Filmy Adda

అల్లు అర్జున్ ని స్టైలిష్ స్టార్ చేసిన సినిమా ఆర్య. సుకుమార్ దర్శకత్వంలో వచ్చిన ఈ సినిమా, ఇటీవల 20 ఏళ్లు పూర్తి చేసుకుంది. కానీ సినిమా మాత్రం ఇంకా చాలా మందికి కొత్తగానే అనిపిస్తుంది. ఇలాంటి కాన్సెప్ట్ ఉన్న సినిమాలు రావడం అప్పట్లో చాలా కొత్త విషయం. ఇప్పటికి కూడా సుకుమార్ మొదటి సినిమాతోనే ఇలాంటి సినిమా ఎలా తీశారు అని చాలా మంది ఆశ్చర్యపోతూ ఉంటారు. ఆయన రాసుకున్న కథని చాలా మంది అభినందిస్తూ ఉంటారు. అలాంటి కథని తెర మీదకి తీసుకురావడానికి హీరోగా నటించిన అల్లు అర్జున్ ని కూడా అభినందిస్తూ ఉంటారు. అప్పటి నుండి వాళ్ళిద్దరి స్నేహం కొనసాగుతోంది. ఇప్పుడు వీళ్ళిద్దరూ కలిసి పుష్ప సినిమా కూడా చేస్తున్నారు.

అయితే, ఇంత మంచి సినిమాకి రీమేక్స్ రాకుండా ఉంటాయా? వచ్చాయి. ఈ సినిమాని తమిళ్ లో ధనుష్ రీమేక్ చేశారు. ఆ సినిమా పేరు కుట్టి. 2010 లో ఈ సినిమా వచ్చింది. 2005 లో బాధ పేరుతో బెంగాలీ బంగ్లాదేశ్ లో కూడా రీమేక్ చేశారు. తమిళ్ లో ధనుష్ హీరోగా నటించిన కుట్టి సినిమాకి మిత్రన్ జవహర్ దర్శకత్వం వహించారు. ఇదే దర్శకుడు ఇటీవల ధనుష్ హీరోగా నటించిన తిరు సినిమాకి కూడా దర్శకత్వం వహించారు. కుట్టి సినిమాలో శ్రియ హీరోయిన్ గా నటించారు. దేవి శ్రీ ప్రసాద్ సంగీతం అందించారు. ఈ సినిమాకి తెలుగులో వచ్చినంత మంచి రివ్యూ రాలేదు. అప్పటికే తెలుగు సినిమా సెన్సేషన్ క్రియేట్ చేసింది. కాబట్టి తమిళ్ సినిమా తెలుగులో ఉన్నది ఉన్నట్టు తీసినా కూడా అంత మంచి స్పందన రాలేదు. కానీ యావరేజ్ నుండి అబవ్ యావరేజ్ టాక్ అయితే సంపాదించుకుంది.

కానీ ఇందులో నటీనటుల నటన బాగుంటుంది. ముఖ్యంగా చెప్పుకోవాల్సింది ధనుష్ గురించి. తెలుగులో అల్లు అర్జున్ చాలా బాగా నటించారు. అందులో సందేహం లేదు. కానీ ధనుష్ కూడా ఈ సినిమాలో బాగా నటించారు. ఈ సీన్ అందుకు ఉదాహరణ. గీత వచ్చి ఆర్యకి ఐ లవ్ యు అని చెప్తుంది. ఇందులో అల్లు అర్జున్ ఒక రకంగా రియాక్ట్ అయితే, ధనుష్ ఇంకొక రకంగా రియాక్ట్ అయ్యారు. కానీ వేరు వేరుగా చూస్తే ఇద్దరి నటన బాగుంది. తమిళ్ వాళ్లకి ధనుష్ నటన నచ్చితే, తెలుగు వారికి అల్లు అర్జున్ నటన నచ్చుతుంది. ఇదే విషయం మీద సోషల్ మీడియాలో కామెంట్స్ చేస్తున్నారు.

watch video :

KUTTY & ARYA
It never compares Both of them are good artists and they are

of the same age Alluarjun is acting in this movie 20 years back

and Dhanush is acting 10 years back. Both are good…🙏🫰🫂🥹❤️@alluarjun @dhanushkraja #AlluArjun #Dhanush #pushpa pic.twitter.com/KbdQJdukyg

