Filmy Adda

ఇటీవల కాలంలో మలయాళంలో హిట్ అయిన సినిమాలను ఎక్కువగా తెలుగులో రీమేక్ చేస్తున్న విషయం తెలిసిందే. ఈ క్రమంలోనే 2021లో రిలీజ్ అయ్యి, అద్భుతమైన ప్రేక్షక ఆదరణ పొందిన సూపర్ హిట్ మూవీ ‘నాయట్టు’ ను తెలుగులో రీమేక్‌ చేస్తున్నారు.

చాలాకాలం క్రితమే ఈ మూవీ మొదలైనప్పటికీ, ఇటీవలే ఫస్ట్ లుక్ ను రిలీజ్ చేశారు. ఈ మూవీకి ‘కోటబొమ‍్మాళి PS’ అనే టైటిల్ ను ఫిక్స్ చేశారు. శ్రీకాంత్, వరలక్ష్మి శరత్‌కుమార్‌, రాహుల్ విజయ్, శివాని రాజశేఖర్ ఈ మూవీలో నటిస్తున్నారు. ఈ క్రమంలో ఒరిజినల్ మూవీ ‘నాయట్టు’ కథ ఏమిటో? ఎలా ఉందో ఇప్పుడు చూద్దాం..
నాయట్టు సినిమా పొలిటికల్ సర్వైవల్ థ్రిల్లర్ చిత్రంగా తెరకెక్కింది. కుంచకో బోబన్ , జోజు జార్జ్, నిమిషా సజయన్ ప్రధాన పాత్రల్లో నటించారు. జాఫర్ ఇడుక్కి , అనిల్ నెడుమంగడ్, హక్కిం షాజహాన్ కీలక పాత్రల్లో నటించారు. 2021లో రిలీజ్ అయిన ఈ మూవీకి మార్టిన్ ప్రక్కత్ దర్శకత్వం వహించారు. ఈ మూవీ సూపర్ హిట్ గా నిలవడమే కాకుండా విమర్శకుల ప్రశంసలు సైతం అందుకుంది. ఈ సినిమాకి ఉత్తమ సినిమాగా, ఉత్తమ నటుడిగా జోజు జార్జ్, ఉత్తమ కథ మరియు ఉత్తమ ఎడిటర్ గా ఆ ఏడాది కేరళ రాష్ట్ర చలనచిత్ర అవార్డులు వచ్చాయి.
ఈ మూవీ కథ విషయానికి వస్తే, ముగ్గురు పోలీసుల చుట్టూ తిరిగే కథ. రాష్ట్రంలో ఎన్నికల జరిగే సమయంలో ఒక  చిన్న గ్రామంలో ఒక ఎస్సై, ఇద్దరు పోలీస్ కానిస్టేబుల్స్‌కు, ఒక వర్గానికి చెందిన మనుషుల మధ్య పోలీస్ స్టేషన్ లో చిన్న గొడవ జరుగుతుంది. అయితే ఆ గోడవకు పాలిటిక్స్ తోడవడంతో పరిస్థితులు ఒక్కసారిగా మారిపోతాయి.
ఈ  పరిస్థితుల్లో ఎస్సై మరియు కానిస్టేబుల్స్ ప్రయాణిస్తున్న జీపు మోటార్ బైక్ ను ఢీకొడుతుంది. దాంతో బైక్ మీద ఉన్న వ్యక్తి మరణిస్తాడు. అయితే అతను బిజు అనే లోకల్ గూండా స్నేహితుడు. దాంతో జీపులోని ముగ్గురిని అరెస్ట్ చేసి, మర్డర్ కేసు పెట్టమని ఆదేశాలు వస్తాయి. దాంతో ఎస్పై, ఇద్దరు కానిస్టేబుల్స్ అక్కడి నుండి తప్పించుకుంటారు. ఆ తరువాత ఏం జరిగింది అనేది మిగిలిన కథ.

Also Read: “నవీన్ పోలిశెట్టి” ఒక నాని సినిమాలో నటించారు అని మీకు తెలుసా..? ఆ సినిమా ఏంటంటే..?

హీరో మంచు విష్ణు లేటెస్ట్ గా నటిస్తూన్న మూవీ భక్త కన్నప్ప. ఈ మూవీ తన కలల ప్రాజెక్ట్ అని ఇప్పటికే చాలా సార్లు విష్ణు వెల్లడించిన విషయం తెలిసిందే. ఈ చిత్రాన్ని గత నెల శ్రీ కాళహస్తిలో పూజా కార్యక్రమాలతో ప్రారంభించిన విషయం తెలిసిందే.

