Viral

లేడీ సూపర్ స్టార్ నయనతార, ప్రముఖ దర్శకుడు విఘ్నేష్ ల ప్రేమ వివాహం ఇటీవలే జరిగిన విషయం అందరికి తెలిసిందే. అయితే ఈ వివాహానికి సంబంధించిన అన్ని ఖర్చులు నయన్ కానీ, విఘ్నేష్ కానీ పెట్టుకోలేదు అట!

మరి ఆ ఖర్చులు ఎవరివి?? అనే కదా మీ సందేహం! ఇప్పటి వరకు సినిమాలు, వెబ్ సిరీస్ లకు డబ్బులు చెల్లించి ప్రసారం చేసే నెట్ ఫ్లిక్స్ ఓ.టి.టి సంస్ధ ఆ వివాహానికి సంబంధించిన ఖర్చులు అన్ని పెట్టుకుంది అని కోలీవుడ్ సమాచారం.

అయితే ప్రతిఫలంగా ఆ పెళ్లి వీడియోని నెట్ ఫ్లిక్స్ త్వరలో తమ ఛానెల్ లో స్ట్రీమింగ్ చేయబోతోంది అని ఊహాగానాలు వెలువడుతున్నాయి. మహాబలిపురంలో ఒక రిసార్ట్ లో ఏర్పాటు చేసిన ఈ వివాహం మొత్తాన్ని ప్రముఖ డైరెక్టర్ గౌతమ్ మీనన్ తో వీడియో షూట్ చేయించింది అట నెట్ ఫ్లిక్స్ సంస్ధ.

ఈ వివాహానికి గాను సుమారు 25 కోట్ల వరకు ఆ సంస్ధ కి ఖర్చు అయినట్లు చెబుతున్నాయి కోలీవుడ్ వర్గాలు. అందుకే అంగరంగ వైభవం గా జరిగిన ఆ పెళ్లి కి సంబంధించి ఎలాంటి సమాచారాన్ని బయట కి విడుదల అవ్వకుండా పగడ్బందీ గా వీడియో షూట్ నిర్వహించినట్లు సమాచారం. మరోపక్క నయన్, విఘ్నేష్ లు తమ వివాహం రోజున తమిళనాడులోని అనాధ శరణాలయాలలో అన్నదానం కార్యక్రమం నిర్వహించారు అని, ఆ విషయం కూడా ఎక్కడా ప్రచారం కానివ్వలేదు అని, మరొక వార్త సోషల్ మీడియా లో చక్కర్లు కొడుతోంది.

మరి ఈ వార్తల్లో ఎంత వరకు నిజం ఉంది అనేది తెలియాలి అంటే నెట్ ఫ్లిక్స్ తమ ఛానెల్ లో ఆ పెళ్లి వీడియో స్ట్రీమింగ్ చేసే వరకు ఎదురు చూడాల్సిందే. ఒకవేళ ఆ వార్త నిజం అయ్యి నయన్ కి నెట్ ఫ్లిక్స్ అలాంటి బంపర్ ఆఫర్ ఇస్తే ఇక పై జరిగే ఏ హీరో లేదా హీరోయిన్ ల వివాహానికి ఎలాంటి ఖర్చు అవ్వకుండా నయన్ ఒక కొత్త దారి చూపించింది అని నెటిజన్లు చర్చించుకుంటున్నారు.

తెలుగు ఇండస్ట్రీలో అడుగు పెట్టిన కొంత కాలంలోనే స్టార్ హీరోయిన్ అనే గుర్తింపు సంపాదించుకున్న నటి సాయి పల్లవి. శేఖర్ కమ్ముల దర్శకత్వంలో వచ్చిన ఫిదా సినిమాతో సాయి పల్లవి తెలుగు సినిమా ఇండస్ట్రీలోకి అడుగు పెట్టారు. మొదటి సినిమాతోనే సాయి పల్లవి తనకంటూ ఒక ప్రత్యేక స్థానాన్ని సంపాదించుకున్నారు.

తర్వాత తెలుగుతో పాటు తమిళం మలయాళం సినిమాల్లో కూడా నటించారు. సాయి పల్లవి నటించిన సినిమాలు కొన్ని అయినా కూడా ప్రతి సినిమాకి ఒక ఇంపాక్ట్ క్రియేట్ చేశారు. సాధారణంగా హీరోయిన్ అంటే ఇలాగే ఉండాలి అనే ఒక ఆలోచనని సాయిపల్లవి మార్చారు. దాంతో సాయి పల్లవి అంటే సౌత్ ఇండియన్ సినిమా ప్రేక్షకులకి ఒక అభిమానం ఉంది.

