News Page 92
Category:

News

Filmy AddaNews

మహేష్ – త్రివిక్రమ్ కొత్త సినిమా షూటింగ్ ఎప్పుడంటే..!?

by Anudeep
written by Anudeep

ఇటీవల విడుదలైన టాప్ హీరోస్ సినిమాలన్నీ నిరుత్సాహ పరచగా మహేష్ బాబు మాత్రం వరుస హిట్లతో మంచి ఫామ్ లో ఉన్నాడు.  డైరెక్టర్ పరశురాం దర్శకత్వంలో వచ్చిన మహేష్ బాబు “సర్కారు వారి పాట” మంచి వసూళ్లను రాబట్టింది.
మహేష్ తదుపరి చిత్రం త్రివిక్రమ్ డైరెక్షన్ లో చేయనున్నట్టు ఇదివరకే ప్రకటించారు.

మహేష్ బాబు త్రివిక్రమ్ తో ఇంతకు ముందు అతడు, ఖలేజాలో నటించాడు. అతడు థియేటర్ లో యావరేజ్ టాక్ తెచ్చుకున్నా.. టెలివిజన్ లో మాత్రం బ్లాక్ బస్టర్ లకే  బ్లాక్ బస్టర్ అయ్యింది. ఖలేజా థియేటర్ లో మెప్పించకపోయినా టెలివిజన్ లో ఆకట్టుకుంది. అయితే వీరిద్దరి కలయికలో వచ్చే హ్యాట్రిక్ మూవీపై ఇటు గురూజీ అభిమానులకు, మహేష్ ఫాన్స్ కి భారీ అంచనాలు ఉన్నాయి.

త్రివిక్రమ్ భీమ్లా నాయక్ షూటింగ్ లో, మహేష్ సర్కారు వారి పాట షూటింగ్ లో ఉండడంతో ఈ సినిమా పట్టాలు ఎక్కడానికి ఆలస్యం అవుతూ వచ్చింది. భీమ్లా నాయక్ సినిమా విడుదల అనంతరం ఈ సినిమాకు సంబంధిన డిస్కషన్ కోసం ఆ మధ్య సర్కారు వారి పాట షూటింగ్ లో ఉన్న మహేష్ ని దుబాయ్ వెళ్లి మరీ కలిశారు డైరెక్టర్ త్రివిక్రమ్ మరియు మ్యూజిక్ డైరెక్టర్ థమన్.

ఈ సినిమా జూన్ మొదటి వారం నుంచి రెగ్యులర్ షూటింగ్ ప్రారంభం అవుతుందని ఇంతకు ముందు ప్రకటించారు కానీ అనివార్య కారణాల వల్ల ఇంకా ప్రారంభం కాలేదు. ఇప్పుడు జూ లై 2వ వారం నుంచి ప్రారంభించనున్నారు అని సమాచారం. ఈ సినిమాకు పూజ హెగ్డే కథానాయిక కాగా, థమన్ మ్యూజిక్ డైరెక్టర్. హారిక హాసిని క్రియేషన్స్ లో తెరకెకించనున్నారు. ఇది పూర్తయ్యాక మహేష్ బాబు రాజమౌళి దర్శకత్వం వహించే  పాన్ ఇండియా మూవీ నటించనున్నాడు.

FeaturedNews

అగ్నిపథ్ అంటే ఏంటి..? దీనికి అర్హులు ఎవరు..? ఇందులో వచ్చే జీతం ఎంత..?

by Anudeep
written by Anudeep

త్రివిధ దళాల్లో (ఆర్మీ, నేవీ, వాయు) స్వల్పకాలిక ప్రతిపాదకన సైనికులను నియమించేందుకు కేంద్ర ప్రభుత్వం కొత్తగా తీసుకొచ్చిన పథకమే “అగ్నిపథ్”. ఈ ఐడియా కేంద్రానికి బిపిన్ రావత్ ఇచ్చారు. కేంద్ర రక్షణశాఖ మంత్రి రాజ్ నాథ్ సింగ్ ఈ పథకాన్ని ప్రారంభించారు.

అగ్నిపథ్ పథకం అంటే?

