Anudeep

రాజకీయాల్లో బిజీ అయిన పవర్ స్టార్ పవన్ కళ్యాణ్ అభిమానుల కోసం ‘వకీల్ సాబ్’ సినిమాతో కం బ్యాక్ ఇచ్చారు. అప్పటి నుంచి వరుస ప్రాజెక్టులు ఓకే చేస్తూ బిజీ గా ఉంటున్నారు. ఇప్పటికే 3 ప్రాజెక్టులకు ఓకే చెప్పిన పవన్ వాటిని ఎప్పటికి పూర్తి చేస్తారా అని అభిమానులు ఎదురు చూస్తున్నారు. ప్రస్తుతం హరిహర వీరమల్లు సినిమా షూటింగ్ లో పాల్గొంటున్నారు పవన్ కళ్యాణ్. మరోవైపు సాహో ఫేమ్ సుజీత్ తో పవన్ సినిమా చేయనున్నట్లు డీవీవీ సంస్థ అధికారికంగా ప్రకటించింది.

అయితే పవర్ స్టార్ పవన్ కళ్యాణ్-హరీష్ శంకర్ కాంబినేషన్ మరో సినిమా రానున్న విషయం తెలిసిందే. ఈ సినిమాకి సంబంధించి పవన్ కళ్యాణ్ పుట్టినరోజు నాడు అనౌన్స్మెంట్ కూడా చేశారు. ఆ సినిమా టైటిల్ అలాగే ఫస్ట్ లుక్ పోస్టర్ విడుదల చేశారు. సినిమా పేరు భవదీయుడు భగత్ సింగ్ అని చెప్పారు. అయితే ఈ సినిమా గురించి అప్పటి నుంచి ఎటువంటి అప్డేట్ రాలేదు. ఇప్పుడు మళ్లీ సడన్ గా హరీష్ శంకర్ సోషల్ మీడియాలో ఈ సినిమాకి సంబంధించి ఒక విషయం చెప్తాను అని ట్వీట్ చేశారు.

అయితే పవన్ కళ్యాణ్ గత కొన్ని రోజుల నుండి రీమేక్ సినిమాల్లో నటిస్తున్న సంగతి తెలిసిందే. దీంతో త్వరలో హరీష్ శంకర్, మైత్రి మూవీస్, పవన్ కళ్యాణ్ కాంబినేషన్ లో తేరి చిత్ర రీమేక్ ప్రకటించబోతున్నారు అంటూ న్యూస్ వైరల్ అవుతోంది. ఇప్పుడు హరీష్ తో తీసే సినిమా కూడా విజయ్ హీరోగా నటించిన తేరీ రీమేక్ అని అంటున్నారు. ఈ సినిమాని తెలుగులో పోలీసోడు పేరుతో డబ్ కూడా చేశారు.

ఇప్పుడు వీరిద్దరి కాంబినేషన్ లో వచ్చే చిత్రం రీమేక్ ఏ నా.. లేకుంటే వేరేదా అన్నది తెలియట్లేదు. ఆల్రెడీ ‘భ‌వ‌దీయుడు భ‌గ‌త్ సింగ్‌’ కి టైటిల్ కి తగ్గట్టు ఒక మంచి కథ హరీష్ చెప్పే ఉంటారుగా.. మరి ఆ కథ నచ్చలేదా.. అని పవన్ ఫాన్స్ ఆందోళన చెందుతున్నారు. పవన్ నటించిన గత రెండు చిత్రాలు వకీల్ సాబ్, భీమ్లా నాయక్ రీమేక్ మూవీస్. పవన్ ఫ్యాన్స్ ఇప్పటికే రీమేక్ చిత్రాలతో విసిగిపోయారు. మరోసారి పవన్ నుంచి వాళ్ళు రీమేక్ ఆశించడం లేదు.

