Movie Reviews

అంబాజీపేట మ్యారేజ్ బ్యాండు సినిమాతో ప్రేక్షకుల ముందుకి వచ్చిన సుహాస్, ఇప్పుడు ప్రసన్న వదనం సినిమాతో పలకరించారు. ఈ సినిమా ఇవాళ విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ప్రసన్న వదనం
• నటీనటులు : సుహాస్, పాయల్ రాధాకృష్ణ, రాశి సింగ్, నందు, నితిన్ ప్రసన్న.
• నిర్మాత : మణికంఠ జె ఎస్, ప్రసాద్ రెడ్డి టి ఆర్
• దర్శకత్వం : అర్జున్ వై కె
• సంగీతం : విజయ్ బుల్గానిన్
• విడుదల తేదీ : మే 3, 2024

స్టోరీ :

సూర్య (సుహాస్) ఆర్జే గా పనిచేస్తూ ఉంటాడు ఒక ప్రమాదంలో తన తల్లిదండ్రులని కోల్పోతాడు. అదే ప్రమాదంలో సూర్య తలకి దెబ్బ తగులుతుంది. ఆ గాయంలో సూర్యకి ఎదుటి వ్యక్తుల ముఖాలను గుర్తుపట్టలేని డిజార్డర్ వస్తుంది. దాన్ని ఫేస్ బ్లైండ్ నెస్ డిసార్డర్ అని అంటారు. ఒకరోజు సూర్య కళ్లెదురుకుండానే అమృత (సాయి శ్వేత) అనే ఒక అమ్మాయిని లారీ కిందకు తోసి చంపేస్తారు.

ముఖాలు సరిగ్గా కనిపించని కారణంగా సూర్య ఆ అమ్మాయిని ఎవరు చంపారు అనే విషయం తెలుసుకోలేకపోతాడు. కానీ ఆ అమ్మాయికి న్యాయం చేయాలి అని అనుకుంటాడు. తర్వాత సూర్య ఏం చేశాడు? అసలు అమృతని ఎవరు చంపారు? అమృతని చంపిన వాళ్ళని సూర్య పట్టుకున్నాడా? సూర్య ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా కాన్సెప్ట్ కొత్తగా అనిపిస్తుంది. తెర మీద కూడా అంతే కొత్తగా సినిమాని ప్రజెంట్ చేశారు. ఫస్ట్ హాఫ్ కాస్త స్లోగా నడుస్తుంది. సూర్య జీవితాన్ని ఇందులో చూపిస్తారు. సూర్య ఒక అమ్మాయిని ప్రేమించడం, కొన్ని కామెడీ సీన్స్ తో ఫస్ట్ హాఫ్ సాగిపోతుంది. ఆ తర్వాత సెకండ్ హాఫ్ లో కథ మొదలవుతుంది. ఫ్లాష్ బ్యాక్ ఎపిసోడ్స్ కూడా చాలా బాగా రాసుకున్నారు. కానీ ఎమోషన్స్ ఇంకా కొంచెం బాగా రాసుకొని ఉంటే బాగుండేది.

ఇంక పర్ఫార్మెన్స్ విషయానికి వస్తే, సుహాస్ డిఫరెంట్ పాత్రలని ఎంచుకుంటున్నారు. ఈ సినిమాలో కూడా అలాంటి ఒక డిఫరెంట్ పాత్ర పోషించారు. తన పాత్రలో సుహాస్ బాగా నటించారు. హీరోయిన్ పాయల్ రాధాకృష్ణ కూడా తనకి ఇచ్చినంత వరకు బాగా చేశారు. మిగిలిన వాళ్ళందరూ కూడా తమ పాత్రలకు న్యాయం చేశారు. విజయ్ బుల్గానిన్ అందించిన పాటలు బాగున్నాయి. ఎస్ చంద్రశేఖరన్ సినిమాటోగ్రఫీ కూడా హైలైట్ గా నిలిచింది. ఫస్ట్ హాఫ్ విషయంలో ఇంకా కొంచెం జాగ్రత్త తీసుకొని ఇంకా బాగుండేది అనిపిస్తుంది.

ప్లస్ పాయింట్స్ :

• కాన్సెప్ట్
• సెకండ్ హాఫ్ లో వచ్చే సీన్స్
• పాత్రలని రాసుకున్న విధానం
• నటీనటుల పర్ఫార్మెన్స్

మైనస్ పాయింట్స్:

• ఫస్ట్ హాఫ్ లో వచ్చే కొన్ని సీన్స్
• సాగదీసినట్టుగా ఉండే కొన్ని ఎపిసోడ్స్

రేటింగ్ :

3/5

ట్యాగ్ లైన్ :

ఎక్స్పెక్టేషన్స్ పెట్టుకొని వెళ్ళినా కూడా ఈ సినిమా నిరాశపరచదు. మంచి కాన్సెప్ట్ ని అంతే బాగా తెర మీద చూపించారు. ఇలాంటి కాన్సెప్ట్ ఉన్న సినిమా ఇప్పటి వరకు రాలేదు. ఇటీవల కాలంలో వచ్చిన మంచి సస్పెన్స్ థ్రిల్లర్ సినిమాల్లో ఒకటిగా ప్రసన్న వదనం సినిమా నిలుస్తుంది.

watch trailer :

ALSO READ : ఓ సాఫ్ట్వేర్ ఉద్యోగితో సమోసాలు అమ్మే కుర్రాడి సంభాషణ ఇది…5 నిముషాలు మాట్లాడే సరికి అతని పరిస్థితి అర్ధమయ్యింది!

