Politics Page 25
Category:

Politics

Politics

తెలుగుదేశం పార్టీకి… “ఎన్టీఆర్” కి మధ్య ఉన్న గొడవ ఏంటి..? వల్లభనేని వంశీ ఏం అన్నారంటే..?

by Harika
written by Harika

యంగ్ టైగర్ ఎన్టీఆర్ నందమూరి తారక రామారావు వారసుడిగా ఇండస్ట్రీలోకి అడుగు పెట్టారు. తన నటనలతోటి డాన్సులతోటి తాతకి తగ్గ మనవడు అని అనిపించుకున్నారు.

ఎన్టీఆర్ కేవలం సినిమా ఇండస్ట్రీకి పరిమితమకుండా తన తాత ఎన్టీఆర్ స్థాపించిన తెలుగుదేశం పార్టీలో కీలకంగా వ్యవహరించేవారు. 2009 ఎన్నికల్లో టిడిపి తరఫున ప్రచారం కూడా చేశారు. తర్వాత ఏమైందో ఏమో గాని తెలుగుదేశం పార్టీకి దూరమయ్యారు.

అసలు ఎన్టీఆర్ కి తెలుగుదేశం పార్టీకి మధ్య ఉన్న విభేదాలు కల కారణం ఏంటో అభిమానులకి అర్థం కాక చూస్తున్నారు. ఇటీవల నందమూరి కుటుంబం కలిసి పాల్గొన్న ఫ్యామిలీ ఫంక్షన్ లో కూడా నందమూరి బాలకృష్ణ ఎన్టీఆర్ ని అవమాన పరిచిన సంగతి తెలిసింది. అందరినీ పలకరించిన బాలయ్య ఎన్టీఆర్ ను పలకరించకుండా వెళ్ళిపోయారు.

దీంతో ఎన్టీఆర్ కి నందమూరి కుటుంబం తెలుగుదేశం పార్టీకి మధ్య విభేదాలు తారాస్థాయిలో ఉన్నాయన్న విషయం అర్థమైంది. అప్పట్లో ఎన్టీఆర్ ని అవమానించడం పట్ల ఆయన అభిమానులు నందమూరి కుటుంబం పైన తెలుగుదేశం పార్టీ పైన తీవ్రస్థాయిలో మండిపడ్డారు.

అసలు ఎన్టీఆర్ కి తెలుగుదేశం పార్టీకి మధ్య ఉన్న విభేదాలకు గల కారణం ఇది అంటూ ఎన్టీఆర్ కి సన్నిహితుడు, తెలుగుదేశం పార్టీ మాజీ నాయకుడు వల్లభనేని వంశీ మోహన్ తెలిపారు. 2009 ఎన్నికలలో తెలుగుదేశం పార్టీ ఘోర పరాజయం అయిన తర్వాత ఎన్టీఆర్ ప్రచారం చేసిన ప్రతి చోటా టిడిపి ఓడిపోయింది అంటూ ఆర్టికల్ రాయించారని, ఎన్టీఆర్ ప్రచారం చేయడం వల్లే పార్టీ ఓడిపోయింది అన్నట్టు ప్రచారం చేయడం వల్ల ఎన్టీఆర్ తీవ్రంగా మనస్థాపం చెందారని అన్నారు.

తర్వాత 2014 ఎన్నికల్లో కనీసం ఎన్టీఆర్ తో మాట్లాడటం గాని ప్రచారానికి పిలవడం గాని చేయలేదని తెలియజేశారు. చంద్రబాబు కావాలనే ఎన్టీఆర్ ని దూరం పెట్టినట్లు వల్లభనేని వంశీ తెలిపారు. ఎన్టీఆర్ పార్టీలోకి వస్తే నారా లోకేష్ కి భవిష్యత్తు ఉండదు అనే కారణంతోటి ఎన్టీఆర్ ని దూరంపెట్టారు అనేది కూడా బయట ప్రచారంలో ఉంది. ఇప్పుడు చంద్రబాబు నాయుడు అరెస్టయి జైల్లో ఉన్న ఎన్టీఆర్ స్పందించకపోవడానికి ఇది కూడా ఒక కారణం అవ్వచ్చు అని విశ్లేషకులు అంటున్నారు.

watch video :

ALSO READ : చంద్రయాన్ ని జనసేన పార్టీతో పొలుస్తూ “కేతంరెడ్డి వినోద్ రెడ్డి” కామెంట్స్..! ఏం అన్నారంటే..?

Politics

చంద్రయాన్ ని జనసేన పార్టీతో పొలుస్తూ “కేతంరెడ్డి వినోద్ రెడ్డి” కామెంట్స్..! ఏం అన్నారంటే..?

by Harika
written by Harika

మొన్నటి వరకు నెల్లూరు జిల్లాలో జనసేన పార్టీ కీలక నేతగా ఉన్న కేతన్ రెడ్డి వినోద్ రెడ్డి తాజాగా జనసేనకు రాజీనామా చేసి వైసీపీలో చేరిన సంగతి తెలిసిందే. ఇప్పుడు కేతంరెడ్డి వినోద్ రెడ్డి జనసేన పిఏసి చైర్మన్ నాదెండ్ల మనోహర్ పై సంచలన కామెంట్లు చేశారు.

జనసేన పార్టీని టార్గెట్ చేసే విధంగా ఈ కామెంట్లు ఉన్నాయి.చంద్రయాన్-1 సమయంలో జనసేన పార్టీని తీసుకువచ్చారని, ఇప్పుడు చంద్రయాన్-3 తో మనం చంద్రుడి మీదికి చేరిన కూడా జనసేన పార్టీలో మాత్రం ఎదుగు బొదుగు లేకుండా ఉందని ఎద్దేవా చేశారు.

జనసేన ఎదగలేక పోవడానికి గల కారణం నాదెండ్ల మనోహర్ అని అన్నారు. నాదెండ్ల వల్లే జనసేన పార్టీ భవిష్యత్తును నాశనం అవుతుందని, ఇప్పుడు ఆయనకి టిడిపి వారు తోడవడంతో జనసేన పార్టీని పాతాళంలోకి నెట్టేస్తారని అన్నారు. పవన్ కళ్యాణ్ ని కలవకుండా నాదెండ్ల మనోహర్ అడ్డుపడతారని.. అధినేతతో మాట్లాడకుండా తనపై పవన్ కళ్యాణ్ కి లేనిపోని మాటలు చెప్పి దూరం పెట్టారని అన్నారు. జనసేనలో ఉంటే తన ఆత్మాభిమానం చంపుకుని బతకాల్సి వస్తుందని అందుకనే వైసీపీలో చేరినట్లుగా ప్రకటించారు.

