Harika Page 4
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Filmy Adda

మెగాస్టార్ “చిరంజీవి”, నటసింహం “బాలకృష్ణ” లాగానే… కూతురి వయసు ఉన్న హీరోయిన్లతో జతకట్టిన 10 హీరోస్..!

by Harika
written by Harika

ఎక్కడైనా రాణించాలి అంటే ప్రొఫెషనాలిటీ చాలా ముఖ్యం. మనతో పాటు ఎవరెవరున్నారు. మనం ఎవరితో కలిసి పని చేస్తున్నాం అనేది ముఖ్యం కాదు. మన పని మనం బాగా చేయాలి అనేదే ముఖ్యం. అలాగే సినీ ఇండస్ట్రీ లో ఒక హీరో కెరీర్ ఎక్కువ కాలం ఉంటుంది. జయాపజయాలతో సంబంధం లేకుండా వారి కెరీర్ కొనసాగుతూనే ఉంటుంది. అదే హీరోయిన్ విషయానికి వస్తే వారికే కెరీర్ చాలా తక్కువ కాలం ఉంటుంది. కానీ కొన్ని సార్లు మార్కెట్ లెక్కల ప్రకారం ఒక సక్సెఫుల్ హీరోయిన్, సక్సెఫుల్ హీరో ఒక సినిమాకి జోడి కట్టాల్సి ఉంటుంది.

 

ఒకప్పుడు హీరో సరసన నటించిన హీరోయిన్.. కొంతకాలానికి ఆ హీరో కొడుకుకు తల్లి పాత్రకు షిఫ్ట్ అవుతుంది కానీ ఈ హీరో మాత్రం 50, 60 ఏళ్లలో కూడా హీరోగానే చేస్తుంటాడు. దీంతో హీరోకి హీరోయిన్ కి చాలా ఏజ్ గ్యాప్ కనిపిస్తుంది. కొన్నిసార్లు ఒకే అనిపించి మరికొన్నిసార్లు ఎబ్బెట్టుగా ఉంటుంది. అలా తెరపై కనిపించిన జోడీలెవరో ఇప్పుడు చూద్దాం..

#1 రజినీకాంత్ – అమీ జాక్సన్

రోబో 2.0 – 40 సంవత్సరాలు

రజినీకాంత్, అమీ జాక్సన్ కలిసి రోబో 2.0 లో నటించారు. రోబో సినిమాకి సీక్వెల్ గా వచ్చిన ఈ చిత్రం బాక్సాఫీస్ వద్ద ప్లాప్ గా నిలిచింది.

know the gap between these movie pairs..

#2 విక్రమ్ – కీర్తి సురేష్

సామి స్క్వేర్ – 26 సంవత్సరాలు

విక్రమ్, కీర్తి సురేష్ కలిసి సామి కి సీక్వెల్ గా వచ్చిన సామి స్క్వేర్ లో నటించారు.

know the gap between these movie pairs..

#3 వెంకటేష్ – తమన్నా

ఎఫ్ 2, ఎఫ్ 3 – 29 సంవత్సరాలు

వీరిద్దరూ కలిసి అనిల్ రవి పూడి తెరకెక్కించిన ఎఫ్ 2, ఎఫ్ 3 సినిమాల్లో నటించారు.

know the gap between these movie pairs..

#4 బాలకృష్ణ – నటాషా దోషి

జై సింహ – 33 సంవత్సరాలు

బాలకృష్ణ హీరోగా వచ్చిన జైసింహ సినిమాలో ఒక హీరోయిన్ గా నయనతార, ఇంకొక హీరోయిన్ గా హరిప్రియ నటించగా మరొక హీరోయిన్ పాత్రలో నటాషా దోషి నటించారు.

know the gap between these movie pairs..

#5 ఎన్టీఆర్ – శ్రీదేవి

40 ఏళ్ళు

ఎన్టీఆర్ కి బడిపంతులు చిత్రం లో మనవరాలిగా నటించిన శ్రీ దేవి, వేటగాడు సహా చాలా చిత్రాల్లో హీరోయిన్ గా నటించింది.

know the gap between these movie pairs..

#6 ఏయన్నార్ – శ్రీదేవి

ప్రేమాభిషేకం – 40 ఏళ్ళు

అక్కినేని నాగేశ్వర రావు, శ్రీ దేవి పలు సూపర్ హిట్ చిత్రాల్లో నటించారు.

know the gap between these movie pairs..

#7 రజనీకాంత్ – సోనాక్షి సిన్హా

లింగ – 36 ఏళ్ళు

రజనీకాంత్, సోనాక్షి సిన్హా లింగ చిత్రం లో కలిసి నటించారు.

know the gap between these movie pairs..

#8 చిరంజీవి – త్రిష

స్టాలిన్ – 28 ఏళ్ళు

చిరంజీవి, త్రిష కలిసి స్టాలిన్ చిత్రం లో నటించారు. ఆ చిత్రం సూపర్ హిట్ అయ్యింది.

know the gap between these movie pairs..

#9 చిరంజీవి – శృతి హాసన్

వాల్తేరు వీరయ్య – 31 సంవత్సరాలు

వీరిద్దరూ కలిసి మొదటిసారి వాల్తేరు వీరయ్య సినిమాలో నటించారు.

know the gap between these movie pairs..

#10 రవితేజ – శ్రీలీల

33 సంవత్సరాలు

వీరిద్దరూ కలిసి ధమాకా సినిమాలో నటించారు.

know the gap between these movie pairs..

#11 పవన్ కళ్యాణ్ – అనూ ఇమాన్యుల్

అజ్ఞాతవాసి – 26 సంవత్సరాలు

పవన్ కళ్యాణ్ హీరోగా త్రివిక్రమ్ శ్రీనివాస్ దర్శకత్వంలో వచ్చిన అజ్ఞాతవాసి సినిమాలో ఒక హీరోయిన్ గా అనూ ఇమాన్యుల్ నటించగా ఇంకొక హీరోయిన్ గా కీర్తి సురేష్ నటించారు.

know the gap between these movie pairs..

#12 బాలకృష్ణ – ప్రగ్యా జైస్వాల్

అఖండ – 31 సంవత్సరాలు

వీరిద్దరూ కలిసి అఖండ సినిమాలో నటించారు.

know the gap between these movie pairs..

#13 వెంకటేష్ – అంజలి

సీతమ్మ వాకిట్లో సిరిమల్లె చెట్టు, మసాలా – 26 సంవత్సరాలు

విక్టరీ వెంకటేష్, అంజలి కలిసి సీతమ్మ వాకిట్లో సిరిమల్లె చెట్టు, మసాలా సినిమాల్లో నటించారు.

know the gap between these movie pairs..

#14 రవితేజ – నభా నటేష్

డిస్కో రాజా – 27 సంవత్సరాలు

మాస్ మహారాజా రవితేజ హీరోగా వచ్చిన డిస్కో రాజా సినిమాలో ఒక రవితేజ పక్కన నభా నటేష్ హీరోయిన్ గా నటించగా ఇంకొక రవితేజ పాత్ర సరసన పాయల్ రాజ్ పుత్ నటించారు.

know the gap between these movie pairs..

#15 వెంకటేష్- పాయల్ రాజపుత్

వెంకీ మామ – 32 సంవత్సరాలు

వెంకటేష్, నాగచైతన్య మామ అల్లుళ్లుగా నటించిన ‘వెంకీ మామ’ చిత్రం లో పాయల్ రాజపుట్ వెంకటేష్ కి జోడీగా నటించింది.

know the gap between these movie pairs..

#16 చిరంజీవి – తమన్నా

సైరా నరసింహారెడ్డి – 34 సంవత్సరాలు

మెగాస్టార్ చిరంజీవి హీరోగా నటించిన సైరా నరసింహారెడ్డి సినిమాలో తమన్నా ఒక హీరోయిన్ గా నటించగా నయనతార మరొక హీరోయిన్ గా నటించారు.

know the gap between these movie pairs..

#17 రవి తేజ – మాళవిక శర్మ

నేల టికెట్ – 31 సంవత్సరాలు.

నేల టికెట్ సినిమా లో రవితేజ తో మాళవిక శర్మ కలిసి నటించారు.

age gap between ravi teja and his heroines in recent films

#18 రవి తేజ – దివ్యంశ కౌశిక్

రామారావు ఆన్ డ్యూటీ – 29

దివ్యంశ కౌశిక్ రవితేజ తో రామారావు ఆన్ డ్యూటీ లో కలిసి ఆడిపాడారు.

know the gap between these movie pairs..

#19 నాగార్జున – రకుల్ ప్రీత్ సింగ్

మన్మధుడు 2 – 32 ఏళ్ళు

మన్మధుడు చిత్రానికి సీక్వెల్ గా వచ్చిన ఈ చిత్రం లో నాగ్, రకుల్ జంటగా నటించారు.

know the gap between these movie pairs..

#20 బాల కృష్ణ – ఇషా చావ్లా

శ్రీమన్నారాయణ – 28 ఏళ్ళు

శ్రీమన్నారాయణ చిత్రం లో బాలకృష్ణ కు జంటగా ఇషా చావ్లా నటించింది. ఇందులో పార్వతి ముల్తాన్ మరో హీరోయిన్ గా నటించింది.

know the gap between these movie pairs..

#21 నాగార్జున – ఆకాంక్ష సింగ్

దేవదాస్ – 32 ఏళ్ళు

నాగార్జున, నాని కలిసి నటించిన దేవదాస్ చిత్రం లో నాగార్జున, ఆకాంక్ష సింగ్ జంటగా నటించారు.

know the gap between these movie pairs..

 

Mythology

వినాయక చవితి వ్రత విధానం..! పండుగ ఏ తేదిలో జరుపుకోవాలి..?

by Harika
written by Harika

హిందువులు జరుపునే ముఖ్యమైన పండుగలలో వినాయక చవితి ఒకటి. భాద్రపద మాసంలో శుక్ల పక్షంలో వచ్చే చవితి రోజున గణపతి జన్మించాడు. ఆ రోజుననే  హిందువులు భక్తిశ్రద్ధలతో వినాయక చవితిని అత్యంత వైభంగా జరుపుకుంటారు.

వినాయకచవితి రోజున గణేషుని విగ్రహం పెట్టి, పూజ చేస్తారు. అలా 10 రోజుల పాటు గణేష్ ఉత్సవాలు జరుపుకుంటారు. ఈ ఏడాది ఏరోజున వినాయకచవితి జరుపుకుంటారు అనే విషయం పై తీవ్రంగా చర్చలు జరుగుతున్నాయి. మరి ఏ తేదీన వినాయకచవితి పండుగ జరువుతారో? వినాయక చవితి వ్రత విధానం ఏమిటో ఇప్పుడు చూద్దాం..
హిందువులు ఏ శుభ కార్యాన్ని మొదలుపెట్టాలన్నా, ఎలాంటి ఆటంకాలు రాకుండా ముందుగా విఘ్నాధిపతి అయిన గణపతికే తొలిపూజను చేస్తారు. ఆ తరువాతనే శుభకార్యాన్ని మొదలుపెడతారు. గణపతి పుట్టినరోజున వినాయక చవితిని హిందువులంతా భక్తిశ్రద్ధలతో జరుపుకుంటారు. ఈ ఏడాది ఏరోజు జరుపుకోవాలో అనే సందేహం చాలా మందిలో ఉంది. అయితే పండితులు సెప్టెంబర్ 7న వినాయక చవితిని జరుపుకోవాలని చెబుతున్నారు.
పండుగ రోజున తెల్లవారజామున లేచి, ఇంటిని శుభ్రం చేసుకోవాలి. అనంతరం తల స్నానం చేసి, ఉతికిన బట్టలు ధరించాలి. గుమ్మాలకు మామిడి తోరణాలు కట్టాలి. ఈశాన్య లేదా ఉత్తర దిశలో పీటకు పసుపు రాసి పెట్టాలి. ఒక ప్లేట్ లో బియ్యం పోసి, దాని పై తమలపాకులు పెట్టాలి. ఆ తరువాత అగరువత్తులు వెలిగించి, దీపారాధన చేసి,ఈ  మంత్రాన్ని చదువుతూ, పూజను మొదలుపెట్టాలి.
‘ఓం దేవీంవాచ మజనయంత దేవాస్తాం విశ్వరూపా: పశవో వదంతి.. సానో మంద్రేష మూర్జం దుహానాధే నుర్వాగాస్మానుప సుష్టుతైత్తు అయం ముహూర్తస్సుముహూర్తోస్తు’ య శ్శివో నామరూపాభ్యాం యా దేవీ సర్వ మంగళా తయో స్సంస్మరణా త్సుంసాం సర్వతో జయమంగళం’

ఆ తరువాత పీట మీద గణపతి విగ్రహాన్ని పెట్టి, పాలవెల్లికి పసుపు రాసి, బొట్టు పెట్టాలి. గణపతి విగ్రహం తలపై వచ్చేట్టుగా వేలాడకట్టాలి. పత్రి వేసి నాలుగుదిక్కులా పళ్లతో, మొక్కజొన్న కంకులతో అలంకరించాలి. నైవేద్యంగా  ఉండ్రాళ్లు, పాయసం, కుడుములు, మోదకులు, జిల్లెడుకాయలు, గారెలు, పులిహోర వంటి పిండివంటలు రెడీ చేసుకోవాలి. ఇత్తడి లేదా రాగి పాత్రకు పసుపు రాసి, నీళ్లువేసి, పైన కొబ్బరికాయ, జాకెట్టు ముక్కను ఉంచి కలశం పెట్టాలి.
పూజా విధానం..

