Category:

Filmy Adda

41 ఏళ్ల “అల్లు అర్జున్” పక్కన హీరోయిన్ గా… 40 ఏళ్ల హీరోయిన్..! ఎవరంటే..?

by Mounika Singaluri November 23, 2023

written by Mounika Singaluri

ఐకాన్ స్టార్ అల్లు అర్జున్ పుష్ప సినిమాతో పాన్ ఇండియా హీరో అయిపోయారు.పుష్ప సినిమా ఇండియా వైడే కాకుండా వరల్డ్ వైడ్ గుర్తింపు సంపాదించుకుంది. ఇప్పుడు పుష్ప పార్ట్ 2 సినిమాలో నటిస్తున్నారు. ఈ సినిమాని భారీ లెవెల్లో తరికెక్కించడం జరుగుతుంది. మైత్రి మూవీస్ నిర్మాణ సారధ్యలో సుకుమార్ ఈ సినిమా డైరెక్ట్ చేస్తున్నారు.

పార్ట్ వన్ క్రియేట్ చేసిన అంచనాలను అందుకునే విధంగా పార్ట్ 2 ని భారీ బడ్జెట్ తో తెరెకెక్కిస్తున్నారు. ఈ సినిమా 2024 ఆగస్టు 15న విడుదల కానుంది. పుష్ప సినిమాలో నటనకు గాను అల్లు అర్జున్ జాతీయ అవార్డు అందుకున్న సంగతి కూడా తెలిసిందే.

ఇప్పుడు అల్లు అర్జున్ నెక్స్ట్ సినిమాలో 40 ఏళ్ల హీరోయిన్ ని తీసుకుంటున్నారనే వార్త ఇండస్ట్రీ లో చక్కర్లు కొడుతోంది. ఈ సినిమాని త్రివిక్రమ్ డైరక్ట్ చేయనున్నారట. ఇప్పటికే త్రివిక్రమ్ అల్లు అర్జున్ కాంబినేషన్ లో మూడు చిత్రాలు వచ్చాయి. అవి మూడు కూడా సూపర్ హిట్ గా నిలిచాయి. మొదటి సినిమా జులాయి, తర్వాత వచ్చిన సన్నాఫ్ సత్యమూర్తి, తాజాగా వచ్చిన అల వైకుంఠపురంలో చిత్రాలతో వీరిది సక్సెస్ఫుల్ కాంబినేషన్ గా నిలిచింది. ఇప్పుడు నాలుగోసారి వీళ్ళిద్దరి కాంబినేషన్ లో ఇంకో సినిమా రానున్నట్లు ఇప్పటికే అనౌన్స్మెంట్ కూడా వచ్చింది. గీత ఆర్ట్స్, హారిక అండ్ హాసిని బానర్స్ ఈ సినిమాని 300 కోట్ల రూపాయల బడ్జెట్ తో నిర్మించనున్నారట.

పిరియాడిక్ మూవీగా దీని తరికెక్కిస్తున్నట్లు సమాచారం. ఈ సినిమాలో అల్లు అర్జున్ పక్కన త్రిష హీరోయిన్ గా తీసుకొనున్నారని టాక్ వినపిస్తోంది. అల్లు అర్జున్ వయసు 41 సంవత్సరాలు, త్రిష వయసు 40 సంవత్సరాలు. కథ పరంగా త్రిష అయితే బాగుంటుందని త్రివిక్రమ్ అనుకుంటున్నారట. అయితే అల్లు అర్జున్ త్రిష కాంబినేషన్ ఎంతవరకు సెట్ అవుతుంది, ఫ్యాన్స్ ఎంతవరకు అంగీకరిస్తారు అనేది వేచి చూడాలి.త్రివిక్రమ్ డైరెక్షన్ లో వచ్చిన అతడు సినిమాలో త్రిష హీరోయిన్ గా నటించిన సంగతి తెలిసిందే.

Also Read:కొడుకు ఆడిన ఒకే ఒక్క అబద్ధం… ఈ మహిళ జీవితాన్నే మార్చేసింది..! భర్త తనని కొట్టడంతో..?

November 23, 2023

Filmy Adda

ఈ వ్యక్తుల గురించి తెలియకుండా మాట్లాడుతున్నారు..! ఇలా ఆలోచించడం అవివేకం ఏమో..?

by Mohana Priya November 22, 2023

written by Mohana Priya

మన హీరోలు అంటే మనకి అభిమానం ఉండడం సహజమే. కానీ, మన హీరోల మీద అభిమానంతో ఇంకొక హీరోని తక్కువ చేసి మాట్లాడడం మాత్రం తప్పు. ఇటీవల కాలంలో ఇలాంటివి చాలా ఎక్కువ అయ్యాయి. మా హీరో తోపు అని అనడం బాగానే ఉంటుంది.

మీ హీరో మాత్రం దేనికి పనికిరాడు అనడం మాత్రం కాస్త అతిగా అనిపిస్తుంది. ఇటీవల ఒక పెద్ద తెలుగు హీరో, ఇంకొక పెద్ద హిందీ హీరో మధ్య కాంపిటీషన్ ఎక్కువ అవ్వడంతో ఈ పెద్ద తెలుగు హీరో ఫ్యాన్స్ హిందీ హీరోని ఇష్టం వచ్చినట్టు తిడుతున్నారు.

ఆ హీరోలు ఎవరో పేర్లు చెప్పకుండానే చాలా మందికి అర్థం అయిపోయి ఉంటుంది. వాళ్లే. బాహుబలి తర్వాత ప్రభాస్ భారతదేశ వ్యాప్తంగా చాలా ఫేమస్ అయ్యారు. ఒకరకంగా చెప్పాలి అంటే తెలుగు సినిమాని అంతర్జాతీయంగా గుర్తింపు పొందేలా చేయడంలో ప్రభాస్ పాత్ర కూడా కొంతమేరకు ఉంది. ఇందులో ఎటువంటి సందేహం లేదు. బాహుబలి తర్వాత ప్రభాస్ నటించిన మూడు సినిమాలు కూడా అంచనాలని అందుకోలేకపోయాయి. అయినా కూడా ప్రభాస్ నెక్స్ట్ సినిమాలకి చాలా ఎక్కువ డిమాండ్ ఉంది.