వేమిరెడ్డి ప్రభాకర్ రెడ్డి ఆహ్వానం మేరకు వైసీపీలో చేరిన తాను చాలా ఆనందంగా ఉన్నట్లు తెలిపారు.నెల్లూరులో మాజీ మంత్రి నారాయణ అక్రమాలపై తాను తీవ్రంగా పోరాడానని, ఇప్పుడు తెలుగుదేశం పార్టీ-జనసేన పార్టీ పొత్తులో భాగంగా నారాయణ కోసం పనిచేయాలని నాదెండ్ల మనోహర్ సూచించారని అన్నారు. తాను ఎప్పుడూ ఎమ్మెల్యే అవ్వాలని పనిచేయలేదని కేవలం పవన్ కళ్యాణ్ సీఎం చేయాలని పనిచేశానని చెప్పుకొచ్చారు.

2019 ఎన్నికల్లో తాను ఓడిపోయినప్పటికీ ఎక్కడ కూడా నిరాశ చెందకుండా పవన్ కళ్యాణ్ ని స్ఫూర్తిగా తీసుకుని పవన్ అన్న ప్రజా బాట పేరుతో నెల్లూరు రూరల్ నియోజకవర్గం అంతా తిరిగి జనసేనని బలపరిచేందుకు కృషి చేశానని అన్నారు. తన కష్టాన్ని ఎవరు గుర్తించలేదని తెలిపారు.అప్పట్లో పవన్ కళ్యాణ్ టిడిపిని తిట్టి ఇప్పుడు మళ్లీ వారితోనే జట్టు కట్టడం తాను జీర్ణించుకోలేక, జనసేనలో అవమానాలు భరించలేక బయటకు వచ్చాను అని అన్నారు. తాను వైసీపీలో చేరాక ఎందరో జనసేన నాయకులు ఫోన్ చేసి అభినందనలు తెలిపినట్లు తెలియజేసారు.

Politics

“నన్ను కలవకూడదని చెప్పడానికి ఈ ప్రభుత్వానికి హక్కెక్కడిది..?” అంటూ… “నారా భువనేశ్వరి” అగ్రహం..! ఏం అన్నారంటే..?

by Mohana Priya
written by Mohana Priya

ఆంధ్రప్రదేశ్ ప్రభుత్వం తీరు మీద తెలుగుదేశం పార్టీ అధినేత చంద్రబాబు భార్య నారా భువనేశ్వరి ఆగ్రహం వ్యక్తం చేశారు. రాజమహేంద్రవరంలో ఉన్న భువనేశ్వరిని కలిసి మనోధైర్యాన్ని ఇవ్వడానికి పార్టీ శ్రేణులు సంఘీభావ యాత్ర చేపట్టాయి. దాంతో వారికి నోటీసులు అందాయి.

కానీ ఇలా చేయడంలో తప్పు ఏంటి అని ప్రశ్నించారు. భువనేశ్వరిని కలిస్తే చర్యలు తీసుకుంటామని పోలీసులు నోటీసులు జారీ చేశారు. దాంతో ఈ విషయం మీద భువనేశ్వరి సోషల్ మీడియా వేదికగా తన అభిప్రాయాన్ని వ్యక్తం చేశారు. తన పోస్టులో భువనేశ్వరి నోటీస్ కూడా షేర్ చేస్తూ ఈ విధంగా రాశారు.

nara bhuvaneswari post on chandrababu naidu health

భువనేశ్వరి ఈ విషయం మీద ఈ విధంగా రాశారు. “చంద్రబాబుగారికి మద్దతుగా, రాజమండ్రిలో ఉన్న నన్ను కలిసి నాకు మనోధైర్యాన్నిఇవ్వడానికి తెలుగుదేశం పార్టీ శ్రేణులు సంఘీభావయాత్ర చేపడితే అందులో తప్పేముంది? పార్టీ కార్యకర్తలు మా బిడ్డల్లాంటి వాళ్ళు. బాధలో ఉన్న అమ్మను కలిస్తే చర్యలు తీసుకుంటామని పోలీసులు నోటీసులు ఇవ్వడం ఏంటి?”

nara bhuvaneswari letter on police notice

“ప్రజలు, మద్దతుదారులు నన్ను కలవకూడదని చెప్పడానికి ఈ ప్రభుత్వానికి హక్కెక్కడిది?” అని భువనేశ్వరి అన్నారు. అలాగే పోలీస్ నోటీసు కూడా ఇందులో షేర్ చేశారు. ఈ పోలీస్ నోటీసులో, “17వ తేదీ నుండి 19వ తేదీ వరకు జరుగుతున్న రాజమండ్రి నందు జరగబోవు చలో సోలిడారిటీ టు నారా భువనేశ్వరి అట్ సెంట్రల్ ప్రిజన్ కార్యక్రమానికి ఎటువంటి ప్రభుత్వ అనుమతులు లేవు.”

nara bhuvaneswari letter on police notice

“కావున మీరు టిడిపి పార్టీ కార్యకర్త అయినందున 17వ తేదీ నుండి 19వ తేదీ వరకు జరుగు రాజమండ్రి నందు జరగబోవు చలో సోలిడారిటీ టు నారా భువనేశ్వరి అట్ సెంట్రల్ ప్రిజన్ జరగబోవు చలో రాజమండ్రి కార్యక్రమానికి వెళ్లడానికి వీలు లేదు. అందుకు విరుద్ధంగా మీరు ప్రవర్తించిన ఎడల అట్టి వారిపై పోలీసు వారు తీసుకునే చట్టపరమైన చర్యలకు అర్హులవుతారు అని తెలియజేయడమైనది.” అని ఆ నోటీసులో ఉంది. ఇదే విషయాన్ని నారా భువనేశ్వరి సోషల్ మీడియా వేదికగా షేర్ చేశారు.

