Mounika Singaluri

సినిమా ఇండస్ట్రీ లోకి పాత తరం వెనక్కి వెళ్తున్న సమయంలో కొత్త తరం నటులు వస్తూనే ఉంటారు. అలాగే 2023 సంవత్సరంలో కూడా చాలామంది హీరోయిన్లు టాలీవుడ్ లో అడుగు పెట్టారు. కొందరి ముద్దుగుమ్మల అదృష్టం బాగుండి సినిమాలు హిట్ అయితే కొందరి భామల సినిమాలు మాత్రం ఎప్పుడు వచ్చాయో ఎప్పుడు వెళ్లాయో కూడా తెలియకుండా అయిపోయింది. అలా ఈ సంవత్సరం టాలీవుడ్ లో అడుగుపెట్టిన హీరోయిన్లు ఎంతమంది సక్సెస్ అందుకున్నారు, ఎంతమంది ఫ్లాప్ మూట కట్టుకున్నారు చూద్దాం.

ముందుగా సామజవరగమన సినిమాతో ఎంట్రీ ఇచ్చిన రెబా మౌనిక జాన్ మొదటి సినిమాతోనే హిట్ అందుకుంది. ఆ తరువాత బూ అనే చిత్రంలో కనిపించింది. బూ సినిమా పెద్దగా హిట్ కానప్పటికీ సామజవరగమన సినిమా ఎఫెక్ట్ వల్ల ప్రస్తుతం ఫ్యాన్ ఫాలోయింగ్ బాగానే ఉంది.

అలాగే బెల్లంకొండ సురేష్ తమ్ముడు బెల్లంకొండ గణేష్ కలిసి నేను స్టూడెంట్ సార్ అనే సినిమాతో టాలీవుడ్ లో అడుగు పెట్టిన భామ అవంతిక దాసాని. అయితే ఈ సినిమా ఫ్లాప్ ని మూట కట్టుకోవడంతో హీరోయిన్ పేరు కూడా చాలామందికి తెలియకుండా పోయింది.

ఏజెంట్ సినిమా ద్వారా టాలీవుడ్ లో అడుగు పెట్టిన సాక్షి వైద్య ఆపై గాండీవధారి అర్జున, ఉస్తాద్ భగత్ సింగ్ సినిమాల్లో హీరోయిన్ గా నటించిన ఈ భామ పర్వాలేదనిపించుకుంది. అలాగే మాస్ మహారాజా రవితేజ సరసన టైగర్ నాగేశ్వరరావు సినిమాతో టాలీవుడ్ ఎంట్రీ ఇచ్చింది నుపుర్ సనన్. ఈ సినిమా ఫ్లాప్ ని మూట కట్టుకోవడంతో టాలీవుడ్ ని వదిలి వెళ్ళిపోయింది.

అలాగే అమిగోస్ సినిమాతో తెలుగు సినీ రంగంలోకి అడుగు పెట్టింది ఆషిక రంగనాథ్. ఈ సినిమా కూడా అట్టర్ ఫ్లాప్ ని మూటగట్టుకుంది అయినప్పటికీ నాగార్జున సరసన నా సామిరంగా సినిమాలో ఛాన్స్ కొట్టేసింది ఈ భామ.

అలాగే వీళ్ళతోపాటు రంగవల్లి సినిమాతో యుక్తి తరేగా, మేము ఫేమస్ సినిమాతో సారయ లక్ష్మణ్, అహింస సినిమాతో గీతిక తివారి టాలీవుడ్ కి ఎంట్రీ ఇచ్చారు. అయితే ఎవరూ చెప్పుకోదగిన సక్సెస్ ని అందుకోలేకపోవడం విచారకరం.

