Politics

తెలంగాణలో కాంగ్రెస్ ప్రభుత్వం అధికారంలోకి వచ్చిన వెంటనే కొత్త సంస్కరణలు తీసుకువస్తూ కొత్త కొత్త పథకాలను ప్రవేశపెడుతుంది. అయితే ఇప్పుడు రేషన్ అందుకునే లబ్ధిదారులకు ప్రభుత్వం శుభవార్త చెప్పనుంది. కొత్త రేషన్ కార్డులు జారీ తో పాటు ఇప్పటికే ఉన్న రేషన్ కార్డులో మార్పులు చేర్పులకు అవకాశం కల్పించనుంది….!

ప్రభుత్వం కొత్త రేషన్ కార్డుల జారీ ప్రక్రియ ప్రారంభించాలని నిర్ణయించింది. దీనికి సంబంధించి దరఖాస్తుల స్వీకరణకు ముహూర్తం ఖరారు చేసారు. అర్హుల ఎంపిక క్షేత్ర స్థాయిలోనే జరిగే విధంగా కార్యాచరణ సిద్దం చేస్తున్నారు.

అర్హులైన వారికి కార్డులు అందించేందుకు ప్రత్యేకంగా నోడల్ అధికారులను నియమిస్తున్నారు.దీంతో ఈ నెల 28వ తేదీ నుంచి కొత్త రేషన్ కార్డుల జారీకి దరఖాస్తులు స్వీకరించాలని ప్రభుత్వం నిర్ణయించింది. మీ -సేవ ద్వారా ఆన్ లైన్ లో దరఖాస్తులను స్వీకరించనున్నారు.అవసరమైన పత్రాలను ఆన్ లైన్ లో దరఖాస్తు సమయంలోనే సమర్పించాల్సి ఉంటుంది.

ప్రభుత్వం తాజాగా ఆరోగ్య శ్రీ పరిమితిని రూ 10 లక్షలకు పెంచింది. రేషన్ కార్డు ఉన్నవారికే ఆరోగ్య శ్రీ అమలు కానుంది. దీంతో రేషన్ కార్డు కోసం మరింత అవసరం ఏర్పడింది. రేషన్ కార్డులో పేరున్న ప్రతీ ఒక్కరికీ ఆరు కేజీల బియ్యం అందుతాయి. హైదరాబాద్ లాంటి నగరాల్లో గోధుమలు కూడా ఇస్తున్నారు.అయితే రేషన్ కార్డులో మార్పులు చేర్పులు చేయాలని పిల్లల పేర్లు చేర్చాలని ఇప్పటికే ఎన్నో వినతులు వచ్చాయి. వాటిపై కూడా దృష్టి సారించాలని ప్రభుత్వం నిర్ణయించింది

సాధారణంగా ఎమ్మెల్యేలుగా విజయం సాధించిన వారు అసెంబ్లీలో ప్రమాణ స్వీకారం చేస్తారనే విషయం తెలిసిందే. ఇక ప్రమాణ స్వీకారం చేసే ఎమ్మెల్యేలు వారి మాతృ భాషలో లేదా ఇంగ్లీష్‌ లో కానీ చేస్తుంటారు.