ఇప్పుడు ప్రభాస్ హీరోగా ప్రశాంత్ నీల్ దర్శకత్వంలో వస్తున్న సలార్ సినిమా మీద భారీగా అంచనాలు ఉన్నాయి. ఈ సినిమా కూడా రెండు భాగాలుగా విడుదల అవుతుంది. ఇందులో అంచనాలు ఎక్కువగా ఉండడానికి మొదటి కారణం ప్రభాస్ అయితే, మరొక కారణం ప్రశాంత్ నీల్. అయితే సెప్టెంబర్ లో రిలీజ్ అవ్వాల్సిన ఈ సినిమా వాయిదా పడి డిసెంబర్ లో విడుదల అవుతోంది. కానీ డిసెంబర్ కి చాలా నెలల ముందే షారుఖ్ ఖాన్ హీరోగా నటించిన డంకీ సినిమా విడుదల అవుతుంది అని ప్రకటించారు. అయితే ఇప్పుడు సలార్ కూడా దగ్గర దగ్గర అదే సమయంలో రిలీజ్ అవుతోంది.

సలార్ డేట్ మారే అవకాశం లేదు. అయితే, సడన్ గా డేట్ మార్చిన సలార్ టీం తగ్గనప్పుడు, డిసెంబర్ లో సినిమా రిలీజ్ అవుతుంది అని ఎప్పుడో చెప్పిన డంకీ టీం మాత్రం ఎందుకు తగ్గుతుంది? వీళ్లు కూడా చెప్పిన డేట్ కి వస్తాం అని చెప్పారు. దాంతో ప్రభాస్ అభిమానులు షారుఖ్ ఖాన్ మీద ట్రోలింగ్ చేయడం మొదలు పెట్టారు. ఇప్పటికే, డంకీ కి సంబంధించి ఒక చిన్న టీజర్, అలాగే ఒక పాట విడుదల చేశారు. టీజర్ బాగుంది. కానీ పాట మాత్రం అంత గొప్పగా ఏమీ లేదు. దాంతో, ” మా డైనోసార్ వస్తే, మీ డాంకీ (డంకీ) పక్కకి తప్పుకోవాల్సిందే. మర్యాదగా సినిమా రిలీజ్ డేట్ వాయిదా వేసుకుంటే మీకే మంచిది” అంటూ కామెంట్స్ చేయడం మొదలు పెట్టారు.

కానీ ఇక్కడ ప్రభాస్ మీద అభిమానం వల్ల ఏమో కానీ, లేదా తెలుగు సినిమా అనే భాషాభిమానం వల్ల ఏమో కానీ, ఒక విషయాన్ని మర్చిపోతున్నారు. బాలీవుడ్ లో గొప్ప సినిమాలు రావు, కలెక్షన్స్ రావు, బాలీవుడ్ పని అయిపోతోంది అని అనుకునే సమయానికి పఠాన్ సినిమాతో ఒక్క సారిగా మళ్లీ బాలీవుడ్ కి పూర్వ వైభవాన్ని తీసుకొచ్చిన నటుడు షారుఖ్ ఖాన్. ఈ సినిమా తెలుగు, తమిళ్ భాషల్లో కూడా విడుదల అయ్యి కలెక్షన్స్ సాధించింది. భారతీయ సినిమా ఇండస్ట్రీలో సూపర్ స్టార్స్ అనే ప్రస్తావన వస్తే మొదటి అయిదు హీరోల్లో ఉండే వ్యక్తి షారుఖ్ ఖాన్.

ఇటీవల వచ్చిన రొటీన్ స్టోరీ ఉన్న జవాన్ సినిమాతోనే 1000 కోట్లు కొట్టారు. ఇంత రొటీన్ సినిమాని డబ్బింగ్ లో చూసి తమిళ్, తెలుగు ప్రేక్షకులు కూడా ఆదరించారు. అందుకే అంత కలెక్షన్స్ వచ్చాయి. అలాంటి వ్యక్తిని ఇంత తక్కువ అంచనా ఎలా వేస్తున్నారు? ఇంక ఇప్పుడు ఈ సినిమా టీజర్, పాటల సంగతి అంటారా? సినిమాకి దర్శకుడు రాజ్‌కుమార్ హిరానీ. అంతకు ముందు మున్నాభాయ్ ఎంబిబిఎస్, లగే రహో మున్నాభాయ్, త్రీ ఇడియట్స్, పీకే వంటి సినిమాలు రూపొందించారు.

ఈ సినిమాల ట్రైలర్ కానీ, లేదా సినిమాకి సంబంధించి విడుదల చేసిన ప్రోమో కానీ సినిమా గురించి పెద్దగా ఆసక్తి క్రియేట్ చేయకుండానే ఉన్నాయి. పీకే సినిమా విషయానికి వస్తే అమీర్ ఖాన్ ఒక ఏలియన్ అని మాత్రమే చూపించారు. కానీ సినిమాకి వెళ్లి చూసిన తర్వాత ఎన్నో ఎమోషనల్ అంశాలని ఈ సినిమాలో మాట్లాడారు. ఆయన సినిమాలు అన్నీ ఇలాగే ఉంటాయి. పైన చెప్పిన నాలుగు సినిమాల్లో మూడు సినిమాలు సౌత్ లో రీమేక్ చేశారు.

అందులో ఒక సినిమా మెగాస్టార్ చిరంజీవికి గుర్తుండిపోయే సినిమాల్లో ఒకటిగా నిలిచింది. ఇంకొక విషయం ఏమిటంటే మన ప్రభాస్ కి ఫేవరెట్ డైరెక్టర్ కూడా ఈయనే. చాలా మంది, “ఏ నమ్మకంతో ప్రభాస్ సినిమాకి పోటీగా మీ సినిమా విడుదల చేస్తున్నారు?” అని కామెంట్స్ చేస్తున్నారు. హీరో, డైరెక్టర్ పాత రికార్డుల గురించి మర్చిపోయి మాట్లాడుతున్నారు ఏమో. ఒకరు తక్కువ అంచనా వేసిన ప్రతిసారి తనని తాను నిరూపించుకొని, తన స్థానాన్ని ఎవరు భర్తీ చేయలేరు అని తన సినిమాలతో పదే పదే చెప్తున్న హీరో. మరొకరు స్ట్రాంగ్ కంటెంట్ కి పెట్టింది పేరు అయిన డైరెక్టర్.

