kavitha

సినిమాలలో నటించే నటీనటులకే కాకుండా బుల్లితెర పైన ఎంటర్టైన్ చేసేవారికి కూడా అభిమానులు ఉంటారు. ఇక సీరియల్స్  లో నటించేవారికి ఉండే క్రేజ్, ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పని లేదు. అయితే అలాంటి వారిలో బెస్ట్ మాత్రం కొందరే ఉంటారు.

అయితే వాళ్ళు ఎవరు అనే విషయం పై ఇటీవల ప్రముఖ సంస్థ ఆర్మాక్స్ మీడియా జనవరి 2024 కి గాను మోస్ట్ పాపులర్ నాన్ ఫిక్షన్ పర్సనాలిటీస్ మరియు  మోస్ట్ పాపులర్ ఫిక్షన్ క్యారెక్టర్స్ తెలుగు పై సర్వే  నిర్వహించింది.  రెండింటిలోనూ  టాప్ 5 సెలెబ్స్ జాబితాను రిలీజ్ చేసింది. వారెవరో ఇప్పుడు చూద్దాం..

మోస్ట్ పాపులర్ నాన్ ఫిక్షన్ పర్సనాలిటీస్:

1. యాంకర్ ప్రదీప్:

యాంకర్ ప్రదీప్ ఈటీవీలో ప్రసారం అవుతున్న ఢీ డ్యాన్స్ షోకుగాను మొదటిస్థానంలో ఉన్నాడు.

2. సుడిగాలి సుధీర్:

రెండవ స్థానంలో కమెడియన్ సుడిగాలి సుధీర్ ఉన్నాడు. ఢీ షో మరియు జబర్దస్త్, శ్రీదేవి డ్రామా కంపెనీ వంటి  షోలతో ఆడియెన్స్ ని ఆకట్టుకుంటున్నాడు.

3. హైపర్ ఆది:

మూడవ స్థానంలో హైపర్ ఆది ఉన్నాడు. ఢీ, జబర్దస్త్ మరియు శ్రీదేవి డ్రామా కంపెనీ వంటి షోలలో తనదైన పంచ్ లతో పాపులర్ అయ్యాడు.

4. యాంకర్ సుమ:

నాలుగవ స్థానంలో యాంకర్ సుమ నిలిచింది. తన యాంకరింగ్ తో ప్రతి తెలుగింటికి దగ్గరైన సుమ యాంకరింగ్ ని ఇష్టపడని వారు ఉండరని చెప్పవచ్చు. క్యాష్ షోకి గాను సుమ ఈ లిస్ట్ లో నిలిచింది.

5.చమ్మక్ చంద్ర

ఐదవ స్థానంలో జబర్దస్ట్ ద్వారా ఫేమస్ అయిన కమెడియన్ చమ్మక్ చంద్ర నిలిచాడు. సినిమాల ద్వారా  పరిచయం అయినా,  జబర్దస్త్ కామెడీ షోతో ప్రతి తెలుగు ఇంటికీ చేరువయ్యాడు.

Also Read: రష్మి నటించిన ఈ సీరియల్ ఏంటో తెలుసా..? అందులో ఎలాంటి పాత్రలో నటించారంటే.?

ప్రతి వారం పదుల సంఖ్యలో సినిమాలు విడుదల అవుతున్న విషయం తెలిసిందే.  ఒక సినిమాను తీయడానికి దర్శకనిర్మాతలు ఎన్నో కష్టాలు పడుతారు. ఆ చిత్రాన్ని రిలీజ్ చేసి, ఆ మూవీ విజయం సాధిస్తే వాళ్ళ కష్టానికి ప్రతిఫలం దక్కుతుంది.

అయితే ఒక సినిమాను రూపొందించడం ఎంత కష్టమో, ఆ సినిమాని రిలీజ్ చేయడం మరింత కష్టం.  అందువల్లే చాలా చిత్రాలు రిలీజ్ కు నోచుకోకుండా ల్యాబ్స్ లోనే పడుంటున్నాయి. ఇప్పుడంటే ఓటీటీలు అందుబాటులో ఉన్నాయి. కానీ ఒకప్పుడు అలాంటివి లేవు. తప్పనిసరిగా థియేటర్లలో విడుదల చేసుకోవాలి.  కారణాలు  తెలియనప్పటికి ఇప్పటీ రిలీజ్ కానీ సినిమాలు ఏమిటో ఇప్పుడు చూద్దాం..

