News

నెల్లూరు జిల్లా కావలిలో జరిగిన ఒక సంఘటన ఇటీవల కలకలం రేపింది. ఆర్టీసీ డ్రైవర్ మీద కొంత మంది వ్యక్తులు దాడి చేశారు. వివరాల్లోకి వెళితే, విజయవాడ డిపోకి చెందిన ఆర్టీసీ బస్సు ఒకటి కావలి నుండి విజయవాడకి వెళుతుంది.

కావలిలో ట్రంక్ రోడ్ లో ఉన్నప్పుడు ఆర్టీసీ బస్ డ్రైవర్ అయిన రాంసింగ్ తన ముందు ఉన్న బైక్ అడ్డు తొలగించాలి అంటూ హారన్ మోగించారు. దాంతో ఆ బైక్ నడుపుతున్న వ్యక్తి డ్రైవర్ తో వాదించడం మొదలు పెట్టాడు. అక్కడే ఉన్న పోలీసులు పరిస్థితిని అదుపు చేసి వారిని పంపించేశారు.

కానీ బైక్ నడిపిన వ్యక్తి ఈ విషయాన్ని తన మిత్రులకు చెప్పడంతో 14 మంది ఆ ఆర్టీసీ బస్సులు వెంబడించి, పట్టణ శివార్లలో ఉన్న మద్దూరుపాడు వ్యవసాయ మార్కెట్ కమిటీ గోదాముల దగ్గర బస్సుని ఆపారు. డ్రైవర్ ని దుర్భాషలు ఆడి తీవ్రంగా గాయపరిచారు. అక్కడ జరిగిన సంఘటనని బస్సులో ప్రయాణిస్తున్న ఒక వ్యక్తి తన మొబైల్ లో వీడియో తీస్తూ ఉన్నాడు. దాంతో అతని మీద కూడా దాడి చేశారు. అతని మొబైల్ ని ధ్వంసం చేశారు.

ఇదంతా కావలి రూరల్ సీఐకి తెలియడంతో సంఘటనా స్థలానికి చేరుకొని విషయాన్ని తెలుసుకున్నారు. డ్రైవర్ ని కావలిలోని ప్రాంతీయ ఆసుపత్రికి తరలించి చికిత్స అందిస్తున్నారు. ఈ విషయంపై ఆర్టీసీ ఎండీ ద్వారకా తిరుమలరావు మాట్లాడుతూ, “ప్రజల మధ్యలో ఉండి విధులు నిర్వహించే ఆర్టీసీ కార్మికుల పట్ల ఇలా చేస్తే కఠినమైన చర్యలు తీసుకుంటాము” అని చెప్పారు. అంతే కాకుండా కావలి రూరల్ పోలీసులు దాడి చేసిన వారిపై సెక్షన్ 217/23 u/s 143, 341, 332, 307, 323, 427, IPC, Dt.26.10.23 లో కేసు నమోదు చేశారు.

నిందితుల కోసం గాలిస్తున్నట్టు కావలి పోలీసులు చెప్పారు. స్థానిక ఎమ్మెల్యే కూడా ఈ దాడిని ఖండిస్తూ తన అభిప్రాయాన్ని వ్యక్తం చేశారు. డ్రైవర్ పై దాడి చేసిన నిందితుల మీద ఇప్పటికే పలు నేరాలు చేసినట్టు ఆరోపణలు ఉన్నాయి అని పోలీసులు చెప్పారు. అంతే కాకుండా ఈ నిందితులు ఎంతటి వారు అయినా సరే, వారి మీద కఠిన చర్యలు తీసుకోవాలి అని, లేదంటే ఆందోళన చేస్తాము అని ఎంప్లాయిస్ యూనియన్ నేతలు తెలిపారు.

watch video :

ALSO READ : నిజంగా ఇలాంటి తండ్రులు ఉంటారా…!

మేకప్ మహిమలు మాములుగా లేవు. ముఖ కవళికలు ఎలా కావాలనుకుంటే అలా మార్చేసుకునే రోజులు వచ్చేసాయి. ముఖం ఎలా ఉన్నా.. కాస్త మేకప్ అద్దితే చాలు అందమైన వ్యక్తులలా తయారైపోతున్నారు. ఇక.. అమ్మాయిలు కూడా ఈ మేకప్ ని అడ్డు పెట్టుకుని మోసాలు కూడా చేసేస్తున్నారు. అందం ఆత్మ విశ్వాసాన్ని పెంచుతుంది. అందులో తప్పులేదు.