అయితే రాజస్థాన్ అసెంబ్లీ ఎన్నికలో గెలిచిన ఇద్దరు సంస్కృత భాషలో ప్రమాణ స్వీకారం చేయడం వైరల్ గా మారింది. ఎందుకంటే ఆ ఇద్దరు ఎమ్మెల్యేలు కూడా ముస్లింలు. వీరిద్దరు ఇలా చేయడం అందరిని  ఆశ్చర్యానికి గురి చేసింది. వీరి పై నెటిజెన్లు ప్రశంసలు కురిపిస్తున్నారు. ఈ ఇద్దరు ముస్లిం ఎమ్మెల్యేలు సంస్కృతంలో ప్రమాణ స్వీకారం ఎందుకు చేశారో ఇప్పుడు చూద్దాం..
బీబీసి తెలుగు న్యూస్ కథనం ప్రకారం, ఇటీవల రాజస్థాన్ లో జరిగిన అసెంబ్లీ ఎలక్షన్స్ లో విజయం సాధించిన వారిలో ఇద్దరు ముస్లిం ఎమ్మెల్యేలు సంస్కృతంలో ప్రమాణ స్వీకారం చేయడం అందరి దృష్టిని ఆకర్షించింది. ఇక ప్రమాణ స్వీకారం చేసినప్పటి నుండి ఈ ఇద్దరి ఎమ్మెల్యేల గురించి చర్చ జరుగుతోంది. ఒకరు యూనుస్ ఖాన్, బీజేపీ టిక్కెట్ ఇవ్వకపోవడంతో ఇండిపెండెంట్ అభ్యర్థిగా పోటీ చేసి గెలిచారు. మరొకరు కాంగ్రెస్‌ పార్టీకి చెందిన జుబేర్ ఖాన్. రాజస్థాన్ లో 200 అసెంబ్లీ  స్థానాలు ఉండగా, 199 స్థానాలకు ఎలెక్షన్స్ జరిగాయి.
డిసెంబర్ 20న 191 మంది ఎమ్మెల్యేలుగా ప్రమాణ స్వీకారం చేశారు. డిసెంబర్ 21న 8 మంది ఎమ్మెల్యేలు ప్రమాణ స్వీకారం చేశారు. జుబేర్ ఖాన్ రామ్‌గఢ్ నియోజకవర్గం నుంచి గెలువగా, యూనస్ ఖాన్ దివానా నుంచి గెలిచారు. సంస్కృతంలో ఎమ్మెల్యేలుగా ప్రమాణ స్వీకారం చేసిన విషయం పై వీరిద్దరు స్పందించారు. యూనస్ ఖాన్ మాట్లాడుతూ “మేం మంచి పనిచేశామని ముస్లింలు సైతం ప్రశంసించారు” అని చెప్పారు. దేశంలో సంస్కృత భాష చాలా గొప్ప పురాతనమైన భాష అని,  ఆ భాషలో ప్రమాణం చేయడం వల్ల ఎంతో గర్వపడుతున్నాను” అంటూ యూనస్ ఖాన్ వెల్లడించారు.
ఇక జుబేర్ ఖాన్ ఈ విషయం పై స్పందిస్తూ “సంస్కృతం మన దేశ పురాతన భాష. మేము భారత్ లోనే జీవిస్తున్న ఇండియన్ ముస్లింలం. అందువల్ల ఇక్కడి రాజ్యాంగాన్ని, సంస్కృతిని విశ్వసిస్తాం. సోదరభావం పై విశ్వాసం ఉంది. ప్రతి మతాన్ని గౌరవిస్తాం. సీనియర్ సెకండరీ దాకా నేను సంస్కృతం చదివాను. సంస్కృతంలో రెండోసారి ప్రమాణ స్వీకారం చేశాను. ముస్లిం అయిన నేను, ప్రమాణం సంస్కృతంలో చేయడం అందరికీ నచ్చింది” అంటూ జుబేర్ ఖాన్ వెల్లడించారు.

Also Read: ఆంధ్రప్రదేశ్ సీఎం జగన్మోహన్ రెడ్డి ఆహారపు అలవాట్లు ఎలా ఉంటాయో తెలుసా..? ఒక రోజులో ఏం తింటారు అంటే..?

తెలంగాణలో ముఖ్యమంత్రి అయిన రేవంత్ రెడ్డి తనదైన విధంగా పరిపాలన కొనసాగిస్తున్నారు. కాంగ్రెస్ ప్రకటించిన ఆరు గ్యారెంటీలలో వరుసగా ఒక్కొక్క గ్యారంటీని అమలు చేసుకుంటూ వస్తూ మాట నిలబెట్టుకుంటున్నారు. మాజీ ముఖ్యమంత్రి కేసీఆర్ నివాసం ప్రగతి భవన్ ని ప్రజా భవన్ గా మార్చిన సంగతి తెలిసిందే.