అల్లరి నరేష్ అంటే కామెడీ. తన కామెడీ టైమింగ్ తో ఇండస్ట్రీలో గుర్తింపు సంపాదించుకున్న నటుడు అల్లరి నరేష్. అల్లరి నరేష్ కామెడీ మాత్రమే కాదు, అన్ని రకాల నటన చాలా బాగా చేయగలరు. అందుకే ఇటీవల కొన్ని సీరియస్ సినిమాలతో ప్రేక్షకులు ముందుకు వచ్చారు. ఇప్పుడు మళ్లీ తన కామెడీ టైమింగ్ తో నవ్వించడానికి ఆ ఒక్కటి అడక్కు సినిమాతో ప్రేక్షకుల ముందుకు వచ్చారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ఆ ఒక్కటి అడక్కు
• నటీనటులు : అల్లరి నరేష్, ఫారియా అబ్దుల్లా, వెన్నెల కిషోర్, జెమీ లివర్.
• నిర్మాత : రాజీవ్ చిలక
• దర్శకత్వం : మల్లి అంకం
• సంగీతం : గోపీ సుందర్
• విడుదల తేదీ : మే 3, 2024

స్టోరీ :

గణ అలియాస్ గణపతి (అల్లరి నరేష్) ఒక సబ్ రిజిస్టార్ ఆఫీస్ లో ఉద్యోగం చేస్తూ ఉంటాడు. తన తమ్ముడు (రవికృష్ణ)కి వాళ్ళ మేనమామ కూతురు అయిన దేవి (జెమీ లివర్)తో పెళ్లి చేస్తాడు. అలా గణపతి తమ్ముడికి గణపతి కంటే ముందే పెళ్లి జరుగుతుంది. గణపతి వయసు పెరిగిపోతూ ఉంటుంది. దాంతో 50 సంబంధాలు చూసినా కూడా పెళ్లి జరగదు. మ్యాట్రిమోనీ ద్వారా సిద్ధి (ఫారియా అబ్దుల్లా) పరిచయం అవుతుంది. గణపతి సిద్ధితో ప్రేమలో పడతాడు.

కానీ సిద్ధి గణపతికి తాను కరెక్ట్ కాదు అని చెప్పి రిజెక్ట్ చేస్తుంది. అయినా కూడా సిద్ధి, గణపతి స్నేహితులుగా ఉంటారు. ఆ తర్వాత సిద్ధి గురించి ఒక నిజం బయటికి వస్తుంది. అసలు సిద్ధి ఎవరు? తను అలా ఎందుకు చేసింది? నిజంగానే సిద్ధి డబ్బులు దోచుకునే పనులు చేసిందా? గణపతి ఈ విషయాలన్నీ ఎలా పరిష్కరించాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా ట్రైలర్ చూస్తే ఇది ఒక ఎంటర్టైనర్ అని అర్థం అవుతోంది. సినిమా మొత్తం కూడా అలాగే సాగుతుంది. చాలా కాలం క్రితం రాజేంద్రప్రసాద్ గారు హీరోగా, ఈవీవీ సత్యనారాయణ గారి దర్శకత్వంలో ఆ ఒక్కటి అడక్కు అనే సినిమా వచ్చిన సంగతి తెలిసిందే. ఇప్పుడు అదే టైటిల్ తీసుకొని ఈ సినిమా తీశారు. కామెడీ పేరుతోనే ఈ సినిమాలో ఒక మెసేజ్ కూడా చెప్పడానికి ప్రయత్నించారు. సినిమా ట్రైలర్ చూసి సినిమా అంతా కామెడీగా ఉంటుంది అనుకుంటే మాత్రం పొరపాటే అవుతుంది. సినిమాలో ఒక సీరియస్ విషయం మీద కూడా డీల్ చేశారు.

పెళ్ళికాని వారి కష్టాలు ఎలా ఉంటాయి? ఆ కష్టాలని ఈ మ్యాట్రిమోనీ వాళ్లు ఎలా అడ్వాంటేజ్ గా తీసుకుంటారు అనే విషయాలని ఇందులో చూపించారు. ఒకరకంగా చెప్పాలి అంటే సినిమా సీరియస్ విషయం మీద నడుస్తుంది. ఇంక పెర్ఫార్మెన్స్ విషయానికి వస్తే, సినిమాలో ఉన్న వాళ్ళందరూ కూడా చాలా బాగా నటించారు. అల్లరి నరేష్ ని చాలా సంవత్సరాల తర్వాత ఒక కామెడీ పాత్రలో చూడడం బాగా అనిపిస్తుంది. మిగిలిన వాళ్ళందరూ కూడా వారి పాత్రలకు తగ్గట్టు నటించారు. టెక్నికల్ గా కూడా సినిమా బాగుంది. గోపీ సుందర్ అందించిన పాటలు వినడానికి, చూడడానికి బాగున్నాయి. పెళ్లికూతురు పేరుతో ఒక అమ్మాయి చేసే పనులని ఈ సినిమాలు చూపించాలి అని ప్రయత్నించారు.

