టీమిండియా ఓపెనర్ శుభ్ మన్ గిల్ గురించి తెలిసిందే. తన బ్యాటింగ్ శైలితో అందరిని ఆకట్టుకుంటూ ఉంటాడు. ఈ యంగ్ క్రికెటర్ బాగా ఫేమస్ అయింది మాత్రం సచిన్ టెండూల్కర్ కుమార్తె సారా టెండుల్కర్ తో లవ్ లో ఉన్నాడనే విషయం పైన. ఇద్దరు కలిసి డేటింగ్ చేస్తున్నారని విషయం అధికారికంగానే చెప్పుకుంటున్నారు.

Video Advertisement

గురువారం రాత్రి పూణే వేదికగా బంగ్లాదేశ్ పై జరిగిన వరల్డ్ కప్ మ్యాచ్ లో సారా ప్రత్యేక ఆకర్షణగా నిలిచింది. గిల్ బ్యాటింగ్ చేస్తున్నప్పుడు స్టేడియంలో నుండి చప్పట్లు కొడుతూ ఎంకరేజ్ చేసింది. సారా స్టేడియంలో ఉంది కాబట్టి గిల్ రెచ్చిపోయి ఆడతారంటూ నెటిజన్లు కామెంట్లు చేశారు.

ఇదే మ్యాచ్ లో గిల్ మరో విషయంలో అందరినీ ఆకర్షించాడు. అతని టీ షర్ట్ కాలర్ వద్ద గోల్డెన్ బ్యాడ్జ్ కనిపించింది. ఇది ఏంటి అంటూ అందరూ ఆరా తీయడం మొదలుపెట్టారు. సెప్టెంబర్ 2023 గాను ఐసీసీ ప్లేయర్ ఆఫ్ మంత్ అవార్డు గిల్ కు లభించింది. అందుకే దానిని ధరించి అతని బ్యాటింగ్ చేశాడు. సెప్టెంబర్ నెలలో అద్భుతమైన బ్యాటింగ్ తో గిల్ ఈ అవార్డును గెలుచుకున్నాడు.


కేవలం ఎనిమిది ఇన్నింగ్స్ లోనే ఏకంగా 480 పరుగులు చేశాడు. ఇందులో రెండు సెంచరీలు, మూడు అర్ధ సెంచరీలు ఉన్నాయి. ఆసియా కప్ తో పాటు స్వదేశంలో ఆస్ట్రేలియాపై జరిగిన వన్డే సిరీస్ లోను గిల్ రాణించాడు.ఈ అవార్డుపై గిల్ స్పందిస్తూ తనకు ఈ అవార్డు రావడం సంతోషంగా ఉంది అన్నాడు. ఇండియా తరఫున అంతర్జాతీయ స్థాయిలో రాణించడం గర్వంగా ఉందని వ్యాఖ్యానించాడు తాను మరింతగా రాణించేందుకు దేశాన్ని గర్వింపజేసేందుకు ఈ అవార్డు మరింత ప్రోత్సహిస్తుందని అభిప్రాయం వ్యక్తం చేశాడు.

Also Read: WORLD CUP 2023 : “కోహ్లీ” కి అంపైర్ సహాయం చేశాడా..? ఇందులో నిజం ఎంత..?