Off Beat

చాలా మందికి మొబైల్స్ లో గేమ్స్ ఆడడం సరదాగా ఉంటుంది. కానీ, ఏ గేమ్ ఆడినా అందులో మనలని ఇరిటేట్ చేయడానికి యాడ్స్ తప్పకుండ ఉంటూనే ఉంటాయి. ఆన్ లైన్ గేమ్స్ సంగతి పక్కన పెడితే.. ఆఫ్ లైన్ లో ఆడే గేమ్స్ కి కూడా ఈ యాడ్స్ బాధ తప్పడం లేదు. ఈ యాడ్స్ కి చెక్ పెట్టాలంటే ఒక్కటే సొల్యూషన్ ఉంది.

అదేంటంటే.. మీరు గేమ్స్ ఆడే టైం లో.. మీకు ఎలాంటి కాల్స్ రావు అనుకుంటే ఫోన్ లో ఏరోప్లేన్ మోడ్ ను ఆన్ చేయండి. అప్పుడు మీరు ఎంత సేపు ఆదుకున్న మీకు యాడ్స్ రావు. ఒకవేళ మీకు ఏమైనా ఇంపార్టెంట్ కాల్స్ వస్తాయి అనుకుంటే ఈ మోడ్ ను ఆన్ చేయకపోవడమే మంచిది. ఎందుకంటే గేమ్స్ కోసం ఏరోప్లేన్ మోడ్ ఆన్ చేస్తే.. మీకు కాల్స్ రాకపోవచ్చు.

ఏ పూజ కు అయినా ముందు వినాయకుడిని ఆరాధించడం తప్పనిసరి. అలాంటిది సాక్షాత్తు ఆ విఘ్నేశ్వరుడు జన్మించిన చవితి రోజున.. ఆయనకు మరింత విశేషం గా పూజలు చేసుకుంటూ ఉంటాం. వినాయక ఉత్సవాలు దేశమంతటా ఘనం గా జరుగుతాయి. నవరాత్రులు ఆ విఘ్నేశ్వరుడిని కీర్తించి.. ఆ తరువాత తొమ్మిదో రోజు రాత్రికి నిమజ్జనం చేస్తారు. ఈ తొమ్మిది రోజులు దేశమంతా విశేషం గా సంబరాలు జరుగుతాయి.

ఈ సంబరాల్లో చిన్నా, పెద్దా తేడా లేకుండా అందరు పాల్గొంటూ భజనలు, కీర్తనలు చేస్తుంటారు. సందుకో పందిరి వెలుస్తుంది. గణేష్ నవరాత్రుల రోజుల్లో ప్రతి ఊరు, ప్రతి పేట లో కనిపించే సందడి మాములుగా ఉండదు. ఐతే.. డీజే లు వచ్చాక ఈ భక్తికి కొంచం అర్ధం మారిందనే చెప్పాలి. తొమ్మిది రోజుల పాటు పూజలు చేస్తూ.. పాటలను కూడా ప్లే చేస్తూ ఉంటారు. ఈ డీజే లు వచ్చిన మొదట్లో కనీసం భక్తి పాటలు పెట్టేవారు.

రాను రాను.. కొంతమంది మరింత దిగజారి పోతున్నారు. భక్తి పాటలను పక్కకు పెట్టేసి.. మాస్ మసాలా సాంగ్స్ ని ప్లే చేస్తూ.. గణపతి మండపాల్లోనే పిచ్చి గెంతులు వేస్తున్నారు. తొమ్మిది రోజులు భక్తి పారవశ్యం లో మునిగి తేలాల్సింది పోయి.. ఈ పాటలను పెట్టడం వలన అసలు గణేష్ నవరాత్రుల వెనక ఉద్దేశ్యాన్ని వదిలేస్తున్నారు. దేశానికి స్వతంత్రం రాకమునుపే.. బాల గంగాధర తిలక్ ఇలా గణేష్ నవరాత్రులను ఇంట్లో కాకుండా.. సంఘం తో కలిసి బహిరంగం గా చేయించడం ప్రారంభించారు.