తెలుగు రాష్ట్రాల్లో సినిమాలకి ఉన్న క్రేజ్ ప్రత్యేకించి చెప్పాల్సిన లేదు. స్టార్ హీరో సినిమా రిలీజ్ అవుతుందంటే ఆయన అభిమానులు వారం ముందు నుంచే హడావిడి చేస్తూ ఉంటారు. టిక్కెట్ల కోసం క్యూ లైన్ లో నిలబడడం, బెనిఫిట్ షోలు చూడడం కోసం నిద్ర మానుకోవడం వారికి అలవాటే.డిసెంబర్ 22 తారీకున యంగ్ రెబెల్ స్టార్ ప్రభాస్ నటించిన సలార్ మూవీ విడుదల కానుంది. దీనికి సంబంధించిన నైజాం ఏరియాలో మంగళవారం నుండి టికెట్లు బుకింగ్ ప్రారంభించారు. ఈ టిక్కెట్లు కొనుక్కోవడానికి థియేటర్ ముందు అభిమానులు బార్లు తీరారు. రెండు గంటల ముందు నుంచి లైన్ లో నిలబడి టిక్కెట్లు కోసం కొట్టుకున్నారు.

ఇదంతా చూసిన జనం సినిమా అంటే ఎంత పిచ్చి ఉన్నవారు బాధ్యతగా ఓటు వేయడానికి మాత్రం రారు అంటూ కామెంట్లు పెడుతున్నారు. మూడు గంటల సినిమా కోసం ఇంత కష్టపడుతున్నారు, ఐదేళ్లు తమని పాలించే నాయకుడు ఎన్నుకోవడానికి తీరిక ఉండదా అంటూ ప్రశ్నిస్తున్నారు. మొన్న జరిగిన తెలంగాణ ఎన్నికల్లో యువత ఓటింగ్ చాలా తక్కువ శాతం పోలైంది. సినిమా టికెట్లు కోసమే కాదు…ఒక పౌరుడిగా తమ బాధ్యత నిర్వర్తించడంలోనూ ఇదే శ్రద్ధ చూపించాలని కోరుతున్నారు.

కాంతారా సినిమా అంటే ఎవరు ఎంతటి సెన్సేషన్ సృష్టించిందో అందరికీ తెలిసిందే.కాంతారా సినిమాతో కన్నడ హీరో రిషబ్ శెట్టి రేంజ్ మారిపోయింది. ఒకే ఒక్క సినిమాతో దేశ వ్యాప్తంగా క్రేజ్ సంపాదించుకున్నారు. ఏ అంచనాలు లేకుండా చిన్న సినిమాగా విడుదలైన కాంతారా సినిమా దేశ వ్యాప్తంగా ఏకంగా రూ.400 లకు పైగా కోట్లు కొల్లగొట్టి చరిత్ర సృష్టించింది.

ప్రస్తుతం రిషబ్ శెట్టి కాంతారా-2 షూటింగ్‌లో బిజీగా ఉన్నారు. శరవేగంగా ఈ చిత్ర షూటింగ్ జరుగుతోంది.ఇటీవల విడుదలైన పోస్ట్ లుక్ టీజర్ విపరీతంగా ఆకట్టుకుంది. తాజాగా రిషబ్ శెట్టి సంచలన నిర్ణయం తీసుకున్నారు. కర్ణాటకలోని తన స్వగ్రామమైన కెరడిలోని ప్రభుత్వ పాఠశాలను దత్తత తీసుకున్నారు.

తన రిషబ్ శెట్టి ఫౌండేషన్ ద్వారా ఆ స్కూలుకు సాయం చేస్తున్నారు. దీంతో సోషల్ మీడియా వేదికగా ఫ్యాన్స్ ఆ హీరోను ఆకాశానికెత్తుతున్నారు. ఇది కదా హీరోలు చేయాల్సిన పని అంటూ అభినందిస్తున్నారు.రిషబ్ శెట్టి రీల్ హీరోనే కాదు…రియల్ హీరో అంటూ కామెంట్స్ చేస్తున్నారు.

ప్రభాస్ తో బాలీవుడ్ దర్శకుడు ఓం రౌత్ ఆది పురుష్ సినిమాని తెరకెక్కించాడు. ఈ సినిమా ఆడియన్స్ ను అంతగా ఆకట్టుకోలేకపోయింది రామాయణం ఆధారంగా ఈ సినిమాని రూపొందించారు. అయితే ఈ సినిమాలో ఉన్న విఎఫ్ఎక్స్ భారీగా ట్రోల్స్ కి గురైంది. ఒక స్టార్ హీరోను పెట్టుకుని ఇటువంటి చీప్ క్వాలిటీ VFX చేస్తారా పిల్లల సినిమాల ఉంది అంటూ నెటిజన్లు ఒక రేంజ్ లో ఆటాడుకున్నారు.

