Anudeep

వారసులంటే కేవలం కొడుకులు మాత్రమే..మన కడుపున పుట్టిన ఆడబిడ్డలెప్పుడూ “ఆడ” బిడ్డలే.. ఒక ఇంటికి పోయేవాళ్లని ఎప్పుడూ  కూడా వారసులుగా అంగీకరించదు ఈ సమాజం..అందుకే తమ తదనంతరం వ్యాపారాలైనా,ఆస్తులైనా కొడుకులకే వర్తిస్తుంటాయి..కూతుర్లకు కూడా వాటా ఉందని చట్టాలు చెప్పినా పట్టించుకునే వారు తక్కువ.. కానీ పంజాబ్ లోని ఒక మెడికల్ షాపు యాజమాని ఆలోచన ప్రస్తుతం దేశవ్యాప్తంగా చర్చనీయాంశం అయింది.

మీరెప్పుడైనా ఏదైనా వ్యాపారాలకు సంబంధించినా , లేదంటే దుఖాణాలకు సంబంధించినా ఆయా పేర్లకు తోడుగా బ్రదర్స్, లేదంటే సన్స్ అని యాడ్ చేసి ఉండడాన్ని గమనించే ఉంటారు. కానీ పంజాబ్ రాష్ట్రంలోని లుథియానాలో ఓ మెడికల్ షాపు యజమాని…తన మెడికల్ షాపుకు “గుప్తా అండ్ డాటర్స్”  అని పేరు పెట్టుకున్నాడు..తన కూతుళ్లే తన వారసులని తెలియచేసేలా పెట్టించిన ఆ సైన్ బోర్డ్ ఇప్పుడు సోషల్ మీడియాలో వైరలవుతోంది.

డాక్టర్ అమన్ కశ్యప్ “గుప్తా అండ్ డాటర్స్” పేరిట ఉన్న ఈ సైన్ బోర్డును మొదట తన ట్విట్టర్ ఖాతాలో పోస్టు చేశారు. కొడుకుల పేర్ల మీద తెరిచిన షాపుల మాదిరిగా కాకుండా..గుప్తా అండ్ డాటర్స్ పేరిట ఉన్ మెడికల్ షాపు సైన్ బోర్డు లుథియానాలో కనిపించిందని, ఈ ప్రపంచంలో మీరు చూడాలని అనుకున్న మార్పును చూడండి అని ఆ ఫోటోకి క్యాప్షన్ పెట్టారు అమన్.. పోస్టు చేసిన క్షణాల్లోనే వేలల్లో శేర్లు.. ఆ గుప్తా ఎవరో తెలియకపోయినా అతడికి ప్రశంసలు లభించాయి..

తన బిడ్డలకు ఆ తండ్రి ఇచ్చిన ప్రాముఖ్యతను నెటిజన్లందరూ ప్రశంసిస్తున్నారు. కొత్త శకానికి ఆరంభం అని కొందరు, వేరే పేరు చూడడం సంతోషంగా ఉందని మరో నెటిజన్.. నేను ఇదే ఆలోచన చెప్తే నా తండ్రి అంగీకరించలేదు..ఇప్పుడు ఈ ఫోటో చూపిస్తానని ఒక నెటిజన్ ఇలా  ఒక్కొక్కరూ ఒక్కో కామెంట్ చేశారు.

మారుతున్న కాలానికి అనుగుణంగా మనుషులు మారుతున్నారు అనడానికి ఇదే ఒక ఉదాహరణ.. ఆ మార్పు అనేది మన నుండే ఎందుకు రాకూడదూ అనే ఆలోచన వస్తే సమాజంలో తారతమ్యాలనేవి ఉండవు… మారడానికి సమయం పట్టొచ్చు కానీ  మార్పు సహజం..ఆ మార్పు మొదట్లో కొత్తగా ఉంటుంది..తిరస్కరించబడుతుంది.కానీ చివరికి అంగీకరించి తీరాల్సిందే..