ఓం కేశవాయ స్వాహా |
ఓం నారాయణాయ స్వాహా |
ఓం మాధవాయ స్వాహా |
ఓం గోవిందాయ నమః | ఓం విష్ణవే నమః |
ఓం మధుసూదనాయ నమః | ఓం త్రివిక్రమాయ నమః |
ఓం వామనాయ నమః | ఓం శ్రీధరాయ నమః |
ఓం హృషీకేశాయ నమః | ఓం పద్మనాభాయ నమః |
ఓం దామోదరాయ నమః | ఓం సంకర్షణాయ నమః |
ఓం వాసుదేవాయ నమః | ఓం ప్రద్యుమ్నాయ నమః |
ఓం అనిరుద్ధాయ నమః | ఓం పురుషోత్తమాయ నమః |
ఓం అథోక్షజాయ నమః | ఓం నారసింహాయ నమః |
ఓం అచ్యుతాయ నమః | ఓం జనార్దనాయ నమః |
ఓం ఉపేంద్రాయ నమః | ఓం హరయే నమః |
ఓం శ్రీ కృష్ణాయ నమః |

దీపారాధనం

(దీపం వెలిగించి గంధం కుంకుమ బొట్టు పెట్టి, ఇది చదివి, నమస్కారం చేయండి)

దీపస్త్వం బ్రహ్మ రూపోసి జ్యోతిషాం ప్రభురవ్యయః |
సౌభాగ్యం దేహి పుత్రాంశ్చ సర్వాన్కామాంశ్చ దేహి మే ||

భో దీప దేవి రూపస్త్వం కర్మ సాక్షీ హ్యవిఘ్నకృత్ |
యావత్పూజాం కరిష్యామి తావత్వం సుస్థిరో భవ ||

దీపారాధన ముహూర్తః సుముహూర్తోఽస్తు ||
పూజార్థే హరిద్రా కుంకుమ విలేపనం కరిష్యే ||

భూతోచ్ఛాటనం 

(అక్షింతలు తీసుకుని ముఖం ఎదురుగా పెట్టుకుని, ఇది చదివి, మీ వెనుక వేసుకోండి)

ఓం ఉత్తిష్ఠంతు భూత పిశాచాః య ఏతే భూమి భారకాః
ఏతేషామవిరోధేన బ్రహ్మకర్మ సమారభే |
అపసర్పన్తు తే భూతా యే భూతా భూమిసంస్థితాః |
యే భూతా విఘ్నకర్తారస్తే గచ్ఛంతు శివాఽజ్ఞయా |

ప్రాణాయామం 

(ప్రాణాయామం చేయండి)

ఓం భూః | ఓం భువః | ఓం సువః | ఓం మహః |
ఓం జనః | ఓం తపః | ఓం సత్యం |
ఓం తత్సవితుర్వరేణ్యం భర్గో దేవస్య ధీమహి ధియో యో నః ప్రచోదయాత్ |
ఓమాపో జ్యోతీ రసోమృతం బ్రహ్మ భూర్భువస్సువరోమ్ |

సంకల్పం

(అక్షింతలు తీసుకుని, ఇది చదివి, నీటితో విడిచిపెట్టండి)

మమ ఉపాత్త సమస్త దురితక్షయ ద్వారా శ్రీ పరమేశ్వరముద్దిశ్య శ్రీ పరమేశ్వర ప్రీత్యర్థం శుభాభ్యాం శుభే శోభనే ముహూర్తే శ్రీ మహావిష్ణోరాజ్ఞయా ప్రవర్తమానస్య అద్య బ్రహ్మణః ద్వితీయ పరార్థే శ్వేతవరాహ కల్పే వైవస్వత మన్వంతరే కలియుగే ప్రథమపాదే జంబూద్వీపే భారతవర్షే భరతఖండే మేరోః దక్షిణ దిగ్భాగే శ్రీశైలస్య ___ ప్రదేశే ___, ___ నద్యోః మధ్య ప్రదేశే లక్ష్మీ నివాస గృహే సమస్త దేవతా బ్రాహ్మణ ఆచార్య హరి హర గురు చరణ సన్నిధౌ అస్మిన్ వర్తమనే వ్యావహరిక చాంద్రమానేన శ్రీ శోభకృతు (2023) నామ సంవత్సరే ఉత్తర/దక్షిణ/పశ్చిమ/ఈశాన్య ఆయనే వర్షఋతౌ భాద్రపద మాసే శుక్ల పక్షే చతుర్ధ్యాం తిథౌ ___ వాసరే ___ నక్షత్రే శుభయోగే శుభకరణ ఏవం గుణ విశేషణ విశిష్టాయాం శుభతిథౌ శ్రీమాన్ ___ గోత్రః ___ నామధేయః (మమ ధర్మపత్నీ సమేతః) మమ/అస్మాకం సహకుటుంబస్య క్షేమ స్థైర్య ధైర్య వీర్య విజయ అభయ ఆయుః ఆరోగ్య ఐశ్వర అభివృద్ధ్యర్థం ధర్మ అర్థ కామ మోక్ష చతుర్విధ పురుషార్థ ఫల సిద్ధ్యర్థం ధన కనక వస్తు వాహన సమృద్ధ్యర్థం సర్వాభీష్ట సిద్ధ్యర్థం శ్రీ వరసిద్ధి వినాయక ప్రీత్యర్థం కల్పోక్తప్రకారేణ యావచ్ఛక్తి ధ్యానావాహనాది షోడశోపచారపూజాం కరిష్యే ||

|| వినాయక పూజా ప్రారంభః ||

ప్రార్థన

భవసంచితపాపౌఘవిధ్వంసనవిచక్షణమ్ |
విఘ్నాంధకారభాస్వంతం విఘ్నరాజమహం భజే ||
ఏకదంతం శూర్పకర్ణం గజవక్త్రం చతుర్భుజమ్ |
పాశాంకుశధరం దేవం ధ్యాయేత్సిద్ధివినాయకమ్ ||
ఉత్తమం గణనాథస్య వ్రతం సంపత్కరం శుభమ్ |
భక్తాభీష్టప్రదం తస్మాద్ధ్యాయేత్తం విఘ్ననాయకమ్ ||

ధ్యానం 
ధ్యాయేద్గజాననం దేవం తప్తకాంచనసన్నిభమ్ |
చతుర్భుజం మహాకాయం సర్వాభరణభూషితమ్ ||
ఓం శ్రీ సిద్ధివినాయక స్వామినే నమః ధ్యాయామి |

ఆవాహనం 
అత్రాగచ్ఛ జగద్వంద్య సురరాజార్చితేశ్వర |
అనాథనాథ సర్వజ్ఞ గౌరీగర్భసముద్భవ ||
ఓం శ్రీ సిద్ధివినాయక స్వామినే నమః ఆవాహయామి |

ఆసనం 
మౌక్తికైః పుష్పరాగైశ్చ నానారత్నైర్విరాజితమ్ |
రత్నసింహాసనం చారు ప్రీత్యర్థం ప్రతిగృహ్యతామ్ ||
ఓం శ్రీ సిద్ధివినాయక స్వామినే నమః ఆసనం సమర్పయామి |

అర్ఘ్యం 
గౌరీపుత్ర నమస్తేఽస్తు శంకరప్రియనందన |
గృహాణార్ఘ్యం మయా దత్తం గంధపుష్పాక్షతైర్యుతమ్ ||
ఓం శ్రీ సిద్ధివినాయక స్వామినే నమః అర్ఘ్యం సమర్పయామి |

పాద్యం 
గజవక్త్ర నమస్తేఽస్తు సర్వాభీష్టప్రదాయక |
భక్త్యా పాద్యం మయా దత్తం గృహాణ ద్విరదానన ||
ఓం శ్రీ సిద్ధివినాయక స్వామినే నమః పాద్యం సమర్పయామి |

ఆచమనీయం 
అనాథనాథ సర్వజ్ఞ గీర్వాణవరపూజిత |
గృహాణాచమనం దేవ తుభ్యం దత్తం మయా ప్రభో ||
ఓం శ్రీ సిద్ధివినాయక స్వామినే నమః ఆచమనీయం సమర్పయామి |

మధుపర్కం 
దధిక్షీరసమాయుక్తం మధ్వాజ్యేన సమన్వితమ్ |
మధుపర్కం గృహాణేదం గజవక్త్ర నమోఽస్తు తే ||
ఓం శ్రీ సిద్ధివినాయక స్వామినే నమః మధుపర్కం సమర్పయామి |

పంచామృత స్నానం 
స్నానం పంచామృతైర్దేవ గృహాణ గణనాయక |
అనాథనాథ సర్వజ్ఞ గీర్వాణగణపూజిత ||
ఓం శ్రీ సిద్ధివినాయక స్వామినే నమః పంచామృత స్నానం సమర్పయామి |

శుద్ధోదక స్నానం 
గంగాదిసర్వతీర్థేభ్య ఆహృతైరమలైర్జలైః |
స్నానం కురుష్య భగవన్నుమాపుత్ర నమోఽస్తు తే ||
ఓం శ్రీ సిద్ధివినాయక స్వామినే నమః శుద్ధోదక స్నానం సమర్పయామి |
స్నానానంతరం ఆచమనీయం సమర్పయామి |

వస్త్రం 
రక్తవస్త్రద్వయం చారు దేవయోగ్యం చ మంగళమ్ |
శుభప్రద గృహాణ త్వం లంబోదర హరాత్మజ ||
ఓం శ్రీ సిద్ధివినాయక స్వామినే నమః వస్త్రయుగ్మం సమర్పయామి |

యజ్ఞోపవీతం
రాజతం బ్రహ్మసూత్రం చ కాంచనం చోత్తరీయకమ్ |
గృహాణ దేవ సర్వజ్ఞ భక్తానామిష్టదాయక ||
ఓం శ్రీ సిద్ధివినాయక స్వామినే నమః యజ్ఞోపవీతం సమర్పయామి |

గంధం
చందనాగరు కర్పూర కస్తూరీ కుంకుమాన్వితమ్ |
విలేపనం సురశ్రేష్ఠ ప్రీత్యర్థం ప్రతిగృహ్యతామ్ ||
ఓం శ్రీ సిద్ధివినాయక స్వామినే నమః శ్రీగంధాన్ ధారయామి |

అక్షతాన్
అక్షతాన్ ధవళాన్ దివ్యాన్ శాలీయాంస్తండులాన్ శుభాన్ |
గృహాణ పరమానంద శంభుపుత్ర నమోఽస్తు తే ||
ఓం శ్రీ సిద్ధివినాయక స్వామినే నమః అలంకరణార్థం అక్షతాన్ సమర్పయామి |

పుష్పాణి
సుగంధాని చ పుష్పాణి జాతీకుందముఖాని చ |
ఏకవింశతిపత్రాణి సంగృహాణ నమోఽస్తు తే ||
ఓం శ్రీ సిద్ధివినాయక స్వామినే నమః పుష్పైః పూజయామి |

