Filmy Adda Page 150
Category:

Filmy Adda

Filmy Adda

పవన్ కళ్యాణ్ ఆ సినిమాకి రెమ్యూనరేషన్ ఎందుకు తిరిగిచ్చారు?

by Harika
written by Harika

పవన్ కళ్యాణ్ ఫ్యాన్ ఫాలోయింగ్ గురించి తెలిసిందే. ఆయన చేసిన మంచి పనులకే చాలామంది ఆయనకు అభిమానులు అయిపోయారు.

అయితే పవర్ స్టార్ మరోసారి తన మంచి మనసు చాటు కున్నారు. తనకు ఇచ్చిన రెమ్యునరేషన్ తిరిగి వెనక్కి ఇచ్చేశారు.

పవర్ స్టార్ పవన్ కళ్యాణ్ .. ఓ వైపు సినిమాలు.. మరోవైపు రాజకీయాలతో ఫుల్ బిజీగా మారారు. పవన్ కళ్యాణ్ ప్రస్తుతం పలు సినిమాల్లో కూడా నటిస్తున్నారు.అయితే ఎన్నికల వేళ కావడంతో ఆయన సినిమాలకు బ్రేక్ ఇచ్చారు.ప్రస్తుతం పవన్ హరిష్ శంకర్ తో ఉస్తాద్ భగత్ సింగ్ అనే సినిమా చేస్తున్నాడు. అటు సుజిత్‌తో కలిసి ఓజీ సినిమా కూడా చేస్తున్న విషయం తెలిసిందే. ఈ రెండు సినిమాలు సెట్స్ పై ఉన్నాయి.

అయితే తాజాగా పవన్ కళ్యాణ్ మరోసారి తన రెమ్యునరేషన్ వెనక్కి ఇచ్చేశారన్న వార్తలు వైరల్ అవుతున్నాయి.రీసెంట్ గా ఆయన సినిమా చేస్తున్న ప్రొడ్యూసర్ కి డబ్బులు అవసరం ఉంటే పవన్ కళ్యాణ్ తీసుకున్న రెమ్యునరేషన్ ని మళ్లీ వెనక్కి ఇచ్చేసినట్టుగా తెలుస్తుంది.ఆ ప్రొడ్యూసర్ మరెవరో కాదు.హరి హర వీర మల్లు సినిమా ప్రొడ్యూసర్ ఏంఏ రత్నం.


ఆయనకు కొన్ని అనివార్య కారణాల వల్ల డబ్బులు అవసరం పడితే ఎవరిని అడగాలో తెలియని పరిస్థితి లో ఉన్నప్పుడు ఆయనకి అవసరం ఉందని తెలుసుకున్న పవన్ రెమ్యునరేషన్ వెనక్కి ఇచ్చేశారని తెలుస్తుంది.తర్వాత తీసుకుంటానని.ఇప్పుడు మీకు అసవరం కాబట్టి మీరు తీసుకోండని పవన్ వారికి చెప్పినట్లుగా తెలుస్తుంది. ఆపదలో ఉన్నవారికి పవన్ తప్పకుండా ఆదుకుంటాడని చెప్పడానికి ఇదో మరో ఉదాహరణ అంటున్నారు ఆయన అభిమానులు.


పవన్ నటిస్తోన్న మరో సినిమా “హరిహర వీరమల్లు”. ఈ సినిమాకు క్రిష్ జాగర్లమూడి దర్శకుడు. ఈ సినిమాలో పవన్ కళ్యాణ్ మొదటిసారి ఒక వారియర్ లుక్‌లో కనిపించనున్నారు. పవన్ 52వ పుట్టినరోజు సందర్భంగా ఈ సినిమా నంచి ఓ మోషన్ మోస్టర్‌ను వదిలారు.భారీ బడ్జెట్‌తో వస్తున్న ఈ ప్యాన్ ఇండియా సినిమా ఇప్పటికే దాదాపు 65 శాతం షూటింగ్ పూర్తి చేసుకుంది.ఈ సినిమాలో పవన్ కళ్యాణ్ వ‌జ్రాల దొంగగా క‌నిపించ‌నున్నాడ‌ని అంటున్నారు.

పవర్ స్టార్ పవన్ కళ్యాణ్ అభిమానులు ఎంతో ఆతృతగా ఎదురు చూస్తున్న సినిమాలలో ఒకటి సుజీత్ దర్శకత్వంలో వస్తున్న సినిమా OG.ఇక్కడ మరో విషయం ఏమంటే దర్శకుడు సుజీత్ స్వయంగా పవన్ కళ్యాణ్‌కి వీరాభిమాని. దీంతో ఈ సినిమాపై అంచనాలు మరో రేంజ్‌లో ఉన్నాయి.

Filmy Adda

చిరంజీవి కంటే చంద్రమోహన్ కి పారితోషకం ఎక్కువ ఇచ్చేవారా…? ఎంత అంటే..?

by Harika
written by Harika

మెగాస్టార్ చిరంజీవి తెలుగు సినిమా ఇండస్ట్రీలో అగ్రస్థానంలో కొనసాగుతున్నారు. నాలుగు దశాబ్దాలుగా ఆయన స్థానం పదిలంగా ఉంది. ఆయన సహచర నటులుకైనా, కొత్తగా ఇండస్ట్రీలోకి అడుగుపెట్టే వారికైనా చిరంజీవి అంటే ఒక ఇన్స్పిరేషన్. అప్పటిలో చిరంజీవి చెయ్యని పాత్ర లేదు. నిర్మాతలు, దర్శకులు చిరంజీవి డేట్ ల కోసం క్యూ కట్టేవారు.