ఇంత సీరియస్ విషయాన్ని తీసుకున్నప్పుడు ఇంకా టేకింగ్ విషయంలో జాగ్రత్తలు తీసుకొని ఉంటే బాగుండేది ఏమో అనిపిస్తుంది. అట్ టోటల్ కామెడీ వైపు కూడా సినిమా వెళ్లలేదు, ఇటు టోటల్ సీరియస్ విషయం మీద కూడా సినిమా నడవలేదు. రెండిట్లో ఏదో ఒక విషయం మీద ఎక్కువగా శ్రద్ధ పెట్టి ఉంటే సినిమా ఇంకా బాగా వచ్చేది. ఇలాంటి కాన్సెప్ట్ మీద సినిమాలు చాలా తక్కువగా వస్తాయి. అందుకే సీరియస్ గా డైవర్ట్ అవ్వకుండా ఆ ఒక్క విషయం మీద సినిమా నడిచినా కూడా బాగుండేది అనిపిస్తుంది.

ప్లస్ పాయింట్స్ :

• దర్శకుడు ఎంచుకున్న పాయింట్
• కొన్ని కామెడీ సీన్స్
• పాటలు
• నిర్మాణ విలువలు

మైనస్ పాయింట్స్:

• సబ్జెక్ట్ ని డీల్ చేసిన విధానం
• కొన్ని చోట్ల సాగదీసినట్టుగా ఉండే స్క్రీన్ ప్లే

రేటింగ్ :

2.75/5

ట్యాగ్ లైన్ :

ఎక్కువగా ఎక్స్పెక్టేషన్స్ పెట్టుకోకుండా, సినిమా మొత్తం కామెడీ మీద వెళుతుంది అని అనుకోకుండా, అసలు అలాంటి ఒక సీరియస్ విషయాన్ని ఎలా డీల్ చేశారు అని చూడాలి అనుకుంటే, అల్లరి నరేష్ ని ఇలాంటి పాత్రలో చూడడం చాలా రోజులు అయ్యింది కాబట్టి అల్లరి నరేష్ కోసం సినిమా చూడాలి అనుకుంటే మాత్రం ఆ ఒక్కటి అడక్కు సినిమా ఒక్కసారి చూడగలిగే యావరేజ్ ఎంటర్టైనర్ గా నిలుస్తుంది.

watch trailer :

ALSO READ : BAAK MOVIE REVIEW : తమన్నా, రాశి ఖన్నా, ముఖ్య పాత్రల్లో నటించిన ఈ హారర్ సినిమా భయపెట్టిందా..? స్టోరీ, రివ్యూ & రేటింగ్.!

చంద్రకళ సినిమా తర్వాత అదే ఫార్ములాతో వచ్చిన సిరీస్ ఎంత ఫేమస్ అయ్యాయో తెలిసింది. ఈ సినిమా పేర్లు తెలుగులో వేరే వేరేగా ఉంటాయి. కానీ తమిళ్ లో మాత్రం అరణ్మనై పేరుతోనే విడుదల అవుతాయి. ఇదే పేరుతో ఇప్పటికే మూడు సినిమాలు వచ్చాయి. ఇప్పుడు బాక్ పేరుతో నాలుగవ సినిమా రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : బాక్-అరణ్మనై 4
• నటీనటులు : సుందర్ సి, తమన్నా, రాశి ఖన్నా, శ్రీనివాస రెడ్డి, వెన్నెల కిషోర్.
• నిర్మాత : అవని సినిమాక్స్, బెంజ్ మీడియా (ప్రైవేట్) లిమిటెడ్
• దర్శకత్వం : సుందర్ సి
• సంగీతం : హిప్ హాప్ తమిళ
• విడుదల తేదీ : మే 3, 2024

స్టోరీ :

సెల్వి (తమన్నా) ఇంట్లో నుండి పారిపోయి, తను ప్రేమించిన వ్యక్తి (సంతోష్ ప్రతాప్) ని పెళ్లి చేసుకుంటుంది. అడవిలో ఉండే ఒక ఇంట్లో, ఇద్దరు పిల్లలు, భర్తతో సంతోషంగా ఉంటుంది. ఒకరోజు సెల్వి అన్న శరవణన్ (సుందర్ సి) కి సెల్వి చనిపోయినట్టు, తన ప్రాణాలని తనే తీసుకున్నట్టు వార్త వస్తుంది. తన భర్త చనిపోయాడు అని తెలియడంతో సెల్వి ఇలాంటి పని చేసింది అని వాళ్ళకి అర్థం అవుతుంది. దాంతో శరవణన్, తన బంధువు (కోవై సరళ) తో కలిసి సెల్వి ఉండే ఊరికి వెళ్తాడు.

అక్కడికి వెళ్లిన తర్వాత, సెల్వి చనిపోవడానికి కారణం ఇంకా ఏదో ఉంది అని అర్థం అవుతుంది. అక్కడే ఉండే లోకల్ డాక్టర్ మాయ (రాశి ఖన్నా) సహాయంతో శరవణన్ అసలు ఏం జరిగింది అనే విషయాన్ని కనిపెట్టడానికి ప్రయత్నం చేస్తాడు. సెల్వి ఎందుకు చనిపోయింది? తన పిల్లలు ఏమయ్యారు? శరవణన్ అసలు ఏం జరిగింది అనే విషయాన్ని కనిపెట్టగలిగాడా? వాళ్లు ఎలాంటి సంఘటనలు ఎదుర్కొన్నారు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

చంద్రకళ వచ్చి చాలా సంవత్సరాలు అయ్యింది. ఆ తర్వాత అదే ఫార్మేట్ లో చాలా సినిమాలు వచ్చాయి. దాంతో ప్రేక్షకులకి ఇలాంటి సినిమాలు కొత్తగా అనిపించట్లేదు. అందులోనూ ముఖ్యంగా హారర్ కామెడీ సినిమాలు అయితే బోర్ కొట్టేసాయి. ఈ సినిమా కూడా చంద్రకళ, కళావతి, ఆ తర్వాత వచ్చిన అంతపురం సినిమా లాగా సాగుతుంది. ఈ మూడు సినిమాలని తెలుగులో వేరు వేరు పేర్లతో విడుదల చేసినా కూడా తమిళ్ లో అరణ్మనై 1, అరణ్మనై 2, అరణ్మనై 3 సినిమాల పేరుతోనే విడుదల చేశారు.