కానీ భవదీయుడు భగత్ సింగ్ చిత్రాన్ని పక్కన పెట్టి.. తేరి రీమేక్ తెరకెక్కించేందుకు హరీష్ శంకర్ రెడీ అవుతున్నారనే రూమర్స్ రావడంతో పవన్ అభిమానులు మండిపడుతున్నారు. సోషల్ మీడియాలో పెద్ద ఎత్తున ట్రెండింగ్ మొదలు పెట్టారు. నిన్నటి నుంచి ‘ వి డోంట్ వాంట్ తేరి రీమేక్’ అనే హ్యాష్ ట్యాగ్ ట్విట్టర్ లో టాప్ లో ట్రెండింగ్ గా నిలిచింది. తేరి రీమేక్ ప్రకటిస్తే సూసైడ్ చేసుకుంటాం అని కూడా కొందరు అభిమానులు మైత్రి సంస్థకి, హరీష్ శంకర్ కి వార్నింగ్ ఇస్తున్నారు.

పవర్ స్టార్ ఇమేజ్ కి సరిపడే కథలే లేవా అంటూ ఫాన్స్ ఫైర్ అవుతున్నారు. పవన్ తో ఒక్క సినిమా చెయ్యాలని ఎందరో డైరెక్టర్స్ ఎదురు చూస్తున్నారు.. అవన్నీ కాదని మళ్ళీ రీమేక్ ఏంటన్నా.. నువ్వు పవర్ స్టార్ అన్న విషయం మర్చిపోయావా అన్నా? అంటూ ఫాన్స్ విచారం వ్యక్తం చేస్తున్నారు. ఇప్పటికే పవన్ నటించిన బద్రి వంటి చిత్రాలను చూసి ఆనందపడాల్సి వస్తుంది.

సుజీత్ తో చేయబోయే చిత్రమే చాలా కాలం తర్వాత పవన్ కళ్యాణ్ స్ట్రైట్ గా చేయబోతున్న యాక్షన్ మూవీ. ఈ సంతోషాన్ని ఆస్వాదించే లోపే ఈ రీమేక్ న్యూస్ ఫాన్స్ కి తలనొప్పిగా మారిందని అంటున్నారు. అయినా కొంతమంది మాత్రం అంత మంది హీరోలు ఉండగా వాళ్లు కూడా రీమేక్ సినిమాలు చేస్తూ ఉండగా కేవలం పవన్ కళ్యాణ్ మాత్రమే ఎందుకు కనిపిస్తున్నారు అని అంటున్నారు. ఒక్క పవన్ కళ్యాణ్ విషయంలో మాత్రమే ఇలా ఎందుకు జరుగుతోంది అంటూ కామెంట్స్ చేస్తున్నారు.

టాలీవుడ్ యంగ్ టైగర్ జూనియర్ ఎన్టీఆర్, స్టార్ డైరెక్టర్ కొరటాల శివ కాంబోలో మరో సినిమా వస్తున్న విషయం తెలిసిందే. ‘ఎన్టీఆర్‌ 30’ (వర్కింగ్ టైటిల్) పేరుతో ఓ సినిమా తెరకెక్కుతోంది. గతం లో వీరిద్దరి కాంబోలో ‘జనతా గ్యారేజ్‌’ వంటి బ్లాక్‌ బస్టర్‌ హిట్‌ చిత్రం వచ్చిన నేపథ్యంలో ఎన్టీఆర్‌ 30పై భారీ అంచనాలు నెలకొన్నాయి. ప్రస్తుతం ప్రీ ప్రొడక్షన్‌, స్క్రిప్ట్‌ వర్క్‌ను పూర్తి చేసుకున్న ఈ చిత్రం త్వరలోనే రెగ్యూలర్‌ షూటింగ్‌ను జరపుకోనుంది.

అయితే, కొరటాల శివ గత చిత్రం ‘ఆచార్య’ డిజాస్టర్ కావడంతో ఎన్టీఆర్‌తో సినిమాపై అభిమానుల్లో కాస్త ఆందోళన ఏర్పడింది. దీంతో ఈ సినిమాపై మరింత పగడ్బందీగా కొరటాల శివ పనిచేస్తున్నారు. అయితే ఈ చిత్రం లో హీరోయిన్‌ ఎవరనేది ప్రస్తుతం నెట్టింట పెద్ద చర్చనీయాంశంగా మారింది. ఎన్టీఆర్‌ 30లో నటించనున్నారని ఇప్పటికే పలువురు స్టార్‌ హీరోయిన్ల పేరు తెరపైకి వస్తున్నాయి. ‘సీతారామం’ హీరోయిన్ మృణాల్ ఠాకూర్ ఎన్టీఆర్‌ 30లో హీరోయిన్ గా ఛాన్స్ కొట్టేసిందని సమాచారం.