పాకిస్థాన్‌లో  జరిగిన ఘోర విమాన ప్రమాదం యావత్ ప్రపంచాన్ని కుదిపేసింది.. చూస్తుండగానే కళ్లముందు 105మంది ప్రాణాలు పోయాయి..చిన్నారుల దగ్గర నుండి ముసలి వారి వరకు ఒక పది నిమిషాలు గడిస్తే ప్రాణాలతో బయటపడేవారు..కానీ మనం అనుకున్నట్టు జరిగితే అది విధి ఎందుకవుతోంది.. అంత పెద్ద ప్రమాదం నుండి ఎవరైనా బతకగలరని ఊహించగలమా.కానీ మొత్తం 107మందిలో ఇద్దరు ప్రాణాలతో బయటపడగలిగారు..వారిలో ఒకరే జుబైర్..విమాన ప్రమాదానికి ముందు ఏం జరిగింది అనే విషయాన్ని మీడియాతో పంచుకున్నారు జుబైర్.

మరో పది నిమిషాలైతే విమానం దిగిపోయేవాళ్లమే.. ల్యాండ్ కాబోతున్నాం, సీటు బెల్టులు ధరించండి అని పైలట్ కూడా చెప్పారు..కానీ ఇంతలోనే మూడు సార్లు విమానం కుదుపులకు గురైంది.దాంతో విమానంలో వారంతా ఏడుస్తున్నారు, అరుస్తున్నారు…విమానం నెమ్మదిగా కిందకి దిగుతుంటే ల్యాండ్ అవుతుందేమో అనుకున్నాం..అందరూ పరుగులు పెట్టారు..రన్ వే పైకి వెళ్లిన విమానం మళ్లీ పైకి తీసుకెళ్లాడు పైలట్..ఏం జరుగుతుందో అర్దం కాలేదు…10-15 నిమిషాల పాటు గాల్లోనే చక్కర్లు కొట్టించిన  తర్వాత విమానం ల్యాండ్ కాబోతున్నట్టు పైలట్ నుంచి మళ్లీ  అనౌన్స్‌మెంట్ వచ్చింది.

అప్పుడు నేను కిందికి చూశాను. మాలిర్ కంటోన్మెంట్ ప్రాంతం  కనిపించింది. ఇక ల్యాండ్ కావడమే ఆలస్యం అనుకుని ఊపిరిపీల్చుకోబోయాం.. కానీ ఒక్కసారిగా మంటలు రావడం మొదలయింది..  విమానం ఒక్కసారిగా కుప్పకూలింది. విమానం క్రాష్ అవ్వగానే నేను స్పృహ తప్పి పడిపోయాను.తెలివి వచ్చేసరికి చుట్టూ పొగలు కమ్ముకుని ఉన్నాయి..అని వివరించాడు జుబైర్.

లాహోర్ నుండి కరాచి బయల్దేరిన పాకిస్థాన్ ఇంటర్నేషనల్ ఎయిర్‌లైన్స్ (పీఐఏ) ఎయిర్ బస్ ఎ-320లో 99మంది ప్రయాణికుల 8మంది సిబ్బంది ఉన్నారు.వారిలో సిబ్బంది మొత్తం మరణించగా ప్రయాణికులు 97మంది చనిపోయారు..వారిలో 9మంది అభంశుభం తెలియని చిన్నారులు ఉన్నారు.. ప్రస్తుతం జుబైర్ కరాచి ఆసుపత్రిలో చికిత్స పొందుతున్నాడు.. జుబైర్ తో పాటు మరో వ్యక్తి కూడా ఈ ప్రమాదంలో ప్రాణాలతో బయటపడ్డాడు..అతడి పేరు జాఫర్ మసూద్..అతడు బ్యాంక్ ఆఫ్ పంజాబ్ సిఇఓ గా పనిచేస్తున్నారు.

Also read: ప్లేన్ క్రాష్ అయ్యే ముందు ఆ పైలట్ “మే డే” అని 3 సార్లు అన్నారు…అంటే ఏంటి?