ఇండియాలోనే మొట్టమొదటిసారి కోటి రూపాయల పారితోషకం అందుకున్న ఏకైక స్టార్ హీరో చిరంజీవి. అలాంటిది మెగాస్టార్ చిరంజీవి కంటే కూడా నటుడు చంద్రమోహన్ ఎక్కువ పారితోషకం అందుకున్నాడని మీకు తెలుసా…?

memes on chiru waltair veerayya movie release..

ప్రముఖ నటుడు చంద్రమోహన్ ఇటీవల మరణించారు. చంద్రమోహన్ హీరోగా తెలుగు సినిమా ఇండస్ట్రీలోకి అడుగుపెట్టి  పలు హిట్ సినిమాలో నటించారు. తర్వాత ఎన్నో సినిమాల్లో క్యారెక్టర్ ఆర్టిస్ట్ గా నటించి మంచి మంచి పాత్రలు చేశారు. అయితే తాను ఒక సినిమాలో చిరంజీవి కంటే ఎక్కువ పారితోషకం అందుకున్నాను అని ఒక ఇంటర్వ్యు లో చెప్పారు. ప్రాణం ఖరీదు సినిమాలో చంద్రమోహన్, చిరంజీవి కలిసి నటించారు. అయితే అప్పటికే చంద్రమోహన్ చిరంజీవి కంటే సీనియర్. ఆ సినిమాలో చంద్రమోహన్ కి 25000 పారితోషకం ఇవ్వగా చిరంజీవికి 5000 మాత్రమే ఇచ్చారని తెలిపారు. అప్పటికి చిరంజీవి చాలా రఫ్ గా ఉండేవారని, తనలో ఏదో తపన కనిపించేదని అన్నారు.

చిరంజీవి చాలా పెద్ద నటుడు అవుతాడని అప్పుడే అనుకున్నట్లు చెప్పారు. చిరంజీవి డాన్సులు చూసి మంచి డాన్సర్ వచ్చారని ఇండస్ట్రీ మొత్తం అనుకుందని గుర్తు చేశారు.అయితే చంద్రమోహన్ చనిపోయినప్పుడు చిరంజీవి తనతో ఉన్న అనుబంధాన్ని గుర్తు చేసుకున్నారు. యావత్ తెలుగు సినిమా ఇండస్ట్రీ చంద్రమోహన్ మృతికి దిగ్బ్రాంతి వ్యక్తం చేసింది. ఆయన పార్థివ దేహాన్ని సందర్శించి నివాళి అర్పించారు. ప్రతిష్ట హీరో సినిమాలో చంద్రమోహన్ నటించారు. తండ్రి పాత్రలు అంటే గుర్తు వచ్చేది చంద్రమోహన్. మళ్లీ తెలుగు సినిమా ఇండస్ట్రీలో ఆయనను రీప్లేస్ చేసే నటుడు రాడు అని అభిమానులు చెబుతున్నారు.

 

Also Read:చంద్ర మోహన్ ఆస్తుల విలువ ఎంతో తెలిస్తే షాక్ అవ్వాల్సిందే..!

Filmy Adda

సూపర్ స్టార్ “కృష్ణ” చేయాల్సిన సినిమాని “చిరంజీవి” చేశారా..? ఆ సినిమా ఏది అంటే..?

by Harika
written by Harika

తెలుగు చిత్ర పరిశ్రమ స్థాయిని పెంచిన స్టార్స్ లో ఒక ముఖ్య పాత్ర పోషించారు సూపర్ స్టార్ కృష్ణ.ఇవాళ సూపర్ స్టార్ కృష్ణ గారి మొదటి వర్ధంతి సందర్భంగా సినిమా రంగానికి చెందిన వారు ఆయనతో ఉన్న అనుబంధాన్ని గుర్తు చేసుకున్నారు.

ఈ సందర్భంగా ఆయన చిత్రాల గురించి కొన్ని సంఘటలను కృష్ణ గారి పర్సనల్ మేకప్ మ్యాన్ మాధవ్ రావు పంచుకున్నారు.కౌబాయ్ తరహా చిత్రాలను ప్రేక్షకులకు అందించింది మొదటి తరం హీరో కృష్ణ గరే.ఇప్పటికి కౌబాయ్ పాత్రల గురించి వస్తే మొదట వచ్చే పేరు కృష్ణ గారిదే.

“ఆంధ్ర జేమ్స్ బాండ్”గా లక్షల అభిమానులను సంపాదించుకున్నారు కృష్ణ గారు.తనకు వచ్చిన అవకాశాలలో కొన్ని వేరే నటులను తీసుకోవాలని సలహా ఇచ్చేవారు అంట.అల ఆయన వదులుకున్న సినిమాల గురించి తాజాగా మాధవ్ రావు మాట్లాడారు. చిరంజీవి గారి కెరీర్ ని మలుపు తిప్పిన సినిమాలలో “ఖైదీ” ఒకటి.ఈ ఫిలిం స్క్రిప్ట్ మొదట కృష్ణ గారి దగ్గరకి వచ్చింది అంట. కానీ చిరంజీవిని తీసుకోవాలి అని అతను నృత్యం బాగా చేస్తారని కృష్ణ గారు సూచించారు అని మాధవ్ రావు చెప్పారు.