తన సినిమాలతో ప్రతి సారి ప్రేక్షకులని ఆశ్చర్యానికి గురి చేస్తూ ఉంటారు. కంటతడి పెట్టించే ఎన్నో ఎమోషన్స్ ని తెర మీద చూపిస్తారు. ఇద్దరికీ తమకంటూ ఒక స్పెషాలిటీ ఉంది. ఈ నమ్మకం చాలదా సినిమా విడుదల చేసుకోవడానికి? మన సినిమాని మనం పొగుడుతున్నాం అంటే సరే. కానీ అవతల పక్క ఉన్న స్టార్ హీరో సినిమాని తక్కువ చేసి మాట్లాడడం అనేది మన అవివేకం అవుతుంది ఏమో. చెప్పలేం. ఎమోషన్ బాగా పండితే ఈ సినిమాకి కూడా అంతే మంచి రెస్పాన్స్ వస్తుంది ఏమో.

ALSO READ : మా ప్రభాస్ సినిమాని ఇలా చేశారు ఏంటయ్యా..? హిందీ ఛత్రపతి సినిమాలో ఈ సీన్ చూస్తే నవ్వు ఆపుకోలేరు..?

November 22, 2023

“లక్ష్మీ పార్వతి వల్ల మంచి జరగలేదు..! మా ఫ్యామిలీలోకి ఒక శని వచ్చింది” అంటూ… “నందమూరి చైతన్య కృష్ణ” కామెంట్స్..!

by Mounika Singaluri November 22, 2023

written by Mounika Singaluri

నందమూరి తారక రామారావు కుటుంబం నుంచి ఎంతోమంది హీరోలు తెలుగు సినిమా ఇండస్ట్రీలోకి అడుగు పెట్టారు. నందమూరి హరికృష్ణ, నందమూరి బాలకృష్ణ, నందమూరి కళ్యాణ్ రామ్, జూనియర్ ఎన్టీఆర్, తారకరత్న ఎలా ప్రతి ఒక్కరు… ఎవరికి తగ్గ ఇమేజ్ ను వారు క్రియేట్ చేసుకొని ఆడియన్స్ ను అలరిస్తూ ఉంటారు.

అయితే నందమూరి వంశం నుండి మరో హీరో తెలుగు సినిమా ఇండస్ట్రీలోకి అడుగుపెడుతున్నారు… ఆయనే నందమూరి చైతన్య కృష్ణ.ఈయన గతంలో 2003లో ధమ్ అనే సినిమా తో ఇండస్ట్రీలో అడుగు పెట్టగా ఆ సినిమా సరిగ్గా ఆడలేదు. తర్వాత 20 ఏళ్ళు గ్యాప్ తీసుకుని మళ్ళీ ఇప్పుడు కెమెరా ముందుకు వచ్చారు.

ఇప్పుడు బ్రీత్ అనే సినిమా తోటి మళ్ళీ ఆడియన్స్ అలరించడానికి సిద్ధమయ్యారు.తాజాగా ఈ సినిమా ప్రమోషన్స్ లో భాగంగా పలు ఇంటర్వ్యూలు ఇచ్చారు. వంశీకృష్ణ ఆకెళ్ళ దర్శకత్వంలో బ్రీత్ సినిమా రాబోతుంది.ఈ సినిమాని ఆయన తండ్రి జయ కృష్ణా స్వయంగా నిర్మించారు.ప్రమోషన్స్ లో ఒక ఛానెల్‌కు ఇంటర్వ్యూ ఇచ్చిన చైతన్య కృష్ణ.. ఎన్టీఆర్‌ను చంద్రబాబు వెన్నుపోటు పొడిచారనే ఆరోపణలు, లక్ష్మీ పార్వతిని ఇబ్బంది పెట్టారనే కామెంట్ల గురించి మాట్లాడారు. ‘అనకూడదు కానీ..లక్ష్మీ పార్వతి రావడం వల్ల మాకు మంచి జరగలేదు. ప్రతిదానిలో ఇంటర్‌ఫియర్ అవుతుంది తను. ఆ సమయంలో పార్టీని లాగేసుకునే పనిలో ఉంది. అనకూడదు కానీ.. మా ఫ్యామిలీలోకి ఒక శని వచ్చింది. నేను డైరెక్ట్‌గా చెప్తాను.

It's Legal. Not a Backstab.

లక్ష్మీ పార్వతి మా కుటుంబంలోకి వచ్చిన శని. #Breathe ప్రీ రిలీజ్ ఈవెంట్ కి మా నందమూరి కుటుంబాన్ని మొత్తాన్ని పిలుస్తున్నా.

చంద్రబాబు మావయ్య తర్వాత బాల బాబాయ్ ఆ తర్వాత లోకేష్ సీఎంలు అవుతారు.

▶️ https://t.co/Jmvjol862t

Watch Gulte Exclusive… pic.twitter.com/CK6AWkqfDW

— Gulte (@GulteOfficial) November 21, 2023

చాలా మంది మావయ్య చంద్రబాబు మీద కామెంట్లు చేస్తున్నారు. అవి నిజం కాదు. పార్టీని కాపాడడానికి అప్పుడు చంద్రబాబు నాయుడు మావయ్య ఈ నిర్ణయం తీసుకున్నారు.అది వెన్నుపోటు కాదు అని అన్నారు.ఆయనే కాదు.. మొత్తం ఫ్యామిలీ ఈ నిర్ణయం తీసుకున్నారు. మా బాబాయ్‌లు బాలకృష్ణ, హరికృష్ణ, వెంకటేశ్వరరావు మావయ్య ఈ నిర్ణయం తీసుకున్నారు’ అని తెలుగుదేశం పార్టీని ఎన్టీఆర్ నుంచి చంద్రబాబు టేకోవర్ చేసుకోవడంపై చైతన్య కృష్ణ వ్యాఖ్యానించారు.

watch video :

Also Read:ఈ నటి చెప్పింది బాలకృష్ణ సినిమా గురించేనా… రూమ్ కి వెళ్ళను అనడంతో..? అసలు విషయం ఏంటంటే..?

