Filmy Adda

డైరెక్టర్ అజయ్ భూపతి దర్శకత్వంలో పాయల్ రాజ్‌పుత్ తాజాగా నటించిన చిత్రం మంగళవారం. ఇటీవల విడుదలైన ఈ సినిమా సూపర్ హిట్ టాక్ ని సొంతం చేసుకున్న విషయం తెలిసిందే. ఈ మూవీని స్వాతి గుణుపాటి, సురేష్ వర్మ సంయుక్తంగా నిర్మించారు.

ఇందులో అజయ్ ఘోష్, నందిత శ్వేత, కృష్ణ చైతన్య, దివ్య పిళ్లై తదితరులు కీలక పాత్రల్లో కనిపించారు. ఈ మూవీకి అంజనీష్ లోక్‌నాథ్ సంగీతాన్ని అందించారు. ఈ సినిమా సూపర్ హిట్ అయినప్పటికీ కలెక్షన్ల విషయంలో మాత్రం కాస్త వెనకబడింది అని తెలుస్తోంది. ఇకపోతే ఈ సినిమా ఏ మేరకు కలెక్షన్ లను రాబట్టిందో ఇప్పుడు మనం తెలుసుకుందాం..

ఇండియాలోనే తొలిసారి భిన్నమైన కంటెంట్‌తో రూపొందిన మంగళవారం సినిమాపై మంచి హైప్ క్రియేట్ అయింది. దీంతో ఈ చిత్రం నైజాంలో రూ. 3.20 కోట్లు, ఆంధ్రప్రదేశ్, సీడెడ్ ఏరియాలను కలుపుకుని రూ. 7 కోట్లు, రెస్టాఫ్ ఇండియా, కర్నాటక, ఓవర్సీస్ ఏరియాల్లో కలిపి రూ. 2 కోట్లు బిజినెస్ చేసింది. ఇలా ప్రపంచ వ్యాప్తంగా దీనికి రూ. 12.20 కోట్లు బిజినెస్ అయింది. కాగా ఐదవ రోజు మంగళవారం సినిమా కలెక్షన్ల విషయానికి వస్తే… వీకెండ్‌లో కలెక్షన్లు భారీగా వచ్చాయి. కానీ, ఆ తర్వాతనే ఈ సినిమా క్రమంగా డౌన్ అవుతూ వస్తోంది. ముఖ్యంగా నాలుగు, ఐదు రోజుల్లో రెస్పాన్స్ బాగా తగ్గింది.

దీంతో పాయల్ రాజ్‌పుత్ నటించిన ఈ సినిమా తెలుగు రాష్ట్రాల్లో 5వ రోజు కేవలం రూ. 62 లక్షలు షేర్‌ మాత్రమే వసూలు అయింది. ఈ మూవీకి 5 రోజుల్లో తెలుగు రాష్ట్రాల్లో మంచి స్పందన వచ్చింది. ఫలితంగా నైజాంలో రూ. 2.80 కోట్లు, సీడెడ్‌లో రూ. 98 లక్షలు, ఉత్తరాంధ్రలో రూ. 78 లక్షలు, ఈస్ట్ గోదావరిలో రూ. 48 లక్షలు, వెస్ట్ గోదావరిలో రూ. 34 లక్షలు, గుంటూరులో రూ. 45 లక్షలు, కృష్ణాలో రూ. 28 లక్షలు, నెల్లూరులో రూ. 20 లక్షలతో కలిపి.. రూ. 6.31 కోట్లు షేర్, రూ. 11.05 కోట్లు గ్రాస్ వచ్చింది. ఇండియా ప్లస్ ఓవర్సీస్‌లో కలిసి ఐదు రోజుల్లో రూ. 85 లక్షలు షేర్ వచ్చింది. వీటితో కలుపుకుంటే ప్రపంచ వ్యాప్తంగా ఈ చిత్రం రూ. 7.16 కోట్లు షేర్, 13.05 కోట్లు రాబట్టింది. కాగా మంగళవారం మూవీ హిట్ అవ్వాలంటే మరో రూ. 5.84 కోట్లు షేర్ రాబట్టాలి.