అయితే ఇప్పుడు మరోసారి తెలుగు ప్రేక్షకులు ఓం రౌత్ ను టార్గెట్ చేసి ట్రోల్స్ చేస్తున్నారు. అసలు ఏంటా విషయం అంటే ఈరోజు హనుమాన్ ట్రైలర్ విడుదలైంది. తేజ సబ్జా హీరోగా ప్రశాంత్ వర్మ డైరెక్షన్ లో ఈ మూవీ వస్తుంది. సూపర్ హీరో కాన్సెప్ట్ తో తర్కెక్కుతున్న ఈ మూవీ కూడా చాలా మటుకు విఎఫ్ఎక్స్ తో నిండి ఉంది. హనుమాన్ బడ్జెట్ ఆది పురుష్ బడ్జెట్ తో పోలిస్తే చాలా తక్కువ. కానీ విఎఫ్ఎక్స్ క్వాలిటీ విషయంలో హనుమాన్ చాలా అద్భుతంగా ఉంది. ఒక చిన్న డైరెక్టర్ కి ఉన్న కామన్ సెన్స్ కూడా పెద్ద డైరెక్టర్ కి లేదు…సినిమా అంటే ఇది చూసి నేర్చుకో అంటూ ఓం రౌత్ ను ఆటాడేసుకుంటున్నారు.

సినిమా ఇండస్ట్రీలో ప్రస్తుతం కంటెంట్ బేస్డ్ సినిమాలకి మంచి రోజులు నడుస్తున్నాయి. హీరో ప్రధానంగా కాకుండా కథ ప్రధానంగా వచ్చే సినిమాలకి ప్రేక్షకులు బ్రహ్మ రథం పడుతున్నారు. తెలుగులో చాలామంది సీనియర్ నటులు హీరోలుగా మారి తమ అదృష్టాన్ని పరీక్షించుకున్నారు. ఇందులో కొంతమంది సక్సెస్ అయితే కొంతమంది ఫెల్యూర్ అయ్యారు.

అయితే ప్రముఖ క్యారెక్టర్ ఆర్టిస్టు రావు రమేష్ విలన్ గా, తండ్రిగా, కమెడియన్ గా చాలా చిత్రాలలో నటించారు. అయితే ఆయన మొదటిసారి హీరోగా మారి చేసిన చిత్రం తాజాగా షూటింగ్ పూర్తి చేసుకుంది. హ్యాపీ వెడ్డింగ్ చిత్రాన్ని తలకెక్కించిన దర్శకుడు లక్ష్మణ్ కార్య రావు రమేష్ తో మారుతి నగర్ సుబ్రహ్మణ్యం మూవీనీ తెరకెక్కిస్తున్నారు. తాజాగా ఈ సినిమా షూటింగ్ పూర్తి చేసుకున్నట్లు మూవీ టీం ప్రకటించింది. ఆయనకు జోడిగా సీనియర్ ఆర్టిస్ట్ ఇంద్రజ నటించారు. ఎటువంటి బ్రేకులు లేకుండా ఈ సినిమా షూటింగ్ పూర్తి చేసినట్లుగా దర్శకుడు ప్రకటించారు. రావు రమేష్ తమకు ఎంతగానో సహకరించాలని తెలిపారు. అతి త్వరలోనే ఈ మూవీని ప్రేక్షకులు ముందుకు తీసుకురావడానికి ప్రయత్నిస్తున్నట్లుగా చెప్పుకొచ్చారు.

అల్లు అర్జున్ కు తన కూతురు అర్హ అంటే పంచప్రాణాలు తన కూతురితో కలిసి ఉన్న చిన్న చిన్న క్యూట్ క్యూట్ వీడియోలను సోషల్ మీడియాలో పోస్ట్ చేస్తూ ఉంటారు. అల్లు అర్జున్ కి అర్హ నిజంగా సొంత కూతురు కదా…! మళ్ళీ కూతురుగా నటించడం ఏంటి అని అనుకుంటున్నారా…!