November 22, 2023

Filmy Adda

మా ప్రభాస్ సినిమాని ఇలా చేశారు ఏంటయ్యా..? హిందీ ఛత్రపతి సినిమాలో ఈ సీన్ చూస్తే నవ్వు ఆపుకోలేరు..?

by Mounika Singaluri November 22, 2023

written by Mounika Singaluri

దర్శక ధీరుడు ఎస్ఎస్ రాజమౌళి డైరెక్షన్ లో బాహుబలి ప్రభాస్ నటించిన ఛత్రపతి చిత్రం తెలుగులో ఎంత పెద్ద హిట్ అయిందో అందరికీ తెలిసిందే. ప్రభాస్ కి స్టార్ స్టేటస్ తీసుకొచ్చిన సినిమా ఛత్రపతి.ఈ సినిమాలో శ్రియ శరణ్ హీరోయిన్ గా నటించింది.ఈ సినిమాలో మాస్ ఎలివేషన్స్ ప్రభాస్ ఫ్యాన్స్ కి పునకాలు తెప్పించాయి. ఎంఎం కీరవాణి సంగీతం ఈ సినిమాకి ప్రధాన బలంగా నిలిచింది.

అయితే ఈ సినిమాని చాలా సంవత్సరాల తర్వాత బాలీవుడ్ రీమెక్ చేశారు. అయితే ఈ చిత్రాన్ని హిందీలో రూపొందించిన కూడా ఇందులో నటించింది తెలుగు హీరో బెల్లంకొండ సాయి శ్రీనివాస్. ఈ సినిమాను డైరెక్ట్ చేసింది తెలుగు దర్శకుడు వివి వినాయక్. పెన్ మూవీస్ బ్యానర్ పైన ఈ సినిమాని నిర్మించారు.

భారీ అంచనాల నడుమ ఈ సినిమా బాలీవుడ్ లో రిలీజ్ అయింది. బాలీవుడ్ లో కూడా ఛత్రపతి పేరుతోనే ఈ సినిమాని విడుదల చేశారు. అయితే ఎవరు ఊహించని విధంగా ఈ సినిమా బాలీవుడ్ లో డిజాస్టర్ గా మిగిలింది.అయితే ఇప్పుడు ఈ సినిమాలో ఒక సీన్ ను ఇంటర్నెట్ లో బాగా ట్రోల్ చేస్తున్నారు. ఛత్రపతి లో పిల్లాడిని విలన్ కొట్టి దగ్గరికి ఎవరిని రానివ్వకుండా భయపెట్టే సందర్భంలో ప్రభాస్ ఒక్క అడుగు ముందుకేసి ఆ విలన్ ను కొట్టి చంపి పిల్లాడిని కాపాడతాడు. అదే సీన్ హిందీ చత్రపతి లో కూడా సేమ్ డిటో తీసేసారు. అయితే ఇప్పుడు ఆ సీన్ ఎవరు బాగా చేశారు అంటూ కంపేరిజన్ లు మొదలు పెడుతున్నారు.

ప్రభాస్ ఒక్క రేంజ్ లో చేస్తే బెల్లం బాబు మాత్రం అంచనాలని అందుకోలేదు అని ట్రోల్ చేస్తున్నారు. ఇక్కడ గమనించాల్సిన విషయం ఏంటంటే ఈ రెండు సినిమాల్లో యాక్ట్ చేసింది తెలుగు హీరోలే… ప్రభాస్ ని ఇక్కడ తెలుగు ఆడియోస్ కి తగ్గట్టు యాక్ట్ చేయిస్తే అక్కడ బెల్లంకొండ ని హిందీ ఆడియోస్ కి తగ్గట్టు యాక్ట్ చేయించారు.. హిందీ చత్రపతి ఫ్లాప్ అయిన కూడా బెల్లంకొండ శ్రీనివాస్ కష్టపడి ఆ సినిమాలో మంచి ప్రదర్శన కనబరిచాడు. ప్రభాస్ తో పోల్చకూడదు కానీ తన పరిధి మేరకు బాగా నటించాడు.

Watch Video:

Hey what is this man 😵😭#Chatrapathi #Chatrapathi4K #Prabhas pic.twitter.com/WSbi1IUm1b

— 𝙐𝙨𝙩𝙝𝙖𝙖𝙙🔥ᵖˢᵖᵏ𝙘𝙪𝙡𝙩🦅 (@USTHAAD_PK_CULT) November 21, 2023

ALSO READ : కోట బొమ్మాళి పిఎస్ మూవీ సెన్సార్ టాక్… హిట్ కొట్టేలా కనిపిస్తుంది..

November 22, 2023

Filmy Adda

Mangalvaram Movie Actress: మంగళవారం సినిమాలో హీరోయిన్ కంటే ఈ అమ్మాయే హైలైట్ అయ్యింది..! ఎవరంటే..?

by Mounika Singaluri November 22, 2023

written by Mounika Singaluri

ఆర్ఎక్స్ 100 మూవీ దర్శకుడు అజయ్ భూపతి దర్శకత్వంలో వచ్చిన తాజా మూవీ మంగళవారం. ఆర్ఎక్స్ 100 హీరోయిన్ పాయల్ రాజపుత్ మెయిన్ లీడ్ గా ఈ సినిమా వచ్చింది. గత శుక్రవారం రిలీజ్ అయిన ఈ సినిమా మంచి టాక్ ను సొంతం చేసుకుంది. పోటీగా పెద్ద సినిమాలు ఏమీ లేకపోవడంతో మంగళవారానికి బాగా కలిసి వచ్చింది. శని ఆదివారంలో డీసెంట్ కలెక్షన్స్ వచ్చాయని ట్రేడ్ వర్గాలు చెబుతున్నాయి.

ఇప్పటివరకు ఎవరు టచ్ అయిన పాయింట్ తో డైరెక్టర్ అజయ్ భూపతి ఈ మూవీని తెరికెక్కించాడు. పాయల్ రాజ్ పుత్ కూడా అద్భుతంగా పెర్ఫామ్ చేయడంతో సినిమా లాంగ్ రన్ లో మంచి హిట్ అయ్యే అవకాశాలు కనిపిస్తున్నాయి. నిజానికి ఇలాంటి పాత్రలు చేయాలంటే చాలా గట్స్ కావాలి.

