Mohana Priya

తెలుగు సినిమా ఇండస్ట్రీలో ఉన్న హిట్ డైరెక్టర్ హీరో కాంబినేషన్ల లో పవన్ కళ్యాణ్ కరుణాకరన్ కాంబినేషన్ ఒకటి. వాళ్ళ ఇద్దరి కాంబినేషన్ లో వచ్చిన తొలి ప్రేమ చిత్రం అటు పవన్ కళ్యాణ్ కి ఇటు కరుణాకరన్ కి ఇద్దరికీ హిట్ ఇవ్వడమే కాకుండా మన ఇండస్ట్రీలో వచ్చిన ప్రేమకథల్లో బెస్ట్ గా నిలిచిపోయింది.

తొలిప్రేమ సినిమా వచ్చి 22 ఏళ్ళు అయినా కూడా ఇప్పటికీ ఆ సినిమా అంటే అదో రకమైన క్రేజ్ ఉంది. తర్వాత వాళ్ళిద్దరి కాంబినేషన్ లోనే బాలు సినిమా వచ్చింది. భారీ అంచనాల నడుమ విడుదలైన బాలు ప్రేక్షకుల ఆదరణ అందుకుంది. ఫ్లాష్ బ్యాక్ లో ఒక రౌడీగా, తర్వాత గతాన్ని వదిలేసి మరొక చోటికి వచ్చి కొత్త జీవితం మొదలు పెట్టిన వ్యక్తి బాలు గా రెండు షేడ్స్ ఉన్న క్యారెక్టర్లో పవన్ కళ్యాణ్ అద్భుతంగా నటించారు.

ఈ సినిమాకి మణిశర్మ సంగీతం, శ్రీయ, జయసుధ కూడా ప్లస్ పాయింట్స్. బాలు సినిమాలో మెరిసిన ఇంకొక క్యారెక్టర్ ఫ్లాష్ బ్యాక్ లో బాలు ప్రేమించే వ్యక్తి ఇందిరా ప్రియదర్శిని. అమాయకంగా, అన్నిటికీ భయపడుతున్నట్లు ఉంటూనే తన వాళ్ళ కోసం ధైర్యంగా నిలబడే ఇందిరా పాత్రను పోషించారు నేహా ఒబెరాయ్. సినిమాలో ఇందిర క్యారెక్టర్ చనిపోయినప్పుడు మాత్రం చాలామంది బాధపడ్డారు. ఆ పాత్ర మనకు అంతగా కనెక్ట్ అయింది.

బాలు నేహా ఒబెరాయ్ మొదటి సినిమా. బాలీవుడ్ లో ఎంతో పేరుపొందిన నిర్మాత ధరమ్ ఒబెరాయ్ కూతురు నేహ. షూటౌట్ ఎట్ లోఖండ్ వాలా, కాబిల్, షూటౌట్ ఎట్ వదాలా వంటి ఎన్నో విజయవంతమైన సినిమాల కు దర్శకత్వం వహించిన దర్శకుడు, నిర్మాత, స్క్రీన్ రైటర్ సంజయ్ గుప్తా కూడా నేహకి బంధువు అవుతారు.

నేహా ఒబెరాయ్ మళ్లీ ఎప్పుడెప్పుడు  సినిమా చేస్తుందా అని బాలు సినిమా తో తనకి అభిమానులైన చాలామంది ఎదురు చూశారు. నేహా కూడా బాలు తర్వాత జగపతి బాబు తో బ్రహ్మాస్త్రం అనే సినిమాలో నటించింది. బ్రహ్మాస్త్రం చిత్రం అంతగా ప్రజాదరణ పొందలేదు.

తర్వాత హిందీలో కూడా దస్ కహానియా,ఈ ఎం ఐ,వుడ్ స్టాక్ విల్లా, ఆస్మాన్ చిత్రాల్లో నటించారు నేహ. వుడ్ స్టాక్ విల్లా బాక్సాఫీసు దగ్గర విజయం సాధించకపోయినా కానీ ఈ సినిమాలో తన నటనకు నేహ ఎంతగానో ప్రశంసలు అందుకున్నారు. 14 డిసెంబర్ 2010 లో డైమండ్ వ్యాపారి అయిన విశాల్ షా ని పెళ్లి చేసుకున్నారు నేహ.

నేహ ప్రస్తుతం నోయిడా లో ఉన్న ఇంటర్నేషనల్ ఫిల్మ్ అండ్ టెలివిజన్ క్లబ్ ఆఫ్ ఏషియన్ అకాడమీ ఆఫ్ ఫిల్మ్ అండ్ టెలివిజన్ కి మెంబర్ గా ఉన్నారు. భూమిక, జ్యోతిక లాంటి ఎంతో మంది హీరోయిన్లు మంచి పాత్రలతో ఇండస్ట్రీలోకి మళ్లీ  కం బ్యాక్ ఇచ్చారు. అదేవిధంగా నేహ కూడా తిరిగి ఇండస్ట్రీకి వచ్చి మళ్లీ ప్రేక్షకులందరినీ అలరించాలని ఆశిద్దాం.

