Ads
రైలు ప్రయాణాలు మనకి కొత్తేమి కాదు. ఎంతో హుషారు గా కిటికీ పక్కన కూర్చుని రైల్లో వెళ్ళడానికి మనందరం ఇష్టపడతాం. అదే సమయం లో రైలు పట్టాలకు పక్కగా రకరకాల బోర్డులు కనిపిస్తూ ఉంటాయి. వాటిల్లో ఓ బోర్డుపై W/L అని రాసి ఉంటుంది. అయితే.. ఇలా ఎందుకు రాసి ఉంటుంది అన్న అనుమానం మీకెప్పుడైనా వచ్చిందా..?
Video Advertisement
వాస్తవానికి ఈ బోర్డుని ప్రజల భద్రతా కోసమే రైల్వే శాఖ ఏర్పాటు చేసింది. ఆశ్చర్యంగా ఉందా..? ఈ బోర్డులు మన భద్రతకు ఎలా ఉపయోగపడతాయో ఈ ఆర్టికల్ లో తెలుసుకుందాం.
మొదట ఈ బోర్డుకి అర్ధం ఏమిటో తెలుసుకుందాం. W/L అంటే విజిల్ / లెవెల్ బోర్డు అని అర్ధం. భారతీయ రైల్వే సంస్థ తెలిపిన వివరాల ప్రకారం.. ఈ బోర్డు లోకో పైలట్లను అప్రమత్తం చేయడం కోసం ఏర్పాటు చేసారు. రైలు పట్టాల వద్ద మ్యాన్ క్రాసింగ్ లేదా అన్ మ్యాన్ క్రాసింగ్ ఉన్న చోట్ల ఈ గుర్తును ఏర్పాటు చేస్తారు.
ఈ బోర్డు గుండా వెళ్లే ప్రతి సారీ లోకో పైలట్ తప్పని సరిగా హారన్ కొట్టాల్సి ఉంటుంది. ఈ బోర్డు పసుపు రంగులో ఉంటుంది. దీనిపైన నల్లని అక్షరాలతో రాస్తారు. తద్వారా ఎంత దూరంలో ఉన్నా ఈ బోర్డు కనిపిస్తూ ఉంటుంది. జనాలని ప్రమాదం బారిన పడకుండా ఉండడం కోసం రైల్వే డ్రైవర్ ఈ బోర్డు మీదుగా వెళ్ళేటపుడు హారన్ మోగిస్తూ ఉంటాడు. నిబంధనల ప్రకారం.. ఈ బోర్డులను 2.100 మిమీ ఎత్తులో రెండు బోర్డులను పెట్టాల్సి ఉంటుంది. అందులో ఒకటి ఇంగ్లీష్ లో ఉంటె.. మరొకటి హిందీలో ఉండాలి.
End of Article