ALSO READ : నాని “హాయ్ నాన్న” టీజర్‌లో… మైనస్ అయిన విషయం ఇదేనా..?

NewsPolitics

BIG BREAKING: చంద్రబాబు స్కిల్ డెవలప్‌మెంట్ కేసులో అప్‌డేట్ ఇదే…

by Mohana Priya
written by Mohana Priya

తెలుగుదేశం పార్టీ అధినేత చంద్రబాబు నాయుడు దాఖలు చేసిన బెయిల్ పిటిషన్ మీద విచారణను ఆంధ్రప్రదేశ్ హైకోర్టు ఈనెల 19 వ తేదీకి వాయిదా వేసింది. అయితే మంగళవారం నాడు ఈ కేసులో బెయిల్ కోరుతూ చంద్రబాబు లాయర్లు పిటిషన్ దాఖలు చేశారు.

ఈ పిటిషన్ మీద విచారణ మొదలు అయిన తర్వాత తమకు సమయం కావాలి అని చంద్రబాబు లాయర్లు ఏపీ హైకోర్టుని కోరారు. దీంతో ఈ పిటిషన్ మీద విచారణని ఏపీ హైకోర్టు వాయిదా వేసింది. బెయిల్ పిటిషన్ ని ఏసీబీ కోర్టు కొట్టి వేసింది.

సెప్టెంబర్ 14 వ తేదీన పిటిషన్ దాఖలు చేసిన తర్వాత ఈ నెల 9 వ తేదీన పిటిషన్ కొట్టివేసింది. ఈ కారణంతో ఏపీ హై కోర్టులో చంద్రబాబు నాయుడు లాయర్లు ఈ నెల 12 వ తేదీన బెయిల్ పిటిషన్ దాఖలు చేశారు. దాంతో ఈ నెల 12 వ తేదీన ఏపీ సిఐడి న్యాయవాదులు ఈ పిటిషన్ మీద విచారణ కోసం సమయం కోరారు. దాంతో విచారణని ఇవాల్టికి వాయిదా వేశారు. ఇవాళ కూడా సమయం కోరడంతో విచారణని 19 వ తేదీకి వాయిదా వేసినట్టు తెలుస్తోంది.

ALSO READ : జగన్ ప్రభుత్వం మీద కేసీఆర్ ప్రశంసల వర్షం..! ఏం అన్నారంటే..?

NewsPolitics

జగన్ ప్రభుత్వం మీద కేసీఆర్ ప్రశంసల వర్షం..! ఏం అన్నారంటే..?

by Harika
written by Harika

తెలంగాణలో ఎలెక్షన్స్ హడావుడి ప్రారంభం అయ్యింది. రాజకీయ పార్టీలన్ని ఎన్నికలకు సిద్ధం అవుతున్నాయి.  బీఆర్ఎస్ పార్టీ తమ అభ్యర్థులను ప్రకటించింది. సీఎం కేసీఆర్ హుస్నాబాద్ మీటింగ్ తో ఎలెక్షన్ల శంఖారావం పూరించారు. తాజాగా ఎన్నికల మేనిఫెస్టోను కూడా రిలీజ్ చేశారు.

సీఎం కేసీఆర్ మేనిఫెస్టోలోని హామీలను ప్రకటిస్తూ, ఆంధ్రప్రదేశ్‌లో వైసీపీ గవర్నమెంట్ పై ప్రశంసలు కురిపించారు. ఏపీ గవర్నమెంట్ అమలు చేస్తున్నఒక పథకం గురించి చెబుతూ అభినందించారు. ఆ వివరాలను ఇప్పుడు చూద్దాం..
తెలంగాణలో నవంబర్ 30న జరగనున్న అసెంబ్లీ ఎలెక్షన్స్ కోసం సీఎం కేసీఆర్ బీఆర్ఎస్ పార్టీ మేనిఫెస్టోను ప్రకటించారు. ఈ మేనిఫెస్టోలోని హామీలలో ఒకటైన ఆసరా పెన్షన్‌ను కూడా పెంచుతున్నట్టు ప్రకటించారు. రూ. 2016 గా ఉన్న పెన్షన్‌ను ఐదు వేలకు పెంచుతామని అన్నారు. అధికారంలోకి వచ్చిన వెంటనే 3000కు పెంచుతామని, ఆ తరువాత ఏడాది ఐదు వందల చొప్పున పెంచుకుంటూ, చివరి ఏడాది వచ్చే వరకు ఐదు వేలు ఇస్తామని కేసీఆర్ స్పష్టం చేశారు.
కేసీఆర్ మాట్లాడుతూ, ఇదే విధానాన్ని ఆంధ్రప్రదేశ్ లో జగన్ ప్రభుత్వం ఇప్పటికే విజయవంతంగా అమలు చేస్తోందని తెలిపారు. ఏపీ ముఖ్యమంత్రి జగన్ పింఛన్ పథకాన్ని సక్సెస్ ఫుల్ గా అమలు చేస్తున్నారని ప్రశంసించారు. తాము ప్రకటించినపుడే, 2 వేల పింఛన్‌ను ప్రకటించి, సంవత్సరానికి 500 చొప్పున పింఛన్‌ను పెంచుతూ, ప్రస్తుతం మూడు వేలు ఇస్తున్నారని వెల్లడించారు.
ఈ పథకాన్ని విజయవంతంగా ఏపీ ప్రభుత్వం అమలు చేసిందని, తాము కూడా అదే పద్ధతిలో ఈ పథకాన్ని అమలు చేస్తామని సీఎం కేసీఆర్ అన్నారు.తమ పథకాల అమలులో దేశానికి తెలంగాణే ఆదర్శంగా నిలిచిందని ప్రతిసారి చెప్పే ముఖ్యమంత్రి కేసీఆర్, తానే స్వయంగా, ఏపీ గవర్నమెంట్ ని ప్రశంసించడం ప్రస్తుతం హాట్ టాపిక్ గా మారింది. సీఎం కేసీఆర్ ఏపీ ముఖ్యమంత్రి  వైఎస్ జగన్ ని ఫాలో కానున్నట్టుగా కూడా ప్రకటించారని తెలుస్తోంది.