ఈ గణేష్ నవరాత్రులలో ప్రతి ఊరిలో, ప్రతి పట్టణం లో ఉండే యువకులు ఉత్సాహం గా చందాలు పోగుచేసి పందిరి వేసి గణేష్ విగ్రహాన్ని తీసుకొచ్చి పూజలు చేయించేవారు. అలా వారి మధ్య ఐక్యత, భక్తి భావం పెంపొందాలి అనే ఉద్దేశం తోనే.. ఆ రోజుల్లో బాల గంగాధర్ తిలక్ నవరాత్రుల ఉత్సవాల్ని ఊరంతా కలిసి వేడుకగా జరుపుకోవాలి అని పిలుపునిచ్చారు. కానీ.. రాను రాను అసలు ఉద్దేశ్యం వెనకబడి.. మసాలా పాటల ల హంగామా ఎక్కువవుతోంది. చాలా చోట్ల బుల్లెట్టు బండి, భూమ్ బద్దల్ వంటి సాంగ్స్ ను ప్లే చేస్తున్నారు. వీటిని చూస్తుంటే.. అసలు భక్తి ఎక్కడ ఉంది..? ఇంతలా దిగజారిపోతున్నారు ఏంటి అనిపిస్తూ ఉంటుంది. వినాయక మండపాల్లో ఐటెం సాంగ్స్ ను ప్లే చేయడం పై ట్రెండ్ అవుతున్న ఈ ట్రోల్ పై ఓ లుక్ వేయండి.

Watch Video:

మెట్లెక్కడం మానేసి లిఫ్ట్ లలో తిరగడం మనకి బాగా అలవాటైపోయింది. లిఫ్ట్ ఎక్కగానే మనం ఫస్ట్ చేసే పని ఏంటంటే.. మిర్రర్ లో మన ఫేస్ చూసుకోవడం.. హెయిర్ స్టైల్ చూసుకోవడం. అసలు మిర్రర్ పెట్టిందే మనకోసం అని ఫీల్ అయిపోతాం. కానీ, అసలు లిఫ్ట్ లలో మిర్రర్ లు ఎందుకు పెడతారో తెలుసా..? ఈ ఆర్టికల్ చదివి తెలుసుకోండి.

లిఫ్ట్ ఎక్కగానే అందరు ఫేస్ నే చెక్ చేసుకుంటారు. కానీ లిఫ్ట్ లో మిర్రర్ వల్ల చాలా ఉపయోగాలు ఉన్నాయి. అసలు మిర్రర్స్ ని పెట్టింది సేఫ్టీ పర్పస్ కోసం. లిఫ్ట్ లో ఉన్నపుడు మనతో పాటు చాలామంది ఎక్కుతారు. మనం మిర్రర్ వైపు చూస్తూ అందరిని గమనించవచ్చు. గుంపు లో ఎవరైనా దొంగతనానికి పాల్పడుతున్నా, లేక మరేదైనా అసాంఘిక కార్యకలాపాలకు పాల్పడుతున్న తేలికగా గుర్తించవచ్చు.

లిఫ్ట్ లలో అద్దాలను మొదటిసారి జపాన్ దేశం ప్రవేశపెట్టింది. వికలాంగులకు, వీల్ చైర్ వినియోగదారులకు మెట్లు ఎక్కడం చాలా ఇబ్బందికరం. అలాంటి వారికి లిఫ్ట్ లు సౌలభ్యం గా ఉంటాయి. కానీ వీరు వీల్ చైర్ లో కూర్చుని వెనక్కి తిప్పడం కొంత కష్టతరం గా ఉంటుంది. ఇతరులకు ఇబ్బంది కలిగే అవకాశం ఉంటుంది. అదే మిర్రర్ ఉంటె.. వెనుక నుంచునే వ్యక్తి సేఫ్ గా వీల్ చైర్ ను తిప్పడం సాధ్యమవుతుంది.