హ్యాట్రిక్ హిట్స్ కొట్టిన డైరెక్టర్ హీరో కాంబినేషన్స్ లో ఒక కాంబినేషన్ స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్. జులాయి సినిమాతో మొదలైన వీరి ప్రయాణం, తర్వాత సన్నాఫ్ సత్యమూర్తి, ఆ తర్వాత అలవైకుంఠపురంలో సినిమాతో హ్యాట్రిక్ హిట్స్ కొట్టేలా సాగింది.

ఇప్పుడు వీళ్ళిద్దరి కాంబినేషన్ లో మరొక సినిమా వస్తున్నట్టు ప్రకటించారు. ఈ సినిమాకి సంబంధించి మిగిలిన విషయాలు ఏమీ తెలియదు. ఇప్పటికే వీళ్ళ కాంబినేషన్ హిట్ కాంబినేషన్ అవ్వడంతో అంచనాలు భారీగానే ఉన్నాయి.

పుష్ప సినిమాతో అల్లు అర్జున్ జాతీయ అవార్డు అందుకోవడం మాత్రమే కాకుండా జాతీయ స్థాయిలో అభిమానులను కూడా సంపాదించుకున్నారు. దాంతో ఈ సినిమా కూడా పాన్-ఇండియన్ సినిమాగానే విడుదల అవుతుంది. త్రివిక్రమ్ శ్రీనివాస్ మొదటి పాన్-ఇండియన్ సినిమా కూడా ఇదే అవుతుంది. దాంతో త్రివిక్రమ్ శ్రీనివాస్ పాన్ ఇండియన్ స్టైల్ లో తన సినిమాని ఎలా చూపించబోతున్నారు అని ఎదురు చూసే వాళ్లు కూడా ఉన్నారు.

అయితే పుష్ప 2 అయిన వెంటనే అల్లు అర్జున్, త్రివిక్రమ్ ఈ సినిమా మీద చర్చలు మొదలు పెడతారు అని సమాచారం. ఈ సినిమా తర్వాత అల్లు అర్జున్ సందీప్ రెడ్డి వంగా దర్శకత్వంలో కూడా మరొక సినిమాలో నటిస్తారు. అయితే అల్లు అర్జున్ అట్లీ దర్శకత్వంలో ఒక సినిమాలో నటిస్తారు అనే వార్తలు వచ్చాయి. మరి అది ఎంత వరకు నిజం అనేది తెలియదు. ప్రస్తుతం అయితే పుష్ప తర్వాత అల్లు అర్జున్ నటించబోయే 2 సినిమాల అధికారిక ప్రకటన అయ్యింది. వీటిలో మొదట త్రివిక్రమ్ దర్శకత్వంలో సినిమా వస్తే, ఆ తర్వాత సందీప్ రెడ్డి దర్శకత్వంలో సినిమా వస్తుంది.

ALSO READ : నాని నెక్స్ట్ సినిమా డైరెక్టర్ ఇతనేనా..? 2022 లో సూపర్ హిట్ కొట్టాడు..!

సినిమాకి సినిమాకి సంబంధం లేకుండా, డిఫరెంట్ కాన్సెప్ట్ ఉన్న సినిమాలు చేస్తున్న హీరోల్లో మొదటిగా గుర్తొచ్చే నటుడు నాని. తన సహజమైన నటనతో ఎంతో మంది అభిమానులను సంపాదించుకున్నారు.

ఇటీవల దసరా సినిమాతో హిట్ కొట్టిన నాని ఇప్పుడు హాయ్ నాన్న సినిమాతో ప్రేక్షకుల ముందుకి వస్తున్నారు. తండ్రి కూతుర్ల నేపథ్యంలో రూపొందుతున్న ఈ సినిమా డిసెంబర్ లో విడుదల అవుతోంది. నాని ఇప్పుడు ఈ సినిమా ప్రమోషన్స్ పనిలో బిజీగా ఉన్నారు.

అయితే ఇదంతా జరుగుతున్నప్పుడే నాని తన నెక్స్ట్ సినిమా వివేక్ ఆత్రేయతో అని ప్రకటించారు. ఈ సినిమా పేరు సరిపోదా శనివారం అని ప్రకటిస్తూ ఒక వీడియో కూడా విడుదల చేశారు. సినిమాకి సంబంధించిన టెక్నీషియన్స్ పేర్లు, నటుల పేర్లు ఇప్పటికే ప్రకటించారు. సినిమా షూటింగ్ మొదలవుతుంది. సూపర్ హీరో నేపథ్యంలో ఈ సినిమా రూపొందుతోంది అని అర్థం అవుతోంది. అయితే ఈ సినిమా తర్వాత నాని చేయబోయే సినిమా గురించి కూడా చర్చలు మొదలు అయ్యాయి.