Also Read: ఫైబర్‌నెట్‌ కేసులో చంద్రబాబును అప్పటివరకు అరెస్టు చేయొద్దు.. సుప్రీంకోర్టు..!

Filmy AddaPoliticsViral

“ఇప్పటికి కూడా మాట్లాడకపోతే నా బ్రతుకు ఎందుకు..?” అంటూ… “బండ్ల గణేష్” కామెంట్స్..! వీడియోలో ఏం అన్నారంటే..?

by Harika
written by Harika

ఇటీవల జనసేన అధినేత పవన్ కళ్యాణ్ పెళ్లిళ్ల పైన ఏపీ ముఖ్యమంత్రి వైఎస్ జగన్ విమర్శలు చేసిన విషయం తెలిసిందే. అయితే  ఇంతకుముందు కూడా మూడు పెళ్లిళ్ల విమర్శలు చేసిన విషయం తెలిసిందే. పలువురు నాయకులు కూడా పవన్ కళ్యాణ్ పెళ్లిళ్ల మీద విమర్శలు చేశారు.

తాజాగా ఈ విషయం పై ప్రముఖ నిర్మాత బండ్ల గణేష్ స్పందించారు. పవన్ కళ్యాణ్‌ను విమర్శించడానికి వేరే కారణం లేనందువల్లే పదే పదే ఆయన పెళ్లిళ్ల పై, భార్యల పై కామెంట్లు చేస్తున్నారు అంటూ వీడియో ద్వారా స్పందించారు. ఆ వివరాలు ఇప్పుడు చూద్దాం..
బండ్ల గణేశ్‌ గురించి ప్రత్యేకంగా చెప్పాల్సిన అవసరంలేదు. నటుడిగా, నిర్మాతగా టాలీవుడ్ లో ప్రత్యేకమైన గుర్తింపును సంపాదించుకున్నారు. రాజకీయాల్లో కూడా అడుగుపెట్టారు. అయితే బండ్ల గణేశ్‌ పవర్‌ స్టార్‌ పవన్‌ కల్యాణ్‌ ను దైవంగా భావిస్తారు. ఆ విషయాన్ని పలు ఈవెంట్స్ లో ఆయన చెప్పిన విషయం తెలిసిందే. ఈ నేపథ్యంలో బండ్ల గణేశ్‌ తాజాగా వార్తల్లో నిలిచారు. జనసేన అధినేత పవన్ కళ్యాణ్ పెళ్ళిళ్ళ గురించి ఏపీ ముఖ్యమంత్రి జగన్‌ చేసిన విమర్శల పై స్పందిస్తూ సోషల్ మీడియా ఎక్స్ లో వీడియోని పోస్ట్ చేశారు.
ఆ వీడియోలో ” నమస్కారం, నిన్నటి నుంచి మనసులో ఒకటే వేదన, ఒకటే బాధ, ఇప్పుడు కూడా నేను మాట్లాడకపోతే, నా బతుకు ఎందుకా? అని నాకే అనిపిస్తుంది. చిరాకు వేస్తోంది. నిన్న గౌరవ ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి గారు నాకు ఇష్టుడు, దైవసమానులు అయిన పవన్ కళ్యాణ్ గారి గురించి చాలా అభ్యంతరకరమైన మాటలు మాట్లాడారు. సార్ మీరు పెద్ద హోదాలో ఉన్నారు. భగవంతుడు మీకు అద్భుతమైన హోదాను ఇచ్చారు. కానీ, పవన్ కళ్యాణ్ గారి వ్యక్తిత్వం గురించి నేను, మీకు చెప్తాను.
నాకు తెలిసిన పవన్ కళ్యాణ్ గారు, దశాబ్దాల పాటు ఆయనతో తిరుగుతున్నాను. ఆయన చాలా నిజాయితీపరుడు, నీతివంతుడు. ఎవరు కష్టాల్లో ఉన్నా, ఆ కష్టం నాదే అని ముందుకెళ్ళే వ్యక్తి, భోళా మనిషి. ఆయన వ్యక్తిగత జీవితం గురించి మీరు మాట్లాడుతున్నారు. జీవితంలో కొందరికి కొన్ని చేదు సంఘటనలు జరుగుతాయి. అది కూడా ఆయన ప్రమేయం లేకుండా జరిగినవే, అని నేను భావిస్తున్నాను. ఉరికురికే అదొక్కటే రీజన్, మరొకటి లేదా, పదే పదే అదే విషయం మాట్లాడటం, చాలా బాధ పడుతూ చెప్తున్నాను. మీకు విన్నవిస్తున్నాను.
పవన్ కళ్యాణ్ సమాజం కోసం ఉపయోగపడే మనిషి. దేశం కోసం బతుకుతున్న మనిషి. ఏ రోజు స్వార్ధంతో కానీ, స్వలాభంతో కానీ ఏ పని చేయడు, అలా మాట్లాడటం కానీ, ఆయన మాటల్లో, చేతల్లో కానీ చూడలేదు. హాయిగా షూటింగ్‌లు చేసుకుంటూ, సూపర్ స్టార్‌ హోదాను అనుభవిస్తూ, హాయిగా బ్రతకండి అని చెబుతూండేవాన్ని.వెయ్యేళ్లు బ్రతుకుతామా, మనం పోయినా కూడా జనం మనల్ని గుర్తుపెట్టుకోవాలని, జనానికి ఏదైనా చేయాలని అనేవారు. ఆయన ఆలోచనలన్నిటిని నీతిగా, నిజాయితీగా అడుగాడుగు పేర్చుకుంటూ, భరిస్తూ, సహిస్తూ తలవంచుకుని జనం కోసం బ్రతకాలని, రాత్రిపగలు కష్టపడుతున్నాడు.
నిస్వార్ధంగా కష్టపడుతున్నాడు. రాత్రిపగలు షూటింగ్స్ చేసి ఆయన సంపాదించిన డబ్బుని పార్టీకి ఖర్చు పెడుతున్నాడు. ఎవరి దగ్గరా, ఏ విధంగా ఒక్క రూపాయి కూడా తీసుకోకుండా, పార్టీని నడుపుతున్న మహానుభావుడు. దయచేసి, ఒక్కసారి ఆలోచించండి. పవన్ కళ్యాణ్ వ్యక్తిత్వం ఏమిటో నాకు తెలుసు కాబట్టి చెబుతున్నాను. ఎవరికి ఏ కష్టం వచ్చినా, కష్టంలో ఉన్నా అంటే సహాయం చేస్తాడు. ఆయనకు లేనిది ఒకటే కులాభిమానం. భారతీయులంతా ఒక్కటే, మనం మనుషులం, మనుషులుగానే బ్రతకాలని చెప్పేవారు.
ఆయనకు గాని  కుల పిచ్చి ఉంటే నన్ను ఆదరించేవాడా? నాకీ హోదా ఇచ్చేవాడా? నేను అనుభవిస్తున్న ఈ స్టేటస్ మొత్తం ఆయన పెట్టిన భిక్షే. మీ అందరికీ చేతులెత్తి నమస్కరిస్తున్నా, దయచేసి, తెలిసి తెలియకుండా, పవన్ కళ్యాణ్ లాంటి మంచి వ్యక్తిని, మనసున్న వ్యక్తి పై అభాండాలు వేయకండి. నేను జనసేన వ్యక్తిని కాదు, కార్యకర్తని కాదు. పవన్ కళ్యాణ్ అభిమానిని, పవన్ కళ్యాణ్ నిర్మాతని, పవన్ కళ్యాణ్ మనిషిని” అంటూ ప్రొడ్యూసర్ బండ్ల గణేష్ చెప్పుకొచ్చారు. ఈ  వీడియో సోషల్ మీడియాలో వైరల్ అవుతోంది.