అథాంగపూజా

ఓం పార్వతీనందనాయ నమః | పాదౌ పూజయామి (పాదములను) |
ఓం గణేశాయ నమః | గుల్ఫౌ పూజయామి (చీలమండను) |
ఓం జగద్ధాత్రే నమః | జంఘే పూజయామి (మోకాలుక్రింద) |
ఓం జగద్వల్లభాయ నమః | జానునీ పూజయామి (మోకాలు చిప్ప) |
ఓం ఉమాపుత్రాయ నమః | ఊరూ పూజయామి (తొడలను) |
ఓం వికటాయ నమః | కటిం పూజయామి (నడుమును పూజింపవలెను) |
ఓం గుహాగ్రజాయ నమః | గుహ్యం పూజయామి (మర్మ స్థానములను) |
ఓం మహోత్తమాయ నమః | మేఢ్రం పూజయామి |
ఓం నాథాయ నమః | నాభిం పూజయామి (బొడ్డును) |
ఓం ఉత్తమాయ నమః | ఉదరం పూజయామి (పొట్టను) |
ఓం వినాయకాయనమః | వక్షఃస్థలం పూజయామి (ఛాతిని) |
ఓం పాశచ్ఛిదేనమః | పార్శ్వే పూజయామి (పక్కలను) |
ఓం హేరంబాయ నమః | హృదయం పూజయామి (హృదయము) |
ఓం కపిలాయనమః | కంఠం పూజయామి (కంఠమును) |
ఓం స్కందాగ్రజాయ నమః | స్కంధౌ పూజయామి (భుజములను) |
ఓం హరసుతాయ నమః | హస్తౌ పూజయామి (చేతులను) |
ఓం బ్రహ్మచారిణే నమః | బాహున్ పూజయామి (బాహువులను) |
ఓం సుముఖాయ నమః | ముఖం పూజయామి (ముఖమును) |
ఓం ఏకదంతాయ నమః | దంతౌ పూజయామి (దంతములను) |
ఓం విఘ్ననేత్రే నమః | నేత్రే పూజయామి (కన్నులను) |
ఓం శూర్పకర్ణాయనమః | కర్ణౌ పూజయామి (చెవులను) |
ఓం ఫాలచంద్రాయనమః | లలాటం పూజయామి (నుదురును) |
ఓం నాగాభరణాయనమః | నాసికాం పూజయామి (ముక్కును) |
ఓం చిరంతనాయ నమః | చుబుకం పూజయామి (గడ్డము క్రింది భాగమును) |
ఓం స్థూలోష్ఠాయ నమః | ఓష్ఠౌ పూజయామి (పై పెదవిని) |
ఓం గళన్మదాయ నమః | గండే పూజయామి (గండమును) |
ఓం కపిలాయ నమః | కచాన్ పూజయామి (శిరస్సు పై రోమములున్న భాగమును) |
ఓం శివప్రియాయై నమః | శిరః పూజయామి (శిరస్సును) |
ఓం సర్వమంగళాసుతాయ నమః | సర్వాణ్యంగాని పూజయామి (సర్వ అవయవములను) |

ఏకవింశతి పత్ర పూజ (21 ఆకులు)

ఓం ఉమాపుత్రాయ నమః | మాచీపత్రం సమర్పయామి (దర్భ) |
ఓం హేరంబాయ నమః | బృహతీపత్రం సమర్పయామి (నేలములక) |
ఓం లంబోదరాయ నమః | బిల్వపత్రం సమర్పయామి (మారేడు) |
ఓం ద్విరదాననాయ నమః | దూర్వాపత్రం సమర్పయామి (గరిక) |
ఓం ధూమకేతవే నమః | ధత్తూరపత్రం సమర్పయామి (ఉమ్మెత్త) |
ఓం బృహతే నమః | బదరీపత్రం సమర్పయామి (రేగు) |
ఓం అపవర్గదాయ నమః | అపామార్గ పత్రం సమర్పయామి (ఉత్తరేణి) |
ఓం ద్వైమాతురాయ నమః | తులసీపత్రం సమర్పయామి (తులసి) |
ఓం చిరంతనాయ నమః | చూతపత్రం సమర్పయామి (మామిడి ఆకు) |
ఓం కపిలాయ నమః | కరవీరపత్రం సమర్పయామి (గన్నేరు) |
ఓం విష్ణుస్తుతాయ నమః | విష్ణుక్రాంత పత్రం సమర్పయామి (నీలంపువ్వుల చెట్టు ఆకు) |
ఓం ఏకదంతాయ నమః | దాడిమీపత్రం సమర్పయామి (దానిమ్మ) |
ఓం అమలాయ నమః | ఆమలకీపత్రం సమర్పయామి (దేవదారు) |
ఓం మహతే నమః | మరువక పత్రం సమర్పయామి (మరువము) |
ఓం సింధూరాయ నమః | సింధువార పత్రం సమర్పయామి (వావిలి) |
ఓం గజాననాయ నమః | జాతీ పత్రం సమర్పయామి (జాజిపత్రి) |
ఓం గండగళన్మదాయ నమః | గండవీ పత్రం సమర్పయామి (తెల్లగరికె) |
ఓం శంకరప్రియాయ నమః | శమీ పత్రం సమర్పయామి (జమ్మి) |
ఓం భృంగరాజత్కటాయ నమః | అశ్వత్థ పత్రం సమర్పయామి (రావి) |
ఓం అర్జునదంతాయ నమః | అర్జునపత్రం సమర్పయామి (మద్ది) |
ఓం అర్కప్రభాయ నమః | అర్క పత్రం సమర్పయామి (జిల్లేడు) |

ఏకవింశతి పుష్ప పూజ – (21 పుష్పాలు)

ఓం పంచాస్య గణపతయే నమః | పున్నాగ పుష్పం సమర్పయామి |
ఓం మహా గణపతయే నమః | మందార పుష్పం సమర్పయామి |
ఓం ధీర గణపతయే నమః | దాడిమీ పుష్పం సమర్పయామి |
ఓం విష్వక్సేన గణపతయే నమః | వకుళ పుష్పం సమర్పయామి |
ఓం ఆమోద గణపతయే నమః | అమృణాళ(తామర) పుష్పం సమర్పయామి |
ఓం ప్రమథ గణపతయే నమః | పాటలీ పుష్పం సమర్పయామి |
ఓం రుద్ర గణపతయే నమః | ద్రోణ పుష్పం సమర్పయామి |
ఓం విద్యా గణపతయే నమః | ధత్తూర పుష్పం సమర్పయామి |
ఓం విఘ్న గణపతయే నమః | చంపక పుష్పం సమర్పయామి |
ఓం దురిత గణపతయే నమః | రసాల పుష్పం సమర్పయామి |
ఓం కామితార్థప్రద గణపతయే నమః | కేతకీ పుష్పం సమర్పయామి |
ఓం సమ్మోహ గణపతయే నమః | మాధవీ పుష్పం సమర్పయామి |
ఓం విష్ణు గణపతయే నమః | శమ్యాక పుష్పం సమర్పయామి |
ఓం ఈశ గణపతయే నమః | అర్క పుష్పం సమర్పయామి |
ఓం గజాస్య గణపతయే నమః | కల్హార పుష్పం సమర్పయామి |
ఓం సర్వసిద్ధి గణపతయే నమః | సేవంతికా పుష్పం సమర్పయామి |
ఓం వీర గణపతయే నమః | బిల్వ పుష్పం సమర్పయామి |
ఓం కందర్ప గణపతయే నమః | కరవీర పుష్పం సమర్పయామి |
ఓం ఉచ్ఛిష్ఠ గణపతయే నమః | కుంద పుష్పం సమర్పయామి |
ఓం బ్రహ్మ గణపతయే నమః | పారిజాత పుష్పం సమర్పయామి |
ఓం జ్ఞాన గణపతయే నమః | జాతీ పుష్పం సమర్పయామి |

ఏకవింశతి దూర్వాయుగ్మ పూజా – (రెండు దళములు కలిసిన గరిక)

ఓం గణాధిపాయ నమః | దూర్వాయుగ్మం సమర్పయామి |
ఓం పాశాంకుశధరాయ నమః | దూర్వాయుగ్మం సమర్పయామి |
ఓం ఆఖువాహనాయ నమః | దూర్వాయుగ్మం సమర్పయామి |
ఓం వినాయకాయ నమః | దూర్వాయుగ్మం సమర్పయామి |
ఓం ఈశపుత్రాయ నమః | దూర్వాయుగ్మం సమర్పయామి |
ఓం సర్వసిద్ధిప్రదాయ నమః | దూర్వాయుగ్మం సమర్పయామి |
ఓం ఏకదంతాయ నమః | దూర్వాయుగ్మం సమర్పయామి |
ఓం ఇభవక్త్రాయ నమః | దూర్వాయుగ్మం సమర్పయామి |
ఓం మూషకవాహనాయ నమః | దూర్వాయుగ్మం సమర్పయామి |
ఓం కుమారగురవే నమః | దూర్వాయుగ్మం సమర్పయామి |
ఓం కపిలవర్ణాయ నమః | దూర్వాయుగ్మం సమర్పయామి |
ఓం బ్రహ్మచారిణే నమః | దూర్వాయుగ్మం సమర్పయామి |
ఓం మోదకహస్తాయ నమః | దూర్వాయుగ్మం సమర్పయామి |
ఓం సురశ్రేష్ఠాయ నమః | దూర్వాయుగ్మం సమర్పయామి |
ఓం గజనాసికాయ నమః | దూర్వాయుగ్మం సమర్పయామి |
ఓం కపిత్థఫలప్రియాయ నమః | దూర్వాయుగ్మం సమర్పయామి |
ఓం గజముఖాయ నమః | దూర్వాయుగ్మం సమర్పయామి |
ఓం సుప్రసన్నాయ నమః | దూర్వాయుగ్మం సమర్పయామి |
ఓం సురాగ్రజాయ నమః | దూర్వాయుగ్మం సమర్పయామి |
ఓం ఉమాపుత్రాయ నమః | దూర్వాయుగ్మం సమర్పయామి |
ఓం స్కందప్రియాయ నమః | దూర్వాయుగ్మం సమర్పయామి |

ఓం శ్రీ సిద్ధివినాయక స్వామినే నమః నానావిధ పత్ర పుష్పాణి సమర్పయామి |

అష్టోత్తరశతనామ పూజ

శ్రీ వినాయక అష్టోత్తరశతనామావళీ | (అష్టోత్రం చదవండి)

ఓం శ్రీ సిద్ధివినాయక స్వామినే నమః అష్టోత్తరశతనామ పూజాం సమర్పయామి |

ధూపం
దశాంగం గుగ్గులోపేతం సుగంధి సుమనోహరమ్ |
ఉమాసుత నమస్తుభ్యం గృహాణ వరదో భవ ||
ఓం శ్రీ సిద్ధివినాయక స్వామినే నమః ధూపమాఘ్రాపయామి |

దీపం
సాజ్యం త్రివర్తిసంయుక్తం వహ్నినా ద్యోతితం మయా |
గృహాణ మంగళం దీపం ఈశపుత్ర నమోఽస్తు తే ||
ఓం శ్రీ సిద్ధివినాయక స్వామినే నమః దీపం దర్శయామి |

నైవేద్యం
సుగంధాన్ సుకృతాంశ్చైవ మోదకాన్ ఘృత పాచితాన్ |
నైవేద్యం గృహ్యతాం దేవ చణముద్గైః ప్రకల్పితాన్ ||
భక్ష్యం భోజ్యం చ లేహ్యం చ చోష్యం పానీయమేవ చ |
ఇదం గృహాణ నైవేద్యం మయా దత్తం వినాయక ||
ఓం శ్రీ సిద్ధివినాయక స్వామినే నమః నైవేద్యం సమర్పయామి |

తాంబూలం
పూగీఫలసమాయుక్తం నాగవల్లీదళైర్యుతమ్ |
కర్పూరచూర్ణసంయుక్తం తాంబూలం ప్రతిగృహ్యతామ్ ||
ఓం శ్రీ సిద్ధివినాయక స్వామినే నమః తాంబూలం సమర్పయామి |
తాంబూల చర్వణానంతరం ఆచమనీయం సమర్పయామి |

నీరాజనం
ఘృతవర్తి సహస్రైశ్చ కర్పూరశకలైస్తథా |
నీరాజనం మయా దత్తం గృహాణ వరదో భవ ||
ఓం శ్రీ సిద్ధివినాయక స్వామినే నమః నీరాజనం సమర్పయామి |
నీరాజనానంతరం ఆచమనీయం సమర్పయామి |

మంత్రపుష్పం
గణాధిప నమస్తేఽస్తు ఉమాపుత్రాఘనాశన |
వినాయకేశతనయ సర్వసిద్ధిప్రదాయక ||
ఏకదంతైకవదన తథా మూషకవాహన |
కుమారగురవే తుభ్యమర్పయామి సుమాంజలిమ్ ||
ఓం శ్రీ సిద్ధివినాయక స్వామినే నమః మంత్రపుష్పం సమర్పయామి |

