Harika

సూపర్ స్టార్ మహేష్ బాబు హీరోగా త్రివిక్రమ్ దర్శకత్వంలో తెరకెక్కిన లేటెస్ట్ మూవీ గుంటూరు కారం. ఈ మూవీ సంక్రాంతి కానుకగా రిలీజ్ కానుంది. కొన్నేళ్లుగా మహేష్ మెసేజ్ తో కూడిన క్లాస్ సినిమాలను చేస్తూ వచ్చారు. గుంటూరు కారం మూవీతో సూపర్ స్టార్ మాస్ అవతార్ లో ప్రేక్షకులను అలరించనున్నారు.

రిలీజ్ దగ్గర పడుతుండడంతో ప్రమోషన్స్ లో భాగంగా తాజాగా గుంటూరు కారం ట్రైలర్ రిలీజ్ చేశారు. ఫ్యాన్స్ కోరుకున్నట్టుగా చాలా రోజుల తరువాత మాస్ లుక్ లో, తన డైలాగ్స్ యాక్షన్ తో అలరించారు. అయితే ఈ ట్రైలర్ లో కనిపించిన కొన్ని  విషయాల పై నెట్టింట్లో చర్చ జరుగుతోంది. అవేమిటో ఇప్పుడు చూద్దాం..
మహేష్ బాబు, త్రివిక్రమ్ శ్రీనివాస్ కాంబోలో అతడు, ఖలేజా లాంటి క్రేజీ చిత్రాల తర్వాత వస్తున్న సినిమా కావడంతో  గుంటూరు కారం మూవీ పై అంచనాలు భారీగా ఏర్పడ్డాయి. ఎస్.రాధాకృష్ణ(చినబాబు) హారిక అండ్ హాసిని క్రియేషన్స్ బ్యానర్ మీద ఈ సినిమాని భారీ బడ్జెట్ తో నిర్మించారు. ఈ చిత్రం సంక్రాంతి కానుకగా జనవరి 12న రిలీజ్ కాబోతుంది. ఇప్పటికే ఈ మూవీ నుండి టీజర్, మూడు పాటలు, పోస్టర్ లు రిలీజ్ అయ్యాయి.
ఆదివారం నాడు సుదర్శన్ థియేటర్లో ఫ్యాన్స్ మధ్య గుంటూరు కారం ట్రైలర్ విడుదల చేశారు. ఆ తరువాత కొద్దిసేపటికే యూట్యూబ్ లోనూ విడుదల అయ్యింది.  రెండు నిమిషాల, 47 సెకన్ల నిడివి ఉన్న ఈ ట్రైలర్ మహేష్ పాత్రను, బాడీ లాంగ్వేజ్ హైలెట్ అయ్యే విధంగా చూపించారు. మహేష్ స్క్రీన్ ప్రెజెన్స్ తో ఫిదా చేశాడు. మహేష్ డైలాగ్స్ ఆడియెన్స్ ని ఆకట్టుకున్నాయి. ఇక హీరోయిన్లు  శ్రీలీల , మీనాక్షిల గ్లామర్ సైతం ఆకట్టుకుంది. ట్రైలర్ ప్రారంభంలో ప్రెస్ మీట్ లో రమ్యకృష్ణను ఒక జర్నలిస్ట్ ప్రశ్నలు అడుగుతున్నట్టుగా కనిపించింది.
అతని వాయిస్ త్రివిక్రమ్ వాయిస్ లా ఉంది. దాంతో ఈ మూవీలో త్రివిక్రమ్ కనిపించే ఛాన్స్ ఉందమో అని టాక్. అంతే కాకుండా మహేష్ పాత్ర చిన్నప్పుడు నిప్పు రవ్వ  కంట్లో పడినట్టుగా కనిపించింది. ఒకవేళ మహేష్ కంటికి సమస్య ఏదైనా ఉందన్నట్టుగా చూపిస్తారేమో,  రెండు సీన్స్ లో మహేష్ కన్ను ఒకటి మూసి చూడడం కనిపించింది. ప్రొడ్యూసర్ నాగవంశీ ఓ ఫైట్ సీన్ లో ఇద్దరు సూపర్ స్టార్లు ఉన్న ఫీల్ ను ప్రేక్షకులు ఎంజాయ్ చేస్తారు అంటూ ఇప్పటికే హింట్ ఇచ్చిన సంగతి తెలిసిందే. మూవీలో సర్ ప్రైజ్ ఎంట్రీ ఉంటుందా అంటూ చర్చ జరుగుతోంది.

watch video:

Also Read: GUNTUR KAARAM DIALOGUES IN TELUGU, గుంటూరు కారం సినిమా డైలాగ్స్

మహేష్ బాబు నటించిన గుంటూరు కారం సినిమా ఈ సంక్రాంతి కానుకగా విడుదల కానుంది. దీనికి సంబంధించి అన్ని ఏర్పాట్లు నిర్మాతలు పూర్తి చేశారు. ఇప్పటికే సినిమాని అత్యంత భారీ లెవెల్లో రెండు తెలుగు రాష్ట్రాళ్లతో పాటు, ఓవర్సీస్ లో కూడా విడుదల చేయడానికి థియేటర్లను కూడా బుక్ చేశారు. అయితే ఈ సినిమాకి భారీ ఎత్తున ఫ్రీ రిలీజ్ ఈవెంట్ చేయడానికి ప్లాన్ చేశారు. ఈనెల ఆరో తారీఖున హైదరాబాదులో యూసఫ్ గూడ పోలీస్ గ్రౌండ్స్ లో ఈవెంట్ జరపాలని ప్రయత్నించారు. అయితే ఉన్నట్టుండి ఈవెంట్ ని ఆపేసినట్లుగా మేకర్స్ ప్రకటించారు. పర్మిషన్ అందకపోవడమే దీనికి కారణంగా తెలుస్తుంది.

అయితే ఫ్రీ రిలీజ్ ఈవెంట్ జరుగుతుందని ఎన్నో ఆశలు పెట్టుకున్న మహేష్ బాబు ఫ్యాన్స్ కి ఇది నిరాశగా మిగిలింది. పర్మిషన్ కోసం సినిమా టీం విశ్వ ప్రయత్నాలు చేసినా దక్కకపోవడం అనేది ఆశ్చర్యపరిచే విషయమే. అసలు ఎందుకు పరిమిషన్స్ ఇవ్వలేదు అనే విషయం తెలియదు కానీ ఏప్రిల్ వరకు హైదరాబాదులో బహిరంగ సభలు జరగవనేది మాత్రం స్పష్టమవుతుంది. చేసుకోవాలంటే కేవలం ఇండోర్ స్టేడియంలో మాత్రమే చేసుకోవాలని చెబుతున్నారు.

ఫ్రీ రిలీజ్ ఈవెంట్ లోనే ట్రైలర్ రిలీజ్ చేస్తామని మేకర్స్ ప్రకటించగా ఇప్పుడు ట్రైలర్ కూడా డైరెక్ట్ సోషల్ మీడియాలో విడుదల చేసేసారు. తాజాగా విడుదలైన ట్రైలర్ సినిమా మీద అమాంతం అంచనాలను పెంచేసింది.అయితే మేకర్స్ మాత్రం ఈ వేడుక గుంటూరులో జరపడానికి ప్రయత్నాలు జరుగుతున్నట్లు తెలుస్తుంది. ఈనెల తొమ్మిదో తారీఖున ఈవెంట్ ఉండనున్నట్లుగా చెబుతున్నారు. అఫీషియల్ కన్ఫర్మేషన్ అనేది సినిమా టీం నుండి. రావాలి.

సీనియర్ నటుడు, దర్శకుడు దేవదాస్ కనకాల కుమారుడిగా ఇండస్ట్రీ లోకి అడుగు పెట్టారు రాజీవ్ కనకాల. దేవదాస్ కనకాల దర్శకత్వం వహించిన రాజశేఖర చరిత్ర, డామిట్ కథ అడ్డం తిరిగింది వంటి సీరియల్స్ లో రాజీవ్ కనకాల నటించారు.

విలక్షణ పత్రాలు ఎంచుకుంటూ తన నటన తో ప్రేక్షకులను ఆకట్టుకున్నారు రాజీవ్ కనకాల. మూడు దశాబ్దాలుగా తన నటన ప్రస్థానాన్ని కొనసాగిస్తున్న ఆయన ఇప్పటివరకు 150 చిత్రాల్లో నటించారు.
స్టూడెంట్ నంబర్1 సినిమా తర్వాత హీరోగా కొన్ని సినిమాలు చేసారు రాజీవ్. ఏ ఫిల్మ్ బై అరవింద్ సినిమాలో ఆయన చేసిన పాత్రకు మంచి మార్కులు పడ్డాయి. తన కెరీర్ లో సహాయ నటుడిగా కన్నా ఎక్కువగా విలన్ పాత్రలు చేసారు.