భారీ బడ్జెట్‏తో నిర్మిస్తున్న ఈ చిత్రాన్ని ఆగస్ట్ 18న లాంచ్ చేశారు. అవా ఎంటర్టైన్మెంట్ మరియు 24 ఫ్రేమ్స్ ఫ్యాక్టరీ బ్యానర్ పై మోహన్ బాబు నిర్మిస్తుండగా ఈ మూవీని పాన్ ఇండియా రేంజ్ లో నిర్మిస్తున్నారు. ఈ చిత్రానికి  ముఖేశ్ కుమార్ సింగ్ దర్శకత్వం వహించనున్నారు. ఆయన దర్శకత్వం వహించిన పాపులర్ సీరియల్ ఏంటో ఇప్పుడు చూద్దాం..
మంచు విష్ణు హీరోగా నటిస్తున్న భక్త కన్నప్ప మూవీలో కృతి సనన్ చెల్లెలు నుపుర్ సనన్ హీరోయిన్ గా నటిస్తోంది. అయితే ఈ మూవీకి దర్శకత్వం వహిస్తున్న దర్శకుడు ముఖేశ్ కుమార్ సింగ్ బాలీవుడ్ కి చెందిన వ్యక్తి.  అతను టెలివిజన్ దర్శకుడు. ముఖేష్ కుమార్ సింగ్ బీహార్‌లో పుట్టి పెరిగాడు. డ్రామాటిక్ ఆర్ట్‌లో పోస్ట్-గ్రాడ్యుయేషన్ పూర్తి  చేసాడు. అందులో ముఖేష్ కుమార్ గోల్డ్ మెడల్ అందుకున్నాడు.
ఆల్ ఇండియా రేడియో, సాంగ్ అండ్ డ్రామా డివిజన్ ఆఫ్ ఇండియా మొదలైన వాటిలో ఎన్నో నాటకాలలో నటించాడు. దర్శకత్వం వహించాడు. ముఖేష్ 2000వ సంవత్సరంలో దర్శకుడు కావడం కోసం ముంబైలో అడుగుపెట్టాడు. ముఖేష్ కెరీర్ ప్రారంభంలో  శ్రీ అధికారి బ్రదర్స్‌తో కలిసి పనిచేశాడు. ఆ తరువాత మొదట థ్రిల్లర్ ‘సురాగ్’ కు అవకాశం పొందాడు. ఆ తరువాత అనేక ప్రసిద్ధ పౌరాణిక మరియు చారిత్రక టెలివిజన్ షోలకు దర్శకత్వం వహించాడు.
ముఖేష్ ఇండియన్ టెలివిజన్‌లో అతి పెద్ద షో మహాభారతానికి దర్శకత్వం వహించాడు. ఇది 100 కోట్ల టీవీ షోగా గుర్తింపు పొందింది. మేరే సాయి, చంద్ర నందిని, రజియా సుల్తాన్, హనుమాన్, బంధన్, మీరా, రామాయణం, భాగ్య విధాత, ద్వారకాధీష్ వంటి షోలతో  బుల్లితెరపై మ్యాజిక్ క్రియేట్ చేశాడు. భక్త కన్నప్ప మూవీతో తెలుగు ఇండస్ట్రీలో అడుగుపెట్టాడు.

Also Read: “నవీన్ పోలిశెట్టి” ఒక నాని సినిమాలో నటించారు అని మీకు తెలుసా..? ఆ సినిమా ఏంటంటే..?

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్ ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రల తో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే.

ఇది ఇలా ఉండగా…ఎన్టీఆర్ కు తెలుగు భాష పై మంచి పట్టు ఉందన్న విషయం అందరికీ తెలిసిందే. ఆయన చదువులోనూ ముందుండేవారు. 1100 మంది రాసిన మద్రాసు సర్వీసు కమిషన్ ప‌రీక్ష‌లో 7వ ర్యాంక్ సాధించి మంగళగిరిలో సబ్-రిజిస్ట్రారు ఉద్యోగాన్ని పొందారు అన్న గారు. అంతేకాదు చిత్ర‌లేఖనంలో కూడా రాష్ట్ర స్థాయి ప్రైజులు సాధించారు. తాజాగా సోష‌ల్ మీడియాలో ఆయ‌న చేతిరాత వైర‌ల్ అవుతుంది.

ముత్యాలు లాంటి అక్షరాలు, ఎక్కడ తప్పులు లేని వాక్యాలు, ఓ రచయిత రాసినట్టుగా రాసిన వ్యాఖ్యానాలు, వివరణలు. విజ‌య‌చిత్ర అనే ప‌త్రిక ద్వారా పాఠ‌కుల‌కు ఆయ‌న రాసిన లేఖ ఇది. మూడు పేజీల లేఖ షూటింగ్ మ‌ద్య‌లో విరామంలో రాసిన‌ది కావ‌డం విశేషం. ఆ లేఖ కింద చిత్రాల్లో మీరే చూడండి.