— Lobyew (@Lobyew1) June 19, 2024

తెలుగు సినిమాని, కాదు కాదు. భారతీయ సినిమా స్థాయిని పెంచిన దర్శకుడు ఎస్ ఎస్ రాజమౌళి. అప్పటి వరకు టాలీవుడ్ ఫిలిం ఇండస్ట్రీ అంటే చాలా మందికి అంత మంచి అభిప్రాయం ఉండేది కాదు. కమర్షియల్ సినిమాలు మాత్రమే తీస్తాము అని అనుకునేవారు. కానీ గత కొంత కాలం నుండి తన సినిమాలతో టాలీవుడ్ సత్తాని భారత దేశవ్యాప్తంగా చాటారు. ఇప్పుడు ఆస్కార్ అవార్డు వచ్చిన తర్వాత భారత దేశ సినిమా చరిత్రకే గర్వకారణం అయ్యారు. అలాంటి రాజమౌళి దర్శకత్వంలో నటించాలి అని అనుకోవడం చాలా మంది హీరోలకి ఒక కల. ఆయన దర్శకత్వంలో ఒక్క సినిమా చేసినా కూడా, అది వారి కెరీర్ లో గుర్తుండిపోయే సినిమా అవుతుంది.

అందుకే ఎంతో మంది హీరోలు, హీరోయిన్లు, నటులు రాజమౌళితో సినిమా చేసే అవకాశం వస్తే వదులుకోము అని చెప్తూ ఉంటారు. చిన్న పాత్ర అయినా సరే ఆయన సినిమాలో చేస్తే చాలు అని అనుకుంటూ ఉంటారు. అలాంటిది ఈ పైన ఫోటోలో ఉన్న అబ్బాయి రాజమౌళితో ఏకంగా మూడు సినిమాలు చేశారు. అందులో ఒక సినిమా తెలుగులో మాత్రమే విడుదల అయితే, ఆ తర్వాత సినిమా మాత్రం టాలీవుడ్ సినిమా స్థాయిని పెంచింది. ఈ అబ్బాయి ఎవరో ఈపాటికి మీలో చాలా మందికి అర్థం అయిపోయి ఉంటుంది. ప్రభాస్. ప్రభాస్ రాజమౌళితో మొదట ఛత్రపతి, ఆ తర్వాత బాహుబలి ది బిగినింగ్, బాహుబలి ది కంక్లూషన్ సినిమాలు చేశారు. బాహుబలి సినిమాతో భారతదేశంలోనే టాప్ హీరో అయిపోయారు.

ఆ తర్వాత నుండి ప్రభాస్ నటిస్తున్న సినిమాలన్నిటికీ మార్కెట్ కూడా బాగా విస్తరించింది. ఇప్పుడు ప్రభాస్ కల్కి 2898 ఏడి సినిమాలో నటిస్తున్నారు. ఈ సినిమా విడుదలకి సిద్ధంగా ఉంది. ఈ సినిమా కూడా భాగాలు గానే విడుదల అవుతుంది. గత సంవత్సరం సలార్ సినిమాతో ప్రేక్షకుల ముందుకి వచ్చారు. మారుతి దర్శకత్వంలో రాజా సాబ్ సినిమాలో కూడా నటిస్తున్నారు. ఆ తర్వాత సందీప్ రెడ్డి వంగా దర్శకత్వంలో స్పిరిట్, హను రాఘవపూడి దర్శకత్వంలో మరొక సినిమాలో నటిస్తారు. వీటితో పాటు, సలార్ రెండవ భాగంలో కూడా ప్రభాస్ నటిస్తారు.

గత కొంత కాలం నుండి అమల అక్కినేని అప్పుడప్పుడు సినిమాల్లో నటిస్తూ ఉన్నారు. లైఫ్ ఈజ్ బ్యూటిఫుల్ సినిమాతో సెకండ్ ఇన్నింగ్స్ మొదలుపెట్టారు. ఆ తర్వాత అమల ఒక వెబ్ సిరీస్ చేశారు. ఈ విషయం చాలా మందికి తెలియదు. ఎందుకంటే ఆ వెబ్ సిరీస్ తెలుగులో వెబ్ సిరీస్ అనే విషయం అందరికీ తెలియక ముందు వచ్చింది. ఈ సిరీస్ పేరు హై ప్రీస్టెస్. జి ఫైవ్ లో స్ట్రీమ్ అవుతున్న ఈ సిరీస్ 8 ఎపిసోడ్లుగా విడుదల అయ్యింది. ఈ సిరీస్ కి పుష్పా ఇగ్నేషియస్ దర్శకత్వం వహించారు. ఇందులో అమలతో పాటు, భవాని శ్రీ నందిని రాయ్, బ్రహ్మాజీ, సునైనా, వరలక్ష్మి శరత్ కుమార్, విజయలక్ష్మి, కిషోర్ కుమార్ కూడా నటించారు. ఈ సిరీస్ లో స్వాతి రెడ్డి అనే ఒక టారోట్ రీడర్ గా అమల నటించారు.