స్టార్ యాంకర్ సుమ ఈయన సతీమణి అన్న విషయం మనకు తెల్సిందే. తన మద్దతు ప్రతి విషయంలో ఉంటుందని రాజీవ్ అన్నారు. వారి అబ్బాయి రోషన్ బీ కామ్ చదివాడని, అమ్మాయి మనస్విని యాంకర్ గా చేస్తుందేమో అని రాజీవ్ కనకాల ఇటీవల ఒక ఇంటర్వ్యూలో వెల్లడించారు. తనకు సినిమాలు, ఛాన్సులు కావాలని ఎవరినీ అడగనని పాత్రకు న్యాయం చేస్తాననిపిస్తే వారే వచ్చి నాకు ఛాన్స్ ఇస్తారని ఆయన తెలిపారు. ఎక్కువ సినిమాల్లో ఈయన పాత్రలు చనిపోవడమే మనం చూసాము. ఇప్పుడు ఏ ఏ సినిమాల్లో ఆయన అలాంటి పాత్రలు చేసారో చూద్దాం.

#1 స్వామి

ఈ చిత్రంలో రాజీవ్ కనకాల విలన్ పాత్రలో నటించారు.

#2 అశోక్

ఈ చిత్రంలో రాజీవ్ కనకాల ఎన్టీఆర్ స్నేహితుడి పాత్రలో నటించారు.

#3 రాజుగారి గది 2

ఈ చిత్రంలో రాజీవ్ కనకాల హీరో అన్నయ్యగా నటించారు.

#4 ఏ ఫిల్మ్ బై అరవింద్

ఈ చిత్రంలో రాజీవ్ కనకాల విలన్ షేడ్స్ ఉన్న పాత్రలో నటించారు.

#5 అతడు

ఈ చిత్రంలో రాజీవ్ కనకాల సినిమాకు కీలక మైన పార్థు పాత్రలో నటించారు.

#6 హరే రామ్

ఈ చిత్రంలో రాజీవ్ కనకాల డాక్టర్ పాత్రలో నటించారు

#7 అతిధి

ఈ చిత్రంలో రాజీవ్ కనకాల గౌతమ్ అనే పాత్రలో నటించారు

#8 దూకుడు

ఈ చిత్రంలో రాజీవ్ కనకాల మహేష్ బాబు బాబాయ్ పాత్రలో నటించారు

#9 బాద్ షా

ఈ చిత్రంలో రాజీవ్ కనకాల డాక్టర్ పాత్రలో నటించారు

# 10 రాజా ది గ్రేట్

ఈ చిత్రంలో రాజీవ్ కనకాల పాత్ర మరణిస్తుంది.

#11 లవర్

ఈ చిత్రంలో రాజీవ్ కనకాల జగ్గు అనే పాత్రలో నటించారు

#12 రంగ స్థలం

ఈ చిత్రంలో రాజీవ్ కనకాల రంగమ్మత్త భర్త పాత్రలో నటించారు

#13 బింబిసార

ఈ చిత్రంలో రాజీవ్ కనకాల రాజీవ్ అనే పాత్రలో నటించారు

#14 వీర సింహా రెడ్డి

ఈ సినిమాలో కూడా రాజీవ్ కనకాల పాత్ర చనిపోతుంది.

నిజానికి ఏ సినిమాలో అయితే ఈయన పాత్రలు చనిపోయినట్లు ఉంటాయో ఆ సినిమాలు కచ్చితంగా మంచి సక్సెస్ అందుకుంటాయి అని ఒక సెంటిమెంట్. ఇక ఈ సినిమాలు అన్నీ మంచి హిట్ ను సొంతం చేసుకున్న సినిమాలే. ఇప్పుడు సంక్రాంతికి విడుదలయ్యే “గేమ్ ఛేంజర్” సినిమాలో కూడా రాజీవ్ కనకాల కీలక పాత్రలో నటిస్తున్నట్టు ట్రైలర్ చూస్తే అర్ధం అవుతుంది. మరి ఈ సినిమాలో అతని పాత్ర చనిపోతుందో లేదో తెలియాలంటే సినిమా విడుదలయ్యే వరకు వేచి చూడాల్సిందే.

సంక్రాంతి పండుగకు పెద్ద సినిమాలు రిలీజ్ అవుతుండడంతో చిన్న సినిమాలన్నీ మొదటి వారంలో ఒక్కొక్కటిగా రిలీజ్ అవుతున్నాయి. అలా రాఘవ రెడ్డి మూవీ జనవరి 5న రిలీజ్ అయ్యింది. ఒకప్పటి స్టార్ హీరోయిన్ రాశీ ఈ మూవీలో ఫుల్ లెంత్ పాత్రలో నటించింది. శివ కంఠంనేని హీరోగా నటించిన ఈ మూవీ ఎలా ఉందో ఇప్పుడు చూద్దాం..