ఈ లేఖలో ఎన్టీఆర్ గారు తన సినిమాల గురించి, ప్రేక్షకుల గురించి, అలాగే తనకి సినిమా ఇండస్ట్రీలో లభించిన ఆదరణ గురించి, అవకాశం ఇచ్చిన నిర్మాతల గురించి రాశారు. అలాగే ప్రేక్షకులందరికీ కూడా తనని ఎంతో ఆదరించినందుకు, తన సినిమాలని హిట్ చేసినందుకు థాంక్స్ చెప్పారు. ఇంకా చాలా విషయాల గురించి ఎన్టీఆర్ గారు ఈ లెటర్ లో రాశారు.

అలాగే సినిమాలకి వారు పడే కష్టం గురించి కూడా ఎన్టీఆర్ రాశారు. తెలుగు సినిమా ఇండస్ట్రీకి గర్వ కారణం అయిన నటులలో ఎన్టీఆర్ గారు మొదటి స్థానంలో ఉంటారు. ఈ లెటర్ చూస్తే ఆయన అప్పట్లో తన గురించి మాత్రమే కాకుండా, తనతో పని చేసిన వారి గురించి, అలాగే సినిమా ఇండస్ట్రీ గురించి ఎంత ఆలోచించే వారు అనేది తెలుస్తోంది. అలాగే ప్రజల గురించి కూడా ఆలోచించి ఎన్టీఆర్ గారు ఆ సమయంలో ఎన్నో కార్యక్రమాలు కూడా చేశారు. అందుకే సినిమాల్లో మాత్రమే కాకుండా నిజజీవితంలో కూడా ఎన్టీఆర్ హీరో అయ్యారు.

ప్రస్తుతం ఎక్కడ చూసినా ఒకే ఒక నటుడి పేరు వినిపిస్తోంది. ఆయనే నవీన్ పోలిశెట్టి. ఇటీవల రిలీజ్ అయిన మిస్ శెట్టి మిస్టర్ పోలిశెట్టి సినిమాతో హ్యాట్రిక్ హిట్స్ కొట్టారు నవీన్. ఏజెంట్ సాయి శ్రీనివాస ఆత్రేయ సినిమా సైలెంట్ గా రిలీజ్ అయ్యి చాలా పెద్ద హిట్ టాక్ సంపాదించుకుంది.

సినిమా చూసినవారు అందరూ కూడా నవీన్ కామెడీ టైమింగ్ చాలా బాగుంది అన్నారు. చంటబ్బాయి సినిమా కొత్త వెర్షన్ చూసినట్టు ఉంది అన్నారు.

ఇప్పటికి కూడా ఈ సినిమాకి రిపీట్ వాల్యూ ఉంది. అందుకే యూట్యూబ్ లో ఈ సినిమాకి సంబంధించిన కామెడీ సీన్స్ కి లక్షల్లో వ్యూస్ ఉంటాయి. ఆ తర్వాత జాతి రత్నాలు సినిమాలో నటించారు. అప్పటి వరకు మూతపడ్డ థియేటర్లని తెరిపించి కాసుల వర్షం కురిపించిన సినిమా ఇది. ఈ సినిమాలో నవీన్ మాట్లాడిన డైలాగ్స్, మేనరిజమ్స్ విపరీతంగా ఇమిటేట్ చేస్తారు.

నవీన్ సినిమాకి సినిమాకి చాలా గ్యాప్ వస్తుంది. ఇప్పుడు జాతి రత్నాలు రిలీజ్ అయిన రెండు సంవత్సరాల తర్వాత ఈ సినిమా వచ్చింది. చాలా మంది ఈ సినిమా కోసం ఎదురు చూడడానికి ముఖ్య కారణం దాదాపు 5 సంవత్సరాల తర్వాత అనుష్క శెట్టి సినిమా థియేటర్లలో రిలీజ్ అవుతోంది. కానీ అనుష్క కోసం సినిమా చూడడానికి వెళ్ళిన ప్రేక్షకులు అందరూ కూడా నవీన్ కమిటీ టైమింగ్ కి మరొక సారి ఫిదా అయిపోయారు.

“అనుష్క చాలా బాగా చేశారు. అందులో సందేహం అస్సలు లేదు. కానీ నవీన్ కూడా అంతే బాగా చేశారు” అంటూ నవీన్ మీద పొగడ్తల వర్షం కురిపిస్తున్నారు. కానీ ఇప్పుడు నవీన్ కి వచ్చిన ఈ గుర్తింపు వెనుక కొన్ని సంవత్సరాల కష్టం ఉంది. చాలా సినిమాల్లో నవీన్ చాలా చిన్న పాత్రల్లో నటించారు. కొన్ని సినిమాల్లో అక్కడ ఆ పాత్ర చేసిన వ్యక్తి నవీన్ అనే విషయం కూడా చాలా మందికి తెలియదు.

