Viral

“రాధా గోపాలం” చిత్రంతో బెస్ట్ హీరోయిన్ గా నంది అవార్డు ను అందుకున్న నటి స్నేహ తెలుగు ప్రేక్షకులకు ఎప్పటికి గుర్తిండిపోతారు.అయితే లాక్ డౌన్ కారణంగా విద్యుత్ బిల్లుల విషయంలో కొంచెం గందరగోళం ఏర్పడిన విషయం తెలిసిందే.తాజాగా స్నేహ భర్త ప్రసన్న కు దాదాపు 70 వేల రూపాయల విద్యుత్ బిల్ చెల్లించాలంటూ విద్యుత్ శాఖ తెలిపింది..ఆ వివరాల్లోకి వెళ్తే ..

లాక్ డౌన్ కారణంగా చాలామంది విద్యుత్ బిల్లును ఆన్లైన్ లో జమ చేసారు.కాగా కొంతమంది ఇంకా బిల్లులను చెల్లించలేదు.అయితే ఈ గందరగోళంపై విద్యుత్ శాఖ క్లారిటీ ఇచ్చింది.మూడు నెలలకు ఏవరేజ్ బిల్లును తీస్తామని ప్రతీ నెల కొంత మొత్తం కట్టాల్సి ఉంటుంది అని చెప్పింది.అయితే స్నేహ భర్త మరియు వారి మామ గారి ఇళ్లకు దాదాపు 70 వేల రూపాయలు కరెంటు బిల్ కట్టాలని విద్యుత్ శాఖ తెలిపింది.

అయితే ఈ విషయంపై స్నేహ భర్త ప్రసన్న షాక్ కు గురయ్యారు.ఎప్పుడూ వచ్చే బిల్ కంటే ఇప్పుడు దాదాపు పది రేట్లు ఎక్కువ వచ్చింది అని ప్రసన్న తెలిపారు.అయితే దీనిపై విద్యుత్ శాఖ అధికారులు స్పందిస్తూ..లాక్ డౌన్ కారణంగా రీడింగ్ లో తప్పు దొర్లినట్లుగా అనిపిస్తుంది.కావున మళ్ళీ ఒకసారి రీడింగ్ తీసి పరిశీలిస్తామని అని అన్నారు..

హమ్మయ్య మిడతల బాధ తెలుగు రాష్ట్రాలకు లేనట్టే.. తెలంగాణా రాష్ట్రానికి 400కిమి దూరంలో ఉన్న మిడతలు రెండు రోజుల్లో తెలంగాణాలోకి, తర్వాత ఆంధ్రాలోకి ప్రవేశిస్తాయి అని వచ్చిన వార్తలు ఎంతో కలవరపెట్టాయి..కానీ మిడతలు తమ రూటు మార్చుకున్నట్టుగా శాస్త్రవేత్తలు తెలిపడంతో తెలుగు రాష్ట్రాల ప్రజలు ఊపిరి పీల్చుకున్నట్టయైంది..మధ్యప్రదేశ్ వైపుగా పయనించిన మిడతలు ప్రస్తుతం చత్తీస్ ఘడ్ అడవులకి చేరాయి.

నిసర్గ తుఫాన్ కారణంగా వీచిన గాలుల కారణంగా మిడతలు మధ్యప్రదేశ్ నుండి చత్తీస్ ఘడ్, ఝార్ఖండ్ వైపుకి పయనించాయి. రాజస్థాన్, గుజరాత్ రాష్ట్రాల  నుండి మహారాష్ట్రలోని విదర్భ ప్రాంతానికి చేరుకున్న మిడతలు తెలంగాణాకి 400కి.మీ దూరంలో ఉండడంతో.. రాష్ట్ర ప్రభుత్వం,అధికారులు మరియు ప్రజలు ఆందోళన చెందారు..కానీ అవి రూట్ మార్చుకుని మధ్యప్రదేశ్ వైపు వెళ్లాయి. తాజా సమాచారం ప్రకారం మధ్యప్రదేశ్ నుంచి చత్తీస్‌ఘడ్ అడవుల్లోకి  మిడుతల దండు ప్రవేశించినట్టు తెలుస్తోంది. ఛత్తీస్‌ఘడ్‌‌లోని కొరియా జిల్లాలోని అటవీ ప్రాంతంలోకి మిడుతలు ప్రవేశించాయి.