కానీ పాయల్ మాత్రం ఈ పాత్రను ఒప్పుకోవడమే కాకుండా తన పెర్ఫామెన్స్ తో ప్రేక్షకులను బాగా అలరించింది.పాయల్ తో పాటు ఈ సినిమాలో మరికొందరు యాక్టర్స్ మంచి నటన కనబరిచారు కానీ వాళ్లలో బాగా హైలైట్ అయింది మాత్రం జమీందారు భార్యగా నటించిన అమ్మాయి.

చూడడానికి చాలా అందంగా కనిపించే ఈ అమ్మాయి చివరిలో ఇచ్చిన ట్విస్ట్ అందరికీ మతిపోయింది.సినిమా చూసిన చాలామంది ఈ అమ్మాయి ఎవరు అంటూ సోషల్ మీడియాలో తెగ సెర్చ్ చేస్తున్నారు. దీంతో అమ్మాయికి సంబంధించిన కొన్ని డీటెయిల్స్ బయటికి వచ్చాయి.

Mangalvaram Movie Actress Divya

ఆమె పేరు దివ్య పిల్లై. ఆమె ఓ మలయాళీ నటి. మలయాళం లో చాలా సినిమాలు నటించింది. టివినో థామస్ కలా సినిమాలో హీరో భార్యగా నటించింది. మలయాళం తో పాటు తమిళ్ లో కూడా రెండు సినిమాలు చేసింది. ఇక తెలుగులో మంగళవారం సినిమా కంటే ముందు తగ్గేదేలే అనే మూవీలో నటించింది.

ఆ సినిమా ఎవరికి తెలియకపోవచ్చు కానీ ఆమె టాలెంటును గుర్తించి డైరెక్టర్ అజయ్ భూపతి మంగళవారం సినిమాలో మంచి అవకాశం ఇచ్చాడు. దీంతో ఆమె టాలెంట్ ను చూపించుకుంది అందరి దృష్టి ఆమెపై పడేలా చేసింది. రాబోయే రోజుల్లో టాలీవుడ్ లో ఈమెకి మంచి పాత్రలు దక్కే అవకాశం ఉంది.

Also Read:2 భాషల్లో రీమేక్… కానీ ఒరిజినల్ కి సాటి రాలేదు..! ఈ సినిమా చూశారా..?

November 22, 2023

Filmy Adda

ఈ నటి చెప్పింది బాలకృష్ణ సినిమా గురించేనా… రూమ్ కి వెళ్ళను అనడంతో..? అసలు విషయం ఏంటంటే..?

by Megha Varna November 22, 2023

written by Megha Varna

బిగ్ బాస్ తమిళ్ సీజన్ 7 లో ఇటీవల ఒక కంటెస్టెంట్ చేసిన కామెంట్స్ చర్చనీయాంశం అయ్యాయి. ఈ కామెంట్స్ కి, ఒక తెలుగు సినిమాకి కూడా సంబంధం ఉండడంతో ఇప్పుడు తెలుగులో కూడా ఈ విషయం గురించి మాట్లాడుకుంటున్నారు.

వివరాల్లోకి వెళితే, బిగ్ బాస్ లో విచిత్ర అనే ఒక నటి కంటెస్టెంట్ గా పాల్గొన్నారు. విచిత్ర తెలుగు, తమిళ్, మలయాళం సినిమాల్లో నటించారు. ఇటీవల బిగ్ బాస్ ప్రోగ్రాంలో భాగంగా తనకి ఒక సినిమా సందర్భంలో ఎదురైన సంఘటన గురించి చెప్పారు.

ఈ సంఘటన తర్వాత తనకి అవకాశాలు కూడా పెద్దగా రాలేదు అన్నారు. ఈ విషయం గురించి విచిత్ర మాట్లాడుతూ, “షూటింగ్ మొదటి రోజు హీరో నన్ను తన రూమ్ కి రమ్మన్నారు. నేను వెళ్ళను అని చెప్పాను. దాని తర్వాత నా రూమ్ డోర్ ఎవరో ఒకరు కొడుతూ ఉండేవారు. దీని వల్ల నేను రోజుకి ఒక రూమ్ మారాల్సి వచ్చేది. దాంతో నాకు స్పాట్ లో సినిమా టీం ఒక పాఠం నేర్పించాలి అనుకున్నారు.”

“ఒక సీన్ లో నేను ఒక గుంపుతో గొడవ పడాల్సి ఉంది. అందులో ఒకరు నన్ను ఇబ్బంది పడేలాగా ముట్టుకున్నారు. ఇది నేను స్టంట్ మాస్టర్ కి కంప్లైంట్ చేస్తే ఆ దర్శకుడు నన్ను అందరి ముందు కొట్టారు. కౌన్సిల్ కి చెప్పినా, ఇంకా ఎక్కడ చెప్పినా కూడా నాకు ఎటువంటి మద్దతు అందలేదు.” అని విచిత్ర చెప్పారు. విచిత్ర తమిళ్ సినిమాల్లో కూడా నటించడంతో ఇది తమిళ హీరో అని ఒక పుకారు మొదలయ్యింది.

కానీ విచిత్ర ఈ విషయం గురించి చెప్తూ తనకి తమిళ్ ఇండస్ట్రీలో అసలు ఇలాంటి సంఘటనలు ఎదురు అవ్వలేదు అన్నారు. దాంతో ఇది తెలుగు ఇండస్ట్రీలో విచిత్ర చేసిన సినిమా సమయంలోనే జరిగింది అని అన్నారు. ఈ సంఘటన 2001 లో జరిగింది అని విచిత్ర చెప్పినట్టు సమాచారం. అయితే 2001 లో విచిత్ర తెలుగులో భలేవాడివి బాసు అనే సినిమాలో నటించారు.