శేఖర్ కమ్ముల దర్శకత్వంలో వచ్చిన లైఫ్ ఈజ్ బ్యూటిఫుల్ సినిమాలో నవీన్ పోలిశెట్టి నటించిన సంగతి అందరికీ తెలిసిందే. గోల్డ్ ఫేస్ కాలనీలో ఉండే ఒక వ్యక్తిగా నవీన్ పోలిశెట్టి నటించారు. ఈ సినిమాలో నవీన్ ఉన్నారు అంతే. ఆ తర్వాత వచ్చిన 1 నేనొక్కడినే సినిమాలో ఒక చిన్న పాత్రలో నవీన్ కనిపిస్తారు. చిన్న పాత్ర అయినా కూడా చెబితే గుర్తుపట్టగలిగే పాత్ర ఈ సినిమాతో నవీన్ కి దక్కింది.

తర్వాత హిందీలో ఎన్నో షార్ట్ ఫిలిమ్స్ లో నటించారు.  ఇంజనీరింగ్ మీద చేసిన ఒక వీడియోతో చాలా పాపులర్ అయిపోయారు. అయితే నవీన్ పోలిశెట్టి హీరో నాని సినిమాలో కూడా నటించారు అనే సంగతి చాలా మందికి తెలియదు. కానీ ట్విస్ట్ ఏంటంటే ఈ సినిమాలో నాని ఉండరు. చాలా సంవత్సరాల క్రితం నాని ప్రొడ్యూసర్ గా డి ఫర్ దోపిడీ అనే సినిమా చేశారు. కొంత మంది యువకులు ఒక బ్యాంకు దొంగతనానికి వచ్చినప్పుడు ఎలాంటి సంఘటనలు ఎదుర్కొన్నారు అనే విషయం చుట్టూ ఈ సినిమా నడుస్తుంది.

ఫ్యామిలీ మెన్ సిరీస్ కి దర్శకత్వం వహించిన రాజ్-డీకే ఈ సినిమాకి నిర్మాతలుగా వ్యవహరించారు. వీరితో కలిసి నాని ఈ సినిమాని నిర్మించారు. ఈ సినిమాలో ఒక పాటలో కూడా నాని కనిపిస్తారు. అంతే కాకుండా ఈ సినిమాకి వాయిస్ ఓవర్ కూడా ఇచ్చారు. ఇందులో సందీప్ కిషన్, వరుణ్ సందేశ్ నటించారు. వారితో పాటు మరొక పాత్రలో నవీన్ పోలిశెట్టి కూడా నటించారు. సినిమా కాన్సెప్ట్ డిఫరెంట్ గా ఉన్నా కానీ ప్రేక్షకులకి అప్పుడు పెద్దగా ఎక్కకపోవడంతో సినిమాకి పెద్ద గుర్తింపు రాలేదు. కానీ తర్వాత ఎన్నో ఆడిషన్స్ ఇస్తూ, యూట్యూబ్ వీడియోల ద్వారా గుర్తింపు సంపాదించుకున్నారు నవీన్ పోలిశెట్టి.

ALSO READ : హీరోగా ఒక వెలుగు వెలిగిన ఈ వ్యక్తికి ఏమయ్యింది..? ఇతని ఫెయిల్యూర్ కి కారణాలు ఇవేనా..?

సీనియర్‌ హీరో కార్తీక్‌ గురించి తెలుగు ఆడియెన్స్ కు ప్రత్యేకంగా పరిచయం చేయాల్సిన అవసరం లేదు. సీతాకోక చిలుక లాంటి క్లాసిక్‌ మూవీతో టాలీవుడ్ లో సంచలనం సృష్టించాడు. పేరుకు కార్తీక్ తమిళ హీరో అయినా, వరుసగా తెలుగు చిత్రాలలో నటించాడు. అన్వేషణ, అభినందన వంటి చిత్రాలను ఆడియెన్స్ అంత తేలికగా మర్చిపోలేరు.