సీతారామం సినిమా చూసిన వారు మృణాల్ ఠాకూర్ ను అంత సులభంగా మర్చిపోరు. అందం, అభినయం కలబోసిన ఈ బాలీవుడ్ భామ.. సీతారామం సినిమాలో బాపుబొమ్మలా కనిపించి ప్రేక్షకులను కట్టిపడేసింది. మృణాల్ అందానికి తెలుగు ప్రేక్షకులంతా ఫిదా అయిపోయారు. ఇప్పటికే మృణాల్ ను కూడా సంప్రదించారట. ఆమె కూడా వెంటనే ఓకే అందని సమాచారం. త్వరలోనే దీనికి సంబంధించిన ప్రకటన కూడా అధికారికంగా రాబోతుందని అంటున్నారు. ఇక, మృణాల్‌ను ఎంపిక చేశారన్న వార్తలతో తారక్ ఫ్యాన్స్ మాత్రం ఫుల్ ఖుషీ అవుతున్నారు.

ఎన్టీఆర్ ఆర్ట్స్, యువ‌సుధ ఆర్ట్స్ సంయుక్త భాగ‌స్వామ్యంలో ఎన్టీఆర్‌ 30 సినిమా తెర‌కెక్కుతుంది. ఈ చిత్రానికి స్టార్ డైరెక్టర్ అనిరుధ్ ర‌విచంద‌ర్ మ్యూజిక్ అందిస్తున్నారు. ఎన్టీఆర్ 30కి ర‌త్న‌వేల్‌ సినిమాటోగ్రాఫ‌ర్‌గా వ‌ర్క్ చేస్తున్నాడు. మ‌రోవైపు ‘కేజీఎఫ్’ డైరెక్ట‌ర్‌ ప్ర‌శాంత్ నీల్ దర్శకత్వంలో ఎన్టీఆర్ మరో సినిమా చేస్తున్న విష‌యం తెలిసిందే.

యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన క్రేజీ మూవీ ‘అరవింద సమేత వీర రాఘవ’. పూజా హెగ్డే హీరోయిన్. రాయలసీమ ఫ్యాక్షన్ నేపథ్యంలో తెరకెక్కించిన చిత్రమిది. ఇందులో ఎన్టీఆర్ చిత్తూరు యాసలో చెప్పిన డైలాగ్స్ ప్రేక్షకులు అందర్నీ ఆకట్టుకున్నాయి.

స్టార్ హీరోలందరితోనూ సినిమాలు చేసిన త్రివిక్రమ్.. ఎన్టీఆర్‌తో సినిమా తీసేందుకు చాలా ఏళ్లు సమయం తీసుకుని ఎన్టీఆర్ కోసం కసితో తన శైలికి భిన్నంగా ‘అరవింద సమేత’ కథను తయారు చేశారు త్రివిక్రమ్. తన సినిమాల్లో రక్తపాతం, హింసలకు దూరంగా ఉండే త్రివిక్రమ్ ‘అరవింద సమేత’లో రక్తపుటేరులు పారించారు. 2018 దసరా కానుకగా విడుదలైన ఈ చిత్రం నాలుగేళ్లు పూర్తి చేసుకుంది.

ఈ నేపథ్యం లో సామాజిక మాధ్యమాల్లో ఒక కామెడీ వీడియో వైరల్ అవుతోంది. హీరో మంచు విష్ణు నటించిన ‘దూసుకెళ్తా’ చిత్రం లోని ఒక సన్నివేశం లో అలీ కొందరికి ఒక కథ చెప్తూ..” అశాంతిగా ఉన్న ఊరిని హీరో ప్రశాంతం గా మారుస్తాడు అని చెప్తాడు.. అప్పుడు అక్కడున్న ఒకడు ఎలా మారుస్తాడు అని అడగ్గా.. అందర్నీ ఇష్టమొచ్చినట్టు కొట్టి.. ఇలా.. కొట్టి చివరికి శాంతి వచనాలు చెప్పాలి..” అని చెప్తాడు అలీ.