ప్రభుత్వం ఏర్పడిన తర్వాతి రోజు నుంచి ప్రజాభవన్‌లో ప్రజావాణి నిర్వహిస్తూ ప్రజా సమస్యలు,అభ్యర్థలకు సంబంధించి ప్రజల నుంచి దరఖాస్తులు తీసుకుంటోంది. ఈ ప్రజావాణికి విశేష స్పందన లభిస్తోంది. ఏళ్లుగా పరిష్కారం కాని సమస్యలను తీర్చాలంటూ రేవంత్ సర్కారుకు దరఖాస్తు చేసుకుంటున్నారు.

అలాగే గత ప్రభుత్వంలో చేపట్టిన ప్రతి కార్యక్రమం గురించి పూర్తి వివరాలు అధికారులను అడిగి తెలుసుకుని వాటిపైన సమీక్ష కూడా నిర్వహిస్తున్నారు. అయితే ఇప్పుడు రేవంత్ రెడ్డికి ఐదో తరగతి విద్యార్థిని ఒక లేఖ రాసింది. కాంగ్రెస్ అధికారంలోకి వస్తే 200 యూనిట్ల విద్యుత్తు ఉచితంగా ఇస్తామని హామీ ఇచ్చిన సంగతి గుర్తుచేస్తూ ఆ లేఖలు ప్రస్తావించింది.ఐదో తరగతి విద్యార్థిని తన పుట్టిన రోజున గిఫ్ట్‌గా ఓ కోరిక కోరింది.

గౌరవనీయులైన ముఖ్యమంత్రి రేవంత్ రెడ్డి గారికి నమస్కరించి వ్రాయునది.. సీఎంగా మీరు ఎన్నికైనందుకు శుభాకాంక్షలు. దయచేసి మా ప్రభుత్వ స్కూలుకు ఉచిత విద్యుత్ అందించాలని మనవి.” అని కోరుతూ అంటూ లేఖ రాసింది.రంగారెడ్డి జిల్లా ఆదిభట్లకు చెందిన 5వ తరగతి విద్యార్థిని అంజలి తన పుట్టిన రోజు సందర్భంగా ఈ లేఖ రాసి సీఎం రేవంత్ రెడ్డికి పోస్ట్ చేసింది. ప్రస్తుతం ఈ లెటర్ సోషల్ మీడియాలో వైరల్ అవుతుంది.ఈ చిన్నారి లేఖపై సీఎం ఎలాంటి నిర్ణయం తీసుకుంటారన్నది ఆసక్తికరంగా మారింది. మరోవైపు ఎంతో ధైర్యంగా సీఎం రేవంత్ రెడ్డికి లేఖ రాసి తన కోరికను తెలియజేసినందుకు చిన్నారిని పలువురు అభినందిస్తున్నారు.

ఏపీ ముఖ్యమంత్రి జగన్మోహన్ రెడ్డి ఫిట్ గా, ఎలాంటి ఒత్తిడి లేకుండా కనిపిస్తారు. ఆయనకు ఏ విధమైన చెడు అలవాట్లు లేవు. ఈ విషయాన్ని సీఎం జగన్ ఎన్నోసార్లు వెల్లడించారు. ఒక నాయకుడు ఎలా ఉంటే, మిగతా వాళ్లు కూడా అదే ఫాలో అవుతారని నమ్ముతారు.