అయితే అందరూ టాప్ హీరో అవుతాడని భావించిగా, కార్తీక్ కెరీర్ పతనం అయ్యింది. ఆ తరువాత చాలా ఏళ్ల పాటు ఇండస్ట్రీకి దూరం అయ్యారు. ఇటీవలే సెకండ్ ఇన్నింగ్స్ మొదలుపెట్టి, విలన్ గా ఇప్పుడిప్పుడే బిజీ అవుతున్నాడు. అయితే కార్తీక్ కెరీర్ పతనం అవడానికి కారణం ఏమిటో ఇప్పుడు చూద్దాం.. సినిమాల్లో చాలా ట్విస్టులు చూస్తుంటాం. కొన్నిసార్లు నిజ జీవితంలో దానికన్నా ఎక్కువ ట్విస్టులే ఊహించని విధంగా  వస్తుంటాయి. దానితో ఎక్కడో ఉండాల్సిన జీవితం మారెక్కడీకో మారుతుంది. సీనియర్‌ హీరో కార్తీక్‌ లైఫ్ కూడా ఇలాంటిదే.  సౌత్‌లో వందకు పైగా చిత్రాలలో నటించిన కార్తీక్ టాప్ హీరోగా కొనసాగుతాడని అంతా భావించారు. కానీ ఇండస్ట్రీకి  దూరం అయ్యారు. కార్తీక్ అసలు పేరు మురళి కార్తికేయన్‌ ముత్తురామన్‌. ఆయన తండ్రి కోలీవుడ్ లో గొప్ప యాక్టర్ ఆర్‌ ముత్తురామన్‌. మచ్చలేని మనిషిగా పేరు గాంచారు.నటనను తండ్రి నుండి వారసత్వంగా పొందిన కార్తీక్ భారతీరాజా దర్శకత్వం వహించిన అలైగళ్‌ ఒవతిల్లై అనే మూవీతో 1981లో కోలీవుడ్ లో హీరోగా ఎంట్రీ ఇచ్చాడు. ఆ మూవీ భారీ విజయాన్ని సాధించింది. కార్తీక్‌ లుక్స్‌, నటన మెచ్చిన దర్శకులు తమ చిత్రాలలో నటించమని వెంటపడ్డారు. అలా అతి తక్కువ టైమ్ లోనే  తమిళ ఇండస్ట్రీలో స్టార్‌ హీరోగా ఎదిగాడు. సీతాకోక చిలుక మూవీ తెలుగులో ఎంట్రీ ఇచ్చాడు.
ఆ తరువాత అన్వేషణ, గోపాలరావు గారి అబ్బాయి, అభినందన లాంటి సినిమాలతో తెలుగు ఆడియెన్స్ కు దగ్గరయ్యాడు. తమిళంలో సంవత్సరానికి 8-10 చిత్రాలలో నటిస్తూ బిజీగా ఉండటంతో కార్తీక్ తెలుగులో ఎక్కువగా నటించలేకపోయాడు. అయినా తెలుగులో తక్కువ సినిమాలే చేసినా హీరో కార్తీక్‌ పెద్ద సంఖ్యలో అభిమానులు ఉన్నారు. అభినందన మూవీకి నంది స్పెషల్‌ జ్యూరీ అవార్డు కూడా అందుకున్నాడు. కోలీవుడ్ లో స్టార్‌ హీరోగా పేరుతెచ్చుకున్న తరువాత నుండే  కార్తీక్‌ కెరీర్ పడిపోవడం మొదలైంది అంటారు.
కార్తీక్ తరచూ ఎవరో ఒక హీరోయిన్‌తో ఎఫైర్‌ పెట్టుకున్నట్టుగా వార్తలు వినిపించేవి. ఈ క్రమంలో హీరోయిన్‌ రాగిణిని ప్రేమ వివాహం చేసుకున్నాడు. వీరికి గౌతమ్‌ కార్తీక్‌, జ్ఞాన్‌ కార్తీక్‌ ఇద్దరు పిల్లలు. అయితే ఆ తరువాత టం ఇంట్లోనే ఉంటున్న భార్య చెల్లెలు రతితో ఎఫైర్‌ పెట్టుకున్నట్లుగా, రతి ప్రెగ్నెంట్ అని అప్పట్లో వార్తలు వినిపించాయి. ఆ తరువాత రతిని రెండవ వివాహం చేసుకున్నాడు. దాంతో కార్తీక్ పై తీవ్రమైన  విమర్శలు వచ్చాయి. కార్తీక్‌పై అతని తోబుట్టువులు  కేసు వేశారు. తండ్రి ముత్తురామన్ ఆస్తులలో తమ హక్కును కోరుతూ కేసును వేశారు.
ఆ సమయంలో కార్తీక్ సినిమాల పై దృష్టి పెట్టలేకపోయాడు. అది కూడా ఒక కారణం. కార్తీక్ షూటింగ్ స్పాట్‌ ఆలస్యంగా రావడం అలవాటు, దాంతో నిర్మాతలు తీవ్ర ఇబ్బందులు పడ్డారు. అతని వల్ల రమేష్ కన్నా అనే దర్శకత్వం వహించిన తొలి మూవీ ఇప్పటికీ రిలీజ్ కు నోచుకోలేదు. చాలా మందికి తెలియని విషయం ఏమిటంటే కార్తీక్ ఆల్కహాల్ మరియు డ్రగ్స్ కు బానిస. ఈ చెడు వ్యసనాల వల్లే తన కెరీర్‌ పతనం అయ్యిందని స్వయంగా కార్తీక్ ఒక  ఇంటర్వ్యూలో పేర్కొన్నారు.

Also Read: “చిరంజీవి” నుండి… “షారుక్ ఖాన్” వరకు… ఘోరమైన “ఫ్లాప్” తర్వాత కంబ్యాక్ ఇచ్చిన 8 హీరోస్..!

