Bigg Boss 6 telugu

బుల్లితెరపై ఎన్ని రియాలిటీ షోలు వచ్చినా.. బిగ్ బాస్ కి ప్రత్యేక ప్రేక్షకాదరణ ఉంది. తెలుగులో సూపర్ హిట్ అయినా ఈ షో ఇప్పటికే ఆరు రెగ్యులర్ సీజన్లు, ఒక ఓటీటీ వెర్షన్ లను పూర్తి చేసుకుంది. అయితే ఈ సీజన్లు అన్ని ఒకదానికి మించి ఒకటి అన్నట్లుగా భారీ రెస్పాన్స్‌తో పూర్తి చేసుకున్నాయి. దీంతో ఎన్నో అంచనాల నడుమ ఆరో సీజన్‌ను బిగ్ బాస్ నిర్వహకులు అంగరంగ వైభవంగా మొదలు పెట్టారు. సరికొత్త ప్రయోగాలు, ప్రైజ్ మనీ కోతలు ఏం చేసినా సరే మిగతా సీజన్లతో పోల్చుకుంటే ఈ ఆరో సీజన్ డిజాస్టర్ గా మిగిలిపోయింది.

దీంతో ఏడో సీజన్ ను ఎలాగైనా సక్సెస్ చేయాలన్న పట్టుదలతో బిగ్ బాస్ మేనేజ్ మెంట్ టీమ్ ఉంది. ఈ నేపథ్యంలోనే దీన్ని వచ్చే ఏడాది జూలైలోనే మొదలు పెట్టాలని నిర్వాహకులు నిర్ణయం తీసుకున్నట్లు మరో వార్త సోషల్ మీడియాలో చక్కర్లు కొడుతోంది. అయితే ఇప్పటికే ఎదో సీజన్ కంటెస్టెంట్ల ఎంపిక ప్రారంభమైనట్లు వార్తలు వస్తున్నాయి.

ఏడో సీజన్లో పలువురు ఫేమస్ సెలెబ్రెటీలను తీసుకురానున్నట్లు తెలుస్తోంది. ఈ నేపథ్యం లో పలువురి పేర్లు వినిపిస్తున్నాయి. ప్రతి సీజన్ లోనూ ఓ సింగర్ ను బిగ్ బాస్ హౌస్ లోకి పంపిస్తారన్న సంగతి తెలిసిందే. రాహుల్… రేవంత్ కూడా అలా వచ్చి ట్రోఫీ గెలుచుకున్న‌వారే…. అయితే ఈ సీజన్ లో కూడా ఓ సింగ‌ర్ ను తీసుకోబోతున్న‌ట్టు టాక్ వినిపిస్తోంది. బులెట్ బండి సాంగ్ తో ఫేమస్ అయిన మోహన భోగరాజు పేరు వినిపిస్తోంది.

అలాగే ఈ సీజన్ లో కూడా మరో కపుల్ ను బిగ్ బాస్ లోకి తీసుకురావాలని బీబీ టీం ప్లాన్ చేసినట్టు తెలుస్తోంది. ఈ నేపథ్యంలోనే రీసెంట్ గా పెళ్లి చేసుకున్న సీరియల్ హీరో అమర్ దీప్ చౌద‌రి మరియు తేజస్విని గౌడ్ జంట‌ను ఎంపిక చేసిన‌ట్టు టాక్. అలాగే కార్తీక దీపం తో ఫేమస్ అయిన ‘శోభా శెట్టి’ ని కూడా ఈ సీజన్ లో తీసుకోనున్నట్లు తెలుస్తోంది. అలాగే టీవీ 9 యాంకర్ ప్రత్యుషా, మిత్ర శర్మ, దీపికా పిల్లి పేర్లు కూడా ప్రముఖంగా వినిపిస్తున్నాయి. అలాగే ఈ సీజన్ కి హోస్ట్ గా రానా దగ్గుబాటి లేదా బాలయ్య హోస్ట్ గా చేసే అవకాశం ఉంది.

