Off Beat

భారతీయులు ఎక్కువ గా జ్యోతిష్య శాస్త్రాలను, ఖగోళ శాస్త్రాలను విశ్వసిస్తారు. వాటి లెక్కలకు అనుగుణం గా మార్పులు జరుగుతుంటాయని భావిస్తుంటారు. అయితే, మన పూర్వికులు తమకున్న అపార మేధస్సు ద్వారా ఎంతో విజ్ఞానాన్ని మనకు అందించారు. వాటిలో “బ్రహ్మం గారి కాల జ్ఞానం” ఎక్కువ ప్రాచుర్యం పొందింది. శ్రీ పోతులూరి వీర బ్రహ్మేంద్ర స్వామీ వారు తమకు ఉన్న అపారమైన జ్ఞానం తో భవిష్యత్ లో ఏమి జరగబోతోందో ముందే చెప్పారు.

కాల క్రమం లో జరుగుతున్న మార్పులను చుస్తే.. వీటన్నిటిని బ్రహ్మం గారు తన కాల జ్ఞానం లో ముందే ప్రస్తావించారని తెలుస్తోంది. మరో వైపు… ఎక్కడ ఏ వింత జరిగినా.. ఇది ముందే బ్రహ్మం గారు చెప్పారు అంటూ మనం గుర్తు చేసుకుంటూనే ఉంటాం. ఇలాంటి వాటిల్లో కరోనా వైరస్ కూడా ఉంది.

ఈ మహమ్మారి గురించి కూడా బ్రహ్మం గారు ముందే హెచ్చరించారట.”కోరంకియను జబ్బుకోటిమందికి తగిలి, కోడిలాగ తూగిసచ్చేరయ” అంటూ ఆయన కాలజ్ఞానం లో ప్రస్తావించారని చెబుతారు. ఇప్పటికే ఈ విశేషాలకు సంబంధించి సోషల్ మీడియా లో చాలా కధనాలు వైరల్ అయ్యాయి. ఈ క్రమం లో పోతులూరి వీర బ్రహ్మేంద్ర స్వామీ వారు ఏమి చెప్పారు..? 2023 లో అవి ఎంత వరకు జరిగే అవకాశం ఉంది అన్న విషయాలను ఈ ఆర్టికల్ లో తెలుసుకుందాం.

వాస్తవానికి, బ్రహ్మం గారి వేషధారణ చూసిన ఎవరైనా ఆయనను ఆధ్యాత్మిక వేత్త గా భావించేవారట. కానీ బ్రహ్మం గారు హేతువాదిగా ఉండేవారట. ఈ విషయాన్నీ చరిత్రకారులు కూడా చెబుతున్నారు. క్రీ.శ. 1622 క్రీ.శ. 1693 మధ్య బ్రహ్మం గారు జీవించారు. ఆయన కాల బ్రహ్మ యోగి గా మంచి పేరు తెచ్చుకున్నారు. ఇప్పటికే ఆయన రాసిన కాలజ్ఞానాన్ని ఓ ప్రామాణికం గా పరిశీలించుకుంటూనే వస్తున్నారు. కరోనా తరువాత ఈ భయంకరమైన పరిస్థితులు ఇంతటితో ఆగిపోవని బ్రహ్మం గారు కాలజ్ఞానం లో పేర్కొన్నారని తెలుస్తోంది.

ప్రస్తుత పరిస్థితులను చూస్తుంటే, బ్రహ్మం గారు చెప్పినది మరోసారి జరుగుతున్నట్లుంది. ప్రస్తుతం బ్రిటన్ నుంచి కొత్త స్ట్రెయిన్ స్ప్రెడ్ అవుతోంది. ప్రపంచ ఆరోగ్య సంస్థ కూడా, ఈ వేరియంట్ విషయం లో జాగ్రత్త గా ఉండాలని హెచ్చరిస్తోంది. మరో వైపు బ్రిటన్ కూడా లాక్ డౌన్ విధించింది. దీనిని పట్టి, కరోనా ఇంకా అయిపోలేదు..పరిస్థితి మరింత భయంకరం గా మారే అవకాశం ఉందని తెలుస్తోంది.