భారతీయ సినీ పరిశ్రమలో ప్రస్తుతం నెంబర్ వన్ ఇండస్ట్రీ టాలీవుడ్. గత 2-3 ఏళ్ల నుండి బాక్స్ ఆఫీస్ వద్ద ఎక్కువ కలెక్షన్స్ సాధిస్తోంది తెలుగు సినిమాలే. ఈ ఏడాది అలా మొదలవగానే 5 చిత్రాలకు పైగా సూపర్‌హిట్ అయ్యాయి. బాక్సాఫీస్ దగ్గర సూపర్‌హిట్ సినిమాల పరంగా ఈ 2023లో తెలుగు ఇండస్ట్రీ ఇప్పటికే మిగతా ఇండస్ట్రీల కన్నా ముందుంది.

అయితే ఈ ఏడాది పలువురు హీరోలు సూపర్ హిట్ సినిమాలతో స్ట్రాంగ్ కం బ్యాక్ ఇచ్చారు. వాళ్లెవరో ఇప్పుడు చూద్దాం..

#1 చిరంజీవి

మెగాస్టార్ చిరంజీవి, మాస్ మహారాజ ర‌వితేజ హీరోలుగా వచ్చిన వాల్తేర్ వీర‌య్య సినిమా సంక్రాంతికి విడుదలై 230 కోట్ల‌కు పైగా క‌లెక్ష‌న్స్ వసూల్ చేసింది. ఈ చిత్రం బ్లాక్ బస్టర్ హిట్ కొట్టి, సంక్రాంతి విజేతగా నిలిచింది.

చిరు నటించిన గత చిత్రాలు సైరా, ఆచార్య, గాడ్ ఫాదర్ చిత్రాలకు ఆశించిన ఫలితం రాలేదు. దీంతో ఈ ఏడాది వాల్తేరు వీరయ్య తో సూపర్ హిట్ కొట్టాడు చిరు.

#2 విజయ్

కోలీవుడ్ స్టార్ హీరో దళపతి విజయ్, రష్మికా మందన్న జంటగా నటించిన వారసుడు మూవీ సంక్రాంతి కానుకగా జ‌న‌వ‌రి 14న రిలీజ్ అయ్యింది. ఈ చిత్రానికి టాలీవుడ్ డైరెక్టర్ వంశీ పైడిపల్లి దర్శకత్వం వహించారు. కోలీవుడ్ లో సూపర్ హిట్ అవగా, తెలుగులో బ్రేక్ ఈవెన్ సాధించి క్లీన్ హిట్ గా నిలిచింది.

ఈ చిత్రానికి ముందు విజయ్ నటించిన బీస్ట్ చిత్రం ప్లాప్ అయ్యింది. దీంతో ఈ చిత్రం తో స్ట్రాంగ్ కం బ్యాక్ ఇచ్చాడు విజయ్.

#3 ధనుష్

2021 లో సెల్వరాజ్ దర్శకత్వం లో వచ్చిన కర్ణన్ మూవీ తర్వాత ధనుష్ నటించిన చిత్రాలు అన్నిటికి యావరేజ్ రిజల్ట్ వచ్చింది. ఇక తాజాగా వెంకీ అట్లూరి దర్శకత్వం లో వచ్చిన సర్ మూవీ తో సూపర్ హిట్ కొట్టాడు ధనుష్. ఆ తర్వాత తిరు సినిమాతో హిట్ కొట్టారు. కానీ సర్ సినిమా మాత్రం తిరు సినిమా కంటే కూడా చాలా పెద్ద హిట్ అయ్యి ధనుష్ ఎంత పెద్ద హీరో అనేది మరొకసారి నిరూపించింది.

#4 నాని

‘శ్యామ్ సింగ రాయ్’ తర్వాత నాని చేసిన ‘అంటే సుందరానికి’ మూవీ ప్లాప్ అయ్యింది. ఇక ఈ ఏడాది కొత్త దర్శకుడు శ్రీకాంత్ ఓదెల తెరకెక్కించిన ‘దసరా’ తో హిట్ కొట్టాడు నాని.

#5 కిరణ్ అబ్బవరం

తన రెండో సినిమా ‘ఎస్ఆర్ కల్యాణ మండపం’ తర్వాత కిరణ్ కి సరైన హిట్ రాలేదు. ఈ ఏడాది వచ్చిన వినరో భాగ్యము విష్ణు కథ మూవీ బాక్స్ ఆఫీస్ దగ్గర హిట్ గా నిలిచింది. కానీ ఆ తర్వాత వెంటనే వచ్చిన ‘మీటర్ ‘మూవీ ప్లాప్ అయ్యింది.