ఒకప్పటి కాలంలో మనల్ని అలరించిన హీరోయిన్స్ అందరూ మనకు గుర్తుండే ఉంటారు. వారిలో కొంత మంది ఇప్పుడు వ్యక్తిగత కారణాల వల్ల కొంచెం హెల్తీగా అయ్యారు. ఆ హీరోయిన్లలో కొంత మంది ఎవరో ఇప్పుడు చూద్దాం.

#1 రక్షిత

ఇడియట్ పెళ్ళాం ఊరెళితే, నిజం, ఆంధ్రావాలా, శివమణి ఇలా ఎన్నో తెలుగు సినిమాల్లో నటించి ఎంతో గుర్తింపు సంపాదించుకున్నారు రక్షిత. ప్రస్తుతం రక్షిత తన తమ్ముడు హీరోగా ఒక సినిమాని ప్రొడ్యూస్ చేస్తున్నారు. అలాగే రాజకీయాల్లో కూడా ఉన్నారు.

#2 రంభ

ఎన్నో సినిమాల్లో నటించి తెలుగు ఇండస్ట్రీలో తనకంటూ ఒక స్థానం సంపాదించుకున్నారు రంభ. రంభ కేవలం తెలుగులో మాత్రమే కాకుండా హిందీ, తమిళ సినిమాల్లో కూడా నటించారు.

#3 రాశి

చైల్డ్ ఆర్టిస్ట్ గా తన కెరీర్ మొదలు పెట్టి తరువాత ఎన్నో సినిమాల్లో నటించారు రాశి. కొన్ని సంవత్సరాల క్రితం విడుదలైన కల్యాణ వైభోగమే సినిమాలో హీరోయిన్ మాళవిక నాయర్ కి తల్లిగా నటించారు. ప్రస్తుతం మా టీవీలో ప్రసారమయ్యే జానకి కలగనలేదు అనే సీరియల్ లో ఒక ముఖ్య పాత్రలో నటిస్తున్నారు.

#4 రాధ

ఎన్నో సూపర్ హిట్ సినిమాల్లో నటించి స్టార్ హీరోయిన్ గా గుర్తింపు సంపాదించుకున్నారు రాధ. మెగాస్టార్ చిరంజీవి, రాధ జోడి తెలుగులో హిట్ కాంబినేషన్స్ లో ఒకటి. రాధ కూతుర్లు కార్తిక అలాగే తులసి కూడా సినిమాల్లో నటిస్తున్నారు.

#5 ఖుష్బూ

తెలుగులోనే కాకుండా తమిళంలో కూడా ఎన్నో సినిమాలు చేసి స్టార్ హీరోయిన్ గా పేరు సంపాదించుకున్నారు ఖుష్బూ. కొంతకాలం క్రితం విడుదలైన అజ్ఞాతవాసి సినిమాలో ఒక ముఖ్య పాత్రలో నటించారు ఖుష్బూ.

#6 మీనా

మీనా చైల్డ్ ఆర్టిస్ట్ గా కెరీర్ మొదలు పెట్టారు. తెలుగు, తమిళ్, మలయాళంలో ఎన్నో సినిమాల్లో నటించారు. ఇటీవల అమెజాన్ ప్రైమ్ లో విడుదలై బ్లాక్ బస్టర్ సాధించిన దృశ్యం 2 సినిమాలో కూడా నటించారు మీనా. ఇదే సినిమా తెలుగు రీమేక్ అయిన దృశ్యం 2 లో కూడా మళ్లీ కనిపించబోతున్నారు.

#7 రవళి

రవళి కూడా ఎన్నో సినిమాల్లో హీరోయిన్ గా నటించారు. కొన్ని సంవత్సరాల క్రితం నవదీప్ హీరోగా విడుదలైన గౌతమ్ ఎస్ఎస్సి సినిమాలో కూడా హీరోకి వదినగా నటించారు రవళి.

#8 నగ్మా

నగ్మా కూడా తెలుగులో మాత్రమే కాకుండా హిందీలో, అలాగే తమిళ్ లో కూడా నటించారు. నగ్మా ప్రస్తుతం రాజకీయాల్లో ఉన్నారు.