కానీ, కొందరు అందాన్ని అడ్డుపెట్టుకుని అబ్బాయిలని మోసం చేస్తూ ఉంటారు. తాజాగా ఇటువంటి ఘటన తమిళనాడులో చోటు చేసుకుంది. అయితే.. ఈ ఘటనలో అమ్మాయి కాదు.. ఏకంగా 54 సంవత్సరాల వయసు ఉన్న మహిళ ఓ వ్యక్తిని మోసం చేసి పెళ్లి చేసుకుంది.

వివరాల్లోకి వెళితే, తమిళనాడులోని తిరువళ్ళూరు జిల్లా, పుదుప్పేట కు చెందిన ఇంద్రాణి అనే మహిళ తన కుమారుడితో కలిసి నివాసం ఉంటోంది. ఇంద్రాణి కుమారుడు ఓ ప్రైవేట్ కంపెనీలో ఉద్యోగం చేస్తున్నాడు. అతనికి పెళ్ళై విడాకులు కూడా తీసుకున్నాడు. ఈ క్రమంలో అతనికి రెండవ పెళ్లి చెయ్యాలని ఇంద్రాణి సంబంధాలు వెతుకుతోంది. గత ఆరేళ్లుగా సంబంధాలు వెతుకుతున్న ఆమెకు ఇటీవల తిరుపతికి చెందిన శరణ్య అనే మహిళ పెళ్లిళ్ల బ్రోకర్ ద్వారా పరిచయమైంది.

అయితే.. ఆమె వయసు 54 సంవత్సరాలు అన్న విషయం వీరికి తెలియదు. ఆమెను చూడడానికి వస్తున్నామని కబురంపారు. దీనితో శరణ్య మేకప్ వేసుకుని 30 సంవత్సరాల వయసు ఉన్న అమ్మాయిలా వారి ముందు కూర్చుంది. ఆ అమ్మాయి కూడా ఇంద్రాణి కుమారుడికి నచ్చడంతో పెళ్లి సంబంధం ఖాయం చేసుకున్నారు. తిరువళ్లూరులో భారీగా ఖర్చు చేసి పెళ్లి కూడా చేసారు. ఆమెకు ఇరవై ఐదు సవర్ల బంగారాన్ని ఎదురిచ్చి మరీ పెళ్లి చేసుకున్నారు. తీరా పెళ్లి చేసిన తరువాత ఆమె తన అసలు రూపం చూపించింది.

అత్తా, భర్తలను వేధించేది. శాలరీ మొత్తం తన చేతిలోనే పెట్టాలని చెప్పేది. బీరువా తాళాలను తన చేతికే ఇవ్వాలని, ఆస్తులను కూడా తన పేరు మీదకే రాయించాలని పోరు పెడుతుండేది. ఈ క్రమంలోనే అత్త ఇంద్రాణిని ఇంట్లోంచి వెళ్లగొట్టింది. ఈమె పోరు పడలేని భర్త ఆమె పేరు మీదకే ఆస్తి రాయిద్దామని ఆధార్ కార్డు ఇవ్వాలని కోరాడు. అయితే.. ఆధార్ కార్డు లో కేరాఫ్ రవి అని ఉండడాన్ని గమనించిన సదరు భర్తకి అనుమానం వచ్చింది. దీనితో, ఇంద్రాణి మరియు ఆమె కుమారుడు కలిసి కేసు వేశారు. పోలిసుల విచారణలో ఆమె వయసు 54 సంవత్సరాలని, ఆమెకు రవి అనే వ్యక్తితో ఇదివరకే పెళ్లయిందని, ఇద్దరు పిల్లలు ఉన్నారని తేలింది.