మిగిలిన పాత్రలు అందరూ కూడా ఎపిసోడ్ కి మారుతూ ఉంటారు. కొత్త పాత్రలు ఎపిసోడ్ ముందుకు వెళుతున్న కొద్ది వస్తూ ఉంటారు. స్వాతి రెడ్డి అనే ఒక వ్యక్తి జీవితంలో జరిగే సంఘటనల చుట్టూ, ఆమెతో మాట్లాడిన లేదా ఆమె స్నేహితులుగా ఉన్న వ్యక్తుల జీవితంలో జరిగే సంఘటనలు చుట్టూ ఈ సిరీస్ నడుస్తుంది. ఒక్కొక్క విషయాన్ని స్వాతి రెడ్డి ఎలా పరిష్కరించింది అనేది ఇందులో చూపించారు. ఈ సిరీస్ కి రెండవ భాగం కూడా ఉన్నట్టు సిరీస్ ఎండింగ్ ఉంటుంది.

కానీ అది ఇప్పటి వరకు రాలేదు.  ఈ వెబ్ సిరీస్ చూసిన వాళ్ళందరికీ కూడా ఇది చాలా నచ్చింది. అప్పట్లో వెబ్ సిరీస్ అంటే కొత్త. ఈ సిరీస్ 2019 లో వచ్చింది. ఆ సమయానికి వెబ్ సిరీస్ అప్పుడప్పుడే తెలుగు కి వస్తున్నాయి. అలాంటి సమయంలో ఈ వెబ్ సిరీస్ వచ్చింది. మంచి ఆదరణ సంపాదించుకుంది. నటీనటుల పర్ఫార్మెన్స్ ని అందరూ మెచ్చుకున్నారు. ఒక ప్రశ్నని సిరీస్ ఎండింగ్ లో వదిలేశారు. దానికి సమాధానం రెండవ సీజన్ వస్తే అందులో ఇస్తారు. దాంతో ఇప్పుడు దీనికి రెండవ సీజన్ ఎప్పుడు వస్తుంది అని అందరూ ఎదురు చూస్తున్నారు.

ఎలాంటి పాత్ర అయినా అవలీలగా పోషించే నటుల్లో మొదటిగా ఉండే వారిలో నూతన్ ప్రసాద్ గారు కూడా ఒకరు. ఈ తరం వారికి నూతన్ ప్రసాద్ గారు చాలా తక్కువగా తెలిసే అవకాశం ఉంది. కానీ ఆయన సినిమాల ద్వారా అందరికీ సుపరిచితులు. గతంలో ఆయనకి, ఆయన గొంతుకి ఎంతో మంది అభిమానులు ఉండేవారు. ఇప్పటికి కూడా చాలా మంది ఉన్నారు. నూతన్ ప్రసాద్ గారి అసలు పేరు తాడినాడ వరప్రసాద్. నూతన్ ప్రసాద్ గారు ఆంధ్రప్రదేశ్‌లోని కైకలూరుకు చెందినవారు. దాదాపు 30 సంవత్సరాల పాటు సినిమాల్లో నటించారు.

గుంటూరులో ప్రదర్శించిన నా ఓటు అనే ఒక నాటకం ద్వారా నూతన్ ప్రసాద్ గారు తన కెరీర్ మొదలుపెట్టారు. 1973 లో అక్కినేని నాగేశ్వరరావు గారు హీరోగా నటించిన అందాల రాముడు సినిమాతో సినిమా ఇండస్ట్రీలో కూడా అడుగు పెట్టారు. ఆ తర్వాత నీడలేని ఆడది సినిమాలో నటించారు. నూతన్ ప్రసాద్ గారికి ముత్యాలముగ్గు సినిమా ఇంకా ఎక్కువ గుర్తింపు తీసుకొచ్చింది. ఆ తర్వాత రాజాధిరాజు సినిమా కూడా గుర్తింపు తీసుకొచ్చింది. ఆ తర్వాత పట్నం వచ్చిన పతివ్రతలు, మగమహారాజు, ఖైది, శ్రీవారికి ప్రేమలేఖ, ఆహ నా పెళ్ళంట, కథానాయకుడు సినిమాలు నూతన్ ప్రసాద్ గారిని అందరికీ చేరువయ్యేలా చేశాయి. ఐదు సినిమాలకి నూతన్ ప్రసాద్ గారు నంది అవార్డులు అందుకున్నారు.