బిగ్ బాస్ హౌస్‌లో మొత్తం 21 మంది కంటెస్టెంట్స్‌లో 13వ వారం వచ్చేసరికి హౌస్‌లో 8 మంది సభ్యులు మాత్రమే మిగిలారు. ఈ ఎనిమిది మందిలో మరో ముగ్గురు ఈ వారం, వచ్చేవారాల్లో ఎలిమినేట్ కాబోతున్నారు. మొత్తంగా టాప్ 5కి వెళ్లేది ఐదుగురే. అయితే వీరిలో ఒకరికి ఓటింగ్‌తో.. నామినేషన్స్.. ఎలిమినేషన్స్‌తో సంబంధం లేకుండా టాప్ 5కి వెళ్లే ఛాన్స్ లభిస్తుంది. అయితే ఈ సీజన్ లో టికెట్ టు ఫినాలే శ్రీహన్ గెలుచుకున్నాడు.

రేవంత్, శ్రీహాన్‌ టికెట్ టు ఫినాలే ఫైనల్ ఫైట్‌లో పోటీపడగా.. శ్రీహాన్ గెలిచి, సీజన్ 6 తొలి ఫైనలిస్ట్‌ అయ్యాడు. నిజానికి స్ట్రాంగ్ ఫ్యాన్ బేస్ ఉండి, ఫెయిర్ గేమ్ ఆడుతున్న వాళ్ళకి టికెట్ టు ఫినాలే అవసరమే లేదు. అయితే ఇప్పటి వరకు జరిగిన సీజన్లలో టికెట్ టు ఫినాలే గెలిచిన కంటెస్టెంట్స్ ఎవరు? వాళ్లకి ఈ టికెట్ టు ఫినాలే ద్వారా కలిసి వచ్చింది ఏంటి? అనేవి ఇప్పుడు చూద్దాం..

ఎన్టీఆర్ హోస్ట్ చేసిన ఫస్ట్ సీజన్‌లో హరితేజ, ఆదర్శ్, నవదీప్, శివబాలాజీ, అర్చనలు ఫైనల్‌కి వెళ్లారు. అయితే ఫస్ట్ సీజన్ జరిగింది 71 రోజులే కావడంతో .. అందరూ ఓటింట్ ద్వారా మాత్రమే ఫైనల్‌కి వెళ్లారు. టికెట్ టు ఫినాలే ఫస్ట్ సీజన్‌లో లేదు.

రెండో సీజన్ నుంచి ఈ ‘టికెట్ టు ఫినాలే’ వెలుగులోకి వచ్చింది. సీజన్‌లో కౌశల్ విన్నర్ కాగా.. అప్పుడు హౌస్‌లో ఉన్న సామ్రాట్‌ ‘టికెట్ టు ఫినాలే’ గెలుచుకుని ఫస్ట్ ఫైనలిస్ట్ అయ్యాడు. మూడో సీజన్‌ 93వ ఎపిసోడ్‌లో టికెట్ టు ఫినాలే టాస్క్ జరిగింది. రాహుల్ సిప్లిగంజ్‌ టికెట్ టు ఫినాలే గెలుచుకుని.. సీజన్ 3 ఫస్ట్ ఫైనలిస్ట్ అయ్యాడు. అలాగే ఆ సీజన్ విన్నర్ కూడా అయ్యాడు.

ఇక నాలుగో సీజన్ విషయానికి వస్తే.. అఖిల్.. టికెట్ టు ఫినాలే గెలుచుకుని సీజన్ 4 ఫస్ట్ ఫైనలిస్ట్ అయ్యాడు. ఫైనల్ గా రన్నర్ గా మిగిలాడు. ఐదో సీజన్ విషయానికి వస్తే.. టికెట్ టు ఫినాలే టాస్క్‌ ట్విస్ట్‌ల మీద ట్విస్ట్‌లతో సాగింది. మానస్, శ్రీరామ్‌లో ‘టికెట్ టు ఫినాలే’ కోసం పోటీ పడ్డారు. వీళ్లిద్దరికీ ఇచ్చిన ఫిజికల్ టాస్క్‌లో మానస్‌కి అదృష్టం కలిసిరాకపోవడంతో ఓడిపోవాల్సి వచ్చింది. శ్రీరామ్ ఈ టాస్క్‌లో గెలిచి టికెట్ టు ఫినాలే అందుకున్నాడు. అయితే శ్రీ రామ్‌కి కాళ్లు బాలేకపోవడంతో.. శ్రీరామ్ తరుఫున సన్నీ, షణ్ముఖ్‌లు టాస్క్‌లు కంప్లీట్ చేసి శ్రీరామ్‌ని గెలిపించారు.