1.  శాంతి నివాసం:

చిరంజీవి, మాధవి జంటగా నటించిన సినిమా శాంతి నివాసం. బాబు దర్శకత్వం వహించిన ఈ సినిమా షూటింగ్ పూర్తి అయినా రిలీజ్ కాలేదు. నిర్మాత మరణం వల్ల ఈ మూవీ రిలీజ్ ఆగిపోయింది.

2. ఇంటింటా అన్నమయ్య :

దర్శకేంద్రుడు కె.రాఘవేంద్రరావు తెరకెక్కించిన ఇంటింటా అన్నమయ్య అనే సినిమా 2013-14 లో విడుదల కావాల్సింది. కానీ ఇప్పటి వరకు విడుదలకు నోచుకోలేదు.

3. భీమ :

స్టార్ హీరో విక్రమ్, త్రిష జంటగా నటించిన భీమ మూవీ తెరకెక్కింది.ఈ చిత్రానికి లింగుస్వామి దర్శకత్వం వహించాడు. ఈ సినిమా తెలుగు వెర్షన్ ఇప్పటివరకు విడుదల కాలేదు.

4. డీకే బోస్ :

సందీప్ కిషన్ హీరోగా, నిషా అగర్వాల్ హీరోయిన్ గా నటించిన డీకే బోస్ అనే సినిమా 2013-14 సమయంలో విడుదల కావాల్సింది. కానీ ఇప్పటికీ రిలీజ్ కాలేదు.

5. కోతి కొమ్మచ్చి :

రియల్ హీరో శ్రీహరి తనయుడు మేఘాంశ్ హీరోగా సతీష్ వేగేశ్న దర్శకత్వంలో ‘కోతి కొమ్మచ్చి’ అనే సినిమా 2020లో విడుదల కావాల్సింది. ఇప్పటికీ విడుదల కాలేదు.

6. జాదు :

7 /జి బృందావన కాలనీ మూవీతో సంచలన విజయన్ని అందుకున్న హీరో రవి కృష్ణ. ఆయన హీరోగా నటించిన సినిమా జాదు. ఇందులో తమన్నా, ఇలియానా హీరోయిన్లుగా నటించారు. 2007 లో విడుదల కావాల్సిన ఈ సినిమా తెలుగు వెర్షన్ ఇప్పటికీ రిలీజ్ కాలేదు.

7. దటీజ్ మహాలక్ష్మీ :

స్టార్ హీరోయిన్ తమన్నా లీడ్ రోల్ లో నటించిన దటీజ్ మహాలక్ష్మీ మూవీ 2019 లో రిలీజ్ కావాలి. కానీ ఇంతవరకు రిలీజ్ కాలేదు.

8. అయినా ఇష్టం నువ్వు :

సీనియర్ నటుడు నరేష్ కుమారుడు నవీన్, కీర్తి సురేష్ జంటగా నటించిన అయినా ఇష్టం నువ్వు మూవీ 2016 లో విడుదల కావాల్సింది. ఇది కీర్తి సురేష్ నటించిన తొలి మూవీ. ఈ మూవీ రిలీజ్ కాలేదు.

9. నా పేరు శివ2 :

కోలీవుడ్ స్టార్ హీరో కార్తి, పా రంజిత్ దర్శకత్వంలో తెరకెక్కిన‘మద్రాసి’సినిమాని తెలుగులో ‘నా పేరు శివ 2’ గా విడుదల చేస్తున్నట్టు 2022 మొదట్లో అనౌన్స్ చేశారు. కానీ ఇప్పటికీ రిలీజ్ కాలేదు.