“ఖైదీ” సినిమా ఆ కాలం లో చిత్రం సంచలనం సృష్టించింది.దర్శకుడు A కోదండ రమి రెడ్డి గారు మంచి యాక్షన్ చిత్రంతో కృష్ణ గారి వద్దకు వచ్చారు.అది ఆంగ్ల చితమైన ఫస్ట్ బ్లడ్ చిత్రం ని ఆధారం గా తీసుకొని ఖైదీ చిత్రాన్ని రూపొందించారు.ఈ విధం గా యాక్షన్ సినిమాలలో మొదటి పేరు దర్శక నిర్మాతలకు గుర్తుకు వచ్చేది సూపర్ స్టార్ కృష్ణ గారిదే.

 

అలాగే రెబెల్ స్టార్ కృష్ణం రాజు గారు చేసిన “కటకటాల రుద్రయ్య” సినిమా కోసం ముందుగా దర్శక-నిర్మాతలు ముందుగా కృష్ణ గారి వద్దకే వచ్చారంట.కానీ కృష్ణం రాజు గారి అయితేనే ఈ చిత్రానికి బాగా సరిపోతారు అని తిరస్కరించారు అని తెలుస్తోంది.ఆ చిత్రం విడుదల అయ్యాక కృష్ణమ్ రాజు గారి నటనకు మంచి మార్కులు పడి, ప్రేక్షకులు థియేటర్ లో చూసి పొంగిపోయారు.

Filmy AddaOTT Releases

నాగచైతన్య ఫస్ట్ వెబ్ సిరీస్…..స్ట్రీమింగ్ డేట్ ఎప్పుడు అంటే…

by Harika
written by Harika

అక్కినేని నాగచైతన్య ఈ యువ హీరో ఎప్పటికప్పుడు వైవిధ్యమైన సబ్జెక్టులను ఎంచుకుంటూ ఆడియన్స్ ను  అలరిస్తూ ఉంటారు.హిట్లు ఫ్లాపులతో సంబంధం లేకుండా మంచి మంచి సినిమాలు చేస్తూ ఫ్యాన్స్ ను సంతోషపెడతారు.

అయితే ఇప్పుడు ప్రేక్షకులు అభిరుచికి తగ్గట్టుగా ఆయన కూడా ఓటిటి కంటెంట్  బాట పట్టారు.ఆయన నటించిన తొలి వెబ్ సిరీస్ ధూత ఫస్ట్ లుక్ పోస్టర్ ఇటీవల విడుదల చేశారు. ఫస్ట్ లుక్ బాగా ఆకట్టుకునే విధంగా ఉంది.

dhootha naga chaitanya

ఈ వెబ్ సిరీస్ ను ప్రముఖ డైరెక్టర్ విక్రమ్  కుమార్ డైరెక్ట్ చేశారు. ఇదివరకు వీరిద్దరి కాంబినేషన్ లో రెండు చిత్రాలు వచ్చాయి. మనం సినిమా సూపర్ హిట్ కాగా, థాంక్యూ సినిమా విమర్శకుల ప్రశంసలు అందుకుంది. మూడోసారి వీరిద్దరూ కాంబోలో వచ్చిన చిత్రమే ధూత.ఈ వెబ్ సిరీస్ 8 ఎపిసోడ్ లుగా రూపొందించారు. ఇందులో సాగర్ అనే జర్నలిస్ట్ పాత్రలో నాగచైతన్య నటించారు. ఆయన రోల్ ఎంతో పవర్ ఫుల్ గా ఉంటుందని తెలిపారు. తమిళ హీరోయిన్ ప్రియా భవాని శంకర్ హీరోయిన్ గా నటించింది.

ప్రముఖ ఓటిటి ఫ్లాట్ ఫామ్ అమెజాన్ ప్రైమ్ లో ఈ సిరీస్ డిసెంబర్ ఒకటో తారీకు నుండి ప్రసారం కానుంది. తెలుగు, తమిళం, మలయాళం, కన్నడ, హిందీ భాషల్లో ప్రేక్షకులకు అందుబాటులో ఉంటుందని తెలియజేశారు. ఇప్పుడు ధూత, నాగచైతన్య హాష్ టాగ్స్ నెట్ లో ట్రెండ్ అవుతున్నాయి. సూపర్ న్యాచురల్ థ్రిల్లర్ గా ఈ సిరీస్ ను తరికెక్కించినట్లు దర్శకుడు తెలియజేశారు.ఈ వెబ్ సిరీస్ ఆడియన్స్ నుంచి మంచి రెస్పాన్స్ ను సంపాదించుకుంటే భవిష్యత్తులో నాగచైతన్య మరిన్ని వెబ్ సిరీస్ లలో నటించే అవకాశం ఉంది. ఎప్పుడు కొత్తదనానికి ప్రాధాన్యం ఇస్తానని ఆయన తెలియజేశారు.

 

Also Read: “OG అప్‌డేట్ ఇవ్వురా..?” అని అడిగిన నెటిజన్ కి… DVV టీమ్ ఇచ్చిన రిప్లై చూస్తే నవ్వాపుకోలేరు..!