ఇంటర్వ్యూలకు దూరంగా ఉండే సీఎం జగన్‌, తన పర్సనల్ విషయాల గురించి ఎక్కువగా స్పందించరు. అందువల్ల  చాలామందికి ఆయన డైట్‌, మరియు ఫిట్‌నెస్‌ గురించి ఎలాంటి విషయాలు తెలియవు. సీఎం జగన్ అసలు ఎలాంటి ఫుడ్‌ తీసుకుంటారనే విషయం గురించి మినిస్టర్ రోజా ఇంట్రెస్టింగ్ విషయాలు చెప్పారు. అవేమిటో ఇప్పుడు చూద్దాం..
సీఎం జగన్ ఆరోగ్యంగా ఉండేందుకే మొదటి నుండి ప్రాధాన్య‌త‌నిస్తారు. దానికి త‌గ్గ‌ట్లుగా ఆహారం తీసుకుంటారు. ఆయనకి మామిడికాయ తురుముతో చేసే పులిహోర అంటే చాలా ఇష్టం. ఉదయం 4.30కి సీఎం జగన్ రోజు మొదవుతుంది. ఉదయం 4.30 గంటల నుండి గంట సేపు యోగా, జిమ్ లాంటివి చేస్తారు. 5.30కి న్యూస్ పేపర్స్ చదవడంతో పాటు ముఖ్యమైన అంశాల గురించి నోట్స్ తయారు చేసుకుంటారు. ఆ సమయంలో టీ మాత్రమే తీసుకుంటారు. 7 గంటలకు జూస్ తాగుతారు.
ఉదయం బ్రేక్ ఫాస్ట్ కు బదులుగా డ్రైఫ్రూట్స్  తింటారు. ఇక పాదయాత్ర చేసేనపుడు కూడా జగన్ బ్రేక్ ఫాస్ట్ కి దూరంగానే ఉన్నారు. సమీక్షలు చేసే టైమ్ లో చాక్లెట్ బైట్స్ తింటారట. మధ్యాహ్నం భోజనంలో అన్నం కన్నా పుల్కాలను తినడానికి ఇష్టపడతారు. అప్పుడప్పుడు మాత్రం రాగిముద్ద, మటన్ కీమాను తింటారు. ఇక కుండపెరుగు లేకుండా మధ్యాహ్నం భోజనం ముగించరని  చెప్తుంటారు. చిత్రాన్నం అంటే జగన్ కు చాలా ఇష్టం. సాయంకాలం టీ మాత్రమే తాగుతారు. ఆయనకు పల్లీలు, మొక్కజొన్న పొత్తులన్నా  ఇష్టం. వీలైనపుడల్లా వీటిని తింటారు.
పళ్ల రసాలకు ప్రాధాన్యమిస్తారు. వారాంతంలో పూర్తిగా ఫ్యామిలితో గడిపే సీఎం జగన్, ఆదివారం వస్తే చేపల పులుసు, బిర్యానీ, మటన్ లాంటి వాటిని ఆరగిస్తారు. ఎన్నిరకాల వంటకాలు  ఇష్టపడినా కూడా జగన్ మితంగానే తీసుకుంటూ ఆరోగ్యాన్ని కాపాడుకుంటున్నారు. టూరిజం మంత్రి రోజా సీఎం జగన్ తీసుకునే ఎనర్జీ డ్రింక్ గురించి ఓ ఇంటర్వ్యూలో వెల్లడించారు. లీటరు పాలలో, పచ్చి అల్లం వేసి మరగించి, గ్లాసు పాలు అయ్యే వరకు మరగిస్తారు. అలా కాచిన పాలను రోజు ఆయన తాగుతారని రోజా వెల్లడించారు. అది ఆరోగ్యానికి చాలా మంచిదని తెలిపారు.

Also Read: చంద్రబాబు నాయుడు ఆహారపు అలవాట్లు ఎలా ఉంటాయో తెలుసా..? ఒక రోజులో ఏం తింటారు అంటే..?

ఆంధ్రప్రదేశ్ విభజన తరువాత 2014 లో ఏపీలో అధికారంలోకి వచ్చిన టిడిపి ప్రభుత్వం రాజధానిగా అమరావతిని నిర్ణయించింది. రాజధాని నిర్మాణంకు ప్రధాని నరేందర్ మోడి శంకుస్థాపన చేశారు. ఇది జరిగి ఎనిమిది సంవత్సరాలు దాటిపోయింది.