10. ధృవ నక్షత్రం :

విక్రమ్,రీతూ వర్మ, ఐశ్వర్య రాజేష్ ప్రధాన పాత్రల్లో నటించిన ధృవ నక్షత్రం మూవీ 2016 లో విడుదల కావాల్సింది. ఇంకా విడుదల కాలేదు.

Also Read: వాలెంటైన్స్ డే రోజు కాబోయే భర్తకు బ్రేకప్ చెప్పిన జబర్దస్త్ నటి…ఆ పోస్ట్ లో ఏముందంటే.?

యాంకర్ రష్మిగౌతమ్ గురించి బుల్లితెర ఆడియెన్స్ కు ప్రత్యేకంగా పరిచయం చేయాల్సిన అవసరం లేదు. నటిగా సినీ  పరిశ్రమలోకి ఎప్పుడో ఎంట్రీ ఇచ్చిన రష్మి, ఈటీవీ జబర్దస్త్ కామెడీ షో ద్వారా యాంకర్ గా కెరీర్ ప్రారంభించింది. ఈ షోతో బాగా ఫేమస్ అయ్యింది.

తనదైన శైలిలో యాంకరింగ్ చేస్తూ, పదేళ్లుగా జబర్దస్త్ షోని విజయవంతంగా నడవడంలో రష్మి కీలక పాత్ర పోషిస్తుంది.  ఇక అవకాశం వచ్చినపుడు వెండితెరపై కూడా కనిపిస్తూ, రాణిస్తోంది. అయితే ఆమె సీరియల్స్ లో కూడా నటించింది.  రష్మి నటించిన సీరియల్స్ ఏమిటో ఇప్పుడు చూద్దాం..

రష్మిగౌతమ్ కెరీర్‌ సినిమాలతోనే మొదలైంది. 2002లో ‘సవ్వడి’ అనే మూవీతో మొదటిసారి నటించింది. కానీ ఆ మూవీ రిలీజ్ కాలేదు. ఆ తర్వాత ఉదయ్ కిరణ్, రిచా జంటగా నటించిన హోలీ మూవీలో సహాయ పాత్రలో నటించింది.  పలు సినిమాలలో చిన్న చిన్న క్యారెక్టర్లలో నటించింది. ఆ తరువాత 2010లో వచ్చిన ప్రస్థానం మూవీలోనూ రష్మి సహాయనటిగా చేసింది. 2011 లో  కందెన్ అనే తమిళ సినిమాలో  హీరోయిన్ గా అవకాశం వచ్చింది.

అలా ఆమె కందెన్ చిత్రంలో నర్మద అనే పాత్రలో నటించగా,  ఆమె నటనకు మంచి గుర్తింపు వచ్చింది. హిందీ సినిమాలలో కూడా రష్మిగౌతమ్ కనిపించారు. 2013 లో జబర్దస్త్ షో ద్వారా యాంకర్ గా కెరీర్ మొదలుపెట్టిన రష్మి, తక్కువ కాలంలో చాలా పాపులర్ అయ్యింది.  హాట్‌ యాంకర్‌గా పదేళ్ళ నుండి జబర్దస్త్ కు యాంకర్ గా సక్సెస్ ఫుల్ గా కొనసాగిస్తూ, క్రేజ్ ను, ఫ్యాన్ ఫాలోయింగ్ ను సొంతం చేసుకుంది.

ఇటీవల ఒక ఇంటర్వ్యూలో మాట్లాడిన రష్మి సీరియల్స్ లో కూడా నటించినట్లుగా వెల్లడించింది. ఆమె సీరియల్స్ లో నటించిన విషయం  చాలామందికి తెలియదు. యువ అనే సీరియల్ లో నటించింది. అందులో స్వాతి అనే క్యారెక్టర్ లో నటించిన  రష్మి గౌతమ్‌ కి మంచి గుర్తింపు వచ్చింది. ఆ తరువాత లవ్ అనే సీరియల్ లో మౌనిక అనే పాత్రలో నటించింది. మా టీవిలో ప్రసారం అయిన రెండు సీరియల్స్ తో పేరు తెచ్చుకున్న ఆమెకు మళ్ళీ సినిమాలలో అవకాశాలు వచ్చాయి.