ఇప్పుడు అరణ్మనై 4 భాగాన్ని తెలుగులో బాక్ పేరుతో విడుదల చేశారు. కమర్షియల్ ఎలిమెంట్స్ ఈ సినిమాలో ఉండేలాగా చూసుకున్నారు. ఈ సినిమాలో ఒక కొత్త కాన్సెప్ట్ ని పరిచయం చేయడానికి ప్రయత్నించారు. బాక్ అంటే ఏంటి అనేదాన్ని ఈ సినిమాలో చూపించాలి అనుకున్నారు. కానీ మధ్యలో మళ్ళీ కమర్షియల్ టెంప్లెట్ కి షిఫ్ట్ అయిపోతుంది. చాలా మంది కామెడియన్స్ వస్తూ ఉంటారు. హారర్ సినిమాలో అసలు కమెడియన్స్ అవసరం ఏంటి అని ఒక సమయంలో అనిపిస్తుంది. బాక్ అనే కాన్సెప్ట్ మీద సినిమా సీరియస్ గా తీసి ఉంటే ఇంకా బాగా అనిపించేది.

ఇంక పెర్ఫార్మెన్స్ విషయానికి వస్తే, తమన్నాకి ఈ సినిమాలో నటనకి ఆస్కారం ఉన్న పాత్ర దొరికింది. తమన్నా బాగా నటించారు. రాశి ఖన్నా తన పాత్ర పరిధి మేరకు నటించారు. పాటలు కూడా సినిమాకి తగ్గట్టు ఉన్నాయి. నిర్మాణ విలువలు బాగున్నాయి. అయితే, సినిమాలో కామెడీ మాత్రం అనవసరంగా పెట్టారు అనిపిస్తుంది. ముందు మూడు భాగాలతో పోలిస్తే ఈ సినిమాలో కాన్సెప్ట్ చాలా బలంగా ఉంటుంది. కానీ దాన్ని ఇంకా బాగా ముందుకు తీసుకెళ్తే సినిమా ఇంకా ఆసక్తికరంగా సాగేది. లాజిక్స్ కూడా చాలా చోట్ల మిస్ అయినట్టు అనిపిస్తాయి. ఈ విషయాల్లో జాగ్రత్త తీసుకొని ఉంటే ఇంకా బాగుండేది అనిపిస్తుంది.

ప్లస్ పాయింట్స్ :

• నటీనటులు
• నిర్మాణ విలువలు
• ఎంచుకున్న కాన్సెప్ట్
• థ్రిల్లింగ్ గా అనిపించే కొన్ని సీన్స్

మైనస్ పాయింట్స్:

• కమర్షియల్ అంశాలని యాడ్ చేయడం
• అనవసరమైన కామెడీ

రేటింగ్ : 

2.5/5

ట్యాగ్ లైన్ :

ముందు మూడు సినిమాలతో పోలిస్తే ఇది బాగున్నా కూడా కాన్సెప్ట్ పరంగా ఇంకా కొంచెం జాగ్రత్త తీసుకొని ఉంటే సినిమా ఆసక్తికరంగా అనిపించేది. ఎక్కువ ఎక్స్పెక్టేషన్స్ పెట్టుకోకుండా, అసలు బాక్ గురించి ఈ సినిమాలో ఏం చూపించారు అని తెలుసుకోవాలి అనుకుంటే బాక్ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

ALSO READ : శివాజీలో నటించిన ఈ ఇద్దరు రియల్ లైఫ్ లో ఎలా ఉన్నారో చూస్తే ఆశ్చర్యపోతారు.!

కొద్ది సంవత్సరాల క్రితం హారర్ కామెడీ జోనర్ లో వచ్చి సూపర్ హిట్ అయిన సినిమా గీతాంజలి. ఇప్పుడు ఈ సినిమాకి సీక్వెల్ గా గీతాంజలి మళ్లీ వచ్చింది సినిమా రూపొందింది. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : గీతాంజలి మళ్లీ వచ్చింది
• నటీనటులు : అంజలి, సత్యం రాజేష్, శ్రీనివాస్ రెడ్డి.
• నిర్మాత : MVV సినిమా, కోన ఫిల్మ్ కార్పొరేషన్
• దర్శకత్వం : శివ తుర్లపాటి
• సంగీతం : ప్రవీణ్ లక్కరాజు
• విడుదల తేదీ : ఏప్రిల్ 11, 2024

స్టోరీ :