watch video : 

Also Read: “బాలకృష్ణ” తో జత కట్టిన ఈ 13 మంది హీరోయిన్స్ కి… బాలకృష్ణకి మధ్య ఎంత ఏజ్ గ్యాప్ ఉందో తెలుసా..?

Politics

“ఇంకా బరువు తగ్గితే కిడ్నీలకి ప్రమాదం..!” అంటూ… “చంద్రబాబు నాయుడు” భార్య భువనేశ్వరి కామెంట్స్..! ఈ పోస్ట్ లో ఏం ఉందంటే..?

by Mohana Priya
written by Mohana Priya

చంద్రబాబు నాయుడు విషయంలో వాడి వేడిగా చర్చ జరుగుతోంది. లాయర్లు వాదించడం, వారి పాయింట్ ని జడ్జి ముందు పెట్టడం, విచారణ, వాయిదా ఇవన్నీ అవుతూనే ఉన్నాయి. ఇన్ని జరిగాక చంద్రబాబు నాయుడుకి ఇప్పుడు యాంటిసిపేటరీ బెయిల్ వచ్చింది.

అయితే చంద్రబాబు నాయుడు భార్య నారా భువనేశ్వరి చంద్రబాబు నాయుడు ఆరోగ్యం పట్ల ఆందోళన వ్యక్తం చేశారు. సోషల్ మీడియా వేదికగా ఈ విషయం గురించి నారా భువనేశ్వరి మాట్లాడుతూ ఈ విధంగా చెప్పారు.

nara bhuvaneswari post on chandrababu naidu health

ఈ విషయంపై భువనేశ్వరి మాట్లాడుతూ ” నా భర్త ఆరోగ్యం గురించి నాకు చాలా ఆందోళనగా ఉంది. వైద్యులు జైలులో నా భర్తకి సకాలంలో వైద్యం అందించట్లేదు. ఆంధ్రప్రదేశ్ ప్రభుత్వం నా భర్తకి సరైన వైద్యం అందించడంలో విఫలం అయిన కారణంగా నాకు ఆందోళనగా ఉంది. ఆయన ఇప్పటికే ఐదు కేజీల బరువు తగ్గారు. ఇంకా బరువు తగ్గితే ఆయన కిడ్నీలకి ఇబ్బంది కలుగుతుంది.”

nara bhuvaneswari post on chandrababu naidu health

“ఓవర్ హెడ్ వాటర్ ట్యాంకులు అపరిశుభ్రంగా ఉన్నాయి. దాంతో నా భర్త ఆరోగ్యానికి తీవ్ర ముప్పు వాటిల్లుతోంది. ఇవన్నీ నా భర్త జీవితానికి ఇంకా సమస్య అని కలిగిస్తున్నాయి” అంటూ రాశారు. ఇదే విషయాన్ని సోషల్ మీడియాలో పోస్ట్ చేశారు. చంద్రబాబు నాయుడు అరెస్ట్ అయిన తర్వాత కూడా భువనేశ్వరి విజయవాడ కనకదుర్గమ్మని దర్శించుకున్నారు.

nara bhuvaneswari post on chandrababu naidu health

తన బాధలు చెప్పుకోవడానికి వచ్చాను అని చెప్పారు. చంద్రబాబు అరెస్ట్ కి వ్యతిరేకంగా భువనేశ్వరి పోరాడుతూనే ఉన్నారు. భువనేశ్వరి తో పాటు, చంద్రబాబు కోడలు, లోకేష్ భార్య బ్రాహ్మణి కూడా ఈ విషయంపై మాట్లాడి అసంతృప్తిని వ్యక్తం చేస్తున్నారు. ఎవరు ఎన్ని చేసినా కూడా న్యాయమే గెలుస్తుంది అని అంటున్నారు.

ALSO READ : టికెట్ లేకుండా “వందే భారత్ ఎక్స్‌ప్రెస్” ఎక్కిన పోలీస్..! కానీ ఆ తరువాత ఏం జరిగిందంటే..?

Filmy AddaPoliticsViral

“బిజీగా ఉండడమే కారణం ఏమో..!” అంటూ… “ఎన్టీఆర్- చంద్రబాబు” విషయంపై రాజీవ్ కనకాల కామెంట్స్..! ఏం అన్నారంటే..?

by Harika
written by Harika

టీడీపీ అధినేత, మాజీ ముఖ్యమంత్రి చంద్రబాబు నాయుడు అరెస్ట్ ఆంధ్రప్రదేశ్ రాజకీయాల్లో సంచలనం సృష్టించిన విషయం తెలిసిందే. స్కిల్ డెవలప్‌మెంట్ స్కామ్ కేసులో అరెస్టయిన చంద్రబాబు రాజమండ్రి జైలులో ఉన్నారు. నెలరోజులు దాటినా కూడా చంద్రబాబుకు బెయిల్‌ దొరకకపోవడంతో టీడీపీ నేతలు పోరు బాట పట్టారు.

