కులం పేరుతో అవమానం అనేది ఎక్కువగా తక్కువ కులాల వాళ్లు ఎదుర్కొనే సమస్య. సమాజంలో ఎక్కడో ఒక చోట ఈ కుల పిచ్చి ఉంటూనే ఉంది. ఇప్పటికీ ఈ సమస్య తగ్గుముఖం పట్టలేదు. అయితే అగ్రకులంలో పుట్టిన తనని కూడా కులం పేరుతో అవమానించారంటూ చెప్పుకొచ్చింది బిగ్ బాస్ నేహా చౌదరి.

Video Advertisement

గతవారం బిగ్ బాస్ నుంచి ఎలిమినేట్ అయ్యింది నేహా చౌదరి. తెలుగులో యాంకర్లు చాలామందే ఉన్నారు కానీ.. స్పోర్ట్స్ యాంకర్లు అరుదు. తెలుగులో ఉన్న ఒకే ఒక స్పోర్ట్స్ యాంకర్ నేహా చౌదరి. బిగ్ బాస్ హౌస్‌లో నేహా చౌదరి ఆట తీరు పక్కన పెడితే.. ఆమె నస పెడుతుందంటూ ఆమెపై ట్రోలింగ్స్ వస్తున్నాయి. స్పోర్ట్స్ యాంకర్‌గా పేరు సంపాదించుకున్న నేహా.. బిగ్ బాస్ కంటెస్టెంట్‌గా అయితే తన మార్క్ చూపించలేకపోయింది.

neha chowdary about bullying
తన రియల్ లైఫ్‌లో కులం పేరుతో తనని దూషించారంటూ తనకి జరిగిన అవమానంపై ఓపెన్ అయ్యింది నేహా చౌదరి. తన పేరు చివర చౌదరి ఉండటం వల్ల తాను ఎదుర్కొన్న ఇబ్బందుల్ని తెలియజేస్తూ.. ఓ ఛానల్‌లో యాంకర్ తనని కులం పేరుతో అవమానించిన ఘటనను గుర్తు చేసుకుంది నేహా చౌదరి.


“నేను అప్పట్లో ఒక ఛానల్‌లో వర్క్ చేయడానికి వెళ్లాను. మేకప్ అవుతుండగా.. నా బ్యాగ్ తీసి పక్క సీటు ఖాళీగా ఉందని అక్కడ నా బ్యాగ్ పెట్టాను. ఇంతలో ఓ మేల్ యాంకర్ వచ్చాడు. లోపలికి రాగానే పక్క సీటులో ఉన్న నా బ్యాగ్ తీసి విసిరికొట్టాడు.. ఎవడు ఇక్కడ బ్యాగ్ పెట్టింది? నేను వస్తుంటే లేచి నిలబడాలని తెలియదా? రెస్పెక్ట్ ఇవ్వాలని తెలియదా..? నువ్ చౌదరి అయితే ఏంటి? ఎవరైతే ఏంటి? అవన్నీ ఇక్కడ నడవవ్.. ఏమనుకుంటున్నారు? అని గట్టిగా అరిచేశాడు.

అంతటితో ఆగకుండా.. అసలు నువ్ ఇక్కడికి ఎందుకు వచ్చావ్.. మీ వాళ్లవి చాలా ఛానల్స్ ఉన్నాయి కదా.. మీ వాళ్ల దాంట్లో చూసుకో.. ఇక్కడ్నుంచి పో అని అన్నాడు. ఆ షాక్ నుంచి తేలుకుని.. అదేంటండీ.. నేను ఇక్కడ చాలా కాలంగా చేస్తున్నా.. నేను కావాలని ఇక్కడికి రాలేదు. మన ఛానల్ వాళ్లే పిలిచి నాకు షో ఇచ్చారు.. నేను ఇంత కష్టపడి చేస్తుంటే మీరేంటి ఇలా మాట్లాడుతున్నారు? చౌదరి గివ్దరి అని మాట్లాడుతున్నారు. నేనెప్పుడూ చౌదరి అని ఫీలింగ్ చూపించలేదు.. అని అన్నాను.

neha chowdary about bullying
ఫీలింగ్ లేకపోతే నీ పేరు వెనుక ఆ తోక ఎందుకు తగించుకున్నావ్.. నీ పొగరు బలుపు చూపించుకోవడానికే కదా.. ఆ తోక తగిలించుకున్నావ్ కదా అని అన్నాడు. అతని మాటల్ని పడలేక పెద్దగా ఏడ్చేశాను. ఏదైనా తిరగబడి మాట్లాడదాం అనుకుంటే అతను చాలా సీనియర్… దాంతో ఏమీ అనలేక నేను సైలెంట్ అయిపోయాను. నేను బయటకు వచ్చేసి.. ఆ సార్‌ది అయిపోయిన తరువాత చెప్పండి అన్నా.. అప్పుడు వచ్చి మేకప్ చేసుకుంటా అని మేకప్ మేన్‌తో చెప్పి బయటకు వచ్చేశాను. వెంటనే అమ్మకి ఫోన్ చేసి విషయం చెప్పి ఏడ్చేశాను”. అని తనకు జరిగిన అవమానం గురించి చెప్పుకొచ్చింది నేహా.

neha chowdary about bullying
నాకు పనిలేని అప్పుడు.. చాలామందిని అడిగాను.. ఏదైనా వర్క్ ఉంటే చెప్పండి సార్.. చేస్తాను అని అడిగాను. అయితే వాళ్లు నీకేంటమ్మా.. నువ్ చౌదరి అమ్మాయివి కదా.. నీకేం తక్కువ? మీ అమ్మానాన్న ఆస్తులు బాగానే వెనకేసి ఉంటారు కదా.. ఇలాంటి షోలు నీకు అవసరం ఏంటి? అని హేళన చేసేవారు. నా పేరు చివర చౌదరి ఉండటం వల్ల ఇలాంటి పరిస్థితులు ఎదురయ్యాయి. కానీ నా వర్క్‌ని చూసి రెస్పెక్ట్ ఇచ్చారు. ఓ చిన్న ఛానల్‌లో యాంకర్‌గా మొదలుపెట్టిన నేను స్టార్ స్పోర్ట్స్ ఛానల్ యాంకర్ అయ్యానంటే నాకు ఎవరూ రికమండేషన్ చేయలేదు.. నా వర్క్‌ని చూసే పని ఇచ్చారు అని చెప్పుకొచ్చింది నేహా చౌదరి.