భర్తతో గొడవపడి ప్రస్తుతం తల్లితో ఒంటరిగా ఉంటోందని తేలింది. రవి పై కూడా ఆమె కేస్ పెట్టి పది లక్షల రూపాయలను లాగేసింది అని కూడా తేలింది. అయితే.. సంపాదన లేని కారణంగా ఆర్ధిక ఇక్కట్లు మొదలవ్వడంతో పెళ్లిళ్ల బ్రోకర్ ను సంప్రదించి యువకులను మోసం చేసి డబ్బు గుంజుతోంది. ఈ క్రమంలోనే సుబ్రమణి అనే వ్యక్తికి సంధ్యగా పరిచయం అయ్యి పదకొండు సంవత్సరాలు కాపురం కూడా చేసింది. ఆ తరువాత కరోనా సమయంలో తల్లి వద్దకు వెళ్లి వస్తానని చెప్పి.. తిరిగి రాకుండా అక్కడనుంచి తప్పించుకుంది. ఈ క్రమంలోనే ఇంద్రాణి కుమారుడి గురించి కూడా తెలియడంతో తనకింకా పెళ్లి కాలేదని చెప్పి తన పేరు శరణ్యగా పరిచయం చేసుకుని ఇంత కథ నడిపించింది.

ఇటీవల పెళ్లి పేరిట మోసాలు కొంత ఎక్కువగానే జరుగుతున్నాయి. అమ్మాయిలు తక్కువగా దొరుకుతుండడంతో.. దీనిని అవకాశంగా చేసుకుని కొంతమంది ఎక్కువగా మోసాలకు పాల్పడుతున్నారు. తాజాగా.. ఇటువంటి ఘటనే గుంటూరు జిల్లా పరిధిలో చోటు చేసుకుంది.

వివరాల్లోకి వెళితే.. గుంటూరు జిల్లాకు చెందిన శ్రీనివాస రావు బిటెక్ పూర్తి చేసి ప్రస్తుతం మోటో కంట్రోలర్ మెకానిక్ గా పని చేస్తున్నారు. అతని తండ్రి పోలియోతో బాధపడుతున్నారు. తల్లికి కూడా అనారోగ్యంగానే ఉంటోంది. అయితే.. అతనికి పెళ్లికి చేయాలని వారు నిశ్చయించుకున్నారు.

Also Read: “జయం” సినిమాకి “గోపీచంద్” అందుకున్న రెమ్యూనరేషన్ ఎంతో తెలుసా.? ఆ డబ్బుతో ఏం చేసారంటే.?

కాగా, రెవెన్యూ డిపార్ట్ మెంట్ లోని ఓ రిటైర్డ్ ఎంప్లాయ్ ద్వారా వారికి ఓ సంబంధం వచ్చింది. రెండువైపులా నచ్చడంతో వారు ముందుకెళ్లి మిగతా విషయాలు మాట్లాడుకున్నారు. అయితే.. ఆ అమ్మాయికి తండ్రి లేడు. దీనితో.. శ్రీనివాస్ మనసు పెద్దది చేసుకుని ఆమె వద్ద నుంచి కట్నం ఆశించకుండా పెళ్లి చేసుకున్నాడు. కాగా, రెండు లక్షలు పెట్టి ఉన్నంతలో బంగారం చేయించి పెళ్లి సమయంలోనే ఆమెకు ఇచ్చాడు.

అలానే బంధువుల సమక్షంలో ఆరు లక్షలు పెట్టి ఊర్లోనే ఘనంగా రిసెప్షన్ కూడా చేయించాడు. ఇంత జరిగాక.. ఆమె పెళ్లి అయిన తరువాత నుంచి ఏదో ఒక కారణం చెప్పి దూరం పెట్టేది. కొన్నాళ్ళకి ఇంట్లో తల్లి ఆరోగ్యం బాలేదని చూసి వస్తానని చెప్పి వెళ్ళింది. రెండు, మూడు నెలలు అయినా ఆమె తిరిగి రాలేదు. దీనితో ఎందుకు రావట్లేదు అంటూ శ్రీనివాస రావు ఆరా తీసాడు. ఈ క్రమంలో ఆమెకు గతంలోనే ఓ యువకుడితో పెళ్లి అయ్యిందని తేలింది. షాక్ అయిన శ్రీనివాస రావు తనని మోసం చేసారని భావించి యువతి కుటుంబ సభ్యులపై ఫిర్యాదు చేసాడు. పోలీసులు కేసు నమోదు చేసుకుని దర్యాప్తు చేస్తున్నారు.

Also Read: Pakka Commercial Review : “గోపీచంద్ – మారుతి” కాంబినేషన్‌లో వచ్చిన పక్కా కమర్షియల్… హిట్టా..? ఫట్టా..? స్టోరీ, రివ్యూ & రేటింగ్.!