మిడ‌త‌లు మరియు ఇతరత్రా ఎగిరే ప్రాణులు గాలిని ఆధారంగా చేసుకొని ప్ర‌యాణిస్తుంటాయి.గాలి వీచే దిశకు వ్యతిరేఖంగా ప్రయాణించాలంటే అవి తమ శక్తిని 3రెట్లు పెంచాల్సి ఉంటుంది. అదే గాలి వీచే దిశలలో అయితే తమ శక్తిలో సగం శక్తిని కేటాయిస్తే సరిపోతుంది. మ‌హారాష్ట్రలోని విధ‌ర్భ‌లో తిష్ట‌వేసిన మిడ‌త‌లు  రూటును గాలి వీచే దిశ‌వైపు మ‌ళ్లించాయి.. గాలి ఉత్త‌రం వైపు వీయడంతో మ‌ధ్య‌ప్ర‌దేశ్ వైపుకు వెళ్లాయి. అదే ద‌క్షిణం వైపు వీస్తే తెలంగాణాలోకి వచ్చి ఉండేవి.ఇప్పుడు మధ్యప్రదేశ్ నుండి చత్తీస్ ఘఢ్ వైపు పయనించాయి.

మిడతలు రూటు మార్చుకోవడం రాష్ట్ర ప్రజలు ఊపిరి పీల్చుకున్నట్టుగా అయింది. లేదంటే ఒక్క మిడతల దండు 35వేల మందికి సరిపడా ఆహారాన్ని నిమిషాల్లో స్వాహా చేస్తుంది.. మిడతల దండు అంటే సుమారు వాటిల్లో కోటివరకు మిడతలు ఉంటాయి.. పంటకి ఏదైనా చీడపీడ వస్తుందంటే ఏదన్నా నివారణ ఆలోచించవచ్చు కానీ, మిడతల దండు దాడి చేస్తే ఆలోచించుకునే టైం కూడా ఉండదు..వీటి దాడికి కరువు బారిన పడిన ప్రాంతాలు కూడా ఉన్నాయి.

మిడతలు మళ్లీ మన రాష్ట్రం వైపు వస్తాయా అనేది అనేకమంది ప్రశ్న..చెప్పలేము. ఎందుకంటే మిడ‌త‌లు రోజుకి 100 నుండి 150 కిలోమీట‌ర్లు ప్ర‌యాణం చేయ‌గ‌ల‌వు.అవి ఎప్పుడు వాటి రూటుని ఎలా మారుస్తాయనేది చెప్పలేము.. మిడతల దాడిని ఎదుర్కోవడానికి అధికారులు సరిహద్దుల్లో రసాయానాలు, అగ్నిమాపక యంత్రాలు ఇతరత్రా ముందస్తు జాగ్రత్తల ఏర్పాట్లు చేసుకుని ఉన్నారు..ఒకవేళ మిడతలు దాడి చేస్తే సహజ పద్దతిలో వాటి నుండి పంటను రక్షించుకోవడానికి ఏం చేయాలో కింది లింక్ ఓపెన్ చేసి చదవండి.

కరోనా వైరస్ కారణంగా విధించిన లాక్ డౌన్ తో ప్రజలు తీవ్ర ఇబ్బందులకు గురికావడం అటు ఉంచితే ఏ వాహనాలు తిరగకపోవడం ప్రజలు బయటకు రాకపోవడం వలన కాలుష్యం తగ్గి ఎర్త్ హీల్ అవుతుంది అని కొన్ని కధనాలు వినపడ్డాయి.కాగా కాలుష్యం తగ్గడం వలన అంతరించిపోతున్న వన్యప్రాణుల ప్రాణాలకు రక్షణ లభించింది.అయితే వినీత్ వశిష్ట్ అనే వ్యక్తి ట్విట్టర్ లో పోస్ట్ చేసిన ఓ వైల్డ్ లైఫ్ వీడియో ఇప్పుడు అంతటా వైరల్ గా మారింది.అయితే వినీత్ ఆ వీడియోను పోస్ట్ చేసిన ప్రశ్న ఇప్పుడు ఆసక్తిగా మారింది..వివరాల్లోకి వెళ్తే ..

