News

తెలుగు చ‌ల‌న చిత్ర‌సీమ‌లో విల‌క్ష‌ణ‌మైన పాత్ర‌లు పోషించి న‌టుడిగా మంచి పేరు తెచ్చుకోవ‌డంతో పాటు ద‌ర్శ‌కుడిగా కూడా ప్ర‌త్యేక గుర్తింపు తెచ్చుకున్నారు ర‌విబాబు. వైవిధ్యభరిత కాన్సెప్ట్ తెరకెక్కించడంలో ఆయ‌న‌ స్టైలే వేరు. ఒక‌వైపు ‘నచ్చావులే’, ‘మనసారా` వంటి ఆహ్లాద‌క‌ర‌మైన చిత్రాలు తెర‌కెక్కించారు. మ‌రోవైపు ‘అనసూయ’, ‘అమరావతి’, ‘అవును’, ‘అవును 2` వంటి హార‌ర్‌, థ్రిల్ల‌ర్ చిత్రాల‌తోనూ ప్రేక్ష‌కుల‌ను థ్రిల్ చేశారు.

తాజాగా రవిబాబు నిర్మాతగా వ్య‌వ‌హ‌రిస్తూ, కథ – స్క్రీన్ ప్లే అందించిన‌ చిత్రం ‘రష్’. సతీశ్ పోలోజు దర్శకత్వం వహించిన ఈ సినిమాలో డైసీ బోపన్న ప్రధాన పాత్ర పోషించారు. యాక్షన్ థ్రిల్లర్ జోనర్లో, యూనిక్ పాయింట్‌తో తెర‌కెక్కిన ఈ సినిమా ప్ర‌ముఖ ఓటీటీ ప్లాట్‌ఫామ్ ‘ఈటీవీ విన్`లో స్ట్రీమింగ్ అవుతోంది.

ఒక సాధార‌ణ గృహిణికి కొన్ని అసాధార‌ణ ప‌రిస్థితులు ఎదురైతే వాటిని ఆమె ధైర్యంగా ఎలా ఎదుర్కొంది అనే ఇంట్రెస్టింగ్ పాయింట్‌తో అద్భుత‌మైన యాక్ష‌న్ ఎపిసోడ్స్‌తో ఈ సినిమా తెర‌కెక్కింది. ఈ చిత్రంలో ర‌విబాబు డిస్క‌స్ చేసిన సోష‌ల్ ఇష్యూ కూడా ప్రేక్ష‌కుల‌ని త‌ప్ప‌క ఆలోచింప‌జేస్తుంది. ఈ సినిమా ప్రస్తుతం ఈటీవి విన్‌లో అద్భుత‌మైన ప్రేక్ష‌కాధ‌ర‌ణ‌తో దూసుకుపోతుంది. ఇటీవ‌లి కాలంలో ప‌ర్‌ఫెక్ట్ కంటెంట్ తో వచ్చిన సినిమాల జాబితాలో ఈ సినిమా చేర‌డంతో పాటు యాక్షన్ థ్రిల్లర్ సినిమాలను ఇష్టపడేవారికి ర‌ష్ త‌ప్ప‌క ఒక మంచి ఛాయిస్‌. ఇంకా చూడ‌ని వారెవ‌రైనా ఉంటే వెంట‌నే ఈటీవి విన్ లో ఈ సినిమా త‌ప్ప‌క చూసేయండి.

కొత్త నిర్ణయాలతో, కొత్త పథకాలతో తనదైన శైలిలో నిర్ణయాలు తీసుకుంటున్నారు తెలంగాణ ముఖ్యమంత్రి రేవంత్ రెడ్డి. ఇటీవల తెలంగాణ స్టేట్ టీఎస్ ని, టీజీగా మార్చిన సంగతి తెలిసిందే. ఇప్పుడు తెలంగాణ అధికారిక చిహ్నంలో కూడా మార్పులు చేస్తున్నారు. ఇందులో చార్మినార్, కాకతీయ కళాతోరణం ఉంటాయి. ఆ గుర్తులని ఇప్పుడు తొలగించబోతున్నారు. ఈ విషయం ఇప్పుడు చర్చనీయాంశం అయ్యింది. అయితే, రేవంత్ రెడ్డి ఈ విషయం గురించి ఏడు సంవత్సరాల క్రితమే చెప్పారు అంటూ ఒక వీడియో వెలుగులోకి వచ్చింది. ఈ వీడియోలో రేవంత్ రెడ్డి మాట్లాడుతూ, “ఏ అవకాశం వచ్చినా అధికార చిహ్నాన్ని మొట్టమొదట మారుస్తా. అక్కడ పునాది వేస్తా” అని రేవంత్ రెడ్డి తెలిపారు.