ఎక్కువ ప్లేస్ లేకపోవడం, స్వచ్ఛమైన గాలి తగలేకపోవడం వంటి కారణాల వలన చాలా మందికి క్లాస్ట్రోఫోబియా సమస్య ఎదురవుతుంటుంది. ఇది వారిలో ఆందోళన పెంచుతుంది. ఫలితం గా వారి గుండె చప్పుడు వేగం పెరిగి అరచేతిలో చెమటలు పడుతుంటాయి. అదే లిఫ్ట్ లో అద్దం ఉండడం వలన ఈ ఆందోళనలను తగ్గిస్తుంది. లిఫ్ట్ ఇరుకుగా ఉందనే ఫీల్ లేకుండా చేస్తుంది.

లిఫ్ట్ లో బోరు గా నుంచునే బదులు అద్దం లో వారి రూపాన్ని చూసుకుంటూ ఉంటారు. ఇతరులను గమనిస్తూ ఉంటారు. అదే అద్దం లేకపోతె నేల చూపులు చూస్తూ ఉండాలి. లిఫ్ట్ లో ఉండే ఐదు నిముషాలు కూడా ఎక్కువ కాలం గడిపిన భావన కలుగుతుంటుంది. అద్దం లో రూపాన్ని చూసుకుంటూ ఉండడం వలన లిఫ్ట్ లో ఉన్నంత సేపు వారికి పడిపోతున్నామేమో నన్న భయం కలగకుండా ఉంటుంది.

ప్రతి కంపెనీ కి ఓ బ్రాండ్ సింబల్ కచ్చితం గా ఉంటుంది. ఈ సింబల్ అనేది వారి బ్రాండ్ ను సూచించే విధం గా డిజైన్ చేసుకుంటూ ఉంటారు. ఇప్పడు మనం పాపులర్ బ్రాండ్ సింబల్స్ అసలు అర్ధలేంటో తెలుసుకుందాం.

1. అమెజాన్:

ఈ కామర్స్ దిగ్గజం అమెజాన్ కంపెనీ తెలియంది వారెవరు ఉండరు. ఈ సింబల్ ఏమి ఉంది..? అమెజాన్ అని ఇంగ్లీష్ లో రాసి ఉంటుంది అంతే కదా అనుకుంటున్నారా..? అయితే మరో సారి జాగ్రత్త గా గమనించండి. ఈ సింబల్ స్మైల్ ను సూచిస్తుంది. అలాగే, “A” లెటర్ నుంచి “Z” లెటర్ వైపు ఉన్న యారో మార్క్ ను గమనించండి. అంటే ఈ సైట్ లో “A” నుంచి “Z” వరకు అన్ని వస్తువులు లభిస్తాయని అర్ధం.

2. యూనీలీవర్:

యూనీలీవర్ కంపెనీ దాదాపు అన్ని రకాల ప్రోడక్ట్ లను అందిస్తోంది. ఫెయిర్ అండ్ లవ్లీ, లైఫ్ బాయ్, పెప్స్లోడెంట్, లక్మీ , సన్ సిల్క్, పాండ్స్.. ఇవన్నీ వేరు వేరు కంపెనీ లు కాదు. ఒకటే కంపెనీ. అదే యూనీలీవర్ కంపెనీ. ఇవన్నీ కనిపించే విధం గా నే ఈ లోగో ను డిజైన్ చేసారు. ఈ లోగో లో పెదాలు ఉంటాయి..అంటే ఇది బ్యూటీ ప్రొడక్ట్స్ ను సూచిస్తుంది. సన్ బొమ్మ కూడా ఉంటుంది.. అంటే సన్ సిల్క్ షాంపూ ను సూచిస్తుంది. ఇలా అన్ని ప్రొడక్ట్స్ ను సూచించే విధం గా ఈ లోగో ను డిజైన్ చేసారు.

3. టొయోటా:

టొయోటా గురించి పరిచయం అవసరం లేదు. ఈ లోగో చూడ్డానికి చాలా చిత్రం గా కనిపిస్తుంది. ఈ లోగో ను సరిగ్గా గమనిస్తే.. ఈ లోగో లో ఉన్న లెటర్స్ అన్ని కనిపిస్తాయి. “Toyoto” లెటర్స్ అన్ని ఈ లోగో లు ఇమిడి ఉంటాయి.