శ్రీను (శ్రీనివాస్ రెడ్డి), ఆరుద్ర (షకలక శంకర్), ఆత్రేయ (సత్యం రాజేష్) సినిమా అవకాశాల కోసం కష్టపడుతూ ఉంటారు. అయాన్ (సత్య) హీరో అవుతాను అని కలలు కంటూ ఉంటాడు. తన కల కోసం శ్రీను, ఆరుద్ర, ఆత్రేయకి చాలా డబ్బులు ఖర్చు చేస్తాడు. కానీ తన కల మాత్రం నెరవేరదు. మరొక పక్క, శ్రీనుకి విష్ణు ( రాహుల్ మాధవ్) అనే ఒక ఊటీ లోని వ్యాపారవేత్త మేనేజర్ అయిన గోవిందా గోవిందా (శ్రీకాంత్ అయ్యంగార్) నుంచి ఫోన్ కాల్ రావడంతో అక్కడ ఉన్న సంగీత్ మహల్ లో షూటింగ్ చేయాలి అని విష్ణు కథ ఇస్తాడు. అక్కడే అంజలి (అంజలి) ఒక కాఫీ షాప్ నడుపుతూ ఉంటుంది. ఆ అమ్మాయి హీరోయిన్ గా చేస్తేనే సినిమా తీస్తాను అని చెప్తాడు. ఆ తర్వాత ఏం జరిగింది? ఆ సంగీత్ మహల్ కథ ఏంటి? అసలు విష్ణు ఎవరు? గీతాంజలి మళ్లీ ఎందుకు వచ్చింది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

హారర్ కామెడీ జోనర్ సినిమాలు ఒక సమయంలో చాలా ట్రెండ్ అయ్యాయి. కానీ తర్వాత వరుస పెట్టి అవే సినిమాలు వచ్చేటప్పటికి ప్రేక్షకులకు ఆసక్తి పోయింది. ఈ సినిమా ట్రైలర్ చూసినప్పుడు కథనం కొత్తగా ఉన్నట్టు అనిపించినా కూడా మరొక పక్క హారర్ కామెడీ కావడంతో అదే టెంప్లేట్ లోనే నడుస్తుంది అని అర్థం అవుతుంది. ఈ సినిమా కూడా అలాగే నడుస్తుంది. పెద్ద కొత్తగా ఏమీ అనిపించదు. తెలిసిన ఫార్ములా లోనే నడుస్తుంది. కొన్నిచోట్ల కామెడీ సీన్స్ బాగా వర్కౌట్ అయ్యాయి. కానీ కొన్ని చోట్ల మాత్రం రొటీన్ గా అనిపిస్తాయి. ఎమోషన్స్ గురించి పెద్దగా పట్టించుకోలేదు. లాజిక్స్ అయితే అసలు ఫాలో అవ్వలేదు.

ఇంక పర్ఫార్మెన్స్ విషయానికి వస్తే, సినిమాలో ఉన్న వాళ్ళు అంతా తమ పాత్రలకి తగ్గట్టు చేశారు. సత్యకి మరొక మంచి పాత్ర దొరికింది. సునీల్ పాత్ర కూడా నవ్విస్తుంది. అంజలి పాత్ర నటనకి ఆస్కారం ఉన్న పాత్ర కాదు. అలా వెళ్ళిపోతుంది అంతే. మిగిలిన వాళ్ళందరూ కూడా తమ పాత్రలు పరిధి మేరకు నటించారు. ప్రవీణ్ లక్కరాజు అందించిన పాటలు సినిమాకి తగ్గట్టుగా ఉన్నాయి. గ్రాఫిక్స్ అయితే మరి సాధారణంగా అనిపిస్తాయి. ఫస్ట్ హాఫ్ చాలా రొటీన్ గా నడుస్తుంది. సెకండ్ హాఫ్ లో కథపరంగా బలంగా అనిపిస్తుంది. ఇదే జాగ్రత్త ఫస్ట్ హాఫ్ లో కూడా తీసుకొని ఉంటే బాగుండేది అనిపిస్తుంది.

ప్లస్ పాయింట్స్ :

• సత్య
• కొన్ని కామెడీ సీన్స్

మైనస్ పాయింట్స్:

• బలహీనంగా ఉన్న స్క్రీన్ ప్లే
• గ్రాఫిక్స్

రేటింగ్ :

2.25/5

ట్యాగ్ లైన్ :

మొదటి భాగం లాగానే ఈ సినిమా కూడా ఉంటుంది అని ఎక్కువగా ఎక్స్పెక్టేషన్స్ పెట్టుకోకుండా, లాజిక్స్ ఆలోచించకుండా, టైం పాస్ కోసం సినిమా చూద్దాం అని అనుకునే వారికి గీతాంజలి మళ్లీ వచ్చింది సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

ALSO READ : “ఫిదా” సినిమాలో ఈ పొరపాటు గమనించారా..? ఈ లాజిక్ ఎలా మిస్సయ్యారు..?

మలయాళం సినిమాల కంటెంట్ గురించి ప్రత్యేకంగా చెప్పాల్సిన అవసరం లేదు. ఇప్పుడు మలయాళంలో సూపర్ హిట్ అయిన ఒక సినిమా తెలుగులో విడుదల చేశారు. ఆ సినిమా పేరే మంజుమ్మల్ బాయ్స్. ఇవాళ విడుదలైన ఈ సినిమా ఎలా ఉందో ఇప్పుడు చూద్దాం.