View this post on Instagram

A post shared by Sri Himabindu Tadinada (@srihimabindu5)

నూతన్ ప్రసాద్ గారు చివరిగా 2009 లో వచ్చిన రాజు మహారాజు సినిమాలో నటించారు. నూతన్ ప్రసాద్ గారు నేరాలు-ఘోరాలు ప్రోగ్రాంకి తన గొంతుని కూడా అందించారు. అందులో చూపించే సంఘటనలని కళ్ళకు కట్టినట్టుగా చెప్పేవారు. అందుకే నూతన్ ప్రసాద్ గారి గొంతుకి కూడా అంత మంది అభిమానులు ఉన్నారు. అయితే, నూతన్ ప్రసాద్ గారి గురించి మనందరికీ తెలుసు కానీ, వారి పిల్లల గురించి మాత్రం చాలా మందికి తెలియదు. నూతన్ ప్రసాద్ గారి కొడుకు పేరు పవన్ తాడినాడ. పవన్ గారి భార్య పేరు శ్రీ హిమబిందు. హిమబిందు గారు సోషల్ మీడియాలో చాలా ఫేమస్. తనదైన స్టైల్ లో రీల్స్ చేస్తూ ఉంటారు. తన కుటుంబానికి సంబంధించిన పోస్ట్ లు కూడా చేస్తూ ఉంటారు. తన పోస్ట్ ల ద్వారా నూతన్ ప్రసాద్ గారిని కూడా అందరికీ గుర్తు చేస్తూ ఉంటారు.

View this post on Instagram

A post shared by Sri Himabindu Tadinada (@srihimabindu5)

ఈ సంవత్సరం గుంటూరు కారం సినిమాతో ప్రేక్షకుల ముందుకి వచ్చారు మహేష్ బాబు. ఇప్పుడు మహేష్ బాబు రాజమౌళి సినిమా కోసం ట్రైనింగ్ తీసుకుంటున్నారు. సినిమాకి ఇంకా సమయం ఉంది. అంతలోపు మహేష్ బాబు కొన్ని మార్షల్ ఆర్ట్స్ నేర్చుకుంటున్నారు. అంతే కాకుండా ఇటీవల స్కేటింగ్ కూడా నేర్చుకున్నారు. సినిమా భాగాలుగా రూపొందుతుంది. సినిమా మొత్తం ఒక అడ్వెంచర్ నేపథ్యంలో నడుస్తుంది. కొంత మంది హాలీవుడ్ నటులు కూడా ఈ సినిమాలో నటిస్తున్నారు. సినిమా మిగిలిన నటీనటుల విషయం ఇంకా బయటికి రాలేదు. స్క్రిప్ట్ పని అయిపోయింది.

మహేష్ బాబు పుట్టినరోజు సందర్భంగా సినిమా అనౌన్స్మెంట్ ఉంటుంది అని అంటున్నారు. మరి ఇందులో ఎంత వరకు నిజం ఉంది అనేది ఇంకా తెలియాల్సి ఉంది. మహేష్ బాబు ఒక పక్కన సినిమాకి వర్క్ చేస్తూనే, మరొక పక్క కుటుంబంతో కూడా సమయాన్ని గడుపుతున్నారు. ఇప్పుడు మహేష్ బాబు ఇటీవల హాలిడేకి వెళ్లారు. ఎయిర్ పోర్ట్ లో మహేష్ బాబు తన కుటుంబంతో కలిసి వెళుతున్న ఫోటోలు సోషల్ మీడియాలో షేర్ చేశారు. ఇప్పుడు మహేష్ బాబు హాలిడే నుండి వచ్చాక మళ్ళీ సినిమా పని మొదలు పెడతారు. అయితే మహేష్ బాబు కొత్త పిక్చర్స్ లో ఆయన వేసుకున్న బ్యాగ్ మీద అందరి దృష్టి పడింది.