సాయి పల్లవి ఏ భాష సినిమాలో నటించిన సరే ఆ భాషలో తనే డబ్బింగ్ చెప్పుకుంటారు. అయితే ఇటీవల ఆడాళ్ళు మీకు జోహార్లు సినిమా ప్రీ రిలీజ్ ఈవెంట్ లో దర్శకుడు సుకుమార్ సాయి పల్లవి ని లేడీ పవర్ స్టార్ అని అన్నారు. నిజంగానే సాయి పల్లవి ని చాలా మంది లేడీ పవర్స్టార్ అంటున్నారు ఇటీవల జరిగిన విరాటపర్వం ప్రీ రిలీజ్ ఈవెంట్ లో కూడా సాయి పల్లవి సంబంధించి ఒక స్పెషల్ వీడియో టెలికాస్ట్ చేశారు అందులో సాయి పల్లవి ని లేడీ పవర్ స్టార్ అని అన్నారు. దీనిపై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2

#3#4#5#6#7#8#9#10#11#12#13#14#15#16

రానా దగ్గుబాటి మరియు సాయి పల్లవి ప్రధాన పాత్రలలో కలిసి నటించిన చిత్రం విరాటపర్వం. ఈ చిత్రానికి వేణు ఊడుగుల దర్శకత్వం వహించారు. సురేష్ బాబు మరియు సుధాకర్ చెరుకూరి ఈ చిత్రానికి నిర్మాణ సారథ్యం వహించారు. ఈ విరాటపర్వం చిత్రం 1990 నాటి సీరియస్ పోలిటికల్ బ్యాక్ డ్రాప్ గా రూపొందింది. ఈ జూన్ 17వ తేదీన ప్రేక్షకుల ముందుకు రాబోతుంది విరాటపర్వం చిత్రం.

1990 కాలంలో విప్లవ భావాలపై ఆకర్షితురాలై నక్సల్ ఉద్యమంలో చేరిన తూము సరళ జీవిత కథ ఆధారంగా రూపొందింది. ఈ చిత్రంలో సాయి పల్లవి వెన్నెల క్యారెక్టర్ లో నటించారు. ఇటీవల విడుదలైన టీజర్ ద్వారా ఏంటి ఈ విధంగా జరుగుతుంది అంటూ నేటిజన్లు కామెంట్ చేస్తున్నారు.

ఇంతకీ విషయం ఏమిటంటే.. విడుదలైన టీజర్ లో రానా దగ్గుబాటి మరియు సాయి పల్లవిలది ఒక అందమైన ప్రేమకథగా విరాట పర్వం చిత్రంలో రూపొందుతుంది. మంచి విప్లవ భావాలు కలిగిన నక్సల్స్ నాయకుడిగా రానా నటించగా, ఆయన భావాలు నచ్చి రానాని ప్రేమించిన యువతిగా సాయిపల్లవి నటిస్తోంది.

అతని కోసం ఇల్లు విడిచి వెతుక్కొని వెళ్ళిపోతుంది. కష్టాలు పడుతూ ఏదో విధంగా అతని వద్దకు చేరుతుంది. కాని రాణాకు తన ప్రేమను వ్యక్తం చేసే సమయం లేదు. పోలీసులు వెంటాడుతున్న నూతన రక్షించుకుంటూ సాయి పల్లవి అయిన తన వెంట పెట్టుకుని తీసుకు వెళుతూ ఉంటాడు. ఒక చిన్న అపార్ధం వల్ల సాయి పల్లవిని పోలీస్ రహస్య గూడచారి గా భావించి చంపేస్తాడు. తరువాత ఆమె తన ప్రేమను వ్యక్తం చేయడానికి రాణా దగ్గరికి వచ్చింది అనే విషయం తెలుసుకుంటాడు. ఒక నిర్దోషి ని నిజాన్ని తెలుసుకోకుండా ఎంత క్రూరంగా ప్రవర్తించాను అనే విషయాన్ని గ్రహిస్తాడు.

అతను చేసింది తప్పు అనే అపరాధభావంతో ఆత్మ హత్య చేసుకుంటాడు. లీకైన స్టోరీ ద్వారా చివరికి సాయిపల్లవి చనిపోయిందంటూ షాక్ కు గురైన  నెటిజన్లు చివరికి ఇలా జరిగింది ఏంటి అని కామెంట్స్ చేస్తున్నారు.