అప్పుడు రేవంత్ రెడ్డి తెలుగుదేశం పార్టీలో ఉన్నారు. ఈ వీడియో ఏడు సంవత్సరాల క్రితం వీడియో. “రేవంత్ రెడ్డి అప్పుడు చెప్పినట్టే ఇప్పుడు చేస్తున్నారు” అంటూ అందరూ కామెంట్స్ చేస్తున్నారు. ఈ వీడియో 2017 లో మే 31వ తేదీన జరిగిన ప్రెస్ మీట్ లోది. అందులోనే రేవంత్ రెడ్డి ఈ విషయం గురించి మాట్లాడారు. తెలంగాణ చిహ్నాన్ని మార్చే బాధ్యతని రేవంత్ రెడ్డి ప్రముఖ కళాకారుడు రుద్ర రాజేశానికి అందించారు. రేవంత్ రెడ్డి ఇప్పుడు రాష్ట్ర అధికారిక గీతాన్ని కూడా కొత్తగా కంపోజ్ చేయిస్తున్నారు.

ఆస్కార్ పొందిన సంగీత దర్శకుడు ఎంఎం కీరవాణి ఈ పాటని కంపోజ్ చేశారు. రాష్ట్ర అధికారిక గీత స్వర కల్పన ఇప్పటికే జరిగింది. ఈ విషయం మీద కూడా పెద్ద ఎత్తున చర్చలు జరిగాయి. “తెలంగాణ వాసి కాని కీరవాణితో పాట స్వర కల్పన చేయించడం ఏంటి?” అంటూ కామెంట్స్ చేశారు. చాలా మంది, “ఆస్కార్ పొంది భారతదేశానికే గర్వకారణం అయ్యారు. దేశానికి గౌరవం తీసుకొచ్చారు. అలాంటి వ్యక్తితో పాట స్వర కల్పన చేయించడం అనేది చాలా గొప్ప విషయం” అంటూ కీరవాణికి మద్దతుగా కామెంట్స్ చేశారు. ఈ పాటని త్వరలోనే విడుదల చేయబోతున్నారు.

హైదరాబాద్ శివారులో జరిగిన ఘటన చర్చల్లో నిలిచింది. వివరాల్లోకి వెళితే, టీవీ9 తెలుగు కథనం ప్రకారం, జీడిమెట్ల పోలీస్ స్టేషన్ పరిధిలో ఉన్న న్యూ ఎల్బీనగర్ లో, బాలబోయిన కుమార్ కుమార్తె అఖిల ఉంటున్నారు. అఖిల వయసు 22 సంవత్సరాలు. అఖిల ఒక ప్రైవేట్ కంపెనీలో ఉద్యోగం చేస్తున్నారు. మే 28వ తేదీన రాత్రిపూట తన ఇంట్లో ఉ-రి వేసుకొని తన ప్రాణాలు తీసుకున్నారు. అందుకు ప్రేమ కారణం అని తెలుస్తోంది. అఖిలని, పోరగంటి ప్రాంతానికి చెందిన అఖిల్ సాయి గౌడ్ అనే అబ్బాయి ప్రేమ పేరుతో వెంటపడ్డారు. ప్రేమ ఒప్పుకోకపోతే చచ్చిపోతాను అని బెదిరించారు.