ఆ బ్యాగ్ ధర ఎంత ఉంటుంది అనే ఆసక్తి అందరిలో నెలకొంది. ఆ బ్యాగ్ లూయి విట్టోన్ అనే ఒక సంస్థ తయారు చేసింది. ఈ బ్యాక్ ధర 3. 92 లక్షలు. మహేష్ బాబు గతంలో కూడా ఈ బ్యాగ్ ధరించి వెళ్తున్నట్టు కనిపించారు. కొంత కాలం నుండి మహేష్ బాబు ఇదే బ్యాగ్ వాడుతున్నట్టు తెలుస్తోంది. సాధారణంగా సెలబ్రిటీలు వాడే వస్తువులు సింపుల్ గా కనిపించినా కూడా ధరలు ఎక్కువగానే ఉంటాయి. ఇప్పుడు ఇది కూడా అలాగే ఉంది. కానీ ఆ బ్రాండ్ వస్తువుల ధరలు సాధారణంగా ఇలాగే ఉంటాయి. అయితే మహేష్ బాబు సినిమాలకి దూరంగా ఉన్నా కూడా అడ్వర్టైజ్మెంట్స్ రూపంలో ప్రేక్షకులని పలకరిస్తున్నారు. అంతే కాకుండా సోషల్ మీడియాలో కూడా అప్పుడప్పుడు ఫోటోలు షేర్ చేస్తూ ఉంటారు.

మెగాస్టార్ చిరంజీవి కూతురు, సుస్మిత కొణిదెల నిర్మాతగా మారి నిర్మించిన వెబ్ సిరీస్ పరువు. సుస్మిత కోణిదెలతో పాటు, సుస్మిత భర్త విష్ణు ప్రసాద్ కూడా ఈ సిరీస్ కి నిర్మాతగా వ్యవహరించారు. సిద్ధార్థ్ నాయుడు, రాజశేఖర్ వడ్లపాటి ఈ సిరీస్ కి దర్శకత్వం వహించారు. జి ఫైవ్ లో స్ట్రీమ్ అవుతున్న ఈ సిరీస్ మొత్తంగా 8 ఎపిసోడ్లుగా అందుబాటులో ఉంది. ఒక్కొక్క ఎపిసోడ్ 30 నిమిషాలకు పైనే ఉంది. ఇంక ఈ సిరీస్ కథ విషయానికి వస్తే, పల్లవి అలియాస్ డాలి (నివేతా పేతురాజ్) పెద్దలని ఎదిరించి, తాను ప్రేమించిన సుధీర్ (నరేష్ అగస్త్య) ని పెళ్లి చేసుకుంటుంది.

దాంతో పల్లవిని తన ఇంట్లో వాళ్ళందరూ కూడా దూరంగా పెడతారు. పల్లవి పెద్దనాన్న చనిపోయారు అని తెలిసి ఆయనని చూడడానికి సొంత ఊరికి వెళ్తున్న సమయంలో, పల్లవి బావ చందు (సునీల్ కొమ్మిశెట్టి) పల్లవిని, సుధీర్ ని పికప్ చేసుకొని వాళ్ళ ఇంటికి తీసుకెళ్తూ ఉంటాడు. ఆ తర్వాత సుధీర్ కి, చందుకి గొడవ అవ్వడంతో ఈ గొడవలో చందు చనిపోతాడు. అప్పుడు వీళ్ళు ఏం చేశారు? చందు ప్రేయసి స్వాతి (ప్రణీత పట్నాయక్) ఈ విషయం తెలుసుకుందా? ఎమ్మెల్యే రామయ్య (నాగబాబు) ఎలాంటి చర్య తీసుకున్నాడు? వీళ్ళందరూ ఎదుర్కొన్న సంఘటనలు ఏంటి?

ఇవన్నీ తెలియాలి అంటే మీరు సిరీస్ చూడాల్సిందే. ఈ సిరీస్ లో ఒక సెన్సిటివ్ విషయాన్ని చూపించారు. ఇలాంటివి ఇప్పటి వరకు సిరీస్ ద్వారా చూపించలేదు. నటీనటులు అందరూ చాలా బాగా నటించారు. నిర్మాణ విలువలు బాగున్నాయి. తెలిసిన కథ. అయినా కూడా టేకింగ్ పరంగా చాలా బాగుంది. సిరీస్ చూస్తున్నంత సేపు తర్వాత ఏమవుతుంది అనే ఆసక్తి నెలకొంటుంది. క్లైమాక్స్ లో ట్విస్ట్ కూడా బాగుంది.

ఎమోషనల్ సీన్స్ ఇంకా కొంచెం బాగా రాసుకొని ఉంటే బాగుండేవి అనిపిస్తుంది. కానీ మొత్తంగా చూస్తే మాత్రం హైలైట్ అయిన విషయాలు కూడా ఈ సిరీస్ లో బాగానే ఉన్నాయి. ముఖ్యంగా ఇలాంటి స-స్పె-న్స్ సిరీస్ ఇష్టపడేవారు ఈ సిరీస్ మిస్ అవ్వకుండా చూడండి. సిరీస్ మొత్తంలో ఒకచోట కూడా బోర్ కొట్టించదు. స్క్రీన్ ప్లే బాగుంది. తెలుగులో వచ్చిన మంచి వెబ్ సిరీస్ లో పరువు కూడా ఒకటిగా నిలుస్తుంది.