దీంతో ఈ వీడియో పై నెటిజన్లు రకరకాలుగా స్పందిస్తున్నారు. ‘అరవింద సమేత వీర రాఘవ’ సినిమా ని బ్రీఫ్ గా చెప్పేసినట్టున్నారే.. అంటూ కామెంట్లు చేస్తున్నారు. మరి కొందరు ఆ సినిమా చాలా విభిన్నం గా తెరకెక్కించారు త్రివిక్రమ్ అంటూ కామెంట్లు కురిపిస్తున్నారు. కానీ ఇదే జోనర్ తో తెలుగు లో ఇప్పటికే చాలా సినిమాలు తెరకెక్కాయి అంటూ కామెంట్లు చేస్తున్నారు నెటిజన్లు.

ఈ చిత్రం లో తన తండ్రిని చంపిన శత్రువులను చంపకుండా.. వారిని మార్చి తమ గ్రామాల్లో శాంతి నెలకొల్పేందుకు ప్రయత్నిస్తాడు ఎన్టీఆర్. త్రివిక్రమ్ మేజిక్ మేకింగ్ తో పటు తమన్ మ్యూజిక్ ఈ చిత్రాన్ని సూపర్ హిట్ గా నిలిపాయి.

https://www.instagram.com/reel/Cjc9F5wp9dU/?igshid=YmMyMTA2M2Y%3D

గతేడాది చివర్లో బాలయ్య.. బోయపాటి శ్రీను దర్శకత్వంలో చేసిన ‘అఖండ’ బ్లాక్ బస్టర్ అయ్యింది. బాలయ్య పనైపోయిందన్న వాళ్లకు ఈ సినిమా సక్సెస్‌తో సమాధానం ఇచ్చారు. మంచి కథ పడితే.. బాక్సాఫీస్ దగ్గర బాలయ్య రచ్చ ఏ విధంగా ఉంటుందో ‘అఖండ’తో మరోసారి ప్రూవ్ అయింది. ‘అఖండ’ సక్సెస్‌తో ఇండస్ట్రీ బడా హీరోలు కూడా ఊపిరి పీల్చుకున్నారు. ఈ సినిమా 20థియేటర్స్‌లో 100 రోజులు పూర్తి చేసుకుని ఈ డిజిటల్ యుగంలో వంద రోజుల పోస్టర్‌తో సంచలనం రేపింది.

ఈ సినిమా విడుదలైన 50 రోజుల తర్వాత ‘అఖండ’ ని హాట్ స్టార్ లో స్ట్రీమింగ్ కి వచ్చింది. అక్కడ కూడా అఖండ రికార్డ్స్ క్రియేట్ చేసింది. అలాగే స్టార్ మాలో వరల్డ్ ప్రీమియర్ అయిన సమయంలో కూడా భారీ ఎత్తున రేటింగ్ వచ్చింది. అఖండ వల్ల స్టార్ మాకి భారీ గా లాభం వచ్చిందనే టాక్ వచ్చింది. దీంతో బాలయ్య రానున్న చిత్రం వీరసింహా రెడ్డి సినిమాను కూడా స్టార్ మా దక్కించుకున్నట్లుగా తెలుస్తోంది.

మైత్రి మూవీ మేకర్స్ వారు శాటిలైట్ మరియు ఓటీటీ రైట్స్ తో భారీ మొత్తానికి మూట కట్టుకున్నారనే వార్తలు వస్తున్నాయి. సినిమా పై ఉన్న భారీ అంచనాల నేపథ్యంలో మరియు బుల్లి తెరపై బాలయ్య కు ఉన్న స్టార్ డమ్ మరియు క్రేజ్ నేపథ్యంలో స్టార్ మా వారు ఈ సినిమాను గట్టి పోటీలో తీసుకున్నట్లుగా సమాచారం అందుతోంది.

ఈ మధ్య కాలంలో ఓటీటీ లో స్ట్రీమింగ్ అయ్యి ఎక్కువ మంది చూసిన తర్వాత శాటిలైట్ లో ఎక్కువ చూడటం లేదు. అందుకే టీవీ ల రేటింగ్ గతంతో పోల్చితే ఎక్కువ రావడం లేదు. అయినా కూడా అఖండ తెచ్చిన నమ్మకంతో వీర సింహారెడ్డి సినిమాను స్టార్ మా భారీ రేటుకు కొనుగోలు చేసింది. అఖండ సినిమా స్టార్ మాలో టెలికాస్ట్ అవ్వగా అంతకు ముందే డిస్నీ ప్లస్ హాట్ స్టార్ లో స్ట్రీమింగ్ అయ్యింది. కనుక వీర సింహారెడ్డి కూడా అక్కడే స్ట్రీమింగ్ అయ్యి టెలికాస్ట్ అవ్వబోతుంది.