Also Read: డాన్స్ లో చిరంజీవికే పోటీగా వచ్చిన ఆ ఇద్దరు హీరోయిన్లు ఎవరో తెలుసా?

ఒక మూవీ సూపర్ హిట్ అయితే ఆ సినిమాను ఇతర భాషలలో రీమేక్ చేయడం అనేది అందరికీ తెలిసిన విషయమే. ఆ విషయాన్ని మేకర్స్ అధికారికంగా ప్రకటిస్తారు. అయితే ఒకే కథతో వివిధ భాషల్లో డిఫరెంట్ చిత్రాలను చేయడం, ఆ చిత్రాలన్నీ విజయం సాధించడం చాలా అరుదుగా  జరుగుతుంది.

అలాంటి స్టోరీలు భారతీయ సినీ ఇండస్ట్రీలో అతి తక్కువ అని చెప్పుకోవచ్చు.  అయితే అటువంటి స్టోరీలలో ఒక కథను బేస్ చేసుకుని వివిధ భాషలలో  తెరకెక్కిన సినిమాలు ఏమిటో ఇప్పుడు చూద్దాం..

ఒకే స్టోరీతో కోలీవుడ్ లో ఒకటి, టాలీవుడ్ లో నాలుగు, కన్నడలో ఒకటి, బాలీవుడ్ లో  రెండు చిత్రాలు తెరకెక్కాయి. అయితే ఈ చిత్రాలు ఏది కూడా ఇంకో సినిమాకు రీమేక్ కాదు. అన్ని సినిమాలు విజయం సాధించాయి. ఈ కథను సినిమాగా మలిచిన మొదటి వ్యక్తి తమిళ సీనియర్ దర్శకుడు కె.భాగ్యరాజ్.  ఆయన కన్నడ నవల ‘అర్థాంగి’ కథను మూవీకి తగినట్లుగా రాసుకుని, ‘ఎంగ చిన్న రస’ అనే చిత్రాన్ని తమిళంలో తీశారు. ఈ చిత్రంలో భాగ్యరాజా, రాధ జంటగా నటించగా, సూపర్ హిట్ గా నిలిచింది.

ఇదే సినిమాని  తెలుగులో ‘చిన్నరాజా’ పేరుతో  డబ్‌ చేసి రిలీజ్ చేయగా, విజయం సాధించింది.ఆ తర్వాత ఇదే కథతో  బాలీవుడ్ లో అనిల్‌కపూర్‌, మాధురి దీక్షిత్‌ జంటగా ‘బేటా టైటిల్ తో ఒక సినిమా రిలీజ్ అయ్యి, విజయం సాధించింది. ఆ మూవీ రైట్స్‌ను తెలుగు దర్శకుడు  ఇ.వి.వి సత్యనారాయణ సొంతం చేసుకుని, తెలుగులో ‘అబ్బాయిగారు’ సినిమా తీశారు. వెంకటేష్, మీనా జంటగా నటించిన ఈ మూవీ బాక్సాఫీస్ దగ్గర వసూళ్ల వర్షం కురిపించింది.

అయితే అప్పటికే ఇదే కథతో వచ్చిన చిన్న రాజా సినిమా తెలుగులో రిలీజ్ అయ్యి, సూపర్ హిట్ అయ్యింది. మళ్ళీ అదే స్టోరీతో తెరకెక్కిన అబ్బాయిగారి మూవీని కూడా ఆడియెన్స్ హిట్ చేశారు. ఆ తరువాత కన్నడ దర్శకుడు డి రాజేంద్ర బాబు కథతో ‘అన్నయ్య’ టైటిల్ తో సినిమా తీసి, హిట్ అందుకున్నారు. అలా ఒకే కథతో మొత్తం 8 సినిమాలు తెరకెక్కి, విజయం సాధించాయి.

Also Read: OTT లో వచ్చాక “గుంటూరు కారం”లో ఈ తప్పుని చూసి ట్రోల్స్…చూసుకోవాలి కదా గురూజీ.!