దాంతో అఖిల, అఖిల్ ప్రేమని ఒప్పుకున్నారు. ఇంట్లో అందరితో మాట్లాడి ఈ విషయాన్ని చెప్పారు. బంధువులందరి ముందు కుటుంబ సభ్యులు కూడా అఖిల ఇష్టాన్ని ఒప్పుకున్నారు. అక్కడి వరకు బాగానే నడిచింది. ఆ తర్వాత అసలు సమస్యలు మొదలు అయ్యాయి. అఖిల్, అఖిలని ఇబ్బంది పెట్టడం మొదలుపెట్టారు. అఖిల్ వల్ల అఖిల చాలా సమస్యలు ఎదుర్కొన్నారు. రోడ్ మీద అఖిలని ఇబ్బంది పెట్టారు. ఫోన్ లో కూడా మాటలతో ఇబ్బంది పెట్టేవారు అని అఖిల కుటుంబ సభ్యులు తెలిపారు. ఈ విషయం అక్కడ నివసించే వారికి, వారి బంధువులకి తెలిసింది.

దాంతో అఖిల్ ని మందలించారు. వీరి ప్రేమ కొన్ని సంవత్సరాలు నడిచింది. కానీ అఖిల్ ఆ ప్రేమని కాదు అని అన్నారు. పెళ్లి చేసుకోవడానికి అంగీకరించలేదు. ఈ విషయం తెలుసుకున్న అఖిల బాధపడ్డారు. ఆ బాధలోనే ఇలాంటి నిర్ణయం తీసుకున్నారు. అఖిల తండ్రి కుమార్ పోలీసులకు ఫిర్యాదు చేశారు. జీడిమెట్ల పోలీసులు ఈ విషయం మీద దర్యాప్తు చేస్తున్నారు. అఖిల చనిపోయే ముందు ఒక ఉత్తరం రాశారు. ఆరు పేజీల వరకు ఈ లెటర్ ఉంది. ఈ లెటర్ లో, “నేను నిన్ను చనిపోయేంతవరకు గుర్తుపెట్టుకుంటాను. నువ్వు ఎప్పుడు ఒక చెడ్డ జ్ఞాపకంగానే నాకు గుర్తుంటావు. ఒక పాఠం నేర్పించావు” అని రాశారు.

అల్లు అర్జున్ హీరోగా నటిస్తున్న పుష్ప-2 సినిమా బృందం ప్రమోషన్స్ మొదలుపెట్టారు. సినిమా విడుదలకు ఇంకా చాలా సమయం ఉంది. కానీ ఈ సమయాన్ని సినిమా పబ్లిసిటీ అవ్వడానికి వాడుకుంటున్నారు. ఒకరకంగా చెప్పాలి అంటే ఇది మంచి స్ట్రాటజీ అవుతోంది. ఇప్పటికే పుష్ప-2 నుండి పుష్ప పుష్ప పాట విడుదల అయ్యింది. ఇందులో గ్లాస్ స్టెప్, ఫోన్ స్టెప్, స్లిప్పర్ స్టెప్ అంటూ మూడు రకాల స్టెప్స్ వీడియోలో చూపించారు. ఇప్పుడు అవి ట్రెండింగ్ లో ఉన్నాయి. ఈ స్టెప్స్ మీద రీల్స్ చేసి అందరూ సోషల్ మీడియాలో పోస్ట్ చేస్తున్నారు. ఇప్పుడు ఇదే సినిమా నుండి మరొక పాట విడుదల అయ్యింది.

ఈ పాటకి కపుల్ సాంగ్ అని పేరు పెట్టారు. పాట వీడియో కూడా చాలా కొత్తగా రిలీజ్ చేశారు. అంటే, పాట రిహార్సల్ వీడియోని విడుదల చేశారు. అందులోనే పాట లిరిక్స్ కూడా యాడ్ చేశారు. ఇది ఒక రకంగా చెప్పాలి అంటే ప్రయోగం. ఈ పాటని అన్ని భాషల్లో కూడా శ్రేయ ఘోషల్ పాడారు. గణేష్ ఆచార్య ఈ పాటకి కొరియోగ్రఫీ చేశారు. లిరికల్ వీడియోలో ఆయన కూడా కనిపిస్తున్నారు. సెట్టింగ్స్ చూస్తూ ఉంటే ఈ పాట జాతరలో వచ్చే పాట అని అర్థం అవుతోంది. కొరియోగ్రఫీ చాలా కొత్తగా అనిపిస్తోంది. ఇదే పాటలోని ఒక స్టెప్ కూడా ఇప్పటికే విడుదల చేశారు.