చంద్రబాబు అరెస్ట్‌ పై నందమూరి ఫ్యామిలీకి చెందిన వారంతా స్పందించినా జూనియర్ ఎన్టీఆర్‌ మాత్రం ఇప్పటివరకు స్పందించలేదు. ఈ విషయం పైన ఎన్టీఆర్‌ రెస్పాండ్ కాకపోవడానికి బహుశా ఇదే కారణం ఏమో అని  యాక్టర్ రాజీవ్‌ కనకాల అన్నారు. ఆ వివరాలు ఇప్పుడు చూద్దాం..
టీడీపీ అధినేత, మాజీ ముఖ్యమంత్రి చంద్రబాబు నాయుడును అరెస్ట్ చేసిన రోజు నుండి ఆంధ్రప్రదేశ్ వ్యాప్తంగా నిరసనలు జరుగుతున్న సంగతి తెలిసిందే. చంద్రబాబు అరెస్ట్‌ను ఐటీ ఉద్యోగులు దగ్గర నుండి ఇతర రాజకీయ పార్టీలకు చెందిన నాయకులు కూడా ఖండిస్తూ వచ్చారు. నందమూరి కుటుంభ సభ్యులు కూడా స్పందించారు. అయితే ఈ విషయం పై ఆ కుటుంబంలోని జూనియర్‌ ఎన్టీఆర్‌ నుంచి ఎటువంటి స్పందన రాకవపోవడం అనేది  అందరినీ ఆశ్చర్యపరిచింది.
ఒకప్పుడు తెలుగుదేశం పార్టీ తరుపున ప్రచారం చేసిన తారక్, కొంతకాలం నుండి పార్టీకి దూరంగా వ్యవహరిస్తున్నారు. ఈ క్రమంలోనే చంద్రబాబు అరెస్ట్‌పై ఎలాంటి ప్రకటన చేయలేదని అంటున్నారు. జూనియర్‌ ఎన్టీఆర్‌ మౌనంగా ఉండడం పై  పార్టీ నాయకుల నుండి విమర్శలు వెల్లువెత్తుతున్నాయి. కొందరు ఎన్టీఆర్ కి మద్ధతుగా మాట్లాడుతున్నారు. తాజాగా ఈ  విషయం పై జూనియర్‌ ఎన్టీఆర్‌ ఫ్రెండ్ రాజీవ్‌ కనకాల స్పందించారు. చంద్రబాబు అరెస్ట్ పై ఎన్టీఆర్‌ సైలెంట్ గా ఉండడం గురించి అడుగగా, రాజీవ్‌ కనకాల మాట్లాడుతూ, “ఎన్టీఆర్‌ స్పందించకపోవడానికి రీజన్  సినిమాలతో బిజీగా ఉండడమే కారణం” అని తాను అనుకుంటున్నట్లుగా తెలిపారు. “ఆర్ఆర్ఆర్ మూవీ, ఆ తరువాత కరోనా, ఈ విరామంలో ఎన్టీఆర్‌ కనీసం 4 చిత్రాలు అయినా చేసేవారు. ప్రస్తుతం ఎన్టీఆర్‌ దేవర మూవీలో నటిస్తున్నారు. చాలా ప్రతిష్టాత్మకంగా రూపొందుతున్న ఈ మూవీ మీద దృష్టి పెట్టారని, పూర్తి సమయాన్ని దేవర కోసం  కేటాయిస్తున్నారు. ఇటువంటి పరిస్థితుల్లో ఎన్టీఆర్‌ దృష్టి మొత్తం చిత్రాలపైనే పెట్టాలని అనుకుని ఉండొచ్చని తాను  భావిస్తున్నట్టు” గా రాజీవ్‌ కనకాల తెలిపారు.

watch video:

Also Read: చంద్రబాబు క్వాష్ పిటిషన్‌ పై సుప్రీంకోర్టులో వినిపించిన వాదనలు ఏమిటంటే..?

Filmy AddaNewsPolitics

“రజాకార్” సినిమాని ఎందుకు నిషేధించాలి అంటున్నారు..? అసలు ఏం ఉంది ఇందులో..?

by Harika
written by Harika

‘రజాకార్’ మూవీ టీజర్ గత నెలలో రిలీజ్ అయ్యింది. ఈ టీజర్ లో హైదరాబాద్ సంస్థానంలో రజాకర్లు చేసిన దారుణాల గురించి చూపించారు. ఈ టీజర్ పై నెటిజన్లు, రాజకీయ పార్టీలు, మత పెద్దలు తీవ్ర అభ్యంతరం తెలుపుతున్నారు. ఈ విషయం పై మంత్రి కేటీఆర్ కూడా స్పందించారు.

ఈ టీజర్ తెలంగాణలో పాలిటిక్స్ లో దుమారం రేపుతోంది. సీపీఎం పార్టీ నాయకులు రిలీజ్ కాబోతున్న రజాకార్ మూవీని తెలంగాణ ప్రభుత్వం బ్యాన్ చేయాలని డిమాండ్ చేశారు. అసలు ఈ సినిమా ఏమిటి ? ఎందుకు దీన్ని నిషేధించాలి అంటున్నారో ఇప్పుడు చూద్దాం..