4. ఎస్ బి ఐ:

భారత్ లోని పెద్ద బ్యాంకు ఎస్ బి ఐ. స్టేట్ బ్యాంకు ఆఫ్ ఇండియా అనే లోగో. ఈ లోగో తెలుపు మరియు బ్లూ కలర్ లో ఉంటుంది. నీలం తో ఉన్న చిన్న వృత్తం మరియు నిలువు వరుస కీహోల్‌ను సూచిస్తుంది, ఇది భద్రత మరియు బలానికి ప్రతీక. మధ్యలో ఉన్న తెల్ల వృత్తం స్టేట్ బ్యాంక్ ఆఫ్ ఇండియా బ్రాంచ్‌ను సూచిస్తుంది. నిలువు గా సన్నగా ఉన్న గీత పట్టణాలు మరియు నగరాల ఇరుకైన దారులను సూచిస్తుంది. మరో మాటలో చెప్పాలంటే, మీరు ఎక్కడికి వెళ్లినా మీకు సేవ చేయడానికి స్టేట్ బ్యాంక్ ఆఫ్ ఇండియా శాఖ ఉంటుంది అనే అర్ధం వచ్చేలా ఈ లోగో ను డిజైన్ చేసారు.

5. ఆపిల్:

ఆపిల్ లోగో కూడా అందరికి తెలిసినదే. అయితే ప్రస్తుతం ఉన్న లోగో చాలా మోడిఫికేషన్స్ తరువాత ఏర్పడింది. తొలుత చెట్టుకింద ఆపిల్ పండును చూస్తున్న న్యూటన్ లోగో ను ఉంచారు. స్టీవ్ జాబ్స్ కి ఈ లోగో నచ్చకపోవడం తో మార్పులు చేసారు. ఆపిల్ ను సగం కట్ చేసిన సింబల్ ను డిజైన్ చేసారు. తొలుత ఈ డిజైన్ లో కలర్స్ ఉండేవి. కాలక్రమం లో ఇది మారుతూ వస్తు ప్రెసెంట్ ఉన్న సింబల్ కి స్థిరపడింది.

6. ఆడి :

ఆడి కారు కానీ, ఆడి లోగో గాని తెలియని వారెవరు ఉండరు. ఇందులో నాలుగు రింగ్స్ ఉంటాయి కదా. ఈ నాలుగు రింగ్స్ నాలుగు కంపెనీ లను సూచిస్తాయి. హార్చ్, ఆడి, డీకేడబ్లు, వాండెర్ లను సూచిస్తాయి. ఈ నాలుగు కంపెనీ లు 1932 కంటే ముందు విడిగా పని చేసేవి. ఆ తరువాత ఈ నాలుగు కలిసి ఆడి యూనియన్ గా కలిసి ఏర్పడ్డాయి. ఈ నాలుగు కంపెనీలను సూచించడానికి లోగో లో నాలుగు రింగ్స్ ను పెట్టారు.

7. డామినోస్:

డామినోస్ పిజ్జా కు కొత్త గా పరిచయాలు అవసరం లేదు. ఈ లోగో ను గమనిస్తే పైన మూడు డాట్స్ ఉంటాయి. అవేంటంటే.. మొదటి డాట్ డామినోస్ మొదటి బ్రాంచ్ కి గుర్తు గా, ఆ తరువాత వచ్చిన రెండు బ్రాంచెస్ కి రెండు డాట్ లను గుర్తు గా పెట్టారు. డామినోస్ వచ్చిన మొదట్లో.. ఎన్ని బ్రాంచెస్ ఓపెన్ చేస్తే అన్ని డాట్స్ పెడదామని అనుకున్నారు. కానీ, వేల సంఖ్యలో బ్రాంచెస్ ను ఓపెన్ చేయడం తో ఇక డాట్స్ పెట్టలేమని భావించి, ఆ మూడు డాట్స్ ని అలానే వదిలేసారు. ప్రపంచవ్యాప్తం గా డామినోస్ కి 17 వేల కంటే ఎక్కువ గానే స్టోర్స్ ఉన్నాయి. తాజాగా, ఈ లోగో నుంచి పిజ్జా ను తీశారు. డామినోస్ అంటేనే పిజ్జా.. ఈ మాటను కొత్త గా చెప్పక్కర్లేదు అనే ఉద్దేశ్యం తోనే ఈ పిజ్జా అనే పదాన్ని తీసేసారు.