గోపీచంద్ మలినేని దర్శకత్వంలో రూపొందిన వీర సింహారెడ్డి సినిమా సంక్రాంతికి ప్రేక్షకుల ముందుకు రాబోతుంది. శృతి హాసన్ హీరోయిన్ గా నటించిన ఈ సినిమాలో బాలయ్య రెండు విభిన్నమైన పాత్రల్లో కనిపిస్తాడనే ప్రచారం జరుగుతోంది. దార్థ సంఘటనల ఆధారంగా ఈ సినిమాను రూపొందించినట్లుగా దర్శకుడు గోపీచంద్ గతంలోనే పేర్కొన్నాడు.

అడివి శేష్.. ఈ మధ్య కాలంలో టాలీవుడ్ లో గట్టిగా వినిపిస్తున్న పేరు ఇది. మొదట్లో సినిమాల్లో చిన్న చిన్న పాత్రలు చేసిన శేష్.. క్షణం చిత్రం నుంచి తన పంథా మార్చుకున్నాడు. డబుల్ హ్యాట్రిక్ హిట్స్ అందుకుని తన స్థాయిని నెక్ట్స్ లెవల్‌కి తీసుకెళ్లాడు. అడివి శేష్ 2010లో విడుదలైన కర్మ అనే సినిమాతో సినీ రంగ ప్రవేశం చేశాడు. పవన్ కల్యాణ్ కథానాయకుడిగా నటించిన పంజా సినిమాలో విలన్ గా నటించాడు. బలుపు, దొంగాట,సైజ్ జీరో వంటి సినిమాల్లో చేసినా అంత పేరు రాలేదు.

దీంతో తన విజయ పథాన్ని తానే తయారు చేసుకున్నాడు. కథలు, స్క్రీన్ ప్లే తానే రాసుకుంటూ.. క్షణం చిత్రం నుంచి తాజాగా వచ్చిన హిట్ 2 వరకు డబుల్ హ్యాట్రిక్ హిట్స్ అందుకొని మినిమం గ్యారెంటీ హీరోగా మారాడు. కమర్షియల్ కథలు కావాలని పేచీ పెట్టడు.. రెగ్యులర్ సినిమాలకు దూరంగా ఉంటాడు.. కొత్త కథలను కమర్షియల్‌గా చెప్పాలనుకుంటాడు.. హీరోయిన్లతో డ్యూయెట్లు అడగడు. దీంతో నిర్మాతలకు మంచి ఛాయస్ గా మారాడు శేష్.

టాలీవుడ్‌లో సెకండ్ టైర్ హీరోలలో నెంబర్ వన్ ఎవరు అంటే మరో అనుమానం లేకుండా అంతా నిన్నమొన్నటి వరకు నాని పేరు చెప్పేవాళ్లు. కానీ ఇప్పుడా స్థానం మరో హీరోకు వెళ్లేలా కనిపిస్తుంది. రవితేజ లాంటి సీనియర్ హీరో ఉన్నా.. ఈ మధ్య ఫ్లాపులతో మార్కెట్ తగ్గిపోయింది. నాగ చైతన్య, సాయి ధరమ్ తేజ్, వరుణ్ తేజ్, రామ్, నితిన్ కూడా అంత ఫామ్‌లో లేరు. దీంతో శేష్ అనూహ్యం గా దూసుకొచ్చాడు. ఈయన సినిమాలో ఉన్నాడంటే బొమ్మ బ్లాక్‌బస్టర్ అని ఫిక్సైపోతున్నారు ఆడియన్స్.