కొంత మంది హీరోలు సినిమా ఇండస్ట్రీలోకి వచ్చాక స్నేహితులు అవుతారు. కొంత మంది హీరోలు సినిమా ఇండస్ట్రీకి రాకముందే స్నేహితులుగా ఉంటారు. మరి కొంత మంది హీరోలు చిన్ననాటి నుండి ఒకరికి ఒకరు తెలిసి ఉంటారు. వారిలో కొంత మంది కలిసి చదువుకొని ఉంటారు. కొంత మంది బంధువులు కూడా ఉంటారు. అలా వాళ్ళు ఇండస్ట్రీలోకి అడుగు పెడతారు. తర్వాత కష్టపడి ఎవరికి వాళ్లు గుర్తింపు సంపాదించుకొని ఈ రంగంలో రాణిస్తారు. సినిమా రంగంలో పోటీ ఉన్నా కూడా బయట మాత్రం చాలా ప్రేమగా ఉంటారు.

ఈ పైన ఫోటోలో ఉన్న వాళ్లలో ముగ్గురు హీరోలు ఉన్నారు. వాళ్లు కూడా ఇప్పుడు చాలా కష్టపడి గుర్తింపు సంపాదించుకున్నారు. ఈ ఫోటోలో అల్లు అర్జున్, రామ్ చరణ్, అల్లు శిరీష్ అన్నారు. అల్లు రామలింగయ్య గారికి 1990 లో పద్మశ్రీ అవార్డు వచ్చింది. ఆ సమయంలో దిగిన ఫోటో ఇది. అల్లు రామలింగయ్య గారి దంపతులతో పాటు, ఈ ఫోటోలో, అల్లు వెంకటేష్, సుస్మిత కొణిదెల, శ్రీజ కొణిదెల, అల్లు అర్జున్, అల్లు శిరీష్, రామ్ చరణ్ ఉన్నారు. అల్లు వెంకటేష్ అల్లు అర్జున్ వాళ్ళ అన్నయ్య. అందరూ అల్లు రామలింగయ్య గారి దంపతులతో ఫోటో దిగారు. ఇప్పుడు వీళ్ళందరూ కూడా ఎవరి రంగాల్లో వాళ్ళు రాణిస్తున్నారు. అల్లు వెంకటేష్ అల్లు బాబీగా గుర్తింపు పొందారు.

సినిమా నిర్మాణ రంగంలో అల్లు బాబీ ఉన్నారు. సుస్మిత కొణిదల ఫ్యాషన్ డిజైనర్ గా ఉన్నారు. చిరంజీవి నటిస్తున్న సినిమాలకి సుస్మిత కొణిదల కాస్ట్యూమ్ డిజైనింగ్ చేస్తున్నారు. మిగిలిన వాళ్ళందరూ కూడా సినీ రంగంలో, వ్యాపార రంగాల్లో దూసుకెళ్తున్నారు. సినీ నేపథ్యంతో వచ్చినా కూడా వీళ్ళందరూ తమ కష్టాన్ని నమ్ముకుని పైకి వచ్చారు. ఇప్పుడు భారతదేశ వ్యాప్తంగా వీళ్ళందరూ గుర్తింపు సంపాదించుకున్నారు. అల్లు అర్జున్, రామ్ చరణ్ డాన్స్ వీడియోలు కూడా సోషల్ మీడియాలో ఉంటాయి. చిన్నప్పటినుండి వాళ్ళకి యాక్టింగ్, డాన్స్ అంటే ఇష్టం అని ఆ వీడియోలు చూస్తే అర్థం అవుతాయి.

ALSO READ : హీరోయిన్ నగ్మా గుర్తున్నారా..? ఇప్పుడు ఎలా మారిపోయారో చూసారా..?

వరల్డ్ ఫేమస్ లవర్ సినిమా తో తెలుగు నాట బాగా ఫేమస్ అయిపోయిన అమ్మాయి ఐశ్వర్య రాజేష్. కౌసల్య కృష్ణమూర్తి సినిమా తో ఐశ్వర్య తెలుగు వారికీ దగ్గరైంది. తెలుగు అమ్మాయే ఐన ఐశ్వర్య పుట్టి పెరిగింది అంతా చెన్నై లోనే.. తమిళనాట ఆమె దాదాపు పాతిక సినిమా లు వరకు నటించింది. ఇవి కాక, ఒక హిందీ సినిమా తో పాటు రెండు మలయాళం సినిమాలు కూడా చేసిందట.