8. BMW (Bayerische Motoren Werke) :

BMW కార్ లకు ఉన్న డిమాండ్ తక్కువేమి కాదు. జెర్మనీ కి చెందిన బవేరియా లో ఈ కంపెనీ స్టార్ట్ అయింది. ఆ పేరు మీదే ఈ కంపెనీ పేరుని పెట్టారు. ఈ లోగోలో రెండు కలర్లు ఉంటాయి కదా.. బ్లూ కలర్ మరియు వైట్ కలర్ ఉంటాయి. ఈ రంగులు ఆ దేశ జండా లో ఉంటాయి. అవే రంగులను ఈ కంపెనీ లోగో లో కూడా ఉంచారు.

9. హుండాయ్:

ఇది కూడా ఒక పాపులర్ కంపెనీ. ఈ లోగోను గమనిస్తే.. హుండాయ్ లో మొదటి అక్షరం అయిన హెచ్ ను లోగో గా పెట్టారని అందరు అనుకుంటారు. కానీ అసలు అర్ధం అది కాదు. ఇద్దరు వ్యక్తులు కరచాలనం చేసుకుంటూ ఉంటారు. వీరి లో ఒకరు హుండాయ్ కంపెనీ వ్యక్తి కాగా, మరోకరు కస్టమర్. వీరిద్దరి మధ్య సత్సంబంధాన్ని సూచిస్తూ ఈ లోగో ను డిజైన్ చేసారు.

10. పెప్సీ:

పెప్సీ కంపెనీ తన లోగో ను డిజైన్ చేయించుకోవడానికి వన్ మిలియన్ డాలర్లను ఖర్చు చేసింది. ఈ లోగో లో ఉన్న రంగులు అమెరికన్ నేషనల్ ఫ్లాగ్ ను సూచిస్తాయి.

11. మెక్ డొనాల్డ్స్:

మెక్ డొనాల్డ్స్ లోగో చూడగానే ఫస్ట్ లెటర్ “m” ను లోగో గా పెట్టారని అనుకుంటారు. కానీ దీనికి వేరే కథ ఉంది. ఈ కంపెనీ మొదటి బ్రాంచ్ ను పెట్టినపుడు ఆ బిల్డింగ్ కి ఎల్లో కలర్ ఆర్క్ లా డిజైన్ చేసారు. ఆ తరువాత పెట్టిన అన్ని బ్రాంచెస్ కి ఇలానే పెట్టారు. ఆ ఆర్క్ లను దగ్గరకి చేస్తే ఆ లోగో “m” ఆకారం లో వచ్చింది.

12. నైక్:

ఈ లోగో కింద టిక్ మార్క్ ఉంటుంది కదా.. అంటే దీని అర్ధం స్పీడ్ అని. అథ్లెట్స్ కి కావాల్సిన వేగాన్ని ఈ కంపెనీ షూస్ అందిస్తాయని అర్ధం.

13. ఎయిర్టెల్:

ప్రముఖ టెలికాం సంస్థ ఎయిర్ టెల్ లోగో ఆ పదం లోని మొదటి అక్షరాన్ని సూచిస్తుంది. కానీ, ఇందులో కంపెనీ చూపిన అర్ధం ఏమిటంటే.. ఈ “a” అనే లెటర్ సగమే ఉంటుంది. మధ్యలో భాగం ఓపెన్ గా ఉంటుంది. అంటే ఎయిర్ టెల్ కు ఎలాంటి బౌండరీస్ లేవు అని అర్ధం.