ఆ తరువాత వచ్చిన వైసీపీ ప్రభుత్వం మూడు రాజధానులను ప్రకటించింది. ఈ ప్రకటన వచ్చి నాలుగు సంవత్సరాలు గడిచింది. ఈ ఎనిమిది ఏళ్ళలో అమరావతి ఎలా ఉంది. బడ్జెట్ ఎంత కేటాయించారు. ఎంత ఖర్చుపెట్టారు అనే విషయన్ని ఇప్పుడు చూద్దాం..
బీబీసి న్యూస్ తెలుగు కథనం ప్రకారం, ఏపీ సీఎం జగన్ మోహన్ రెడ్డి అసెంబ్లీలో ఏపీ రాజధాని అమరావతి మాత్రమే కాదని, మూడు రాజధానులను ఏర్పాటు చేస్తామని ప్రకటించి నాలుగేళ్ళు పూర్తయ్యింది.  అమరావతి శాసన రాజధానిగా, కర్నూలు న్యాయ రాజధానిగా,  వైజాగ్‌ పరిపాలన రాజధానిగా ప్రకటించారు. అయితే అమరావతి శాసన రాజధాని అని చెప్పిన తర్వాత హైకోర్టు అలా చెల్లుబాటు తీర్పు చెప్పింది. హైకోర్టు తీర్పుకు ముందే గవర్నమెంట్ తాము చేసిన చట్టాలను ఉపసంహరించుకుని రాజధాని విషయంలో వెనుకడుగు వేసింది. చట్టాలను పగడ్బందీ రూపొందిస్తామని చెప్పింది. అయితే అది జరగలేదు.
ఆంధ్రప్రదేశ్ విభజన జరిగిన కొన్ని నెలలకే ఏపీ కొత్త రాజధానిగా అమరావతిని నిర్ణయించారు. అసెంబ్లీలో ఏకగ్రీవ తీర్మానం జరిగిన తరువాత నిర్మాణ పనులు ప్రారంభం అయ్యాయి. ప్రధాని నరేంద్ర మోదీ 2015 అక్టోబర్ 22న శంకుస్థాపన చేశారు. ఆ తర్వాత పనులు వేగంగా జరిగాయి. ముందు తాత్కాలికమైన సచివాలయం, శాసనసభ రెడీ చేసి, 2017 నుండి ఉపయోగిస్తున్నారు. ఆ తర్వాత తాత్కాలిక హైకోర్టు బిల్డింగ్ ను సిద్ధం చేశారు. ఇందులో 2019 నుండి కార్యకలాపాలు ప్రారంభం అయ్యాయి. వాటితో పాటు శాశ్వత వసతి కోసం పలు బిల్డింగ్స్ నిర్మించడానికి  పనులు కూడా మొదలయ్యాయి. అందులో ఎమ్మెల్యే మరియు ఎమ్మెల్సీ క్వార్టర్స్ దాదాపు ఎనబై శాతం పనులు పూర్తయ్యాయి.

బీఆర్‌ఎస్‌ వర్కింగ్‌ ప్రెసిడెంట్, ఎమ్మెల్యే కల్వకుంట్ల తారక రామారావు సోమవారం (డిసెంబర్‌ 18) వెడ్డింగ్ యానివర్సరీ జరుపుకొన్నారు. కేటీఆర్‌ ఈ సందర్భంగా తన సతీమణి శైలిమకు సామాజిక మాధ్యమ వేదికగా పెళ్లి రోజు విషెస్ తెలుపుతూ ఆసక్తికర పోస్ట్ చేశారు.