• చిత్రం : రాఘవ రెడ్డి
• నటీనటులు : శివ కంఠంనేని,నందిత శ్వేత, రాశి, రఘుబాబు, అన్నపూర్ణ, అజయ్, శ్రీనివాస్ రెడ్డి, ప్రవీణ్, పోసాని కృష్ణమురళి తదితరులు
• నిర్మాత : K. S. శంకర్ రావ్, G. రాంబాబు యాదవ్, R. వెంకటేశ్వర్ రావు
• దర్శకత్వం : సంజీవ్ మేగోటి
• సంగీతం : సంజీవ్ మేగోటి, సుధాకర్ మారియో
• విడుదల తేదీ : జనవరి 5, 2024
  

స్టోరీ :

కాలేజీలో ప్రొఫెసర్‌గా రాఘవ రెడ్డి (శివ కంఠంనేని) పని చేస్తుంటాడు. క్రిమినాల‌జీ ప్రొఫెసర్‌ కావడంతో రాఘవ రెడ్డి కష్టమైన కేసులలో సాల్వ్ చేయడం ద్వారా పోలీసులకు సహాయం చేస్తుంటాడు. అయితే ప్రొఫెసర్‌గా ఉన్న కాలేజ్‌కి స్టూడెంట్‌గా లక్కీ (నందితా శ్వేత) వస్తుంది. ఆమె కాలేజీలో ఎంట్రీ ఇస్తూనే తన అల్లరితో అక్కడున్న వారికి ఇరిటేషన్ కలిగేలా చేస్తుంది. కాలేజ్ అంతా భయపడే ప్రొఫెసర్‌ రాఘవ రెడ్డిని సైతం లక్కీ పట్టించుకోదు. తనకు నచ్చినట్టుగా ఓ రౌడీలా ప్రవర్తిస్తుంటుంది.
ల‌క్కీ ప్రవర్తన వ‌ల్ల ఇతర స్టూడెంట్స్ ఇబ్బందులు పడతుండడంతో రాఘ‌వ‌రెడ్డి ఆమెకు ప‌నిష్‌మెంట్ ఇస్తాడు. దాంతో ల‌క్కీ రాఘ‌వ‌రెడ్డి పై కోపం పెంచుకుంటుంది.ఆ తరువాత లక్కీ త‌ల్లి దేవకీ (రాశీ) రాఘ‌వ‌రెడ్డికి కనిపిస్తుంది. ఆమెను చూడగానే రాఘవ రెడ్డి భయపడి, పరిగెడుతుంటాడు. లక్కీ తన పుట్టినరోజుకు ముందు అదృశ్యం అవుతుంది. రాఘ‌వ‌రెడ్డి ల‌క్కీని కిడ్నాప్ చేశాడ‌ని దేవ‌కి ఆరోపిస్తుంది. ఆమెను ఎవరు కిడ్నాప్ చేసారు? దేవ‌కి రాఘ‌వ‌రెడ్డిని సందేహించడానికి కార‌ణం ఏమిటి?అసలు దేవకిని చూడగానే రాఘవరెడ్డి ఎందుకు భయపడతాడు?  ఇద్దరి మధ్య ఉన్న రిలేషన్ ఏమిటనేది మిగిలిన కథ.
రివ్యూ :