రణబీర్ కపూర్, ఆలియా భట్ హీరోహీరోయిన్లుగా నటిస్తున్న బ్రహ్మాస్త్ర ట్రైలర్ ఇవాళ విడుదల అయ్యింది. ఈ సినిమా పాన్ ఇండియన్ సినిమాగా విడుదల అవుతోంది. ఈ సినిమా తెలుగులో బ్రహ్మాస్త్రం పేరుతో విడుదల అవుతుంది. ఆ ట్రైలర్ కూడా ఇవాళ విడుదల చేశారు. ఈ సినిమాకి అయాన్ ముఖర్జీ దర్శకత్వం వహించారు.

అమితాబ్ బచ్చన్ ఈ సినిమాలో ఒక ముఖ్య పాత్రలో నటించారు. అలాగే కింగ్ నాగార్జున కూడా ఈ సినిమాలో నటించారు. వీరు మాత్రమే కాకుండా ఇంకా ఎంతో మంది ప్రముఖ నటులు ఈ సినిమాలో ఉన్నారు. సినిమా ట్రైలర్ చూస్తూ ఉంటే ఇది ఒక మైథాలజీ అలాగే యాక్షన్ కూడా ఎక్కువగా ఉండబోతోంది అని అర్థమవుతోంది.

ఈ సినిమా ట్రైలర్ చూస్తూ ఉంటే చాలా మందికి నాగార్జున హీరోగా నటించిన ఢమరుకం సినిమా కూడా గుర్తొచ్చింది. ఈ సినిమా ఎప్పుడో విడుదల కావాల్సి ఉన్నా కూడా కరోనా కారణంగా ఆలస్యం అయ్యింది. దాంతో ఈ సినిమా ఇప్పుడు విడుదల అవుతుంది. ఈ సినిమా మూడు భాగాలుగా విడుదల అవుతుంది. ఇప్పుడు రాబోయే సినిమా ఈ సినిమా మొదటి భాగం. బ్రహ్మాస్త్ర సినిమా ట్రైలర్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8#9#10#11#12#13#14

#15

#16

బాహుబలి సినిమా ముందు వరకు ఇండియన్ సినిమా అంటే బాలీవుడ్ మాత్రమే అనేట్టు ఉండేది. కానీ ఏ ముహూర్తాన రాజమౌళి బాహుబలి సినిమాకి శ్రీకారం చుట్టాడో అప్పుడే ఒక్కసారిగా టాలీవుడ్ స్ధితి, గతి పూర్తిగ మారిపోయింది.

తెలుగు సినిమా ఖ్యాతి దేశం దాటి ప్రపంచవ్యాప్తం అయ్యింది. అప్పటి వరకు ఇండియన్ సినిమా అంటే మేమే అని చెప్పుకునే బాలీవుడ్ ప్రముఖులకు, ప్రేక్షకులకు బాహుబలితో షాక్ ఇచ్చాడు జక్కన్న. ఆ షాక్ నుండి తెరుకోకముందే బాహుబలి 2 తో మరొకసారి తెలుగు సినిమా సత్తా అంతర్జాతీయంగా చాటి, బాహుబలి విజయం గాలివాటం కాదని నిరూపించాడు.

ఆ రెండు సినిమాల తర్వాత రాజమౌళి అంతర్జాతీయంగా పేరు ప్రఖ్యాతులు సంపాదించాడు. తన తర్వాత సినిమా రామ్ చరణ్,  ఎన్. టి.ఆర్ తో RRR అనౌన్స్ చేసి మరొక భారీ విజయాన్ని తన ఖాతాలో వేసుకున్నాడు.

RRR సినిమాలో చరణ్ ని అల్లూరి సీతా రామరాజు గాను, ఎన్. టి.ఆర్ ని కొమరం భీం గాను చూపిస్తూ జక్కన్న తన మార్క్ యాక్షన్ సీక్వెన్స్ లతో భారతీయ సినీ ప్రేక్షకుల్ని కట్టి పడేసాడు. అత్యద్భుతమైన కధ, కథనాల తో ఈ సినిమా ప్రతి ప్రేక్షకుడిని అలరించింది.

