Anudeep

పరీక్షలో విఫలమైతే ఎందరో విద్యార్థులు తల్లితండ్రులను ఎదుర్కోలేక తనువు చాలిస్తున్నారు. ఎంసెట్ లో క్వాలిఫై అవ్వలేదని ఓ యువతి ఆత్మహత్య చేసుకున్న ఘటన నల్లగొండ జిల్లా కనగల్ మండలం శాబ్థుల్లాపురం లో కలకలం రేపుతోంది.

“క్షమించండి అమ్మా నాన్నా.. నా పై ఎన్నో ఆశలు పెట్టుకున్నారు. కానీ నేను నిలబెట్టుకోలేకపోయాను..” అంటూ ఆ అమ్మాయి సూసైడ్ నోట్ రాసి ఆత్మహత్య చేసుకుంది. వివరాల్లోకి వెళ్తే.. శాబ్దుల్లాపురం కు చెందిన అరుణ, రవీందర్ రెడ్డి ల కూతురు స్నేహ ఓ ప్రైవేట్ కాలేజీ లో ఇంటర్ చదివింది. కొన్ని రోజుల క్రితమే ఎంసెట్ పరీక్షకు కూడా హాజరైంది. ఇటీవల ఫలితాలు రావడం తో తాను క్వాలిఫై అవ్వలేదు అన్న విషయాన్నీ స్నేహ తెలుసుకుంది.

దీనితో ఆమె తీవ్ర మనస్తాపం చెంది ఆత్మహత్య చేసుకోవాలని భావించింది. ఆమె తల్లి అరుణ ఏ ఎన్ ఎం గా పనిచేస్తున్నారు. రోజులానే బుధవారం కూడా ఆమె విధుల నిమిత్తం బయటకు వెళ్లారు. తండ్రి రవీందర్ రెడ్డి కూడా వ్యవసాయ పనులు ఉండడం తో పొలానికి వెళ్ళాడు. ఇంట్లో తల్లి తండ్రి ఇద్దరు లేని సమయం లో.. తల్లిని బండిపై ఇంటికి తీసుకురావాలంటూ తన తమ్ముడిని కూడా బయటకు పంపించేసింది.

అందరు ఇంట్లోంచి బయటకు వెళ్ళినప్పుడు ఇంట్లోనే ఫ్యాన్ కు ఉరి వేసుకుని ఆత్మహత్య చేసుకుంది. అదే సమయం లో ఆమె తండ్రి కూడా వచ్చాడు. అయితే అతను పనులు ఉండడం తో బయటే కూర్చుని ఉండిపోయాడు. కొంతసేపటికి తల్లిని తీసుకుని తమ్ముడు రావడం తో.. అందరు లోపలికి వెళ్లారు. అప్పటికే లోపల స్నేహ ఉరికి వేలాడుతూ కనిపించింది. వెంటనే ఆమెను కిందకు దించినా.. ఆమె అప్పటికే ప్రాణాలు వదిలేసుకుంది. ఆ తల్లితండ్రులు కన్నీరు మున్నీరవుతున్నారు. తాను వెంటనే ఇంట్లోకి వచ్చినా.. కూతురు దక్కేదని ఆ తండ్రి పడుతున్న వేదన చూసి స్థానికులు కలత చెందుతున్నారు.

ఒకప్పుడు పెళ్లంటే అటు ఏడు తరాలు.. ఇటు ఏడు తరాలు చూసి గానీ చేసే వారు కాదు. ప్రస్తుతం సంబంధాలు చూడడం అన్న పద్ధతే పూర్తి గా మారిపోయింది. పిల్లలే ప్రేమిస్తున్నాం అంటూ ఎవరో ఒకరిని తీసుకొచ్చి పరిచయం చేయడం.. సరే అనేక తప్పని పరిస్థితులు ఎదురవుతున్నాయి. కాదంటే.. ఇంట్లోంచి వెళ్ళిపోయి పెళ్లి చేసుకుంటున్నారు.

ఇంతలా పెద్దలను ఎదిరించి పెళ్లి చేసుకున్న వారు ఏమైనా సఖ్యం గా ఉన్నారా..? అంటే అదీ లేదు. ప్రేమ వివాహాలు సైతం దుఃఖాంతమవుతున్నాయి. ప్రేమించి పెళ్లి చేసుకున్న భర్తలు కూడా పెళ్లి అయిన తరువాత భార్య పై ప్రేమ చూపించడం లో పక్షపాతం చూపిస్తున్నారు. కట్నాలు తీసుకురాలేదని.. మర్యాదలు లేవని.. ఇలా ఏదో ఒక కారణం తో వేధిస్తున్నారు. తాజాగా.. హర్యానా కు చెందిన సీతాపూర్ జిల్లా ఖజురియా గ్రామానికి చెందిన షాలిని(18) అనే అమ్మాయి పక్కన ఇంట్లోనే ఉండే విశాల్ సింగ్ అనే అబ్బాయిని ప్రేమించింది.

