందు షాప్స్ మూసేస్తారని 3 రోజుల ముందుగానే మద్యాన్ని కొని, పెట్టుకున్నారు. అక్కడితో ఆగకుండా గణేష్ నిమజ్జంలో భాగంగా జరిగే ఊరేగింపులో కొందరు మద్యం సేవించారు. అది కూడా పబ్లిక్ గా అందరూ చూస్తుండగానే మద్యం సేవించారు. ఇలా చాలా చోట్ల కనిపించింది. గణేష్ నిమజ్జనం సందర్భంగా పోలీసులు భారీ బందోబస్తు నిర్వహించారు. అయినప్పటికీ హుస్సేన్‌సాగర్‌లో జరిగిన నిమజ్జనంలో చైన్ స్నాచింగ్‌లు, పిక్ పాకెటింగ్, మొబైల్ ఫోన్ల దొంగతనాలు పెద్ద సంఖ్యలో జరిగాయి.
గురువారం నాడు ఒక్కరోజే ఆ పరిసరాలు 67 దొంగతనాల కేసులు రిజిస్టర్ అయినట్టుగా తెలుస్తోంది. ప్రజలందరు గణేష్ నిమజ్జనం చూస్తుంటే, జేబు దొంగలు తమ చేతివాటాన్నిప్రదర్శించారు. ఈ దొంగతనాల పై పోలీసులు కేసు నమోదు చేసుకుని, దర్యాప్తు చేస్తున్నారు. డ్రోన్‌ దృశ్యాలు, సీసీటీవీ ఫుటేజీల ఆధారంగా దొంగలను పట్టుకునేందుకు పోలీసులు ప్రయత్నిస్తున్నారు.

Also Read: సుప్రీం కోర్ట్ లోనే మొదటిసారి ఇలా… అసలు విషయం తెలిస్తే ఆమెకి హ్యాట్సాఫ్ అనాల్సిందే.!

జస్టిస్ ఫర్ భవ్యశ్రీ అనే హ్యాష్ ట్యాగ్ సోషల్ మీడియాలో ట్రెండింగ్ లో ఉంది. చిత్తూరు జిల్లా ఇంటర్ విద్యార్థిని హత్య సంచలనంగా మారిన విషయం తెలిసిందే. ఈ కేసులో ప్రస్తుతం పోలీసుల దర్యాప్తు జరుగుతోంది.

పెనుమూరు మండలంలోని వేణుగోపాలపురంలో ఇంటర్ విద్యార్థిని భవ్యశ్రీ అనుమానాస్పదంగా మృతి చెందిన విషయం తెలిసిందే. పోలీసులు ఈ కేసులో దర్యాప్తు ముమ్మరం చేశారు. దర్యాప్తులో వాస్తవాలు బయటికి వచ్చాయి. ఆ వివరాలు ఇప్పుడు చూద్దాం..
ఏఎస్పీ శ్రీలక్ష్మీ మాట్లాడుతూ భవ్యశ్రీ కేసును అనుమానాస్పద మృతిగా దర్యాప్తు చేస్తున్నామని వెల్లడించారు. సెప్టెంబర్ 18న భవ్యశ్రీ తండ్రి తన కుమార్తె అదృశ్యం అయ్యిందని స్థానికంగా ఉన్న పోలీస్‌స్టేషన్‌లో కంప్లైంట్ చేశారన్నారు. దాంతో మిస్సింగ్ కేసు రిజిస్టర్ చేసి, ఎంక్వైరీ మొదలుపెట్టామని అన్నారు. ఒక బావిలో సెప్టెంబర్ 20న ఒక యువతి మృతదేహం దొరికిందని, ఇంటర్‌ విద్యార్థిని భవ్యశ్రీ గా గుర్తించి ఆమె తల్లిదండ్రులకు సమాచారం ఇచ్చామని తెలిపారు.
భవ్య శ్రీ తల్లిదండ్రులు తమ కుమార్తె పై అఘాయిత్యం చేసి, చంపేశారని ఆరోపించారని చెప్పారు. నలుగురి పై  సందేహం ఉందని చెప్పడంతో వారిని అదుపులోకి తీసుకుని, ప్రశ్నిస్తున్నామని అన్నారు. చిత్తూరు ప్రభుత్వ ఆసుపత్రిలో తల్లిదండ్రుల ఎదుటే మృతదేహాన్ని పోస్ట్‌ మార్టమ్ చేశారని, మృతురాలి శరీరం పై ఎటువంటి గాయాలు లేవని, అఘాయిత్యానికి ఏమైన పాల్పడి ఉంటారనే సందేహంతో మృతురాలి నుండి శాంపిల్స్‌ సేకరించి, తిరుపతి ఆర్‌ఎఫ్‌ఎస్‌ఎల్‌కు పంపించామని తెలిపారు. ఎవరైన ఊహాగానాలు, అవాస్తవాలు వ్యాప్తి చేస్తే వారిపై చర్యలు తప్పవని వెల్లడించారు.
ఎస్పీ రిషాంత్ రెడ్డి భవ్యశ్రీ మృతి పై ట్వీట్ చేశారు. అందులో “పెనుమూరులో కలకలం రేపిన 16 సంవత్సరాల అమ్మాయి అదృశ్యం, అనుమానాస్పద మృతి కేసులో సామాజిక మధ్యమలలో వస్తున్న వార్తలలో ఎలాంటి నిజం లేదని అన్నారు. ఫోరెన్సిక్‌ నివేదిక ప్రకారం ఆ అమ్మాయి పై ఎలాంటి అత్యాచారం లేదా శరీరం పై గాయాలేమి లేవు అని అన్నారు. గుండు కొట్టి అమ్మాయిని చంపారు అనేది నిజం కాదని, ఊడిపోయిన జుట్టు ఆమె మృతి చెందిన బావిలో లభ్యం అయ్యిందని అన్నారు. తల పై కూడా గుండు కొట్టినట్టుగా ఎలాంటి గుర్తులు లేవని” వెల్లడించారు.