ఈ 5 సీజన్స్ గమనిస్తే టికెట్ టు ఫినాలే గెలిచిన వారిలో రాహుల్ సిప్లిగంజ్ మినహా ఎవరు టైటిల్ గెలవలేదు. అయితే ఈ సీజన్ లో టికెట్ టు ఫినాలే గెలుచుకున్న శ్రీహన్ తనకన్నా బలంగా ఉన్న ఇతర కంటెస్టెంట్లను దాటి టైటిల్ గెలవగలడా అన్నది ప్రశ్నార్థకమే..!!

బిగ్ బాస్ తెలుగు ఇప్పుడిప్పుడే మళ్ళీ ప్రేక్షకుల ఆదరణను మరింత పెంచుకుంటుంది. మొదట్లో కొంత నీరసంగా అనిపించినప్పటికీ ఇప్పుడు మాత్రం కంటెస్టెంట్స్ వారి కుటుంబ సభ్యులు కలుసుకోవడంతో హై ఎమోషనల్ ట్రాక్స్ మొదలవుతున్నాయి. ఇందులో భాగంగా బిగ్ బాస్ మాజీ కంటెస్టెంట్ తన బాయ్ ఫ్రెండ్ శ్రీహాన్ కోసం ఇంట్లోకి అడుగుపెట్టింది. అయితే ఆమెతో వచ్చిన ఒక పిల్లవాడు ఎవరు అనే విషయంలో సోషల్ మీడియాలో చర్చ మొదలైంది.

వెబ్ సిరీస్ లతో మంచి గుర్తింపు అందుకున్న సిరి హనుమంతు శ్రీహాన్ ఇద్దరికీ కూడా మంచి ఫ్యాన్ ఫాలోయింగ్ ఉంది. శ్రీహాన్ కోసం ప్రత్యేకంగా హౌస్ లోకి వచ్చిన సిరి ఎన్నో విషయాల గురించి చర్చిస్తూ ఇప్పటివరకు బాగానే ఆడావు అని ఇక ముందు కూడా నువ్వు అద్భుతంగా ఆడాలి అని అతనికి సపోర్ట్ చేసింది.

అలాగే సిరి వచ్చాక కొద్దిసేపటికే వాళ్ళు పెంచుకుంటున్న బాబు కూడా లోపలికి రావడంతో అందరూ ఒక్కసారిగా షాక్ అయ్యారు. శ్రీహాన్ ని డాడీ సిరి ని మమ్మీ అని పిలవడంతో పెళ్లి కాకుండా వీళ్ళకు బాబు ఎలా వచ్చాడు అంటూ అందరూ షాక్ అయ్యారు. ఆ పిల్లాడు హౌస్ లోని కంటెస్టెంట్లందర్నీ ఇమిటేట్ చేస్తూ అందరిని అలరించాడు.

సిరి శ్రీహన్ ఇద్దరూ దత్తత తీసుకున్న ఆ బుడ్డోడి పేరు చైతు. అయితే ఈ బాబు ఎవరో కాదు స్వయానా సిరి మేనమామ కొడకట. ఇక ఈ విషయాన్ని సిరి తల్లి స్వయంగా ఓ ఇంటర్వ్యూలో చెప్పుకొచ్చింది. సిరి బిగ్ బాస్ లో ఉన్న సమయం లో ఆమె తల్లి శ్రీదేవి ఎన్నో చానళ్లకు ఇంటర్వ్యూలు ఇచ్చింది. అప్పుడు ఆ బాబు ఎవరో కాదు స్వయానా మా తమ్ముని కొడుకే అంటూ సిరి తల్లి శ్రీదేవి అప్పట్లో ఓ మీడియా ఛానల్ కి ఇచ్చిన ఇంటర్వ్యూలో క్లారిటీ ఇచ్చింది.