ఆయన కాలజ్ఞానాన్ని బట్టి చూస్తే కరోనా మహమ్మారి ఇంకా అవలేదని.. ఓమిక్రాన్ పేరిట మరో కొత్త వైరస్ పుట్టుకొస్తోందని తెలుస్తోంది.  ఈ మహమ్మారి వచ్చిన తరువాత నుంచి కీలక మైన మార్పులు చోటు చేసుకుంటాయని ఆయన కాలజ్ఞానం లో వివరించారు. ఇంకా చాలా విషయాలను ఆయన వివరించారు. అవేంటో ఇపుడు చూద్దాం..

ఆయన కాశీ లోని దేవాలయం 40 రోజుల పాటు పాడుపడుతుందని తెలిపారు. 1910 -12 మధ్య కాలం లో గంగానదికి వరదలు రావడం తో అక్కడి ప్రజలు ఇబ్బందులు ఎదుర్కొన్నారు. అదే సమయం లో కలరా వ్యాధి విపరీతం గా ప్రబలడం తో నలభై రోజుల పాటు కాశీ విశ్వేశ్వరుడిని దర్శించుకోవడానికి ఎవరు రాలేదు.

ఓ అంబ 16 సంవత్సరాల పాటు రాజ్యాన్ని రక్షిస్తుందన్నారు. ఆయన చెప్పినట్లే ఇందిరా గాంధీ భారత ప్రధాని గా 16 సంవత్సరాలు కొనసాగారు. రాజుల పాలన, రాచరిక వ్యవస్థ నశిస్తుంది అన్నారు. ఆయన చెప్పినట్లు గానే ప్రస్తుతం రాచరిక వ్యవస్థ లేదు. ప్రజాస్వామ్యం అమలు లో ఉంది. అలాగే, స్త్రీలపై అక్రమాలు ఎక్కువ అవుతాయని, వ్యభిచారిణి వలన భయంకరమైన వ్యాధులకు గురి అవుతారని చెప్పారు. ఇప్పటికే వ్యభిచారం, అక్రమ సంబంధాల వలన ఎయిడ్స్ వ్యాధి ప్రబలింది. దీనికి చాలా కాలం మందు కనుక్కోలేక, ఎందరో ప్రాణాలు కోల్పోయిన సంగతి తెలిసిందే.

అలాగే, కృష్ణానది గురించి కూడా బ్రహ్మం గారు చెప్పిన విశేషాలు ప్రాచుర్యం పొందాయి. తెలుగు రాష్ట్రము లోని కృష్ణానది నది కనకదుర్గమ్మ ముక్కు పుడక ను తాకుతుందని చెప్పారు. జలప్రళయం జరిగి నాగార్జున డాం బీటలు వారితే, కృష్ణానది దుర్గమ్మను తాకే ప్రమాదం ఉంది. అలాగే, కృష్ణానది మధ్య లో బంగారు రధం ఉంటుందిట. అది చూసిన వారికి, దాని కాంతి వలన కంటిచూపు పోయే ప్రమాదం ఉంటుందట. అలాగే, ఒక మొసలి ఎనిమిది రోజులుండి భ్రమరాంబ గుడి లోకి చేరి మేకపోతులా అరిచి మాయం అవుతుందట. అలాగే, కర్నూలు జిల్లా ఆదోని మండలం లో కప్పు కోడై కూస్తుంది. అదే కనక జరిగితే ఎన్నో అనర్ధాలు వస్తాయట.

శ్రీశైలానికి దక్షిణం లో వందల కొద్దీ రాళ్లు రాలడం తో చాలా మంది ప్రాణాలు కోల్పోతారట. అలాగే, ఎన్నో రాతిముక్కలు లేచి ఆకాశం వైపు ఎగురుతాయట. కామాక్షమ్మ విగ్రహం నుంచి రక్తం కారుతుందట.. అలాగే, కలియుగం లో ఐదువేల సంవత్సరాలు గడిచిన తరువాత గంగమ్మ అసలు కనిపించదట. వీటిలో కొన్ని ఇప్పటికే జరిగాయి. దీనితో, వీరబ్రహ్మేంద్ర స్వామి వారి కాలజ్ఞానం నిజం అవుతుందని అందరు విశ్వసిస్తున్నారు.