రజాకార్ సినిమాను యాటా సత్యనారాయణ తెరకెక్కిస్తుండగా, బిజీపీ నేత గూడూరు నారాయణ రెడ్డి ఈ చిత్రాన్ని నిర్మిస్తున్నారు. తెలంగాణలో ఎలెక్షన్స్ దగ్గర పడుతున్న వేళ ఈ చిత్రం కొత్త వివాదాన్ని తెరపైకి తెచ్చిందని అంటున్నారు. 1947లో దేశానికి స్వాతంత్ర్యం వచ్చినా, హైదరాబాద్‌కు రాలేదంటూ ఈ టీజర్ ప్రారంభం అయ్యింది. హైదరాబాద్ సంస్థానంలో రజాకర్లు హిందువులను ఇస్లాంలోకి మార్పించి, ముస్లిం రాజ్యంగా చేయాలనే ఉద్దేశ్యంతో చేసిన దారుణాలను, అరాచకాలను తెరకెక్కించినట్టుగా చూపించారు.
ఈ టీజర్ చూసిన మత పెద్దలు, నెటిజన్లు, రాజకీయ పార్టీలు అభ్యంతరం వ్యక్తం చేశారు. ఈ టీజర్ మొత్తంలో రజాకార్ల పేరుతో ముస్లింలనే లక్ష్యంగా చేస్తూ, వారిని చెడ్డగా చూపించేందుకు ప్రయత్నం చేశారని అంటున్నారు.చరిత్రను వక్రీకరించి కొందరు ఈ మూవీని తీశార‌ని ఆరోపిస్తున్నారు. ఈ విషయం పై మంత్రి కేటీఆర్ ట్వీట్ చేశారు. స్వార్థ రాజకీయా ప్రయోజనాల కోసం, తెలంగాణలో మత విద్వేషాలు రెచ్చగొట్టాలని చూస్తున్నారని కేటీఆర్ అన్నారు.
సీపీఎం పార్టీ లీడర్లు మత విద్వేషాలు రెచ్చగొట్టేలా బీజేపీ లీడర్ల సారథ్యంలో రిలీజ్ కాబోతున్న ఈ  సినిమాని బ్యాన్ చేయాలని ప్రభుత్వాన్ని డిమాండ్ చేశారు. పేదలు మరియు భూస్వాముల మధ్య జరిగిన సాయుధ పోరాటానికి, కొందరు కులం, మతం రంగును అద్దుతున్నారని, ఎలక్షన్స్ సమయంలో ఇలాంటి చిత్రాలు రిలీజ్ అయితే ప్రశాంతంగా ఉన్న ప్రజల మధ్య  విభేదాలు ఏర్పడతాయని, అందుకే ఈ చిత్రాన్ని నిషేధించాలని డిమాండ్ చేశారు.

Also Read: జనసేన పార్టీకి “కేతంరెడ్డి వినోద్ రెడ్డి” ఎందుకు రాజీనామా చేశారు..? లెటర్ లో ఏం ఉందంటే..?

 

 

Filmy AddaPolitics

జనసేన పార్టీకి “కేతంరెడ్డి వినోద్ రెడ్డి” ఎందుకు రాజీనామా చేశారు..? లెటర్ లో ఏం ఉందంటే..?

by Mohana Priya
written by Mohana Priya

నెల్లూరు సిటీ ఇంఛార్జ్ అయిన కేతంరెడ్డి వినోద్ రెడ్డి జనసేన పార్టీకి రాజీనామా చేశారు. ఈ నేపథ్యంలో ఒక లేఖ కూడా విడుదల చేశారు. తన రాజీనామా లేఖని అధిష్టానానికి పంపారు. వినోద్ రెడ్డి త్వరలోనే వైఎస్ఆర్సిపి పార్టీలో చేరబోతున్నారు. వినోద్ రెడ్డి రాజీనామా లేఖలో ఈ విధంగా పేర్కొన్నారు.

“కేతంరెడ్డి వినోద్ రెడ్డి
తేదీ: 12-10-2023
జనసేన పార్టీకి రాజీనామా

kethamreddy vinod reddy resignation letter to janasena party

2003లో విద్యార్థి నేతగా జాతీయ కాంగ్రెస్ పార్టీతో మొదలైన నా రాజకీయ ప్రయాణంలో కాంగ్రెస్ పార్టీ రాష్ట్ర యూత్ కాంగ్రెస్ అధ్యక్షులు స్థాయి వరకు ఎదిగేలా అనేక అవకాశాలు కల్పించింది. ఆ ప్రయాణంలో దివంగత నేత మా గురువు గారు ఆనం వివేకానందరెడ్డి గారు నాకు అందించిన తోడ్పాటు, రాజకీయ జ్ఞానం మరువలేనిది. వారికి జీవితాంతం నేను కృతజ్ఞుడిని.

kethamreddy vinod reddy resignation letter to janasena party

రాష్ట్ర విభజన అనంతరం ఏర్పడిన పరిస్థితుల కారణంగా రాష్ట్రంలో కాంగ్రెస్ పార్టీ కనుమరుగైన పరిస్థితుల్లో, యువతకు ప్రాధాన్యత కల్పిస్తానన్న జనసేన పార్టీ అధ్యక్షులు పవన్ కళ్యాణ్ గారి ప్రసంగాల పట్ల ఆకర్షితుడినై నేను జనసేన పార్టీలో చేరాను. పార్టీలో చేరిన నాటి నుండి నేను ఒక నిబద్ధత గల జనసైనికునిగా పనిచేస్తూ జనసేన పార్టీని ప్రజల్లోకి తీసుకెళ్ళాను.

kethamreddy vinod reddy resignation letter to janasena party

 

నెల్లూరు సిటీలో అప్పటివరకు నేను చేసిన అనేక కార్యక్రమాలను, గతంలో సేవ్ నెల్లూరు అంటూ ప్రజాసమస్యలపై పోరాడిన విధానం వంటి అనేక అంశాలను గుర్తించి పవన్ కళ్యాణ్ గారు 2019 ఎన్నికల్లో నెల్లూరు సిటీ ఎమ్మెల్యే అభ్యర్థిగా పోటీ చేసే అవకాశాన్ని కల్పించారు. ఆనాడు వారు నాపై ఉంచిన నమ్మకానికి కృతజ్ఞుడను.

kethamreddy vinod reddy resignation letter to janasena party

2019 ఎన్నికల్లో ఓడిన నాటి నుండి నేటి వరకు నేను ఏనాడూ ఆత్మవిశ్వాసాన్ని కోల్పోలేదు. పవన్ కళ్యాణ్ గారి పార్టీ అభివృద్ధి కోసం నిత్యశ్రామికుడిలా కృషి చేశాను. నేను పోటీ చేసిన నియోజకవర్గంలో పార్టీ పరంగా అంతర్గతంగా నేను ఎన్ని ఇబ్బందులు పడుతున్నా, పార్టీలో నాకు ఎటువంటి పదవులు ఇవ్వకుండా, పార్టీ కార్యక్రమాలకు పిలవకుండా, నాకు తగిన విలువ ఇవ్వకుండా నేను ఎన్ని అవమానాలు ఎదుర్కొంటున్నా పంటి బిగువున భరించాను, ఓ సందర్భంలో పవన్ కళ్యాణ్ గారి ఎదుటే కన్నీటిపర్యంతం అయ్యాను తప్పించి ఏనాడూ కూడా మరో వేదికలో పంచుకోలేదు.