#6 షారుక్ ఖాన్

గత అయిదేళ్లుగా బాలీవుడ్ బాద్షా షారుక్ ఖాన్ కి హిట్ లేదు. ఇక ఈ ఏడాది వచ్చిన పఠాన్ మూవీ తో సూపర్ హిట్ కొట్టి కం బ్యాక్ ఇచ్చాడు.

#7 సాయి ధరమ్ తేజ్

‘రిపబ్లిక్’ మూవీ ప్లాప్ అయిన తర్వాత ఆక్సిడెంట్ కావడం తో దాదాపు 2 ఇయర్స్ గ్యాప్ తీసుకొని ‘విరూపాక్ష’ తో ప్రేక్షకుల ముందుకి వచ్చాడు సాయి ధరమ్ తేజ్. ఈ మూవీ సూపర్ హిట్ అయ్యింది.

#8 అల్లరి నరేష్

నాంది వంటి సూపర్ హిట్ తర్వాత అల్లరి నరేష్ కి సరైన హిట్ రాలేదు. అయితే తాజాగా రిలీజ్ అయిన ఉగ్రం మూవీ తో హిట్ కొట్టాడు అల్లరి నరేష్.

సినిమాల విషయంలో ప్రేక్షకుల అభిప్రాయం గత కొద్ది కాలంగా చాలా డిఫరెంట్ గా ఉంటుంది. కాన్సెప్ట్ నచ్చితే చాలు అది ఏ జోనర్ చిత్రమైన విపరీతంగా ఆదరిస్తున్నారు. ముఖ్యంగా చాలామంది ఇంటి వద్దనే సుఖంగా కూర్చుని ఓటీటీలో డిఫరెంట్ జోనర్స్ కు సంబంధించిన సినిమాలు, వెబ్ సిరీస్ చూడడానికి ఉత్సాహం చూపిస్తున్నారు. ఇది అర్థం చేసుకున్న డైరెక్టర్స్ కూడా విభిన్నమైన కాన్సెప్ట్స్ తో చిత్రాలను తెరకెక్కిస్తున్నారు.

ఇలా టైం ట్రావెలింగ్ నేపథ్యంలో తెరకెక్కిన సరికొత్త కాన్సెప్ట్ చిత్రం 7:11 PM అప్పుడే ఓటీటీలోకి వచ్చేసింది.
తెలుగులో సైన్స్ ఫిక్షన్, టైం ట్రావెల్ కాన్సెప్ట్ తో వచ్చిన సినిమాలు చాలా తక్కువ అని చెప్పవచ్చు.ఆదిత్య 369, సూర్య 24, ప్రశాంత్ వర్మ అ!, ఒకే ఒక జీవితం, బింబిసార.. ఇలా టైం ట్రావెల్ కాన్సెప్ట్ తో వచ్చిన చిత్రాలలో చాలా వరకు సక్సెస్ సాధించాయి. ఇదే నేపథ్యంలో జూలై 7న ప్రపంచవ్యాప్తంగా విడుదలైన 7:11 PM సినిమా మిశ్రమ ఫలితాన్ని సొంతం చేసుకుంది.

ఆకట్టుకునే అంశాలు ఉన్నప్పటికీ కూడా ఈ చిత్రానికి ఓవరాల్ గా మిక్స్డ్ టాక్ వచ్చింది. ఈ మూవీకి సంబంధించి ఓటీటీ స్ట్రీమింగ్ గురించి కూడా ఎటువంటి ప్రకటన రాలేదు. ఈ నేపథ్యంలో సడన్గా ఇప్పుడు ఇది అమెజాన్ ప్రైమ్ లో స్ట్రీమింగ్ సిద్ధమైంది అన్న వార్త వైరల్ అయింది. కొన్ని సినిమాలు స్క్రీన్ పైన పెద్దగా ఆడకపోయినా ఓటీటీ లో మాత్రం మంచి రెస్పాన్స్ తెచ్చుకుంటాయి. మూవీ కూడా అదే కేటగిరీకి వస్తుంది అని పలువురు ఆశిస్తున్నారు.

బ్యాక్ టు బ్యాక్ సినిమాలను అనౌన్స్ చేస్తూ పవన్ కళ్యాణ్ బిజీగా ఉంటున్న సంగతి తెలిసిందే. ఓ వైపు రాజకీయాలు, మరో వైపు సినిమాలతో పవన్ తీరిక లేకుండా పని చేస్తున్నారు. ఇటీవల ఆయన పుట్టిన రోజు సందర్భంగా ఆయన నటిస్తున్న సినిమాల నుంచి అప్ డేట్స్ వచ్చాయి. అలాగే.. ఓజి సినిమా నుంచి కూడా గ్లిమ్ప్స్ అప్ డేట్ వచ్చిన సంగతి తెలిసిందే. ఓజి సినిమాలో పవన్ కళ్యాణ్ గ్యాంగ్ స్టర్ గా నటించబోతున్నారని తెలుస్తోంది. అయితే.. ఈ సినిమా స్టోరీ గురించి కూడా ఓ వార్తా వైరల్ అవుతోంది.