చరణ్ ని అయితే భారతీయ సినీ అభిమానులు శ్రీరాముడి గా అభివర్ణిస్తూ కీర్తించడం జరిగింది. ఇంటర్వల్ ముందు తారక్ ఎంట్రీ, కొమరం భీముడొ సాంగ్ లో భావోద్వేగాలు పలికించిన తీరు కి, తారక్ కి కూడా ఈ సినిమా తో దేశ వ్యాప్తం గా అభిమానులు ఏర్పడ్డారు.ఈ సినిమా తో చరణ్, తారక్ లని జక్కన్న పాన్ ఇండియా హీరోలు గా నిలబెట్టడం జరిగింది.

రాజమౌళి విజయాల్ని బాలీవుడ్లో కొంత మంది ప్రముఖులతో పాటు, బాలీవుడ్ ప్రేక్షకులు కూడా అంగీకరించలేకపోతున్నారు. అందుకే  RRR సినిమాని ట్విటర్లో ఒక చానల్ ఇచ్చిన రివ్యూలో ఈ సంవత్సరం ఉత్తమ చిత్రంగా పేర్కొంటే బాలీవుడ్ నెటిజన్లు ఆ రివ్యూ మీద నెగెటివ్ విమర్శలు చేస్తున్నారు.

RRR సినిమాకి ఆ స్ధాయి లేదు అని, ఓవర్ హైప్ ఇవ్వడం వల్లనే సినిమా హిట్ అయింది అని, సినిమా కంటెంట్ సరిగా లేదు అంటూ బాలీవుడ్ సినిమా జనాలు ఈ సినిమాపై వారి వ్యతిరేకతని ట్విటర్ లో బాహాటం గానే వ్యక్తం చేస్తున్నారు.

అయితే తెలుగు ప్రేక్షకులు మాత్రం, బాలీవుడ్ థియేటర్స్ మీద దండయాత్ర చేస్తున్న రాజమౌళి సినిమాల మీద వారికి ఆ మాత్రం కడుపు మంట సహజం అని, భవిష్యత్ లో కూడా రాజమౌళి తెలుగు సినిమాని బాలీవుడ్ కంటే ఉన్నత స్ధితిలో ఉంచే అద్భుతమైన సినిమాలు చేస్తాడని వారి ఆశాభావాన్ని వ్యక్తం చేస్తున్నారు.

ఓ ప్రముఖ టీవీలో ప్రసారమయ్యే జబర్దస్త్ కామెడీ షోకి ప్రజల్లో ఎంత ఆదరణ ఉందో తెలిసిన విషయమే. యూట్యూబ్ లో జబర్దస్త్ వీడియోలు  మిలియన్ల వ్యూస్ తో ట్రెండ్ అవుతూ ఉంటాయి. ఈ కామెడీ షో ఎంతో మంది ఆర్టిస్ట్ లకు జీవితాన్ని ఇచ్చింది.

ఇందులో గుర్తింపు పొందిన అనేక మంది ఆర్టిస్టులు సినిమాల్లో కూడా నటిస్తూ తమ ప్రతిభను చాటుకుంటున్నారు. కొందరైతే ఏకంగా హీరో గా కూడా చేస్తూ, తెలుగు ఇండస్ట్రీలో సెలబ్రిటీ హోదాను ఎంజాయ్ చేస్తున్నారు. జబర్దస్త్ ద్వారా మంచి గుర్తింపు పొందిన వారిలో గెటప్ శ్రీను (అలియాస్ బొడుపల్లి శ్రీను) టీం ఒకటి.

గెటప్ శ్రీను, సుడిగాలి సుధీర్, ఆటో రాం ప్రసాద్ ఈ ముగ్గురు కలిసి తమదైన శైలిలో స్కిట్లు చేస్తూ అందరిని కడుపుబ్బా నవ్వించే వారు. దీంతో జనాల్లో వీరి క్రేజ్ విపరీతంగా పెరిగిపోయింది. అయితే కొన్ని కారణాలతో గెటప్ శ్రీను, సుడిగాలి సుధీర్ జబర్దస్త్ నుంచి తప్పుకున్నారు. వీరిద్దరూ తప్పుకోవడానికి గల కారణాలు ఎవరికీ  తెలియనప్పకీ, సోషల్ మీడియాలో అనేక కారణాలు చక్కర్లు కొడుతున్నాయి. తన మిత్రులు షో నుంచి వెళ్లిపోవడంతో రాం ప్రసాద్ ఒక్కడే స్కిట్లతో ఆకట్టుకుంటున్నాడు.