ఐశ్వర్య చెన్నై లో పుట్టి పెరిగినా, తెలుగు చాలా బాగా మాట్లాడుతుంది. ఐశ్వర్య తండ్రి రాజేష్ కూడా తెలుగు నాట మంచి నటుడే. తెలుగు లో దాదాపు 45 సినిమాలలో రాజేష్ నటించాడు. రెండు జడల సీత, మల్లెమొగ్గ లాంటి సినిమాల్లో నటించాడు. ఐశ్వర్య అత్త శ్రీ లక్ష్మి మనకు కొత్త కాదు. ఒకప్పటి లేడీ కమెడియన్ అని అడగ్గానే మనకి ముందు గుర్తుకు వచ్చేది శ్రీలక్ష్మి గారే. ఐశ్వర్య తాతగారు అమరనాథ్ కూడా ఒకప్పుడు తెలుగు సినిమాల్లో చాలా పాపులర్. ఇలా ఐశ్వర్య రాజేష్ ఫామిలీ లో సినీ బ్యాక్ గ్రౌండ్ ఉంది. అలా.. ఐశ్వర్య కు కూడా చిన్నప్పటి నుంచే నటనపై ఆసక్తి కలిగింది.

వరల్డ్ ఫేమస్ లవర్ సినిమా తో ఐశ్వర్య ఎక్కువ గా పాపులర్ అయినప్పటికీ, ఐశ్వర్య చిన్నప్పుడే బాల నటి గా నటించింది. రాజేంద్ర ప్రసాద్ సినిమా “రాంబంటు” లో ఐశ్వర్య బాలనటి గా నటించింది. ఆ సినిమా లో ఓ సీన్ ఉండేదట. నటకిరీటి రాజేంద్ర ప్రసాద్ ఐశ్వర్య కు ముద్దు పెట్టె సన్నివేశాన్ని చిత్రీకరిస్తున్న సమయం లో, రాజేంద్ర ప్రసాద్ ముద్దు పెట్టగానే ఐశ్వర్య దానిని తుడిచేసుకునేదట. ఇలా దాదాపు పదిహేనుసార్లు ఆయన ముద్దు పెట్టడం, ఈమె తుడిచేసుకోవడం.. ఎన్ని సార్లు చేసినా షాట్ ఓకే అవలేదట. దీనితో, రాజేంద్రప్రసాద్ సరదాగా.. “ఏంటి పిల్లా నన్ను ముద్దుపెట్టుకుని తుడిచేస్తున్నావ్” అంటూ ఆటపట్టించారట. ఎప్పటికో గాని ఆ షాట్ ఒకే ఇవ్వలేదు. కానీ, ఈరోజుకు కూడా ఐశ్వర్య తండ్రి రాజేష్ కు, రాజేంద్ర ప్రసాద్ కు మధ్య ఆ స్నేహం అలానే ఉంది.

అప్పుడెప్పుడో రాంబంటు సినిమా లో రాజేంద్ర ప్రసాద్ తో నటించిన ఐశ్వర్య రాజేష్.. మళ్ళీ ఇన్నేళ్లకు రాజేంద్ర ప్రసాద్ తో కౌసల్య కృష్ణమూర్తి సినిమా లో నటించింది. ఐశ్వర్య కు తెలుగు నాట మంచి ఫ్యామిలి బ్యాక్ గ్రౌండ్ ఉండి కూడా చాలా కాలం తెలుగు సినిమాల్లో నటించలేదు. తమిళ సినిమాలు నటిస్తూ వచ్చింది. తన పాత్రకు ప్రాముఖ్యత ఉన్న సినిమాలను మాత్రమే ఐశ్వర్య ఒప్పుకుంటోంది. అందుకే ఆమె తెలుగునాట సినిమా లు చేయడానికి చాలా కాలం పట్టిందట.

పెళ్లి చేసుకున్నప్పుడు హర్షించే సొసైటీ, ఆ జంట విడాకులు తీసుకుని విడిపోయినపుడు మాత్రం దాన్ని ఆమోదించలేదు. ముఖ్యంగా విడాకులు తీసుకున్నది ఇద్దరు అయినా, సమాజం స్త్రీని ఎక్కువగా నిందిస్తుంది, విమర్శిస్తుంది.