Filmy Adda

“OG అప్‌డేట్ ఇవ్వురా..?” అని అడిగిన నెటిజన్ కి… DVV టీమ్ ఇచ్చిన రిప్లై చూస్తే నవ్వాపుకోలేరు..!

by Harika
written by Harika

పవర్ స్టార్ పవన్ కళ్యాణ్ నటిస్తున్న తాజా చిత్రం OG. పవర్ స్టార్ పవన్ కళ్యాణ్ ఫ్యాన్ బాయ్ సుజిత్ ఈ చిత్రాన్ని డైరెక్ట్ చేస్తున్నాడు. డివిడి మూవీస్ బ్యానర్ పైన దానయ్య ఈ మూవీని నిర్మిస్తున్నారు. ఇప్పటికే ఈ సినిమా 50% షూటింగ్ పూర్తి చేసుకుంది. గ్యాంగ్ స్టార్ వరల్డ్ నేపథ్యంలో ఈ మూవీ తెరకెక్కుతుంది. పవర్ స్టార్ పవన్ కళ్యాణ్ ని ఇప్పటివరకు చూడని విధంగా సుజిత్ తెరపైన ప్రజెంట్ చేయనున్నాడు.

ఇప్పటికే రిలీజ్ అయిన ఫస్ట్ లుక్, టీజర్లు పవర్ స్టార్ పవన్ కళ్యాణ్ ఫ్యాన్స్ ని విపరీతంగా ఆకట్టుకున్నాయి. పవన్ కళ్యాణ్ OG తో పాటు నాలుగు సినిమాలు చేస్తున్న కూడా అందరి అంచనాలు OG సినిమా మీదే ఉన్నాయి. ముంబై పూణేల్లో ఈ సినిమా షూటింగ్ జరుపుకుంది. ఈ సినిమాలో పవన్ కళ్యాణ్ స్టైల్ గాని, స్వాగ్ గాని అద్భుతంగా ఉన్నాయి.


సుజిత్ భయ్యా నీకు గుడి కట్టిన తప్పులేదు మా పవర్ స్టార్ ని చాలా అద్భుతంగా ప్రజెంట్ చేస్తున్నావంటూ పవన్ కళ్యాణ్ ఫ్యాన్స్ పొగిడేస్తున్నారు. ఇప్పటికే OG సినిమాలో హంగ్రీ చీతా పాట కూడా తెగ వైరల్ అవుతుంది. సెన్సేషనల్ మ్యూజిక్ డైరెక్టర్ తమన్ ఈ సినిమాకి సంగీతం అందిస్తున్నాడు. అయితే ప్రస్తుతం పవన్ కళ్యాణ్ రాజకీయాల్లో బిజీగా ఉండడం వల్ల ఈ సినిమా షూటింగ్ ఆగింది. ఆయన డేట్ లు చూసుకునే సినిమాని పూర్తి చేసి 2024 లో ఈ సినిమాని విడుదల చేస్తున్నట్లు మేకర్స్ ప్రకటించారు.

 

అయితే OG సినిమా అనౌన్స్ మెంట్ వచ్చిన దగ్గర నుండి షూటింగ్ జరుపుకునే ప్రతిసారి డివివి మూవీస్ తమ ట్విట్టర్ ఖాతా ద్వారా ఏదో ఒక అప్డేట్ ఇచ్చేవారు. అయితే తాజాగా ఈ సినిమాకు సంబంధించిన అప్డేట్ లు ఇవ్వడం లేదు.అయితే ఒక అభిమాని ట్విట్టర్ ద్వారా డివివి మూవీస్ ని OG అప్డేట్ ఇవ్వరా అంటూ కామెంట్ చేశాడు…. దానికి డివివి మూవీస్ టీం”ఇస్తాను లేరా..! ప్రజంట్ షూటింగ్ ఏమి జరగట్లేదు,మళ్ళీ స్టార్ట్ అయ్యాక చెప్తాలే” అంటూ ఫన్నీగా రిప్లై ఇచ్చింది. వీరిద్దరి కన్వర్జేషన్ చూసిన ఎవ్వరైనా సరే నవ్వు ఆపుకోలేకపోతున్నారు. ఫ్యాన్స్ ని ఆనందపరచడంలో వారికి అప్డేట్ ఇవ్వడంలో డీవివి మూవీస్ తర్వాతే ఎవరైనా అంటూ పవన్ కళ్యాణ్ ఫ్యాన్స్ తెగ పొగడేస్తున్నారు.

Also Read:అవికా గోర్ నటించిన కొత్త వెబ్ సిరీస్ రిలీజ్ ఎప్పుడంటే…!

Filmy Adda

జిగర్తాండ డబల్ x 4 రోజులలో ఎంత కలెక్ట్ చేసిందంటే…..

by Harika
written by Harika

కోలీవుడ్లో ఆల్ రౌండర్లుగా పేరొందిన రాఘ‌వ లారెన్స్‌, ఎస్‌జే సూర్య..లు ప్ర‌ధాన పాత్ర‌ల్లో తెరకెక్కిన చిత్రం ‘జిగ‌ర్ తండ డ‌బుల్ ఎక్స్‌’. కార్తీక్ సుబ్బ‌రాజ్ ద‌ర్శ‌క‌త్వం వహించారు.