• చిత్రం : మంజుమ్మల్ బాయ్స్
• నటీనటులు : సౌబిన్ షాహిర్, శ్రీనాథ్ భాసి, బాలు వర్గీస్, గణపతి, జీన్ పాల్ లాల్.
• నిర్మాత : బాబు షాహిర్, సౌబిన్ షాహిర్, షాన్ ఆంటోని
• దర్శకత్వం : చిదంబరం
• సంగీతం : సుశీన్ శ్యామ్
• విడుదల తేదీ : ఏప్రిల్ 6, 2024

స్టోరీ :

కుట్ట‌న్‌ (షౌబిన్ షాహిర్‌), సుభాష్ (శ్రీనాథ్ భాసి), ఇంకా కొంత మంది మిత్రులు అందరూ కేరళలోని కొచ్చిలో ఉంటారు. వీళ్ళందరూ అక్కడే చిన్న చిన్న ఉద్యోగాలు చేసుకుంటూ ఉంటారు. వీళ్ళని మంజుమ్మల్ బాయ్స్ అని అంటారు. ఈ పేరుతో వీళ్ళకి ఒక అసోసియేషన్ ఉంటుంది. ఒకసారి వీళ్లందరూ కలిసి కొడైకెనాల్ కి విహారయాత్రకి వెళ్లాలి అని అనుకుంటారు. వీళ్లలో సుభాష్ ట్రిప్ కి రాను అని చెప్తాడు. అయినా కూడా అతనిని ఒప్పించి ట్రిప్ కి తీసుకెళ్తారు. అక్కడ గుణ కేవ్ అనే ఒక గుహ ఉంటుంది.

అది చాలా లోతైన గుహ. అక్కడికి వెళ్లిన వాళ్ళు ఎవరు కూడా ప్రాణాలతో తిరిగి బయటికి వచ్చిన దాఖలాలు ఉండవు. అక్కడికి వెళ్లడాన్ని నిషేధించినా కూడా, అటవీశాఖ అధికారుల కళ్ళు కప్పి వీళ్ళు అక్కడికి వెళ్తారు. అక్కడ ఉండే ఒక ఇరుకైన లోయలోకి సుభాష్ పడిపోతాడు. ఆ తర్వాత ఏం జరిగింది? సుభాష్ ని కాపాడారా? అక్కడ మంజుమ్మల్ బాయ్స్ ఎదుర్కొన్న సంఘటనలు ఏంటి? వాళ్ళు ఏం చేశారు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

నిజ జీవితంలో జరిగిన సంఘటనల ఆధారంగా తెరకెక్కిన సినిమాలు అంటే ఒక రకమైన ఆసక్తి ఉంటుంది. ఇది కూడా అలాంటి సినిమా. కొంత కాలం క్రితం నిజ జీవితంలో జరిగిన ఒక సంఘటన ఆధారంగా ఈ సినిమా రూపొందించారు. మలయాళంలో ఇప్పటి వరకు అత్యధిక కలెక్షన్ సాధించిన సినిమాగా ఈ సినిమా రికార్డు నెలకొల్పింది. సర్వైవల్ అడ్వెంచర్ అనే జోనర్ లో ఈ సినిమా రూపొందించారు. సినిమాలో ఎమోషన్స్ చాలా బాగా చూపించారు. సినిమాలో వాళ్ళు ఫీల్ అవుతున్న ఎమోషన్ ని, చూస్తున్న ప్రేక్షకుడు ఫీల్ అయితే సినిమా హిట్ అయినట్టే.

ఈ సినిమా విషయంలో జరిగింది అదే. వాళ్ళని చూస్తూ ఉంటే ప్రేక్షకులకు భయం వేస్తుంది. అతనిని ఎలా కాపాడతారు అనే ఆసక్తి ప్రేక్షకులలో కూడా ఉంటుంది. పోలీస్ స్టేషన్ సీన్ అయితే కంటతడి పెట్టిస్తుంది. కానీ సినిమా కమర్షియల్ ఎలిమెంట్స్ కి చాలా దూరంగా ఉంటుంది. సాధారణంగా మలయాళంలో వచ్చే చాలా సినిమాలు కమర్షియల్ ఎలిమెంట్స్ కి దూరంగానే ఉంటాయి. ఈ సినిమా కూడా అలాగే ఉంటుంది. కానీ కంటెంట్ బలంగా ఉంటే కమర్షియల్ ఎలిమెంట్స్ ఉన్నా లేకపోయినా పెద్ద తేడా ఉండదు.

ఈ సినిమా విషయంలో అదే జరుగుతుంది. ఇంక పర్ఫార్మెన్స్ విషయానికి వస్తే, నటీనటులు అందరూ కూడా చాలా బాగా నటించారు. సంగీతం బాగుంది. దర్శకుడు చిదంబరం కథనాన్ని ఎంత ఉత్కంఠతో రాసుకున్నారు, అంతే ఉత్కంఠగా తెర మీద చూపించగలిగారు. షైజు ఖలీద్ అందించిన సినిమాటోగ్రఫీ సినిమాకి మరొక ప్రధాన బలం. కొన్ని సీన్స్ మాత్రం చాలా సింపుల్ గా ఉంటాయి. కొన్ని చాలా స్లోగా సాగుతాయి. నిర్మాణ విలువలు చాలా బాగున్నాయి. అక్కడక్కడ స్లోగా సాగే స్క్రీన్ ప్లే మీద ఇంకా కొంచెం జాగ్రత్త తీసుకొని ఉంటే బాగుండేది.

