Megha Varna

మన మోచేతికి ఏమైనా తగిలితే ఏదో షాక్ కొట్టినట్లు ఉంటుంది. అయితే ఎందుకు అలా ఉంటుంది అనే దాని గురించి ఇప్పుడు మనం చూద్దాం. ఇలా చాలా మందికి ఎన్నోసార్లు అనిపించినా ఎందుకు అలా అనిపిస్తుంది అనేది తెలియదు. దాని వెనుక ఉండే కారణం గురించి మర్రి ఇప్పుడే చూడండి.

మన మోచేతి దగ్గర బొడుపులా ఉన్న ఎముక పక్కనుండి ఒక నరం వెళ్తుంది. అది మెదడు నుంచి మొదలై మోచేతి ఎముక దగ్గర్నుంచి చేతివేళ్ళలోకి వెళ్ళే సర్వైకల్ నరాల్లో ఒకటైన అల్నార్ నర్వ్. ఒకవేళ కనుక పొరపాటున అక్కడ దెబ్బ తగిలితే మెదడు సిగ్నల్స్ ని మోచేతి నుంచి అరచేతిలోకి పాకడం వల్ల ఈ ఫన్నీ బోన్ పెయిన్ అనేది వస్తుంది.

కొంత మందిలో ఇది క్షణం పాటు వుంది వెళ్ళిపోతుంది. మరి కొందరికి మాత్రం దీర్ఘకాలిక సమస్యగా మారుతుంది. దీంతో వాళ్ళకి తిమ్మిరి, స్పర్శ లేకపోవడం, నొప్పి కలగడం లాంటివి జరుగుతాయి. దీనికి గల కారణం ఏమిటంటే అక్కడ నరం పూర్తిగా నొక్కుకు పోవడమే.

అయితే ఎందుకు ఇలా వస్తుంది అనేది చూస్తే… అదే పనిగా మోచేతిని బల్ల మీద ఎప్పుడూ ఆనించి ఉంచడం వల్ల లేదు అంటే తల కింద చేయి పెట్టుకుని నిద్ర పోవడం వల్ల ఈ సమస్య వచ్చే అవకాశం ఉంటుంది. ఇలా చేస్తే అల్నార్ నరం నొక్కుకుపోతుంది. దీని నుంచి ఎలా బయటపడాలి అనేది చూస్తే.. మోచేతులు మడత పడకుండా జాగ్రత్త పడితే సరిపోతుంది. బాగా ఎక్కువ ఇబ్బంది ఉంటే శస్త్రచికిత్స చేసి ఆ అల్నార్ నరంపై ఒత్తిడిని తొలగించాల్సి ఉంటుంది.

వేరుశనగ రుచిగా ఉంటుంది. స్నాక్స్ కిందైనా సరే దీనిని మనం తీసుకోవచ్చు. ముఖ్యంగా శీతాకాలంలో వేడి వేడి పల్లీలని ఉడకబెట్టుకుని దానిలో ఉప్పు, కారం, ఉల్లి వేసుకుని తింటే మరింత రుచికరంగా ఉంటుంది. అంతేకాదు వీటిని తీసుకోవడం వల్ల ఆరోగ్యానికి ఎంతో మేలు కలుగుతుంది. కానీ లిమిట్ గా తీసుకుంటే దీని వలన చక్కటి లాభాలని మనం పొందొచ్చు. అయితే ఎక్కువ మోతాదులో వేరుశనగను తీసుకోవడం వల్ల సమస్యలు కూడా ఎదుర్కోవలసి వస్తుంది. మరి అవేమిటో ఇప్పుడు చూద్దాం.

వేరుశెనగలలో ఐరన్, క్యాల్షియం, మెగ్నీషియం, విటమిన్లు వంటి మొదలగు పోషక విలువలు ఉంటాయి. అందువల్ల వేరుశెనగలను అధిక మోతాదులో తినడం వల్ల చర్మ సంబంధిత సమస్యలు మరియు జీర్ణ ప్రక్రియకు సంబంధించిన సమస్యలు తలెత్తుతాయి.