జిగర్తాండ డబల్ x చిత్రాన్ని ‘స్టోన్ బెంచ్ ఫిలింస్’ బ్యాన‌ర్‌ పై కార్తికేయన్ ఈ చిత్రాన్ని ఎంతో ప్రతిష్టాత్మకంగా నిర్మించారు. టీజర్, ట్రైలర్‌కు రెస్పాన్స్ బాగానే వచ్చింది. ముఖ్యంగా టీజర్ కి సంతోష్ నారాయణ్ బ్యాక్ గ్రౌండ్ స్కోర్ హైలెట్ గా నిలిచింది. దీంతో సినిమాపై ప్రేక్షకుల దృష్టి పడింది.

ఈ మూవీని తెలుగు, తమిళ, హిందీ భాషల్లో దీపావళి కానుకగా నవంబర్ 10న విడుదల అయ్యింది.మొదటి రోజు టాక్ బాగానే వచ్చింది. కానీ ఓపెనింగ్స్ మాత్రం అంతంత మాత్రంగానే నమోదయ్యాయి.కానీ రెండో రోజు నుండి కొంత పర్వాలేదు అనిపించింది. ‘జిగర్ తండ డబుల్ ఎక్స్ చిత్రానికి తెలుగు రాష్ట్రాల్లో రూ.6 కోట్లు షేర్ ను రాబట్టాలి. బ్రేక్ ఈవెన్ కి ఈ చిత్రం రూ.6.3 కోట్ల షేర్ ను రాబట్టాలి. టాక్ పర్వాలేదు అనిపించినప్పటికీ.. 4 రోజులు పూర్తయ్యేసరికి ఈ చిత్రం కేవలం రూ.1.71 కోట్ల షేర్ ను మాత్రమే రాబట్టింది.కొంత గ్రోత్ అయితే ఈ సినిమా చూపించింది కానీ బ్రేక్ ఈవెన్ కి ఈ మాత్రం సరిపోదు అనే చెప్పాలి. బ్రేక్ ఈవెన్ కోసం ఈ మూవీ 4.59 కోట్ల షేర్ ను రాబట్టాల్సి ఉంది.

మొత్తం తెలంగాణ,ఆంధ్ర ప్రదేశ్ లో కలెక్షన్స్ చూసుకుంటే ఎక్కువగా నైజాం లో 0 .72 కోట్ల ఆదాయం రాగ ,సీడెడ్ మరియు కృష్ణా లో 0 .15 వ్యాపారం జరిగింది.ఈస్ట్ మరియు గుంటూరు లో 0.14 కొట్లావ్యాపారం జరిగింది.వెస్ట్ లో ౦.13 కోట్ల వ్యాపారం జరగ్గా నెల్లూరు అట్ట అడుగున 0.11 వ్యాపారం తో ముగించింది.దీపావళి పండుగ,రెండవ శనివారం మరియు ఆదివారం తో వరుసగా 3 రోజులు సెలవలు వచ్చిన కూడా అంత అంచనాలను అందుకోలేక పోయిందేమో అని అనిపిస్తుంది కలెక్షన్ల విషయంలో.

Filmy Adda

ప్రతి చిన్న దానికి “చిరంజీవి” ని ఎందుకు టార్గెట్ చేస్తారు..? చిరంజీవి విషయంలో మాత్రమే ఇలా ఎందుకు జరుగుతోంది..?

by Harika
written by Harika

మెగాస్టార్ చిరంజీవి తెలుగు సినిమా ఇండస్ట్రీకి పెద్ద దిక్కు. ఇండస్ట్రీ ప్రజలకు ఏ కష్టం వచ్చినా ముందు ఉండే వ్యక్తి. చిరంజీవి అంటే దాన కర్ణుడు అని అంటారు. అయన ఎంతో మందికి ఎన్నో సాయాలు చేస్తూ ఉంటారు కానీ అవి ఏమీ బయటకి రావు. మెగా ఫ్యామిలీ అంటే ఇండస్ట్రీలో మంచి గౌరవం, గుర్తింపు ఉన్నాయి. డిసిప్లేన్ గా ఉంటారు ఎవరినీ పన్ను ఎత్తి మాట అనరు అనే పేరు కూడా ఉంది.

కానీ చాలా విషయంలో కావాలనే కొందరు చిరంజీవిని, మెగా ఫ్యామిలీని టార్గెట్ చేస్తూ ఉంటారు. చిరంజీవి ప్రమేయం లేకుండా జరిగిన వాటికి కూడా చిరంజీవిని నిందిస్తూ ఉంటారు. కానీ ఆయన వాటికి ఎప్పుడు స్పందించరు, తిరిగి మాట అనరు. కాలమే అన్నిటికీ సమాధానం చెబుతుంది అని నవ్వుతారు.

chiru-next-movie-title (1)

తాజాగా చిరంజీవి ఆయన ఇంట్లో దీపావళి ఫెస్టివల్ ఘనంగా నిర్వహించారు. ఈ పార్టీకి తెలుగు సినిమా ఇండస్ట్రీలోని హీరోలని అందరినీ ఆహ్వానించారు. అయితే ఈవెంట్ కో ఒక సింగర్ జవాన్ సినిమాలో పాట పాడుతుండగా రామ్ చరణ్ వెళ్లి చిరంజీవిని తీసుకువచ్చారు. చిరు ఆమె పాడేపాటకి ఎంతో ఎనర్జిటిక్ గా డాన్స్ వేశారు. 68 ఏళ్ల వయసులో చిరంజీవి గ్రేస్ చూసి అందరూ ఆశ్చర్య పోయారు. ఇప్పుడు ఈ వీడియో ఇంటర్నెట్ లో బాగా వైరల్ అవుతుంది. అయితే డాన్స్ చేసే సందర్భంలో చిరు అనుకోకుండా ఆ సింగర్ కి టచ్ అయ్యారు. దీన్ని చాలామంది చిరంజీవి, మెగా ఫ్యామిలీ వ్యతిరేకులు నెగటివ్ గా ప్రచారం చేస్తున్నారు. మొత్తం వీడియో చూస్తే అసలు అక్కడఏం జరిగిందో అర్థం అవుతుంది.

