Sainath Gopi

ఉత్తరప్రదేశ్ లో ఒక దారుణమైన ఘటన వెలుగులోకి వచ్చింది. చనిపోయిన తల్లి శవంతో దాదాపు ఏడాది పాటు ఒకే ఇంట్లో నివసించారు ఒక అక్క చెల్లెలు. వినడానికి కాస్త భయంకరంగా బాధాకరంగా ఉన్న ఈ ఘటన గురించి ఇప్పుడు మరిన్ని వివరాలు మనం తెలుసుకుందాం… ఉత్తర్‌ప్రదేశ్‌లోని వారణాసిలో నగరంలోని మదర్వా ప్రాంతానికి చెందిన ఉషా త్రిపాఠి తన ఇద్దరు కూతుళ్లు పల్లవి 27, వైశ్విక్‌ 17 లతో కలిసి ఒక ఇంట్లో జీవించేవారు. పల్లవి పీజీ పూర్తి చేయగా, వైశ్విక్‌ పదో తరగతి చదువుతోంది. రెండేళ్ల క్రితమే ఉషా భర్త ఇంటి నుంచి వెళ్లిపోయాడు.

ఆమె చిన్న దుకాణం నడుపుతూ జీవనం సాగించేది. గత ఏడాది డిసెంబరు 8న ఉషా అనారోగ్యంతో మృతి చెందింది. ఈ విషయాన్ని అక్కా చెళ్లెలిద్దరూ ఎవరికీ చెప్పలేదు. మృతదేహాన్ని ఇంట్లోనే పెట్టుకొని కావలసిన వస్తువుల కోసం అప్పుడప్పుడు బయటకు వెళ్లి వచ్చేవారు. మీర్జాపుర్‌లో ఉంటున్న ధర్మేంద్ర కుమార్‌ బుధవారం తన చెల్లి ఉషా త్రిపాఠిని చూసేందుకు వచ్చాడు. ఎంత సేపటికీ తలుపు తీయకపోవడంతో అనుమానం వచ్చిన ధర్మేంద్ర పోలీసులకు సమాచారం అందించాడు. సమాచారం మెరుగు సంఘటన స్థలానికి చేరుకున్న పోలీసులు తలుపులు పగలగొట్టి చూడగా ఒక గదిలో మహిళ అస్థిపంజరం, మరో గదిలో అక్కాచెల్లెళ్లు ఉన్నారు.

ఆ ఇద్దరి మానసిక పరిస్థితి సరిగా లేదని దర్యాప్తులో తేలింది. అయితే, తల్లి చనిపోయిన తేదీని గుర్తుంచుకోవడం కాస్త అనుమానంగా ఉందని పోలీసులు తెలిపారు. పల్లవి, వైశ్విక్‌లను వైద్యపరీక్షల నిమిత్తం ఆసుపత్రికి తరలించారు. ఈ ఘటన ప్రస్తుతం స్థానికంగా కలకలం రేపింది. దాదాపుగా ఏడాది పాటు అక్క చెల్లెలు ఇద్దరు తల్లి మృదేహంతోనే జీవిస్తున్నట్లు తెలుస్తోంది. వారి మానసిక స్థితి బాగోలేదని తెలుసుకున్న వైద్యులు వెంటనే వారిని ఆసుపత్రికి తరలించారు.

ఈ ఏడాది జూలై నెలలో దేశవ్యాప్తంగా అంజు వ్యవహారంచర్చనీయాంశంగా మారిన విషయం తెలిసిందే. కొద్దీ రోజులపాటు దేశవ్యాప్తంగా ఎక్కడ చూసినా కూడా ఆమె పేరు మారుమోగింది. ఇది ఇలా ఉంటే తాజాగా ఆమె మరొకసారి ఇండియాకు వచ్చేసింది. పూర్తి వివరాల్లోకి వెళితే.. రాజస్థాన్‌లోని భీవాడీ జిల్లాకు చెందిన అరవింద్ అనే వ్యక్తితో అంజూకు చాలా ఏళ్ల క్రితమే పెళ్లయింది. ఆమెకు 15 ఏళ్ల కొడుకు, నాలుగేళ్ల కూతురు కూడా ఉంది. అయితే ఇంట్లో ఒంటరిగా ఉన్నప్పుడు సోషల్ మీడియా యాప్స్‌ను ఉపయోగించే అంజూకు ఫేస్‌బుక్‌లో పాకిస్తాన్‌కు చెందిన నస్రుల్లాతో పరిచయం అయింది. 2019వ సంవత్సరం నుంచి అతడితో ఆమె చాటింగ్ చేస్తూ ఉంది.