మనం మామూలుగా నేల మీద చేసే ఎన్నో పనులు అంతరిక్షంలో చేయలేము. అంతరిక్షంలోకి వెళ్ళడానికి కూడా చాలా మానసిక శక్తి, సమయస్ఫూర్తి కావాలి. అక్కడ ఉండడం చాలా కష్టం. సహజంగా ఊపిరి కూడా తీసుకోలేము. ఇంక మనం ఊపిరి తీసుకోలేని సమయంలో అక్కడ జరిగే వాటిని పరిశీలించడం అనేది ఇంకా కష్టం. అందుకే అంతరిక్షంలోకి వెళ్లి వచ్చిన వాళ్ళని మన ప్రపంచం అంతగా గౌరవిస్తుంది.

అక్కడ వారు చాలా ఎక్కువ కాలం ఏమీ ఉండరు. కొద్ది కాలం మాత్రమే ఉండి వస్తారు. కానీ ఆ కొద్ది సేపు ఉండటం కూడా చాలా శ్రమతో కూడుకున్న పని. అలాంటి శ్రమలో కూడా వాళ్లు వారు వెళ్ళిన లక్ష్యాన్ని మర్చిపోరు. ఎలాంటి పరిస్థితి అయినా ఆ లక్ష్యాన్ని ఛేదించుకునే వస్తారు. అంతరిక్షంలో వారు ఉండే విధానం గురించి మనకు చాలా సందేహాలు వస్తూ ఉంటాయి.అందులో ఒకటి “ఒకవేళ ఆస్ట్రోనాట్ స్పేస్ వాక్ చేసేటప్పుడు వారికి ముక్కు పై లేదా ముఖం మీద దురద వస్తే ఏం చేస్తారు?”. ఆస్ట్రోనాట్ హెల్మెట్ పెట్టుకుని ఉంటారు.

ఎట్టి పరిస్థితుల్లో కూడా హెల్మెట్ తీయరు. ఎందుకంటే అలా తీయడం వల్ల స్పేస్ లో ఉండే టెంపరేచర్ కి మనిషి శరీరంలో అనేక సమస్యలు వస్తాయి. అలాంటి పరిస్థితిలో వారికి ముక్కుపై, కానీ ముఖం మీద గాని దురద వస్తే ఏం చేస్తారో తెలుసుకుందాం. హెల్మెట్ లోపలి భాగంలో వెల్క్రో అనే పదార్థంతో తయారు చేసిన ఒక ప్యాచ్ అతికించబడి ఉంటుంది. ఒకవేళ వారికి దురద వస్తే గనక ఆ ప్యాచ్ కి వారి ముక్కుని రుద్దుకుంటారు. అప్పటికి కూడా తగ్గకపోతే, దాని నుండి డైవర్ట్ అవ్వడానికి ప్రయత్నిస్తారు .

భారత దేశంలోనే కాకుండా ప్రపంచ మొత్తంలో కూడా ఉన్న బెస్ట్ టూరిస్ట్ స్పాట్స్ లో ఒకటి తాజ్ మహల్. తాజ్ మహల్ గురించి ఎంత చెప్పినా తక్కువే. షాజహాన్ తనకి ముంతాజ్ పై ఉన్న ప్రేమకు గుర్తుగా ఈ తాజ్ మహల్ నిర్మించారు. వేరే దేశంలో ఉన్న వాళ్లకు కూడా భారతదేశం అంటే టక్కున గుర్తుకు వచ్చేది తాజ్ మహల్.

అందుకే ఎన్నో దేశాల నుండి ఎంతో మంది ప్రజలు తాజ్ మహల్ ని చూడడానికి వస్తూ ఉంటారు. ఏ రోజైనా సరే తాజ్ మహల్ దగ్గర సందర్శకుల సంఖ్య ఎక్కువగానే ఉంటుంది. అయితే మీరు ఎప్పుడైనా ఒక విషయం గమనించారా? రాత్రి పూట తాజ్ మహల్ లో లైట్ లు ఉండవు. అందుకు ఒకటి కాదు కొన్ని కారణాలు ఉన్నాయి. అవేంటంటే.