దీనికి సినీ సెలెబ్రెటీలు కూడా అతీతులు కారు. సెలబ్రిటీ జంటలు విడిపోయినపుడు మహిళలనే విమర్శించడం, ట్రోల్ చేయడం జరిగింది. అలా విడిపోయి, ట్రోల్ అయిన 7 గురు హీరోయిన్ల గురించి ఇప్పుడు చూద్దాం..
1. సమంత:

సమంత, నాగ చైతన్యతో విడాకులు తీసుకున్న తర్వాత సోషల్ మీడియాలో సమంత పై చాలా మంది రకరకాల కామెంట్లు చేశారు. నాగ చైతన్య నుండి భారీగా భరణం తీసుకుందని ట్రోల్ చేశారు.2. కుషా కపిల:

కుషా కపిల, జొరావర్‌ సిగ్‌ అహ్లువాలియా మూడు రోజుల క్రితం తాము విడిపోతున్నట్లుగా ప్రకటించారు. ఇది ఇద్దరు  కలిసి తీసుకున్న నిర్ణయం అయినప్పటికీ ఫ్యాన్స్ కు నచ్చలేదు. దాంతో కుషా కపిలను తీవ్రంగా విమర్శిస్తున్నారు. కొందరు నెటిజన్లు ఆమె క్యారెక్టర్‌ పై అసభ్య రీతిలో కామెంట్లు చేస్తున్నారు.
3. మలైకా అరోరా:

మలైకా అరోరా అర్బాజ్ ఖాన్‌తో విడాకులు తీసుకున్న తర్వాత, జాబ్ కోసం మాజీ భర్త ఫ్యామిలీ పేరును వాడుకున్నందుకు నెటిజెన్లు మలైకాను ట్రోల్ చేశారు. విడాకులు తరువాత భరణం విషయంలో ఆమె ట్రోలింగ్ కు గురి అయ్యింది. మలైకా, అర్జున్ కపూర్‌తో డేటింగ్ విషయంలో కూడా ఆమెను ట్రోల్ చేశారు.
4. వనితా విజయ్ కుమార్:

సీనియర్ నటుడు ‌విజయ్‌కుమార్‌, మంజుల పెద్ద కూతురు వనిత విజయ్‌కుమార్‌. సినిమాలలో రాణించలేకపోయిన ఆమె ప్రేమ,పెళ్ళిళ్ళతో బాగా పాపులర్‌ అయ్యింది. వనిత ఇప్పటికే మూడు పెళ్ళిళ్లు చేసుకుని, ముగ్గురికి విడాకులు ఇచ్చింది. దీంతో వివాదాస్పద నటిగా నిలిచింది. పెళ్ళిళ్ళ సమయంలో, విడాకుల సమయంలో విపరీతంగా విమర్శలకు గురి అయ్యింది.
5. నయనతార :

నయనతార వల్ల ప్రభుదేవా మరియు వాళ్ల భార్య కి గొడవలు వచ్చాయి. అందరు ఆమెని మాత్రమే తిట్టారు. కానీ ఆ తర్వాత వాళ్ళు విడిపోయారు. అప్పుడు కూడా నయనతారను బయట చాలా అవమానకరంగా మాట్లాడారు. అప్పటి నుండి నయనతార ప్రమోషన్స్ కు రావడం మానేసింది. ఈ విషయంలో ప్రభుదేవా కన్నా నయనతారనే ఎక్కువ అవమానాలు ఎదుర్కొంది.
6. రష్మిక మందన్న:

2016లో రష్మిక మందన్న కిరాక్ పార్టీ అనే కన్నడ సినిమాతో హీరోయిన్ గా ఎంట్రీ ఇచ్చింది. 2017లో రష్మిక కిరాక్ పార్టీ హీరో రక్షిత్ శెట్టితో ఎంగేజ్‌మెంట్‌ చేసుకుంది. అయితే కొన్ని రోజులకే ఇద్దరూ ఎంగేజ్‌మెంట్‌ను క్యాన్సల్ చేసుకుని విడిపోయారు. వారు విడిపోయిన తరువాత నెటిజెన్లు రష్మికను విపరీతంగా ట్రోల్ చేశారు.
7. అమలా పాల్:

అమలాపాల్ ప్రొడ్యూసర్ ఏఎల్ విజయ్ ను 2014లో పెళ్లి చేసుకున్నారు. కానీ ప్రేమించి పెళ్లి చేసుకున్న ఈ జంట 2017లో విడాకులు తీసుకుని విడిపోయారు. ఆ సమయంలో అమలాపాల్ పై విమర్శలు గుప్పించారు.

Also Read: “నిజాలు రాయండి..!” అంటూ… “శేఖర్ మాస్టర్” కామెంట్స్..! ఏం జరిగిందంటే..?