ఈ యంగ్ హీరో కెరీర్ బిగినింగ్ నుంచి విభిన్నమైన కథలను ఎంచుకుంటూ సినిమాలు చేస్తూ మంచి హిట్స్ అందుకుంటున్నాడు. క్షణం, గూఢచారి, ఎవరు, మేజర్.. తాజాగా హిట్ 2 సినిమాతో సెకండ్ టైర్ హీరోలలో టాప్ ప్లేస్‌పై కన్నేసారు శేష్. సరికొత్త మేకింగ్‌తో.. థ్రిల్లింగ్ కథలతో హిట్ మిషన్‌గా మారిపోయారు శేష్. ఈయన దెబ్బకు మిగిలిన వాళ్లకు చెమటలు పడుతున్నాయి. మరో రెండు హిట్స్ వస్తే శేష్ మార్కెట్ పెరగటం ఖాయంగా కనిపిస్తోంది.

నాని నిర్మాతగా అడవి శేష్ హీరోగా నటించిన ‘హిట్-2’ మూవీ పాజిటివ్ టాక్‌తో నడుస్తోంది. సస్పెన్స్ క్రైమ్ థ్రిల్లర్‌గా వచ్చిన ఈ సినిమాలో అడివి శేష్‌కి జంటగా మీనాక్షి చౌదరి నటించింది. వరల్డ్‌వైడ్‌గా గత శుక్రవారం రిలీజైన ఈ సినిమా ఆరు రోజుల వ్యవధిలోనే అంచనాల మించి వసూళ్లని రాబట్టింది. వరల్డ్‌ వైడ్‌గా సుమారు 990 స్క్రీన్స్‌లో ఈ సినిమాని రిలీజ్ చేశారు.

ఈ చిత్రం ఇప్పటికే యూఎస్ లో ఇప్పటికే ఈ చిత్రం బ్రేక్ ఈవెన్ పూర్తి చేసుకుంది. తొలి రోజే 11.8 కోట్ల వసూళ్లని రాబట్టిన హిట్-2 మూవీ.. ఆ తర్వాత వరుసగా రూ 8.05 కోట్లు, రూ.7.15 కోట్లు, రూ.3.2 కోట్లు, రూ.2.25 కోట్లు, రూ.1.45 కోట్ల కలెక్షన్లని గొల్లగొట్టింది. ఓవరాల్‌గా ఈ సినిమా వరల్డ్‌వైడ్‌గా ఇప్పటి వరకూ రూ.34.2 కోట్లని కలెక్ట్ చేసినట్లు బాక్సాఫీస్ రికార్డులు చెప్తున్నాయి. ఇందులో డిస్ట్రిబ్యూటర్ షేర్ రూ.18.01 కోట్లు‌‌గా తెలుస్తోంది. హిట్-2 మూవీని రూ.15 కోట్ల బడ్జెట్‌తో రూపొందించినట్లు సమాచారం. అడివి శేష్ కెరీర్‌లో ఇదే హైయ్యెస్ట్ థియేట్రికల్ బిజినెస్ చేసిన సినిమాగా రికార్డులకు ఎక్కింది.

హిట్ ఫ్రాంఛైజీలో వచ్చిన రెండో సినిమా ఇది. 2020లో విశ్వక్ సేన్ హీరోగా ‘హిట్: ది ఫస్ట్ కేస్’ మూవీ వచ్చింది. ఆ సినిమా సక్సెక్ కావడంతో డైరెక్టర్ శైలేష్ కొలను అడవి శేష్ హీరోగా ఈ ‘హిట్: ది సెకండ్ కేసు’ని తెరపైకి తీసుకొచ్చాడు. ఇక వచ్చే ఏడాది ‘హిట్: ది థర్డ్ కేసు’ మూవీ కూడా రాబోతోంది. ప్పటికే ‘హిట్: ది థర్డ్ కేసు’లో అర్జున్ సర్కార్‌గా నాని ఎలా ఉండబోతున్నాడో కూడా డైరెక్టర్ శైలేష్ కొలను రెండు రోజుల క్రితం ఓ పోస్టర్‌తో ఫుల్ క్లారిటీ ఇచ్చేశాడు.

ఇక ఈ సినిమా ఓటీటీ రైట్స్‌ను ను ప్రముఖ స్ట్రీమింగ్ యాప్ అమెజాన్ ప్రైమ్ వీడియో దక్కించుకుంది. హిట్ 1 కూడా ప్రైమ్ వీడియోనే కొనుగోలు చేసిన విషయం తెలిసిందే. సినిమా విడుదలైన ఎనిమిది వారాలకు ఈ సినిమా స్ట్రీమింగ్‌కు రానుంది.