chiru

అవేమీ పట్టని ఒక బ్యాచ్ మాత్రం చిరంజీవి కావాలనే ఇలా చేస్తారు అంటూ ప్రచారం చేస్తూ శునకానందం పొందుతున్నారు.చిరంజీవి క్యారెక్టర్ ఏంటో ఆయన బిహేవియర్ ఏంటో అందరికీ తెలిసిందే. ఆయన అన్ని మంచి పనులు చేసిన, ఎన్ని మంచి సినిమాలు చేసినా కూడా ఏదో ఒక నెగిటివ్ పాయింట్ పట్టుకుని దుష్ప్రచారం చేస్తూ ఉంటారు. రీమేక్ సినిమాలు చేస్తున్నారు అని, మెగా ఫ్యామిలీ క్రికెట్ టీమ్ అంత ఉందని, యంగ్ హీరోస్ ని పక్కన పెట్టుకొని చేస్తున్నారంటూ దుష్ప్రచారం మొదలుపెట్టారు. ఆయన భోళా శంకరుడు కాబట్టి అవేమీ పట్టించుకోడు. కానీ చిరు అభిమానులు ఈ నెగటివ్ బ్యాచ్ చేసే ప్రచారానికి ఫైర్ అవుతున్నారు. తిరిగి వాళ్లకి గట్టిగానే కౌంటర్ ఇస్తున్నారు.


నిజం చెప్పాలంటే చిరంజీవికి ఉన్న హుందాతనంలో మిగిలిన హీరోలకు చాలా తక్కువ ఉంటుంది. చాలా మంది స్టేజ్ మీద బూతులు మాట్లాడిన సందర్భంగా కూడా ఉంది. అయితే అవేమీ కనిపించవు, ఆ విషయాల్లో మేము గుడ్డి వాళ్ళం అన్నట్టు ఈ బ్యాచ్ అంతా వ్యవహరిస్తుంది. కేవలం చిరంజీవి మీద పడే ఏడుస్తూ ఉంటారు. చిరంజీవి అంటే ఒక శిఖరం. శిఖరాన్ని చూసి శునకం మొరిగితే శిఖరానికి ఏమైనా పోతుందా.ఇది అంతే….!

Also Read:50 ఏళ్ల రచనా ప్రస్థానం… కానీ ఒక్క ఫోటో కూడా లేదు..! ఇంతకీ ఎవరాయన..?

Filmy AddaOTT Releases

అవికా గోర్ నటించిన కొత్త వెబ్ సిరీస్ రిలీజ్ ఎప్పుడంటే…!

by Harika
written by Harika

 

అవికా గోర్ ఈ పేరంటే పెద్దగా తెలియకపోవచ్చు గాని, చిన్నారి పెళ్లికూతురు అంటే తెలుగు వారందరూ గుర్తుపడతారు. హిందీలో బాలిక వధు సీరియల్ తెలుగులో చిన్నారి పెళ్లికూతురు పేరుతో డబ్ చేసి టెలికాస్ట్ చేశారు. ఈ సీరియల్ ఎంత సూపర్ హిట్ అయిందో అందరికీ తెలిసిందే. ఇందులో మెయిన్ లీడ్ గా చేసిన అవికా గోర్ తర్వాత తెలుగులో మంచి మంచి సినిమాల్లో హీరోయిన్ గా నటించింది.

రాజ్ తరుణ్ పక్కన ఆమె నటించిన ఉయ్యాల జంపాల చిత్రం మంచి హిట్ అయి ఆమెకి బాగా ప్లస్ అయింది. ఆ తర్వాత తెలుగులో వరుస పెట్టి ఆఫర్స్ వచ్చాయి.నాగశౌర్యతో కలిసి లక్ష్మీ రావే మా ఇంటికి, రాజ్ తరుణ్ తో కలిసి సినిమా చూపిస్తా మావా, నిఖిల్ తో కలిసి ఎక్కడికి పోతావు చిన్నవాడా అనే సినిమాల్లో నటించింది. ఇక వరుస ఆఫర్లతో ఈ భామ సినిమాలు చేస్తూ దూసుకుపోయింది.

తాజాగా ఓంకార్ డైరెక్షన్ లో మ్యాన్షన్ 24 అనే వెబ్‌ సిరీస్‍ లో నటించింది. ఈ సిరీస్ లో అవికా త‌న న‌ట‌న‌తో బాగా అల‌రించింది. ఈ సిరీస్ కూడా డిస్ని ప్లస్ హాట్ స్టార్ లో స్ట్రీమింగ్ అవుతుంది. ఈ సీరిస్ టాప్ ట్రెండింగ్ లో కొనసాగుతుంది. మొదటి సారిగా ఓటీటీ కంటెంట్ లోకి అడుగుపెట్టిన అవికా మంచి సక్సెస్ అందుకుంది. ఇక ఇదే తరహాలో మరో సిరీస్ చేసేందుకు ముందుకు వచ్చింది.ప్రస్తుతం ఆమె న‌టిస్తున్న తాజా వెబ్ సిరీస్ ‘వ‌ధువు’. మ్యారేజ్ ఫుల్ ఆఫ్ సీక్రెట్స్ అనేది క్యాప్షన్ గా పెట్టారు. కాగా దీనికి సంబంధించిన ఫస్ట్ లుక్‌ ను ఇటీవల మేకర్స్ రిలీజ్ చేశారు. దీపావ‌ళి కానుక‌గా పోస్టర్ ను రిలీజ్ చేశారు.