రక్షణశాఖ చెప్పిన వివరాల ప్రకారం.. యువతకు సైన్యంలో అవకాశం ఇచ్చేందుకు కేంద్రం తీసుకొచ్చిన పథకమే అగ్నిపథ్ . ఇందులో భాగంగా నియమించే సైనికులను “అగ్నివీరులు” అంటారు. వీరు నాలుగేళ్ల పాటు సైన్యంలో పని చేస్తారు. ఆ తర్వాత వారి పని బట్టి మొత్తం అగ్నివీరుల్లో 25 శాతం మందిని రిటెయిన్ చేస్తారు. అంటే ప్రతి 100 మందిలో 25 మందిని రెగ్యులరైజ్ చేస్తారు. వాళ్లు 15 సంవత్సరాల పాటు నాన్ ఆఫీసర్ హోదాలో పని చేయవచ్చు.

జీతం మరియు ఇతర అలవెన్సులు..

అగ్నిపథ్‌ పథకం కింద సైన్యంలో చేరేవారికి మొదటి ఏడాది నెలకు 30 వేల రూపాయలు ఇస్తారు. ఇందులో చేతికి 21 వేలు వస్తాయి. మిగిలిన 9 వేల రూపాయలు అగ్నివీర్ కార్పస్ ఫండ్‌లో జమ చేస్తారు. రెండో ఏడాది నెలకు 33 వేల రూపాయల జీతం వస్తుంది. అందులో 30 శాతం అంటే 9900 రూపాయలు కార్పస్ ఫండ్‌లో జమ చేస్తారు. మూడో ఏడాదిలో ప్రతి నెలా ఇచ్చే 36, 500లో 10980 కార్పస్ ఫండ్‌లో జమ చేస్తారు. నాలుగో ఏడాది నెలకు 40 వేలు జీతం ఇస్తారు. ఇందులో 12000 కార్పస్ ఫండ్‌కి వెళ్తుంది. ఇలా నాలుగేళ్లలో మొత్తం 5 లక్షల రెండు వేల రూపాయలు కార్పస్‌ ఫండ్‌లో జమ అవుతాయి.

దీనికి మరో 5 లక్షల 2 వేల రూపాయలు అదనంగా కేంద్రం జమ చేస్తుంది. ఈ మొత్తానికి వడ్డీ కలుపుకుని నాలుగేళ్ల తర్వాత 11.71 వేల రూపాయలు చెల్లిస్తారు. ఈ మొత్తంపై ఆదాయపు పన్ను మినహాయింపు ఉంటుంది. ఈ నాలుగేళ్ల కాలంలో ఆర్మీ నిబంధనల ప్రకారం ఇతర రాయితీలు, సౌకర్యాలు ఉంటాయి. నాలుగేళ్ల సర్వీస్ పూర్తి చేసుకున్న వారికి సమగ్ర ఆర్థిక ప్యాకేజ్ ఉంటుంది.

ఎవరు అర్హులంటే..

పదిహేడున్నర ఏళ్ల నుంచి 21 ఏళ్ల మధ్య వయసు ఉన్నవారు ఈ పథకం ద్వారా సైన్యంలో చేరవచ్చు. పదో తరగతి లేదా ఇంటర్ పాసైన యువతీ యువకులు అర్హులు. అయితే, ప్రస్తుతం అబ్బాయిలకు మాత్రమే అవకాశం ఇస్తున్నారు. అనంతరం అమ్మాయిలకు కూడా ఈ అవకాశం ఇస్తామని తెలిపారు.

సైన్యంలో ఉండగా చనిపోతే..

సైన్యంలో ఉండగా ఎలా చనిపోయినా 48 లక్షల జీవిత బీమా ఉంటుంది. ఈ ఇన్సూరెన్స్ కోసం అభ్యర్థులు ప్రీమియం చెల్లించాల్సిన అవసరం కూడా లేదు. విధి నిర్వహణలో చనిపోతే 44 లక్షల రూపాయల ఎక్స్‌గ్రేషియా అదనంగా చెల్లిస్తారు.

వైకల్యం సంభవిస్తే..

సైన్యంలో ఉండగా శారీరక వైకల్యం సంభవిస్తే పరిహారం అందిస్తారు. వైకల్యం 100 శాతం ఉంటే 44 లక్షలు, 75 శాతమైతే 25 లక్షలు, 50 శాతమైతే 15 లక్షల రూపాయల పరిహారంగా ఇస్తారు.

రక్షణమంత్రి ఏమన్నారంటే?