పవన్ కళ్యాణ్ తన రాబోయే చిత్రం ‘OG’ కోసం ఆయన అభిమానులు కళ్ళు కాయలు కాచేలా ఎదురు చూస్తున్నారు. ఈ క్రమంలో ఈ సినిమా గురించిన వార్తలు కూడా ఓ రేంజ్ లో గుప్పుమంటున్నాయి. ఈ సినిమా స్టోరీ లైన్ ఒకటి నెట్టింట్లో హల్ చల్ చేస్తోంది. దీని ప్రకారం, ఓ సామాన్య కుర్రాడు అనుకోకుండా ముంబై వచ్చి గ్యాంగ్ స్టర్ అవుతాడు. ఆ తరువాత అతను చాలా క్రైమ్స్, మాఫియా కేస్ లలో ఇన్వాల్వ్ అవ్వాల్సి వస్తుంది.

ఈ క్రమంలో అతను తన ఫ్యామిలీని కూడా కోల్పోతాడు. తన ప్రతీకారాన్ని తీర్చుకోవడానికి డ్రగ్స్ మాఫియా మొత్తాన్ని ఎలా అంతం చేస్తాడు? అన్న కథాంశంతో ఓజి రూపొందుతోంది అని టాక్. దీనిపై నెటిజన్స్ “రామ రామ కృష్ణ కృష్ణ” సినిమాలో అర్జున్ స్టోరీ లా ఉంది ఏంటి అంటూ కామెంట్స్ చేస్తున్నారు. ఈ సినిమాలో అర్జున్ హీరోయిన్ కు బ్రదర్ గా నటించిన సంగతి తెలిసిందే.

కొంతమంది నటులు చిరకాలం గుర్తుండిపోతారు. వారి యొక్క నటన, చేసిన పాత్రలు ఎప్పటికీ మర్చిపోలేము. అలాంటి వాళ్ళలో హాస్య నటుడిగా గుర్తింపు తెచ్చుకున్న నగేష్ ఒకరు.

అయితే నగేష్ జీవితంలో జరిగిన ఘటన చూస్తే ఇండస్ట్రీలో ఈగో ఎలా ఉంటుంది అనేది మనకి తెలుస్తుంది. ఈయనకి సినీ ఇండస్ట్రీలో అవకాశాలు రాక ముందు రైల్వే లో పని చేసేవారు.

కానీ చిన్నప్పటి నుండి నటన అంటే బాగా ఇష్టం. ఆ ఇష్టంతోనే నాటకాల్లో వేషాలు వేసేవారు. ఆ అనుభవంతోనే సినిమా రంగంలోకి రావాలని అనుకునేవారు. చాలా ఇబ్బందులు ఎదుర్కొని తమిళ సినిమా రంగంలోకి నగేష్ అడుగు పెట్టడం జరిగింది. చిన్నచిన్న పాత్రలు చేసి మంచి నటుడిగా ఎదిగారు నగేష్.

ఎలాంటి సినీ బ్యాక్ గ్రౌండ్ లేకుండానే ఇండస్ట్రీలోకి ఆయన రావడం జరిగింది. అలా తాను ఇండస్ట్రీలో నిలబడ్డారు. అయితే అదే సమయంలో తమిళ స్టార్ హీరో ఎంజిఆర్ మరియు నగేష్ మధ్య కొన్ని మనస్పర్ధాలు జరిగాయి. ఎంజీఆర్ సెట్ లోకి రావడం.. నగేష్ లేచి నిలబడక పోవడం దీనికి కారణం. నగేష్ లేవకపోవడంతో ఎంజీఆర్ ఇగో బాగా హర్ట్ అయింది. దీనితో దర్శకనిర్మాతలకు నగేష్ కి సినిమా అవకాశాలు ఇవ్వొద్దని ఆయన చెప్పారు.

దీనితో ఆయనకు అవకాశాలు రాలేదు. తర్వాత నగేష్ తెలుగు సినిమాల్లో నటించడం మొదలు పెట్టారు కమల్ హాసన్ తో ఈయనకి మంచి బంధం ఉండేది. దాని కారణంగా మళ్లీ తమిళంలో అవకాశాలు వచ్చాయి. ఆ తరవాత నగేష్ తన కొడుకుని తీసుకువచ్చి హీరోగా చేయాలని కూడా అనుకున్నారు. ఆర్థిక ఇబ్బందులు కూడా ఈయనకి రావడం, థియేటర్ ట్యాక్స్ కట్టలేకపోవడం జరిగాయి. అప్పుడు ఎంజీఆర్ సీఎం గా ఉన్నారు. నగేష్ కి ఉన్న థియేటర్ టాక్స్ కట్టలేకపోవడంతో ఆయనని జైలుకు పంపించారు.