ఆ వీడియో లో ఓ కొండచిలువ జింక ను మింగేయడానికి ప్రయత్నించగా అటు వైపుగా వెళ్తున్న ఓ వ్యక్తి కర్రతో బెదిరించడం వలన కొండచిలువ జింక ను వదిలివెళ్లిపోతుంది.అయితే ఆ వ్యక్తి ఆలా జింక ను కాపాడడం సరైనదా అని ప్రశ్న ను సంధించారు వినీత్.అయితే కొంతమంది నెటిజన్లు జింకను కాపాడి మంచి పని చేసాడు ఆ వ్యక్తి అని తమ అభిప్రాయాన్ని వ్యక్తం చెయ్యగా కొంతమంది మాత్రం ఈ సృష్టిలో ప్రతీ జంతువూ ఇంకో జంతువును చంపే జీవిస్తుంది కాబట్టి ఆ కొండచిలువకు ఆహారం లేకుండా చేసిన వ్యక్తిదే చాలా తప్పు అని స్పందిస్తున్నారు.

What do you think? The man was right or wrong?#wildlife #wildlifephotography #jimcorbett #tuesdayvibes @NalinYadavIFS @SudhaRamenIFS @JamirShaikh_IFS @vikas_yadav_ifs @ParveenKaswan @s_singh_ifs @SmithamolMS @NatGeoIndia @NatGeoPhotos @susantananda3 pic.twitter.com/ZPmAJIjVNI

— Vineet Vashist (@_VineetVashist) June 2, 2020

కరోనా వైరస్ కారణంగా దేశమంతటా లాక్ డౌన్ విధించిన విషయం తెలిసిందే.దీంతో కరోనా సోకినా వ్యక్తులను ఐసొలేషన్ వార్డ్ లలో చికిత్స అందిస్తుండగా కరోనా లక్షణాలు ఉన్నవారిని క్వారంటైన్ సెంటర్స్ లో నిర్బంధిస్తున్నారు.అయితే క్వారంటైన్ సెంటర్స్ లో ఉన్నవారికి ప్రభుత్వమే ఆహారం అందిస్తుంది.కాగా బీహార్ లోని ఓ క్వారంటైన్ సెంటర్ లో ఓ వ్యక్తి పది మందికి సరిపోయే ఆహారాన్ని ఒక్కడే తింటున్నాడు.దీంతో ఈ వార్త అంతటా వైరల్ గా మారింది ..వివరాల్లోకి వెళ్తే ..

కొంతమందికి ఆకలి ఎక్కువగా ఉంటుంది అని మనకు తెలుసు.అయితే అది ఎంతవరుకు అంటే ఇద్దరు వ్యక్తులు తినే ఆహారం ఒక వ్యక్తి తినడం వరకు.అయితే రాజస్థాన్ నుండి బీహార్ కూలి పని చేసుకోవడానికి వచ్చిన అనూప్ ఓజా అనే 23 యేళ్ళ వలస కార్మికుడిని కరోనా కారణంగా క్వారంటైన్ సెంటర్ లో నిర్బంధించారు.అయితే ప్రతిరోజు ఉదయాన్నే 35 చపాతీలు మరియు మధ్యాహ్నం ,సాయంత్రం 10 ప్లేట్ ల అన్నాన్ని తింటున్నాడు ఓజా .మొదటగా అక్కడ ఉన్న అధికారులు ఓజా తిండిని చూసి ఆశ్చర్యపోయారు.తర్వాత ఈ విషయాన్ని ఉన్నతాధికారులకు చెప్పారు.

కానీ ఈ విషయాన్ని మొదటగా నమ్మలేని ఉన్నతాధికారులు తర్వాత స్వయంగా వచ్చి ఓజా తిండిని చూసి నివ్వెరపోయారు.అయితే క్వారంటైన్ సెంటర్స్ లో సగటు మనిషికి రోజుకి ఎంత ఆహారం అందించాలి అని కొన్ని షరతులు ఉంటాయి.కాగా ఓజా విషయంలో కొన్ని ప్రత్యేక నిర్ణయాలు తీసుకున్న అధికారులు ఓజా కు సరిపోయినంత ఆహారం అందించాల్సిందిగా అక్కడ ఉన్న సిబ్బందికి సూచించారు .

