Anudeep

సాయి ధరమ్ తేజ్,సంయుక్త మీనన్ జంటగా నటించిన చిత్రం విరూపాక్ష.గత వారం విడుదలైన ఈసినిమా బాక్సాఫీస్ వద్ద సెన్సేషనల్ వసూళ్లను రాబడుతుంది.మిస్టరీ థ్రిల్లర్ నేపథ్యంలో కార్తీక్ దండు ఈసినిమాను తెరకెక్కించాడు. ఈ సినిమాకి ప్రముఖ దర్శకుడు సుకుమార్ స్క్రీన్ ప్లే తోపాటు నిర్మాణ భాగస్వామిగా కూడా వ్యవహరించాడు.

అందరూ అనుకుంటున్నట్లు కార్తీక్ దండుకి విరుపాక్ష మొదటి సినిమా కాదు, ఇది అతని రెండో సినిమా. ఎనిమిదేళ్ల క్రితమే దర్శకుడిగా మొదటి సినిమా చేసిన కార్తీక్ దండు, 2015లో ‘భం భోలేనాథ్’ అనే సినిమా చేశాడు. నవదీప్, నవీన్ చంద్ర హీరోలుగా నటించిన ఈ కామెడీ సినిమా నెగటివ్ రిజల్ట్ ని ఫేస్ చేసింది. అలాగే 2014లో వచ్చిన నిఖిల్ ‘కార్తికేయ’ సినిమాకి మూల కథని అందించారట కార్తీక్ దండు.

తాజాగా ఈ చిత్ర దర్శకుడు కార్తీక్ దండు ఒక ఇంటర్వ్యూ లో మాట్లాడుతూ పలు ఆసక్తికర విషయాలను వెల్లడించారు. ” భం భోలేనాథ్ తో డైరెక్ట్ గా మారాను కానీ ఆ సినిమా కమర్షియల్ గా వర్క్ అవుట్ అవ్వలేదు. దాంతో విరూపాక్ష కథ రెడీ చేసుకున్నాను. సుకుమార్ దగ్గరికి వెళ్లి స్టోరీ వినిపించాను ఆయనకు బాగా నచ్చడంతో సినిమాకు స్క్రీన్ ప్లే అందిస్తానని అన్నారు. అలాగే మూవీ లో కొన్ని చేంజెస్ చెప్పారు. సుకుమార్‌ సర్‌ని కలిసిన తర్వాత కనీసం 6, 7 స్క్రీన్‌ప్లే వెర్షన్‌లు రాసుకున్నాం. ప్రధాన కథనాన్ని మాత్రం ఎప్పుడూ మార్చలేదు.

క్లైమాక్స్ ఐడియా కూడా సుకుమార్ గారిదే.అది చాలా బాగా వర్క్ అవుట్ అయ్యింది. క్లైమాక్స్ లో రివీల్ అయ్యే మెయిన్ విలన్ నే సుకుమార్ గారు మార్చేశారు. అలాగే సినిమాలో కనిపించిన యూనిక్ మర్డర్ సన్నివేశాలు కూడా ఆయనే సూచించారు.” అని దర్శకుడు కార్తీక్ తెలిపారు. విరూపాక్ష బ్లాక్ బాస్టర్ విజయం దిశగా దూసుకు పోతుండడంతో కార్తీక్ దండుకి టాప్ బ్యానర్ల నుండి ఆఫర్లు వస్తున్నాయట. అయితే తన నెక్స్ట్ మూవీ కూడా థ్రిల్లర్ జోనర్ లోనే చేయాలనుకుంటున్నాడట ఈ దర్శకుడు.

ఏదేమైనా మొదటి సినిమా చేసిన ఎనిమిదేళ్ల తర్వాత మళ్లీ మూవీ చేసి హిట్ కొట్టడం అంటే మాటలు కాదు. వేరే ఎవరైనా అయితే మొదటి సినిమా ఫ్లాప్ అవ్వగానే ఇండస్ట్రీని వదిలేసి వెళ్లిపోయే వాళ్లేమో. అలా వెళ్లకుండా ఇక్కడే ఉంటూ వచ్చాడు కాబట్టే ఈరోజు కార్తీక్ దండు ఖాతాలో విరుపాక్ష లాంటి సాలిడ్ హిట్ పడింది. మరి ఈ యంగ్ డైరెక్టర్ ఫ్యూచర్ లో ఎలాంటి ప్రాజెక్ట్స్ తో మన ముందుకు వస్తాడో చూడాలి.

హీరోయిన్ లయ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. స్వయంవరం అనే సినిమా తో తెలుగు తెరకు హీరోయిన్ల పరిచయమైన లయ తన అందం, అభినయం తో ప్రేక్షకులని కట్టిపడేసింది. తక్కువ కాలంలోనే స్టార్ హీరోల దగ్గర నుంచి మిడ్ రేంజ్ హీరోల వరకు అందరి సరసన నటించి మంచి గుర్తింపును సంపాదించుకుంది లయ.

స్వయంవరం, మనసున్న మారాజు, హనుమాన్ జంక్షన్, మనోహరం, ప్రేమించు, మిస్సమ్మ వంటి చిత్రాలు లయకు మంచి పేరు తెచ్చిపెట్టాయి. తెలుగులోనే కాకుండా కన్నడ, తమిళ్, మలయాళ భాషల్లో కూడా ఆమె సినిమాలు చేశారు.అయితే లయ కెరీర్ పీక్స్ లో ఉన్న సమయం లోనే, 26 ఏళ్ళ వయసులో అమెరికాలో స్థిరపడ్డ డాక్టర్ గణేష్ ని వివాహం చేసుకుని అమెరికా వెళ్లి పోయారు. లయ దంపతులకు ఇద్దరు పిల్లలు కూడా ఉన్నారు.