వీరి ప్రేమ ఇంట్లో కూడా తెలిసింది. ఇరు కుటుంబాల వారు అడ్డు చెప్పారు. దీనితో వారిద్దరూ ఇంట్లోంచి వెళ్ళిపోయి దగ్గరలోని శ్యామ్‌నాథ్ ఆలయంలో వివాహం చేసుకున్నారు. వివాహం అయిన దగ్గరినుంచి షాలిని కి విశాల్ నుంచి ఒత్తిడి పెరిగింది. పుట్టింటికి వెళ్లి కట్నం తీసుకురావాలంటూ వేధించసాగాడు. అతనికి వేరే పని కూడా దొరకకపోవడం తో చేతిలో పైసా కూడా మిగలలేదు.

ఏదో ఒక పనిని వెతుక్కోవాలని విశాల్ ఆలోచించకుండా.. కట్నం తేవాలంటూ షాలిని ని వేధించేవాడు. అతని వేధింపులు భరించలేక ఓ సారి షాలిని తన అన్న సోను వద్దకు వచ్చి తన బాధను వెళ్లబోసుకుంది. తొందరపడి ఇంట్లోంచి బయటకు వచ్చానని.. రెండు లక్షలు కట్నం తేవాలంటూ.. తన భర్త తనని వేధిస్తున్నాడని చెప్పుకుని బాధపడింది. ఈ విషయమై అతను సీతాపూర్ ఎస్పీ కి ఫిర్యాదు చేయించగా.. వారు భార్యా భర్తలు ఇద్దరినీ పిలిపించి కౌన్సిలింగ్ ఇచ్చారు.

మరోసారి ఆమెను కట్నం కోసం ఇబ్బంది పెడితే సహించేది లేదని విశాల్ కు వార్నింగ్ కూడా ఇచ్చారు. ఈ ఘటన తరువాత చెల్లెలి పై సోను కూడా కోపం పెంచుకున్నాడు. కనీసం ఫోన్ కూడా లిఫ్ట్ చేయలేదు. నాలుగు నెలలకు తన చెల్లి ఎలా ఉందో చూద్దామని వారు నివాసం ఉంటున్న రాయ్ గ్రామానికి వెళ్ళాడు. తీరా వెళ్లేసరికి తన చెల్లి అనుమానాస్పదం గా చనిపోయిందన్న విషయం తెలిసింది. ఆగష్టు పదవ తేదీనే తను చనిపోయిందని.. ఆమె అంత్యక్రియలు కూడా ఆ గ్రామం లోనే జరిగాయని తెలుసుకుని సోను నిర్ఘాంతపోయాడు.

ఈ ఘటన గురించి ఆమె కుటుంబానికి కనీసం సమాచారం కూడా అందలేదు. దీనితో ఆమె మరణం పై పలు అనుమానాలు తలెత్తాయి. ప్రేమించి పెళ్లి చేసుకున్న షాలిని నాలుగు నెలలు తిరగకుండానే విగతజీవి గా మారింది. తమ కూతురి చివరి చూపు కూడా దక్కలేదని ఆ తల్లితండ్రులు కన్నీరు మున్నీరవుతున్నారు.

మామూలుగా పెళ్లి అంటే ఆడపిల్లలు సిగ్గుతో తలదించుకుని ఉంటారు అనే ఒక అపోహ ఉంది. అదంతా చెరిపేస్తూ ఆడ పిల్లలు కూడా తమ పెళ్లి వేడుకని ఆనందంగా జరుపుకుంటారు అని ఎంతోమంది అమ్మాయిలు నిరూపించారు. ఇటీవల ఒక యువతి కూడా అలాగే తన పెళ్లిలో బారాత్ లో డాన్స్ వేస్తూ వైరల్ అయ్యారు.