ఈ పథకం గురించి రక్షణమంత్రి రాజ్ నాథ్ సింగ్ మాట్లాడుతూ.. దీని వల్ల అవకాశాలు పెరగడంతో పాటూ దేశ రక్షణ బలోపేతం అవుతుందని అన్నారు. సైన్యంలో చేరాలన్న యువకుల కల సాకారమవుతుందని చెప్పారు. భారత సైన్యాన్ని మరింత యూత్‌ఫుల్‌గా, టెక్ సావీగా తీర్చిదిద్దడం కోసం యువత సేవలను వినియోగించుకోవాలని భావిస్తున్నట్లు సైనికాధికారులు తెలిపారు.

NewsViral

ఒకప్పటి “యాంకర్”… ఇప్పుడు ఇలాంటి స్థితిలో..? వైరల్ అవుతున్న ఫోటోలు..!

by Anudeep
written by Anudeep

ఆఫ్గనిస్తాన్ దేశాన్ని తాలిబన్లు ఆక్రమించుకొని తమ ప్రభుత్వాన్ని ఏర్పాటు చేసిన సంగతి తెలిసిందే. అయితే తాలిబన్ ల పరిపాలన మొదలైనప్పటి నుండి అఫ్గాన్ పరిస్ధితి దారుణాతి దారుణం గా తయారైంది.

అయితే అక్కడి సామాన్య పౌరుల జీవితాలతో పాటు సెలెబ్రెటీల జీవితాలు కూడా అస్తవ్యస్తంగా మారాయి. అలా రోడ్ న పడిన ఒకప్పటి సెలబ్రిటీ అయిన ఆఫ్ఘన్ జర్నలిస్ట్ మూసా మహమ్మదీ కధ ఇప్పుడు నెట్టింటి వైరల్ అవుతుంది.

ఒకప్పుడు రిపోర్టర్ గా వివిధ న్యూస్ ఛానెల్స్ లో పని చేసిన మహమ్మదీ ఆఫ్ఘన్ లో తన కుటుంబాన్ని పోషించుకోవడం కోసం వీధుల్లో తిను బండారాలు అమ్ముకుంటున్నాడట. అయితే ఈ విషయాన్ని ఆఫ్ఘన్ లో మునుపటి హమీద్ కర్జాయ్ ప్రభుత్వంలో పని చేసిన కబీర్ హక్మల్ తన ట్విట్టర్ ఖాతాలో పోస్ట్ చేయడంతో ప్రస్తుతం ఈ వార్త వైరల్ అయింది. చాలా మంది నెటిజన్లు మహమ్మదీని చూసి జాలి పడుతున్నారు. ఈ వార్త చూసిన నేషనల్ రేడియో అండ్ టెలివిజన్ డైరెక్టర్ జనరల్ ‘అహ్మదుల్లా వాసిక్ ‘ మహమ్మదీ కి తన ఛానెల్ లో ఉద్యోగం ఇస్తానని ట్విటర్లొ ప్రకటించాడు.

కష్టకాలంలో ఉన్న జర్నలిస్ట్ మహమ్మదీ ని పెద్ద మనసుతో ఆదుకోవడానికి ముందుకు వచ్చిన ఆహ్మదుల్లా వాసిక్ ను నెటిజన్లు ప్రశంసిస్తూ ట్వీట్లు చేస్తున్నారు. ఒకప్పటి జర్నలిస్ట్ వీధి వ్యాపారి కావడం, వీధి వ్యాపారి మళ్ళీ నేషనల్ ఛానల్ లో ఉద్యోగం సంపాదించడం అంటే ఓడలు బళ్ళు, బళ్ళు ఓడలు అవ్వడం అంటే ఇదేనని, ఎవరి పరిస్ధితి ఏ క్షణం ఏ విధం గా మారుతుందో ఎవరికి తెలియదని, ఈ వార్త చూసిన నెటిజన్లు చర్చించుకుంటున్నారు.

Filmy AddaNews

నయన్ వివాహానికి తన తల్లి రాకపోవడానికి కారణమిదేనా!?

by Anudeep
written by Anudeep

ఎన్నో ఏళ్ల తమ ప్రేమ జీవితానికి ముగింపు పలుకుతూ వైవాహిక జీవితంలోకి అడుగు పెట్టారు నయనతార, విఘ్నేష్ శివన్. ఇటీవలే వారి వివాహం మహాబలేశ్వరంలోని ఓ రిసార్ట్ లో అతి ముఖ్యమైన అతిథుల మధ్య అంగరంగవైభవంగా జరిగింది. టాలీవుడ్, బాలీవుడ్, కోలీవుడ్ నుంచి అనేకమంది సెలబ్రిటీలు ఈ వివాహానికి హాజరైనట్టు సమాచారం.