తెలుగు ఇండస్ట్రీలో దశాబ్ధకాలం పాటు హీరోయిన్‌గా రాణించిన.. లయ మంచి చెస్ ప్లేయర్ కూడా. టెన్త్ క్లాస్ వరకు చెస్ పోటీలలో పాల్గొని.. రాష్ట్రస్థాయిలో ఏడుసార్లు, జాతీయస్థాయిలో ఒకసారి మెడల్స్ గెలుచుకున్నారు. ఇక లయ భర్త గణేష్ వృత్తి రిత్యా ఒక డాక్టర్. ఇక ఆయనకంటూ ప్రత్యేకమైన మూడు హాస్పిటల్స్ ఉన్నాయట. అయితే లయ అమెరికా వెళ్లిన తర్వాత లయ కొన్నాళ్ళు సాఫ్ట్ వెర్ ఇంజనీర్ గా పని చేసారు.

ఆ తర్వాత వ్యక్తిగత కారణాలతో జాబ్ కి గ్యాప్ తీసుకున్న లయ.. ప్రస్తుతం పిల్లలు పెద్దవాళ్ళు కావడం తో తిరిగి జాబ్ లో చేరారు . ప్రస్తుతం లయ పనిచేస్తున్న సంస్థ పేరు జోబి ఏవియేషన్. కాలిఫోర్నియాలో లో ఉన్న ఈ ఈ ఎయిర్ బస్ సంస్థలో ఐటీ ఇంజనీర్​గా పనిచేస్తున్నట్లు లయ వెల్లడించారు. ఇక ఇటీవల హైదరాబాద్​ వచ్చి పలు ఇంటర్వూస్ లో పాల్గొని వెళ్లారు. అంతేకాకుండా సోషల్ మీడియాలో రీల్స్ చేస్తూ, ఫోటోస్ పెడుతూ ఎప్పుడూ యాక్టివ్‌గానే ఉంటూ అభిమానులకు అందుబాటులో ఉంటున్నారు.

బుల్లితెర కార్యక్రమాల్లో యాంకర్ గా ఎంతో మంచి గుర్తింపు సంపాదించుకున్న వారిలో అనసూయ ఒకరు. ఇటు బుల్లితెరపై, అటు వెండి తెరపైఅనసూయకు ఉన్న క్రేజ్ గురించి ప్రత్యేకంగా చెప్పాల్సిన పని లేదు. అనసూయ తన మాటతీరుతోనే కాకుండా అందచందాలతో కూడా ఎంతోమందిని ఆకట్టుకున్నారు. కేవలం బుల్లితెర కార్యక్రమాలను మాత్రమే కాకుండా రంగస్థలం సినిమాలో రంగమ్మ అత్త పాత్ర ద్వారా మంచి గుర్తింపు సంపాదించుకున్న అనసూయకి పలు సినిమాలలో నటించే అవకాశాలు వస్తున్నాయి.

ఈ క్రమంలోనే అటు వెండి తెరపై కూడా ఈమె ఎంతో క్రేజ్ సంపాదించుకున్నారు. ఈటీవీలో ప్రసారమవుతున్న జబర్దస్త్ కామెడీ షో ద్వారా మంచి గుర్తింపు సంపాదించుకున్న అనసూయ ఒక షో చేస్తే దాదాపు మూడు లక్షల రూపాయల వరకు రెమ్యూనరేషన్ తీసుకొనేవారట. ఇక సినిమాల విషయానికొస్తే వరుస ప్రాజెక్ట్స్ చేస్తూ బిజీ గా మారింది అనసూయ.

ఇక అల్లు అర్జున్ హీరోగా నటించిన పుష్ప చిత్రం లో అనసూయ ‘దాక్షాయని’ పాత్రలో మంగళం శ్రీను భార్యగా కనిపించింది. ఈ సినిమాలో నటించేందుకు ఒక్కరోజుకే అనసూయ రూ. 1-1.5లక్షల రెమ్యునరేషన్‌ డిమాండ్‌ చేసిందట అనసూయ. ఇక పుష్ప ది రైజ్ లో అనసూయ పాత్ర నిడివి పెరగటం తో పాటు.. ఆ పాత్ర ప్రాధాన్యత కూడా పెరగబోతుందట. అలాగే వరుస సినీ అవకాశాలతో అనసూయ తన రెమ్యూనరేషన్ పెంచిందని తెలుస్తోంది.

యాంకర్ అనసూయ ఒక్కరోజు పారితోషికం ప్రస్తుతం రోజుకు 3 లక్షల రూపాయల రేంజ్ లో ఉందని సమాచారం. అనసూయ రెమ్యునరేషన్ అంతకంతకూ పెరుగుతుండటంతో ఫ్యాన్స్ సంతోషిస్తున్నారు. అనసూయ భిన్నమైన కథలకు ప్రాధాన్యత ఇస్తుండగా ఆమె నటించిన చిన్న సినిమాలు ఆశించిన రేంజ్ లో రెస్పాన్స్ ను సొంతం చేసుకోకపోయినా పెద్ద సినిమాలకు మాత్రం అదిరిపోయే రేంజ్ లో రెస్పాన్స్ వస్తోంది. గ్లామరస్ గా కనిపించడానికి ఇష్టపడే అనసూయ సినిమా సినిమాకు మార్కెట్ ను పెంచుకుంటున్నారు. కెరీర్ విషయంలో అనసూయ ప్లానింగ్ పర్ఫెక్ట్ అని అభిమానులు సంతోషం వ్యక్తం చేస్తున్నారు.