ప్రదక్షిణం
ప్రదక్షిణం కరిష్యామి సతతం మోదకప్రియ |
మద్విఘ్నం హరయే శీఘ్రం భక్తానామిష్టదాయక ||
ఆఖువాహన దేవేశ విశ్వవ్యాపిన్ వినాయక |
ప్రదక్షిణం కరోమి త్వాం ప్రసీద వరదో భవ ||
యానికాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవ శరణాగతవత్సల ||
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష వినాయక ||
ఓం శ్రీ సిద్ధివినాయక స్వామినే నమః ఆత్మప్రదక్షిణ నమస్కారాన్ సమర్పయామి |

సాష్టాంగ నమస్కారం
నమో నమో గణేశాయ నమస్తే విశ్వరూపిణే |
నిర్విఘ్నం కురు మే కామం నమామి త్వాం గజాననా ||
అగజానన పద్మార్కం గజానన మహర్నిశమ్ |
అనేకదం తం భక్తానాం ఏకదంతముపాస్మహే ||
నమస్తే భిన్నదంతాయ నమస్తే హరసూనవే |
మమాభీష్టప్రదో భూయో వినాయక నమోఽస్తు తే ||
ఓం శ్రీ సిద్ధివినాయక స్వామినే నమః సాష్టాంగ నమస్కారం సమర్పయామి |

ప్రార్థన
ప్రసీద దేవదేవేశ ప్రసీద గణనాయక |
ఈప్సితం మే వరం దేహి పరత్ర చ పరాంగతిమ్ ||
వినాయక వరం దేహి మహాత్మన్ మోదకప్రియ |
అవిఘ్నం కురు మే దేవ సర్వకార్యేషు సర్వదా ||
ఓం శ్రీ సిద్ధివినాయక స్వామినే నమః ప్రార్థన నమస్కారాన్ సమర్పయామి |

రాజోపచార పూజా
ఓం శ్రీ సిద్ధివినాయక స్వామినే నమః | ఛత్రమాచ్ఛాదయామి |
ఓం శ్రీ సిద్ధివినాయక స్వామినే న

మః | చామరైర్వీజయామి |
ఓం శ్రీ సిద్ధివినాయక స్వామినే నమః | గీతం శ్రావయామి |
ఓం శ్రీ సిద్ధివినాయక స్వామినే నమః | నృత్యం దర్శయామి |
ఓం శ్రీ సిద్ధివినాయక స్వామినే నమః | వాద్యం ఘోషయామి |
ఓం శ్రీ సిద్ధివినాయక స్వామినే నమః | ఆందోళికాన్ ఆరోహయామి |
ఓం శ్రీ సిద్ధివినాయక స్వామినే నమః | అశ్వాన్ ఆరోహయామి |
ఓం శ్రీ సిద్ధివినాయక స్వామినే నమః | గజాన్ ఆరోహయామి |
ఓం శ్రీ సిద్ధివినాయక స్వామినే నమః | సమస్త రాజోపచారాన్ దేవోపచారాన్ సమర్పయామి |

పునరర్ఘ్యం
అర్ఘ్యం గృహాణ హేరంబ వరప్రద వినాయక |
గంధపుష్పాక్షతైర్యుక్తం భక్త్యా దత్తం మయా ప్రభో ||
ఓం శ్రీ సిద్ధివినాయక స్వామినే నమః యిదమర్ఘ్యం యిదమర్ఘ్యం యిదమర్ఘ్యమ్ |

నమస్తుభ్యం గణేశాయ నమస్తే విఘ్ననాయక |
పునరర్ఘ్యం ప్రదాస్యామి గృహాణ గణనాయక ||
ఓం శ్రీ సిద్ధివినాయక స్వామినే నమః యిదమర్ఘ్యం యిదమర్ఘ్యం యిదమర్ఘ్యమ్ |

నమస్తే భిన్నదంతాయ నమస్తే హరసూనవే |
యిదమర్ఘ్యం ప్రదాస్యామి గృహాణ గణనాయక ||
ఓం శ్రీ సిద్ధివినాయక స్వామినే నమః యిదమర్ఘ్యం యిదమర్ఘ్యం యిదమర్ఘ్యమ్ |

గౌర్యంగమలసంభూత స్వామి జ్యేష్ఠ వినాయక |
గణేశ్వర గృహాణార్ఘ్యం గజానన నమోఽస్తు తే ||
ఓం శ్రీ సిద్ధివినాయక స్వామినే నమః యిదమర్ఘ్యం యిదమర్ఘ్యం యిదమర్ఘ్యమ్ |

సమర్పణం
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే గజాననమ్ ||
మంత్రహీనం క్రియాహీనం భక్తిహీనం వినాయక |
యత్పూజితం మయా దేవ పరిపూర్ణం తదస్తు తే ||

అనయా ధ్యానావహనాది షోడశోపచార పూజయా భగవాన్ సర్వాత్మకః శ్రీ సిద్ధి వినాయకః స్వామి సుప్రీతో సుప్రసన్నో వరదో భవంతు |
వినాయక వ్రత కథ:

మున్ను నైమిశారణ్యంబున సత్రయాగంబుచేయు శౌనకాదిమహర్షులకు సకలకథావిశారదుడగు సూతమహాముని యొకనాడు విఘ్నేశ్వరోత్పత్తియు, చంద్రదర్శన దోషకారణంబును, శాపమోక్షప్రకారంబును చెప్పదొడంగెను.

గజాసుర వృత్తాంతం

భక్తుడైన గజాసురుడు పరమశివుడిని తన ఉదరం లో ఉంచుకుంటాడు కదా.. అతనిని విడిపించడానికి విష్ణువు గంగిరెద్దు నాటకం ఆడతాడు. ఎట్టకేలకు గజాననుడు కూడా శివుడిని విడిచిపెట్టాడు ఒప్పుకుంటాడు. ఐతే.. ఈ విషయం తెలిసిన పార్వతి చాలా సంతోషిస్తుంది. భర్త రాక కోసం ఎదురుచూస్తూ ఉంటుంది.

వినాయకోత్పత్తి

స్నానానికి వెళ్ళబోతూ.. పసుపు ముద్దతో వినాయకుడిని చేసి ఒక చోట ఉంచుతుంది. తాను వచ్చే వరకు కాపలా గా ఉండమని చెబుతుంది. ఆ సమయం లోనే శివుడు ఇంటికి వస్తాడు. ఐతే ఆ బాలుడు శివుడిని అడ్డగిస్తాడు. దీనితో శివుడు కోపగించి వినాయకుని శిరస్సుని ఖండిస్తాడు. ఆ తరువాత పార్వతి దేవి వచ్చి జరిగినది తెలుసుకుని దుఃఖిస్తుంది. తన బాలుడిని తెచ్చి ఇవ్వాలని కోరుతుంది. దీనితో.. పరమేశ్వరుడు బాధపడి.. తాను బయటకు రావడం వలన చనిపోయిన గజాసురుని తలని తీసుకొచ్చి వినాయకుడికి అమర్చి తిరిగి ప్రాణం పోస్తాడు. అందుకే వినాయకుడిని గజాననుడు అని కూడా పిలుస్తారు.

విఘ్నేశాధిపత్యము

ఆ తరువాత కుమారస్వామి కూడా జన్మిస్తారు. వీరిద్దరూ చక్కగా ఉండేవారు. ఐతే.. సైన్యాధిపతి గా ఎవరిని నియమించాలి అన్న ప్రశ్న ఉదయిస్తుంది. దీనితో శివుడు ఆ కుమారులిద్దరికి ఓ పరీక్ష పెడతాడు. ఎవరైతే.. భూలోకం లో అన్ని పుణ్య నదులలో స్నానం చేసి వస్తారో.. వారే సైన్యాధ్యక్ష పదవి కి అర్హులని శివుడు చెబుతాడు. శివుడు చెప్పగానే.. కుమారస్వామి తన నెమలి వాహనం పై వెళ్ళిపోతాడు. ఐతే.. వినాయకుడు దుఃఖించి స్వామీ.. నా పరిస్థితి తెలిసినా ఇట్లు ఆనతి ఇవ్వడం తగునా అని ప్రశ్నిస్తాడు. అప్పుడు శివుడు తరుణోపాయం చెబుతాడు. తనను ధ్యానిస్తూ.. తల్లి తండ్రుల చుట్టూ మూడు ప్రదక్షిణాలు చేయమని చెబుతాడు. గణపతి అలానే తల్లితండ్రులను ధ్యానిస్తూ ప్రదక్షిణాలు చేస్తూ ఉంటాడు.

అక్కడ కుమారస్వామి గంగ, యమునా, నర్మదా వంటి నదులలో స్నానం చేయడానికి వెళ్ళినప్పుడు.. అప్పటికే వినాయకుడు స్నానం చేసి ఎదురు వస్తున్నట్లు కనిపించేది. అన్నీ నదులలోను స్నానం పూర్తి చేసుకున్న కుమారస్వామి తిరిగి కైలాసం చేరేసరికి గణపతి అప్పటికే అక్కడికి వచ్చేసినట్లు కనిపిస్తాడు. దీనితో అన్నగారి వద్దకు వచ్చి.. అన్నయ్యా.. మీ శక్తిని తక్కువ గా అంచనా వేసాను.. ఈ పదవి కి మీరే అర్హులని సెలవిస్తాడు. ఇక పరమేశ్వరుడు వినాయకుడిని విఘ్నాధిపతి గా నియమిస్తాడు.

ఋషిపత్నులకు నిరాపనింద కలుగుట

ఆ సమయంబున సప్తమహర్షులు యజ్ఞంబుచేయుచు తమ భార్యలతో అగ్నికి ప్రదక్షిణము చేయుచుండిరి. అగ్నిదేవుడు ఋషిపత్నులను జూచి మోహించి శాపభయంబున అశక్తుడై క్షీణించుచుండ నయ్యది అగ్ని భార్యయగు స్వాహాదేవి గ్రహించి అరుంధతి రూపముదక్క తక్కిన ఋషిపత్నుల రూపము తానే దాల్చి పతికి ప్రియంబుసేయ, ఋషులద్దానిం గనుంగొని అగ్నిదేవునితో నున్నవారు తమభార్యలేయని శంకించి ఋషులు తమ భార్యలను విడనాడిరి. పార్వతి శాపానంతరము ఋషిపత్నులు చంద్రుని చూచుటచే వీరికిట్టి నిరాపనింద కలిగినది.

దేవతలును, మునులును ఋషిపత్నుల యాపద పరమేష్ఠికి దెల్ప నాతండు సర్వజ్ఞుడగుటచే అగ్నిహోత్రుని భార్య ఋషిపత్నుల రూపంబుదాల్చి వచ్చుట దెల్పి సప్తమహర్షులను సమాధానపరచి వారితోగూడ బ్రహ్మ కైలాసంబునకేతెంచి ఉమామహేశ్వరుల సేవించి మృతుండై పడియున్న విఘ్నేశ్వరుని బ్రతికించి ముదంబుగూర్చె. అంత దేవాదులు “ఓ దేవీ! పార్వతీ! నీవొసంగిన శాపంబున లోకంబులకెల్ల కీడువాటిల్లెగాన దాని నుపసంహరింపు”మని ప్రార్థింప

పార్వతి సంతుష్టాంతరంగయె కుమారునిజేరదీసి ముద్దాడి “ఏదినంబున విఘ్నేశ్వరుని చూచి చంద్రుడు నవ్వె నాదినంబున చంద్రుని జూడరాదు” అని శాపావకాశం బొసంగె. అంత బ్రహ్మాదిదేవతలు మున్నగువారు సంతసించుచు తమ నివాసంబులకేగి, భాద్రపద శుద్ధ చతుర్థీయందు మాత్రము చంద్రునింజూడక జాగరూకులై సుఖంబుగ నుండిరి. ఇట్లు కొంతకాలంబు గడచె.

శమంతకోపాఖ్యానము

ద్వాపర యుగం లో.. ద్వారకలో శ్రీ కృష్ణుడు వినాయక చవితి రోజున అందరికి చాటింపు వేయించాడు. ఈరోజు గణేష్ చతుర్థి కావున ఎవరు చంద్రుని చూడవద్దని చెప్పాడు. ఆరోజు సాయం కాలానికి ఆవునుంచి పాలు పితుకుతు.. పాలల్లో చంద్రుని చూస్తాడు. అయ్యో అందరికి చెప్పి.. నేనే చూసానే.. ఇప్పుడు ఎలాంటి నిందలు వస్తాయో అని శ్రీ కృష్ణుడు అనుకుంటూ ఉంటాడు.