ఈ సినిమాలో బాలకృష్ణ హీరోగా నటించారు. బాలకృష్ణ కెరీర్ లో డిజాస్టర్ సినిమాల్లో ఒకటిగా ఈ సినిమా నిలిచింది. విచిత్ర చెప్పిన సీన్ కూడా ఈ సినిమాలో ఉంది. ఒక సీన్ లో విచిత్ర అంజలా జవేరితో పాటు కొంత మందిని రాళ్లు వేసి కొట్టి, తర్వాత ఒక గుంపు జనాలపై దాడి చేస్తారు. దాంతో విచిత్ర ఈ సినిమా గురించి చెప్పారు అంటూ కామెంట్స్ మొదలు అయ్యాయి.

watch video :

Part 2#BiggBossTamil7 pic.twitter.com/4xvobpj2CE

— Chin | Akash Fan Naanu (@chinspran) November 21, 2023

మరి ఇందులో ఎంత వరకు నిజం ఉంది అనేది మాత్రం తెలీదు. విచిత్ర ఈ సినిమా గురించి చెబుతూ దీని వివరాలు చెప్పాలి అనుకోవట్లేదు అని అన్నారు. దాంతో ఇవన్నీ ప్రస్తుతం ప్రశ్నలుగానే మిగిలిపోయాయి. కానీ విచిత్ర చెప్పిన చాలా విషయాలు ఈ సినిమాకి దగ్గరగా ఉండడంతో, అది కూడా తమిళ్ ఇండస్ట్రీలో తనకి ఇలాంటి సంఘటనలు ఎదురు అవ్వలేదు అని చెప్పడంతో తెలుగు సినిమా గురించే చెప్తున్నారు అంటూ వార్తలు వస్తున్నాయి.

watch video :

#Vichithra shares her personal bitter experience while shooting 20 years ago! I think vichitra specified that worst incident in this fight scene.
Hero: balakrishna
movie :Bhalevadivi Basu(Telugu) and Stunt master who slapped her was a.vijay #BiggBoss7Tamil #BiggBossTamil7 pic.twitter.com/PkCcICvvbY

— Vignesh (@Vignesh4cbe) November 21, 2023

ALSO READ : వామ్మో సునీల్ ఒక్కరోజు రెమ్యూనరేషన్ అంతా….! బాగా ఎక్కువ..!

November 22, 2023

Filmy Adda

ఇంత పెద్ద హీరో అయ్యుండి ఈ హీరోయిన్స్ గురించి ఇలా మాట్లాడారా..? ఇది ఎందుకు పట్టించుకోలేదు..?

by Mounika Singaluri November 21, 2023

written by Mounika Singaluri

దళపతి విజయ్ తమిళనాడులో సూపర్ స్టార్ వెలుగొందుతున్నాడు. తెలుగులో కూడా అతనికి మంచి క్రేజ్ ఉంది. ఆయన నటించిన ప్రతి సినిమా తెలుగులో రిలీజ్ అవుతూ ఉంటుంది. తాజాగా ఆయన నటించిన లియో సినిమా తెలుగులో కూడా మంచి రెస్పాన్స్ సొంతం చేసుకుంది. అయితే తాజాగా లియో సినిమాలో యాక్ట్ చేసిన నటుడు మన్సూర్ అలీ ఖాన్ త్రిషపై చేసిన కామెంట్లు బాగా వైరల్ అవుతున్నాయి.సినిమాలో త్రిషతో సీన్ చేసే అవకాశం వస్తుందేమో అని ఎదురు చూసా అన్నట్లు అతని మాటలు ఉన్నాయి.

దీనిపైన చాలామంది సినిమా ప్రముఖులు స్పందించారు. అలాగే త్రిష కూడా దీనిపైన స్పందించింది. అయితే ఇప్పుడు లియో సినిమాలో హీరో అయిన విజయ్ ఒకనాడు హీరోయిన్స్ జ్యోతిక, సిమ్రాన్ లపైన కూడా ఇదే విధమైన కామెంట్లు చేశారు అంటూ ఇప్పుడు ఆ టాపిక్ ను లేవనెత్తుతున్నారు.

విజయ వారసుడు సినిమాలో అన్నయ్యగా నటించిన శామ్ అందరికీ పరిచయమే. వీరు అంతకుముందు ఖుషి సినిమాలో కలిసి నటించారు. అందులో విజయ్ హీరోగా నటించగా శామ్ సైడ్ క్యారెక్టర్ చేశారు. అప్పుడు విజయ్ తో తనకి మంచి పరిచయం ఉందని గుర్తు చేసుకున్నారు. తర్వాత తాను హీరోగా మారినప్పుడు విజయ్ తో మాట్లాడాలని, తాను నటిస్తున్న సినిమాలో సిమ్రాన్, జ్యోతిక హీరోయిన్స్ గా నటిస్తుండగా దానిపై విజయ్ చేసిన కామెంట్లు గురించి ఒక యూట్యూబ్ ఛానెల్ కి ఇచ్చిన ఇంటర్వ్యూలో చెప్పారు. మొదటి సినిమాలోనే రెండు హార్సెస్ తో (గుర్రాలతో సవారి) చేస్తున్నావుగా అంటూ విజయ్ కామెంట్ చేసినట్లుగా చెప్పుకొచ్చారు.

Reason Why Jyotika didn’t mention that ape facer👍🏻cheap talks about co-stars like a third rated person👎🏻No wonder that his fans also doing family abuses constanly.!!

Like Star Like fans.! #Thunivu

pic.twitter.com/F3WV9iHrns https://t.co/Idgg7ob67X

— ♚Sᴀɴᴋᴀʀ♚ (@Sankar_sgd) December 7, 2022

ఇప్పుడు ఈ వీడియోని బాగా వైరల్ చేస్తున్నారు. లియో సినిమాలో చేసిన సాధారణ నటుడు ఒక కామెంట్ చేస్తే అందరూ విమర్శించారు కానీ సినిమాలోని హీరో ఇటువంటి కామెంట్లు చేస్తే ఎవరూ స్పందించరా అంటూ ప్రశ్నిస్తున్నారు. ఒకసారి జ్యోతిక కూడా ఒక ఇంటర్వ్యూలో కొంతమంది హీరోలతో నటించడం తనకి అంత కంఫర్ట్ గా ఉండదని చెప్పుకొచ్చింది. విజయ్ ని ఉద్దేశించే ఆ కామెంట్లు చేసిందని పలువురు ఆరోపిస్తున్నారు.

Watch Video:

ஜோதிகா,சிம்ரனு ரெண்டு குதிரையை ஓட்டிட்டு வரீயே யார்ரா நீ னு கேட்ட விஜய் அண்ணா- ஷாம். pic.twitter.com/IUH0GOswpt

— குருவியார் (@Kuruviyaaroffl) December 7, 2022

Also Read:“అల్లు అర్జున్” లో ఈ మార్పు ఎందుకు వచ్చింది..? దీనికి కారణం ఏంటి..?