# తాజ్ మహల్ మార్బుల్ తో తయారు చేశారు. ఇది మనందరికీ తెలుసు. అయితే చంద్రుడి నుండి వచ్చే లైట్ తాజ్ మహల్ లో రిఫ్లెక్ట్ అయ్యే అవకాశాలు ఉన్నాయి. అందుకే తాజ్ మహల్ లో ప్రత్యేకంగా లైట్ అవసరం లేదు.

# అంతే కాకుండా రాత్రిపూట లైట్ వేసి ఉంచితే తాజ్ మహల్ కి సందర్శకులు ఇంకా ఎక్కువ అయ్యే అవకాశాలు ఉంటాయి.

# లైట్స్ వేయడం వలన పురుగులు వస్తాయి. అవి ఎక్కువగా తిరిగి నేలపై ఏమైనా వేయడం వలన మార్బుల్ నేల రంగు మారే అవకాశాలు ఉన్నాయి. ఇప్పటికే తాజ్ మహల్ లో కొన్ని చోట్ల ఇలా పురుగుల వల్ల మార్బుల్ గ్రీన్ కలర్ లో మారింది.

# కొన్ని సంవత్సరాల క్రితం భారతదేశ ప్రభుత్వం తాజ్ మహల్ కి లైట్లు ఏర్పాటు చేసింది. కానీ ఏర్పాటు చేసిన రోజు రాత్రి ఆ లైట్లు అన్ని పేలిపోయాయి. ఇది ఏమైనా ఎలక్ట్రికల్ సమస్య ఏమో అని యాజమాన్యం కూడా అంత సీరియస్ గా తీసుకోలేదు.

రెండవ సారి ఎలక్ట్రిసిటీ అంతా కరెక్ట్ గా చెక్ చేసి అప్పుడు మళ్ళీ లైట్లు ఏర్పాటు చేశారు. కానీ రెండో సారి కూడా మొదటిసారి జరిగిందే రిపీట్ అయ్యింది. ఇలా ఎందుకు అయ్యిందో ఎవరికీ తెలియదు. కొంత మంది మాత్రం ఏవో తెలియని శక్తులు ముంతాజ్ ఆత్మని కాపాడుతున్నాయి అని అంటారు. కానీ ఇది ఎంత వరకు నిజమో ఎవరికీ తెలియదు.

# లైటింగ్ అనేది తాజ్ మహల్ సర్ఫేస్ పై ప్రభావం చూపుతుంది. పర్యావరణంలో ఏర్పడిన పొల్యూషన్ ఇప్పటికే తాజ్ మహల్ పై ఎంతో ప్రభావం చూపింది. కాబట్టి ఇంక వేరే ఏ విధంగా అయినా కూడా సరే తాజ్ మహల్ కి ఎటువంటి ఇబ్బంది కలగకూడదు అని యాజమాన్యం అనుకున్నారు.

తాజ్ మహల్ లో రాత్రి పూట లైట్ లు ఉండకపోవడానికి కొన్ని కారణాలు ఇవే.

కొన్ని సంవత్సరాల క్రితం హైదరాబాద్ లో ఉండే చాలా మందికి అలాగే, హైదరాబాద్ కి వచ్చిన వారికి ఇక్కడ ఉండే పర్యాటక స్థలాలు, ఇంకా ఫేమస్ ప్లేసెస్ చూడాలి అని ఉండడంతో పాటు ఇంకొక కోరిక కూడా ఉండేది. అదే డబల్ డెక్కర్ బస్ ఎక్కడం. అసలు ఒక వెహికల్ మీద ఇంకొక వెహికల్ ఉండడం ఏంటి? కింద ఉన్న బస్ పైన ఉన్న బస్ బరువుని ఎలా మోయగలుగుతుంది? ఇలా ఎన్నో సందేహాలు వచ్చేవి.