kethamreddy vinod reddy resignation letter to janasena party

పవన్ కళ్యాణ్ గారు ముఖ్యమంత్రి అయితే, ఆయనతో నేనుంటే, ప్రజలకు మరింతగా సేవ చేయగలిగే అవకాశం వస్తుందనే నేను ఎల్లప్పుడూ భావించాను. అందుకే “కాబోయే సీఎం పవన్ కళ్యాణ్” అనే సింగిల్ పాయింట్ ఎజండాతో నేను 316 రోజుల పాటు నా నియోజకవర్గంలో ఒక్క ఇల్లు కూడా మిస్ కాకుండా “పవనన్న ప్రజాబాట” చేశాను. అంతే తప్పించి 2019 నుండి నేటి వరకు ఏనాడూ కూడా నేను వచ్చే ఎన్నికల్లో సీటు గురించి ఆలోచించలేదు. పార్టీ పెద్దలు ఎవ్వర్ని కూడా టికెట్ ఆశిస్తున్నట్టు ఏనాడూ కలవలేదు.

kethamreddy vinod reddy resignation letter to janasena party

మూడు నెలల క్రితమే నెల్లూరు సిటీ నియోజకవర్గానికి సంబంధించి తెలుగుదేశం పార్టీ మాజీమంత్రి నారాయణ గారిని అభ్యర్థిగా ప్రకటించింది. అప్పటికి మన పార్టీకి, టీడీపీకి పొత్తు లేదు. అయినప్పటికీ పార్టీలోని పెద్దలు పలువురు నన్ను పిలిచి వచ్చే ఎన్నికల్లో సీటుని ఆశించవద్దు, అక్కడ టీడీపీ తరఫున నారాయణ గారు పోటీ చేస్తున్నారు, మనం ఆయనకు పని చేయాలి అని తెలిపారు.

నేను 2016లో సేవ్ నెల్లూరు అంటూ పోరాటం చేసిందే ఈ నారాయణ గారి అ-క్ర-మా-ల మీద అని, 2019 ఎన్నికల్లో ప్రత్యర్థిగా నారాయణ గారి అక్రమాల మీద బలంగా గళం వినిపించానని, అయినప్పటికీ పార్టీ నిర్ణయమే శిరోధార్యమని, నేను సీటుని ఆశించట్లేదని వారితో తెలిపాను. అయినప్పటికీ పార్టీలో నాకంటూ గౌరవం లేకుండా, నేను భరోసా కల్పించిన ప్రజలకు నమ్మకం పోగొట్టేలా, పార్టీలోని పెద్దలు పలువురు నిత్యం అదేపనిగా కృషి చేస్తున్నారు.

kethamreddy vinod reddy resignation letter to janasena party

రాజకీయాల్లో హ-త్య-లుం-డ-వు, కేవలం ఆ-త్మ-హ-త్య-లే ఉంటాయి. ఇన్ని రోజులు పార్టీలో నాకు ఎన్ని అవమానాలు జరిగినా ఆత్మాభిమానాన్ని చం-పు-కు-ని పని చేసానంటే కేవలం పవన్ కళ్యాణ్ గారు ఉన్నారు, ఆయన తప్పక ముఖ్యమంత్రి అవుతారు అని నేను నమ్మిన ఒకే ఒక నమ్మకంతోనే. కాని నేడు మారిన పరిస్థితుల నేపథ్యంలో అవమానాలను భరిస్తూ ఉండలేను. నా ఓర్పు, సహనం నశించింది. నా మనస్సు చ-చ్చి-పో-యిం-ది. పని చేసినన్ని రోజులు నీతి, నిబద్ధతతో జనసేన పార్టీ కోసం పని చేశాను. ఇప్పుడు మనస్సులో వేరేది పెట్టుకుని పనిచేయలేను. అలా చేస్తే అది రాజకీయంగా నా ఆ-త్మ-హ-త్యా-స-దృ-శ్య-మే.

అందుకే అన్ని కోణాల్లో అలోచించి, నాతో కలిసి పనిచేసిన అనేక మంది కార్యకర్తలతో చర్చించి నిర్ణయం తీసుకుని జనసేన పార్టీకి రాజీనామా చేస్తున్నాను. ఇన్నేళ్ళ నా రాజకీయ ప్రయాణంలో నన్ను నమ్మి నాతో ప్రయాణించిన వారికి భరోసాగా నిలవాల్సిన బాధ్యత నాపై ఉంది. అందుకే రాజకీయంగా అవమానాలు లేకుండా నాకు ఔనత్యాన్ని అందిస్తామని, నమ్ముకున్న ప్రజలకు సేవ చేసుకునే అవకాశం కల్పిస్తామని భరోసాగా నిలిచే వారితో నా ప్రయాణం ఉండబోతోంది.

kethamreddy vinod reddy resignation letter to janasena party

రాజకీయంగా నేను ఏ పార్టీలో ఉన్నా కూడా నీతి, నిబద్ధత తప్పను, నన్ను ఆదరించే ప్రజలకు, ఇప్పటివరకు తోడుగా నిలిచిన జనసైనికులకు ఏ కష్టమొచ్చి నా వద్దకు వచ్చినా అందుబాటులో ఉంటాను. జైహింద్.

-కేతంరెడ్డి వినోద్ రెడ్డి”

అని వినోద్ రెడ్డి తన రాజీనామా లేఖని సోషల్ మీడియాలో పోస్ట్ చేశారు. తాను రాజీనామా చేయడానికి గల కారణాన్ని ఇందులో పేర్కొన్నారు.

ALSO READ : వీళ్ళ విషయంలో కూడా జరిగింది అదే కదా..? మరి అప్పుడు ఎందుకు పట్టించుకోలేదు..?

Newer Posts
Older Posts