అయితే నయనతార వివాహానికి తన తల్లి ఒమన కురియన్ (Omana Kurian) వివాహానికి హాజరు కాలేదు. కూతురు పెళ్లికి తల్లి రాకపోవడంతో ఈ అంశం ప్రస్తుతం చర్చనీయాంశంగా మారింది.
నయన్ తల్లికి వారి వివాహం ఇష్టం లేకపోవడం వల్లనే హాజరు కాలేదా లేదా ఇతర కారణాలు ఏమైనా ఉన్నాయా అని పలువురు సందేహిస్తున్నారు. అయితే.. ఈ కొత్త జంట మొన్న నయన్ తల్లి వద్దకు వెళ్లి ఆశీస్సులు తీసుకున్నారు. అలాగే వివాహానంతరం నయన్ ఇక ముందు చేయబోయే సినిమాలకు కొన్ని కండిషన్స్ పెట్టనుందని తెలుస్తుంది. భర్త విఘ్నేష్ తీసే పలు సినిమాల్లో కూడా నయన్ కనిపించే అవకాశం ఉంది.


ఇప్పటి వరకు అనేక వివాదాల కారణంగా సినిమా ఫంక్షన్లకు, ప్రమోషన్లు దూరంగా ఉంటూ వస్తున్నారు నయన్.  అయితే ఇక ముందు మనం నయన్ ను ప్రీ రిలీస్ ఈవెంట్స్, సక్సెస్ మీట్ లలో కూడా చూసే అవకాశం ఉంది. వివాహానంతరం వీరిరువురు కేరళలోని  వివిధ పుణ్యక్షేత్రాలను దర్శించుకుంటున్నారు. నయన్, విఘ్నేష్ అభిమానులు వీరి వైవాహిక జీవనం అన్యోన్యంగా సాగాలని కోరుకుంటున్నారు.

FeaturedFilmy AddaNews

Lokesh Kanagaraj : లోకనాయకుడు మెచ్చిన లోకేష్ . .!

by Anudeep
written by Anudeep

సౌత్ సినిమా ఇండస్ట్రీలో ప్రస్తుతం మారు మోగుతున్న పేరు “లోకేష్ కనగరాజన్”. లోక నాయకుడు కమల్ హాసన్ కి ‘విక్రమ్’ సినిమాతో చాలా సంవత్సరాల తర్వాత బ్లాక్ బస్టర్ హిట్ ఇచ్చిన దర్శకుడిగా ఇతడిని కమల్ హాసన్ తో పాటు ఆయన అభిమానులు కూడా  పొగడ్తలతో ముంచెత్తుతున్నారు.

కమల్ సహాన్ లాంటి ఒక టాప్ హీరోని హ్యాండిల్ చేయడమే డైరెక్టర్స్ కి అతి పెద్ద సవాల్.  అలాంటి ఒక సవాల్ తో పాటు విజయ్ సేతుపతి, ఫాహాద్ ఫాజిల్ లాంటి మరో ఇద్దరు విభిన్న నటుల్ని ఎంచుకుని వారిద్దరికి సినిమాలో సమాన ప్రాధాన్యం కల్పించాలి అంటే, ఎంత పెద్ద డైరెక్టర్ కి అయిన కత్తి మీద సాము లాంటిదే.

అటువంటి అతి పెద్ద సాహసం తో పాటు గతం లో వచ్చిన ఖైదీ సినిమా స్టోరీ కి అనుసంధానం గా ఉన్న ఒక కథని తీసుకుని ఇంత పెద్ద సినిమాకి శ్రీకారం చుట్టాడు అంటే, లోకేష్ గట్స్ కి సినీ ప్రపంచం సలాం కొట్టాల్సిందే. గతం లో నగరం, ఖైదీ, మాస్టర్ సినిమాలతో సక్సెస్ ట్రాక్ మీద ఉన్న ఈ డైరెక్టర్ ఒక సినిమా కథలో కొన్ని పాత్రలని, సన్నివేశాలను తీసుకుని వాటి నేపధ్యంతో మరొక కొత్త సినిమా తీసే విభిన్న సాంప్రదాయానికి శ్రీకారం చుట్టాడు. దీనినే “ఇంటర్లింకెడ్ స్టోరీ కాన్సెప్ట్”  అంటున్నారు సినీ జనాలు.