ఇటీవల కాలంలో యూత్‌ఫుల్, రొమాంటిక్‌ స్టోరీస్ ట్రెండ్ ఎక్కువ‌గా కనిపిస్తోంది. ఫ్యామిలీ స్టోరీతో సినిమాలు తెరకెక్కించే హీరోలు, ద‌ర్శ‌కుల‌ సంఖ్య త‌గ్గింది. అయితే రాఘవరెడ్డి మూవీ యూత్ స్టోరీస్ కు భిన్నంగా ఫ్యామిలీ డ్రామాకు, క్రైమ్ ఇన్వేస్టిగేష‌న్ వంటి అంశాన్ని జోడించి డైరెక్టర్ సంజీవ్ మేగోటి ఈ మూవీని  తెర‌కెక్కించాడు.వృత్తి బాధ్య‌త‌ల వల్ల ఒక ప్రొఫెస‌ర్ ఎలా భార్యాపిల్ల‌ల‌కు దూర‌మ‌య్యాడు, మళ్ళీ వాళ్లు అత‌డి లైఫ్ లోకి ఎలా వ‌చ్చార‌నే పాయింట్ తో క‌మ‌ర్షియ‌ల్ ఎంట‌ర్‌టైన‌ర్‌గా ఈ మూవీ సాగుతుంది.
హీరోకు మొదటి సినిమా అయినా ఎలివేషన్స్ ఎక్కువే ఇచ్చారు. హీరో పాత్ర ఓ వైపు కేసులను సాల్వ్ చేస్తూ, మరో వైపు ప్రొఫెసర్‌గా పనిచేస్తుండడం బాగానే చూపించారు. నందిత శ్వేత సీన్స్, ఆమెతో ఉండే శ్రీనివాస్‌ రెడ్డి కామెడీ ఒకే అనిపిస్తుంది. ఫస్టాఫ్ మొత్తం ఇలాగే సాగుతుంది. సెకండాఫ్‌ కీలకం, రాఘవ రెడ్డి ఎవరు, దేవకీతో ఆయనకున్న  సంబంధం ఏమిటనేది చూపించాడు.
రాఘవ రెడ్డిగా శివ కంఠంనేని చక్కగా నటించాడు. కొత్త యాక్టర్ అనే భావన ఎక్కడా కలగలేదు.  ఎమోషనల్‌ సన్నివేశాలు, సెంటిమెంట్‌ సన్నివేశాలలో తన నటనతో మెప్పించాడు. సీనియర్ హీరోయిన్ రాశీ చాలా రోజుల తర్వాత వెండితెర పైన కనిపించింది. తన సహజమైన నటనతో ఆకట్టుకుంది. లక్కీగా నందిత శ్వేత పర్లేదు. మిగిలిన వారు తమ పరిధి మేరకు నటించారు.
ప్లస్ పాయింట్స్ :

• శివ కంఠ‌మ‌నేని, రాశి నటన,
• తెలంగాణ యాస‌లో ఉన్న  డైలాగ్స్
• ఎమోషనల్ సీన్స్మైనస్ పాయింట్స్:
• రొటీన్ సీన్స్‌,
• స్లో న‌రేష‌న్‌,
• లాజిక్ లేకుండా సాగే సీన్స్

రేటింగ్ :

2.25/5

ట్యాగ్ లైన్ :

కొన్ని చిత్రాలను చూస్తున్నప్పుడు మనల్ని మనం చూసుకున్న భావన కలుగుతుంది. ముఖ్యంగా ఓ మూవీని మధ్యతరగతి జీవితాల కథతో సహజంగా, ఆడియెన్స్ కి కనెక్ట్ అయ్యేలా తెరకెక్కిస్తే విజయం సాధిస్తుంది. ఇప్పటి వరకు మధ్యతరగతి కుటుంబ జీవితాల పై ఎన్నో చిత్రాలు వచ్చాయి.