ప్లస్ పాయింట్స్ :

• స్టోరీ పాయింట్
• సస్పెన్స్ ని చూపించిన విధానం
• ఎమోషనల్ సీన్స్
• నిర్మాణ విలువలు

మైనస్ పాయింట్స్:

• స్లోగా సాగే కొన్ని సీన్స్
• కొన్ని చోట్ల సాగదీసినట్టుగా ఉన్న స్క్రీన్ ప్లే

రేటింగ్ :

3.25/5

ట్యాగ్ లైన్ :

సినిమాలో చిన్న చిన్న మైనస్ పాయింట్స్ ఉన్నా కూడా, వాటికంటే చాలా బలమైన కంటెంట్, అంతకంటే బలమైన టేకింగ్ ఈ సినిమాలో ఉంది. సర్వైవల్ అడ్వెంచర్ అనే కాన్సెప్ట్ మీద సౌత్ ఇండియాలో వచ్చిన సినిమాలు చాలా తక్కువ. దాంట్లో ఇంత బాగా తీసిన సినిమాలు ఇంకా తక్కువ. ఈ సంవత్సరం వచ్చిన బెస్ట్ సినిమాల్లో ఒకటిగా మంజుమ్మల్ బాయ్స్ సినిమా నిలుస్తుంది.

watch trailer :

ALSO READ : మిడిల్ క్లాస్ అనే కాన్సెప్ట్ ని కరెక్ట్ గా చూపించిన సినిమా ఇదొక్కటే..? ఇలాంటి సినిమా ఎప్పటికీ రాదు..!

గీత గోవిందం సినిమా ఎంత పెద్ద హిట్ అయ్యిందో అందరికీ తెలిసిందే. ఇప్పుడు అదే కాంబినేషన్ లో ఫ్యామిలీ స్టార్ సినిమా వచ్చింది. ఈ సినిమా ఇవాళ విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ఫ్యామిలీ స్టార్
• నటీనటులు : విజయ్ దేవరకొండ, మృణాల్ ఠాకూర్.
• నిర్మాత : రాజు – శిరీష్
• దర్శకత్వం : పరశురామ్
• సంగీతం : గోపీసుందర్
• విడుదల తేదీ : ఏప్రిల్ 5, 2024

స్టోరీ :

గోవర్ధన్ (విజయ్ దేవరకొండ) ఒక చిన్న కంపెనీలో ఆర్కిటెక్ట్ గా ఉద్యోగం చేస్తూ ఉంటాడు. కుటుంబానికి చాలా విలువ ఇచ్చే మనిషి. గోవర్ధన్ కి ఇద్దరు అన్నలు ఉంటారు. గోవర్ధన్ కుటుంబం బాధ్యతలు మొత్తం తనే చూసుకుంటాడు. గోవర్ధన్ కి తెలియకుండా వారి పెంట్ హౌస్ లో ఇందు (మృణాల్ ఠాకూర్) కి అద్దెకి ఉండడానికి గోవర్ధన్ కుటుంబం అనుమతి ఇస్తారు. తర్వాత ఆ విషయం గోవర్ధన్ కి తెలుస్తుంది. గోవర్ధన్, ఇందుతో ప్రేమలో పడతాడు. కానీ తర్వాత ఇందు రావడానికి అసలు కారణం తెలుస్తుంది. దాంతో కోపగించుకున్న గోవర్ధన్, తన లైఫ్ స్టైల్ అంతా మారిపోవాలి అనే ఉద్దేశంతో, ఒక పెద్ద వ్యక్తి (జగపతిబాబు) స్థాపించిన కంపెనీలో చేరతాడు. అసలు ఇందు ఎవరు? గోవర్ధన్ ఇలా ఎందుకు మారాడు? తర్వాత వాళ్లు ఫారిన్ ఎందుకు వెళ్లారు? గోవర్ధన్ ఎలాంటి సంఘటనలు ఎదుర్కొన్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ప్రతి సినిమాకి ప్రేక్షకుడు కథ కొత్తగా ఉండాలి అనే ఉద్దేశంతో వెళ్ళడు. ఒక మూడు గంటలు తన ప్రపంచాన్ని మర్చిపోయి ఒక థియేటర్ లో కూర్చుంటే, తన ప్రపంచాన్ని మరిపించే అంత గొప్ప సినిమా ఉండాలి అని అనుకుంటాడు. అన్నీ వదిలేసి ఆ సినిమాలో లీనం అయిపోవాలి అని అనుకుంటాడు. పాత్రలు ఎమోషనల్ గా చేస్తే తాను కూడా ఎమోషనల్ గా ఫీల్ అవ్వాలి. పాత్రలు నవ్వితే తాను కూడా నవ్వాలి. అలా ఒక పాత్రని ప్రేక్షకులు రిలేట్ చేసుకుంటే సినిమా హిట్ అయినట్టే. అది కూడా ఇలాంటి మిడిల్ క్లాస్ అనే కాన్సెప్ట్ మీద వచ్చిన సినిమాలకి రిలేట్ అయ్యే విషయాలు ఎంత బాగుంటే, వాటిని తెర మీద ఎంత బాగా చూపిస్తే అంత హిట్ అవుతాయి. కుటుంబానికి విలువ ఇవ్వడం. కుటుంబం కోసం ఎంత దూరం అయినా వెళ్లడం.

ఈ సినిమా కాన్సెప్ట్ ఇదే. దర్శకుడు ఎంచుకున్న కాన్సెప్ట్ బాగుంది. కానీ టేకింగ్ విషయంలో మాత్రం కుటుంబం అనే ఎమోషన్ కి కనెక్ట్ చేయలేకపోయారు. హీరో పాత్రని అప్పుల అప్పారావు సినిమాలో రాజేంద్రప్రసాద్ పాత్ర లాగా చూపించే ప్రయత్నం చేశారు. కానీ అది పెద్దగా వర్కౌట్ అవ్వలేదు. ఈ సినిమా 2024 కి తగ్గ సినిమా అయితే కాదు అనిపిస్తుంది. ఎప్పుడో ఒక 20 సంవత్సరాల క్రితం కూడా ఇంతకంటే మంచి కాన్సెప్ట్ లు వచ్చాయి. ఫస్ట్ హాఫ్ లో పెద్ద హై మూమెంట్స్ ఉండవు. అలా వెళ్ళిపోతుంది. సెకండ్ హాఫ్ బలంగా ఉంటే సినిమా ఫస్ట్ హాఫ్ లో రాసుకున్న సీన్స్ కి న్యాయం చేసేది. అసలు కొన్ని సీన్స్ అయితే ఎందుకు రాసుకున్నారో అర్థం కాదు.