మూస సినిమా ధోరణి కి స్వస్తి పలుకుతూ, వెండితెర మీద సరికొత్త ప్రయోగాలతో విజయాలు అందుకుంటున్న లోకేష్ కనగరాజన్ మరిన్ని విజయంతమైన సినిమా లతో సౌత్ లో టాప్ డైరెక్టర్ గా ఎదగాలని అటు తమిళ సినీ అభిమానులతో పాటు,  ఇటు తెలుగు సినిమా అభిమానులు కూడా ఆకాంక్షిస్తున్నారు.

 

News

కొన్ని ఇయర్ ఫోన్స్ కి ఎక్స్ట్రా హోల్స్ ఎందుకు ఇస్తారు..? దీని వెనుక అసలు కారణం ఇదే..!

by Anudeep
written by Anudeep

సాధారణంగా ఇయర్ ఫోన్స్ కు ఇయర్ లో పెట్టుకునే ప్లగ్ వద్ద మాత్రమే హోల్స్ ఉంటాయి. తద్వారా మనం మొబైల్ లో ప్లే చేసే మ్యూజిక్ ను వినగలుగుతూ ఉంటాము. అయితే.. కొన్ని ఇయర్ ఫోన్స్ లో మాత్రం ఈ ఇయర్ ప్లగ్ బయట కూడా హోల్స్ ఉంటాయి. ఇలా ఎందుకు ఉంటాయి అన్న డౌట్ ఎప్పుడైనా వచ్చిందా?

కొన్ని ఇయర్ ఫోన్స్ కి ఎక్స్ట్రా హోల్స్ ఎందుకు ఇస్తారో ఈ ఆర్టికల్ లో తెలుసుకోండి. నిజానికి ఇయర్ ప్లగ్ లో ఉండే హోల్స్ వల్లే సౌండ్ ట్రాన్స్మిట్ అయ్యి అది మనకి వినిపిస్తూ ఉంటుంది.

ear phones 1

కానీ ఇయర్ ప్లగ్ బయట ఉండే హోల్స్ సౌండ్ ను ట్రాన్స్మిట్ చేయలేవు. చాల వరకు ఆపిల్ ఇయర్ ఫోన్స్, సోనీ ఇయర్ ఫోన్స్ లలో ఇలా ఇయర్ ప్లగ్ బయట కూడా హోల్స్ ఉండడాన్ని మనం గమనిస్తూ ఉంటాం. ఆపిల్ ఇయర్ ఫోన్స్ ను నిశితంగా గమనించి చూస్తే ఇయర్‌పాడ్‌ల వెనుక మరియు దిగువన కొన్ని ఎక్సట్రాగా హోల్స్ ఉండడాన్ని మీరు చూస్తారు. దీని వెనుక ఓ చిన్న రహస్యమే ఉంది.

ear phones 2

ఈ హోల్స్ సౌండ్ ను ప్రసారం చేయకపోయినా మీరు మీకు ఇష్టమైన పాటలని వినడానికి ఎంతగానో హెల్ప్ చేస్తాయి. మీ ఇయర్ కెనాల్ లో గాలిని చొరబడనివ్వకుండా ఈ రంధ్రాలు అడ్డుకుంటాయి. అంతేకాకుండా ఈ రంధ్రాల వలన ఇయర్ ఫోన్ నాణ్యత కూడా బాగుంటుంది. వాక్యూమ్‌ను ఉత్పత్తి చేయడానికి, శ్రోతలకు మెరుగైన ధ్వనిని అందించడానికి మరియు ఇయర్‌పాడ్‌లు స్థానంలో ఉండటానికి సహాయపడటానికి ఈ రంధ్రాలు ఉపయోగపడతాయి. అలాగే మీరు కదులుతున్నప్పుడు.. అలాగే ఏదైనా పెద్ద శబ్దాలు అవుతున్నప్పుడు వాటికి మీరు డిస్టర్బ్ అవ్వకుండా కూడా ఈ రంధ్రాలు దోహదం చేస్తాయి.

News

సింహానికి కంటి ఆపరేషన్..? వైరల్ అవుతున్న సంఘటన..!

by Anudeep
written by Anudeep

అడవికి మృగరాజు సింహం. అదిగో సింహం అనే మాట వినగానే మన గుండె గుభేల్ మంటుంది. సింహ గర్జన కిలోమీటర్ల దూరంలోనే వినిపిస్తూనే మన కాళ్లకు పని చెప్పేస్తాం.