ఇటీవల ప్రసారమైన ఎక్స్ ట్రా జబర్దస్త్ లో రాకింగ్ రాకేష్, సుడిగాలి సుధీర్, కెవ్వు కార్తీక్ వీరి ఫ్రెండ్ షిప్ గురించి ఒక స్కిట్ వేశారు. ఆ స్కిట్ చూస్తూ ఆటో రాం ప్రసాద్ ఒక్కసారిగా కన్నీటి పర్యంతం అయ్యాడు. అయితే ఆ స్కిట్ పై నెటిజన్లు తమదైన శైలిలో కామెంట్ల వర్షం కురిపించారు. రేటింగ్స్ కోసమే రాం ప్రసాద్ ఏడ్చాడు అంటూ కొందరు ఘాటు విమర్శలకు దిగారు. ఫిల్మీ ఫోకస్ కథనం ప్రకారం, దీనికి రాం ప్రసాద్ స్పందిస్తూ.. సుధీర్, గెటప్ శ్రీను వెళ్ళిపోవడంతో నేను ఒంటరయ్యాను. తమ స్నేహం eప్పటికీ విడిపోదు, వాళ్లిద్దరూ ఇక్కడ లేకపోవడంతో కన్నీళ్లు వచ్చాయి కానీ రేటింగ్స్ కోసం కాదని సమాధానం ఇచ్చాడు. తాజాగా ఈ స్కిట్ కి సంబంధించిన వీడియోలు, ఫోటోలు సోషల్ మీడియాలో చక్కర్లు కొడుతున్నాయి.

నాచురల్ స్టార్ నాని హీరోగా నటించిన అంటే సుందరానికి సినిమా ఇటీవల విడుదల అయ్యింది. గత కొంత కాలం నుండి నాని ఎన్నో రకాల పాత్రలని చేస్తున్నారు. దాంతో నాని కామెడీ పాత్ర చేసి చాలా సంవత్సరాలు అయ్యింది.

ఈ సినిమాలో నాని మళ్లీ కామెడీ ఎక్కువగా ఉన్న పాత్ర చేస్తున్నారు అని మనకు ముందే అర్థమయ్యింది. నానిని ఇలా చూడాలి అని ప్రేక్షకులు చాలా రోజుల నుండి ఎదురు చూస్తున్నారు. సినిమా టీజర్, ట్రైలర్ లో చూపించినట్టుగానే ఒక సింపుల్ స్టోరీ లైన్ మీద నడుస్తుంది. కానీ దర్శకుడు వివేక్ ఆత్రేయ ఆ సింపుల్ స్టోరీని కూడా ప్రేక్షకులకు కనెక్ట్ అయ్యే విధంగా చూపించారు.

ఫస్ట్ హాఫ్ మొత్తం కూడా పాత్రలని ప్రేక్షకులకి పరిచయం చేయడంలోనే అయిపోతుంది. అసలు కథ ఉండేది మాత్రం సెకండ్ హాఫ్ లోనే. సినిమాకి పెద్ద హైలైట్ మాత్రం నాని. అసలు నాని కాకుండా ఆ పాత్ర ఇంకెవరైనా చేసుంటే అనే ఆలోచన ఊహించుకోవడం కూడా కష్టమేమో. అంత బాగా చేశారు. ముఖ్యంగా ఎమోషనల్ సీన్స్‌లో, క్లైమాక్స్‌లో వచ్చే కొన్ని సీన్స్‌లో అయితే నాని నటన చాలా నాచురల్ గా అనిపిస్తుంది. అంతే కాకుండా నాని కామెడీ టైమింగ్ కూడా చాలా రోజుల తర్వాత ఈ సినిమాతో ప్రేక్షకులు చూశారు.

అయితే ఈ సినిమాలో హీరోయిన్ అక్క పాత్రలో నటించిన నటి కూడా మంచి గుర్తింపు సంపాదించుకున్నాడు. ఆ నటి పేరు తన్వీ రామ్. తన్వీ మలయాళ నటి. మలయాళంలో కొన్ని సినిమాల్లో నటించారు. తెలుగులో తన్వీకి ఇదే మొదటి సినిమా. మొదటి సినిమా అయినా సరే ఈ సినిమాలో చాలా బాగా నటించారు. ఈ సినిమాలో పుష్ప అనే పాత్రలో తన్వీ నటించారు.తన్వీకి మాత్రమే కాకుండా ఈ సినిమాలో నటించిన చాలా మంది నటులకి మంచి పేరు వస్తోంది. ప్రస్తుతం ఈ సినిమా సూపర్‌హిట్ టాక్‌తో థియేటర్లలో నడుస్తోంది.