ఉదాహరణకి, సినిమాలో హీరో ఫారిన్ కి వెళ్ళినప్పుడు లుంగీ వేసుకుంటాడు. అది చూసి మిగిలిన ఫారిన్ వాళ్ళు కూడా లుంగీ వేసుకుంటారు. కొంత మంది అమ్మాయిలు హీరోని వేరేగా అర్థం చేసుకొని, వారితో తీసుకెళ్లే ప్రయత్నం చేస్తారు. ఆ సీన్ చూడడానికి అయితే చాలా ఇబ్బందిగా అనిపిస్తుంది. హీరో, హీరోయిన్స్ మధ్య లవ్ పేరుతో వచ్చే కొన్ని సీన్స్ కూడా అలాగే ఉంటాయి. మిడిల్ క్లాస్ పేరుతో చూపించే కొన్ని సీన్స్ అయితే మిడిల్ క్లాస్ వాళ్ళు కూడా ఆశ్చర్యపోయేలాగా ఉంటాయి. ఇంక పెర్ఫార్మన్స్ విషయానికి వస్తే, విజయ్ దేవరకొండ తనకి ఇచ్చిన పాత్రలో తాను బాగా చేశారు. ఆ పాత్రకి అంతకంటే ఎక్కువ కూడా చేసేది ఏమీ లేదు. హీరోయిన్ మృణాల్ ఠాకూర్ బాగా నటించారు. ఒక రకంగా సినిమాని ముందుకు తీసుకెళ్లే పాత్ర ఇది. మరొక మంచి పాత్రని ఎంచుకున్నారు.

సినిమాలో చాలా మంది తెలిసిన నటీనటులు ఉన్నారు. సీనియర్ నటి రోహిణి హట్టంగడి, వాసుకి, అభినయ, రోహిణి, జగపతి బాబు, వెన్నెల కిషోర్, ప్రభాస్ శ్రీను ఇలా చాలా మంది ఉన్నారు. కానీ ఒక్కరి పాత్ర కూడా ప్రాపర్ గా రాసుకున్నట్టు అనిపించదు. కానీ వాళ్లకి ఇచ్చిన పాత్రల్లో వాళ్ళు నటించారు. హీరో, హీరోయిన్స్ మధ్య కెమిస్ట్రీ కూడా బాగుంది. వాళ్ళిద్దరి పెయిర్ చూడడానికి బాగుంది. KU మోహనన్ అందించిన సినిమాటోగ్రఫీ కూడా బాగుంది. ఎడిటింగ్ విషయంలో ఇంకా కాస్త జాగ్రత్త తీసుకొని ఉంటే బాగుండేది. అయితే, కథ ఇంకొంచెం బాగా రాసుకొని ఉంటే ఎడిటింగ్ కూడా బాగుండేది.

గోపి సుందర్ అందించిన పాటలు చూడడానికి, వినడానికి బాగున్నాయి. కానీ, కొన్ని చోట్ల అయితే అసలు పాటలు ఎందుకు వస్తాయి అనే విషయం కూడా అర్థం కాదు. పాట అవసరం లేని చోట్ల కూడా పాటలు ఉన్నాయి. బ్యాక్ గ్రౌండ్ మ్యూజిక్ మాత్రం కొన్ని చోట్ల బాగున్నా కూడా, కొన్ని చోట్ల ఇంకా బాగుంటే సీన్స్ ఇంకా ఎలివేట్ అయ్యేవి. దర్శకుడు ఎంచుకున్న స్టోరీ పాయింట్ బాగున్నా కూడా ఎమోషన్స్ తెర మీద చూపించడంలో పొరపాట్లు చేశారు. ఈ విషయంలో ఇంకా జాగ్రత్త తీసుకొని ఉంటే బాగుండేది.

ప్లస్ పాయింట్స్ :

• హీరో-హీరోయిన్ కెమిస్ట్రీ
• పాటలు
• నిర్మాణ విలువలు
• సినిమాటోగ్రఫీ

మైనస్ పాయింట్స్:

• బాగా తెలిసిన కథ
• కనెక్ట్ అవ్వని ఎమోషన్స్
• కొన్ని అనవసరమైన సీన్స్
• పాటలు వచ్చే సందర్భాలు

రేటింగ్ :

2.75/5

ట్యాగ్ లైన్ :

హీరో – డైరెక్టర్ కాంబినేషన్ లో గతంలో ఒక సూపర్ హిట్ సినిమా వచ్చింది అనే విషయాన్ని పూర్తిగా మర్చిపోయి, ఈ సినిమా నుండి అసలు ఏమీ ఆశించకుండా, అసలు సినిమాలో ఏం చూపించారు అని తెలుసుకుందాం అనుకునే వారికి ఫ్యామిలీ స్టార్ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

ALSO READ : ఒకే ఒక్క డైలాగ్ తో కంటతడి పెట్టించింది… సెలబ్రిటీలతో శభాష్ అనిపించుకుంది..! ఈ అమ్మాయి ఎవరో తెలుసా..?