ముఖ్యంగా ఎసిడిటి ఉన్నవారు వేరుశనగలు తీసుకోకూడదు. వీటిలో ఉండే లెక్టిన్ లు వల్ల నొప్పి మరియు మంట పెరుగుతుంది, కాబట్టి కీళ్ల నొప్పులు సమస్యలు ఎక్కువగా ఉంటే వేరుశనగలకు దూరంగా ఉండటమే మేలు. వేరుశెనగలు అధిక మోతాదులో తీసుకోవడం వల్ల అఫ్లటాక్సిన్ పరిమాణం పెరుగుతుంది.

దాంతో కాలేయ ఆరోగ్యం దెబ్బ తింటుంది. వీటితో పాటు వేరుశెనగలను ఎక్కువ మోతాదులో తీసుకుంటే నోటి పుండ్లు, అలర్జీలు మరియు మలబద్ధకం మొదలైన సమస్యలు తలెత్తుతాయి. కాబట్టి పరిమితికి మించి వేరుశనగను తీసుకోకండి.

ఈ మధ్య కాలంలో చాలా మంది ఎదుర్కొనే సమస్యలలో బీపీ ఒకటి. జీవన శైలి, ఉద్యోగ ఒత్తిడి, కుటుంబ పరిస్థితులు కారణంగా ఎంతో మంది హైబీపీకి గురవుతున్నారు. దీనిని కంట్రోల్ చేయడానికి రెగ్యులర్ గా మందులు కూడా వాడుతూ ఉంటారు. ఎక్కువ మందులు తీసుకోవడం వల్ల కూడా సైడ్ ఎఫెక్ట్స్ కలుగుతాయి. కాబట్టి వీలైనంత వరకు సహజసిద్ధంగా తగ్గించుకోవడానికి ప్రయత్నం చేయాలి.

అయితే నేచురల్ గా మందులు వాడకుండానే హై బీపీని కంట్రోల్ చేయొచ్చని ఆరోగ్య నిపుణులు చెబుతున్నారు. ఈ విధంగా అనుసరిస్తే తప్పక బీపీ తగ్గుతుంది.  బీపీని తగ్గించడానికి ధూమపానం, మద్యపానానికి దూరంగా ఉండాలి. అలానే ఉప్పుని రోజు తగ్గించాలి. ఎక్కువ పండ్లు, కూరగాయలు ఆహారంలో తీసుకోవాలి.

ప్లాంట్ బేస్డ్ ఫుడ్ తినడం వల్ల బీపి 7 పాయింట్లు తగ్గుతుందని డాక్టర్లు చెబుతున్నారు. కాబట్టి ఎక్కువ ఆహారం మొక్కలు ఆధారిత ఆహారాన్ని తీసుకోవాలి.
తక్కువ మాంసాన్ని తీసుకోవడం, ఎక్కువ మొక్కల ఆధారిత ఆహారాన్ని తీసుకుంటే 11 పాయింట్ల దాక బీపీ తగ్గుతుంది.
ధూమపానం, మద్యపానానికి దూరంగా ఉంటే ఐదు పాయింట్లు బీపీని తగ్గించుకోవచ్చు.

బరువు తగ్గడం వల్ల కూడా బీపీని తగ్గించుకోవచ్చు.
సోడియంను తగ్గించడం వల్ల 15 పాయింట్లు వరకు బీపీ తగ్గుతుంది.
కనీసం 3 నెలల పాటు ఏరోబిక్ వ్యాయామాలు చేయడం వల్ల 9 పాయింట్లు తగ్గించవచ్చు.

ప్లాంట్ బేస్డ్ ఫుడ్ తీసుకోవడం, ఉప్పుని తగ్గించడం వల్ల 18 పాయింట్లు తగ్గుతుంది.
ఉపవాసం చేసి కేవలం నీళ్లు మాత్రమే తీసుకుంటే 37 పాయింట్ల వరకు తగ్గుతుంది. కానీ ఇలా చేసేటప్పుడు వైద్యులని కన్సల్ట్ చెయ్యడం మంచిది.