November 21, 2023

Filmy Adda

కోట బొమ్మాళి పిఎస్ మూవీ సెన్సార్ టాక్… హిట్ కొట్టేలా కనిపిస్తుంది..

by Mounika Singaluri November 21, 2023

written by Mounika Singaluri

నవంబర్ 24 వ తారీఖున రిలీజ్ అయ్యే సినిమాల్లో మంచి బజ్ సినిమా కోట బొమ్మాళి పిఎస్. ఈ సినిమా మీద ఇంత బజ్ రావడానికి కారణం దీన్ని గీత ఆర్ట్స్ వారు నిర్మించడం అయితే, ఇంకొకటి లింగ్ లింగ్ లింగిడి సాంగ్ వైరల్ అవ్వడం. ముందు నుంచి ఈ సినిమా మీద మంచి ఎక్స్పెక్టేషన్స్ ఉన్నాయి. రాహుల్ విజయ్, శివాని రాజశేఖర్, శ్రీకాంత్ ప్రధాన పాత్రధారులుగా ఈ సినిమా తెరకెక్కింది. తేజ మార్ని ఈ సినిమాని డైరెక్ట్ చేశారు. శ్రీకాంత్ పాత్ర ఈ సినిమాకి హైలైట్ గా నిలుస్తుంది అని అంటున్నారు. ప్రముఖ నటుడు మురళీ శర్మ కూడా ఈ సినిమాలో కీలక పాత్ర పోషించారు.

తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ సభ్యుల నుండి మంచి రెస్పాన్స్ వచ్చినట్లు సినిమా బృందం తెలియజేసింది. ఈ సినిమాకు కనుక పాజిటివ్ టాక్ వస్తే మాత్రం సులువుగా బ్రేక్ ఈవెన్ అయ్యే ఛాన్సెస్ ఉన్నాయి.

ప్రేక్షకులకు సీట్ ఎడ్జ్ త్రిల్లింగ్ ఎక్స్పీరియన్స్ అందించడం ఖాయమని అభిప్రాయాలు వ్యక్తమవుతున్నాయి. ఇప్పటికే ఈ సినిమా నుండి విడుదలైన ప్రమోషనల్ కంటెంట్ ప్రేక్షకులను విపరీతంగా ఆకట్టుకుంది. దానికి తోడు సెన్సార్ సభ్యుల పాజిటివ్ రెస్పాన్స్ కూడా మరింత బలం చేకూర్చింది. రాజకీయాలకు పోలీసులకు జోక్యం ఉంటే ఎలా ఉంటుందో ఈ సినిమా అలా ఉంటుందని అంటున్నారు. తాజాగా ఎన్నికలకు సంబంధించి విడుదలైన సాంగ్ బాగా వైరల్ అవుతుంది. ఈ సినిమా నిర్మాత బన్నీ వాసు కూడా ఈ సినిమాని డిఫరెంట్ రేంజ్ లో ప్రమోట్ చేస్తున్నారు.

ప్రెస్ మీట్ లో మీడియా వారు సినిమా టీం ని ప్రశ్నలు అడగడం మామూలే కానీ దీనికి రివర్స్ గా మీడియాని సినిమా వాళ్లు ప్రశ్నలు అడిగితే ఎలా ఉంటుందో అంటూ ఒక కొత్త ఈవెంట్ కి ఈ సినిమా బృందం తెర తీసింది. అది కూడా బాగా క్లిక్ అయింది. ఏది ఏమైనా నవంబర్ 24న విడుదలవుతున్న చిత్రాల్లో కోట బొమ్మాళి పిఎస్ హిట్ అయిపోతుంది అని సినీ వర్గాలు కూడా చెబుతున్నాయి. ఫిలింనగర్ సర్కిల్ లో కూడా ఈ సినిమా మీద మంచి ఎక్స్పెక్టేషన్స్ ఉన్నాయి. ఇది మలయాళం మూవీ కి రీమేక్ గా తెరకెక్కుతున్న సంగతి తెలిసిందే.

Also Read:“వాళ్లే నాకు క్షమాపణ చెప్పాలి..! కొంచెం కూడా తెలివి లేదా..?” అంటూ… “త్రిష” విషయంపై మన్సూర్ అలీ ఖాన్ కామెంట్స్.

November 21, 2023

Filmy Adda

వామ్మో సునీల్ ఒక్కరోజు రెమ్యూనరేషన్ అంతా….! బాగా ఎక్కువ..!

by Mounika Singaluri November 21, 2023

written by Mounika Singaluri

తెలుగులో టాప్ కమెడియన్ గా ఒకప్పుడు మంచి పాపులారిటీ సంపాదించుకున్న నటుడు సునీల్ ఒకడు. వందల చిత్రాల్లో కమీడియన్ గా తన నటనతో ప్రేక్షకులను అలరిస్తూ వచ్చాడు. ఇప్పటికీ కూడా సునీల్ పాత సినిమాల్లో కామెడీ అంటే పడి పడి నవ్వుతారు. తర్వాత హీరోగా మారాడు. అప్పుడు సునీల్ ఒక చిత్రానికి పది లక్షల రూపాయల రేంజ్ లో పారితోషకం తీసుకునే వాడట. ఆ తర్వాత హీరోగా ఎంట్రీ ఇవ్వడంతో కొన్ని సినిమాలు బాగా హిట్ అయ్యాయి.

తెలుగులో స్టార్ హీరోలు అందరి సినిమాల్లో సునీల్ కమెడియన్ గా నటించారు. త్రివిక్రమ్ సునీల్ ఇద్దరూ మంచి స్నేహితులు అన్న సంగతి తెలిసిందే. త్రివిక్రమ్ రైటర్ గా పనిచేసిన ప్రతి చిత్రంలోని సునీల్ కి మంచి పాత్ర ఇచ్చేవారు. ఆ సినిమాలో పాత్రలు సునీల్ కి మరింత లైఫ్ ఇచ్చాయి.