జన్నారానికి చెందిన అటవీ శాఖ ఉద్యోగి ఎఫ్‌ఎస్‌వో రాము, సురేఖ దంపతుల పెద్ద కూతురు సాయి శ్రీయ అనే సాఫ్ట్ వేర్ ఇంజనీర్ కి ఈ నెల 14వ తేదీన అశోక్ తో వివాహం జరిగింది. అశోక్ జీహెచ్ఎంసీ పరిధిలో టౌన్ ప్లానింగ్ ఆఫీసర్ గా పని చేస్తున్నారు. అయితే శ్రీయ బారాత్ లో బుల్లెట్టు బండెక్కి పాటకి డాన్స్ వేశారు. ఈ పాటని మోహన భోగరాజు పాడారు. ఈ ఆల్బమ్ పాట ఇటీవల యూట్యూబ్ లో విడుదలయి వైరల్ అయ్యింది.

ఈ పాట బాగా వైరల్ అవడం తో పాటు శ్రీయ కు మంచి ఆఫర్ కూడా వచ్చింది. ఆమె డాన్స్ వేసిన పాటను బ్లూ రాబిట్ ఎంటర్టైన్మెంట్ అనే సంస్థ నిర్మించింది. లక్ష్మణ్ ఈ పాటకు సాహిత్యాన్ని అందించగా.. గాయని మోహన భోగరాజు ఈ పాటను ఆలపించారు. ఈ పాట వైరల్ అయినా నేపధ్యం లో సంస్థ నిర్వాహకులు నిరూప సాయి శ్రీ తో ఫోన్ లో ముచ్చటించారు. తమ సంస్థ ఆధ్వర్యం లో నిర్మించే మరో పాటకు నటించాలంటూ సాయి శ్రీయ ను కోరారు. శ్రీయ కూడా అందుకు సంతోషం తో అంగీకారం తెలిపారు.

ఈ మధ్య కాలం లో చదువులు చదివి ఉద్యోగాలు చేస్తూ వచ్చే సంపాదన కంటే చిన్న చిన్న వ్యాపారాలతోనే ఎక్కువ గా సంపాదించుకోవచ్చని చాలా మంది భావిస్తున్నారు. చదువుకోవడానికి వీలు లేక.. ఎదో ఒక ఆసరా కోసం ఎదురుచూసే వారు ఇలా తక్కువ పెట్టుబడిలతోనే చిన్న చిన్న వ్యాపారాలు ప్రారంభించి అంచెలంచెలుగా ఎదుగుతున్నారు.  వారిలోనే కోటీశ్వరులు అవుతున్న వారు కూడా ఉన్నారు.

ఉత్తరప్రదేశ్ రాష్ట్రము లో కాన్పూర్ నగరం లో చూస్తే ఇలాంటి వారు చాలామందే కనిపిస్తారు. ఓ బిజీ రోడ్డు పై ఉండే మిరపకాయ బజ్జి బండి ని చూస్తే.. ఎవరైనా ఎదో పొట్టకూటి కోసం పెట్టుకుని ఉంటారు అనుకుంటారు. కానీ, ఆ వ్యాపారి కోటీశ్వరుడు అంటే ఎవరైనా నమ్మగలరా? ఆ పక్కన ఉండే మరో బండి వాడిది కూడా అదే బాపతు. ఇలా చూస్తూ పొతే.. దాదాపు ఓ రెండొందల యాభై బండ్ల వరకు ఉన్నాయి.

ఇటీవల ఆదాయపు పన్ను శాఖ వారు రైడ్ చేయగా ఈ విషయాలు బయటపడ్డాయి. కేవలం బజ్జి బండి పెట్టుకున్నా.. వారి ఇంటికి వెళ్లి చూస్తే రాజవైభోగాలే ఉంటాయట. పెద్ద పెద్ద కార్లతో పాటు.. ఆస్తులు కూడా ఉన్నాయి అని తెలుస్తోంది. దేశం లో ఇష్టానురాజ్యం గా సంపాదిస్తూ.. ఆదాయపు పన్నుని కట్టకుండా ఉండేవారు చాలా మండే ఉన్నారు. వారిపై ఐటి శాఖ కొరడా ఝళిపించాలని భావిస్తోంది. ఈ క్రమం లో రోడ్ సైడ్ వ్యాపారాలు చేస్తున్నవారిపై ఐటి శాఖ కన్నేసింది.

వారితో విచారణ తేలాక అందరు దండిగానే సంపాదిస్తున్నట్లు గుర్తించింది. గత నాలుగేళ్ళ కాలం లో ఏకం గా 375 కోట్ల రూపాయలను సంపాదించినట్లు గుర్తించింది. అంతే కాదు వారికి కాన్పూర్ పరిసరాలైన హులాగంజ్, ఆర్య నగర్, స్వరూప్ నగర్, బిర్హానా రోడ్ వంటి ప్రాంతాల్లో కూడా ఆస్తులు ఉన్నట్లు గుర్తించింది. పాన్ షాపు నిర్వాహకులు గతేడాదితో ఐదు కోట్ల వరకు ఆస్తులు సంపాదించారు.