ప్రస్తుత కాలం లో ప్రతి ఒక్కరు కూడా ఆహారాన్ని వ్యాపారంగా చేసి అమ్ముతున్నారు. ఒక రెస్టారెంట్ కి ముగ్గురు కలిసి వెళ్లి తినాలంటే రూ. 1000కి తక్కువ కాదు. ఫుడ్ బిల్లుకు తోడుగా అదనపు ట్యాక్సులు కూడా ఉంటాయి. పాలు, గ్యాస్, ఆయిల్ ధరలు పెరగడంతో.. రెస్టారెంట్లు, కేఫ్‌లు, ఫాస్ట్ ఫుడ్ ఆపరేటర్లు కూడా ధరలను పెంచుతున్నారు. ధరల పెంపు భారాన్ని వినియోగదారులపై ప్రయోగిస్తున్నారు. కొందరికి ఇదేమంత భారం కాదు. అయితే చాలా మందికి ఇది భరించలేని ఖర్చే.

సాధారణంగా ఇంట్లో చేసిన ఫుడ్ కి రుచి,ఆరోగ్యం కూడా. కానీ ఈ మధ్య కాలంలో బయట తినడానికే అందరు ఆసక్తి చూపిస్తున్నారు. అందుకు కారణాలు లేకపోలేదు. జాబ్ టెన్షన్ వల్ల కావచ్చు, ఇతర పనుల వల్ల రెస్టారెంట్లలో తినేందుకు ఆసక్తి కనపరుస్తున్నారు. కొందరు లగ్జరీ కోసం బయటకు వెళ్లి తింటుంటారు. అయితే ప్రస్తుతం ఆ టాక్స్ లు, ఇవి అంటూ రేట్స్ విపరీతంగా పెరిగిపోయాయి. అలాగే ఇప్పుడు ఒక్కో రెస్టారెంట్లో వారికి నచ్చినట్టు రేట్స్ పెట్టుకుంటున్నారు.

కానీ ఇదివరకు కాలం లో ప్రజలు బయటకు వెళ్లి తినడం తక్కువే.. అలాగే అప్పట్లో హోటల్స్ లో ఫుడ్ రేట్స్ కూడా చాలా తక్కువగా ఉండేవి. అయితే 1965 లో నిత్యావసర వస్తువుల ధరలు పెరిగిన కారణంగా..అన్ని హోటల్స్ లో టిఫిన్స్ ధరలు పెంచుతున్నట్లు రేపల్లె లోని హోటల్స్ యజమానులు అందరు కలిసి పామ్ ప్లేట్స్ ప్రింట్ చేసి పంచారు. ఇప్పుడు ఆ పామ్ ప్లేట్ ఒకటి సోషల్ మీడియా లో వైరల్ గా మారింది. అప్పట్లో ఉన్న టిఫిన్స్ ధరలు చూసి నెటిజన్లు షాక్ అవుతున్నారు.

అందులో ఏముందంటే ..” నవంబర్ 1 , 1965 నుంచి పెరిగిన రేట్లు, అధిక ధరల కారణంగా రేపల్లె హోటల్ యజమానులు అందరూ సమావేశమై.. రేట్లు సవరించిన కారణంగా..నవంబర్ 1 నుంచి ఈ క్రింది విధంగా పెంచాము. అందరూ సహకరించండి.” అని ఆ కింద టిఫిన్స్ రేట్స్ ఇచ్చారు. అందులో 2 ఇడ్లి 15 పైసలు, అట్టు 15 పైసలు, ఉప్మా 15 పైసలు, రవ్వ అట్టు 20 పైసలు, 2 గారెలు 15 పైసలు, బోండా 20 పైసలు, కాఫీ, టీ 15 పైసలు ఇలా ఉన్నాయి అందులో ధరలు. ఆ ధరలు చుసిన నెటిజన్లు రకరకాలుగా స్పందిస్తున్నారు.