ఈ స్టెప్ మీద కూడా ఇంకా వీడియోలు వస్తూ ఉంటాయి. అయితే, ఈ పాటలో ఒక మిస్టేక్ చేశారు అంటూ సోషల్ మీడియాలో కామెంట్ చేయడం మొదలుపెట్టారు. ఈ పాటలో హీరో చైర్ లో రష్మిక మందన్న కూర్చున్నారు. హీరోయిన్ చైర్ లో అల్లు అర్జున్ కూర్చున్నారు. రిహార్సల్ వీడియో అనే కాన్సెప్ట్ మీద ఈ పాట తీశారు. ఇది నిజంగా రిహార్సల్ వీడియో కాదు. దాంతో అంతా బాగానే మేనేజ్ చేశారు కానీ, చైర్ ల విషయంలో లాజిక్ ఎలా మిస్ అయ్యారు అంటూ సరదాగా కామెంట్స్ చేస్తున్నారు. మరొక పక్క సుకుమార్ డైరెక్టర్ అని పేరు ఉన్న కుర్చీలోనే కూర్చున్నారు. అందుకే ఈ మిస్టేక్ ఎలా చేశారు అంటూ కామెంట్స్ చేస్తున్నారు.

రోజు రోజుకి కూరగాయల ధరలు ఆకాశాన్ని అంటుతున్నాయి. కొనాలంటే కూడా ఆలోచించే పరిస్థితి ఏర్పడింది. వినడానికి వింతగా ఉన్నా ఇదే నిజం. కూరగాయలు కొనడానికి సాధారణ ప్రజలు ఆలోచిస్తున్నారు. ఎందుకంటే వాటి ధరలు అంతగా పెరిగాయి. అంత ధర పెట్టి తీసుకొచ్చిన కూరగాయలు ఒక్క పూటకి వస్తాయి. దాంతో రోజు ఎంత ఖర్చు పెట్టి తినాలి అంటూ అందరూ ఆలోచించడం మొదలుపెట్టారు. టమాటా రేటు కేజీ 60 రూపాయలు ఉంది అని సమాచారం. రైతు బజార్ లో 30కి పైగా ఉంటుంది. పచ్చిమిర్చి ధర 50 రూపాయలు, కేజీ బెండకాయల ధర 45 రూపాయలు, చిక్కుడుకాయల ధర 85 రూపాయలు, కాకరకాయల ధర 55 రూపాయలు ఉంటున్నాయి.

బీన్స్ అయితే అన్నిటికంటే ఎక్కువ ధర పలుకుతోంది. కిలో 200 రూపాయలకి బీన్స్ ధర చేరింది. రైతు బజార్లలో 155 రూపాయలకి ఉంది. కట్ట కొత్తిమీర కూడా 10 రూపాయల వరకు పలుకుతోంది. మామూలుగా అయితే హైదరాబాద్ లో ఉన్న హోల్ సేల్ మార్కెట్లకి ఒక రోజులో 5000 క్వింటాళ్లలో కూరగాయలు వస్తూ ఉంటాయి. కానీ ఇప్పుడు వేసవి కాలం అవ్వడంతో అంత ఎక్కువగా కూరగాయలు రావట్లేదు. రోజుకి 2800 టన్నుల కూరగాయలు వస్తున్నాయి. కూరగాయల ధరలు తగ్గాలి అంటే మరొక 3300 టన్నుల కూరగాయలు అదనంగా రావాలి. కానీ అలా జరగట్లేదు. అందుకే కూరగాయల ధరలు ఇంత ఎక్కువగా ఉంటున్నాయి. ఇప్పుడు అదనంగా కూరగాయలు తీసుకురావడం కూడా జరిగే విషయం కాదు.