తాజాగా మిడిల్ క్లాస్ ఫ్యామిలీ స్టోరీతో 90’s (నైంటీస్) వెబ్ సిరీస్ రిలీజ్ అయ్యింది. 90లలోని మధ్య తరగతి కుటుంబంలోని సున్నితమైన భావోద్వేగాలను చక్కగా తెరకెక్కించారు. భర్త, పిల్లల కోసం భార్య పడే ఆరాటం, ఓ సన్నివేశంలో ఆమె చెప్పే డైలాగ్స్ ప్రతి హౌజ్ వైఫ్ కి కనెక్ట్ అవుతాయి. ఆ వివరాలు ఇప్పుడు చూద్దాం..
బిగ్ బాస్ కంటెస్టెంట్, నటుడు శివాజీ, ఫేమ్ వాసుకీ ఆనంద్ సాయి ప్రధాన పాత్రలలో నటించిన వెబ్ సిరీస్ 90’s’. ఏ మిడిల్ క్లాస్ బయోపిక్. ఈ సిరీస్ కు ఆదిత్య హాసన్ దర్శకత్వం వహించగా, రాజశేఖర్ మేడారం నిర్మాతగా వ్యవహరించారు. ఈ వెబ్ సిరీస్ జనవరి 5 నుండి ప్రముఖ ఓటీటీ ఈటీవీ విన్ లో స్ట్రీమింగ్ అవుతోంది. ఆరు ఎపిసోడ్స్ గా తెరకెక్కిన ఈ సిరీస్ లో నాటి వాసుకీ మధ్య తరగతి గృహిణి రాణిగా సహజంగా నటించింది. ఆమె కాకుండా ఆ పాత్రే కనిపించేలా నటనలో ఒదిగిపోయారు.
ఆమెను చూస్తే 90ల పిలల్లకు వారి తల్లి జ్ఞాపకం వస్తుంది. భర్తతో ఆర్ధిక ప్రణాళిక, వారి ఇంట్లో పరిస్థితి గురించి మాట్లాడేటప్పుడు ప్రతి గృహినికి తమను చూసుకున్నట్టుగానే అనిపిస్తుంది. ముఖ్యంగా తాను చేసే పనుల గురించి చెప్పే సీన్ అయితే ప్రతి హౌజ్ వైఫ్ కి కనెక్ట్ అవుతుంది. ఆ సీన్ లో “పొద్దుగాల లేసి స్నానం చేసి డ్రాయర్లు పడేసి పోతావు. మళ్ళీ కబోర్డ్ లోకి ఎలా వస్తుంది. నేను ఉతుకుతున్నాను. అందరు బాత్రూమ్ వాడుతారు. శుభ్రంగా ఉంటున్నాయా? ఏయవరు క్లీన్ చేస్తున్నారు. నేను చేస్తున్నాను. పల్లాల్లో అందరు తినేసి ప్లేట్లు పడేసి పోతారు. మొత్తం కడిగి నేను నీట్ గా పెడుతున్నాను. వంట చేస్తున్నాను, బట్టలు ఉతుకుతున్నాను. గిన్నెలు తోముతున్నాను, ఇల్లంతా శుభ్రంగా పెడుతున్నాను.
అయినా ఎవరు నీళ్ళు అని ఎక్కడి నుండి కేకేసినా, నేనే నీళ్ళు తెచ్చి ఇవ్వాలి. మీకు ఏం తక్కువ చేసిన, పక్కింటిలో ఉండేవారందరు, ఆడవాళ్ళు టివి సీరియల్స్ చూస్తున్నారు. పిల్లలు చదువుకోవాలని చెప్పి, కేబుల్ కనెక్షన్ కూడా పీకేసావు. నాకు టివి కూడా లేదు. మీరందరు ఇంటికెప్పుడు వస్తారని కూర్చుని, ఎదురుచూస్తుంటాను. మీకాంతా అర్ధం కాదు. మీరు తినే కూరల్లో ఉప్పు కారం కనిపించదు. కానీ అవి లేకుంటే రుచే లేదు. ఇంట్లో ఉన్న మేము కూడా అంతే. అమ్మ, పిల్లలు కనిపించరు, కానీ మేము లేకుంటే మీకు లైఫే లేదు.” వంటి డైలాగ్స్ చాలామంది గృహిణులకు కనెక్ట్ అవుతాయి.

https://www.instagram.com/p/C1v1Qf7p2gb/

Also Read: 90’S REVIEW : శివాజీ నటించిన ఈ సిరీస్ ఎలా ఉంది..? స్టోరీ, రివ్యూ & రేటింగ్.!

2023 డిసెంబర్ 2న బ్రీత్ అనే సినిమా ఒకటి విడుదల అయింది చాలామందికి తెలిసి ఉండకపోవచ్చు ఎందుకంటే అది ఎప్పుడు వచ్చిందో ఎప్పుడు వెళ్ళిపోయిందో ఎవరికీ తెలియలేదు. విశ్వ విఖ్యాత నటసార్వభౌమ నందమూరి తారక రామారావు మనవడు నందమూరి జయకృష్ణ కుమారుడు అయిన నందమూరి చైతన్య కృష్ణ 40 సంవత్సరాల వయసులో తనని తాను హీరోగా ప్రకటించుకొని ఈ సినిమా లో నటించారు. కుమారుడు చైతన్య కృష్ణతో సినిమా తీయడం కోసం ఆయన తండ్రి నందమూరి జయకృష్ణ బసవ తారకరామ క్రియేషన్స్ పేరుతో ఏకంగా నిర్మాణ సంస్థను కూడా ఏర్పాటు చేశారు.

ఈ బ్యానర్ లో తొలి చిత్రం గా బ్రీత్ నిర్మించారు. వంశీకృష్ణ ఈ చిత్రానికి దర్శకత్వం వహించారు. ఈ సినిమాకి ప్రచారం కూడా బాగానే చేశారు చైతన్య కృష్ణ. సినిమా విడుదలకు ముందు పలు యూట్యూబ్ ఛానల్ లకు చైతన్య కృష్ణ ఇంటర్వ్యూలు ఇచ్చారు. పనిలో పనిగా తన బాబాయి అయిన బాలకృష్ణ గురించి మావయ్య చంద్రబాబు నాయుడు గురించి చైతన్య కృష్ణ చెప్పిన విషయాలు సోషల్ మీడియాలో ఎంత వైరల్ అయ్యాయో అంట ట్రోలింగ్ కూడా అయ్యాయి.