నాని తన నెక్స్ట్ సినిమా శిబి చక్రవర్తితో చేస్తున్నట్టు సమాచారం. ఈ డైరెక్టర్ గత సంవత్సరం శివకార్తికేయన్ తో డాన్ సినిమా రూపొందించి హిట్ కొట్టారు. ఆ సినిమా తెలుగులో కాలేజ్ డాన్ పేరుతో విడుదల అయ్యి హిట్ టాక్ సంపాదించుకుంది. దాంతో నాని నెక్స్ట్ సినిమా ఈ డైరెక్టర్ తో చేస్తున్నారు అనంగానే అంచనాలు ఇంకా పెరిగాయి. ప్రస్తుతం అయితే నాని హాయ్ నాన్న సినిమా ప్రమోషన్స్ చేస్తూనే మరొక పక్క సరిపోదా శనివారం సినిమాకి కూడా సిద్ధం అవుతున్నారు. ఈ సినిమాలో ప్రియాంక అరుల్ మోహన్ హీరోయిన్ గా నటిస్తున్నారు. ఎస్ జె సూర్య ఈ సినిమాలో నెగిటివ్ పాత్రలో నటిస్తున్నారు.

ALSO READ : ఈ వ్యక్తుల గురించి తెలియకుండా మాట్లాడుతున్నారు..! ఇలా ఆలోచించడం అవివేకం ఏమో..?

చిరంజీవి హీరోగా నటిస్తున్న విశ్వంభర సినిమా షూటింగ్ ఇవాళ మొదలు పెట్టారు. బింబిసార సినిమాతో దర్శకుడిగా పరిచయం అయిన వశిష్ట ఈ సినిమాకి దర్శకత్వం వహిస్తున్నారు. మారేడుమిల్లి అడవుల్లో సినిమా షూటింగ్ మొదలు అయినట్టు సమాచారం.

ఈ సినిమా సోషల్ ఫాంటసీ నేపథ్యంలో రూపొందుతోంది. ఈ సినిమాకి ఎం.ఎం కీరవాణి సంగీత దర్శకత్వం వహిస్తున్నారు. అయితే సినిమాకి సంబంధించిన మిగిలిన నటీనటుల వివరాలు ఇంకా ప్రకటించాల్సి ఉంది. చాలా సంవత్సరాల క్రితం చిరంజీవి జగదేకవీరుడు అతిలోకసుందరి సినిమాలో నటించారు. ఈ సినిమా కూడా ఒక సోషియో ఫాంటసీ సినిమా.

ఇప్పుడు మళ్లీ చాలా సంవత్సరాల తర్వాత ఈ సినిమాతో ఆ సోషియో ఫాంటసీ జోనర్ సినిమాలో మళ్లీ నటిస్తున్నారు. ఈ సినిమాలో ముగ్గురు హీరోయిన్లు నటిస్తారు అని సమాచారం. వారి గురించి ఇప్పుడు పేర్ల పరిశీలన జరుగుతోంది. అందులో అనుష్క పేరు కూడా వినిపిస్తోంది. అనుష్క అంతకుముందు చిరంజీవి హీరోగా నటించిన స్టాలిన్ సినిమాలో ఒక స్పెషల్ సాంగ్ లో నటించారు. అంతే కాకుండా ఇటీవల వచ్చిన సైరా నరసింహారెడ్డి సినిమాలో అనుష్క ఒక ముఖ్య పాత్రలో నటించారు. కానీ చిరంజీవి, అనుష్క కలిసి ఒక సినిమా చేయలేదు. ఇప్పుడు ఈ సినిమా చేస్తే వీరిద్దరి కాంబినేషన్ లో వచ్చే మొదటి సినిమా ఇదే అవుతుంది.

ALSO READ : హాయ్ నాన్న సెన్సార్ టాక్..! సినిమా ఎలా ఉందంటే..?