కేటీఆర్ పోస్ట్ చేసిన ఫొటో ప్రస్తుతం సోషల్ మీడియాలో వైరల్‌గా మారింది. ఈ పోస్ట్ అందరినీ ఆకట్టుకుంటోంది. బీఆర్‌ఎస్‌ పార్టీ కార్యకర్తలు, ఫ్యాన్స్, నెటిజన్లు కేటీఆర్‌, శైలిమ దంపతులకు వివాహ వార్షికోత్సవ శుభాకాంక్షలు తెలుపుతున్నారు. ఆ వివరాలు ఇప్పుడు చూద్దాం..
1976లో జన్మించిన కల్వకుంట్ల తారక రామారావు యూఎస్ లో ఎంబీఏ చేశారు. ఆ తరువాత అమెరికాలో కొన్నేళ్ల పాటు జాబ్ చేశారు. 2006లో తన జాబ్ కి రాజీనామా చేసి, తెలంగాణ ఉద్యమంలో పాల్గొన్నారు. టీఆర్‌ఎస్ లో చేరి తన తండ్రి నాయకత్వంలో తెలంగాణ రాష్ట్ర సాధన కోసం కృషి చేశారు. 2009 అసెంబ్లీ ఎన్నికల్లో కేటీఆర్ రాజకీయ ప్రవేశం చేశారు. జూన్ 2014లో తెలంగాణ తొలి ప్రభుత్వంలో క్యాబినెట్ మంత్రిగా బాధ్యతలు చేపట్టారు.డైనమిక్ లీడర్‌ గా పేరు తెచ్చుకున్నారు. ఎమ్మెల్యేగా, మంత్రిగా ప్రజలకు సేవలందించారు. ప్రస్తుతం ప్రతి పక్ష ఎమ్మెల్యేగా ఉన్నారు.
వ్యక్తిగత జీవితానికి వస్తే, 2003లో డిసెంబర్ 18న కేటీఆర్‌,  శైలిమల పెళ్లి జరిగింది. ఈ దంపతులకు హిమాన్షు రావు, అలేఖ్య రావు అనే పిల్లలు ఉన్నారు. సోమవారం నాడు వీరి పెళ్లిరోజు సందర్భంగా, 20 సంవత్సరాల క్రితం నాటి పెళ్లి ఫొటోను, భార్య పిల్లలతో ఉన్న ఫొటోలను సోషల్ మీడియాలో షేర్ చేసిన కేటీఆర్‌, “నా అందమైన భార్య శైలిమకు 20వ వార్షికోత్సవ శుభాకాంక్షలు. గత 2 దశాబ్దాలుగా నాకు మద్దతుగా నిలిచినందుకు మరియు నాకు ఇద్దరు అందమైన పిల్లలను అందించినందుకు, ఈ ప్రయాణంలో గొప్ప భాగస్వామిగా ఉన్నందుకు ధన్యవాదాలు.
మన ప్రయాణం ఇలాగే మరెన్నో ఏళ్లపాటు కొనసాగాలని కోరుకుంటున్నాను.” అంటూ తన భార్య శైలిమకు పెళ్లి రోజు విషెస్ తెలిపారు. ప్రస్తుతం ఈ ఫొటోలు నెట్టింట్లో వైరల్‌గా మారాయి. కేటీఆర్ పోస్ట్ చేసిన కొన్ని గంటలలోనే ఈ ట్వీట్ కు నెటిజెనల నుండి మంచి రెస్పాన్స్ వచ్చింది. ఈ  పోస్ట్ కి రిప్లైగా కేటీఆర్ పెళ్లి ఫోటోలతో వీడియోలను క్రియేట్ చేసి షేర్ చేస్తున్నారు.

Happy 20th anniversary to my beautiful wife Shailima

Thank you for being a huge pillar of support over the last 2 decades and for giving me two beautiful kids and a being a great partner in this journey

Here’s to many more years of togetherness pic.twitter.com/8UTpKRXExr

— KTR (@KTRBRS) December 18, 2023

Also Read: ఉమ్మడి వరంగల్‌లో ఎమ్మెల్యే, మంత్రులు, కలెక్టర్లు ఆడవాళ్లే… ఆ 5 మంది మహిళలు ఎవరంటే.?