అయితే ఇప్పుడు ప్రస్తుతం సోషల్ మీడియాలో  సింహని సంబంధించిన విషయం ఒకటి వెలుగులోకి వచ్చింది. ఆ సింహానికి కంటి చూపు సరిగా లేదనే విషయం వాళ్ళకి ఎలా తెలిసిందో ఇప్పుడు తెలుసుకుందాం.

ఈ సింహానికి కేటరక్ట్ అంటే శుక్లాల ఆపరేషన్ చేస్తున్నారు. గత కొంతకాలంగా ఈ సింహం ప్రవర్తన తేడాగా ఉండటం జామ్వాల రేంజ్ ఏరియాలోని ట్రాకర్స్ గమనించారు. ఈ సింహం దగ్గగరలో ఉన్న జంతువులు సైతం పోల్చుకోలేకపోతుంది. కంటి చూపు పోవడం వలన ఆహారాన్ని కూడా సంపాదించుకోలేకపోతుంది.

అయితే దీని ప్రవర్తనపై అనుమానం వచ్చిన సిబ్బంది సింహాన్ని పరీక్షించారు. దాని రెండు కళ్ళలోని శుక్లాలు ఉన్నట్లు గుర్తించారు ఫారెస్ట్ ఆఫీసర్స్.

ఈ ఘటనతో సింహాన్ని జునాగఢ్ లోని శక్కర్ బాగ్ జూకి తరలించారు. అక్కడ సింహాన్ని పరిశీలించిన వైద్యులు దానికి కంటిచూపు కనిపించడం లేదనే విషయాన్ని గుర్తించి జన్వడ్ కేర్ సెంటర్ కు తరలించారు.

అక్కడ నిపుణులు దానిని పరిశీలించి ఈ సింహానికి లెన్సులు కోసం మధురై లోని ఒక కంపెనీని సంప్రదించారు. మహానటి మత్తు ఇచ్చి ఆ సింహం కంటి కొలతలను తీసుకొని ఆ కంపెనీకి అందజేసాము.

శక్కర్ బాగ్ జూ అందించిన వివరాల ప్రకారం కంపెనీ సింహానికి లెన్సులను నెలలోపు తయారు చేసి ఇచ్చింది. పశు వైద్యులు జావీయా సింహానికి ఆపరేషన్ చేసి శుక్లాలను తొలగించారు. మొదట సింహానికి ఒక కంటి ఆపరేషన్ చేసి లెన్స్ లు అమర్చారు.

సింహాన్ని ఐసోలేషన్ వార్డులో ఉంచి దానిని పరిశీలించగా దాని ఒక కన్ను కంటి చూపు మెరుగు అయినట్లు గమనించారు. పదిహేను రోజుల తర్వాత  రెండవ కన్ను కూడా ఆపరేషన్ చేయడం చేసి శంకర్ బాగ్ జూలో పర్యవేక్షణలో ఉంచినట్లు డాక్టర్ రియాజ్ కడివార్ వెల్లడించారు.

News

కొడుకు మృతదేహాన్ని భుజాన వేసుకుని.. నడిరోడ్డుపై తండ్రి వేదన.. కంటతడి పెట్టిస్తున్న ఘటన..!

by Anudeep
written by Anudeep

దేశం ఎంతగా అభివృద్ధి చెందుతున్నా.. సామాన్యులకు తీరని అవసరాలు దేశాన్ని వెనక్కి నెట్టుతూనే ఉన్నాయి. ఇటీవల ఛతార్ పూర్ జిల్లాలో చోటు చేసుకున్న ఓ ఘటన నెట్టింట్లో కంటతడి పెట్టిస్తోంది. ఓ తండ్రి తన నాలుగేళ్ళ కుమారుడు చనిపోతే.. మృతదేహాన్ని ఇంటికి తీసుకువెళ్ళడానికి పడిన అవస్థ అందరిని విషాదంలో ముంచెత్తుతోంది.