అందాల రాముడు సినిమా తర్వాత కూడా కమిడియన్ గా చేశారు. అయితే రాజమౌళి తెరకెక్కించిన మర్యాద రామన్న సినిమాతో మరింత క్రేజ్ అందుకున్నాడు. ఆ తర్వాత కమీడియన్ గా మానేసి వరుస పెట్టి సినిమాల చేయడం మొదలుపెట్టాడు. పూలరంగడు సినిమాకి మూడు కోట్లు రూపాయల రెమ్యూనరేషన్ అందుకున్నాడు.ఆ తర్వాత సునీల్ నటించిన సినిమాలన్నీ వరుస పెట్టి ఫ్లాప్ అవడం మొదలుపెట్టాయి. తర్వాత కొంత గ్యాప్ ఇచ్చి మళ్ళీ కమెడియన్ గా రీఎంట్రీ ఇచ్చాడు. సునీల్ ని జనాలు మళ్ళీ కమీడియన్ గా యాక్సెప్ట్ చేయలేదు.

తర్వాత నెగిటివ్ పాత్రలు కూడా చేయడం మొదలుపెట్టాడు. కలర్ ఫోటో, పుష్ప సినిమాలు సునీల్ కి మంచి క్రేజ్ తీసుకొచ్చాయి. ప్రస్తుతం విలన్ గా మంచి మంచి సినిమాలు చేస్తున్న సునీల్ రోజుకి 6 లక్షల రూపాయలు తీసుకుంటున్నాడట. సునీల్ రెమ్యునిరేషన్ గురించి విన్న సినీవర్గాలు వారు, అభిమానులు ఆశ్చర్యం వ్యక్తం చేస్తున్నారు. తెలుగులో బిజీగా ఉంటూనే తమిళ్ సినిమాలు ఇతర భాషల సినిమాలు కూడా చేస్తున్నారు. రజనీకాంత్ జైలర్ సినిమాలో కూడా సునీల్ కి మంచి రోల్ దక్కింది.

Also Read:ఈ ఫోటోలో ఉన్న వ్యక్తి ఇప్పుడు 2 తెలుగు రాష్ట్రాల్లో ఫేమస్ అయ్యాడు..! ఎవరో తెలుసా..?

November 21, 2023

Filmy Adda

“ఇలాంటి సీన్ పెట్టడం అవసరమా..?” అంటూ… వైష్ణవ్ తేజ్ “ఆదికేశవ” ట్రైలర్‌పై కామెంట్స్..!

by Mounika Singaluri November 21, 2023

written by Mounika Singaluri

తెలుగు సినిమా ఇండస్ట్రీలో ఒక సినిమా రిలీజ్ అవుతుందంటే ట్రైలర్ తోటి పాటల తోటి బాగా హైప్ క్రియేట్ చేస్తూ ఉంటారు. ట్రైలర్ జనాల్లో ఎంత బాగా నానితే సినిమాకి అంత బాగా హైప్ పెరిగి సినిమాకి కలెక్షన్స్ పెరుగుతూ ఉంటాయి. ఇలా హైప్ క్రియేట్ చేయాలని మేకర్ చేసిన చాలా ప్రయత్నాలు ట్రోల్స్ కి కూడా గురైన సందర్భాలు ఉన్నాయి.

ఎంత ట్రోల్స్ వస్తే అంత మంచిదని మేకర్స్ కూడా ఫిక్స్ అయిపోయినట్టున్నారు. ట్రోలర్స్ కి మంచి మెటీరియల్ కూడా అందిస్తున్నారు. తాజాగా మెగా హీరో వైష్ణవ్ తేజ్ హీరోగా వస్తున్న చిత్రం ఆది కేశవ. సితార ఎంటర్టైన్మెంట్స్ బ్యానర్ పైన నిర్మాత నాగ వంశీ ఈ సినిమాను నిర్మిస్తున్నారు. త్రివిక్రమ్ భార్య సాయి సౌజన్య కూడా ఈ సినిమాలో నిర్మాణ భాగస్వామిగా ఉన్నారు.

శ్రీకాంత్ ఎన్ రెడ్డి ఈ సినిమాకి డైరెక్షన్ చేస్తున్నారు. ఈ సినిమాలో క్రేజీ హీరోయిన్ శ్రీలీల హీరోయిన్ గా నటిస్తుంది. తమిళ సెన్సేషన్ మ్యూజిక్ డైరెక్టర్ జీవీ ప్రకాష్ కుమార్ సంగీతం లో ఇప్పటికే విడుదలైన పాటలు మంచి హైప్ వచ్చాయి. అయితే తాజాగా ఈ సినిమా నుండి ట్రైలర్ విడుదల అయింది. సినిమా ట్రైలర్ అధ్యంతం ఎంటర్టైన్మెంట్ క్రియేట్ చేస్తూ ఉంది. మంచి కమర్షియల్ సినిమా అందిస్తున్నట్లు మేకర్స్ ఇప్పటికే తెలిపారు. కాకపోతే ఈ సినిమా ట్రైలర్ లాస్ట్ లో వచ్చిన ఒక షాట్ మాత్రం ట్రోల్స్ కి గురి అవుతుంది. హీరో సుత్తితో రాయిని కొట్టగా మంట పక్కన ఉన్న రౌడీ బాడీ కి అంటుకుంటుంది. ఆ మంటల్లో హీరో సిగరెట్ అంటించుకుని కాలుస్తాడు.

కేజిఎఫ్ సినిమాలో హీరో గన్ నుండి సిగరెట్ అంటించుకున్నాడు కదా, దాని నుండి ఇన్స్పిరేషన్ గా తీసుకున్నారా అంటూ కామెంట్లు పెడుతున్నారు.ఎలా వస్తాయి స్వామి ఇలాంటి ఐడియాలు అంటూ మరికొందరు కామెంట్లు పెడుతున్నారు. షారుఖ్ ఖాన్ నటించిన జవాన్ సినిమాలో కూడా ఇలాంటి సీనే బాగా ట్రోల్స్ కి గురైంది. ఏది ఏమైనా సినిమాకి ఇది ప్లస్ అయితే బానే ఉంటుంది.

Watch Trailer:

Also Read:యంగ్ హీరో రాజ్ తరుణ్ చేతులమీదుగా రాజా రవీంద్ర ప్రధాన పాత్రలో చేస్తున్న”సారంగాదరియా”మూవీ టైటిల్ & ఫస్ట్ లుక్ పోస్టర్ విడుదల

November 21, 2023

Newer Posts

Older Posts