#9 రాధిక

తెలుగు, తమిళ్ లో ఎన్నో సినిమాల్లో నటించి సూపర్ స్టార్ హీరోయిన్ గా ఎంతో గుర్తింపు సంపాదించుకున్నారు రాధిక. కేవలం తెలుగు, తమిళ్ మాత్రమే కాకుండా హిందీలో కూడా నటించారు. అలాగే ఎన్నో సినిమాల్లో ముఖ్య పాత్రల్లో కూడా నటించారు. నానుమ్ రౌడీ దాన్, ప్రేమ కథ, తేరి, రాజా ది గ్రేట్, సింగం 3 ఇలా ఎన్నో సినిమాల్లో ముఖ్య పాత్రల్లో నటించడంతో పాటు సీరియల్స్ లో కూడా నటిస్తున్నారు. అంతే కాకుండా అంతకుముందు కొన్ని ప్రోగ్రామ్స్ కి హోస్ట్ కూడా చేశారు రాధిక.

#10 పూర్ణిమ

ఎన్నో సినిమాల్లో నటించి ఎంతో గుర్తింపు సంపాదించుకున్నారు పూర్ణిమ. నితిన్ హీరోగా 2017 లో విడుదలైన లై సినిమాలో కూడా నితిన్ కి తల్లిగా నటించారు.

#11 పూనమ్ బాజ్వా

నవదీప్ హీరోగా నటించిన మొదటి సినిమా సినిమాతో తెలుగు ప్రేక్షకులను అలరించారు పూనమ్ బాజ్వా. తర్వాత బాస్ సినిమాలో నటించారు. అంతే కాకుండా కొన్ని తమిళ సినిమాల్లో కూడా నటించారు.

ఇటీవల విడుదలై బ్లాక్ బస్టర్ సాధించిన సినిమాల్లో ఒకటి ఉప్పెన. ఈ సినిమాకి సుకుమార్ శిష్యుడు బుచ్చి బాబు సానా దర్శకత్వం వహించగా పంజా వైష్ణవ్ తేజ్, క్రితి శెట్టి హీరో హీరోయిన్లుగా పరిచయమయ్యారు. వీరిద్దరికీ ఇది మొదటి సినిమా అయినా కూడా చాలా బాగా పర్ఫార్మ్ చేశారు అని ప్రేక్షకులు అభినందించారు. ఎంతో మంది సెలబ్రిటీలు కూడా ఉప్పెన సినిమాని ప్రశంసించారు. ఉప్పెన సినిమాకి దేవిశ్రీ ప్రసాద్ మ్యూజిక్ మేజర్ హైలైట్ గా నిలిచింది.

ఇవన్నీ మాత్రమే కాకుండా ఉప్పెనకి మరొక హైలైట్ విజయ్ సేతుపతి పర్ఫామెన్స్. విజయ్ సేతుపతి మన తెలుగులో చేసింది రెండు సినిమాలే. కానీ డబ్బింగ్ సినిమాల ద్వారా, అలాగే డైరెక్ట్ తమిళ్ సినిమాల ద్వారా తెలుగులో కూడా ఎంతో పాపులారిటీ సంపాదించారు విజయ్ సేతుపతి. అయితే సినిమా చూసిన తర్వాత చాలా మంది విజయ్ సేతుపతి డబ్బింగ్ డిఫరెంట్ గా ఉంది అని అన్నారు.

ఈ విషయంపై దర్శకుడు బుచ్చి బాబు సానా ఒక ఇంటర్వ్యూలో మాట్లాడుతూ ఇలా చెప్పారు. “విజయ్ సేతుపతి సర్ తన గొంతు ఈ క్యారెక్టర్ కి సూట్ అవ్వదు అని చెప్పారు. దాంతో మేము డబ్బింగ్ ఆర్టిస్ట్ చేత డబ్బింగ్ చెప్పించాలి అని నిర్ణయించుకున్నాం. మేము ఎంతో మంది వాయిస్ ని పరిశీలించాం. వారిలో యాక్టర్ అజయ్ తో పాటు అంతకుముందు విజయ్ సేతుపతి కి డబ్బింగ్ చెప్పిన వారు కూడా ఉన్నారు.

అప్పుడు బొమ్మాలి రవి శంకర్ గారిని అనుకున్నాం. సాధారణంగా రవి శంకర్ గారు ఒక్క రోజు కంటే తక్కువ సమయంలోనే డబ్బింగ్ పూర్తి చేస్తారు. కానీ ఈ సినిమాలో విజయ్ సేతుపతి క్యారెక్టర్ కొంచెం కష్టంగా, ఇంటెన్స్ గా ఉండటంతో ఆయనకి మూడు రోజులు పట్టింది.

రవి శంకర్ గారు బెంగళూరు నుండి హైదరాబాద్ కి వచ్చారు. ఒక్క రోజులో డబ్బింగ్ పూర్తి చేసుకుని అదే రోజు బెంగళూరుకి తిరిగి వెళ్ళిపోవచ్చు అని అనుకున్నారు. కానీ పరిస్థితుల కారణంగా హైదరాబాద్ లో ఉన్న సాయి కుమార్ గారి ఇంటి నుండి బట్టలు తెచ్చుకొని డబ్బింగ్ ని మూడు రోజుల్లో పూర్తి చేశారు.” అని అన్నారు.