ప్రస్తుతం అల్లు అర్జున్ పుష్ప 2 సినిమాలో నటిస్తున్నారు. ఈ సినిమా 2024 ఆగస్టు 15 విడుదల కానుంది.ఈ సినిమా షూటింగ్ ప్రస్తుతం శర వేగంగా జరుగుతోంది. అయితే ఈ సినిమాకు సంబంధించిన ఒక సర్ప్రైజ్ న్యూస్ ఇప్పుడు బయటకు వచ్చింది. ఈ సినిమాలో అల్లు అర్జున్కి రష్మిక కి పెళ్లయిన తర్వాత ఒక కూతురు పుట్టే సీన్ ఉంటుంది అంట. ఆ సీన్ లో కూతురుగా అల్లు అర్హ నటిస్తుందని మూవీ టీం నుంచి రహస్య సమాచారం బయటకు వచ్చింది. ఈ విషయాన్ని డైరెక్టర్ సుకుమార్ ఎంత పకడ్బందీగా దాచిన కూడా బయటకు వచ్చేయడంతో అల్లు అర్జున్ అభిమానులు పండగ చేసుకుంటున్నారు. ఓకే సినిమాలో తండ్రి కూతుర్లని చూడడం కోసం ఎదురుచూస్తున్నామని కామెంట్లు పెడుతున్నారు.పుష్ప సినిమా ప్రపంచ వ్యాప్తంగా గుర్తింపు పొందడంతో భారీ ఎత్తున రిలీజ్ చేయడానికి నిర్మాతలు సన్నాహాలు చేస్తున్నారు.

యంగ్ రెబల్ స్టార్ ప్రభాస్ హీరోగా తెరకెక్కిన్న చిత్రం సలార్. ఈ సినిమా డిసెంబర్ 22 తారీఖున విడుదల ఉంది. ఈ సినిమా కోసం ప్రభాస్ ఫ్యాన్స్ చాలా ఆత్రుతగా ఎదురుచూస్తున్నారు. సినిమా రిలీజ్ కి ముందు యాక్షన్ ట్రైలర్ ని విడుదల చేస్తామని మూవీ టైం ప్రకటించింది. అయితే ఈరోజు ట్రైలర్ విడుదల చేస్తామని ప్రకటించిన తర్వాత మళ్లీ రిలీజ్ టైం ని మార్చేశారు. తర్వాత ఆ టైం కి కూడా రావడం లేదంటూ ప్రకటించి ఫ్యాన్స్ ని పరీక్ష పెట్టారు.

అయితే ఉన్నట్టు ఉండి యాక్షన్ ట్రైలర్ ని మూవీ టీం విడుదల చేసింది. ఈ ట్రైలర్ మొత్తాన్ని ప్రభాస్ ఎలివేషన్స్ తోటి ఫైట్ సీన్లతోటి నింపేశారు. ఈ ట్రైలర్ చూసిన ఫ్యాన్స్ అందరు పూనకాలతో ఊగిపోతున్నారు. ఇది కదా మాకు కావాల్సింది అంటూ ఆనందం వ్యక్తం చేస్తున్నారు. అయితే ట్రైలర్ లో చూపించింది కేవలం 3 ఫైట్లు సీన్లలో బిట్లు మాత్రమే అంటునారు. సినిమాలో ఉండే ఐదు ఫైట్ సీన్లు ఎవరి అంచనాలకి అందకుండా ఉంటాయని ఇన్ సైడ్ టాక్ వినిపిస్తుంది. లోపల ఇంకా దాచం చూడాల్సింది చాలా ఉంది అంటూ ఫ్యాన్స్ ని ఊరిస్తున్నారు. డిసెంబర్ 22 తారీఖున సినిమా చూశాక థియేటర్లు తగలబడిపోతాయేమో అంటూ పలువురు సినీ విశ్లేషకులు చెబుతున్నారు.