అలాగే తనకు ఇన్నాళ్లు మంచి స్క్రిప్ట్ దొరకలేదని బ్రీత్ స్క్రిప్ట్ తనకి నచ్చడంతో ఆలస్యం చేయకుండా నిర్మించాలని చెప్పుకొచ్చారు చైతన్య కృష్ణ. మెడికల్ మాఫియాను బయటపెట్టే ఎమోషనల్ థ్రిల్లర్ ఈ సినిమా. అయితే ప్రస్తుతం ఉన్న పోటీ ప్రపంచంలో చైతన్య కృష్ణ నెట్టుకు రావటం చాలా కష్టమైన పని అయినప్పటికీ ధైర్యం చేసి మరి బ్రీత్ అనే సినిమాను స్వయంగా నిర్మించి నాలుగు కోట్లు ఈ సినిమా కోసం ఖర్చుపెట్టినట్లు సమాచారం.

Sensation Movie #Breathe Created an All Time Record by not Collecting Single Rupee from Theaters

"ZERO" pic.twitter.com/iBgeb2tIrf

— Milagro Movies (@MilagroMovies) December 30, 2023

అయినప్పటికీ ఈ చిత్రాన్ని చూడటానికి ఎవరూ ధియేటర్లకు వెళ్లలేదు.నందమూరి అభిమానులు కూడా ఈ సినిమాకి వెళ్లకపోవడం గమనార్హం. దీంతో చైతన్య కృష్ణ థియేటర్లకు అద్దె కట్టి మరీ బ్రీత్ సినిమాను ఆడించారని సమాచారం. కలెక్షన్ల పరంగా సినిమా చరిత్రలో ఇదొక జీరో కలెక్షన్ మూవీ అని కొందరు సోషల్ మీడియాలో కామెంట్లు చేస్తున్నారు.

బాలీవుడ్ భామ జాన్వీ కపూర్ గురించి అందరికీ తెలిసిందే.ఈమె నటి శ్రీదేవి కపూర్ పెద్ద కూతురు. జాన్వీకపూర్ బాలీవుడ్ లో దడక్ అనే సినిమాతో హీరోయిన్ గా పరిచయమైంది. దాని తర్వాత వరుసుగా సినిమాల మీద సినిమాలు చేస్తూ తన నటనకి గుర్తింపు తెచ్చుకుంది. ఈ మధ్య కొన్ని లేడీ ఓరియంటెడ్ మూవీస్ కూడా చేసుకుంటూ అందరి దృష్టిని తన వైపు తిప్పుకుంది జాన్వీ కపూర్.

అయితే ఈ సంవత్సరం 2024లో మొట్టమొదటి తెలుగు సినిమాలో నటించి టాలీవుడ్ లో అడుగుపెట్టబోతుంది. కొరటాల శివ దర్శకత్వంలో జూనియర్ ఎన్టీఆర్ సరసన జాన్వీ కపూర్ “దేవర” అనే సినిమాలో హీరోయిన్ గా నటిస్తుంది. అయితే జాన్వీ కపూర్ చెల్లెలు ఖుషి కపూర్ కూడా “ది ఆర్చీస్” అనే వెబ్ సిరీస్ తో ఈ మధ్య సినీ ప్రవేశం చేసింది. వీళ్లిద్దరూ కలిసి ఒక ప్రముఖ టాక్ షో “కాఫీ విత్ కరణ్” లో పాల్గొన్నారు.

ఈ షోలో అక్క చెల్లెలు ఇద్దరు వాళ్ల పర్సనల్ విషయాలను చాలా షేర్ చేసుకున్నారు. కరణ్ వీళ్ళిద్దరికీ బాయ్ ఫ్రెండ్స్ ఉన్నారు అని చెప్పారు. అయితే ఒక ప్రశ్నగా “మగవాళ్ళకి నిన్ను చూసిన వెంటనే ఏది నచ్చుతుంది?” అని అడగగా దానికి జాన్వీ “అందరు అబ్బాయిలు నా కళ్ళు చూస్తున్నాను అని అంటారు. కానీ వాళ్ళ కంటి చూపు ఎక్కడ ఉంటుందో నాకు బాగా తెలుసు. వాళ్ళు అదే చూస్తారు” అని చెప్పుకొచ్చింది జాన్వీ.