వర్షాలు కురిస్తేనే ఎక్కువ కూరగాయలు హైదరాబాద్ మార్కెట్లోకి వచ్చే పరిస్థితి ఏర్పడింది. జూన్ నుండి ఖరీఫ్ మొదలవుతుంది కాబట్టి ఆ తర్వాత కూరగాయలు ధరలు తగ్గే అవకాశాలు ఉన్నాయి అని విశ్లేషకులు చెప్తున్నారు. కూరగాయలు మాత్రమే కాదు. చికెన్ ధర కూడా వేసవి కాలంలో ఎక్కువగా ఉంది. ఇప్పుడు చికెన్ ధర కేజీ 300 రూపాయలు దాటింది. ఎండలు ఎక్కువగా ఉండడంతో బ్రాయిలర్ కోళ్లు ఎక్కువ కాలం ఉండట్లేదు, ఎక్కువ దాణా తీసుకోకపోవడం వల్ల కోళ్లు బరువు పెరగట్లేదు. అందుకే చికెన్ ధరలు కూడా ఎక్కువగా ఉంటున్నాయి. స్కిన్ తీసేసిన చికెన్ ధర అయితే కేజీ 320 కి పైగా ఎక్కువగా ఉంది. ఈ కారణంగానే సామాన్య ప్రజలు కూరగాయలు కొనాలి అంటే ఎక్కువగా ఆలోచిస్తున్నారు.

వచ్చే నెలలో కొన్ని విషయాల్లో కీలక మార్పులు జరగబోతున్నాయి. కొన్ని నియమాలు ప్రవేశపెట్టబోతున్నారు. అందులో రోజువారి జీవితంలో వాడే ఎన్నో వస్తువులు, నిత్యవసర సామాన్ల ధరలు కూడా మారబోతున్నాయి. ఆ నియమాలు ఏంటో ఇప్పుడు చూద్దాం.

# ఇందులో మొదటిగా మాట్లాడుకోవాల్సింది ఎల్‌పీజీ గ్యాస్ సిలిండర్ ధరల గురించి. మే నెలలో గ్యాస్ సిలిండర్ ధరలు తగ్గిన సంగతి తెలిసిందే. అయితే జూన్ నెలలో ఎలా ఉండబోతున్నాయి అనే విషయం మీద స్పష్టత కోసం అందరూ చూస్తున్నారు. ప్రస్తుతం వస్తున్న సమాచారం ప్రకారం, జూన్ నెలలో కూడా గ్యాస్ సిలిండర్ ధరలు తగ్గుతాయి అని అంటున్నారు. డొమెస్టిక్ సిలిండర్ ధరలు మాత్రం అలాగే ఉంటాయి.

# ప్రతిరోజు పెట్రోల్ ధరలు, డీజిల్ ధరలు మారుతున్నాయి. ఈ రకంగా చూసుకుంటే జూన్ లో కూడా పెట్రోల్, డీజిల్ ధరలు మారే అవకాశాలు ఉన్నాయి.

# మైనర్ యువతీ యువకులు డ్రైవింగ్ చేయకుండా కఠిన నియమాలని ప్రవేశపెట్టబోతున్నారు. ఒకవేళ అలా ఎవరైనా చేస్తూ దొరికితే 25 వేల రూపాయల జరిమానా విధించాలి అని నిర్ణయం తీసుకున్నారు. అంతే కాకుండా, ఆ వాహనం యొక్క ఓనర్ రిజిస్ట్రేషన్ సర్టిఫికెట్ కూడా రద్దు చేస్తారు. ఎక్కువ వేగంతో వెళితే 1000 నుండి 2000 మధ్య ఫైన్ వేస్తారు.

# డ్రైవింగ్ లైసెన్స్ విషయంలో కూడా కొన్ని కొత్త రూల్స్ ప్రవేశపెడుతున్నారు. జాతీయ రహదారుల, రోడ్డు రవాణా మంత్రిత్వ శాఖ వారు డ్రైవింగ్ లైసెన్స్ జారీ చేసే విషయంలో కొన్ని కొత్త నియమాలని తీసుకొస్తున్నారు. ఈ నియమాల ప్రకారం, డ్రైవింగ్ లైసెన్స్ ట్రయల్ టెస్ట్ చేయడానికి ఆర్టీవో ఆఫీస్ కి వెళ్లాల్సిన అవసరం లేకుండా చేస్తున్నారు. ఏదైనా ఒక ప్రైవేట్ డ్రైవింగ్ సెంటర్స్ లోనే డ్రైవింగ్ టెస్ట్ చేసే సదుపాయాన్ని కల్పిస్తున్నారు. అప్లై చేసిన వ్యక్తికి డ్రైవింగ్ టెస్ట్ పెట్టి, లైసెన్స్ కూడా కల్పించే అధికారాన్ని ఈసారి డ్రైవింగ్ సెంటర్స్ కి ప్రభుత్వం ఇచ్చింది.