ఓ సారి సత్రాజిత్తు వద్ద ఉన్న శ్యమంతకమణిని శ్రీకృష్ణుడు చూస్తాడు. అది బాగుందని.. తనకు ఇవ్వమని అడుగుతాడు. అందుకు సత్రాజిత్తు అంగీకరించలేదు. దీనితో.. కృష్ణుడు దాని గురించి మరిచిపోతాడు. ఓ రోజు సత్రాజిత్తు కు తెలియకుండా.. అతని తమ్ముడు ఆ మణిని మెడలో ధరించి అడవికి వేటకు వెళ్తాడు. కానీ తిరిగి రాలేకపోతాడు. ఈ క్రమం లో మణి కోసమే శ్రీ కృష్ణుడు తన తమ్ముడిని హత్య చేయించి ఉంటాడు అని సత్రాజిత్తు భావిస్తాడు. ఇది క్రమం గా ప్రచారం అయ్యి కృష్ణుడి చెవిన పడుతుంది. వినాయక చవితి రోజున చంద్రుని చూడడం వల్లనే తనపై ఇటువంటి నీలాపనింద వచ్చిందని కృష్ణుడు తలుస్తాడు.

వెంటనే సత్రాజిత్తు వద్దకు వెళ్లి.. శ్యమంతక మణి తన వద్ద లేదని.. అది ఏమైందో తెలుసుకుని.. ఆధారాలతో సహా చూపిస్తానని శపధం చేస్తాడు. కృష్ణుడు కూడా అడవికి వెళ్లి సత్రాజిత్తు తమ్ముడి కోసం వెతుకుతాడు. ఆ మార్గం మధ్యలో సత్రాజిత్తు కళేబరం, ఆ పక్కనే ఓ సింహం కళేబరం, కొద్దీ గా దూరం గా ఎలుగుబంటి అడుగు జాడలు కనిపిస్తాయి. మణి కోసమే సింహం దాడి చేసి ఉంటుందని.. ఆ సింహాన్ని, సత్రాజిత్తుని ఎలుగుబంటి చంపేసి మణిని తీసుకుని వెళ్ళుంటుందని కృష్ణుడు అర్ధం చేసుకుంటాడు. ఆ ఎలుగు బంటి అడుగులు పడిన వైపుగా వెళతాడు.

అక్కడ ఉయ్యాలకు ఈ మణి కట్టబడి ఉంటుంది. ఆ ఉయ్యాలలో ఓ పాపాయి ఉంటుంది. ఈ మణిని చూసి ఆడుకుంటూ ఉంటుంది. కృష్ణుడు అక్కడకు వెళ్లి మణిని తీసుకుంటాడు. దానితో ఆ పిల్ల ఏడవడం మొదలుపెడుతుంది. వెంటనే ఎలుగుబంటి రూపం లో ఉన్న జాంబవంతుడు అక్కడకు వచ్చి ఆ మణి కోసం కృష్ణుడితో యుద్ధం చేస్తాడు. ఆ యుద్ధం లో జాంబవంతుడు ఓడిపోతాడు. తన కుమార్తె అయిన జాంబవతిని ఇచ్చి కృష్ణుడికి వివాహం చేసి.. ఆ మణిని కూడా కృష్ణుడికే ఇచ్చేస్తాడు.

ఆ తరువాత కృష్ణుడు ఆ మణిని తీసుకుని సత్రాజిత్తు వద్దకు వస్తాడు. జరిగినదంతా వివరిస్తాడు. కృష్ణుడిపై అట్టి నీలాపనిందను వేసినందుకు బాధపడి.. ఆ మణి నాకు వద్దు అంటూ కృష్ణుడిని ఉంచుకోమని ఇచ్చేస్తాడు. తన కుమార్తె ఐన సత్య భామ ను కూడా కృష్ణుడికే ఇచ్చి పెళ్లి జరిపిస్తాడు. ఆ తరువాత సాధుపుంగవులంతా.. కృష్ణుడి వద్దకు చేరి.. అయ్యా మీరు సమర్థులు కనుక మీ పై వచ్చిన నీలాపనిందను పోగొట్టుకున్నారు. మరి మాలాంటి సామాన్యులకు ఏదీ దారి అని అడుగుతారు. అప్పుడు శ్రీ కృష్ణుడు ఎవరైతే వినాయక చతుర్థి రోజు వినాయకుడిని పూజించి.. ఈ కథను చదువుకుంటారో.. వారికి ఎటువంటి నీలాపనిందలు ఉండవు అని కృష్ణుడు సెలవిస్తాడు. అప్పటి నుంచి వినాయక చతుర్థి రోజు పూజ చేసుకుని కథ చదువుకోవడం ఆనవాయితీ గా వస్తోంది.

గమనిక : చంద్రదోష పరిహారార్థము ఈ శ్లోకము చెప్పుకొని అక్షతలు వేసుకొనవలెను.

సింహః ప్రసేనమవధీత్ సింహో జాంబవతా హతః |
సుకుమారకమారోదీః తపహ్యేష శమంతకః ||

సర్వేజనాస్సుఖినోభవంతు |

Also Read: “కృష్ణుడి” ద్వారకా ఉందనడానికి సాక్షాలు ఇవే..!

 

Filmy Adda

“తెలుగు” ఒక్కడు Vs “తమిళ్” ఒక్కడు..! వీళ్ళిద్దరిలో ఏ హీరో బాగా చేశారంటే..?

by Harika
written by Harika

కొంత మంది హీరోలు రీమేక్ సినిమాలకి దూరంగా ఉంటారు. తెలుగు ఇండస్ట్రీలో అలా రీమేక్ సినిమాలు చేయము అని అనుకున్న హీరోలు ఉన్నారు. వారిలో మొదటి వరుసలో ఉండే నటుడు మహేష్ బాబు. మహేష్ బాబు రీమేక్ సినిమాలు చేయను అని చెప్పేశారు. ఒక హీరో చేసేసిన సినిమాని తాను చేస్తే ప్రజలకి కూడా అంగీకరించడం కష్టం అవుతుంది అని, పోలికలు వస్తాయి అని, దాంతో ఇలాంటి ఆలోచనలు అన్నీ ఉంటాయి అనే కారణంగా రీమేక్ సినిమాలకి మహేష్ బాబు దూరంగా ఉంటున్నట్టు ఒక సందర్భంలో అన్నారు. అయితే, మహేష్ బాబు హీరోగా నటించిన చాలా సినిమాలు ఇతర భాషల్లో రీమేక్ అయ్యాయి.

telugu okkadu tamil okkadu which hero did best performance

ఒక్కడు, పోకిరి, దూకుడు ఇలా ఎన్నో సినిమాలు మిగిలిన భాషల్లో రీమేక్ అయ్యి హిట్ అయ్యాయి. కొంత మంది హీరోలకి అయితే వారి కెరీర్ లోనే గుర్తుండిపోయే సినిమాలు అయ్యాయి. పోకిరి చాలా భాషల్లో రీమేక్ చేశారు. తమిళ్ లో పొక్కిరి పేరుతో రీమేక్ చేశారు. హిందీలో వాంటెడ్ పేరుతో సల్మాన్ ఖాన్ హీరోగా ఈ సినిమా రూపొందింది. తమిళ్ లో విజయ్ హీరోగా నటించారు. అటు విజయ్ కి, ఇటు సల్మాన్ ఖాన్ కి, ఇద్దరికీ కెరీర్ లో సూపర్ హిట్ సినిమాలు అయ్యాయి. మహేష్ బాబు హీరోగా నటించిన ఒక్కడు సినిమాని కూడా తమిళ్ లో విజయ్ రీమేక్ చేశారు.

telugu okkadu tamil okkadu which hero did best performance

ఇది కూడా విజయ్ కెరీర్ లో ఒక గుర్తుండిపోయే సినిమా అయ్యింది. ఈ సినిమాని తమిళ్ లో గిల్లి పేరుతో రీమేక్ చేశారు. ధరణి ఈ సినిమాకి దర్శకత్వం వహించారు. తెలుగులో భూమిక నటించిన హీరోయిన్ పాత్రలో తమిళ్ లో త్రిష నటించారు. అయితే ప్రకాష్ రాజ్ పాత్రని మాత్రం తమిళ్ లో కూడా ప్రకాష్ రాజ్ పోషించారు. విద్యాసాగర్ ఈ సినిమాకి సంగీత దర్శకత్వం వహించారు. అప్పట్లో ఈ సినిమా 50 కోట్లు సాధించింది. అయితే కొంత కాలం క్రితం ట్విట్టర్ లో విజయ్ అభిమానులకి, తెలుగు హీరోల అభిమానులకి మధ్య గొడవ జరిగింది.

telugu okkadu tamil okkadu which hero did best performance

“మా హీరో గొప్ప” అంటే, “మా హీరో గొప్ప” అంటూ కామెంట్స్ చేశారు. ఈ క్రమంలో గిల్లి సినిమాలోని ఒక సీన్ సోషల్ మీడియాలో వచ్చింది. అందులో ప్రకాష్ రాజ్ హీరోయిన్ ని తీసుకువెళ్లిపోతూ ఉంటే, పక్కన నుండి హీరో వెళ్లాలి. తెలుగులో మహేష్ బాబు, భూమి,క ప్రకాష్ రాజ్ ఉన్న ఈ సీన్ చాలా సాధారణంగా ఉంటుంది. కానీ తమిళ్ లో లిబర్టీ తీసుకొని కొంత యాడ్ చేసి, ఇందులో హీరో జాగింగ్ చేస్తున్నట్టు చూపించారు. అయితే, దీని మీద కామెంట్స్ రావడానికి ముఖ్య కారణం ఏంటి అంటే, హీరో చలి తగ్గడానికి వేసుకునే ఒక జాకెట్ వేసుకొని జాగింగ్ చేస్తూ ఉంటారు.

telugu okkadu tamil okkadu which hero did best performance

అది కూడా మధ్యాహ్నం ఎండగా ఉన్నప్పుడు జాగింగ్ చేస్తున్నారు. దాంతో ఇది చూసిన తెలుగు వాళ్ళు అందరూ కూడా, “మిట్ట మధ్యాహ్నం జాకెట్ వేసుకొని జాగింగ్ చేయడం ఏంటి?” అంటూ కామెంట్స్ చేస్తున్నారు. కానీ తమిళ్ వాళ్లు మాత్రం, “మా హీరో చాలా బాగా చేశారు” అని పొగుడుతున్నారు. కానీ, “ఒకవేళ పోల్చి చూస్తే మాత్రం తెలుగుదే నయం అనిపిస్తుంది. చాలా సింపుల్ గా తీశారు. కానీ తమిళ్ లో అలా యాడ్ చేయడం వల్ల తెలుగులో ఒక్కడు సినిమా బాగా చూసిన వాళ్ళకి మాత్రం ఆ సీన్ అంత పెద్దగా ఎక్కదు” అంటూ కామెంట్స్ చేస్తున్నారు.

watch video :

ALSO READ : మొదటి సినిమా అట్టర్ ఫ్లాప్… 7 ఏళ్ల బ్రేక్… ఇప్పుడు దేశం గర్వించదగ్గ హీరో అయ్యాడు..! ఎవరో తెలుసా..?

Filmy AddaNews

బుల్లితెరపై సందడి చేయనున్న హీరో శివాజీ

by Harika
written by Harika

 

ప్రముఖ నటుడు శివాజీ బుల్లితెరపైకి రానున్నాడు. ఒకప్పుడు వెండితెరపై వరుస విజయాలు అందుకున్న శివాజీ ఈ మధ్య బిగ్ బాస్ షోతో ట్రెండింగ్‌లోకి వచ్చారు. ఆ తరువాత 90s వెబ్ సిరీస్ అంటూ అందరినీ ఆకట్టుకున్నారు. ఈటీవీ విన్‌లో వచ్చిన ఈ వెబ్ సిరీస్ ఓటీటీల్లో రికార్డులు క్రియేట్ చేసింది. తెలుగు వారందరినీ ఆకట్టుకున్న ఈ వెబ్ సిరీస్‌తో శివాజీ మరోసారి టాక్ ఆఫ్ ది టౌన్ అయ్యారు.

అలాంటి శివాజీ ప్రస్తుతం బుల్లితెరపైకి ఎంట్రీ ఇచ్చేందుకు రెడీ అయ్యారు. వెండితెర, ఓటీటీ అంటూ సక్సెస్ సాధించిన శివాజీ ఇప్పుడు బుల్లితెరపై కొత్త అవతరాన్ని ఎత్తబోతోన్నారు. ఈటీవీలో వచ్చే వినోద కార్యక్రమానికి జడ్జ్‌గా రాబోతోన్నారట. అయితే ఏ షోకు న్యాయ నిర్ణేతగా రాబోతోన్నారని మాత్రం తెలియడం లేదు. ప్రస్తుతం ఈటీవీలో బోలెడన్ని ఎంటర్టైన్మెంట్ షోలు వస్తోన్న సంగతి తెలిసిందే.