అయితే అదే అంటే ఏంటి అనే ప్రశ్న అందరిని ఆసక్తి చూపిస్తుంది. కాఫీ విత్ కరణ్ షో వల్ల ఎన్నో మంది ఎన్నో కాంట్రవర్సీలు ఎదుర్కొన్నారు. అయితే జాన్వీ కి కూడా అది తప్పలేదు. ఇప్పుడు ఈ ప్రశ్న మీద అందరూ జాన్వీ ని కాంట్రవర్సీకి గురి చేస్తున్నారు. ఇదిలా ఉండగా దేవర షూటింగ్ సమయంలో జనవరి 5న తిరుపతికి వెళ్లి వెంకటేశ్వర స్వామి దర్శనం చేసుకుంది జాన్వీ. ప్రతి సంవత్సరం శ్రీదేవి పుట్టినరోజు జాన్వీ వెంకటేశ్వర స్వామి గుడికి వెళ్లి దర్శనం చేసుకుంటుంది.

https://www.instagram.com/p/C1qR2ABo6l6/

తెలుగు సినీ ప్రేక్షకులకు నటుడు రాజీవ్ కనకాల గురించి మనందరికీ తెలిసిందే. తెలుగులో ఎన్నో సినిమాలలో నటించి తనకంటూ ఒక ప్రత్యేకమైన గుర్తింపును ఏర్పరచుకున్నారు రాజీవ్ కనకాల. కాగా రాజీవ్ కనకాల యాంకర్ సుమ భర్త అన్న విషయం కూడా మనందరికీ తెలిసిందే. మొదట టీవీ స్క్రీన్‌ తో కెరియర్ మొదలుపెట్టి బిగ్ స్క్రీన్‌పై నాన్ స్టాప్‌గా సినిమాలు చేస్తున్నారు రాజీవ్ కనకాల. రాంబంటు సినిమాతో సినిమా ఇండస్ట్రీకి ఎంట్రీ ఇచ్చిన రాజీవ్ కనకాల ఆ తరువాత వరుసగా స్టూడెంట్ నంబర్ 1, ఆది, నువ్వే నువ్వే, నాగ, ఫిల్మ్ బై అరవింద్, మీనాక్షి, యమదొంగ, సరిలేరు నీకెవ్వరు, పెదకాపు 1 లాంటి చాలా సినిమాల్లో నటించి మెప్పించారు.

అంతేకాకుండా నటుడుగా కూడా తనకంటూ ఒక ప్రత్యేకమైన గుర్తింపుని ఏర్పరచుకున్నారు. ఇది ఇలా ఉంటే ఇటీవలే రాజీవ్ కనకాల కొడుకు రోషన్ కనకాల కూడా బబుల్ గమ్ అనే సినిమాతో హీరోగా ఎంట్రీ ఇచ్చిన విషయం తెలిసిందే. అయితే కొడుకు సినిమా రిలీజ్ కి ముందు పలు రకాల ఫంక్షన్లలో ప్రమోషన్స్ లో రాజీవ్ కనకాల కనిపించారు. గుర్తుపట్టలేని విధంగా మారిపోయారు రాజీవ్ కనకాల. చాలా లావుగా మారిపోయారు. అయితే తాను అలా మారిపోవడానికి గల కారణాలు ఏంటి అన్నది కూడా మీడియాకు వెల్లడించారు.

రాజీవ్‌కి ఆ మధ్య ఫుడ్ పాయిజన్ అయ్యిందట. ఆసుపత్రిలో జాయిన్ అయ్యాక సెలైన్స్, యాంటిబయాటిక్స్ ఇచ్చారట. ఆ సమయంలో ఆసుపత్రిలో ఇచ్చిన ఫుడ్ ఇంటి నుండి వచ్చిన ఫుడ్ కూడా తినేసేవారట. ఇక ఇంటికి వచ్చాక కూడా రోజూ స్వీట్స్ తినాలనిపించి రోజూ అరకిలో స్వీట్స్ తినేసేవారట. దాంతో సడెన్‌గా బరువు పెరిగిపోయారట. తెలంగాణ ఆవిర్భావ వేడుకల సందర్భంలో వరంగల్‌లో క్రికెట్ ఆడుతుండగా కాలు బెణికి నడవలేకపోయారట. ప్రస్తుతం బరువు తగ్గడానికి చాలా ప్రయత్నిస్తున్నారట. కారణం ఏదైనప్పటికీ అలా గుర్తుపట్టలేని విధంగా రాజీవ్ కనకాల మారిపోవడంతో అభిమానులు మొదట టెన్షన్ పడ్డారు ఆ తర్వాత ఆ కారణం తెలుసుకొనిఊపిరి పీల్చుకున్నారు.