vadhuvu

ఈ ఫస్ట్ లుక్‌ ను చూస్తే పెళ్లి కూతురు గెట‌ప్‌ లో ఆవేదనగా కన్నీళ్లు పెట్టుకుంటున్నట్లుగా అవికా కనిపిస్తుంది.ఇక వధువు సిరీస్ లో బిగ్‍ బాస్ ఫేమ్ అలీ రెజా, నందు కూడా కీలకపాత్రల్లో నటిస్తున్నారు. ఇక ఈ వెబ్ సిరీస్ ప్ర‌ముఖ ఓటీటీ ప్లాట్‍ఫామ్‍ డిస్నీ+ హాట్‍ స్టార్ లో స్ట్రీమింగ్ కానున్న‌ట్లు ప్రకటించారు. అయితే ఈ సిరీస్ విడుద‌ల తేదీని మాత్రం ఇంకా ప్రకటించ లేదు. త్వరలోనే పూర్తి వివరాలు వెల్లడించనున్నారు. ఈ సిరీస్ పోస్టర్ చూస్తుంటే.. థ్రిల్లర్ జోనర్ లాగా కనిపిస్తుంది. మరో థ్రిల్లర్ ఓటీటీలో వచ్చేందుకు అవికా రెడీ అవుతుంది. ఈ సిరీస్ కూడా హిట్ అయితే అవికాకి వరుస పెట్టి ఓటిటి ఆఫర్లు క్యూ కడతాయి అనడంలో సందేహం లేదు.

Also Read:నా గొంతు నుండి వస్తే ప్రూవ్ చేయండి..!” అంటూ… “మాధవి లత” కామెంట్స్..! పోస్ట్ లో ఏం ఉందంటే..?

Filmy Adda

ఆ హీరోయిన్ తో స్నేహం… అందుకే రకుల్ కెరీర్ నాశనం అయ్యిందా..? ఎవరంటే..?

by Harika
written by Harika

టాలీవుడ్ ఇండస్ట్రీలో హీరోయిన్ గా ఎంతో మంచి గుర్తింపు సంపాదించుకున్నటువంటి వారిలో నటి రకుల్ ప్రీత్ సింగ్ ఒకరు. ఈమె ఒకానొక సమయంలో తెలుగు మరియు తమిళ భాష చిత్రాలలో నటిస్తూ కెరియర్ పరంగా ఎంతో బిజీగా ఉన్నారు.

ఇలా సౌత్ ఇండస్ట్రీలో స్టార్ హీరోయిన్ గా ఓ వెలుగు వెలిగినటువంటి రకుల్ ప్రీతి సింగ్ అనంతరం బాలీవుడ్ ఇండస్ట్రీకి కూడా వెళ్లారు.

ఇలా బాలీవుడ్ ఇండస్ట్రీలో కూడా వరుస సినిమాలలో నటిస్తూ ఎంతో మంచి సక్సెస్ అందుకున్నటువంటి రకుల్ ,ఇండస్ట్రీలో టాప్ మోస్ట్ హీరోయిన్ గా పేరు ప్రఖ్యాతలు సంపాదించుకున్నారు.ఇలా వరుస బాలీవుడ్ సినిమాలలో నటిస్తున్నటువంటి ఈమె ముంబైలోనే స్థిరపడ్డారు. అక్కడ ఈమెకు బాలీవుడ్ సెలబ్రిటీలతో కూడా మంచి పరిచయాలు ఏర్పడ్డాయి. అయితే బాలీవుడ్ ఇండస్ట్రీలో స్టార్ హీరోయిన్ గా కొనసాగినటువంటి రియా చక్రవర్తితో ఈమెకు చాలా మంచి స్నేహబంధం ఏర్పడింది.

రియా గురించి ప్రత్యేకంగా చెప్పాల్సిన పనిలేదు. నటుడు సుశాంత్ సింగ్ రాజ్ పుత్ ప్రియురాలిగా ఈమె అందరికీ ఎంతో సుపరిచితమే అయితే సుశాంత్ మరణం తర్వాత ఎన్నో అనుమానాలు తెరపైకి వచ్చాయి.ఈ క్రమంలోనే ఈమె జైలుకు కూడా వెళ్లి తన ఆత్మహత్య విషయంలో తన ప్రమేంలేదని తెలియడంతో జైలు నుంచి బయటకు వచ్చారు.. ఇలా సుశాంత్ మరణ కేసు నుంచి బయటపడినప్పటికీ డ్ర-గ్స్ కేసు ఈమె మెడకు చుట్టుకుంది.