# జూన్ నెలలో 10 బ్యాంక్ హాలిడేస్ ఉంటున్నాయి. ఐదు ఆదివారాలు, రెండవ శనివారం, నాలుగవ శనివారం సెలవు ఉంటుంది. బక్రీద్, రాజా సంక్రాంతి పండగలకు కూడా రిజర్వ్ బ్యాంక్ ఆఫ్ ఇండియా సెలవులు ఇస్తున్నట్టు ప్రకటించారు.

# ఎమిషన్ రెగ్యులేషన్స్ ప్రవేశపెట్టి, వాహనాల ద్వారా వచ్చే కాలుష్యాన్ని తగ్గించడానికి చర్యలు తీసుకుంటున్నారు. ఎక్కువగా ఉద్ఘారాలు ఉత్పత్తి చేసే వెహికల్స్ తగ్గించాలి అని నిర్ణయించుకున్నారు. తొమ్మిది లక్షల పాత ప్రభుత్వ వాహనాలని ఆపేయాలి అని అనుకుంటున్నారు.

# ఆధార్ కార్డ్ అప్డేట్ చేసుకోవడానికి జూన్ 14వ తేదీ వరకు గడువుని విధించారు. ఈ అప్డేట్ ఉచితంగా చేసుకునే అవకాశాన్ని కల్పించారు. 50 రూపాయలు చెల్లించి ఆధార్ కార్డు అప్డేట్ చేసుకోవాలి.

జూన్ నెలలో రాబోతున్న మార్పులు ఇవే.

ఇండోనేషియాలో ఇటీవల జరిగిన ఒక సంఘటన చర్చల్లో నిలిచింది. సాధారణంగా సినిమాలో మాత్రమే ఇలాంటివి జరుగుతూ ఉంటాయి. కానీ ఇప్పుడు నిజ జీవితంలో ఇలాంటివి జరగడంతో అందరూ ఆశ్చర్యానికి లోనవుతున్నారు. వివరాల్లోకి వెళితే, టీవీ9 తెలుగు కథనం ప్రకారం, ఇండోనేషియాలోని బంగ్కా ద్వీపానికి చెందిన రెనాటా ఫదేయా వయసు 24 సంవత్సరాలు. ఆమె తనకంటే 38 సంవత్సరాలు పెద్దవాడైన వ్యక్తిని వివాహం చేసుకుంది. ఈ మధ్య ఇలా వయసులో చాలా పెద్దవారైన వాళ్లని వివాహం చేసుకుంటున్నారు. ఇందులో వింత ఏం ఉంది అనుకోవద్దు.

ఇక్కడ అసలు విషయం ఏంటంటే, ఆ వ్యక్తి మొదటి పెళ్లి సమయానికి రెనాటా ఫదేయా వయసు 9 సంవత్సరాలు. ఆయన 2009 లో మొదటి పెళ్లి చేసుకున్నారు. ఆ పెళ్ళికి రెనాటా ఫదేయా అతిథిగా వెళ్లారు. అప్పుడు ఆమె చాలా చిన్న పిల్ల. రెనాటా ఫదేయా భర్త 2011 లో రెండవ భార్యతో విడిపోయారు. ఆయనకి రెండవ వివాహంలో పిల్లలు లేరు. మొదటి వివాహంలో ఒక బిడ్డ ఉంది. రెనాటా ఫదేయా తన భర్తని మళ్లీ 2019 లో కలిశారు. 2020 లో వీళ్ళిద్దరూ పెళ్లి చేసుకున్నారు. టిక్ టాక్ ద్వారా ఈ విషయాన్ని షేర్ చేస్తూ, తన భర్తని తాను 2019 లో మాత్రమే కలిశాను అని అనుకున్నారు అని, కానీ ఇద్దరు బంధువులు అని, ఈ విషయం తనకి ఇటీవలే తెలిసింది అని, 15 సంవత్సరాల క్రితమే తన భర్తని కలిసినట్టు ఒక పోస్ట్ షేర్ చేశారు.