ప్రతీ సోమవారం రాత్రి గం. 9. 30 ని.లకు పాడుతా తీయగా అనే కార్యక్రమం వస్తుంది.బుధవారం, గురువారం ఢీ వస్తుంది. శుక్రవారం, శనివారం జబర్దస్త్ షోలు వస్తున్నాయి. మరి వీటిల్లో శివాజీ ఏ షోకు గెస్టుగా వచ్చి ఆడియెన్స్‌ను అలరిస్తారో చూడాలి.

Filmy Adda

“స్కంద” మూవీలో “రామ్ పోతినేని” కి డూప్ గా నటించిన ఆ సెలబ్రిటీ ఎవరో తెలుసా..?

by Harika
written by Harika

ప్రముఖ కమర్షియల్ డైరెక్టర్ బోయపాటి శ్రీను దర్శకత్వంలో రామ్ హీరోగా శ్రీ లీల హీరోయిన్ గా వచ్చిన చిత్రం స్కంద. సెప్టెంబర్ నెలలో విడుదలైన ఈ చిత్రం డివైడ్ టాక్ తెచ్చుకుంది. ముందు నుంచి ఈ చిత్రం మీద భారీ ఎక్స్పెక్టేషన్స్ అయితే ఉన్నాయి కానీ వాటిని అందుకోవడంలో బోయపాటి శ్రీను విఫలమయ్యాడు.

స్కంద సినిమా ఓటీటీలో స్ట్రీమ్ అవుతుంది. ఎవరూ ఊహించిన విధంగా ఓటీటీ లో ఈ సినిమాకి మంచి స్పందన లభించింది. విడుదలైన 24 గంటల్లోనే రికార్డును నమోదు చేసింది. అయితే ఈ సినిమాలో చాలా సీన్లు లాజిక్ కి అందకుండా ఉన్నాయని ట్రోల్ చేస్తున్నారు నెటిజన్లు. ఇప్పటికే పలు సోషల్ మీడియా పేజీల్లో బోయపాటి ఈ మాత్రం చూసుకోవద్దా అంటూ స్క్రీన్ షాట్లు తీసి మరి ఎగతాళి చేస్తున్నారు.

అయితే తాజాగా స్కంద సినిమాలో రామ్ కి డూప్ గా నటించింది ఎవరో తెలుసా అంటూ పోస్టులు పెడుతున్నారు. ప్రతి సినిమాలోనూ కొన్ని సీన్లలో హీరోలకి డూపులు నటిస్తారన్న విషయం తెలిసిందే. ముఖ్యంగా హీరో అవసరంలేని సీన్లలో డూపులను పెట్టి డైరెక్టర్ మేనేజ్ చేసేస్తూ ఉంటారు.అయితే స్కంద సినిమాలో ఒక ఫైట్ సీన్ లో రౌడీలను హారతి గుత్తితో పొడిచే సీన్ లో రామ్ కి డూప్ గా నటించింది ఎవరో తెలిసిపోయింది. అది సినిమా టీం చెబితేనో లేక డూప్ గా నటించిన వ్యక్తి బయటికి వచ్చి చెబితేనో తెలిసింది కాదు. ఇప్పటికే చెప్పాం కదా స్కంద సినిమాలో చాలా తప్పులు ఉన్నాయని, అలాంటి తప్పు ద్వారానే ఈ విషయం కూడా బయటికి వచ్చింది.

బోయపాటి సినిమాలో ఫైట్లు అన్ని కూడా స్క్రీన్ ప్లే ఫాస్ట్ గా ఉంటాయి. అయితే ఈ ఫైట్ సీన్ లో స్లో మోషన్ లో చూసినప్పుడు ఎడిటింగ్ మిస్టేక్ వల్ల డూపు మొహం కనిపించిపోయింది. ఇంతకీ ఎవరు ఆ డూపుగా నటించింది అనుకుంటున్నారా. ఇంకెవరో కాదు మన డైరెక్టర్ బోయపాటి శ్రీను. డూపును పెట్టడం వేస్ట్ అనుకున్నాడో లేక తాను చేస్తేనే బెస్ట్ అనుకున్నాడో కానీ రామ్ బదులు బోయపాటి శీను ఫైట్ సీన్ చేసేసాడు. ఇది స్లో మోషన్ లో చూసిన ఎవరికైనా దొరికిపోతుంది. దీన్ని బట్టి చూస్తేనే అర్థమవుతుంది స్పందన ఎందుకు డివైడ్ టాకు తెచ్చుకుంది అని. ఇలాంటి చిన్న చిన్న విషయాలను బోయపాటి లాంటి సీనియర్ డైరెక్టర్ పట్టించుకోకపోవడం ఆశ్చర్యానికి గురిచేస్తుంది.

Also Read:“కమల్ హాసన్” కంటే ముందే… “బాలకృష్ణ” ఈ సీన్ చేశారా..? ఏ సినిమాలో అంటే..?

Filmy AddaMovie ReviewsViral

THE GREATEST OF ALL TIME REVIEW : “తలపతి విజయ్” కి ఈ సినిమాతో మరొక హిట్ పడినట్టేనా..? స్టోరీ, రివ్యూ & రేటింగ్.!

by Harika
written by Harika

తమిళ్ హీరో విజయ్ హీరోగా నటించిన గోట్ సినిమా ఇవాళ విడుదల అయ్యింది. ఈ సినిమాలో విజయ్ రెండు పాత్రల్లో నటించారు. ఈ సినిమా ఎలా ఉందో ఇప్పుడు చూద్దాం.

  • చిత్రం : ది గ్రేటెస్ట్ ఆఫ్ ఆల్ టైం
  • నటీనటులు : విజయ్, ప్రభుదేవా, ప్రశాంత్, అజ్మల్ అమీర్, స్నేహ, లైలా, మీనాక్షి చౌదరి, జయరాం, మోహన్.
  • నిర్మాత : కల్పాతి ఎస్ అఘోరం, కల్పాతి ఎస్ గణేష్, కల్పాతి ఎస్ సురేష్
  • దర్శకత్వం : వెంకట్ ప్రభు
  • సంగీతం : యువన్ శంకర్ రాజా
  • విడుదల తేదీ : సెప్టెంబర్ 5, 2024

goat movie review

స్టోరీ :

గాంధీ (విజయ్) ఒక స్క్వాడ్ ఏజెంట్. గాంధీ భార్య అను (స్నేహ). కొడుకు జీవన్ (విజయ్). అనుకి గాంధీ ఏ ఉద్యోగం చేస్తున్నాడు అనేది చెప్పడు. రహస్యంగానే ఉంచుతాడు. కుటుంబంతో కలిసి గాంధీ ఒక మిషన్ కోసం థాయిలాండ్ కి వెళ్తాడు. అక్కడ జరిగిన ఒక సంఘటనలో ఐదేళ్ల జీవన్ చనిపోయినట్టు గాంధీ అనుకుంటాడు. గాంధీ వల్లే ఇదంతా జరిగింది అని, అను కూడా గాంధీని దూరం పెడుతుంది. అయితే, 15 సంవత్సరాల తర్వాత జీవన్ బతికున్నట్టు గాంధీకి తెలుస్తుంది.

దాంతో గాంధీ జీవన్ ని కలిసి ఇంటికి తీసుకొస్తాడు. కుటుంబం అంతా కలిసింది అనే సమయంలో వారికి ఒక సంఘటన ఎదురవుతుంది. జీవన్ ని మీనన్ (మోహన్ అనే వ్యక్తి పెంచుతాడు). అసలు జీవన్, మీనన్ కి ఎలా దొరికాడు? జీవన్ ఎందుకు అలా మారిపోయాడు? గాంధీ ఎలాంటి సంఘటనలు ఎదుర్కొన్నాడు? జీవన్ కి దూరం అవ్వడం వల్ల తన ఉద్యోగానికి దూరం అయిన గాంధీ, మళ్లీ ఉద్యోగంలో చేరాల్సిన పరిస్థితి ఎందుకు వస్తుంది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా కథ తెలిసిన కథ. ఇలాంటివి మనం చాలా సినిమాల్లో చూసాం. అయితే టేకింగ్ పరంగా కొత్తగా చూపించే ప్రయత్నం చేశారు. విజయ్ పాత సినిమాల రిఫరెన్స్ లు ఈ సినిమాలో చాలా వాడారు. అవి చాలా వరకు చూడడానికి కూడా బాగా అనిపిస్తాయి. సినిమా రిలీజ్ అయ్యే ముందు సినిమా కథ ఇదే అంటూ చాలా కథలు వినిపించాయి. కానీ అవన్నీ నిజం కాదు అని సినిమా చూశాక తెలుస్తుంది. సినిమా ముందుకు వెళుతున్న కొద్ది ఏం జరుగుతుంది అనేది అర్థం అవుతుంది. పెద్ద కొత్తగా అనిపించదు. కాకపోతే స్క్రీన్ ప్లే వల్ల ప్రేక్షకుడిని థియేటర్ లో కూర్చోబెట్టగలుగుతుంది. సినిమాకి రెండవ పార్ట్ కూడా ఉంటుంది అని ఒక చిన్న హింట్ కూడా ఇచ్చినట్టు అనిపిస్తుంది. అందులో మరి ఎలా చూపిస్తారు? ఏం చూపిస్తారు? అనేది మాత్రం ఇంకా తెలియాల్సి ఉంది.

పర్ఫార్మెన్స్ విషయానికి వస్తే, ఈ సినిమాని విజయ్ తన భుజాల మీద నడిపించారు. ఇప్పటి వరకు విజయ్ తన పాత సినిమాల్లో చేయని ఎన్నో విషయాలని ఈ సినిమాలో చేశారు. అవన్నీ కూడా చాలా కొత్తగా అనిపించాయి. చాలా వరకు వర్క్ కూడా అయ్యాయి. మిగిలిన వాళ్ళందరికీ కూడా పర్ఫార్మెన్స్ కి అంత పెద్ద స్కోప్ లేదు. ఉన్నంతలో బాగానే చేశారు. హీరో పక్కన ఒక హీరోయిన్ కావాలి కాబట్టి మీనాక్షి చౌదరి ఉన్నట్టు ఉంటుంది. సినిమా మొత్తం భారీ తారాగణం ఉంటుంది. వాళ్లందరికీ కూడా మంచి పాత్రలు రాశారు. వాళ్లకి ఇచ్చినంత వరకు, ఆ పరిధి మేరకు వాళ్లు కూడా బాగా నటించారు.

టెక్నికల్ డిపార్ట్మెంట్స్ విషయానికి వస్తే, యువన్ శంకర్ రాజా అందించిన పాటలు కానీ, బ్యాక్ గ్రౌండ్ మ్యూజిక్ కానీ ఆకట్టుకోదు. డబ్బింగ్ క్వాలిటీ బాగుంది. తెలుగులో కూడా మంచి సింగర్స్ ని తీసుకున్నారు. డబ్బింగ్ ఆర్టిస్ట్ ల విషయంలో కూడా చాలా జాగ్రత్త తీసుకున్నారు. తెలుగు నేటివిటీకి తగ్గట్టు రాసిన డైలాగ్స్ కూడా బాగున్నాయి. కానీ ట్యూన్స్ మాత్రం కొత్తగా అనిపించవు. బ్యాక్ గ్రౌండ్ మ్యూజిక్ వల్ల సీన్స్ కూడా పెద్దగా ఎలివేట్ అయినట్టు అనిపించవు.

యంగ్ విజయ్ కోసం వాడిన డి ఏజెంట్ టెక్నిక్ క్లోజప్ షాట్స్ కి, డైలాగ్స్ లేకుండా ఉండే షాట్స్ కి బాగుంది కానీ, యంగ్ విజయ్ మూమెంట్ ఉన్న షాట్స్ చూపించినప్పుడు గ్రాఫిక్స్ అని తెలిసిపోతుంది.  సీజీ వర్క్ ఎక్కడ వాడారు అనేది చూసే సగటు ప్రేక్షకుడు కనిపెట్టే విధంగా ఉంది. యాక్షన్ డిపార్ట్మెంట్ పనితనం బాగుంది. యాక్షన్ సీన్స్ డిజైన్ చేసిన విధానం చాలా గ్రిప్పింగ్ గా ఉంది. సిద్ధార్థ నూని అందించిన సినిమాటోగ్రఫీ కూడా ఫ్రెష్ గా అనిపిస్తుంది. కొంత మంది గెస్ట్ అపియరెన్సెస్ కూడా ఉన్నారు. ఒక హీరోయిన్ కూడా ఒక పాటలో కనిపిస్తారు. సినిమా చివరిలో ఒక స్టార్ హీరో అతిథి పాత్ర కూడా ఉంది. వాళ్ళు ఎవరో తెర మీద చూస్తేనే బాగుంటుంది. కథ విషయంలో, కథనం విషయంలో ఇంకా కొంచెం జాగ్రత్త తీసుకొని ఉంటే బాగుండేది అని అనిపిస్తుంది.