ఇలా డ్ర-గ్స్ కేసులో భాగంగా ఈమె కూడా ఆరోపణలు ఎదుర్కొన్నారు అయితే రియాతో స్నేహం కారణంగా రకుల్ ప్రీతిసింగ్ కూడా డ్ర-గ్స్ వివాదంలో చిక్కుకున్నారు. ఈమె పేరు కూడా తెరపైకి వచ్చింది.ఇలా డ్ర-గ్స్ కేసులో రకుల్ ఆరోపణలు ఎదుర్కొన్న నేపథ్యంలోనే ఈమెకు సౌత్ ఇండస్ట్రీలో కూడా అవకాశాలు ఇవ్వడానికి దర్శక నిర్మాతలు వెనుకడుగు వేశారు తద్వారా ఈమెకు సౌత్ ఇండస్ట్రీలో ఏమాత్రం అవకాశాలు లేకుండా పోయాయని తెలుస్తుంది. రియాతో ఫ్రెండ్షిప్ కారణంగానే తన సినీ కెరియర్ ఇబ్బందులలో పడేసుకుందని తెలుస్తుంది.

Filmy AddaOff Beat

50 ఏళ్ల రచనా ప్రస్థానం… కానీ ఒక్క ఫోటో కూడా లేదు..! ఇంతకీ ఎవరాయన..?

by Harika
written by Harika

ప్రస్తుతం ఉన్న రోజుల్లో ఎవరైనా ఏదైనా ఒక పని చేసి సక్సెస్ అయితే ఆయన గురించి ప్రపంచం మొత్తం మారు మోగిపోతూ ఉంటుంది. ఆయన ఫోటోలు, ఆయన మాటలు ప్రతిచోట కనిపిస్తూ, వినిపిస్తూ ఉంటాయి. అలాంటిది 50 సంవత్సరాలుగా రైటర్ గా కొనసాగుతూ ఎన్నో నవలలు, కథలు, చిత్రాలకి పనిచేసిన ఒక రచయిత ఫోటో ఒకటి కూడా బయటికి రాలేదు అంటే ఎవరైనా నమ్ముతారా…

ఇది అసలు సాధ్యమేనా ? నమ్మసక్యంగా లేదు కదా… కానీ మీరు విన్నది నిజమే… ఆ రైటర్ కి సంబంధించిన రచనలు, నవలలు, మాటలు ఉన్నాయి కానీ, ఆయన ఫోటో మాత్రం ఇప్పటికీ ఎవరికీ తెలియదు… ఆ రచయిత ఎవరు అనుకుంటున్నారా…? ఎవరో కాదు… మల్లాది వెంకటకృష్ణమూర్తి…

malladi ఈ పేరు వినగానే అందరికీ ఒక గౌరవం వస్తుంది. ఆయన రచనలు గుర్తు వస్తాయి. ఆయన రాసిన నవలలు కవర్ పేజీలు జ్ఞాపకం వస్తూ ఉంటాయి. ఆయన రచనల్లోని పాత్రలు మనకి తడుతూ ఉంటాయి. 106 నవలలు, 3500 కథలు,1200 వ్యాసాలు, 22 సినిమాలు,9 టీవీ సీరియల్స్ ఇది 50 ఏళ్ల సాహిత్య యాత్రలో మల్లాది కృష్ణమూర్తి సాధించిన ఘనత. ఏ జోనర్ టచ్ చేయని ఆయన అందులో సూపర్ హిట్ అవుతారు. యువతరానికి, నవతరానికి , ఏ తరానికి అయినా సరే ఆయన రచనలు కిక్ ఇస్తాయి. ఆయన పెన్ కి ఏ భేదం లేదు.1970 ఆగస్టు 3 చందమామ మాస పత్రికలో మల్లాది వెంకట కృష్ణమూర్తి రాసిన తొలి కథ ఉపాయశాలీ ప్రచురితమైంది.నాటి నుండి నేటి వరకు ఆయన రచనా ప్రస్థానం నిర్విరామంగా కొనసాగుతుంది.

ఆయన రాసిన 106 నవలల్లో 22 నవలలు సినిమాలుగా రూపొందించారు.చంటబ్బాయ్, రెండు రెళ్లు ఆరు, తేనెటీగ ఇలా ఎన్నో మంచి సినిమాలకు మల్లాది వెంకట కృష్ణ మూర్తి నవలలే ఆధారం. 9 టీవీ సీరి యల్స్ ను అయన నవలల ఆధారంగానే రూపొందించారు. హాస్యం, రొమాన్స్, సస్పెన్స్, క్రైమ్ ఇలా ప్రతీది కూడా పాఠకులను విశేషంగా ఆకట్టుకుంటుంది. నాటి తరం నుండి నేటి తరం వరకు ఎందరో రచయితలకు మల్లాది ఒక ఇన్స్పిరేషన్. మల్లాది డబ్బుకి, కీర్తి ప్రతిష్టలకి ఏనాడు విలువ ఇవ్వలేదు. అందుకే ఇప్పటివరకు ఎన్ని రచనలు చేసినా కూడా ఆయన ఫోటో ఒకటి కూడా బయటికి రాలేదు, ఏ పేపర్ లోను పడలేదు.ఎన్ని ఇంటర్వ్యూలు ఇచ్చిన కూడా ఒక్క ఫోటో కూడా బయటికి రానివ్వలేదు. ప్రస్తుతం మల్లాది వెంకటకృష్ణమూర్తి రచనలు చేస్తూనే ఆధ్యాత్మిక మార్గం వైపు పయనిస్తున్నారు.

Also Read:లియో OTT లోకి ఎప్పుడంటే…..!!!!

Newer Posts
Older Posts