చాలా మంది ఎప్పుడో ఒక సారి డబల్ డెక్కర్ బస్ ఎక్కే ఉంటారు. చాలా మంది ఎక్కి కూడా ఉండరు. కానీ కొంత కాలం నుండి ఈ డబల్ డెక్కర్ బస్సులు కనిపించడం లేదు. హైదరాబాద్ లో డబల్ డెక్కర్ బస్సులను తిరిగి ప్రారంభించాల్సిందిగా ఇటీవల ఒక నెటిజన్ కోరగా, దీనికి కేటీఆర్ స్పందించి రవాణా శాఖ మంత్రిని ఈ విషయంపై ఆలోచించవలసిందిగా కోరారు. హైదరాబాద్ లో మళ్లీ డబల్ డెక్కర్ బస్సులు రాబోతున్నాయి అనే వార్త మొదలైంది. అసలు డబల్ డెక్కర్ బస్సులను ఆపివేయడానికి కొన్ని కారణాలు ఉన్నాయి. అవేంటో ఇప్పుడు తెలుసుకుందాం.

#1 ట్రాఫిక్ సమస్యలు

సిటీలు చాలా అభివృద్ధి చెందాయి. ఎల్లప్పుడు రోడ్లు చాలా బిజీగా ఉంటాయి. డబల్ డెక్కర్ బస్సులు చాలా జాగ్రత్తగా, నెమ్మదిగా డ్రైవ్ చేస్తారు. దీని వల్ల ట్రాఫిక్ సమస్యలు తలెత్తే అవకాశాలు ఉంటాయి. అలాగే యావరేజ్ ట్రాఫిక్ స్పీడ్ మీద కూడా ప్రభావం పడుతుంది.

#2 సప్లై పాలసీలో మార్పులు

నగర ఆర్టీసీ కి చెందిన డబల్ డెక్కర్ బస్సులను అశోక్ లేలాండ్ తయారు చేసేవారు. పాలసీలో మార్పుల కారణంగా, 1990 ల మొదట్లో డబుల్ డెక్కర్ బస్సులను ఉత్పత్తి చేయడం ఆపేశారు. అంతే కాకుండా స్పేర్ పార్ట్స్ ఉత్పత్తి కూడా నిలిపివేశారు.

#3 మెయింటెనెన్స్

దాదాపు అన్ని డబుల్ డెక్కర్ బస్సులు 25 సంవత్సరాలకు పైగా నడిచాయి. ప్రతి డబుల్ డెక్కర్‌కు ఇద్దరు టికెట్ కలెక్టర్లు ఉండేవారు. సర్వీసింగ్ కోసం అదనపు స్టాఫ్ అవసరం ఉండే వాళ్ళు. మెయింటెనెన్స్ ఖర్చులు కూడా ఎక్కువగానే ఉండేవి.

#4 ఆర్థిక సమస్యలు

2003-2004 లో ఆర్టీసీ ఆర్థికంగా ఎన్నో ఇబ్బందులు ఎదుర్కొంది. ఆ సమయంలో డబల్ డెక్కర్ బస్సులు కొనడం కొంచెం ఖర్చుతో కూడుకున్న పని.

#5 రోడ్ సెక్యూరిటీ

కొంత కాలం తర్వాత డబల్ డెక్కర్ బస్సులకు చాలా ప్రమాదాలు జరిగాయి. రోడ్డు మలుపులు వచ్చినప్పుడు బస్సుని తిప్పడం కష్టంగా ఉండేది. జనాభా కూడా చాలా పెరిగింది. దాని వల్ల బయటికి వచ్చే వాళ్ల సంఖ్య కూడా పెరిగింది. ప్రమాదాలను నివారించడం అనేది కూడా డబల్ డెక్కర్ బస్సులను ఆపడానికి ఒక కారణం.

#6 ఓవర్ హెడ్ వైర్లు

టెక్నాలజీ పెరుగుతుండటంతో టెలిఫోన్ కనెక్షన్లు, అలాగే జనాభా కూడా ఎక్కువవడంతో ఎలక్ట్రిసిటీ కనెక్షన్లు ఎక్కువ అయ్యాయి. డబల్ డెక్కర్ బస్సు ఎత్తుగా ఉంటుంది కాబట్టి వెళ్తున్నప్పుడు వైర్లు తగిలే అవకాశాలు ఉంటాయి.