బిగ్ బాస్ హౌస్ లోకి వచ్చి రాగానే చైతన్య, డాడీ అంటూ శ్రీహన్ దగ్గరికి వెళ్లిపోయాడు. ఇక శ్రీహన్ కూడా అతన్ని చూస్తూ చాలా ఎమోషనల్ అయ్యాడు. ఒక విధంగా వాళ్ళిద్దరూ తండ్రి కొడుకుల తరహాలోనే కనిపించారు. అయితే సిరి శ్రీహాన్ లు పెళ్లి చేసుకోక పోయినప్పటికీ ఒకే ఇంట్లో ఉంటారు. అలాగే ఈ బాబు చైతు కూడా వాళ్ళ దగ్గరే చాలా రోజుల నుండి ఉంటున్నాడు.

బిగ్ బాస్ సీజన్ 6 లో బుల్లితెర నటి మెరీనా, తన భర్త, సహా నటుడు అయినా రోహిత్ తో కలిసి పాల్గొంది. రోహిత్ ని ప్రేమించి పెళ్లి చేసుకున్న మెరీనా తన భర్త తో కలిసి జంటగా బిగ్ బాస్ లో అడుగు పెట్టింది. మొదట్లో కలిసి గేమ్ ఆడిన వీరిద్దరూ, తర్వాత బిగ్ బాస్ ఆదేశం తో విడి విడిగా గేమ్ ఆడారు. హౌస్ లో మదర్ ఇండియా గా పేరు తెచ్చుకున్న మెరీనా 11 వ వారం లో ఎలిమినేట్ అయ్యింది.

ఇక మెరీనా పూర్తి వివరాల్లోకి వెళ్తే..మెరీనా అబ్రహం, రోహిత్ సాహ్ని మొదట ఓ సినిమాలో జంటగా నటించారు. అది విడుదల కాకున్నా.. వీళ్ల మధ్య స్నేహం పెరిగింది. ఆ తర్వాత అది ప్రేమగా మారడంతో పెద్దలను ఒప్పించి పెళ్లి చేసుకున్నారు. మెరీనా ‘ అమెరికా అమ్మాయి’ సీరియల్ తో చాలా ఫేమస్ అయ్యింది. తర్వాత ఉయ్యాలా జంపాల, సిరి సిరి మువ్వలు వంటి సీరియల్స్ లో నటించింది.

2016 లో ‘రొమాన్స్ విత్ ఫైనాన్స్’ అనే చిత్రం తో వెండి తెరపై అడుగు పెట్టింది. తర్వాత ‘సబ్ కా దిల్ కుష్’ అనే హిందీ చిత్రం లోనూ మెరిసింది. 2017 లో టైమ్స్ మోస్ట్ డిజైరబుల్ విమెన్ ఆన్ టీవీ అవార్డు గెలుచుకుంది. మరోవైపు రోహిత్ ‘నీలి కలువలు’, ‘అభిలాష’ సీరియళ్లు చేశాడు.

11వ వారం మెరీనా ఎలిమినేట్ అయిన విషయం తెలిసిందే. ఆమె గత రెండు మూడు వారాల క్రితం వరకు కూడా చాలా స్ట్రాంగ్ కంటెస్టెంట్ గానే హౌస్ లో నిలిచింది. మెరీనా ఇంట్లో ఎవరితోనూ పెద్దగా గొడవలు పెట్టుకోలేదు. అలాగే టాస్కుల విషయంలో కూడా మెరీనా పెద్దగా ప్రభావం చూపించింది లేదు. హౌస్ లో కూల్ గా ఉండేందుకే ప్రయత్నం చేసింది. దాదాపు అందరూ కూడా ఆమెతో పాజిటివ్ గానే ఉన్నారు.

మెరీనా ఒక వారానికి 35 వేల వరకు రెమ్యునరేషన్ అందుకున్న మెరీనా మొత్తంగా 11 వారాలకు 3 లక్షల 80 వేల వరకు పారితోషికం తీసుకున్నట్లుగా తెలుస్తోంది.