ఇక శానిటైజర్ వర్కర్లు, పానీ పూరి, వడాపావ్ వంటి బండి పెట్టుకునే వారు కూడా గతేడాది కాలం లో బాగానే సంపాదించినట్లు తెలుస్తోంది. బండి పెట్టుకునే ఓ  యజమాని తాను అద్దెకి తీసుకున్న కార్లకు నెలకు లక్షా పాతికవేల అద్దెను చెల్లిస్తున్నట్లు బయటపడింది. వీరు లక్షల్లో.. కోట్లల్లో వ్యాపారం చేసుకుంటూ కూడా ఆదాయపు పన్ను శాఖ కు ఏ విధమైన పన్నులు కట్టడం లేదని గుర్తించారు. ఐతే వీరిలో చాలా మంది కుటుంబసభ్యుల పేరిట ఆస్తులు కొన్నారు. కొందరు ఎలాంటి పర్మిషన్లు లేని చిట్టీలు, ఫైనాన్స్ సంస్థల్లో కొంత డబ్బుని దాచారు.

అయితే ఆస్తులు కొనుగోలు చేసే సమయం లో వీరి ఆధార్ కార్డు ను వినియోగించడం వల్లనే వీరి వివరాలు ఐటి శాఖకు తెలిసాయి. గతం లో కూడా ఇలాంటి రహస్య కోటీశ్వరులను, పన్నులు కట్టకుండా కోట్లలో వ్యాపారం చేస్తున్నవారిని ఐటి శాఖ గుర్తించింది. ప్రస్తుతం పూర్తి విచారణ జరిపి.. పన్నులు కట్టని వారి ఆస్తులను ఐటి శాఖ సీజ్ చేసింది.

హెచ్ సి యు హాస్టల్ లో నే ఎంటెక్ రెండవ సంవత్సరం చదువుతున్న విద్యార్థిని ఆత్మ హత్య చేసుకున్న ఘటన గచ్చిబౌలి పోలీస్ స్టేషన్ పరిధిలో చోటు చేసుకుంది. వివరాల లోకి వెళితే, ఆర్.మౌనిక (27) పెద్దపల్లి జిల్లా కు చెందిన కాల్వ శ్రీరాంపూర్ మండలం తారుపల్లి గ్రామానికి చెందిన దంపతులు రఘుశాల లచ్చయ్య, రజిత ల కుమార్తె. హెచ్ సి యు లో నానో టెక్నాలజీ కోర్స్ లో ఎంటెక్ రెండవ సంవత్సరం చదువుతోంది.

క్యాంపస్ లోనే బాలికల వసతి గృహం 2 లో ఆమె గత కొన్ని రోజులు గా ఉంటోంది. ఎంటెక్ విద్యార్థినులను క్యాంపస్ లోకి అనుమతించడం తో ఆమె ఇటీవలే ఊరినుంచి హాస్టల్ కి వచ్చింది. కాగా సోమవారం ఉదయం ఆమె తన గదిలోంచి బయటకే రాలేదు. ఇతర విద్యార్థులు వెళ్లి పిలిచినప్పటికీ ఎలాంటి స్పందన రాకపోవడం తో అనుమానం ఎక్కువ అయింది.

లోపల ఏమి చేస్తోందో అని కిటికీ తలుపులు తెరచి చూడగా.. ఆమె పైకిటికీ చువ్వకు ఉరి వేసుకుని కనిపించింది. ఆమె ఎందుకు ఆత్మహత్య చేసుకుంది అన్న విషయం మాత్రం తెలియడం లేదు. ఈ నెల పద్దెనిమిదవ తేదీ నుంచి ఆమె హాస్టల్ లో ఉంటోంది. ఆమె తండ్రి లచ్చయ్య ఊరిలో వ్యవసాయం చేస్తుంటారు. పదవతరగతి వరకు ఆమె స్థానిక ప్రభుత్వ పాఠశాలలోనే చదివింది.

ఆ తరువాత బాసర ట్రిపుల్ ఐటి లో సీటు రావడం తో అక్కడ డిగ్రీ పూర్తి చేసి, హెచ్ సి యు లో ఎంటెక్ చదువుతోంది. “ఐయామ్ సో బ్యాడ్ డాటర్.. మిస్ యు నాన్న.. అమ్మా ” అంటూ సూసైడ్ నోట్ రాసి ఆత్మహత్య చేసుకుంది.