ఇప్పుడు ఎక్కడ విన్నా ఆస్కార్ పదం ఎక్కువగా వినపడుతోంది. ఆస్కార్ అవార్డు నాటు నాటు పాట కి రావాలని మన దేశంలో ఉన్న వారంతా కూడా కోరుకున్నారు. చాగంటి కోటేశ్వరరావు గారు కూడా ఆస్కార్ అవార్డు నాటు నాటు పాటకి రావాలని మనం ఆ దేవుడిని ప్రార్థిద్దాం… గుడికి వెళ్ళినప్పుడు మీరు కూడా కోరుకోండి అని అన్నారు. అయితే అసలు ఆస్కార్ అవార్డు దేనితో చేస్తారు అనే సందేహం చాలా మందిలో ఉంది.

పైగా దానికి ఎందుకంత విలువ అని కూడా చాలా మందిలో కలుగుతున్న ప్రశ్న. ప్రపంచ సినీ పరిశ్రమలో ఎంతో ప్రతిష్టాత్మకంగా భావించే అవార్డు ఆస్కార్ అవార్డు.

నటులు అంతా కూడా ఆస్కార్ కోసం కలలు కంటారు. ఒక్కసారైనా ఆస్కార్ తెచ్చుకోవాలని దాని కోసం ఎంత శ్రమించాలో అంత శ్రమిస్తారు. ఈసారి తెలుగు చిత్ర పరిశ్రమ నుండి బెస్ట్ ఒరిజినల్ సాంగ్ కేటగిరిలో దర్శక ధీరుడు రాజమౌళి తీసుకువచ్చిన ఆర్ఆర్ఆర్ సినిమా నుండి నాటు నాటు పాట నామినేట్ అయింది ఈ విషయం మనకి తెలిసిందే.

ఎందుకు ఆస్కార్ అనే పేరు..

మొదటి సారి ఈ అవార్డు ని అకాడమీ ఎగ్జిక్యూటివ్ డైరెక్టర్ మార్గరెట్ హెర్రిక్ చూసి.. ఆ అవార్డు లో యోధుడు తన అంకుల్ ఆస్కార్ లాగే ఉన్నాడని అన్నారు. తర్వాత హాలీవుడ్ కాలమిస్ట్ సిడ్నీ స్కోల్ స్కీ ఓ వ్యాసంలో ఆస్కార్ అవార్డ్స్ అని రాశారట. ఇలా ఆ పేరు వచ్చింది.

ఆస్కార్ వెనుక ఉన్నచరిత్ర:

ఎంజీఎం స్టూడియో ఆర్ట్ డైరెక్టర్ కెడ్రిక్ గిబ్బన్స్ సృషించడం జరిగింది. ఆస్కార్ అవార్డు ఒక యోధుడు రెండు చేతులతో వీర ఖడ్గం పట్టుకుని ఫిల్మ్ రీలుపై నిలబడినట్టు ఉంటుంది. రీలు లో ఐదు చువ్వలు లాగ ఉంటాయి. ఈ ఐదు అకాడమీలోని ఐదు భాగాలని సూచించినట్టు. ఈ అవార్డు ని నటుడు ఎమిలో ఫెర్నాండెజ్ ని నగ్నంగా నిలబెట్టి తన ఆకారం నుంచి తీసుకొచ్చారు. ఈ కారణంగానే ఆస్కార్ అవార్డు నగ్నంగా ఉంటుంది.

ప్రసిద్ధ శిల్ప జార్జ్ స్టాన్లీ దీన్ని చేసారు. వీళ్లది లాస్ ఏంజిల్స్. ఈ అవార్డు ని అంతా బంగారం తో చెయ్యరు. 13.5 అంగుళాల ఎత్తు ఉంటుంది ఇది. 450 గ్రాముల పైగా దీని బరువు ఉంటుంది.24 క్యారెట్ల బంగారు పూత అద్ది దీన్ని చేస్తారు. ఒక అవార్డు కోసం సుమారు 1000 డాలర్లకు పైగా అవుతుంది. అవార్డ్ విలువ ఒక డాలర్ మాత్రమే. కానీ ఈ అవార్డుని అమ్మకూడదు.