తెలంగాణ రాష్ట్రంలో రోజు రోజుకి కరోనా విజృంభిస్తోంది. నిన్న ఒక్కరోజే రికార్డుస్థాయిలో 199కేసులు పాజిటివ్ కేసులు నమోదయ్యాయి. . వీరిలో 196మంది  తెలంగాణ రాష్ట్రవాసులు కాగా… ఇతర రాష్ట్రాల నుంచి వచ్చిన వారు ముగ్గురు ఉన్నారు. నమోదైన 199 కేసుల్లో 122 కేసులు GHMC పరిధిలో నమోదుకాగా, రంగారెడ్డిలో 40, మహబూబ్ నగర్ లో 3, మేడ్చల్ 10, ఖమ్మంలో 9, సూర్యాపేట 1, నిర్మల్ 1, వరంగల్ అర్బన్ 2, యాదాద్రి 1, జగిత్యాల 3, మెదక్ 3, జనగాంలో 1, వలస కూలీల్లో 3 కేసులు నమోదయ్యాయి.

తెలంగాణలో మొత్తం  కేసుల సంఖ్య 2,698కి చేరింది. ఇందులో 1428 మంది డిశ్చార్జ్ అయ్యారు. తెలంగాణలో ప్రస్తుతం 1188 యాక్టివ్‌ కేసులు ఉన్నాయి. ఇప్పటి వరకు తెలంగాణలో కరోనా బారిన పడి 82 మంది చనిపోయారు.ఈ మేరకు తెలంగాణ వైద్యారోగ్య శాఖ అధికారులు హెల్త్ బులెటిన్‌ను విడుదల చేశారు.

ఇప్పటిదాకా ప్రపంచం ఎప్పుడూ చూడని విపత్తు కరోనా వైరస్.దీని కారణంగా ప్రపంచ దేశాలు అన్ని తీవ్ర ఆర్ధిక సంక్షోభంలో మునిగిపోగా చాలామంది ఉద్యోగాలు కోల్పోయి నిరుద్యోగులు అయ్యారు.అంతేకాకుండా ఈ కరోనా ఎంతో మంది జీవితాలను చిన్నాభిన్నం చేసింది.ఎన్నో కుటుంబాలకు మర్చిపోలేని విపత్తు ను తెచ్చిపెట్టింది.అయితే ఈ కరోనా నేపథ్యంలో ప్రపంచం ఎప్పుడూ చూడని ఓ వింత లవ్ స్టోరీ తెరమీదకు వచ్చి అందరిని ఆశ్చర్యానికి గురయ్యేలా చేసింది.ఓ లేడీ డాక్టర్ మరియు కరోనా పేషెంట్ ప్రేమించుకున్నారు..ఈ ఘటనకు సంభందించిన వివరాలేంటో ఇప్పుడు చూద్దాం.

ఈజిప్ట్ లో అయా మోషాబ్ అనే లేడీ డాక్టర్ కరోనా రోగి అయినా ముహమ్మద్ ఫామి కి ఐసొలేషన్ వార్డ్ లో చికిత్స అందిస్తున్నారు.ముహమ్మద్ ఫామి తిరిగి కోలుకోవడానికి రెండు నెలల సమయం పట్టింది.అయితే ఈ క్రమంలో వీరిద్దరి మధ్య ప్రేమ పుట్టింది ముహమ్మద్ ఫామి పూర్తిగా కోలుకున్నాక అయా మోషాబ్ కు తన ప్రేమ వ్యక్తం చేసారు.అయితే అయా మోషాబ్ ఎస్ చెప్పారు.దీంతో ముహమ్మద్ ఫామి ఆనందానికి అవధులు లేకుండా పోయాయి.ప్రేమ ఎప్పుడూ ,ఎలా పుడుతుందో తెలియదు అనడానికి ఇదే ప్రత్యేక్ష ఉదాహరణ అని కొంతమంది నెటిజన్లు సోషల్ మీడియాలో కామెంట్స్ చేస్తున్నారు.మరికొందరైతే ఆసుపత్రిలో పైగా కరోనా పేషెంట్ తో ఇలా ఆ డాక్టర్ ప్రేమలో పడడం నిజంగా ఆశ్చర్యానికి గురిచేస్తుంది అని అంటున్నారు.