ఒక మహిళ కొన్ని రోజల కిత్రం తన 26 వారాల గర్భాన్ని వైద్యపరంగా తొలగించుకునేందుకు పర్మిషన్ ఇవ్వాలని దేశ అత్యున్నత న్యాయస్థానం అయిన సుప్రీంకోర్టును ఆశ్రయించింది. ఈ విషయం పై పలు మార్లు కోర్టులో విచారణ జరిగింది.

ఈ క్రమంలో నేడు(సోమవారం) ప్రధాన న్యాయమూర్తి నేతృత్వంలోని ధర్మాసనం ఈ కేసులో తుది తీర్పును వెల్లడించింది. ఆ మహిళ ఎందుకు 26 వారాల గర్భాన్ని తొలగించుకోవాలనుకుంది? సుప్రీంకోర్టు ఏమని తీర్పు ఇచ్చిందో ఇప్పుడు చూద్దాం..
ఇటీవల 26 వారాల గర్భవిచ్ఛిత్తికి పర్మిషన్ ఇవ్వమని కోరుతూ 27 సంవత్సరాల మహిళ సుప్రీంకోర్టును ఆశ్రయించారు. ఇప్పటికే తనకు ఇద్దరు పిల్లలున్నారని, తాను మానసికంగా, శారీరకంగా మరో బిడ్డను కనడానికి సిద్ధంగా లేనని కోర్టుకు వివరించింది. మహిళ అభిప్రాయాన్ని గౌరవించాల్సిన అవసరముందని సుప్రీంకోర్టు ద్విసభ్య ధర్మాసనం అ-బా-ర్ష-న్‌కి పర్మిషన్ ఇచ్చారు. వైద్య పరంగా అ-బా-ర్ష-న్‌ కు అక్టోబరు 9న అనుమతిని ఇచ్చింది.
కానీ, ఆ తరువాతి రోజు ఢిల్లీ ఎయిమ్స్ డాక్టర్లు గర్భంలోని బిడ్డ ఆరోగ్యంగా పుట్టే అవకాశాలు ఉన్నాయని తెలిపారు. 26 వారాల సమయంలో అబార్షన్ చేసినట్లయితే ప్రాణాలకే ముప్పు అని నివేదిక ఇచ్చారు. దీంతో ద్విసభ్య ధర్మాసనం ఇచ్చిన తీర్పును సవాల్‌ చేస్తూ కేంద్రం, చీఫ్‌ జస్టిస్‌ బెంచ్‌ కు పిటిషన్‌ దాఖలు చేసింది. ఈ క్రమంలో నేడు ఛీప్ జస్టిస్ డీవై చంద్రచూడ్ ఈ కేసులో తీర్పు ఇచ్చారు. తల్లి గర్భంలోని శిశువు గుండెను ఆపడానికి కోర్టు సుముఖంగా లేదని అన్నారు. ఇప్పటికే గర్భిణికి 26 వారాల, 5 రోజులు అని, ప్రస్తుతం ఈ గర్భం వల్ల తల్లికి ఎలాంటి ప్రమాదం లేదన్నారు.
తల్లి హక్కు మరియు గర్భస్థ శిశువు హక్కు మధ్య సమతౌల్యం పాటించాలని అన్నారు. అ-బా-ర్ష-న్ కి పర్మిషన్ ఇస్తే ‘మెడికల్‌ టె-ర్మి-నే-ష-న్‌ ఆఫ్‌ ప్రెగ్నెన్సీ’ చట్టంలోని సెక్షన్‌ 3, సెక్షన్‌ 5 లను ఉల్లంఘించినట్లు అవుతుందని అన్నారు. ఈ మహిళ ఎయిమ్స్‌లో ట్రీట్మెంట్ తీసుకుంటున్నారు. ఆ ట్రీట్మెంట్ కు అయ్యే ఖర్చును గవర్నమెంట్ భరిస్తుందని పేర్కొన్నారు. బిడ్డ పుట్టిన తరువాత తాను పెంచుకోవాలా లేదా ఎవరికైనా దత్తత ఇవ్వాలా అనే  విషయం పై తల్లిదండ్రులు డిసిషన్ తీసుకోవచ్చని పేర్కొన్నారు.

Also Read: ఫైబర్‌నెట్‌ కేసులో చంద్రబాబును అప్పటివరకు అరెస్టు చేయొద్దు.. సుప్రీంకోర్టు..!