ప్రతి సంవత్సరం మనం మార్చి 8 ను అంతర్జాతీయ మహిళా దినోత్సవంగా జరుపుకుంటూ ఉన్నాం.ఇది మహిళల సాంఘిక, ఆర్థిక, సాంస్కృతిక మరియు రాజకీయ విజయాలను గుర్తు చేసుకునే రోజు. రోజువారీ జీవితంలో మరియు వృత్తిపరమైన వాతావరణంలో వారు ఎదుర్కొంటున్న సమస్యలను ఎత్తి చూపడానికి మహిళలకు ప్రత్యేకం గా ఇవ్వబడ్డ ఒక అవకాశం మహిళా దినోత్సవం. లింగ సమానత్వాన్ని వేగవంతం చేయాలన్న అంశాన్ని ప్రతిసంవత్సరం ఈరోజు గుర్తు చేస్తూనే ఉంటుంది.

ప్రతి సంవత్సరం ఈరోజున మహిళా దినోత్సవం గా ప్రపంచ దేశాలు జరుపుకుంటున్నాయి. అయితే, మార్చి 8 న మహిళా దినోత్సవం గా ప్రకటించడానికి అసలు కారణం ఏంటో తెలుసా..? అదేంటో ఇప్పుడు చూద్దాం. ఫిబ్రవరి 28, 1909 నాటి కాలం నుంచి మహిళా దినోత్సవం జరపడం ప్రారంభమైంది. న్యూయార్క్‌లో వస్త్ర కార్మికుల సమ్మెను పురస్కరించుకుని సోషలిస్ట్ పార్టీ ఆఫ్ అమెరికా ఈ రోజును ఉమెన్స్ డే గా ప్రకటించింది. అయితే, అమెరికా ప్రకటన చేసినప్పటికీ ఎలాంటి వేడుకలు జరగలేదు.

మొట్ట మొదటి మహిళా దినోత్సవ వేడుకలు 1911 లో జరిగాయి. ఈ వేడుకల సందర్భం గా అనేక యూరోపియన్ దేశాల (ఆస్ట్రియా, డెన్మార్క్, జర్మనీ మరియు స్విట్జర్లాండ్) మహిళలు ప్రదర్శనలలో పాల్గొన్నారు. లక్ష మందికి పైగా మహిళలు ఓటు హక్కును, ప్రభుత్వ కార్యాలయాలను నిర్వహించే హక్కును కోరుతూ రోడ్డు పై పోరాటం చేసారు. ఉపాధి లైంగిక వివక్ష తొలగించాలని, సమాన వేతనాన్ని ఇవ్వాలని ఆ మహిళలు డిమాండ్ చేసారు.

మార్చి 8, 1917 నాటి ఐరోపాలో మరో సంఘటన జరిగింది. సెయింట్ పీటర్స్బర్గ్ (గతంలో పెట్రోగ్రాడ్) లోని మహిళా వస్త్ర కార్మికులు వీధుల్లోకి వచ్చి హక్కుల కోసం పోరాటం చేసారు. ఆ తరువాత ఈ పోరాటం రష్యన్ విప్లవం గా అవతరించింది. ఆ రోజున అంటే మార్చి 8 న, ఐక్యరాజ్య సమితి మహిళలకు ప్రత్యేకమైన రోజు గా గుర్తించింది. ఆరోజు నుంచి మార్చి 8 న అంతర్జాతీయ మహిళా దినోత్సవంగా జరుపుకుంటున్నారు.జాతీయ, జాతి, భాషా, సాంస్కృతిక, ఆర్థిక, లేదా రాజకీయ విభాగాలతో సంబంధం లేకుండా మహిళలు సాధించిన విజయాలను గుర్తించడానికి ప్రత్యేకం గా మహిళా దినోత్సవం ఏర్పడింది.