ఛతార్ పూర్ జిల్లా పౌడి గ్రామానికి చెందిన ఓ నాలుగేళ్ళ బాలుడు ఉన్నట్లుండి అస్వస్థతకు గురి అవ్వడంతో అతని కుటుంబ సభ్యులు బుక్స్ వాహా హెల్త్ సెంటర్ కు తీసుకుని వెళ్లారు. అయితే.. ఆ బాలుడి పరిస్థితి మరింత విషమించింది.

chatarpoor

దీనితో ఆ బాలుడిని దామోహ్ జిల్లా ఆసుపత్రికి తరలించారు. కాగా.. మంగళవారం నాడు ఆ బాలుడు మృతి చెందాడు. అయితే.. తన బిడ్డ మృతదేహాన్ని ఊరికి తీసుకెళ్లడానికి అంబులెన్స్ ఏర్పాటు చేయాలనీ ఆసుపత్రి సిబ్బందిని కోరినా ఫలితం లేకపోయింది. దీనితో ఆ తండ్రి బిడ్డని భుజాన వేసుకుని, దుప్పటి కప్పి ఆ బాబుని పడుకోపెట్టినట్లుగా పెట్టి బస్సులోనే బుక్స్ వాహాకు చేరుకున్నాడు.

chatarpoor

అక్కడ నుంచి తన గ్రామానికి ఏదైనా వాహనం ఏర్పాటు చేయాలనీ బుక్స్ వాహాలో స్థానిక అధికారులను కోరాడు. అయితే వారు కూడా సరిగా స్పందించలేదు. ఇక చేసేది లేక ఆ బిడ్డ శవాన్ని తన భుజాలపై వేసుకుని.. కాలినడకన ఇంటికి నడుచుకుంటూ వెళ్ళాడు. ఈ ఘటనకు సంబంధించిన ఫోటోలు, వీడియో నెట్టింట్లో వైరల్ అవుతున్నాయి. ఆ తండ్రి బాధని అర్ధం చేసుకున్న కొందరు స్థానికులు సాయం చేసి ఆ బాలుడిని ఇంటికి పంపించడానికి ఏర్పాట్లు చేసారు. శవాన్ని ఇంటికి తీసుకెళ్లడానికి ఒక్క అధికారి కూడా సాయం చేయలేదని.. ఎంతమంది ఆసుపత్రి సిబ్బందికి తమ గోడు చెప్పుకున్నా పట్టించుకోలేదని ఆ బాలుడి తాత మన్సుఖ్ అహిర్వార్ ఆరోపించారు. అయితే.. డాక్టర్ మమతా తిమోరి మాత్రం తమ వద్దకు ఇలా ఎవరూ రాలేదని పేర్కొన్నారు.

NewsViral

ఈ మేఘన ఎవరో తెలుసా? అసలు చదువులో ఆమె రేంజ్ ఏంటంటే?

by Anudeep
written by Anudeep

ఈ ఫొటోలో కనిపిస్తున్న అమ్మాయి ఎవరో తెలుసా.. చిన్నారి మేఘన. గతం లో ఈమె పై ఓసారి ట్రోలింగ్ జరిగింది. ఇంగ్లీష్ బాగా మాట్లాడడమే అందుకు కారణం. అయితే.. టెన్త్ క్లాస్ ఫలితాలు వచ్చిన తరువాత ఈ ట్రోలింగ్ మరింత ఎక్కువ అయ్యింది. ఆ మధ్య ఓ మీటింగ్ లో మేఘన జగనన్నతో ప్యూర్ ఇంగ్లీష్ లో మాట్లాడింది. ఆమె పాఠశాల తరపున తన బాధ్యతగానే ఆమె మాట్లాడింది.

కానీ.. అప్పటి నుంచి ఆమె ట్రోలింగ్ కి గురి అవుతూనే ఉంది. మేఘన తూర్పు గోదావరి జిల్లా, తొండంగి మండలం, బెండపూడి జెడ్పి హై స్కూల్ లో చదువుకుంది. ఈ స్కూల్ తరపున సీఎం జగన్ ను కలిసిన మేఘన, అక్కడ జగనన్నతో ఇంగ్లీష్ లో అనర్గళంగా మాట్లాడింది.