ప్లస్ పాయింట్స్ :

  • విజయ్
  • భారీ తారాగణం
  • యాక్షన్ సీన్స్
  • కొన్ని ట్విస్ట్ సీన్స్

మైనస్ పాయింట్స్:

  • తెలిసిన కథ
  • మ్యూజిక్

రేటింగ్ :

2.5/5

ట్యాగ్ లైన్ :

ఎక్కువగా ఎక్స్పెక్టేషన్స్ పెట్టుకోకుండా, విజయ్ కోసం సినిమా చూద్దాం అనుకునే వారికి, వెంకట్ ప్రభు సినిమాల టేకింగ్ ఇష్టపడే వారికి, ది గ్రేటెస్ట్ ఆఫ్ ఆల్ టైం సినిమా ఒక్కసారి చూడగలిగే డీసెంట్ సినిమాగా నిలుస్తుంది.

watch trailer :

 

Filmy Adda

ఇప్పటి వరకు చూడని యంగ్ టైగర్ “ఎన్టీఆర్” అరుదైన ఫోటోలు..!

by Harika
written by Harika

యంగ్ టైగర్ ఎన్టీఆర్, నందమూరి తారక రామారావు గారి మనవడిగా ఇండస్ట్రీలో అడుగుపెట్టారు. ఫ్యాన్స్ అందరూ జూనియర్ ఎన్టీఆర్ అని, తారక్, అని పిలుస్తూ ఉంటారు. సినీ నేపథ్యం ఉన్న కుటుంబం నుండే వచ్చినప్పటికీ,  ఇండస్ట్రీలో నిలదొక్కుకునేందుకు చాలా కష్టాలు పడ్డారు.

ఎన్నో హిట్ సినిమాలలో నటించి తాతకు తగ్గ మనవడుగా పేరు తెచ్చుకున్నాడు. గత ఏడాది ఆర్ఆర్ఆర్ తో బ్లాక్ బస్టర్ అందుకున్న ఎన్టీఆర్ ప్రస్తుతం దేవర మూవీలో నటిస్తున్నారు. యంగ్ టైగర్ ఎన్టీఆర్ అరుదైన ఫోటోలను ఇప్పుడు చూద్దాం..
జూనియర్  ఎన్టీఆర్ నందమూరి హరికృష్ణ, శాలిని దంపతులకు 1983 లో మే 20న హైదరాబాద్ లో జన్మించారు. గుడివాడలో ఉన్న మొంటిస్సోరి స్కూల్ లో ప్రాధమిక చదువు పూర్తిచేసిన ఎన్టీఆర్, ఇంటర్ హైదరాబాద్ లో సెయింట్ మేరీ జూనియర్ కాలేజీలో చదువుకున్నారు. చదువుతో పాటుగా నటన మరియు కూచిపూడి నాట్యంలో  శిక్షణ తీసుకున్నాడు. తన తాతగారు సీనియర్ ఎన్టీఆర్ దర్శకత్వంలో తెరకెక్కిన ‘బ్రహ్మర్షి విశ్వామిత్ర’ మూవీ ద్వారా జూనియర్ ఎన్టీఆర్ ఇండస్ట్రీలో అడుగుపెట్టారు.
ఐదు ఏళ్ళ తరవాత ‘బాల రామాయణం’ సినిమాలో రాముడుగా నటించాడు. ఎన్టీఆర్ నటనకు విమర్శకుల నుండి ప్రశంసలు వచ్చాయి. ఆ తరువాత 2001 లో ‘నిన్నుచూడాలని’ మూవీలో హీరోగా ఎంట్రీ ఇచ్చాడు. అదే ఏడాదిలో రిలీజ్ అయిన ‘ స్టూడెంట్ నెం .1’ మూవీ విజయం సాధించింది. ఆ తరువాత వరుస సినిమాలలో నటిస్తూ 20 ఏళ్లకే స్టార్ హీరోగా ఎదిగిన యంగ్ టైగర్ ఎన్టీఆర్ రేర్ ఫోటోలు మీరు చూసేయండి..

1.

2.3. 4.
5.6.7.8.
9.10.11.12.13.14. 15.
Also Read: ప్రభాస్ “రాఘవేంద్ర” మూవీలో ఈ సీన్ చూశారా..? ఈ డైలాగ్ ఎక్కడో విన్నట్టు ఉంది కదా..?

Filmy Adda

సినిమా బాగుంది…కానీ ఎందుకు ఫ్లాప్ అయ్యిందో తెలీదు.! అలాంటి 13 సినిమాలు.!

by Harika
written by Harika

కొన్ని సినిమాల్లో కథ ఎంత బాగున్నా థియేటర్ లో ఆశించిన ఫలితాలు రావు. కామన్ ఆడియన్స్ ఎక్కువగా రొటీన్ సినిమాలనే ఇష్టపడతారు. దీంతో కొంచెం ప్రయోగాత్మకంగా, కొత్తగా కథ చెప్పాలి అనుకున్న డైరెక్టర్స్ కి నిరాశే ఎదురవుతుంది. దీంతో తెరపై కొత్తదనాన్ని చూడాలి అనుకునే సగటు మూవీ లవర్ కి నిరాశే మిగులుతుంది.

థియేటర్ లో కలెక్షన్స్ రానీ ప్రయోగాత్మక మరియు ఫీల్ గుడ్ మూవీస్ గా మిగిలిపోయిన కొన్ని సినిమాలను ఇప్పుడు చూద్దాం . .

#1. అంటే.. సుందరానికీ!:

డైరెక్టర్ వివేక్ ఆత్రేయ నుంచి వచ్చిన మంచి కామెడీ, ఫ్యామిలీ ఎంటర్టైన్మెంట్ మూవీ అంటే.. సుందరానికీ!. న్యాచురల్ స్టార్ నానీ, నజ్రియా కలిసి కథకు ప్రాణంపోసారు. ఈ చిత్ర నిర్మాతలు నష్టపోయిన ఉండొచ్చు కానీ ఓటీటీలో ప్రస్తుతం ట్రేండింగ్ లో ఉంది. ఓ కొత్త కథను తెలుగు ప్రేక్షకులకు అందించాడు వివేక్.

#2. విరాట పర్వం:
సాయి పల్లవి, రానా ప్రధాన పాత్రల్లో నటించిన చిత్రం విరాట పర్వం. దర్శకుడు వేణు ఊడుగుల ఈ రోజుల్లో అలాంటి నక్సల్ బ్యాక్గ్రౌండ్ కథను ఎంచుకోవడం ఒకరకంగా సాహసం అనే చెప్పొచ్చు. విప్లవంలో ప్రేమను మిక్స్ చేసి రొటీన్ కథకు భిన్నంగా ఈ చిత్రాన్ని నిర్మించారు.

#3. ఖలేజా:
ఒక సినిమా బ్లాక్ బస్టర్ అవ్వడానికి కావాల్సినవన్నీ ఖలేజా మూవీలో ఉన్నాయి. కానీ బాక్సాఫీస్ వద్ద డిజాస్టర్ గా నిలిచింది.
డైరెక్టర్ త్రివిక్రమ్, మహేష్ బాబు సినిమా కావడంతో అంచనాలు పెరగడం ఒక కారణం కావొచ్చు. ఇందులో మహేష్ బాబు యాక్టింగ్ సూపర్ ఉంటుంది.

#4. వేదం:
క్రిష్ కెరీర్‌లో వేదం ఒక బెస్ట్ ఫిల్మ్. కథ, నిర్మాణం, ఈ సినిమాలో చూపించిన ఫిలాసఫీ అన్ని ఆస్కార్ అవార్డ్ విన్నింగ్ స్థాయిని గుర్తుకు తెస్తాయి. ఇది కేవలం తెలుగు సినిమా అవ్వడం వలన ఇక్కడి ప్రేక్షకులు దాన్ని బ్లాక్ బస్టర్ చేయకపోవడంతో కలెక్షన్స్ లో సాధారణ సినిమాగా మిగిలిపోయింది కానీ ఇది టాలీవుడ్ ఓ మాస్టర్ పీస్.

#5. అ:
ఇదో సైకాలజికల్ థ్రిల్లర్. పాత్రల్లో కొత్తదనం కనిపించే స్క్రిప్ట్‌తో రూపొందిన కాన్సెప్ట్ చిత్రం అ!. ఒక్కపాత్ర జర్నీ ఒక్కో ఎపిసోడ్‌గా దర్శకుడు ప్రశాంత్ వర్మ తెరకెక్కించిన తీరు ప్రశంసనీయం. కాకపోతే సగటు ప్రేక్షకుడి ఊహకు అందని విధంగా ఉంటుంది. ఇది బాక్సాఫీస్ వద్ద బోల్తా కొట్టినా ప్రయోగాత్మక చిత్రాల్లో ముందుంటుంది.

#6. ఈ నగరానికి ఏమైంది?:
దర్శకుడు తరుణ్ భాస్కర్ సాధారణమైన స్టోరీ లైన్ ను తీసుకున్నా అందులో కొన్నాళ్ళ పాటు గుర్తుండిపోయే నాలుగు పాత్రల్ని రాసి, వాటి చుట్టూ సినిమాను నడపడానికి సరిపడే రీతిలో ఫన్నీ కథనాన్ని అల్లుకున్నారు. ఈ సినిమా యువతకు దగ్గరయ్యేదిగా ఉండగా రెగ్యులర్ యాక్షన్ సినిమాల్ని కోరుకునే వారిని, కుటుంబ ప్రేక్షకులను సంతృప్తిపరిచే కంటెంట్ ఇందులో లేదు. రెగ్యులర్ సినిమాలు చూసి విసుగెత్తే ఫ్రెండ్స్ గ్యాంగ్స్ కు ఈ చిత్రం మంచి రిలీఫ్.

#7. డియర్ కామ్రేడ్:
అప్ప‌టి వ‌ర‌కు చూసిన సినిమా కాకుండా మ‌రో కొత్త సినిమా చూపించాడు ద‌ర్శ‌కుడు భ‌ర‌త్ క‌మ్మ‌. హీరో ప్రేమ‌లో విఫ‌లం కాగానే బైక్ ఎక్కేసి ఇంటిని కూడా వ‌దిలేసి ఏళ్ల పాటు ట్రావెల్ చేయ‌డం అనేది మ‌న‌కు అల‌వాటు లేని క‌థ‌. ద‌ర్శ‌కుడిగా అనుకున్న క‌థ‌ను తెర‌కెక్కించాడు కానీ ఈ ప్ర‌యాణంలో క‌మ‌ర్షియ‌ల్ గా వ‌ర్క‌వుట్ అవుతుందా అనేది మాత్రం ప‌ట్టించుకోకుండా హానెస్ట్ గా క‌థ చెప్పే ప్ర‌య‌త్నం చేసాడు.

#8. జానీ:
జానీ సినిమాలో నటుడు, దర్శకుడు రెండూ పవన్ కళ్యాణ్‌ నే. ఇందులో మంచి ఫోటోగ్రఫీ, అద్భుతమైన విన్యాసాలు, విభిన్న స్థానికులు జానీ ప్రయాణంలో ప్రేక్షకులను థ్రిల్ చేస్తాయి. ఈ సినిమా బాక్సాఫీస్ వద్ద డిజాస్టర్ అయినప్పటికీ, సినిమా మేకింగ్ స్టైల్ అద్భుతంగా ఉంటుంది.

#9. 1: నేనొక్కడినే:

సుకుమార్ తీసిన అద్భుతమైన చిత్రం 1. నేనొక్కడినే. ఈ మూవీ హాలీవుడ్ రేంజ్ లో ఉంటుంది. ఈ సినిమా ఫలితంతో మహేష్ ప్రయోగాత్మక చిత్రాలకు దూరం అయ్యాడు అంటే అర్థం చేసుకోవచ్చు ఇక్కడి ప్రేక్షకులకు కొత్తదనాన్ని ఆహ్వానించలేరు అని. వారికి కావలసింది స్టార్ హీరో నుండి పక్కా కమర్షియల్ పైసా వసూల్ సినిమాలే కానీ ప్రయోగాలు కాదు.