అందులో భాగంగానే ఆమె మొదటి భర్త పెళ్లిలో ఆమె అతిథిగా వెళ్ళిన ఫోటోని, అలాగే ఇప్పుడు అదే భర్తతో, తన బాబుతో ఉన్న ఫోటోని రెనాటా ఫదేయా షేర్ చేశారు. ఇప్పుడు రెనాటా ఫదేయాని తన భర్త చాలా బాగా చూసుకుంటున్నారు అని చెప్పారు. సాధారణంగా సోషల్ మీడియాలో ఇలాంటి విషయాలు అప్పుడప్పుడు షేర్ చేస్తూ ఉంటారు. అంటే, ఇప్పుడు భార్య భర్తలు అయిన ఇద్దరు చిన్నప్పుడే తెలియకుండా కలవడం, ఆ సమయంలో ఫోటోలు తీసుకోవడం వంటివి సోషల్ మీడియాలో అంతకుముందు కూడా షేర్ చేశారు. ఇప్పుడు రెనాటా ఫదేయా కూడా తన భర్తని తాను చిన్నప్పుడే కలిసిన ఫోటోని షేర్ చేశారు.

ఇటీవల ఒక వ్యక్తి తన భార్య తనని ఇబ్బంది పెడుతోంది అంటూ ఫిర్యాదు చేశారు. ఆయన పేరు టెమూజియన్. ఒక ఇంగ్లీష్ ప్రొఫెసర్ గా పని చేస్తూ ఉంటారు. ఆంధ్రప్రదేశ్ లోని రాజోలు జిల్లాకు చెందిన టెమూజియన్ కి 7 సంవత్సరాల క్రితం లక్ష్మీ గౌతమితో పెళ్లి జరిగింది. వాళ్లకి 5 సంవత్సరాల కొడుకు ఉన్నాడు. మల్లారెడ్డి కాలేజీలో టెమూజియన్ ఇంగ్లీష్ ప్రొఫెసర్ గా పని చేస్తున్నారు. కుటుంబంతో కలిసి అల్వాల్ లో ఉంటున్నారు. రెండు రోజుల నుండి టెమూజియన్ మీడియా ముందుకు వచ్చి తన భార్య తనని ఇబ్బంది పెడుతున్నారు అని చెప్పారు. ఇదే విషయం మీద అల్వాల్ పోలీసులకి కంప్లైంట్ ఇచ్చారు.

కానీ లక్ష్మీ గౌతమి మాత్రం ఈ విషయం మీద మరొక రకంగా చెప్తున్నారు. లక్ష్మీ గౌతమి మీడియాతో మాట్లాడుతూ, స్టార్ మేకర్ అనే యాప్ లో ఒక అమ్మాయి పరిచయం అయ్యారు అని, ఆ అమ్మాయితో టెమూజియన్ ప్రేమలో ఉన్నారు అని చెప్పారు. అప్పటి నుండి వాళ్ళిద్దరి మధ్య గొడవలు జరుగుతున్నాయి అని చెప్పారు. ఆ అమ్మాయి కోసం తనని కూడా వదిలేయాలి అని అనుకున్నారు అని అన్నారు. ఒక సమయంలో ఆ అమ్మాయి కూడా టెమూజియన్ మీద తనని ఇబ్బంది పెడుతున్నారు అని రామగుండం పోలీస్ స్టేషన్ లో కేసు పెట్టింది అని లక్ష్మీ గౌతమి చెప్పారు.

లక్ష్మీ గౌతమి ఈ విషయం మీద మాట్లాడుతూ తన భర్తకి తన నుండి డైవర్స్ కావాలి అని అందుకే ఇలాంటి లేనిపోని విషయాలు అన్నీ తన మీద చెప్తున్నారు అని అన్నారు ఆస్తి కోసం టెమూజియన్ ని ఇబ్బంది పెడుతున్నాను అనే మాటల్లో అసలు నిజం లేదు అని అన్నారు. ఎందుకంటే తన కుటుంబానికే ఆస్తిపాస్తులు బాగా ఉన్నాయి అని చెప్పారు. సెల్ఫ్ డిఫెన్స్ కోసం తిరగబడటంతో దెబ్బలు తగిలాయని, లేకపోతే తను తన భర్తని అసలు ఇబ్బంది పెట్టలేదు అని లక్ష్మీ గౌతమి చెప్పారు.