అయితే.. ఆరోజు అంత బాగా ఇంగ్లీష్ మాట్లాడింది కదా.. పదవ తరగతిలో మేఘనకు ఇంగ్లీష్ లో ఎన్ని మార్కులు వచ్చాయో పాపం.. అంటూ నెటిజన్లు తెగ ట్రోల్ చేస్తున్నారు. ఇక మీమ్ పేజీలలో వచ్చే ట్రోలింగ్స్ కు కొదవ లేదు. ఇంగ్లీష్ ఒక్కటే చదువుకుని వెళ్ళిందేమో.. అంటూ మరికొందరు ట్రోల్ చేసారు. కానీ, నిజానికి ఆ అమ్మాయి మంచి స్టూడెంట్ అట. ఆమెకు మార్కులు కూడా బాగా వచ్చాయట.

meghana 1

మొత్తంగా ఆమె 478 మార్కులను సొంతం చేసుకుందట. ఇంగ్లీష్ అంత బాగా మాట్లాడిన ఆమెకు ఇంగ్లీష్ లో 91 మార్కులు వచ్చాయట. అలా అని మిగతా సబ్జెక్ట్స్ లలో తక్కువ మార్కులు కాదు.. అన్నిటిలోను ఆమె డెబ్భై శాతానికి పైనే మార్కులు తెచ్చుకుంది. తెలుగులో 84 , హిందీలో 75 , మ్యాథ్స్ లో 79 , సోషల్ లో 71 , సైన్స్ లో 78 మార్కులను సొంతం చేసుకుంది. కేవలం మార్కులను బట్టే విద్యార్థుల ప్రగతిని నిర్ణయించలేము. కానీ.. మేఘన విషయంలో మాత్రం ఆమె మంచిగా మార్క్స్ తెచ్చుకున్న ట్రోలింగ్ కి గురి అవుతోంది. ఇటీవల ప్రతి చిన్న విషయమూ ఎంతగా వైరల్ అయ్యి.. ట్రోల్ అవుతుందో చెప్పడానికి మేఘన పై ట్రోలింగ్ ఓ ఉదాహరణ అని చెప్పచ్చు.

News

కొత్త నాణేలను ప్రధాని మోడీ ఎందుకు విడుదల చేశారు..? వీటి ప్రత్యేకత ఏంటో తెలిస్తే నోరెళ్లబెడతారు..!

by Anudeep
written by Anudeep

ప్రస్తుతం ఆజాదీకి అమృత్ మహోత్సవ్ వేడుకలు జరుగుతున్న సంగతి తెలిసిందే.. అయితే.. ఈ వేడుకలలో భాగంగా ఐకానిక్ వీక్ సెలెబ్రేషన్స్ కూడా మొదలు పెట్టారు. ఈ ఉత్సవాల సందర్భంగానే ప్రధాని మోడీ కొత్త నాణేలను కూడా విడుదల చేసారు. కేంద్ర ఆర్ధిక శాఖ అద్వ్యర్యంలో ఈ వేడుకలు జరిగాయి. ఆర్ధిక మంత్రి నిర్మల సీతారామన్ కూడా ఈ వేడుకల్లో పాల్గొన్నారు.

75 సంవత్సరాల స్వాతంత్ర వేడుకలను పునస్కరించుకునే ఈ వేడుకలను ప్రారంభించారు. ఈ ఆజాదీకి అమృత్ మహోత్సవ్ వేడుకల లోగోను కొత్తగా విడుదల చేసిన రూ. 1 , రూ.5 . రూ.10 కాయిన్స్ పై వేయించారు.

modi

ఈ నాణేల ప్రత్యేకత ఏంటంటే.. వీటిని అంధులు కూడా సులభంగా గుర్తించగలుగుతారు. ఇరవై రూపాయల విలువ కల నాణేలను కూడా ముద్రించారు. ఇవి కేవలం స్మారక నాణేలు మాత్రమే కాదని.. త్వరలోనే వీటిని వాడుకలోకి తీసుకొస్తామని ఆర్ధిక మంత్రి నిర్మలా సీతారామన్ ప్రకటించారు.

modi 1

ఈ నాణేలు ఇతర నాణేల లాగ గుండ్రంగా కాకుండా బహుభుజి ఆకారంలో ఉంటుంది. ఈ నాణెం మధ్యలో అశోక స్థంభం సింహాలు కనిపిస్తాయి. ఈ నాణేలను తయారు చేయడానికి నికెల్ వెండి, ఇత్తడిని ఉపయోగించారు. భారత దేశంలోనే మొట్ట మొదటిసారిగా ఈ నాణేలు విడుదల చేయబడుతున్నాయి. దృష్టిలోపాలు ఉన్న వారు సైతం వీటిని సులభంగా గుర్తించగలుగుతారు. వీటిపై బ్రెయిలీ లిపి ముద్రించబడి ఉంది. అందుకే వీటిని గుర్తించడం అంధులకు సులభం అవుతుంది.

Newer Posts
Older Posts