#10. జగడం:
సిటీ ఆఫ్ గాడ్ లాంటి హాలీవుడ్ సినిమా ఇది. ఇది బ్లాక్‌బస్టర్ మరియు కల్ట్ ఫిల్మ్‌ కి ఉండే హంగులన్నీ ఉన్నాయి. ఇండియా మొత్తం మాట్లాడాల్సిన ఒక చిన్న కల్ట్ ఫిల్మ్ ఇది. అలా ఉంటుంది సుకుమార్ మేకింగ్ ఈ సినిమాలో. కానీ ఈ సినిమాను కూడా మన తెలుగు ప్రేక్షకులు ఫెయిల్ చేశారు.

#11. చక్రం:
కృష్ణవంశీ రూపొందించిన హార్ట్ టచింగ్ మూవీ చక్రం. సినిమాలో కామెడీ మరియు ఎమోషన్ రెండూ ఉంటాయి. ఇది హృదయాన్ని హత్తుకునే చిత్రం మరియు ప్రకాష్ రాజ్ ఇచ్చిన సందేశం ఏడ్పించేలా ఉంటుంది. కానీ కలెక్షన్స్ ఈ సినిమా వెనకపడిపోయింది.

#12. నా ఆటోగ్రాఫ్ స్వీట్ మెమోరీస్:
వాస్తవికతకు దగ్గరగా ఉండే కథలను ఇష్టపడే వారికి ఈ సినిమా బాగా నచ్చుతుంది. రవితేజ చేసిన బెస్ట్ అండ్ మీనింగ్ ఫుల్ సినిమా ఇది. కథ, స్క్రీన్‌ప్లే, దర్శకత్వం బాగుంటాయి. మంచి అనుభూతిని కలిగించే చిత్రం. ఇది నిజంగా బాల్యం మరియు కాలేజ్ లైఫ్ మెమోరీస్ ను రిఫ్రెష్ చేస్తుంది.

#13. జాను:
జాను సహజత్వం ఉట్టిపడేలా ఉంటుంది. ఒక సినిమా చూసిన ఫీల్ కాకుండా కొంతమంది మనుషులను, వాళ్ళ జీవితాల్లో జరిగిన సంఘటనలను పక్కనే ఉండి చూసిన అనుభూతి కలుగుతుంది. తమిళ్‌లో మోడరన్ క్లాసిక్ అని పేరు తెచ్చుకున్న 96 ని తెలుగులో ‘జాను’ పేరుతో రీమేక్ చేశారు దిల్ రాజు. కానీ ఇక్కడ ఫలితాలు మాత్రం నిరాశనే మిగిల్చాయి. ఇవే కాకుండా ఇలాంటి చిత్రాలు తెలుగులో అనేకం ఉన్నాయి. ప్రేక్షకుల ఆదరణ కరువయ్యి టాలీవుడ్ లో అలాంటి సినిమాలు తీయాలంటేనే హీరోలు, డైరెక్టర్లు ఆచితూచి వ్యవహారించే పరిస్థితి ఏర్పడింది.

Filmy AddaMovie Reviews

గోట్ సెన్సార్ టాక్..! సినిమా ఎలా ఉందంటే..?

by Harika
written by Harika

తమిళ హీరో అయినా కూడా తెలుగులో ఎంతో మంది అభిమానులని సంపాదించుకున్నారు తలపతి విజయ్. విజయ నటించిన తమిళ్ సినిమాలు అన్నీ కూడా అదే రోజు తెలుగులో కూడా విడుదల అవుతాయి. విజయ్ ప్రమోషన్స్ కి పెద్దగా హాజరు అవ్వరు. అయినా కూడా విజయ్ సినిమా వస్తుంది అంటే సందడి మామూలుగా ఉండదు. గత సంవత్సరం విజయ్ లియో సినిమాతో ప్రేక్షకుల ముందుకు వచ్చారు. ఇప్పుడు వెంకట్ ప్రభు దర్శకత్వంలో గోట్ సినిమాలో నటించారు. గోట్ అంటే, ది గ్రేటెస్ట్ ఆఫ్ ఆల్ టైం అని అర్థం. ఈ సినిమాలో విజయ్ రెండు పాత్రల్లో నటిస్తారు అని అంటున్నారు.

goat censor talk

స్నేహ, లైలా, ప్రశాంత్, ప్రభుదేవా, అజ్మల్ అమీర్, మౌనరాగం సినిమాతో ఎంతో మంది అభిమానులను సంపాదించుకున్న నటుడు మోహన్, హీరోయిన్ మీనాక్షి చౌదరి ముఖ్య పాత్రలు పోషిస్తున్నారు. సినిమాలో భారీ తారాగణం ఉంది. యువన్ శంకర్ రాజా అందించిన పాటలు ఇప్పటికే చాలా పాపులర్ అయ్యాయి. డి ఏజింగ్ టెక్నిక్ ఉపయోగించి విజయ్ ని ఇందులో యంగ్ గా చూపించే ప్రయత్నం చేస్తున్నారు. ఈ సినిమా రేపు విడుదల అవుతుంది. సినిమా బృందం అంతా కూడా ప్రమోషన్స్ పనిలో ఉన్నారు. ఇటీవల హైదరాబాద్ కి వచ్చి, ఈవెంట్ నిర్వహించి, మీడియాతో మాట్లాడారు. అయితే, ఈ సినిమా సెన్సార్ టాక్ కూడా బయటకు వచ్చేసింది. సినిమా బ్లాక్ బస్టర్ అయ్యే అవకాశాలు ఉన్నాయి అని సెన్సార్ బృందం తెలిపినట్టు సమాచారం.

ఇందులో యాక్షన్ చాలా ఎక్కువగా ఉందట. దాదాపు మూడు గంటల రన్ టైం ఉన్న ఈ సినిమాకి, ఇండియాలో యు/ఏ సర్టిఫికెట్ జారీ చేశారు. 181 నిమిషాలు రన్ టైం ఈ సినిమాకి ఉంది అని సమాచారం. అయితే, గతంలో విజయ్ నటించిన సినిమాలతో పోలిస్తే ఈ సినిమాకి అసలు హైప్ లేదు. ఈ సినిమా రేపు రిలీజ్ అవుతున్న సంగతి కూడా ఎక్కువ మందికి తెలియదు. కానీ, సైలెంట్ గా రిలీజ్ అయ్యి హిట్ అయ్యే అవకాశాలు ఈ సినిమాకి గట్టిగా ఉన్నాయి అని సినీ వర్గాలు చెప్తున్నాయి. మరి ఇందులో ఎంత వరకు నిజం ఉందో తెలియాలి అంటే సినిమా రిలీజ్ అయ్యేంత వరకు ఆగాల్సిందే.

Human angle

95 సంవత్సరాలు వచ్చినా… పాఠాలు చెప్తూనే ఉన్నారు..! ఈమె గురించి తెలిస్తే హ్యాట్సాఫ్ అనాల్సిందే..!

by Harika
written by Harika

సాధారణంగా ఎక్కడైనా సరే ఒక మనిషి ఒక వయసు వరకు పని చేస్తారు. ఆ తర్వాత విశ్రాంతి తీసుకుంటారు. కొన్నిసార్లు వయసు కూడా సహకరించదు. అలాంటి సమయంలో విశ్రాంతి చాలా అవసరం. అందుకే, ఏ మనిషి అయినా సరే ఒక వయసు వరకు మాత్రమే పని చేస్తారు. ఆ తర్వాత విశ్రాంతి తీసుకొని ప్రశాంతంగా జీవితాన్ని గడుపుతుంటారు.

కానీ కొంత మంది మాత్రం ఒక వయసు వచ్చిన తర్వాత కూడా పని చేస్తూనే ఉంటారు. వారికి ఆరోగ్యం సహకరించకపోయినా కూడా ఏదో ఒక మార్గాన్ని వెతుక్కొని దాని ద్వారా వాళ్ళు పనిచేస్తారు. అలా ఒక వ్యక్తి 95 సంవత్సరాలు వచ్చినా కూడా పనిచేస్తూనే ఉన్నారు. ఆమె పేరు చిలుకూరి శాంతమ్మ. శాంతమ్మ గారు మచిలీపట్నంలో జన్మించారు.

chilukuri shantamma physics lecturer

శాంతమ్మ గారికి ఐదు నెలల వయసు ఉన్నప్పుడు తండ్రి చనిపోవడంతో, ఆవిడ బంధువుల దగ్గర పెరిగారు. ఏవీఎన్ కాలేజీలో ఇంటర్ చదివారు. ఆంధ్ర యూనివర్సిటీలో బీఎస్సీ ఆనర్స్ చదివారు. శాంతమ్మ గారికి భౌతిక శాస్త్రం అంటే చాలా ఇష్టం ఉండడంతో అందులోనే చదివి మహారాజా విక్రం దేవ్ వర్మ నుండి భౌతిక శాస్త్రంలో బంగారు పతకాన్ని కూడా అందుకున్నారు. అంతే కాకుండా ఆంధ్ర విశ్వవిద్యాలయం నుండి మైక్రోవేవ్‌ స్పెక్ట్రోస్కోపీలో పిహెచ్‌డికి సమానం అయిన డీఎస్సీ అనే డిగ్రీని కూడా పూర్తి చేశారు.

chilukuri shantamma physics lecturer

1956 లో ఆంధ్ర విశ్వవిద్యాలయంలో కాలేజ్ ఆఫ్ సైన్స్ లో ఫిజిక్స్ లెక్చరర్ గా పనిచేసిన శాంతమ్మ గారు, ఆ తర్వాత ప్రొఫెసర్, ఇన్వెస్టిగేటర్, రీడర్ వరకు అనేక బాధ్యతలు చేపట్టారు. 1989 లో పదవీ విరమణ చేశాక కూడా, ఆమెకి ఇంకా పాఠాలు చెప్పాలి అనిపించింది. దాంతో మళ్లీ ఆంధ్ర యూనివర్సిటీలో గౌరవ అధ్యాపకురాలిగా చేరి ఆరేళ్లు పనిచేశారు. ఏయు వీసీ సింహాద్రి గారి గౌరవ వేతనం మీద ప్రొఫెసర్ గా శాంతమ్మ గారిని కొనసాగించారు. ఆ తర్వాత జి.ఎస్.ఎన్ రాజు గారు వీసీగా పద్ధతులు చేపట్టారు. ఈయన శాంతమ్మ శిష్యుడు. ఆ తర్వాత రాజు గారు సెంచూరియన్ యూనివర్సిటీకి వీసీగా మారారు.

chilukuri shantamma physics lecturer

దాంతో శాంతమ్మ గారు కూడా ఇదే యూనివర్సిటీలో పాఠాలు చెబుతున్నారు. విశాఖ నుండి 60 కిలో మీటర్లు ప్రయాణించి శాంతమ్మ గారు రోజు వర్సిటీకి వెళ్తున్నారు. వారానికి 4 తరగతులు బోధిస్తున్నారు. అయితే శాంతమ్మ గారి రెండు మోకాళ్ళకి ఆపరేషన్ జరిగింది. ఈ కారణంగా శాంతమ్మ గారు రెండు కర్రల సహాయంతో తన వృత్తిని కొనసాగిస్తున్నారు. శాంతమ్మ గారి వ్యక్తిగత జీవితం విషయానికొస్తే, శాంతమ్మ గారి భర్త చిలుకూరి సుబ్రహ్మణ్య శాస్త్రి గారు. ఆయన ఒక తెలుగు ప్రొఫెసర్.

chilukuri shantamma physics lecturer

ఆయన కొద్ది సంవత్సరాల క్రితమే తుది శ్వాస విడిచారు. శాంతమ్మ గారికి ఆధ్యాత్మిక చింతన కూడా ఎక్కువగా ఉండటంతో ఆమె భర్త ద్వారా ఉపనిషత్తుల గురించి తెలుసుకొని, ఆ తర్వాత భగవద్గీతను అధ్యాయనం చేసి ఇంగ్లీషులోకి అనువదించారు అంతే కాకుండా వేద గణితంలోని 29 సూత్రాలపై కూడా పరిశోధనలు చేసి, ఈ విషయం మీద ఏడు సంపుటాలు రాశారు ఇప్పటికి కూడా శాంతమ్మ గారు యాంటీ క్యాన్సర్ డ్ర-గ్ మీద ఆమె పరిశోధన చేస్తున్నారు. ఇప్పటికి కూడా ఆమె పరిశోధనని శాంతమ్మ గారు కొనసాగిస్తూనే ఉన్నారు.

ALSO READ : “నా భార్య పరువు తీయద్దు” అంటూ…తండ్రిపై ఫైర్ అయిన “రవీంద్ర జడేజా”.! అసలేమైంది.?

Newer Posts
Older Posts