సోషల్ మీడియా వల్ల ఎటువంటి సంఘటన అయినా సరే అందరికీ తెలిసిపోతుంది. దీని వల్ల ప్రభావితం చెందిన వాళ్లు కూడా ఉన్నారు. ఇది కొందరి మీద ఎమోషనల్ గా కూడా ప్రభావం చూపే అవకాశం ఉంటుంది. అందుకు ఇటీవల జరిగిన సంఘటన ఉదాహరణ. కొన్నాళ్ల క్రితం కోయంబత్తూర్ లో ఒక చిన్న పాప సన్ షేడ్ మీదకి జారి పడడం, ఆ తర్వాత ఆ పాపని కాపాడడం వీడియో సోషల్ మీడియాలో పోస్ట్ చేశారు. ఆ పాప వయసు 8 నెలలు. ఆమె తల్లి పేరు రమ్య. ఆమెకి 33 సంవత్సరాలు. రమ్య భర్త పేరు వెంకటేష్. వీరిద్దరూ కలిసి చెన్నైలో ఉన్న తిరుముల్లైవాయల్‌లోని అపార్ట్‌మెంట్ కాంప్లెక్స్‌లో నాలుగో అంతస్తు లో ఉంటారు. వీరిద్దరికి ఒక బాబు, ఒక పాప ఉన్నారు. బాబు వయసు నాలుగు సంవత్సరాలు.

ఈ సంఘటన రమ్యని చాలా బాధ పెట్టింది. అందరూ రమ్యని, “పిల్లని చూసుకోవడం చేతకాదా?” తిట్టడం మొదలుపెట్టారు. ఈ సంఘటన జరిగిన తర్వాత వెంకటేష్, రమ్య కోయంబత్తూర్ లోని కరమడైలో ఉన్న రమ్య తల్లిదండ్రుల ఇంటికి వెళ్లిపోయారు. ఈ సంఘటన తర్వాత రమ్య చాలా బాధలోకి వెళ్లిపోయారు. అంతమంది తనని మాటలు అనడం తట్టుకోలేకపోయారు. దాంతో రమ్య తన ప్రాణాలను విడిచారు. తల్లిదండ్రులు ఒకసారి రమ్యని ఇంట్లోనే వదిలేసి ఫంక్షన్ కి వెళ్లారు. వచ్చేటప్పటికి రమ్య అపస్మారక స్థితిలో ఉన్నారు. ఆ తర్వాత రమ్యని వారు హాస్పిటల్ కి తీసుకెళ్లారు. అయినా కూడా ఫలితం లేదు. సోషల్ మీడియా మనిషి మీద ఎంత ప్రభావం చూపుతుంది అన్న దానికి ఈ సంఘటన ఒక ఉదాహరణ.

సోషల్ మీడియాలో మనుషులు కనిపించరు. కాబట్టి ఎవరికి ఏది ఇష్టం వస్తే అది మాట్లాడుతారు. అవతల వారికి అది ఇబ్బంది కలుగుతుందా లేదా అని కూడా ఆలోచించరు. సాధారణంగానే సోషల్ మీడియాలో చిన్న విషయాలు మీద కూడా ట్రోలింగ్ ఎక్కువగా ఉంటుంది. ఇలాంటి విషయాలు జరిగినప్పుడు వాటి మీద ఇంకా ఎక్కువగా కామెంట్స్ వస్తూ ఉంటాయి. ఆ కామెంట్స్ కూడా సాధారణంగా కాకుండా ఏదో తమ సొంత వారి తిట్టినట్టు ఇబ్బందికరమైన పదాలు వాడి మరి తిడుతూ ఉంటారు. ఇప్పుడు ఈ విషయం తెలుసుకున్న వాళ్ళందరూ రమ్య పట్ల సంతాపం వ్యక్తం చేస్తున్నారు.