#justiceforbhavyashree #truth_chittoorpolice @APPOLICE100 pic.twitter.com/ae5powILyy

— Chittoor District Police (@ChittoorPolice) September 26, 2023

Also Read: ఇంటర్ విద్యార్థిని భవ్యశ్రీ ఎలా చనిపోయింది..? అసలు ఆ రోజు ఏం జరిగిందంటే..?

తెలంగాణ రాష్ట్రం కోసం ఎన్నో ఏళ్ళ నుండి పోరాడి, ఎంతోమంది తమ ప్రాణాలను అర్పించారు. రాష్ట్ర వ్యాప్తంగా ప్రజలు ఎన్నో ఉద్యమాలు చేసి, చివరికి తెలంగాణ రాష్ట్రాన్ని సాధించుకున్నారు. తెలంగాణ తొమ్మిదేళ్ల నుండి అన్ని రకాలుగా అభివృద్ది దిశగా సాగుతోంది.

అయితే తెలంగాణలోని ఒక విద్యార్ధిని రాష్ట్ర విభజన వల్ల ఎంబీబీఎస్ సీటును కోల్పోయింది. కుమార్తె డాక్టర్ అవుతుందని కలలు కన్న ఆమె తండ్రి, ఉన్నత చదువులకు దూరం కావడంతో సెల్ఫీ వీడియోలో విషయం చెప్తూ ఆవేదనను వ్యక్తం చేశాడు. ఆ వివరాలు ఇప్పుడు చూద్దాం..
తెలుగు న్యూస్ 18 కథనం ప్రకారం, భద్రాద్రి కొత్తగూడెం జిల్లాలోని అశ్వరావుపేట మండల కేంద్రంలో రీసెంట్ గా ఈ సంఘటన జరిగింది. ఆ అమ్మాయి తండ్రి సెల్ఫీ వీడియోలో వివరాలు వెల్లడించారు. అశ్వరావుపేటలో నివసిస్తున్న కీర్తన ఒకటవ క్లాస్ నుంచి ఐదవ  క్లాస్ వరకు అశ్వరావుపేటలోని స్కూల్ లో చదువుకుంది. ఆ తరువాత ఉమ్మడి ఆంధ్రప్రదేశ్ లోని అప్పటి ఖమ్మం జిల్లాలోని ఎటపాక నవోదయ స్కూల్ లో సీట్ రావడంతో ఆరు నుంచి టెన్త్ క్లాస్ వరకు అక్కడే చదివింది. ఇంటర్ కరీంనగర్ గురుకుల కళాశాలలో పూర్తి చేసింది.
రీసెంట్ గా నిర్వహించిన నీట్ ఎగ్జామ్ లో 362 మార్కులను సాధించింది. వారిది ఎస్సీ కేటగిరి అవడంతో ఎంబీబీఎస్ సీటు తప్పకుండా వస్తుందని ఫ్యామిలీ అంత సంతోషాపడ్డారు. కానీ ఆరవ తరగతిలో కీర్తన చేరిన ఏడాదికి ఎటపాక నవోదయ విద్యాలయం ప్రస్తుత ఆంధ్రప్రదేశ్ రాష్ట్రంలో కలిసిపోయింది. దాంతో కీర్తన ఆంధ్రప్రదేశ్ కు లోకల్ గా, తెలంగాణకు నాన్ లోకల్ గా మారింది. దానివల్ల కేఎన్ఆర్ యూనివర్సిటీలో ఆమె ఎంబీబీఎస్ సీటు కోల్పోయింది.
కీర్తన తండ్రి సూర్య తమ పూర్వీకుల నుండి తెలంగాణలో ఉంటున్నామని అన్నారు. ధ్రువపత్రాలన్ని కలిగి ఉన్నామని తన కుమార్తెను నాన్ లోకల్ గా పరిగణించడం ఎంతవరకు కరెక్ట్ అని, తన కుమార్తె కన్నా తక్కువ మార్క్స్ వచ్చిన వారికి కూడా సీటు వచ్చిందని బాధను వ్యక్తం చేశారు. ఈ విషయం మీద హైకోర్టుకు వెళ్ళగా కీర్తనకు అనుకూలంగా తీర్పును ఇచ్చింది. యూనివర్సిటీలో కోర్టు ఆర్డర్ తో సంప్రదించగా హెల్త్ డిపార్ట్మెంట్ నుంచి తమకు ఆర్డర్స్ ఉన్నాయని, కీర్తనను నాన్ లోకల్ గా లెక్కిస్తామని చెప్పారని ఆమె తల్లిదండ్రులు వాపోయారు.
విద్యార్థుల పేరంట్స్ స్థానికత అనుగుణంగా ఎంబీబీఎస్ సీట్లు ఇవ్వాలని కోర్టు చెప్పినప్పటికీ, ఆ యూనివర్సిటీ దానిని పరిగణలోకి తీసుకోలేదని, దానివల్ల విద్యార్థిని ఉన్నత చదువుకు దూరమయ్యే కండిషన్ ఏర్పడింది. ఈ విషయం పై తెలంగాణ గవర్నమెంట్ స్పందించాలని కీర్తన పేరెంట్స్ కోరుతున్నారు.

Also Read: ముగ్గురు మాజీ ముఖ్యమంత్రులు ఖైదీలుగా వెళ్లిన ఈ రాజమండ్రి సెంట్రల్ జైలు ప్రత్యేకతలు ఏంటో తెలుసా..?