మెసేజ్‌లతో మొదలయిన వ్యవహారం ఫోన్ కాల్స్ దాకా చేరి చివరకు ప్రేమాయణానికి దారి తీసింది. అయితే ఉన్నట్టుండి సడన్‌గా ఈ ఏడాది జూలై నెల 27వ తారీఖున భారత్‌ నుంచి పాకిస్తాన్‌కు వెళ్లిపోయింది అంజూ. జైపూర్‌లోని బంధువుల ఇంటికి వెళ్లి వస్తానంటూ భర్తకు చెప్పింది కానీ చివరకు ఆమె పాకిస్తాన్‌లోని ప్రియుడి వద్దకు చేరిందన్న సంగతి సోషల్ మీడియా ద్వారా భర్తకు తెలిసింది. తాను కేవలం స్నేహితుడిని కలిసేందుకు మాత్రమే వచ్చాననీ మళ్లీ వెనక్కు వెళ్లిపోతానని మొదట్లో అంజూ చెప్పింది. కానీ ఊహించని విధంగా ఫేస్‌బుక్ ఫ్రెండ్ నస్రుల్లానే ఆమె పెళ్లి చేసుకుంది. తన పేరును ఫాతిమాగా కూడా మార్చుకున్నట్టు వెల్లడించింది. అదే సమయంలో వీరిద్దరి ప్రేమపెళ్లికి బహుమతిగా అక్కడి రియల్ ఎస్టేట్ వ్యాపారి మొహసీన్ ఖాన్ అబ్బాసీ కొంత భూమిని, డబ్బును కూడా ఇవ్వడం చర్చనీయాంశం అయింది.

ఆమె ఇక తిరిగి రాదు అని నిశ్చయింంచుకున్న భర్త అరవింద్ పిల్లల భవిష్యత్తు కోసం రోజూ కూలి పనులకు వెళ్తూనే ఉన్నాడు. అయితే జూలై నెలలో పాక్‌కు వెళ్లిన అంజూ నాలుగు నెలల తర్వాత మళ్లీ భారత్‌కు తిరిగొచ్చింది. పాకిస్తాన్, పంజాబ్ సరిహద్దులోని వాఘా బోర్డర్ ద్వారా భారత్లోకి ఆమె బుధవారం రాత్రి ప్రవేశించింది. అయితే వాఘా బోర్డర్ వద్ద దర్యాప్తు అధికారులు ఆమెను అదుపులోకి తీసుకున్నారు. బీఎస్ఎఫ్ క్యాంప్ వద్ద ఆమెను విచారించారు. ఆ తర్వాత అక్కడి నుంచి ఆమెను అమృత్ సర్ విమానాశ్రయానికి తీసుకెళ్లిన అధికారులు విమానంలో ఢిల్లీకి తరలించారు. పాకిస్తాన్‌కు అసలు ఎందుకు వెళ్లింది? అక్కడ ఏం జరిగింది? మళ్లీ భారత్‌కు తిరిగి రావడం వెనుక అసలు కారణాలు ఏంటన్నదాని గురించి అధికారులు ప్రశ్నించే అవకాశాలు ఉన్నాయి.

అయితే తాజాగా రాత్రి మీడియాతో మాట్లాడిన అంజూ.. తాను భారత్‌కు ఎందుకు తిరిగొచ్చిందో ఆ విషయాన్ని వెల్లడించింది. నాకు నా పిల్లలు అంటే చాలా ఇష్టం. నా కొడుకు, కూతురు లేకుండా ఉండలేకపోతున్నాను. అక్కడ నాకు ఎలాంటి ఇబ్బందీ లేకపోయినప్పటికీ పిల్లలు పదే పదే గుర్తుకు వస్తున్నారు. వారిని నా వద్దకు తీసుకెళ్లాలని తిరిగి వచ్చాను. నా పిల్లలను నా వెంట తీసుకెళ్తాను. అదే సమయంలో నా భర్తకు కూడా విడాకులు ఇస్తాను. చట్టపరంగా చేయాల్సిన పనులను చేయడానికే భారత్‌కు తిరిగి వచ్చాను అని అంజూ తేల్చిచెప్పింది. దీనిపై స్పందించిన భర్త అరవింద్ ఆమె అసలు తిరిగి వస్తున్న సంగతే తనకు తెలియదని వ్యాఖ్యానించడం గమనార్హం. ఆమె గురించి మాట్లాడేందుకే తనకు ఇష్టం లేదనీ ఆమె పేరును తన వద్ద ప్రస్తావించవద్దని ఆవేదన వ్యక్తం చేశాడు.

#WATCH | Anju, who had travelled to Pakistan in July, arrived at the Delhi airport. pic.twitter.com/ssg3IzDWYw

— ANI (@ANI) November 29, 2023